قناة خطباء المنبر الحسيني للقصائد

#أبوذيات في استشهاد الإمام #الحسن المجتبى عليه السلام
.
.
عليك الدهر گلبي بحزن ينشد
تگطــع چبــدك وما بعــد ينشـد
اليجي لدارك يخويه وبعد ينشد
يشوف الدار من بعدك خليـــه

حسافه تنچتل يا خوي بالسم
يمن وجهك لعد الجرح بالسم
عگبك ثغري حاشه ابيوم بالسم
وصفن أيامي من بعدك عزيه

جِرَع مِنِّ المَحَن أكبــر سَهمهــــا
وتِغيَّر بالسَمِ ارسومـه سَهمهــــا
اشعدها اعداه واترامِـي سَهمهـا
وتصيب ابنعشه گلب أمه الزچیه
_
#فاطمة_كريم
#الامام_الحسن

خُويَه لَا تِبْچِي لْمُصَابِي وْطِيحِتِي
مْصِيبِتَكْ أَصْعَبْ تَرَه مْنِ مْصِيبِتِي
يَا أَبُو الْيِمَّه لْأَشُوفَه بْدِنْيِتِي
گْبَالْ يُومَكْ هَيِّنِ شْگَدْ مَا جَرَى
-----------------------
خُويَه چَبْدِي يِنْمُرِدْ وِيْصَوْبَه سَمْ
مُو مِثِلْ چَبْدَكْ يِطَيْحُونَه بْسَهَمْ
مِنْ الْمُثَلَّثْ گَلْبَكِ يْذَوْبَه الْأَلَمْ
وْمِنْ ظَهَرْ مُهْرَكْ تِطِيحِ عْلَه الثَّرَى
-----------------------
رُوحِي تِطْلَعْ وِانْتَه يَمِّي بْعَبْرِتَكْ
لَاچِنِ انْتَه مِنْ يِجِيكِ بْمُوتِتَكْ
مِنْ گُفَه يْگِطْعُوهَه خُويَه رُگْبِتَكْ
مَاكُو مِثْلِ مْصِيبِتَكْ بِينِ الْوَرَى
-----------------------
جْنَازِتِي يِرْمُوهَه عِدْوَانِي بْنَبْلِ
وِانْتَه بِسْهَامِ الْأَعَادِي تِنْچِتِلْ
وِالسَّهَمْ هَمْ يِذْبَحِ گْبَالَكْ طِفِلْ
وِالدِّمَه تِطْفَحْ نَهَرْ مِنْ مَنْحَرَه
-----------------------
بَاچِرِ يْمِنْعُونِي يَمْ جَدِّي أَطُبْ
لَاچِنِ تْدِفْنُونِي يَا نَبْضِ الْگَلُبْ
وِانْتَه عَارِي بْلَا دَفِنْ فُوگِ التُّرُبْ
تُبْگَه يَا وَسْفَه ثَلَاثَاً بِالْعَرَى
-----------------------
بِيدَكِ تْخَلِّينِي خُويَه بِالْگَبُرْ
وِعْلَه كِيفَكْ تِبْچِي مَا تِسْمَعْ زَجُرْ
لَاچِنِ عْيَالَكْ يِعِتْ بٍيهَه الشِّمُرْ
بْسُوطَه يِضْرُبْهَه لَوَنْ نَاحَتْ تَرَه
-----------------------
#الامام_الحسن
#الحسن_المجتبى
#صفر_١٤٤٦هج
حسن خنافر العاملي

لسان حال الموالي يعتذر من الإمام #الحسن_المجتبى عليه السّلام

لحن #يا_ليل_طوّل_ساعاتك


جِيتِ مْدَنِّگْلَكْ راسي.. انْخِطفَتْ منّي أَنفاسي

دمعي بْحسرة يجري.. ما لاطِملَك صدري

١// آسفْ يا إِبْنِ الكِرام.. مَحضَرِتْ لَجلكْ مَجالس
أَعتذُر دَنظرلي نَظره.. شْگَد دَمِع بِعْيوني تارس
لو أَموت هَسّه لْعُيُونك... مَا يِكَفّي موتي حاسس

وَسفه يَا گبْرِ الْحَسَن.. لا مَنَاره وْلَا صَحَن..
بْرُوحي تِحِز هايِ الْمِحَن.. وِالخْنگَه بْضُلوعي حابِس..

