قناة خطباء المنبر الحسيني للقصائد

#الخروج


🆕 #محرم_1446هـ
#وداع_قبر_الزهراء_عليها السلام
#لسان_حال_السيدة_زينب_ع

يافاطمـة عوفــي القبــر
ادعي لـي يمــه بالصبــر
بلكـت  دليــلي ينجبــــر
شوفي   حبيبچ  منظره

ــــــــــ ❖ ❖ ❖ ـــــــــــ

يمــــه اجينــا مْوَدّعيــن
هاذي أنه وهذا الحسين
ريحانِتچ يصبـح رهيــن
وانــه أصيــــر اميَسّــرة

ــــــــــ ❖ ❖ ❖ ـــــــــــ

يبكي السبط يم تربتــچ
عبراتــه  لا شَــك  بكتچ
آخـــر زيــارة لحضرتــچ
و باجر يـروح المجــزرة

ــــــــــ ❖ ❖ ❖ ـــــــــــ

جَن  استمــع  ونّــة مرة
ياحــرة  مــن  هالمكبرة
وتكلـي بوســي رقبتـــه
قبـلن  يحـــزّو  منحــره

ــــــــــ ❖ ❖ ❖ ـــــــــــ

✍️ #الشاعرة_زينب_الخفاجي
🤲 #اللهم_صل_على_محمد_وآله

#في_الخدمة_المقدسة
#وداع_قبر_الزهراء

إلى قبرِ البتولِ أتى الغريبُ
يودِّعُها فيسبقُهُ النّحيبُ
يناديها عساها تستجيبُ
ألا قومي أفاطمةُ الزكية

سأمضي بالعيالِ وبالنّساءِ
لألقى اللهَ مخضوبَ الدّماءِ
لأرضِ الطفِّ وادي كربلاءِ
مكانِ عروجِنا في الغاضرية

يعزُّ عليَّ يا زهرا الفراقُ
ويكويني أيا عمري اشتياقُ
ستحضنُ جسميَ الدّامي العراقُ
فهل تأتينَ يا أمي إليَّ

إذا جئتِ الطفوفَ أيا بتولُ
رأيتِ تدوسُ أضلاعي الخيولُ
سيأتي المرتضى معهُ الرّسولُ
مخافةَ أن تنادي وا بنيَّ

بنيَّ أيا حسينُ ٱنظُر إليَّ
أنا واللهِ فاطمةُ الزَّكية
بحقِّ رضايَ لا تترُك يديَّ
بنيَّ أيا بنيَّ أيا بنيَّ

#زينب_فياض

#قصائد_في_خدمة_الخطباء
#محرم_١٤٤٦
#وداع_قبر_الزهراء (عليها السلام)

(طور الجزع/ طور ودعتك وظهري انكسر)

١/عندي وصيّه يُمّه سمعيني
أوصيچ بالمصرع تحضريني
تْرُفعيني ولْحُضنچ تِسِنديني
وْتِشدّي جروح

٢/ومن تْنَفذين لِوْصيّه
رايد تِمُرّي بإيدچ عْلَيَّه
بس لا تِعدِّي چم جرح بيّه
وانا بْلا روح

٣/عذريني لو شفتي الرّمل أحمر
ولو شفتي جسمي داميِ المنحر
أدري يِأذّي گلبچ المنظر
جسد مذبوح

#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#وداع_قبر_الزهراء(عليها السلام)

[قصيدة عمودية]

الوحيُ خاطبني عن الجبّارِ
"ودّع مدينة جدّك المختارِ"

