قناة خطباء المنبر الحسيني للقصائد

يَا يُمَّه شُو خَالِي الْمَهَدْ.....وِعْيُونِي بِفْرَاگَكْ تِهِلْ
رِيتَه انْگِطَعْ نَحْرِي وَلَا...گِطْعَوْ نَحَرْ أَجْمَلْ طِفِلْ
-------------------------------------
نَحْرَكْ تَرِفْ مَا حَسَّبِتْ......يِتْصَوَّبِ بْحَرِّ النَّبِلْ
شِلَّه وْيَه نَحْرَكْ حَرْمَلَه...فَگْدَكْ أَلَمْ مَا يِنْحِمِلْ
-------------------------------------
رَاحَ ابْگَه لِغْيَابَكْ أَوِنْ...حَدْ مَا أَمُوتِ وْمَا أَمِلْ
وَاتْمَنَّه لُو طِيفَكْ يِمُرْ.....تَالِي وَاشُوفَنَّكْ عَدِلْ
-------------------------------------
عَبْدَ الله بَاچِرْ أَنْسِبِي...چَتَّالَكِ يْشِدْنِي بْحَبِلْ
يِتْشَمَّتِ بْحَالِي وِسَفْ.....لَمَّنْ أَرُوحَنْ عَالْهِزِلْ
-------------------------------------
يَالْفَطَّرِ شْفَاكِ الْعَطَشْ.........وِشْمَا يِرَاوِينِي النَّذِلْ
گْبَالِ الْجَرَالِي بْطِيحِتَكْ...يُبْگَه يَضَيْ عِينٍي سَهِلْ
-------------------------------------

#الرضيع
#محرم_١٤٤٦هج
حسن خنافر العاملي

تمت المشاركة من تطبيق: خطباء المنبر الحسيني

#الرضيع
#نعي #ليلة_الطفل_الرضيع
#بلحن #طور_المعاتيقي
#عاشورائيات

شَسُولِفلَك يا بو الاكبر
وانا طفلك بچيت هْواي
وِنيني بحِضنك تْفَسّر
طفِل الِحسين يِريد الْماي

حَسْبالي أَسولِفلَك
مِثِل عيسى بْحضن أمه
عسنّي گِلّك بْعاشور
شِنو ل يجري يا بو اليمة

يِهِل دمعي عَلى لْ يِجري
ي بويه بْكربلا وتِدري
صِغِر سني وِسَف ما راد
لِساني ينطق بْصغري

وْحتى لو چنت ويّاكْ
لأمرَكْ سلّمِت أمري
وقبل ما تِنحَرَكْ الِسْهامْ
نِحَر سهمِ الغدِر نحري

أنا يا بويه لَكْ فِدوة
وعمري بْلاكْ ما يِسوى
ظمايِ لْ چان فِداكْ وصار
ظمايِ بْدَمعَكِ تْروّى

زينب كل مصايبها
تَره بالنّوح كاتِبها
بِدَت لمّا رَحَل عبّاسْ
وْلَعينِ بْسوطَه يِضرِبها

مصايِب تِدري قصّتها
ودموعِ النّاس روِّتها
لُ مُصايِب نِندِبه بْعَشرة
عظيمة بْساعة شافِتها

#حوراءنصرالله

#الرضيع

يَا سَهْمِ الْمُوتْ...وِبْرُگُبْتَه...مِنْ ضُرَبْتَه...مِنْ ضُرَبْتَه
يِصْرَخْ عَطْشَانْ...مَا سِمَعْتَه...مِنْ ذِبَحْتَه...مِنْ ذِبَحْتَه
----------------------
عَبْدَ الله شُوفَه...رَفْرَفْ چُفُوفَه...لَمَّنْ طُفَحْ نَحْرَه وِتْلَگَّه لِحْسِينْ
ضَمَّه وْتِبَسَّمْ....وِتْفَايَضِ الدَّمْ...عَايَنْ أُبُوهِ وْمَاتْ مَا غَمَّضِ الْعِينْ
گَلْبَكْ مَا لَانْ...مِنْ فُطَمْتَه...وْمَا رُحَمْتَه...وْمَا رُحَمْتَه
إِبْنِي الْمَذْبُوحْ...آنَه شِفْتَه...حَمْرَه جِثْتَه...حَمْرَه جِثْتَه
-----------------------
بْهَايِ الْجِنَايَه...هْوَايَه الضَّحَايَه...حْسِينِ وْرَضِيعَه وْأُمْ كِلْهَه بْرُگُبْتَكْ
گِلِّي شْذَنِبْنَه...تِرْمِي گَلُبْنَه...هَا يَالْمُثَلَّثْ لِيشْ سَاكِتْ نِشَدْتَكْ
شِنْهِي الْأَسْبَابْ...تِرْمِي نَحْرَه...بْهَاذَه عُمْرَه...بْهَاذَه عُمْرَه
مَا شِفْتَه شْلُونْ...صَدْرَه جَمْرَه...ظَامِي ثَغْرَه...ظَامِي ثَغْرَه
-----------------------
آنَه شْبِدَيَّه...صَبْرِچْ عَلَيَّه...عَبْدَ الله هُوَّه اخْتَارْ هَايِ الْمِنِيَّه
قَرَّرْ مَمَاتَه...قَدَّمْ حَيَاتَه...فِدْوَه لْغَرِيبِ الطًّفْ شِبْلِ الزِچِيَّه
كِلْ هَمَّه حْسِينْ...يُبْگَه سَالِمْ...لِلْفِوَاطِمْ...لِلْفِوَاطِمْ
خَلَّدْ ذِكْرَه...وْيَه الْهِوَاشِمْ...بِالْمَآتِمْ...بِالْمَآتِمْ
-----------------------