أَحلَم أَوْصَل يَم گَبْره... وْأَبني مْنِ ضْلوعي الْحضره

وْأَصرَخ: خَلَّص صبري.. ما لاطِملَك صدري

٢// سامِح يَا كريمِ الْآل.. هَالگَلُبْ يبدي اعتِذاره
حاملَ اوْجاعي اعْلَه ظهري.. وْدمعِ النّدم منّي تِجارى
هَم دِليلي حْرَگْته لَجلك.. وِالچبِد مِسْتعره ناره

كلْ سنه اعْليّه تِمُر... وْما أَموت لَجلك گهُر
وْلا أَزورَن إِلك گبُر.. وَانا حِلمي هَالزّياره

هالعام جِيتك بِجْروحي... وْگَبرَك أَبنيهِ بْروحي


بَالله تِقْبَل عُذري.. ما لاطِملك صدري

#كتابات_حسينية

استشهاد الإمام #الحسن_المجتبى عليه السّلام

طور #الفراق (مالي غيرك) //(سامحيني)

قطعه قطعه.. بِالطّشِت چبده يِطيح
قطعه قطعه.. وْيَه الْچبِد دمّه يِسيح
قطعه قطعه.. وِخته تِنعاهِ وْتِصيح

دمعه دمعه.. مِنْ عُيونْ زينب تِسيل
دمعه دمعه.. بْحسره يِحضنها الْكفيل
دمعه دمعه.. فگد الأُخو صعب وْثِگیل

يا عضيدي.. يْنادي بِدْموعه الْحُسين
يا عضيدي.. مْنينَ اجيبنْ مِثلكِ مْنِين
يا عضيدي.. خويه لَجلك زادِ الْوِنِين

#كتابات_حسينية

استشهاد الإمام #الحسن_المجتبى عليه السّلام

طور #حدي_حجاز (مُرّوا عَلى الأكبر)

رِكضت إِله أُمّه
وِلْإِبِنها تْشمّه
يم ضِلِعها تْضمّه
وْتِمسح عَلى خدّه

وْبو الأكبرِ بْدمعه
فْراگِ الحسن فِجعه
وِيْألِّمه وَضعه
وْيَدِّ الْأخو بْيَدَّه

گلّه لَتِحرگني
لو خويه تتركني
گلبي يِفارگني
وْياهو إِلي يْرِدّه

يا أكرمِ الوادم
يالباقي منْ فاطم
حْسينكَ إجى وْلاطم
ترضى يِظَلْ وَحده


#كتابات_حسينية

استشهاد الإمام #الحسن_المجتبى عليه السّلام

طور #الفائزي

سِبطِ النّبي مِثله گضى مَظلوم
حَگّه انْسلب وِمْنِ الْغدر مَلچوم
صايم لَچَن يِفطر لَبَن مَسموم
يِچوي الْحَشَا وْذابِ الْگَلُب مَهموم

ذاگِ اللّبن وِالسّم فَرى چِبده
بْجوفه جَرى وْگلْبِ الْوِلي مِرده
يْطيحِ وْيقومِ وْياهو لِي يْسنده
وْنِظْرَت إِله مِتشمّته جَعده

راحِ الحَسن مِثلِ النّبي مَغدور
يْعالج سُمومه وِالچبد مَفطور
ظهرِ الْحُسينِ بْفرگِته مَكسور
يِنعى الأُخو وْدمعِ الْحِزن مَنثور

#كتابات_حسينية

استشهاد الامام #الحسن_المجتبى عليه السّلام


#طور_البيابي (اسمع عتابي للخطيب علي البيابي)
#طور_الغربه_صعبه (للملا نقيب الكربلائي)