فأتيتُ قبركِ يا بتولُ مودّعًا
أتلو المصابَ وأصعبَ الأخبارِ

إنّي رأيتُ من الزّمان عجائبًا
منها رحيلي مُرغمًا عن داري

أمّاهُ قومي واحضنيني ساعةً
ولْتَمسحي بيديكِ دمعًا جارِ

للعطفِ كم أحتاجُ منكِ قُبيلَ أن
أغدو غريبَ الأهلِ في الأمصارِ

قبل الوصولِ إلى الطفوف وقبل أن
تهوي إلى وجه الثرى أقماري

فغدًا أحارُ بوحدتي في كربلا
بين الجيوش وزمرةِ الكفّارِ

وهناكَ تُرهقني السّيوفُ بضربها
فيسيلُ منّي الدّمُّ كالأنهارِ

أهوي وأرجو أن تزوري مصرعي
وتُسنّدي جسمي معَ الكرّارِ


#عظم_الله_أجوركم ◾️

فاطمة علي رزق
اسألكم الدعاء

#محرم_١٤٤٥
#وداع_قبر_الزهراء
#وداع_قبر_الرسول
#الليلة_الثانية

(وداع الإمام الحسين عليه السلام لقبر جده وأمه عليهما الصلاة والسلام.)

وزن الطويل/ لفى عاشور

هَل هْلَال الِمحرّم، وقَلبي هاجَت احْزانَه
عَلَى حْسين ابكي واتألّم، إمامي الْتَارك اوطانَه

أذِكرَه يم قبر جدّه، يودعنّه قبل لِفراق
يحطّ عْلَى القبر خدّه، ويخبرنّه بْدَرب اِلعْرَاق
يشمّ ترابه والدّمعه، تهلّ عْلَى النبي بأشواق
يقله في أمانِ الله، يجدي وعينَه غدرانَه


يمر عْلَى قبر أمّه، يِوَدّعها ويهلّ العين
وترابِ الطاهرهْ الزّهرة،بْأسى يشمّه الغريب حسين
يحاكيها ويراويها، عن الغربه وسيوفِ البِين
يقلها في أمانِ الله، ييمّه روحي تعبانه

آه يا زهراء، آه يا زهراء
آه يا زهراء ... آه

#زينب_فياض

#طور_الفايزي
#أومت_بديها_على_الشريعة_الهاشمية
#الخروج_من_المدينة
#وداع_قبر_الزهراء
#وداع الحسين لقبر امه الزهراء عليهما السلام



لقبرك ييُمّه اتوجهت وبقلبي حسره
إبنك يذبحونه ترى بهاذي السفره
وداعِك شَعَب قلبي وسالت العبره
قومي ودعيني من قبل أمشي بعشيّه

لو أقدر بإيدي أزيحن هالترايب
واتمدّد بطولك واخبرك  بالنوايب
فوق الفراق لتُربتك وداع الحبايب
مكتوبَلِي يالوالده انا شبيديّه


وصية يا يُمّه الطاهره بعاشر تحضرين
وتداوي جرحي ال بلقلب يا قرة العين
وضلوعي لو شفتي اصبري يم الحسين
ويلاه من بعد الذّبح اهوال و رزيّه


بعينك تشوفين الحرم الذاب إلها فؤادي
وزينب أخيتي تصيح خويه ياعمادي
من تنظر لرأسي برمح بشمس البوادي
وخيامي بيها موجره نار آل أميّه


🖊خادمة أبي الفضل

#في_الخدمة_المقدسة
#الخروج_من_المدينة
#وداع_قبر_الزهراء
#وداع_قبر_الرسول
#طور_الجفيري
#محرم_١٤٤٥

لسان حال الإمام الحسين (ع)عند #الخروج_من_المدينة
و وداعه قبر جده والزهراء عليهم السلام..

