قناة خطباء المنبر الحسيني للقصائد

#ليلة_الاكبر
#في_الخدمة_المقدسة
#محرم_١٤٤٦
#ليلة_الأكبر

لسان حال ليلى بعد شهادة ولدها علي الأكبر

(نعي شعبي)

بوداعةَ الله ياشبيه المصطفى
بحرِّ الطفوف ياگُمر نورك اْنطفا

١) ياوليدي تراني منْ عگبك ذابله
چنتْ نبضي وچنتْ ضيّ العايله
بگلبي هموم الدنيا شايله
وجفن عيني ساهر بعدك ماغِفا

٢) تعالي يازينب شوفي لْغالي
مگطّع اْوصاله ومدّد گبالي
والله حياتي عگبه ماتهنالي
ترى گلبي ما تعود على الجفا

٣) أنا اْمك الحزينه وينك تهدني
مصابك بْعاشر والله يهدني
تتهنّى بشهادتك ياعلي يابني
چنت للزهرا وحسين من أهل لْوفا

#منال_بجيجي

#قصائد_في_خدمة_الخطباء
#محرم_١٤٤٦
#شهادة_علي_الأكبر (عليه السلام)
#ليلة_الاكبر


صورة شعرية: كأني بهم لما وضعوا جسد الأكبر في ذلك الفسطاط أقبل إليه أخوه الامام علي زين العابدين عليه السلام، جلس عند جسد اخيه المقطع ولسانُ حاله ...

١/ونّاتي تعتلي .. منهو اللّي ظل الي
هذا أنا علي .. يا خويه يا علي

٢/منهو اللي صوّبك .. منهو اللي خضّبك
بْچَم طعنه عذّبَك .. يا خويه يا علي!

٣/يالأسبَلِت إيديك .. جاوبني شنهو بيك!
شنهو الجرى عَليك .. يا خويه يا علي!

٤/يمّك گِعَدْتَ انوح .. وْبيدي احسب الجُروح
مرمي بَلايه روح .. يا خويه يا علي


ثوابُها يُهدى الى الشهداء وإلى كل مجاهد رأى رفيقه قد هوى إلى الارض شهيدا أمامه...

#عظم_الله_أجوركم ◾️

فاطمة علي رزق
اسألكم الدعاء

#ليلة_الاكبر
#قصائد_في_خدمة_الخطباء
#محرم_١٤٤٦
#شهادة_علي_الأكبر(عليه السلام)

[قصيدة عمودية]

أجرى أنينُكَ أدمُعًا حمرا
مِن عينِ مَن يومًا قضت عَصْرا

ألّمتَ يا أبتاهُ فاطمةً
أنسَيْتَهافي ضِلعها الكَسْرا

في مصرعي لمّا رأتكَ على
جسدي انحَنَيتَ دعت ألا صَبْرا

وهوت عليكَ وكُلُّها ألمٌ
تنعى ومنكَ تُقَبِّلُ الصّدْرا

بكفوفها لكأنّها مسحت
أو ودّعَت يا والدي النّحْرا

صاحت حسينٌ آهِ يا وَلَدي
حنَّت وأنّت أمُّكَ الزّهْرا

عجّل إليَّ فإنّ الشّوقَ أجهدني
تكوي ضلوعي لوعةٌ حَرّى

أحنت عليكَ تنوحُ مُعوِلَةً
وعليكَ أخفت صيحةً كُبرى

تلك التي حتمًا ستَرفَعُها
إن شاهدتْهُ قادمًا شمرا

إن شاهدَتْهُ السّيفُ منكَ دنا
والنّحرُ قد أضحى به يُفرى!