مْنِ سْمُومه ذايبْ
هَم وَجهَه شاحبْ
وْكِلِّ الْحَبايِب
يَمّه تِوَدعه

مْصِيبه ثِگِيله
تِبچي الْعقيله
بْهمها عليله
خوها شْيِوَجْعه

أحشاءه تِلهب
وِالدّنيا تنحب
يْگلها يَزينب
وْهِيّه تِسِمْعه

بْگلبي وِنينِك
الله يِعينِك
غَمضيها عينِك
چبدي شْيِرَجْعه


#كتابات_حسينية

استشهاد الإمام #الحسن_المجتبى عليه السلام

#قصيدة_عمودية

لِلزُّهْدِ نَعشٌ بِالسِّهامِ مُضَرَّجٌ
إِبليسُ آَمِرُ وَالمُضَلَّلُ سَدَّدَا

وَمَلَائِكٌ تَلقى النِّبالَ صُدورُها
عِشقًا فِداءً قُربةً وَتَعبُّدَا

وَكفيلُ زينبَ لاحَ عِرقُ جِبينِه
غضِبًا تمنّى ردَّ كَيدِ مَنِ اعتدى

وَحُسَينُ صَبْرًا كاظمٌ غيظَ الأَسى
لِلفِتنةِ البابَ المُصرَّعَ أَوْصَدَا

إِنْ ما يَخِيبُ السَّهْمُ تمتمَ ثغرُه
حمدًا، وَشكرًا لِلإلهِ تَنَهَّدَا

صَلَّتْ فَضَائلُ عندَ سِبطٍ مُجتبىً
ذاقَ السّمومَ، أَلِيمَها متكبِّدا

وَالنَّعشُ حُبًّا إِحتواهُ بِرَأفَةٍ
يَخشى عَلَيْهِ خَدشَ أَرجاسِ العِدَى

يا شيعةَ المسمومِ نوحوا لِلَّذي
في غُربةٍ تُربَ البَقيعِ تَوَسَّدَا


#كتابات_حسينية

#الامام_الحسن
#الحسن_المجتبى
#في_الخدمة_المقدسة
#شهادة_الإمام_الحسن_المجتبى ع

يعلو الأنينُ وتُحجبُ الأنوارُ
باتَ الأسى للخافقينِ دثارُ

حزنًا على سبطِ النذيرِ المصطفى
فلرزئهِ تتعجّبُ الأقدارُ

ظلماً يعاني من شرارِ زمانهِ
وهو الصّبورُ وحِلمُهُ مدرارُ

طعنوا الإمامَ بخنجرٍ من حقدهم
تبّت أيادٍ للضّلالِ تدارُ

نشروا الدّسائسَ والوشايةَ حولَهُ
ذي قلّةٌ في عهدهِ أنصارُ

قد أنكروا حقَّ الولايةِ نقمةً
لن ينفعَ النّكرانُ والإنكارُ

ذا ابنُ البشيرِ محمدٍ والمرتضى
وابنُ البتولةِ، نسلُها الاطهارُ

لا لم يُراعوا للرّسالةِ حرمةً
إذ سمّمتهُ عصبةٌ فجّارُ

لهفي عليه تفتّتت أحشاؤهُ
رحل الوصيُّ وحولهُ الأبرارُ

رشقوا الجنازةَ بالسّهامِ فبغضُهم
أعمى القلوبَ، فأُعمِيتْ أبصارُ

ومضى الحسينُ بنعشهِ متألماً
نحوَ البقيعِ وقلبهُ محتارُ

#منال_بجيجي

#في_الخدمة_المقدسة
#شهادة_الإمام_الحسن_المجتبى
#الامام_الحسن
#الحسن_المجتبى

(وزن الطويل)
لسان حال السيدة زينب (ع) تخاطب أخاها الإمام الحسن (ع)

أودعنّك يا بومحمد..وگلبي من الحزن مكسور
كل أهل السما تنعاك..وتبچي عليك أمد ودهور

1)أعاين حالتك خويه..وانت امدد ومسموم
أشوفن چبدك مقطّع..بطشت ممزوج ويادموم
غدروا بيچ أهل الجور..أويلي عليك يالمظلوم
خانوا وصية المختار..وقرآن الهدى مهجور

2) أبتچي وأحضن عيالك..وگلبي يستعر جمره
واقعد ويا خويه حسين..نتقاسم أسى وعبره
وانادي يمّه حضريني..تعبني الهم يازهره
هذا ابنك گضى مسموم.. وگبره بالحزن محفور

3) عمرك عابد گضيته..ودرب مكة مشيته سنين
ومدينة جدّي محزونة..على فراگك يا نور العين
دعائك چان يونّسها..يابن العتره الطيبين
كلّ الدنيا تتحسّر..اعله مصابك يالمغدور

#منال_بجيجي

#الحسن_المجتبى

قصائد مقدمة المجلس
#رقم_36_

شهادة #الإمام_الحسن_المجتبى
(عليه السلام)
للسيّد مهدي الأعرجي (ت ١٣٥٩)

1_ قَضَى الزَّكِيُّ فَنُوحُوا يَا مُحِبِّيهِ
وابْكُوا عَلَيْهِ فَذِي الأَمْلاكُ تَبْكِيهِ

2_ قَضَى ابْنُ فَاطِمَةَ الطُهْرِ البَتُولَةِ مَنْ
عَمَّ البَرايَا جَمِيعاً في أَيادِيهِ

3_ مَضَى وَقَدْ قُطِّعَتْ أَحْشاؤُهُ قِطَعاً
وَصَارَ يَقذِفُهَا فِي الطَّشْتِ مِنْ فِيهِ

4_ قَضَى وَأَظْلَمَ وَجْهُ الكائِناتِ أسًى
لمَّا أَصَاتَ بِصَوْتِ الحُزْنِ نَاعِيهِ

5_ وَلمْ يَزَلْ كاظِماً لِلْغَيْظِ مُحْتَسِباً
علَى الأَذَى صَابِراً في جَنب بارِيهِ

6_ حَتَّى قَضَى بِنَقِيعِ السُّمِّ مُضْطَّهَداً
وَجُرِّعَ الحَتْفَ قَسْراً مِنْ أَعادِيهِ

