قناة خطباء المنبر الحسيني للقصائد

#الرجوع_الى_المدينة


عند عودة السيدة زينب ع من رحلة السبي والآلام الى المدينة.. كأني بها توجهت الى صاحبة القبر المخفي.. لكن هذه المرة لا من حسين على يمينها و لا من عباس على يسارها..زينب وحيدة.. حزينة..كسيرة القلب...كاني بها تنادي...

يا يمه ..اعلى قبرك جيت
يا زهرا تلقيني
يا يمه حبيبي راح
قومي يمه سنديني

يا يمه ..انا زينب
لصدرك يمه ضميني
لا ما انسى الضلع مكسور
أداويكي و تداويني

يا يمه ..سبية جيت
لو عني تسأليني
اخواني بكربلا ظلت
العفو يا يمه اعذريني

يا يمه... محال انسى
ألم لي شافته عيني
شمر جاثي على صدره
يريدن يذبح حسيني

يا يمه ..و جمر بحشاي
وحسرة بقلبي تكويني
أخويه ينذبح عطشان
وكسر أضلاعه يأذيني

يا يمه ..القلب مجروح
واظنن خلصت سنيني
جراح و بس يا يمه جراح
شنهو الي يِنَسّيني

يا يمه ..وإلك رديت
منّ جراحي داويني
والمثلي يظل مالوم
إلك يا يمه إخذيني




تمت المشاركة من تطبيق: خطباء المنبر الحسيني

https://youtube.com/watch?v=xNIaNxZuVig&si=RD1vZjUg4zlrpFho

#الاربعين
#الرجوع_الى_المدينة


♦️{جآء في بعض الأخبار ، أنهم أقاموا اياماً في كربلاء وبعد ذلك أقبل الإمام زين العابدين ع وقال لعمته زينب ع :عمه قومي .. فقالت إلى أين ؟ قال إلى المدينة فقالت : ومن ذا بقي لي في المدينة ؟ فسمعه بعض الحاضرين وقالوا له يابن رسول الله دع النساء تتزود من أحبتها وأهلها .. فأجاب ع ياقوم إنكم لاترون كما أرى .. أنا أخشى على عمتي أن تموت ، فهي تقوم من قبرٍ وتجلس عند قبر }
وكأني بها مخاطبةً ابن أخيها السجاد ع

لا أستطيعُ فراقَ السبطِ يابنَ أخي
فالروحُ تغلي وقلبي لايطاوِعُني
لِمَن سأمضي وأهلي كلهُم دُفنُوا
بِكربلاءَ وحُزني باتَ يمنعُني
وقد رَجَوتُ من الله ِالمماتَ هنا
لعلَّ ربي معَ الإخوانِ يجمعُني

ماأ گدر ارجع للوطن
وحسين بالطف اندفن
مفجوعه واعتب عل الزمن
الخلاني وحدي امحيّـره

أتمنى موتي بكربله
يم گبر ابن عقد الوله
وبصف چفيل العايله
واندفن يمهم بالثره

كل ظني ماأرجع بعد
ولا فارگتهم للأبد
وسفه ولا واحد نشد
عني ولا يدري اشجره


#سمير_الصالحي
#النجف_الأشرف

#قصائد_في_خدمة_الخطباء
#صفر_١٤٤٥
#الرجوع_الى_المدينة

صورة شعرية: لسان حال العقيلة زينب عليها السلام عند قبر امها الزهراء صلوات الله وسلامه عليها..

(طور لمن حدى الحادي)

منّ السّبي تْعَنّيت .. بلايه أخو ردّيت
بسّ بْهُمومي جيت .. يا يمه سمعيني

عندي كلام هواي .. عن طيحةِ الوَفّاي
وعنّ العطش والماي .. عْلى الونّه عينيني

عشت اصعب الأيام .. شلت اصعب الآلام
من كربلا للشام .. ردتچ تِحِضريني

العاشر كسر ظهري .. وخلّه الدّمع يجري
بس ما عفت صبري .. وونّي عَلى حْسيني

خويه وگع تعبان .. وظل مرمي عالتربان
تالي انذبح عطشان .. ريت انعمت عيني

وگبله الگُمَر يُمّه .. غطّى الوجه دمّه
چْفوفه وْگَعَت يَمّه .. منهو اليِعَزّيني

ومن راحوا اخواني .. ووحدي بُقيت آني
أذتني عدواني .. وگيدولي چفيني

#عظم_الله_أجوركم ◾️

فاطمة علي رزق
اسألكم الدعاء

#الرجوع_الى_المدينة

😔 لسان حال #السيدة_زينب_ع بعد سؤال محمد ابن الحنفية عن حالها
😔 #لسان_حال!
🔰 #محرم_1445_هـ