#عظم_الله_أجوركم ◾️

فاطمة علي رزق
اسألكم الدعاء

#ليلة_الاكبر

ولم أنسَ حالَ السبطِ وهوَ مُوَدِعُ
شَبيهَ رسولِ اللهِ والعينُ تَدمَعُ
يُقَدِمُهُ للحربِ والقلبُ لاهب ٌ
وروحٌ لهُ كادَت من الجسمِ تُنزعُ
فخاطبَهُ أقبل بُنيَّ فإنَني
أراكَ ستَمضي لا أظنُكَ تَرجِعُ
فعانقَهُ للأرضِ يهوي كلاهُما
كَشبهِ الذي عندَ المُصيبةِ يُصرَعُ
وصاحَ بصوتٍ يابنَ سعدٍ قطعتَ لي
رَحِمي وهل نسلٌ لأحمدَ يُقطعُ !
فغاصَ عليٌ ضارباً في عدوِِّه ِ
وقد نالَهُم ضربٌ من الليثِ موجِعُ
وظلَّ حسينٌ شاخصََ العينِ مُمعِناً
بأنظارِهِ نحوَ ابنهِ وهيَ تَتبعُ
وقد جآءَهُ صوتُ الفراقِ مُسلماً
يُناديهِ أدركني وليتَكَ تَسمعُ
ومُهر ُعليٍ راحَ نحوَ عدُوّهِ
ليطعَنَهُ هذا وذاكَ يُبَضِِّعُ
وأقبلَ ملهوفاً لِيَرميَ نفسَهُ
عليهِ ونارٌ في الحُشاشةِ تَلذعُ
وخاطبَهُ في لوعةِ الحزنِ والأسى
عليكَ فؤادي يابنيَّ مُلوَّعُ
بنيَّ من الدنيا استرَحتَ وها أنا
من الهَّمِ والآهاتِ مُرَّاً أُجَرّعُ

#سمبر_الصالحي
#البصرة_الفيحاء

🏴 مقطوعتا نعي ٍ لمصيبة الأكبر ع
على وزن النصاري

شسولف عله الأكبر ساعة الطاح
اجاه حسين يصفج راحٍ براح
على الدنيا العفه خلاف الولد صاح
يبويه انشده بالي ولا بكه راي

يبويه ارحلت وانه ابكيت للهم
وتبدل كل نهاري وصار اظلم
وعليه الهضم ويه الحزن خيم
وانه يمك واشوفن فرحة اعداي

بهضني مصابك واحنالي ظهري
ومشه عكس المرام وياي دهري
تمنيتك ترد وانطيك عمري
وبوجه الاعادي توكف وياي

عليك الروح شاغت ياضوه العين
ولا اعرف اجيلك واتجه وين
عين عليك وعين اعله الصواوين
وعَلَي ضاگت الوسعه وگصت دنياي

دحاچيني من اسولف رد عليه
أبوك آنه وأشوفنك رميه
اگطعت شنهو السبب يالغالي بيه
يا هيبه الچنت للحرم حماي

شيفيد العتب يالغالي شيفيد
وعگب چتلك تراهو حيلي يبيد
ذخر ردتك إلي ومايصح بالأيد
العذر لله رحت ما شارب الماي

#سمير_الصالحي
#البصرة_الفيحاء

🏴عليك مني السلام أبه ياحسين

صاح بصوت بويه رحت عنك
تعال بساع ما تلحگ اظنك
اريد اشبع ييابه وداع منك
يبويه گربت مني المنيه

يگله ياعلي من جاني صوتك
انه تمنيت موتي گبل موتك
يافتشة عيوني وعود اخوتك
مااصدگ تروح وهاي هيه

يبويه من اگبلت هايم وفزاع
من فوك المهر ردت الزم الگاع
كل همي أحضنك ياعلي بساع
شبگتك يالولد بثنين اديه

اگعدت يمك يبويه والدمع خر
شفت طبراتك وگلبي تفطر
يالگبر صحت بويه الله واكبر
كل هذه الطعن ياريته بيه

ردتك عون الي وحملي تشيله
وحزن الصابني وهمي تزيله
بساعة طيحتى دمعك تهيله
بيوم الضيج اريدنك تچيه