7_ ومُذْ قَضَى أَحْدَقَتْ في نَعْشِهِ فِئَةٌ
مِنْ قَوْمِهِ ومَوالِيهِ وأَهْلِيهِ

8_ فَمالَ فِيهِ أَخُوهُ السِّبْطُ لا فَرَقَاً
لكِنَّما هُوَ قِدْماً كانَ مُوصِيهِ

9_ إِلَى البَقِيعِ وَوَارَاهُ هُناكَ وقد
أقَامَ عِنْدَ شَفِيرِ القَبْرِ يَرْثِيهِ

10_ أَخِي سَأبْكِيكَ ما نَاحَ الحَمَامُ وَمَا
سَحَّ الغَمَامُ ومَا انْهَلَّتْ غَوادِيهِ

11_ أَذْكَيْتَ جَمْرَةَ أَشْجَانِي وإِنَّكَ قَد
ذَكَّرْتَني مَا أنَا قَد كُنْتُ نَاسِيهِ

12_ فاليَوْمَ بَعْدَكَ يا ذُخْرِيِ ويَا عَضُدِي
لمْ يَحلُ لِي مَجْلِسٌ إِذْ لَمْ تَكُنْ فِيهِ

****

يبو محمد نحل جسمي اعلى فرگاك
اشيصبّرني يخويه اخلاف عيناك
عسانه انروح كل احنــــه فدايـــــاك
وبس انته يبحـــر الجـــود تسلــــم

خويه بعد ذيج المصيبة وذيج الهموم
تاليها اضعنت والجبد مسمـــــوم
عيد اصبح لاهالـــي الشـــــام هاليوم
يخويه وعالهواشم أصبح أظلـــم

أنه ابوجهي الدهر ما يوم بسّام
عسن عمري گبل هالعام بسام
ولا شاهد عضيدي الحسن بسام
جبدته اتمرّدت واصفج بديّه

#الحسن_المجتبى

قصائد مقدمة المجلس
#رقم_37

شهادة #الإمام_الحسن_المجتبى (عليه السلام)
للسيد محمد حسين القزويني (ت 1356)

1_ جَحَدُوا وَلاءَ المُرتَضى وَلَكمْ وَعَى
مِـنهُمْ لَـهُ قَـلْبٌ وأَصغَى مَسْمَعُ

2_ وَغَدَوا على الحَسنِ الزَّكيِّ بِسالفِ الـ
أَحـقادِ حِـينَ تَـأَلَّبُوا وَتَجَمَّعُوا

3_ غَـدروا بِهِ بَعدَ العُهودِ فَغُودِرَتْ
أثـقـالُهُ بَـيـنَ الـلِّئامِ تُـوزَّعُ

4_ مـا زالَ مُـضطهداً يُقاسي مِنهُمُ
غُـصَصاً بها كأسَ الرَّدى يَتجرَّعُ

5_ حـتى إذا نـفَذَ الـقضاءُ محتَّمَاً
أضْـحى يُـدسُّ إلـيهِ سُمٌّ مُنقَعُ

6_ وَتـفتَّتْ بـالسُمِّ مِـنْ أَحـشائِهِ
كَـبِدٌ لـها حـتى الصَّفا يَتصدَّعُ

7_ وَقَـضَى بـعينِ اللهِ يَـقذفُ قلبَهُ
قِـطَعَاً غَـدَتْ مِـمَّا بـها تَتقطَّعُ

8_ لـلـهِ أيُّ رَزيـةٍ كـادتْ لـها
أركـانُ شامخةِ الهُدى تَتَضَعْضَعُ

9_ رُزءٌ بَـكتْ عَينُ الحُسينِ لهُ وَمِنْ
ذَوْبِ الـحَـشا عَـبراتُهُ تَـتدفَّعُ

10_ يَـومَ انـثنى يـدعو ولكنْ قلبُهُ
ذاوٍ ومُـقلتُهُ تَـفيضُ وتدمعُ

11_ أتُـرَى يَطيفُ بِيَ السُلُوُّ وناظري
مِـن بـَعدِ فقدِكَ بالكرَى لا يَهْجَعُ

12_ خَـلَّفتني مَرمَى النَّوائِبِ ليسَ لي
عَضُدٌ أردُّ بـه الخطوبَ وأَدفعُ

13_ وَتَـركتني أَسِـفاً أُردِّدُ بـالشجا
نَفَسَاً تُـصعِّدُهُ الـدُّموعُ الهُمَّعُ

**

يگلبي امن الحزن ذوب او تولم
على اللي ذاب چبده او خلص بالسم

وسافه اعلى ابو امحمد منهل الجود
گضه نحبه او منه الچبد ممرود
اشحال احسين لمن عاين العود
يگلّب بيه چبده اللي تخذم