#محرم_١٤٤٥هج
حسن خنافر العاملي

#محرم
#الرضيع_ع


بليل طلعت تنشد اعله اوليدها
ظلمه وأتدور الرضيع أبأيدها
---
اشتاگت العبدالله من صار الضلام
حرمه تبچي وگاعده بلايه خيام
صاحت اوليدي تعال بحضني نام
جروحي يبني ارجوك كافي اتزيدها
----
بليل راحت والمدامع هامله
تدوّر اعله وليدها بطف كربله
الدنيه ظلمه شلون چا توصل
اله روح امك يبني چا متريدها
----
تصيحله من منحرك رِد ليّه صوت
رد عليّه خافن اخلافك اموت
يبني لا تكتلني ابهذا السكوت
وضحكتك وياي ريت اتعيدها
----
ويلي لن لزمت طفل ما عنده راس
لطمت اعله الوجه صاحت ها يناس
ليش من اوليدي ماخذني الأياس
امك بذبحك تفرهد عيدها
----
بالحضن خلّت طفلها وضل تنوح
ياجروح البعد مثلچ ياجروح
والله لو بيدي انه انطيتك الروح
بدال روحك روحي كون تفيدها
---
الشاعر محمد حسن ضيغم

#الرضيع
#ليلة_الرضيع


شهادة عبد الله الرضيع (عليه السلام)

والخطب الأفضع يوم يُذبح الرضيع بسهم من الوريد الى الوريد، فترك هذا المصاب غُصَّة في قلوب آل محمد (صلوات الله عليهم).
فعن المنهال بن عمرو، قال دخلتُ على علي بن الحسين (عليهما السلام) منصرفي من مكة فقال لي : (يا منهال، ما صَنَعَ حرملةُ بن كاهلة الأسدي؟) فقلت تركته حيَّاً بالكوفة، فرفع يديه جميعاً، فقال : (اللهم أذِقْهُ حرَّ الحديد، اللهم أذِقْهُ حرَّ الحديد، اللهم أذِقْهُ حرَّ النار)(١)
ذلك الطفل الذي يقول فيه مولانا صاحبُ الأمر (عليه السلام) : (السّلام على عبد الله الرضيع ، المَرمي الصريع المتشحِّطِ دماً ، والمُصَّعَدِ بدمه إلى السّماء ، المذبوحِ بالسَّهم في حِجْرِ أبيه ، لَعَنَ اللهُ راميه حرملةَ بن كاهل الأسدي وذويه)(٢) .
يقول السيد عبد الحسين شرف الدين : ويغلبُ على الظَّن أنَّ غرض الحسين من هذا العمل ـ وهو حمل الرضيع وتقديمه للقوم وطلبه منهم أنْ يُسقوه ماءً ـ هو تفهيم العالم بشدة عداوة بني أمية لبني هاشم، وأنّها إلى أي درجة بلغت، ولا يظن أحدٌ أنَّ يزيد كان مجبوراً على تلك الإقدامات الفجيعة لأجل الدفاع عن نفسه، لانَّ قتل الطفل الرضيع في ذلك الحال بتلك الكيفية ليس هو إلاّ توحش وعداوة سبعية منافية لقواعد كلِّ دين وشريعة"(٣)
يقول السيد المقرم : دعا بولده الرضيع يودّعه ، فأتته زينب بإبنه عبد الله، واُمُّه الرباب، فأجلسه في حِجره يُقبِّله ويقول : (بُعداً لهؤلاء القوم إذا كان جدُّك المصطفى خَصْمَهم )، ثمّ أتى به نحو القوم يطلب له الماء ، فرماه حرملة بن كاهل الأسدي بسهم فذبحه.
فتلقّى الحسين (عليه السلام) الدم بكفّه ، ورمى به نحو السّماء . قال الإمام الباقر (عليه السلام) : (فلَم تسقط منه قطرة ).