عنــي  لاتســل  دمعــاتي  بالعيــن
روح  ابلا  جسد  بخلاف الحسين

مفجـوعــة ابفكــد  سيّــد  الجنــة
خلّيتـــه ابدمــــه المنحــر تحنّــــه

ـــــــــــــــــ ❖ ❖ ❖ ــــــــــــــــــ

لاتسـأل  عــن  اجـروح  اللي  بيـه
إســأل  عالجـــرى بالغــاضــريــــة

ابــن امــــي  على الغبــــرة رميــة
وبالشــام افكَــدت بنتــــه رقيــــة

لاتسألنـــي ليــش امشيّب الــراس
راح احسين  منــي وراح  عبــاس

كَلّــي اشحالهــــا التفكَــد محنّــــة
خلّيتـــه ابدمــــه المنحــر تحنّــــه

ـــــــــــــــــ ❖ ❖ ❖ ــــــــــــــــــ

يا خــــوي انت لا تســــأل عليّــــه
وليش  امحركَّات اجفوف  ايديــه

مـا تدري  بأبـو  فــاضــل  رميّــــة
اجفوفــه   امكطّعيهـن  آل اميـــة

والخيمـة  احركوهـا فوك  العيــال
بيـدي اطْفي لهيب اثياب الاطفال

سكنــــه رادت الجثْتــــه اتّعــنــــه
خلّيتـــه ابدمــــه المنحــر تحنّــــه

ـــــــــــــــــ ❖ ❖ ❖ ــــــــــــــــــ

يالتسألني  ظهرج  ليش   موجوع
عفت احسين فوك الغبرة مصروع

راسه عالرمــح انظــــرله مرفـــوع
حتى خنصــره  بالسيف  مكطـوع

من خوفــي نشف ياخويــه دمــي
ماظل عندي غير انِّي انـدب امــي

ظليت  انتحب واصـرخ يا أُمنــــه
خلّيتـــه ابدمــــه المنحــر تحنّــــه

ـــــــــــــــــ ❖ ❖ ❖ ــــــــــــــــــ

بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

https://t.center/elkhafaji110

#فهرس
#محرم
#محرم_١٤٤٥
#محرم_١٤٤٦


#الهلال #هلال_محرم #الليلة_الأولى

#الليلة_الثانية #الخروج_من_المدينة #محرم_الخروج
#وداع_قبر_الرسول
#وداع_قبر_الزهراء
#الخروج_من_مكة #حج_الامام
#الوصول_إلى_كربلاء
#الوصول_الى_كربلاء #النزول_في_كربلا
#محرم_الاصحاب
#الاصحاب #ليلة_الاصحاب #ليلة_الأصحاب

#مسلم #ليلة_مسلم
#الاكبر #ليلة_علي_الأكبر #ليلة_الاكبر
#القاسم #ليلة_القاسم
#العليلة
#ام_البنين


#العباس
#ليلة_العباس
#الليلة_السابعة
#الرضيع #ليلة_الرضيع
#ليلة_العاشر #ليلة_الوداع
#العاشر #يوم_العاشر
#ليلة_الحادي_عشر
#السبي
#دفن_الاجساد
#السبايا
#الكوفة
#الامام_السجاد
#الدخول_الى_الشام
#السيدة_رقية
#الامام_الحسن
#الامام_الرضا
#الاربعين
#الرجوع_الى_المدينة
#الرسول_الاكرم
#العسكري
#الحسن_العسكري
#الليالي_الفاطمية
#السيدة_الزهراء

(قابل للتعديل طوال فترة النشر للحفاظ على ذات الهاشتاغ)

#الرجوع_الى_المدينة

رجعت حبيبة فاطمة
يمّ المدينه لاطمة
والدمعه تجري ساجمة
وتنادي يا أم الحسين

يمه تره حسينك بعيد
بطَفْ كربلا روحِك شهيد
قِطعُولَه نحرَه والوريد
تخضّبْ مَشيبه والجبين

يا يمّه عباسي الكفيل
جسمه انجرحْ بين النخيل
والرايه ما يقدر يشيل
قطعوله يا زهرا اليدين