ودّعتچ الله ديرتي
بمشي ومعاية عيلتي
تارك هلي وكل عزوتي
ومعهم عليلة تنتظر

أجرك ع الله يالحبيب
بحسينك ليگضي غريب
لون السّما يصبح عجيب
يومن يحز نحري الشّمر

جيتِك ياعمري وجنّتي
تسبقني يمّه دمعتي
خليكي يمّي بمحنتي
أيام ويخلص هالعمر

أقصد قبر اخويه الحسن
اقعد وسولف هالمحن
وصوته يناديني بشجن
بوداعة الله يالطهر

رايح انا لأرض الطّفوف
جنب النّهر دمي يطوف
وتگطعن جسمي السّيوف
وعالثرى خدي يعتفر

#منال_بجيجي
https://t.center/manalbjeiji83

#محرّم_١٤٤٥
#وداع_قبر_الزهراء
#الخروج_من_المدينة

كأنّي بمولاتي زينب ع مودّعةً ضريح أمّها الزهراء ع:

أمّاهُ ضمّي وحشتي بثراكِ
قالوا الوداع اليومَ عن مثواكِ

اللّيلُ أغدقَ كفّهُ في وُجهتي
فغفَتْ عيوني، هل عسايَ أراكِ؟

وإذا بحلمٍ بل مصابٍ مفجعٍ
غاب العيالُ وإخوتي للقاكِ

ركبٌ يؤمُّ بغربتي وتشرّدي
بعد الدّلالِ وصونِ عينِ حماكِ

عبّاسُ يا أمّي تقطَّعَ كفّهُ
وهوى على شطّ الفراتِ فداكِ

والأكبرُ احتضنَ الجوادَ فساقهُ
عنّا بنزعٍ من عداكِ أتاكِ

واستقبلَ الحسنُ ابنهُ من هولهِ
ضمّ الجراحَ شفاؤها يمناكِ

أمّا حبيبي مهجتي فرأيتهُ
ملقا وحيدًا بالعرا ينعاكِ

والأعوجيّةُ داستِ الصدر الذي
قد قَبَّلتْهُ ولامستهُ يداكِ

وأرى الوحوشَ لخيمتي قد أقدموا
حولي تكاثر جمعهم بسواكِ

تحت العبا خبّأتُ طفلا خائفا
وأنا ليتمي ليسَ لي إلّاكِ

الآنَ آويني بضلعكِ قبل أن
يتحقّق التأويلُ بين حماكِ

نغم جمّول

##قصائد_في_خدمة_الخطباء
#الخروج_من_المدينة
#وداع_قبر_الزهراء
#محرم_١٤٤٥

لسان حال العقيلة زينب(ع) لأمها الزهراء(ع) عندما ودّعتها وعزموا على الرحيل عن المدينة..

(طور الجفيري)

١/ودّعتچ الله يام حسن
دهري عَلَيْ صَبّ المِحَن
راح امشي واترك هالوطن
وارجع لچن متغَيّرَه

٢/هسه امشي ويه العايله
ما بين اخوتي مدللة
بس لمن اوصل كربله
تطيح الغوالي عْلى الثرى

٣/أرجع ولا عباس الي
لا يمّي جاسم لا علي
عالغبره اعوف آنه الولي
مسلوب دامي منحره

٤/أرجعلچ ومتني عليل
من ضرب لسياط الثّگيل
وجسمي من همومي نحيل
أرجع ييمّه ميسّره


#عظم_الله_أجوركم ◾️

فاطمة علي رزق
اسألكم الدعاء

#الليلة_الثانية
#الخروج_من_المدينة
#وداع_قبر_الزهراء


هوسات عزائية (خروج الامام ع من المدينة)

أودعچ يمه و ابگلبي جرح مفتوح
تجيني لو تعوفيني و أنه مذبوح
و أنشدچ هم تشوفيني جسد مطروح

بالعاشر يمه / حضريني


وداعك يبني مو هين عليه
و أشوفك تمشي تالي للمنيه
و أظن زينب بعد عينك سبيه

وا ويلي زينب / يسبوها


يزينـب خل اذكـرچ بالوصيه
إذا طاح السبط فوگ الوطيه
بدالي امسحي ادمومه الجريه

عالغبره / عاري اتشوفينه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ

#الليلة_الثانية
#وداع_قبر_الزهراء

⬛️◾️▪️⚫️﷽⚫️▪️◾️⬛️
2 محرم - الجزء الثاني
*(نواعي بأوزان متنوعه لخروج الإمام الحسين ع من المدينة)*