تلگه احسين دم الطفـــل بيده
شحاله اليجتل ابحضنه اوليده
شاله وترس جفه من وريـده
وذبه للسمه وللگــاع ما خــــر

ثمّ قال الحسين (عليه السلام) : (هوّن ما نَزَلَ بي أنّه بعين الله تعالى ، اللهمّ لا يكون أهونَ عليك من فصيل ، إلهي إنْ كنت حبستَ عنّا النّصر فاجعله لِما هو خير منه ، وانتقمْ لنا من الظالمين واجعلْ ما حلَّ بنا في العاجل ذخيرةً لنا في الآجل اللهمَّ أنت الشاهدُ على قومٍ قتلوا أشبهَ النّاس برسولك محمّد صلّى الله عليه وآله).

يا بويه بمصابك حرت والسهم شل لساني
أمك وعمــتك والحرم بالخـــيم كلها اتاني
حسبالهن ماي اشربت من جبتك العدواني
وين أخفي دمك لو اجن لو سكنه تتلگاني

سهم المصوّب منحرك نابت تراه ابگلبي
يا بويه ما شوف الدرب ضيعت سجة دربي
گلي صابوك بيا ذنب لو صوبوك بذنبي
ماي وتبــده اعلى الارض يبني وبعد شيلمك

وسمع (عليه السّلام) قائلاً يقول : (دَعه يا حسين ، فإنّ له مُرْضِعَاً في الجنّة) ثمّ نزل (عليه السّلام) عن فرسه وحفر له بجفن سيفه ودفنه مرمّلاً بدمه وصلّى عليه ، ويقال وضعه مع قتلى أهل بيته(٤) .

وكلُّ رَضيعٍ يَبتَغِي ثَديَ أمّـِهِ
ويرضَـعُ مِن ألبانِها ثُمّ يُفطَـمُ
سوى أنَّ عبدَ اللهِ كان رضاعه
ُدِمَاهُ وَغَذَّتهُ عن الـــدُرِّ أَسهُمُ
_
(١) أمالي الطوسي ص : ٢١٢
(٢) إقبال الأعمال ص: ٤٩
(٣) المأتم الحسيني للسيد عبد الحسين شرف الدين ص : ١٠٣
(٤)مقتل الإمام الحسين عليه السلام للسيد المقرم ص : ٢٨٥ _ ٢٨٧


مراثي الاطهار عليهم السلام

#الرضيع
#ليلة_الرضيع
#شهادة_الرضيع(ع)

قصيدة عمودية:

لم أنس إذ ناديتَ في الأعداءِ
"من ذا يقدِّمُ قطرةً من ماءِ!"

و الطفلُ بين يديك ذبّلهُ الظما
و الموتُ لاحَ بهيئةِ الإغماءِ

إنّي حضرتُ بكربلا و شهدتُ ما
أبكاك يا جدّي من الأرزاءِ

و لِما رأيتُ بقيتُ أذرفُهُ دمي
إذ حقَّ أن أجري عليكَ دمائي

إنّي رأيتُ رضيعَكَ الطِّفلَ الّذي
جفَّت ملامِحُهُ من الإظماءِ

و رأيتُ عطفَكَ بالرِّدا ظلّلتَهُ
يا ليتني ظلَّلتُهُ بردائي

والله لا أنساكَ حين رفعتَهُ
حيثُ الظما كالجمر في الأحشاءِ

و إذا بسهمٍ من لعينٍ جاءَهُ
فمضى ليلقى عُصبَةَ الشهداءِ

لهفي عليه و قد تفجرت الدما
من نحره و لذاك طال بكائي!

و إذا ظهرتُ غدًا سأطلب ثاره
و بكربلاء غدًا يكونُ ندائي

ما ذنبُ "عبدالله" يُدمى نَحرُهُ؟!
ما الذنبُ لِمْ لَمْ يُسقَ عذبَ الماءِ !