يبو امحمد نحل جسمي اعلى فرگاك
اشيصبرني يخويه اخلاف عيناك
عسانه انروح كل احنه فداياك
بس انته يبحر الجود تسلم

عگب ذيچ الهضيمه او ذيچ الهموم
تاليها اظعنت والچبد مسموم
عيد اصبح لهالي الشام هاليوم
يخويه او علهواشم اصبح اظلم

#الحسن_المجتبى

#قصائد_النعي_الشعبي
#رقم_6_

بين الامام الحسين الشهيد و #الإمام_الحسن_المجتبى (عليهما السلام)
الشاعر محمد حسن ضيغم

حسين بهل مسيه
دفن بيده اخيه
وعليه دمعه جريه
يصيح بگلب مالوم

يخويه شلون ادفنك
و اروح وامشي عنك
بلحدك راح احضنك
واندب ها يمسموم

يخويه صعب الفراك
الك يالحسن اشتاك
يبست شوف الارياك
يماي المنّه محروم

دفنتك بيدي وابچي
اناشغ گوه واحچي
ترد وياي بلچي
واليه بلكن تگوم

چن صوت الحسن صاح
يحسين العمر راح
بعد ما ينفع انياح
ولا ضن تنفع هموم

ادفنتني وباچر شلون
بالطف ما الك عون
يخويه موش مدفون
وتغسيلك بالدموم

#الحسن_المجتبى

قصائد مقدمة المجلس
#رقم_129

رثاء #الإمام_الحسن_المجتبى (عليه السلام)
السيد ناصر الاحسائي (ت ١٣٥٨ هـ)

1_ اللهُ أكـبـرُ أيُ يـومِ شـجونِ
فـيه اسـتُبيح حريمُ هذا الدِّينِ

2_ يـومٌ به غَلَب الشَّقاءُ على التُّقى
والـدينُ آبَ بـصفقةِ المغبونِ

3_ قـد أظهروا ما أضمروا لمحمّدٍ
أن جـاءهم فـي مُحكَم التبيينِ

4_ يَوْمٌ بِهِ غَصَبُوا الزَّكِيَّ خِلاَفَةً
ثَبَتَتْ لَهُ في عَالَمِ التَّكْوِينِ

5_ غَدَرَتْ بِهِ عُصَبُ النِّفاقِ وبايَعَت
رِجْساً عَلَى الإِيمانِ غَيْرَ أَمِينِ

6_ والَهْفَتاهُ عَلَى ابْنِ بِنْتِ مُحَمَّد
مَاذا يُقاسِي مِنْ قَدِيمِ ضُغُونِ؟

7_ مَا زالَ مُضْطَهَداً يُقَاسِي مِنْهُمُ
مِحَناً تُطَبِّقُ سَهْلَها بِحُزُونِ

8_ حَتَّى قَضَى صَبْراً بِسُمِّ جُعَيْدَة
في أَمْرِ مُلْتَحِفِ الضَّلالِ أَفِينِ

9_ حـتّى إذا حُـمِلتْ جَنازتُه بَدَتْ
مـنهم قـديمُ ضـغائنٍ ودُيـونِ

10_ مَـنَعوه مِـن حَرَمِ النبيّ مخافةً
مِـن أن يـقومَ بثارهِ المَضمونِ

11_ لَهْفِي لِنَعْشِكَ والعُداةُ تَنُوشُهُ
بِسِهامِ حِقْدٍ بارِزٍ وكَمِينِ

12_ قُمْ وانْعَ لِلزَّهْراءِ مُهْجَةَ قَلْبِها
الْحَسَنَ الزَّكِيَّ بِزَفْرَةٍ وَحَنِينِ

13_ واكْتُمْ حَدِيثَ الطَّشْتِ عَنَها إنَّما
أَخْشَى انْخِلاعَ فُؤادِها المَحْزُونِ

**
الشعر الدارج للمُلّا علي بن فايز :

نوحي على الأولاد يا زهره الحزيـنه
في كربله واحد اواحد بالمدينه

اتـفـرگوا عـنـج و صـار الشمل تبديد
واحد امن اجعيده گض اواحد من يزيد
واحـد دفـن عـنـدج او واحد عنج ابعيد
گبـر الـحـسـن عندج وگبر حسين وينه

نصبوا يازهره اليوم في بيتج عزيه
بالدار ناصبها غريب الغاضريه
يبجي على عضيده الحسن مسموم أخيه
ليتج يا زهره جنتي يمه او تنظرينه

ليتج تشوفين الحسن في صدر الحسين
امسند له ابصدره ويجري مدمع العين
والكل منهم قابض الثاني بالإيدين
و ايكول أمر كونه الباري علينه

وقال شاعر آخر :
انه ابوجهي الدهر ما يوم بسام
عـسن عمري گبل هالعام بسام
ولا شاهد عضيدي الحسن بسام
چبـدته اتمردت واصفج بديه

#الحسن_المجتبى

يبني يجاسم استمع مني الوصيه
حان الوداع او دنت يوليدي المنيه

..