▼△▼△▼
كأني بوداع الإمام الحسين ع مع قبر أمه فاطمة الزهراء ع

الطور : (يم الولد راح الولد)أو(يا كربله و طر الفجر) وباقي الاطوار المذكوره سابقا


جيت الوداعچ يا بتول
و السَفره يا يمه تطول


ابنـــچ ، أنـه يُـم الحسن
آنــه الحســين الممــتحن
عالقبرچ أشكي امن الزمن
عمري يميلن للأفول

جيتچ أودعــچ هالمسه
و ابدمعي قبرچ المسه
و الهم في قلبي أحبسه
رايح تصوبني النصول

عندي طلب لا ترفضين
جيتچ و أريدچ تحضرين
من يقطعوا مني الوتين
اسقيني ابدمع الهمول

رايــــح ييــــمه للــذبح
و أدري العدو وايد وقح
زيــنب قلبـــها ينـــجرح
أخشى عليها امن العذول

حان الوقت أوفي العهد
أطلع غريب امن البلد
و أبذل أخوتي و الولد
و أحمي نهج آل الرسول
◆◇◆◈◆◇◆
كأني بجواب مولاتنا الزهراء ع
الطور ؛ ما يناسب وزن *البحر الطويل*
يقرأ بأطوار #النعي ، ك ؛
1 التغريد الحزين
2 لفى عاشور
3 آنه اللي شفت نارين
4 يا تالي هلي يحسين
5 يا سلاب تاج حسين
6 من دارت عليه القوم


حبيبي لا تون يحسين ، ونينك أسمعه ابقبري
تودعني ابدموع العين ، و أنه تجري دمه صدري
وداعك يكسر الخاطر ، أشد من ضلعي و كسري
أخافك ما ترد سالم ، و أشوفك عالترب منحور


تمنيت أحضنك يبني و أحفظك من غدر هالناس
تمنيت أشتم ابصدرك ، لأني أم و إلي إحساس
تمنيت ألثم ابـنحرك ، قـــبل لا يقـطعون الراس
ولكن زيــنب اتنـــفذ ، أمـــاني قلـــبي ابعــاشور
◆◇◆◈◆◇◆
وداع السيدة زينب مع قبر أمها و جواب أمها الزهراء ع...(لسان الحال)

الطور ؛ (يمه انا زينب) و غيره


يا يمه يا يمه ، يا يمه يا يمه

يـــمه أنــه زيـنب ، جيـــتچ على قبرچ
گومي افتحي حضنچ ، شبگيني الصدرچ
عندي سفر للطف ، و أحتاج من صبرچ
إدعي لــي يـــا يـــمه ، الله يصـــبرني

يا يمه يا يمه ، يا يمه يا يمه

خـــليـــنه نتــــوادع ، بالدمعه و الحسره
ويه الحسين أطلع ، و إخواني ابكتره
من يصـبح العاشر ، راح ألثـمه ابنحره
و أشتـــمّه ابصــدره ، و امصـابه يقهرني

يا يمه يا يمه ، يا يمه يا يمه
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*

#الليلة_الثانية
#وداع_قبر_الزهراء

لسان حال مولاتي الزهراء ع عند خروج قافلة الإماح الحسين ع من المدينه

الطور
https://youtu.be/7uppStq-XVs

▼△▼△▼
اعذِريني زينب
ما قدرت أوياچ أروح الغاضريه
اعذِريني زينب
و ابوداعچ ما حضنتچ ابايديه
بنتي من قبري أودعچ * قلبي وياچ و أتِبْعِچ
اعذِريني زينب * اعذِريني زينب
🏴🏴
يا وريثة همي أدري ابسفرِتچ
ادري مخنوقه وحبستي عبرِتچ
و الإخوتچ تنظرين ابحسرِتچ
دمعه بعيونچ و تلهب جمرِتچ