شگل لمك يلكبر لو اجتني
تسايلني عليك وعاتبتني
وين ابني علي لو ناشدتني
أگلهه ابنچ گضه وراح امنديه

#سمير_الصالحي
#النجف_الاشرف
‏
🏴 موشح

🏴ياعلي الاكبر ينور عيوني
🏴امك انه بمصرعك فجعوني

آآه لو تدري ييمه بحالتي
من حنيني عليك خلصت چبدتي
دم عليك تسيل يبني دمعتي
حايره عگبك تره خلوني

عگبك بحيره اظل طول السنين
مساهره بذكراك ياشمعة العين
لون ليلي يطول ماابطل اونين
بطيحتك يبني تغير لوني

تدري من جابوك يمه الخيمتك
خضبيت الراس من دم هامتك
مگطعه اوصالك بظهرك طعنتك
ليله هذه ابنچ (علي) نادوني

نادت الحره العقيله شلون بيچ
والده وهم فاجده ويلي عليچ
صحت يازينب وصيتي بين اديچ
لومتت يم (اولدي )يدفنوني

گومي زينب نلطم لحال الشباب
خلي سكنه تنعه وتزيد العتاب
يامصاب الماشفت مثله مصاب
من البواچي مجرحات جفوني

ساعد الله فاطمه الزهره البتول
لو تشوف حسين مذبوح شتگول
خيل اميه تسحك بجسمه وتجول
ياوسافه من الولد حرموني

#سمير_الصالحي
#النجف_الاشرف
‏
——-————————
🌑 نعي __ مجردات

يبني علي رحت امنديه
وشمتت عداي اليوم بيه
(يا عمد بيتي و الثنيه)
ويلاه من هاي الرزيه
————————-
⚫️ مجردات

شيفيد العتب لو ردت اعاتب
لاتسمع كلامي ولاتجاوب
ومن الونين الچبد لاهب
حگ ارباي اريده وبيه اطالب
—————————
⚫️مجردات

احاچيك يبني يا شفيه
آنه امك حضنتك بين بديه
يلماضگت شربة اميّه
چبدك خلص سوده عليه
—————————
⚫️مجردات

يوليدي ياحلو الاطباع
خدك ترف وتنام عل الگاع
لاواحد يجيك بهمه فزاع
ربيتك ييمه والربه ضاع

#سمير_الصالحي
#النجف_الأشرف
‏

#ليلة_الاكبر
#محرم_١٤٤٦
#شهادة_علي_الأكبر (عليه السلام)

لسان حال سيد الشهداء(عليه السلام) لولده علي الأكبر (عليه السلام)

(طور يمه ذكريني)

لَحظَه يَوْليدي .. آخر وْصِيَّه وْ كلام
لو شِفْتِ الزَّهرَه .. بَلِّغها عَنّي السَّلام

ما راح اتأخر .. يابني عليها
لو شِفْت الزَّهرَه .. بَلِّغها عَنّي السَّلام

__

گِلها ظَل بعدي .. بْكربلا بويه وحيد
تْحيطه عَساكر .. گوم اِبِن سعد و يَزيد
ظامي وِ بْگَلبه .. يِسعَر الحَرِّ الشَّديد
و گِلها عِدوانَه .. ذَبْحِتَه ظامي تِريد

عَنّي يَوْليدي .. قَبِّل إيديها
لو شِفْت الزَّهرَه .. بَلِّغها عَنّي السَّلام

__

هاي آخر ساعَه .. بيها اْشوفك يالحبيب
تاليها گبالي .. انْظُرك يابني تريب
أبگى بالدِّنيا .. من بَعَد عينك غَريب
وِعْليك بْروحي .. شِنهو لِيْخَلْصِ النحيب!