شَد الوصيه بعضد ابنه ودمعه سجام
وقله انا رايح من الدنيا يجسام
ووصيتي تفهمها يبويه بمر الايام
لابد يجيلك يوم تحتاج الوصيه

..

من تنظر العمك وحيد بأرض لطفوف
وتنظر بو فاضل بس تنظره دون لكفوف
وحسين ماله ناصر او حاطتّه لصفوف
وينادي هل من ناصر او يفزع اليّه

..

من تنظره حاير وحيد يدير بالعين
اهنا يجاسم وجهي بيّضه قبال لحسين
ومن دم وريدك بويه حنيها هليدين
لا تبخل بدمك براضي الغاضريه

..

عون الكشري

#الحسن_المجتبى

#تراث

لفاجعة استشهاد مولاي الحسن عليه السلام

گعد يبجي حسين ويون عالگبر
اوينعه اخوه الحسن ودموعه حمر
ــــــــــــــــــــــــــــــــــــــ
ياعضيدي العـیش عگبـك لاهنه
اوطود حلمي اتهدم اوصبري انفنه
ريت موتي ايعجل اوليـه دنه
ظلتي شنهي شـسوي ابهـالعمر
ــــــــــــــــــــــــــــــــــــ
ياعضيدي العيش عگبك لا يطيب
واسهرت عيني وعلى افراگك حريب
يبو محمد فگدك ادعاني غريـب
واظلم الدنيا على اعيوني الظهر
ــــــــــــــــــــــــــــــــــــــ
ياعضيدي انوار وجهك من خفت
اگلوب عدوانك المجروحه اشتفت
يبو امحمـد اطربـت واتـشمتت
اوفت اهل الـشام هاليوم النـذر
ــــــــــــــــــــــــــــــــــــــ
ياعضيدي أيضمك اشلون اللحد
يابحر جود أو بدر عز أو مجد
يبو محمد ريتني أوياك أنفكد
حيث مني أوياك مفگود النصر
ــــــــــــــــــــــــــــــــــــــ
يـا عضيدي ايظمك اشلون الضريح
وجودك الوديان من عنده تـسيح
چان بوجودك عفـي كلبي وصحيح
خذمه فگدك ابصمصام الهجر
ــــــــــــــــــــــــــــــــــــــ
اشلون اصابح دارك البيها چنت
اطب واذكـر چبدك اللي بالطشت
ماسده أمفارگ مثل ما فارگت
كسف شمس الدين ومغيب البدر
ــــــــــــــــــــــــــــــــــــــ
أشلون أطب دارك وصابحها ومس
أو هـوت سمر المـوت صادك يا شمس
يبو محمد ما علـى غيري يحس
فگدك الگلّب مهجتي اعلـه الجمر
ــــــــــــــــــــــــــــــــــــــ
اشلون اماسي الدار من بعدك وطب
ولا مهجتي أتلوح بيها والگلـب
صار يومك يشبه اليوم الغضب
علـى الإسلام ومثل يوم الكسر
ــــــــــــــــــــــــــــــــــــــ
شلون اطب دارك مسه يو لا صبح
ولا اشوفن وجهك البي ينبجح
يمن چفك بحر للوادم يسح
سيل والوديان من عنده تسر
ــــــــــــــــــــــــــــــــــــــ
گام من الگبـر آه اشلون گـام
ظهـره مثل الگوس محني امن الأحزام
راد يمشي حسين لاچنـه الأقدام
ما يطيعنـه وتخوصر وإنحسر
ــــــــــــــــــــــــــــــــــــــ
اشلون يمشي وفارگ اعضيده النفل
وبلل أتراب الگبر دمعه اليهل
و گفته اعلـه الحسن يا ويلي مثل
و گفته اعله الليث عباس البدر
ــــــــــــــــــــــــــــــــــــــ
هالمصيبه وين من ذاك المصاب
هاي ما هي الذيج لـو كلهن أصعاب
حين شاف حسين أخو فوگ التراب
وبكتر يسراه ويمينـه أبكتر
ــــــــــــــــــــــــــــــــــــــ
لزم گلبه احسين وعيونه تسيح
ايخاف لن گلبه اعله ابو فاضل يطيح
نوب يبجي ويعتب اونوبه يصيح
ياعضيدي شـتتو شملي الكفر
ــــــــــــــــــــــــــــــــــــــ
چم اخو اعليه وگف ويلي وچم ولد
شاب شعة الگمر ما عذر الخد
وحين طاح حـسين يمه من گعد
من محبينه وهله غير الشمر