يا يمه تدرين الأهل
كل واحد بسيف انقتل
وعنّي يا زهرائي رحل
ما ظل إلي واحد معين

قومي يا أمّ الشهداء
خيمتنا ننصب للعزاء
نبكي مصاب الأولياء
ونعزّي جدي بالحسين


#زينب_فياض

#الرجوع_الى_المدينة


#تراث مفجع 😭
في رجوع السيدة الى المدينة

يبن أمي انفطر گلبي اوچبدي ذاب لوله الآه
صارت سلوتي الونه عليك اوراحتي الويلاه
ــــــــــــــــــــــــــــــــــــــ
لوله الآه والويلاه گلبى فطرته الونه
عملة كربله ما چان خلت يلتگه منه
تگول الناس صبر أيوب لا دونه ولا عنه
اهو بلوه فرد بلوه وأنه عشره مثل بلواه
ــــــــــــــــــــــــــــــــــــــ
انه بلواي عن عشره اوکل بلوه ابعشر عشرات
حزن يعكوب واحد غاب والواحد عدل ما مات
اخوه اهدعش تم عـنده والغايب يرد ما فات
وانه اسبوطعش مفگود حَفّت محملي منّاه
ــــــــــــــــــــــــــــــــــــــ
حَفّت محملي مناه شنسه امن أخوتي شنسه
تگول العرب بـالخنسه اوعني تگصر الخنسه
اهي فكدت صخر وأنه فگدي خامس الخمسه
فگدي اشبول أبو طالب أخوته اوصحبته الوياه
ــــــــــــــــــــــــــــــــــــــ
أخوى اشلون خليته وَحش البيد اله زوار
هاي الدار وأهل الدار ما هم ويه شلي بالدار
وين الظِل وذاك الطول والوفّاد والخطار
وين اليامر اوينهه والمظيوم يتعناه
ــــــــــــــــــــــــــــــــــــــ
الخايف ليك يتعنه يامن من يطب دارك
ابوادي الطف رحت حليت ذاك الوادي المبارك
ابگلبي چان چم بسمار عليهن زاد بسمارك
اليا بلوه صبر عندي فكري امن المصايب تاه
ــــــــــــــــــــــــــــــــــــــ
فكري من المصايب تاه یچود العدو ما چادك
وين المجلس العاجد اونواخ اضيوفك اوزادك
شگلها التوجب اعله الباب خويه احسين وفادك
اگول اشلون يلوفاد ردّو حسين ماهو اهناه
ــــــــــــــــــــــــــــــــــــــ
اگول احسین ماهو احسين اشو وفادك أهل البيد
تجي للدار لنها الدار قفره والمزار ابعيد
چانت عيد لا بالعيد كل يوم المسمّه عيد
المـودّع يشيعه احسين والمجبل وفد حياه
ــــــــــــــــــــــــــــــــــــــ
يحيي احسين بالمجبل باسم ما خفه سِنه
المودّع يكوم اوياه يسره اويعتذر منه
للشارد اوللوارد أخوي الينّشد عنه
روض الضيف منوه الضيف حاشه الضيف يتعداه
ــــــــــــــــــــــــــــــــــــــ
اجه چم وافد ابوافد متعني اويدگ الباب
اگله گول شنهو إنته يگلي معتني طلاب
گتله انچانك لحسين وین احسين ظنك خاب
رد الهلك يلوافد ونصبلك عزه وإنعاه
ــــــــــــــــــــــــــــــــــــــ
سمعني اودگ اعله راسه يكلي مات يو غايب
گتله ابكربله مذبوح هوه اونسل أبو طالب
أخوى الكل عدو غالب اوكل غالب عليه غالب
أخـوي امتثل حكم الله أخوي الموت من يدناه
ــــــــــــــــــــــــــــــــــــــ
أخوي الموت من يدناه لاچن يسّره عهده
الباري اغضب وإهو صابر للحگ ما جزه وعده
ابزي طلاب إجاه الموت لاقبله ولا بعده
مد چفه اوطلب روحه استحه يتعذره واطاه
ــــــــــــــــــــــــــــــــــــــ
رد إلهلك يوافد أعزي الضيف يو عزيك
راح الجان من تجبل المحيّي اويرحب بيك
گل للضيف راح احسين المعزب الذي ايفديك
گل للخايف المأمون لا (يامن) غده منجاه
ــــــــــــــــــــــــــــــــــــــ
رد الهلك يلوافد لاچن تخبر الوفاد
گلهم يبس وادي السيل منهم لا تجي رواد
گلهم صـيّف المرباع محله اوشحت امـن الزاد
چف الجان غاطيكم (ضمّه) اترابها اوغطاه
ــــــــــــــــــــــــــــــــــــــ
رد الهلك يلوافد رد الهلك رد اردود
یاديونها العاجد يا مجدامها المفكود
مات حسين مات وياه مات الكرم مات الجود
اميه امهلهله وانه فنّي عَجّة الييهاه