تمشي و عيوني .. نَظرِتَك بيها
لو شِفْت الزَّهرَه .. بَلِّغها عَنّي السَّلام


#عظم_الله_أجوركم ◾️

فاطمة علي رزق
اسألكم الدعاء

تمت المشاركة من تطبيق: خطباء المنبر الحسيني

#ليلة الاكبر
#محرم_١٤٤٦

نعي/ الأكبر ع ١٤٤٦
💧💧💧💧💧💧
(وقف الحسين في مصرع الأكبر بهيئة المُحتضر وكأني به يخاطب شيعته عبر الأزمان):


ألا يا شيعتي قوموا
وكونوا في الأسى مددي

على المحبوبِ فلتبكوا
ولا تبكوا على أحدِ

هوى فوق الثرى قمري
وضعتُ يدي على كبدي

أحاولُ جَمعَهُ قِطعَاً
لأُرجِعَ هيئةَ الجسدِ

على ظمأٍ تبسَّمَ لي
وودَّعني إلى الأبدِ

وروحُ الروحِ يهجرني
يموتُ الآن َ بين يدي

أنا يا شيعتي في الطف ِ_
مُتُّ بمصرعِ الولدِ !!!!

محمد طالب العاملي

تمت المشاركة من تطبيق: خطباء المنبر الحسيني

#ليلة_الاكبر
#محرم_١٤٤٦



للحسينِ السبطِ في الدنيا ولد
في الجمالِ ما لهُ كفوٌ أحد ْ !

لو رآهُ هامَ فيهِ يوسفٌ
وعلى الأرضِ احتراماً قد سجَد ْ

منذ بدءِ الخلقِ أبكى آدماً
رزؤهُ في القلبِ جمرٌ ما بَرَد ْ

هو للهادي النبيِّ صورةٌ
لُفَّ بالبُرقُعِ من شرِّ الحسدْ

مع حسينٍ سوف يبكيهِ دماً
كلُّ من في الدهرِ للإبنِ فقَدْ

غاصَ في بحرِ الرماحِ والقنا
ولدي الأكبرُ عن عيني ابتعد ْ

معهُ روحي هوت لمّا هوى
يا حسينٌ صوتهُ صاحَ مَدَدْ !

لهف نفسي مزّقوهُ قطعاً
وبخيلٍ سحقوا منهُ الجسد ْ

لذئابِ الطفِ طَعمٌ لحمُهُ
ليس للأسيافِ في الطَعنِ عددْ

أجمَعُ الآنَ بقايا جسمهِ
ذاكَ راسٌ..ذاكَ صدرٌ..تلك يد ْ!

قالَ :جدّي قد سقاني شربةً
ثم غابَ عن عيوني للأبد ْ

مَن تُرى في الهَمِّ مثلي في الورى
فاطمٌ في الخُلدِ صاحت: لا أحد ْ!!!!!

محمد طالب العاملي

تمت المشاركة من تطبيق: خطباء المنبر الحسيني

#الاكبر
#ليلة_الاكبر

1445 نعي علي الأكبر ع
💧💧💧💧💧💧

1/وحدي ولا أحد في مصرعِ الولد
لا لم أجِدْ جسد قد قطّعوا علي!

2/يا عينُ فاذرفي دمعَ الدما انزفي
قد مات يوسفي في كربلا علي !

3/جمعتُ باليدِ أشلاءَ أحمدِ
يا ربُّ فاشهدِ قتلوهُ في علي !

4/سأعلنُ الخسوف فالبدرُ في الطفوف
طعنوه ُ بالسيوف أين اختفى علي؟!

5/ناديتُ أمَّهُ حتى تضمَّهُ
رتّبتُ جسمّهُ لكي ترى علي!!

6/رأت بعينِها أشلاءَ إبنِها
نادت بحزنِها هل هذهِ علي ؟

7/يقتُلُني السُكوت ما للحبيبِ صوت
ما خِلتُ أن تموت قَبلي أيا علي!