موتي قيد ايدي
ما قدرت امسح دموعچ يالحبيبه
موتي قيد ايدي
و آنه ابقبري غريبه يالغريبه
لو تناديلي أسِمْعِچ * قلبي وياچ و أتِبْعِچ
اعذِريني زينب * اعذِريني زينب
🏴🏴
شفتچ ابهيبه مشيتي اويه الأهل
محمِلچ ايقوده عباس البطل
عينچ اعله اچفوفه و ابقلبچ وجل
خايِفه تگطعها اسيوف الأجل

من تِطيح الرايه
عرفي عينه انصابت ابسهم الأعادي
من تِطيح الرايه
يعني مطبور ابعمد و ابفقده نادي
ينحني ضلعي اعله ضلعچ * قلبي وياچ و أتِبْعِچ
اعذريني زينب * اعذريني زينب
🏴🏴
و الهواشم تخدِمچ ابكل فخر
بس أخاف اعليها من گطع النحر
ريت آنه اوياچ ابهذا السفر
و اسنِدچ لو شفتي خيچ انكسر

تنظرين ابعينچ
قاسم ابن المجتبى ابدمه تحنه
تنظرين ابعينچ
من أبو اليمه على ابنه ايزيد ونه
دمعي يجري ويه دمعچ * قلبي وياچ و أتِبْعِچ
اعذريني زينب * اعذريني زينب
🏴🏴
ريت عندچ من يرد خالي المهر
و امشي للمقتل و أشوف المنطُبُر
و الشمر بيدي أقومه امن الصدر
و أرد أظلل ابعباتي المنعفر

و الخيول أبعدها
ريت ما خليها تسحق له عظامه
و الخيول أبعدها
لا تدوس ابني و تشاهدها اليتامه
ما يهون اعليه وضعچ * قلبي وياچ و أتِبْعِچ
اعذريني زينب * اعذريني زينب
🏴🏴
بنتي گلبي اوياچ ابدرب السبي
و اشعر ابكل ضربه من الناصبي
فوگ پوشيتچ بعد اتنقبي
و اعله جلبابچ بعد لبسي عبي

لو يجرچ ظالم
و انتِ امقيده و أسيره اويه السبايه
لو يجرچ ظالم
لا يكون اتطيح منچ هالعبايه
بالسبي ايذوب شمعچ * قلبي وياچ و أتِبْعِچ
اعذريني زينب * اعذريني زينب
=====
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*

#الليلة_الثانية
#وداع_قبر_الزهراء

*الامام الحسين ع عند وداع قبر الزهراء بأبي الهموم ولسان حاله لما جلس عند قبر امه فاطمة يناديها يشكي لها ما ألمّ به من المحن…*
لحن الجفيري قلب امك يبني مفتت~
مودّع جيتك وعنّك راحل
وللطف يُمه بظعني شايل
ويايه زينب وخويه الكافل
وطفلي ولاكبر يمه وجاسم
يمه يمه يمه يمه⁴
〰️〰️〰️〰️〰️
عدنا موعد يوم العاشر
اتشوفي إبنچ بلا يا ناصر
يْگطعو نحري وجسمي يرضوه
و يسحق صدري يُمه الحافر
يمه يمه يمه يمه²
--------------------------
لحن الفراق الحسناوي ~
يگلها يُمه… رايح انه للمنيه
يگلها يمه… مودعك غصبن عليه
يگلها يمه… ماشي لارض الغاضريه
جواب الزهره
تگله يبني… بكربله يبني احضرك
تگله يبني… من يحزوا منحرك
تگله يبني… ومن يگطعوا خنصرك
خادمة آل محمد ✍

#محرم_١٤٤٥
#الليلة_الثانية
#وداع_قبر_الزهراء
#نعي
#جواب_الزهراء_ع_لولدها الحسين ع عند وداع قبرها الشريف