يا جدُّ يومَ الثأر أجمعُ شيعتي
و عليكُمُ معهم أقيمُ عزائي



#عظم_الله_أجوركم ◾️

فاطمة رزق

#الرضيع
#ليلة_الرضيع
#شهادة_الرضيع (ع)

جفيري:

مَرّه أخيره يالولَد
خلّيني اْهِز بيك المَهَد
أشعُر مَتِرجَعلي بَعَد
يالعُمري فِدوَه لْضِحكِتَك

يالتِّمشي عَنّي مْنِ الزُّغُر
عْلى مْصابَك شلون الصَّبُر!
خلّيني اْضُمّك للصَّدُر
خلّيني اْقَبِّل وَجنِتَك

نَحرَك مَيِتحَمَّل سَهَم
و گلبَك زِغير عْلى الألَم
شْلون عْلى صَدرَك يِجري دَم!
مَتْحَمَّل آنه ذَبْحِتَك

خَلّيني اْشيلَك عالإدين
يابني و يَضَيْ عين الحُسين
وين آنه صير و إنته وين!
أوّل مُصابي مْصيبِتَك

آنه امَّك و إسمي الرّباب
بعدك أعيش اكبر عذاب
تدري يِسِلبوني الحجاب
وْ يِسبوني وَيَّه عمِّتَك


#عظم_الله_أجوركم ◾️

فاطمة رزق

#الرضيع
#ليلة_الرضيع

ابوذيه ونعي لمولاي عبدالله الرضيع عليه السلام .. لسان حال مولاتي الرباب عليها السلام 😭😭

🏴🏴

ابو ذيه


يالغافي بحضن گلبي ورابي
اعاين لرمح راسك ورابي
المح من بُعد وجهك ورابي
سمار الشمس يبني شلون بيّه

🏴🏴

راسك وين دوّرته وشفتك
عيونك يبني ذبلانه وشفتك
مدلل والهوی اليچوي وشفتك
الي ياهو اليجيبك هل مسيه

🏴🏴

نعي

ياترف يل ماتحمل الحر
وينك او وين النوم بالبر
لونك حلو شو صلير اسمر
جوعان اظنك صدري هل در

🏴🏴

يمه عبد راسك گبالي
هذاك شفته برمح عالي
وين الگه من يرحم بحالي
يجيبك الي ويرتاح بالي

🏴🏴

بلهيمه يمه والوكت ليل
مايصلح لنوم المداليل
خوفي ييمه تصهل الخيل
وتجفل يروحي ورمحك يميل

🏴🏴

خالي المهد عبدالله يمه
من عگب عينك وين اضمه
گماطك يبعد امك بدمه
كل ساعه ياعبدالله اشمّه

🏴🏴

لا حول ولا قوة الا بالله العلي العظيم


ام محمد الحجاج

#الرضيع
#ليلة_الرضيع

اه ياوضع الرباب شگد عجيب
حتى صم الصخر ونتها تذيب
.........
ارجوك كافي نوم يبني يالولد
صرت محتاره واهزن بالمهد
اشخله عندي الدهر يوليدي بعد
در يعبد الله يشمامه الحليب
..........
يبني ليلي مساهره وعيني تصب
وانه ويه النوم يمدلل حرب
غطاك سافي الريح
وافراشك ترب
عفت حظني ليش گلي يالحبيب
...........
گوم يبني خل احطك بالحظن
عيني تغفه وهم اسلهم لاتظن
ساعه انعه عليك
ساعه بچي واون
اخذ الليل عله هل حاله واجيب
..........
احرگت گلبي وانه ماخذني الكبر
ومن بعد عينك بعد راح العمر
گلبي عل فرگه غده مثل الجمر
شما يدگ دگه احسنها لهيب
...........
ماحسبت حساب اشوفنك ذبيح
عفت مهدك عل ترب دامي طريح
ابدال حظن امك يسوولك ضريح
الحمدلله وياي شح بيك النصيب
............
ياصبي عيني وضواي بدنيتي
تكبر واگعد بظلك مُنيتي
ظاعت احلامي ييمه وحسبتي
ياگمر عجَّل عليّه بالمغيب
..........
صعبه ساعات المسه اعله الوالده
تبقى خلف الباب تنطر گاعده
شحالها تكون الوحيده الفاجده
كل مسيه براسها يزيد المشيب
..........
يبني گوم افديك روحي الرايحه
علي گبلك ريت ناحت نايحه
مدهونه امك عليك وطايحه
وبعد ماينفع دوه الها وطبيب
........
شاب راسي وظهري هل يوم انحنه
ليله وحده بلاولد چنها سنه
سلوه لمه بالعمر تدري الظنه
الگلب گبل العين لبنيها رقيب
...........
شلون اعوفك وامشي عنك مو سهل
مچتفه بحبال وعيون اتهمل
لو عليكم مرو اعداك الزمل
وتظل بعد امك يعبد الله غريب
...........
شما اوصف حالها شكتب قليل
حمل ليل الفاجده كلش ثجيل
خلّصت باجي العمر دگ وعويل
فوگ ابنها حسين خلته سليب
................
ش عبدالامير المنصوري