الشاعر المرحوم
عبدالامير الفتلاوي

#الرجوع_الى_المدينة

نعي

اطب للدار وحشه الدار یا خوي
گلب اختک جمر یحسین و یهوي
لا عباس لا شخصك و لا بوي

و لا خوي الحسن لَا مّي الزچيه


اصد للباب و الحيطان ما من
وجودك يالوجودك چان ما من
تحمّلت الضرب و السوط ما من

لچن والله العتب غصباً علیه

اهمین بالغُرَف خویه و اکلمک
مرّه اجلس علی امکانک و اشمّک
و مره ابحرقه اشم ثوبک و هِدمک

همت وین انطي وجهي ابيا نويه

يادنيه اشما بقالي عمر قلبي
غير حسين ابد ما ناح قلبي
حگّي لو. دليلي الصبر قل بي

عشيره آنه افگدت بالغاضریه

اتذکّر زمان الْاَفتح الباب
و اشوف اشمحلی لمّتکم یالاحباب
ابونه اهنانه جالس و ام الاطیاب

اُمنه اهنانه و اتبسّم الیّه

اشمحلی البیت و ایطب بی نبینه
نضحک و السعاده بَیْنه بینه
الدهر شو صار یطعن بینه بینه

اخذ اعزاز گلبي من اديّه


خادم خدمة الحسين عليه
ناصرالبوعبيد

خطباء المنبر الحسيني -تلغرام
قسم المحاضرات
فهرس📚


(اضغط على الهاشتاغ وحرك بالاسهم صعوداً ونزولاً)

#الرسول_الاكرم
#الامير
#السيدة_الزهراء
#الامام_المجتبى
#الامام_الحسين
#الامام_السجاد
#الامام_الصادق
#الامام_الرضا
#الامام_الجواد
#السيدة_زينب
#السيدة_رقية
#السيدة_سكينة
#السيدة_المعصومة
#الامام_الهادي
#سبع_الدجيل
#الامام_العسكري
#الامام_المهدي
#حمزة


#البكاء_على_الحسين
#مسلم
#الاصحاب
#علي_الاكبر
#القاسم
#العباس
#الاربعين
#ام_البنين
#الرجوع_الى_المدينة
#البقيع

#اخلاق
#العيد
#الصوم
#صلة_الرحم
#البلاء
#الدعاء
#الصبر
#الصلاة
#بر_الوالدين
#الموت
#المؤمن
#الحسد
#التواضع
#الصدقة
#الاسرة
#المخدرات
#شبكات_التواصل
#الاختلاط
#العفة_الحياء
#حديث_الكساء
#الشهيد
#الشباب

#محرم
#رجب
#رمضان
#ذو_الحجة
#يوم_التروية
#القدر


https://t.center/manbarhosyane3

فهرس ١٤٤٤ ه‍ـ 📚
لمتابعة ما تم نشره حتى الآن على قناة خطباء المنبر الحسيني من قصائد جديدة لعام ١٤٤٤ ه‍ اضغط على الهاشتاغ 👇

#محرم_الهلال
#محرم_الخروج
#الخروج_من_مكة
#محرم_النزول
#محرم_العليلة
#محرم_مسلم
#محرم_الاصحاب
#محرم_القاسم #ليلة_القاسم
#محرم_الاكبر
#محرم_العباس
#الرضيع
#ليلة_العاشر
#العاشر
#ليلة_الحادي_عشر
#وداع_الاجساد
#السبي #الشام
#الدخول_الى_الكوفة
#الدفن
#السيدة_رقية
#شهادة_السجاد
#الحسن_المجتبى
#الاربعين
#شوق_الاربعين
#الزيارة
#الرجوع_الى_المدينة
#الرسول_الاكرم
#الشهداء

ملاحظة:لا تنسى تصفح فهرس ١٤٤٣ه‍ـ للمزيد من القصائد المميزة
https://t.me/manbarhoysayne1/24664