معتادة ليّه تزور كل ليله يبني
ناوي السّفر معقول بُعدك يِفتني
يبني المسير ابعيد هيجلي حزني
بذبحك ييمّه يريد دهري يِهدّني


يوليدي صار النّوح واجب عليّه
وعدي أجيك اهناك بالغاضريّه
مو سهلة عني تروح تنام بوطيّه
عليك الذّبح مكتوب وانا العزيّه


قرّبلي شِمّ نحرك من قبل ما تروح
باكر برض الطفوف أوصلَك مذبوح
ابصدرك تِهشم الخيل والجرح مفتوح
ونحرك يفيض دموم مو بس الِجروح

#لحن إسمع عتابي

يوليدي أحضر  ..  بحزّة المنحر
وألطم ضلوعي  .. جسمك تودز

خلني أشمّك ..  يبني وأضمّك
واقره اعلى روحك ..  باكر ألمك

واقعد انوحك  .. وعدّد جروحك
ما يهدأ نوحي  ..  اسمالله على روحك


🖊خادمة أبي الفضل

#الليلة_الثانية
#وداع_قبر_الزهراء

⬛️◾️▪️⚫️﷽⚫️▪️◾️⬛️
2 محرم ، للخروج من المدينة
بطور(لا تظلل بالجناح أوصالي - ملا قحطان البديري)
https://youtu.be/BQ2YiT-rpmM
وغيره من الاطوار


▼△▼△▼
في أمان الله ييمه رايح
چم شهر و اتسمعي ابنچ طايح

أدري گلبچ ينجرح
بس تعالي بالذبح😭💔
🏴🏴
يمه يالزهره أودعچ هالمسه
و أشعر أغصان السعاده يابِسه
خلي ايدچ بين ايدي ألمسه
بلكي حبچ و الحنان اتحسسه

ظلليني بالشمس يا يمه
خلي عطرچ بالطفوف اشتمه
يمه يا نسمة صبح
بس تعالي بالذبح
🏴🏴
يمه أودعچ بس ردت منچ وعد
توعديني تحضريني بالشدد
حين اتلفت و لا عندي سند
و اعله صدري يذبحون أغلى ولد

گلبي من ينظر اله شيصبره
يرتوي عبد الله من دم نحره
يا شرع هذا يصح
بس تعالي بالذبح
🏴🏴
مستحي وعندي طلب من حضرتچ
و آنه مو قصدي أشب لچ جمرتچ
يوم عاشر تحضنيني ابحسرتچ
تجمعين أوصالي كلها ابحيرتچ

جسمي فوگ الغبره من يتطشر
لو جمعتيني لتنسي الخنصر
كل عضو من ينطرح
بس تعالي بالذبح
🏴🏴
آنه إبنچ و إنتِ أمي الغاليه
شوفي راح أترك دياري خاليه
و النوايح تسمعيها عاليه
تصبح اثيابي ييمه باليه

أدري بالطف يمه متعرفيني
نايم اببحر الدمه اتلاگيني
حتى گلبي منطرح
بس تعالي بالذبح
🏴🏴
يمه من يگعد على صدري الشمر
و الأرض تزلزل و ما تستقر
ريتچ اتحضرين و روحي تحتضر
حتى اتمسحين ادمومي التخر

بالسحگ إعظامي من تتمرد
خيمتي شوفيها من تتفرهد
راسي تالي عالرمح
بس تعالي بالذبح
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ

#الليله_الثانية
#وداع_قبر_الزهراء

⬛️◾️▪️⚫️﷽⚫️▪️◾️⬛️
2 محرم لخروج الإمام الحسين ع من المدينة
بطور(الدنيا غربه - ملا حمد الخياط)
https://youtu.be/b8ROwptYaUI