#الرضيع

في ليلة 10 محرم
على لسان السيدة الرباب (ع)

لا مو حلو اعليك الموت
اتنام ابمهد مو تابوت

عبدالله يبني يالولد
بعدك صبح خالي المهد
&&&&&

عبدالله يبني الذبح مو للترفين
بالسهم كطعوا نحرك او دمك ساح

يوليدي ورده جان أبوك ايسمِّيك
ابجف لازم انته تنقطف مو بـ ارماح

إلسهم من كطَّع نحر ينزف ياس
بالركبه ما شاف النبي الهادي لاح

يوليدي شو مالك صوت
اتنام ابمهد مو تابوت

يالشوفك ابطعم الشَّهَد
بعدك صبح خالي المهد
&&&&&

عبدالله راسه ازغير كد جف الإيد
بس المصيبه ارماحهم كلها اكبار

يرضع رمح و ايموت ما شاف النوم
إلركبه ترفه و السهم كلش حار

معروفه للرضَّع يفصلون اكماط
بس هوه عبدالله ابدِمَه امكمَّط صار

ابدال العَذِب سهم ايفوت
اتنام ابمهد مو تابوت

ودَّعتَكَ الله يا ضُمَد
بعدك صبح خالي المهد
&&&&&

إلسهم يكطع لك نحر يبني ليش ؟!
يالنحرك امن الهوه أترف ابهواي

نحرك شفت ينزف ضُوه موش ادموم
و الورد ينحب شفته عبدالله اوياي

إلعلكمي من شاف كلبك عطشان
يا ويلي ناده و انكِسر كلب الماي

كلبي اعله وضعك مفتوت
اتنام ابمهد مو تابوت

من إيدي ضَيَّعْت السَّنَد
بعدك صبح خالي المهد
&&&&&

نايم على التربان يا وجه الخير
و تستاحش أدريك انته لو مرِّ الليل

استقبلته عبدالله السهم لمَّن جاك
و أنطيته نحرك و انته مهدود الحيل

يوليدي كل خوفي اعله جسمك ينداس
و اكماطك انته ايجلِّب ابحافر خيل

بـ اعيوني إسمك منحوت
اتنام ابمهد مو تابوت

راح السَّعَد راح السَّعَد
بعدك صبح خالي المهد
&&&&&

لبكدك اينام ابحضن مو عالكاع
بثنينهن بس انته ما شفت النوم

أمك دللول العطش تقره ابصوت
إتكول يمكن إبني عبدالله ايكوم

إشفافك انته امن العطش ذبلانات
هم شايف امن الماي واحد مفطوم

يونس أنا و انته الحوت
اتنام ابمهد مو تابوت

للسبي دلاَّلي استعَد
بعدك صبح خالي المهد
&&&&&

اتشَيْعك فراشات الصبح منِّ اتطير
و اكماطك امن السهم صاير مفتوكـ

مالت ركبتك والظَّهَر يبني مال
او منِّ السهم يا يُمه شفتك مخنوكـ

عبدالله يبني الـ حضني شو ما حنّيت ؟!
إنته النِّده او بالخيل شفتك مسحوكـ

يالأحله منِّ الياقوت
اتنام ابمهد مو تابوت

يوليدي ما غيرك مدد
بعدك صبح خالي المهد
&&&&&

خادم الرباب (ع) : إبراهيم الدريس

#الرضيع
قصيدة بلسان حال الرباب أم الرضيع الذبيح  ،،،،،، 

ـــــــــــــــــــــــــــــــــــــــــــــــ


يَوَردة وصِرِت بالطفوف اصغر ضَحِيّة
منيــــــن الدّهر جاب إلك سَهم المِنيّة

گلّي شتِنفَعِ اللّو
يا نـايِــــم  دِلِلّو

منين الدّهر جاب إلك سَهم المِنيّة  .