الشاعر المرحوم عبود غفلة

#اللهم_عجل_لوليك_الفرج

#الحسن_المجتبى


▪️مذبوح النعش▪️

وزن البحر الطويل

في مصاب الامام الحسن عليه السلام




بهداي اعله نعش العود
وابهيده يا دفانه
مذبوح النعش بسهام
وجِثْتَه ابسمّه رويانه
—————-

ابهيده اعله الحسن بهداي
ابهيده من تشيلونه
نعشه منذبح بسهام
ريضوا من تنزلونه
جِثْتَه ظني صوبوها
وخوفي صابوا اعيونه

ويمكن كسْرَواْ الاضلاع
تچوي ابصدري نيرانه
———-
چلّب جثته ياحسين
خوفي جِثْتَه مكسوره
ومثل امي الزچيه راح
روحي لاجله مفطوره
خافن صوبوا العيون
وعينه ابسهم مسطوره

موكافي ابسموم يموت
نعشه تصيبه عدوانه
—————

جَلْب الهامه يبن امي
خاف ابجم سهم مضروب
ومثل المرتضى ياحسين
راح وراسه ظل مصيوب
هذا ابن النبي ياناس
هذا البشدد مندوب
نعشه ينضرب بسهام
وبينه تسعر احزانه
————
چلّب يالقمر لمتون
وگلبه جلّبه بهداي
واتدّنه علي عباس
وهالچلمه الك بس هاي
خاف ابگلبه لمثلث
ومن ظهره طلع وفاي
خافن كل سهم ياخوي
اتحز وتاذي سنانه
————-
عن بيت النبي مطرود
وهوّ ابنه ووليده
ينسّم النعش باحقاد
وهوّ اتسمه اجعيده
والله محنتك ياخوي
صعبه اعليّه واشديده
انعاه ابغدر واتظل
ابگلبي اتغرّب اشجانه
———————
#بقـــ ـ✒️ــلم بنت الشمري

#الحسن_المجتبى

قصائد مقدمة المجلس
#رقم_36_

شهادة #الإمام_الحسن_المجتبى
(عليه السلام)
للسيّد مهدي الأعرجي (ت ١٣٥٩)

1_ قَضَى الزَّكِيُّ فَنُوحُوا يَا مُحِبِّيهِ
وابْكُوا عَلَيْهِ فَذِي الأَمْلاكُ تَبْكِيهِ

2_ قَضَى ابْنُ فَاطِمَةَ الطُهْرِ البَتُولَةِ مَنْ
عَمَّ البَرايَا جَمِيعاً في أَيادِيهِ

3_ مَضَى وَقَدْ قُطِّعَتْ أَحْشاؤُهُ قِطَعاً
وَصَارَ يَقذِفُهَا فِي الطَّشْتِ مِنْ فِيهِ

4_ قَضَى وَأَظْلَمَ وَجْهُ الكائِناتِ أسًى
لمَّا أَصَاتَ بِصَوْتِ الحُزْنِ نَاعِيهِ

5_ وَلمْ يَزَلْ كاظِماً لِلْغَيْظِ مُحْتَسِباً
علَى الأَذَى صَابِراً في جَنب بارِيهِ

6_ حَتَّى قَضَى بِنَقِيعِ السُّمِّ مُضْطَّهَداً
وَجُرِّعَ الحَتْفَ قَسْراً مِنْ أَعادِيهِ

7_ ومُذْ قَضَى أَحْدَقَتْ في نَعْشِهِ فِئَةٌ
مِنْ قَوْمِهِ ومَوالِيهِ وأَهْلِيهِ

8_ فَمالَ فِيهِ أَخُوهُ السِّبْطُ لا فَرَقَاً
لكِنَّما هُوَ قِدْماً كانَ مُوصِيهِ

9_ إِلَى البَقِيعِ وَوَارَاهُ هُناكَ وقد
أقَامَ عِنْدَ شَفِيرِ القَبْرِ يَرْثِيهِ

10_ أَخِي سَأبْكِيكَ ما نَاحَ الحَمَامُ وَمَا
سَحَّ الغَمَامُ ومَا انْهَلَّتْ غَوادِيهِ

11_ أَذْكَيْتَ جَمْرَةَ أَشْجَانِي وإِنَّكَ قَد
ذَكَّرْتَني مَا أنَا قَد كُنْتُ نَاسِيهِ