▼△▼△▼
يمه يمه * جيت أودعچ هالمسه
يمه يمه * ثــوب حــزنــي ألبِسه

جهْزي تابوت * سَفرَة الموت
يمه يمه * يمه يمه
◆◇
حان الافراگ * و الگلب ضاگ
يمه رايح و اترك الليله المدينه
تبدي الأحزان * دمعه و أشجان
فتحي أحضانچ إلي يمه الحنينه

أسافر للمنيه اليوم ، ما أرجع إلچ يمه
أعوفچ ابگلب مالوم ، و ادموعي دمه تهمه

ادعي ليه * و انتِ ما بين الگبر
ادعي ليه * الله ينطيني الصبر

دعوة اقنوت * سَفرَة الموت
يمه يمه * يمه يمه
◆◇
هذا الأوداع * و العمر ضاع
و العدو آمر بذبحي ابكل طريقه
حتى لو شاف * آنه بطواف
دمي اببيت الله ظلماً يريقه

عگب هذا السفر هيهات ، ما أرجع إلچ سالم
و أريدچ من بعد ما موت ، اتنصبين إلي ماتم

نوحي يمه * و إروي قتلي للنبي
نوحي يمه * بعدي زينب تنسبي

گلبي مفتوت * سَفرَة الموت
يمه يمه * يمه يمه
◆◇
وارث آلام * مثلچ انضام
نار بابچ تحرگ اعيالي و خيامي
كسر الإضلوع * اويه الادموع
كلها تتكرر ، خيول اترض عظامي

تعالي الكربله ابعاشور ، شوفيني على الغبره
يطوفون العده بسيوف ، و اتوذر ألف وذره

حتى ابني * ينذبح ابكربله
حتى ابني * يبقى عاري عالفله

ساد الاسكوت * سَفرَة الموت
يمه يمه * يمه يمه
◆◇
كثرة إجراح * و اسمع اصياح
بالله لا تذبح أخويه و عوف نحره
عوف هالراس * كافي انداس
يا شمر ارحم حبيبي لا تطبره

ييمه صوت زينب نار ، يچوي لمن اتنادي
عليك الله يهل حادي تخلي أحضن أولادي

يضربوها * و الكفلها عالثره
يضربوها * ريت خدها ينظره

يبقى مبهوت * سَفرَة الموت
يمه يمه * يمه يمه
◆◇
يوم الايزيد * يطغي و ايزيد
زينب ايدخلها بين أهل الخلافي
يمه بالشام * بين الأيتام
بالطشت راسي و يظل يضرب شفافي

وعد انطيني يم احسين ، حضري و سكِتي اعيالي
و أريدچ تحضني بنتي ، ابخرابه اتموت اگبالي

بالخرابه * من يوافيها الأجل
بالخرابه * حضني راسي بالعجل

و أهتف ابصوت * سَفرَة الموت
يمه يمه * يمه يمه
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ

#الليله_الثانية
#طور_تمنيته_يدوم_الليل
#وداع_قبر_الزهراء




مِشى لحسين بقَلب مَفطور   ..  يم قبر الحبيبه اليوم
حامل شوقه والآلامه  .. حزين وحاير ومهموم


إجِيت السّاع ودعيني  ..  باكر للسفر أطلع
إلِك أشتاق قبل أرحل  ..  شسَويِ بساعة المصرع
واعذريني اذا شِفتي ..  بصدري الذّابِح اتربع
ويخلي عالرمح راسي  ..  ونحري منصبغ بدموم

#إشصار بحالها من سمعت حديث الحسين ع:

ماجت تُربة الزّهره  .. وعلَّت ونّة تِذوب الرّوح
الوعد يُمّه بعصر عاشر  ..  أجِيلّك والجسد مطروح
بماي العين أروي احشاك  .. وَغَسل نحرك المذبوح
واقيم النايحة بالطّف  ..  حزني من الأزل مرسوم