ــــــــــــــــــــــــــــــــــــــــــــــــــــــــ

چنت احسّب تِكبر انته
يبنِي وتلِمني بكُبُرتي

تعَوّض أمّك يا حبيبي
وتِمسَح بإيدك دَمِعتِي

ترَجّع ارباتي ودلالي
وسهري المذبّل وَجِنتِي

تعَوّض گلبي راحة
وِتضَمّد جراحَه

طَشّــر حِلمنه الوكِـــت بالغاضِريّة
منين الدّهر جاب إلك سَهم المِنيّة

ـــــــــــــــــــــــــــــــــــــــــــــــــــــــــ

مِن وصلنه لوادي موتَك
وِتعَمِت بيّة  ظنوني

أنظر  لوَجهَك  يغالي
المِثله ما شافَت عيوني

طِفلِي ظامي وريجه ناشف
شگد صِحِت ما يسمعوني  .

ما صارت   گبلهه
ولا تِحصل مثلهه

ظامــي ويذبحونك علــــوج أميّة
منين الدّهر جاب إلك سَهم المِنيّة

ـــــــــــــــــــــــــــــــــــــــــــــــــــــــــــــ

الدنيا صارت ظلمة يبني
مِن أبوك بحضنه شالَك

گال إصِبري بلكي يزگوه
والصّخَر ناح علحاَك

شِفتَه يِهمِس يبني بِذنَك
وعَينه تتمايز جمالَك

طاحت دمعة العين
رغماً عنّه الحسين

عيــونه تِگِلّك يبــــويَه آنه شبديّة
منين الدّهر جاب إلك سَهم المِنيّة

ـــــــــــــــــــــــــــــــــــــــــــــــــــــــــ

گلبي يِعلم وانه أدري
حانَت الساعة الرهيبَة

جمرة چبدَك يُمّه صاير
من العطش يِسعَر لَهيبه

مَنحَرَك ناصِع بَياضَه
چن بَدُر  گرّب مَغيبَه

سَهم الصابك منين
وِنتَه بحِجر الحسين

أنطيهه لَك  يبني روحــــي  هَديّة
منين الدّهر جاب إلك سَهم المِنيّة

ـــــــــــــــــــــــــــــــــــــــــــــــــــــــ

رِحلِتَك صوب المُعسكر
يبني شو صارت طويلة

حسين اشوفه يمشي مِحدِب
بس كِتِر خِدر العقيلة

گالو  ٱختَه مِن وُصَلهه
بالدّمة دَمعَه يِسيلَه

هاچ اوليدي منحور
ظامي وگلبه مجمور

مـــــا ريدن  أمه تشــــوفه خطيّة
منين الدّهر جاب إلك سَهم المِنيّة

ـــــــــــــــــــــــــــــــــــــــــــــــــــــــــــ

أردنشدك عن شعورك
يا سَهَم  حين الذبَحته

ما كِسَر خاطر ضميرَك
بهالفعل شنهو الربحته

شنهو ردّك بالقيامة
خصمَك الهادي الجِرَحته

عَنك بيهه ينگال
يا ذبّاح الاطفال

وَي حرمَــلة تنحشُر باچـــر سُويّة
منين الدّهر جاب إلك سَهم المِنيّة

ـــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي  .

#محرم
الطّفل #الرضيع


ولكنّ المصيبة، عند إخبار الرّباب، كيف يخبرونها أنّ اِبنها الرّضيع قد ذّبِح من الوريد إلى الوريد..

#وزن_الطويل
على حجر الأبو غافي.. وِاجت أمّه تزيد النّوح
زِغير اعله العطش يبني.. رَضيع وتنقتل مذبوح
ودمّك يا بعد هالرّوح.. يصير اعله الثّرى مسفوح
مُصاب الطّف شيّبني.. حرق قلبي يبعد العين

بعد ساعه يمذبوحي.. أشوف حْسين يتوذّر
يوارث هالعطش منّه.. ومثله منقطع مَنحر
وْتزغر كل مصايبنا.. مُصاب ابن النّبي أكبر
كلنا نروح اله فدوه.. ويِظل سالم حبيبي حْسين

#كتابات_حسينية

الطّفل #الرضيع ع
#محرم



صورة شعريّة، كأنّي بالرّضيع يلتقي بعمّه المحسن في السّماء
المحسن الّذي قُتِل في أحشاء أمّه الزّهراء ع
فيشكو الرّضيع لعمّه..