8/ولداهُ أفتديك لا تُخفِ عن أبيك
أسماءَ قاتليك بني يا علي !!

9/من خاضَ في دماك بالسهمِ من رماك
تموتُ من ظماك عطشانَ يا علي

10/أحرقتَ أضلعي أجريتَ مدمعي
وزينبٌ معي. تصيحُ يا علي!!!!

محمد طالب العاملي

🙏" يا أيها العزيز مسنا وأهلنا الضر وجئنا ببضاعةٍ مزجاة فأوفِ لنا الكيلَ وتصدق علينا إن الله يجزي المتصدقين "

#الاكبر
#ليلة_الاكبر
#ليلة_علي_الأكبر

#الليلة_الثامنة
مجلس #علي_الأكبر سلام الله عليه

يا عينُ بالدّمع الزّلالِ تكحّلِي
نوحي على شِبه الحبيبِ المرسلِ

بدرٌ طوى سوحَ الوغى بحُسامِهِ
والسّبطُ يرنو بأسَهُ بتأمّلِ

في الوجهِ أحمدُ، في الشّجاعةِ حيدرٌ
يمشي فترتعبُ الجيوشُ وتنجلي

بينَ السّيوفِ يَصولُ مضطرِمَ الحشا
والماءُ يرجو ثغرَه بتوسّلِ

وأتاهُ حدُّ الغدرِ يفلقُ هامَه
فبدا الذّبولُ على المحيّا الأجملِ

ساقتْه أقدارُ الرّدى لِمعسكرِ
الْأعداءِ فَاحْتَوَشُوهُ دون تمهّلِ

أضحى على حرِّ الرّمال مقطّعًا
نادى: سلامًا يا أبي،فلتأتِ لي

هرعَ الحسينُ يئنّ ملْء وُجودِه
أهوى عليه يصيحُ: وا ولدي علي

#محرم_١٤٤٥
#قصائد_في_خدمة_الخطباء
#كتابات_حسينية

#فهرس
#محرم
#محرم_١٤٤٥
#محرم_١٤٤٦


#الهلال #هلال_محرم #الليلة_الأولى

#الليلة_الثانية #الخروج_من_المدينة #محرم_الخروج
#وداع_قبر_الرسول
#وداع_قبر_الزهراء
#الخروج_من_مكة #حج_الامام
#الوصول_إلى_كربلاء
#الوصول_الى_كربلاء #النزول_في_كربلا
#محرم_الاصحاب
#الاصحاب #ليلة_الاصحاب #ليلة_الأصحاب

#مسلم #ليلة_مسلم
#الاكبر #ليلة_علي_الأكبر #ليلة_الاكبر
#القاسم #ليلة_القاسم
#العليلة
#ام_البنين


#العباس
#ليلة_العباس
#الليلة_السابعة
#الرضيع #ليلة_الرضيع
#ليلة_العاشر #ليلة_الوداع
#العاشر #يوم_العاشر
#ليلة_الحادي_عشر
#السبي
#دفن_الاجساد
#السبايا
#الكوفة
#الامام_السجاد
#الدخول_الى_الشام
#السيدة_رقية
#الامام_الحسن
#الامام_الرضا
#الاربعين
#الرجوع_الى_المدينة
#الرسول_الاكرم
#العسكري
#الحسن_العسكري
#الليالي_الفاطمية
#السيدة_الزهراء

(قابل للتعديل طوال فترة النشر للحفاظ على ذات الهاشتاغ)

📚 فهرس

#تعريف_موعظة
#تعريف_قرآن
#تعريف_مجلس



#الهلال
#الخروج
#مسلم
#ليلة_الاصحاب
#ليلة_القاسم
#ليلة_العباس
#ليلة_الاكبر
#ليلة_الرضيع
#ليلة_العاشر
#العاشر
#ليلة_الحادي_عشر
#السبي
#السيدة_رقية

https://t.center/hobalhusseinAs