وما بين الدّمع والنوح  ..  وصلت زينب وعباس
تقلها رايحه يُماه  ..  وكافلها يقبّل الراس
مرعوبه على اخواني ..  وطولي تنظره الأرجاس
قومي والبسي الأسود .. قلبي من السفر ملجوم


🖊خادمة أبي الفضل

#محرم_١٤٤٥
#الليلة_الثانية
#وداع_قبر_الزهراء

(وداع الإمام الحسين ع لقبر أمّه فاطمة ع)

أمّاه جئتُ وَخاطري مكسورُ
حانَ الفراقُ ووُجهتي عاشورُ

ضمّي حُسينَكِ في خِتامِ وداعِنا
شطُّ اللّقا حيثُ الدّماءُ بُحورُ

قلبي الّذي يهواكِ كيفَ تمسّه
نار الظّما، أمفتّتٌ؟ منثورُ

وغدًا ترينَ الرّأسَ بعد عناقنا
مرمى السّيوف، على الرّماحِ يدورُ

قربانُ عشقٍ للإلهِ ودينِه
للذّبحِ نحري شائقٌ، مذخورُ

شدّي الضّلوعَ قُبيلَ شدّةِ نينوى
قدَرُ الحوافرِ فوقَها محفورُ

يا أمُّ ضاقَ الرّحبُ جئتُكِ مُتعبًا
إنّ الفؤادَ معذّبٌ مقهورُ

آتيكِ من فرط المواجعِ ألتجي
علّ الجراح تطيبُ حينَ أزورُ

قولي وداعًا يا بنيَّ، ترفّقي
في دفْء صوتِك راحةٌ وسرورُ

#محرم_١٤٤٥
#كتابات_حسينية

#فهرس
#محرم
#محرم_١٤٤٥
#محرم_١٤٤٦


#الهلال #هلال_محرم #الليلة_الأولى

#الليلة_الثانية #الخروج_من_المدينة #محرم_الخروج
#وداع_قبر_الرسول
#وداع_قبر_الزهراء
#الخروج_من_مكة #حج_الامام
#الوصول_إلى_كربلاء
#الوصول_الى_كربلاء #النزول_في_كربلا
#محرم_الاصحاب
#الاصحاب #ليلة_الاصحاب #ليلة_الأصحاب

#مسلم #ليلة_مسلم
#الاكبر #ليلة_علي_الأكبر #ليلة_الاكبر
#القاسم #ليلة_القاسم
#العليلة
#ام_البنين


#العباس
#ليلة_العباس
#الليلة_السابعة
#الرضيع #ليلة_الرضيع
#ليلة_العاشر #ليلة_الوداع
#العاشر #يوم_العاشر
#ليلة_الحادي_عشر
#السبي
#دفن_الاجساد
#السبايا
#الكوفة
#الامام_السجاد
#الدخول_الى_الشام
#السيدة_رقية
#الامام_الحسن
#الامام_الرضا
#الاربعين
#الرجوع_الى_المدينة
#الرسول_الاكرم
#العسكري
#الحسن_العسكري
#الليالي_الفاطمية
#السيدة_الزهراء

(قابل للتعديل طوال فترة النشر للحفاظ على ذات الهاشتاغ)

محرم_١٤٤٣
#طور_الجفيري/زينب إجت لحسينها
#وداع_قبر_الزهراء ع



جِيتِك وناشِد حَنوِتِك
صعبة عليّه فَرقِتِك
اتمنّى أحفُر تُربِتك
ويايه تروحي بهالسّفر

قَرّب وداعي يالبتول
ودمعي بودَاعِك هم يطول
موعدنا باكر والرّسول
برض المنايا والقهر

وداعِك يفِت روحي وبعَد
عنّك أروح وما أرِد
عوفي ضريحِك والّلحد
وبوسيني يُمّه بالنّحر

كان اعلى حِجرِك مضجعي
وصار اعلى قبرك مدمَعي
من هِسّى موتي ومصرعي
وبعيني شايف حَزّ نحر


🖊خادمة ابي الفضل