طور #حضريني_يالزهره (#صديقي_الأبدي)
يا عمّي يا محسن.. جيتَك ذَبيح اليوم
مثلك يِقتلوني.. ما لي ذنِب، مظلوم
يا عمّي يا محسن~

مِنِّ العطش نتعب.. وِالطّاغي يظلمنا
قَلهم لَا تِسقوهم.. مْنِ المايه يِحرمنا
هِجمَوا عَلينا القوم.. يِروي الأرض دمنا
تدري حرق بابك.. وَصّل عِدِ خْيمنا
يا عمّي يا محسن~

زينب مثِل أُمها.. وِرثت ضَرب وِهموم
أبويه هَم وارث.. كسْرِ وْضلع مهشوم
يا عمّي يا محسن~

كأنّي بالمحسن يجيبه،
#وزن_الطّويل
إذا إنته شفت أمّك.. وْمِنِ الوالد خَذِت ضمّه
تدري المحسن المقتول.. ما شايف حضِن أمّه
نعم فعن الإمام الصادق «عليه السلام»: وقتل محسن بالرّفسة أعظم وأدهى وأمرّ، لأنّه أصل يوم العذاب..
ماذا بعد يا محسن، أخبر الرّضيع عن مصائبك:

وما سامعها تحديله.. ويلاه لم تحمله أمّه وتهدهد له..

وما سامعها تحديله.. سامع بس صدى اللّطمه
لمّن على باب الدّار.. هجموا بالحطب عدوان

وِلو إنته بْسهم مفطوم.. أنا ما شايف الرّضعه

أي واويلاه على المحسن المقتول قبل أن يولد..

وِلو إنته بْسهم مفطوم.. أنا ما شايف الرّضعه
مِن رحْمُ اْمّي للأعتاب.. بْيوم الدّار إلي وقعه
سِمعت الكسره بالضّلعين.. وْمِن أمّي جرت دمعه
فتحتِ عْيوني عالدّمعات.. فتحتَ انفاسي عالنيران

السّلام عل المحسن، السّلام على فاطمة
السّلام على الصدّيقةِ الشهيدة، الممنوعةِ إرثَها، المكسورِ ضلعُها، المظلومِ بعلُها، المقتولِ وَلَدُها، المقتولِ وِلْدُها...



#كتابات_حسينية

#الرضيع
#الليلة_العاشرة



نَم يا صغيري واسترِح في أَضلعي
أنعِم بِضلعي يا علي مِن مضجعِ

هدِّئْ أنينَ الخوفِ من غدرِ الورى
يا طفليَ المذبوحَ، نَم، لا تجزعِ

رحماك حرِّر من فؤادكَ نبضةً
إكسِر جدارَ الصّمتِ، طَمئِنْ مسمَعِي

واصبر، فديتُ العين غارت في الظّما،
أَسقيكَ من ماءِ البُكا، مِن أدمعي

إقصد شغافَ العرشِ وارقُبْ مقدَمي
آتيكَ بعد الذّبحِ، بعد المصرعِ

إنّ الملائكَ في انتظارِك كلَّها
لتُزيلَ سهمًا فيكَ لا لم يُنزَعِ

فَاشْكُ الظّلامةَ يا بُنيَّ إلى السَّما
هذا صنيعُ أميّةٍ بالرُّضّعِ!

#محرم_١٤٤٥
#قصائد_في_خدمة_الخطباء
#كتابات_حسينية

#فهرس
#محرم
#محرم_١٤٤٥
#محرم_١٤٤٦


#الهلال #هلال_محرم #الليلة_الأولى

#الليلة_الثانية #الخروج_من_المدينة #محرم_الخروج
#وداع_قبر_الرسول
#وداع_قبر_الزهراء
#الخروج_من_مكة #حج_الامام
#الوصول_إلى_كربلاء
#الوصول_الى_كربلاء #النزول_في_كربلا
#محرم_الاصحاب
#الاصحاب #ليلة_الاصحاب #ليلة_الأصحاب

#مسلم #ليلة_مسلم
#الاكبر #ليلة_علي_الأكبر #ليلة_الاكبر
#القاسم #ليلة_القاسم
#العليلة
#ام_البنين


#العباس
#ليلة_العباس
#الليلة_السابعة
#الرضيع #ليلة_الرضيع
#ليلة_العاشر #ليلة_الوداع
#العاشر #يوم_العاشر
#ليلة_الحادي_عشر
#السبي
#دفن_الاجساد
#السبايا
#الكوفة
#الامام_السجاد
#الدخول_الى_الشام
#السيدة_رقية
#الامام_الحسن
#الامام_الرضا
#الاربعين
#الرجوع_الى_المدينة
#الرسول_الاكرم
#العسكري
#الحسن_العسكري
#الليالي_الفاطمية
#السيدة_الزهراء

(قابل للتعديل طوال فترة النشر للحفاظ على ذات الهاشتاغ)

فهرس ١٤٤٤ ه‍ـ 📚
لمتابعة ما تم نشره حتى الآن على قناة خطباء المنبر الحسيني من قصائد جديدة لعام ١٤٤٤ ه‍ اضغط على الهاشتاغ 👇

#محرم_الهلال
#محرم_الخروج
#الخروج_من_مكة
#محرم_النزول
#محرم_العليلة
#محرم_مسلم
#محرم_الاصحاب
#محرم_القاسم #ليلة_القاسم
#محرم_الاكبر
#محرم_العباس
#الرضيع
#ليلة_العاشر
#العاشر
#ليلة_الحادي_عشر
#وداع_الاجساد
#السبي #الشام
#الدخول_الى_الكوفة
#الدفن
#السيدة_رقية
#شهادة_السجاد
#الحسن_المجتبى
#الاربعين
#شوق_الاربعين
#الزيارة
#الرجوع_الى_المدينة
#الرسول_الاكرم
#الشهداء

ملاحظة:لا تنسى تصفح فهرس ١٤٤٣ه‍ـ للمزيد من القصائد المميزة
https://t.me/manbarhoysayne1/24664

# تحضيرات_محرم
#الرضيع ع وليلة العاشر والعاشر


*مجالس*
*ليلة العاشر والرضيع (ع)*
https://t.me/majalesmanbar/1428
https://t.me/majalesmanbar/1433



https://t.me/majalesmanbar/1088
https://t.me/majalesmanbar/155

*العاشر*

https://t.me/majalesmanbar/172
‌▪️⁩‌▪️⁩‌▪️⁩‌▪️⁩‌▪️⁩‌▪️⁩‌▪️⁩‌▪️⁩‌▪️⁩‌▪️⁩
*قصائد فصحى وشعبي*

*ليلة العاشر*
https://t.me/manbarhoysayne1/18696
*الرضيع ع*

https://t.me/manbarhoysayne1/22520

https://t.me/manbarhoysayne1/18619

*العاشر*
https://t.me/manbarhoysayne1/18940
https://t.me/manbarhoysayne1/13262

‌▪️⁩‌▪️⁩‌▪️⁩‌▪️⁩‌▪️⁩‌▪️⁩‌▪️⁩‌▪️⁩‌▪️⁩‌▪️⁩‌▪️⁩
*لطميات*
*للرضيع (ع)*
https://t.me/latmiyatmanbar/241

*ليلة العاشر*
https://t.me/latmiyatmanbar/247

*لطميات قديمة في هذا الرابط*
https://t.me/latmiyatmanbar/681

#محرم

••• *#الطفل #الرضيع*•••


#فراق

بويه بويه
بويه موتك ذوّبني
بويه بويه
فطّر دليلي وألمني
بويه بويه
لفراقك يهل جفني


بويه بويه
بويه ليّه بس نظره
بويه بويه
قلب ابوك شيصبره
بويه بويه
فقدك يا هو ليجبره

••• عندما عاد الحسين ع الى المخيم ومعه طفله الرضيع كان قد وضعه تحت عباءته حتى لا تراه سكينه..
كأني بسكينه حين رأت أباها مقبلا هرولت نحوه... تقله أبه اين عبدلله.. أبه لعلك سقيت أخي الرضيع ماء وجئتنا بالبقيه...
حينها أخرج طفله الرضيع وقال لها بنيه هاك أخاك مذبوحا •••

صرخت واندهشت سكينه حين رأت ذلك...

تقله...

بويه خبرني شنهو اللي جرى
يا بويه ليش قطعوا منحره
يبويه شذنبه عبدلله يا ترى
مات مفطور قلبه من الظما


تسأل أباه ألم يسقوه شربة ماء...

يويلي ما روّوه قبل المنيه
انه دعيت ربي يروى المسيه
والله كسر قلبي بدمعته الجريه
ما كان على البال فيض الدمه


#أمنن #علينا #برضاه
#يا_صاحب_الزمان

#محرم
#الرضيع_ع

نعي(نعي)لعبدالله الرضيع عن لسان الرباب (ع)
-----------------،
اَلولي إعليك ثاري المهد هزيت
ولاعبّك يبني اتمنيّت
يبني الچنتلي اصراي بلبيت
بس.دمع ضلي والك حنيت
--------------------
يمه الولديابلسم الروح
عزيزالگلب لاتجفي وتروح
حيلي نحل والجسم مطروح
بجفاك ونه صفت والنوح
----------------------
مشتاقه لمناغاك ايبني
والمهد خالي ويعذبني
نار الهجر يبني يشبني
گضاك العطش والهم تعبني
---------------------

نعي لعبدالله الرضيع ع✍ الشاعره صديقة الهلالي(كربلائيه وافتخر)
غير مبرئ الذمه اليحذف اسم الشاعره اويغيره