12_ فاليَوْمَ بَعْدَكَ يا ذُخْرِيِ ويَا عَضُدِي
لمْ يَحلُ لِي مَجْلِسٌ إِذْ لَمْ تَكُنْ فِيهِ

****

يبو محمد نحل جسمي اعلى فرگاك
اشيصبّرني يخويه اخلاف عيناك
عسانه انروح كل احنــــه فدايـــــاك
وبس انته يبحـــر الجـــود تسلــــم

خويه بعد ذيج المصيبة وذيج الهموم
تاليها اضعنت والجبد مسمـــــوم
عيد اصبح لاهالـــي الشـــــام هاليوم
يخويه وعالهواشم أصبح أظلـــم

أنه ابوجهي الدهر ما يوم بسّام
عسن عمري گبل هالعام بسام
ولا شاهد عضيدي الحسن بسام
جبدته اتمرّدت واصفج بديّه

#الحسن_المجتبى

قصائد مقدمة المجلس
#رقم_37

شهادة #الإمام_الحسن_المجتبى (عليه السلام)
للسيد محمد حسين القزويني (ت 1356)

1_ جَحَدُوا وَلاءَ المُرتَضى وَلَكمْ وَعَى
مِـنهُمْ لَـهُ قَـلْبٌ وأَصغَى مَسْمَعُ

2_ وَغَدَوا على الحَسنِ الزَّكيِّ بِسالفِ الـ
أَحـقادِ حِـينَ تَـأَلَّبُوا وَتَجَمَّعُوا

3_ غَـدروا بِهِ بَعدَ العُهودِ فَغُودِرَتْ
أثـقـالُهُ بَـيـنَ الـلِّئامِ تُـوزَّعُ

4_ مـا زالَ مُـضطهداً يُقاسي مِنهُمُ
غُـصَصاً بها كأسَ الرَّدى يَتجرَّعُ

5_ حـتى إذا نـفَذَ الـقضاءُ محتَّمَاً
أضْـحى يُـدسُّ إلـيهِ سُمٌّ مُنقَعُ

6_ وَتـفتَّتْ بـالسُمِّ مِـنْ أَحـشائِهِ
كَـبِدٌ لـها حـتى الصَّفا يَتصدَّعُ

7_ وَقَـضَى بـعينِ اللهِ يَـقذفُ قلبَهُ
قِـطَعَاً غَـدَتْ مِـمَّا بـها تَتقطَّعُ

8_ لـلـهِ أيُّ رَزيـةٍ كـادتْ لـها
أركـانُ شامخةِ الهُدى تَتَضَعْضَعُ

9_ رُزءٌ بَـكتْ عَينُ الحُسينِ لهُ وَمِنْ
ذَوْبِ الـحَـشا عَـبراتُهُ تَـتدفَّعُ

10_ يَـومَ انـثنى يـدعو ولكنْ قلبُهُ
ذاوٍ ومُـقلتُهُ تَـفيضُ وتدمعُ

11_ أتُـرَى يَطيفُ بِيَ السُلُوُّ وناظري
مِـن بـَعدِ فقدِكَ بالكرَى لا يَهْجَعُ

12_ خَـلَّفتني مَرمَى النَّوائِبِ ليسَ لي
عَضُدٌ أردُّ بـه الخطوبَ وأَدفعُ

13_ وَتَـركتني أَسِـفاً أُردِّدُ بـالشجا
نَفَسَاً تُـصعِّدُهُ الـدُّموعُ الهُمَّعُ

**

يگلبي امن الحزن ذوب او تولم
على اللي ذاب چبده او خلص بالسم

وسافه اعلى ابو امحمد منهل الجود
گضه نحبه او منه الچبد ممرود
اشحال احسين لمن عاين العود
يگلّب بيه چبده اللي تخذم

يبو امحمد نحل جسمي اعلى فرگاك
اشيصبرني يخويه اخلاف عيناك
عسانه انروح كل احنه فداياك
بس انته يبحر الجود تسلم

عگب ذيچ الهضيمه او ذيچ الهموم
تاليها اظعنت والچبد مسموم
عيد اصبح لهالي الشام هاليوم
يخويه او علهواشم اصبح اظلم

#الحسن_المجتبى

#قصائد_النعي_الشعبي
#رقم_6_

بين الامام الحسين الشهيد و #الإمام_الحسن_المجتبى (عليهما السلام)
الشاعر محمد حسن ضيغم

حسين بهل مسيه
دفن بيده اخيه
وعليه دمعه جريه
يصيح بگلب مالوم

يخويه شلون ادفنك
و اروح وامشي عنك
بلحدك راح احضنك
واندب ها يمسموم

يخويه صعب الفراك
الك يالحسن اشتاك
يبست شوف الارياك
يماي المنّه محروم

دفنتك بيدي وابچي
اناشغ گوه واحچي
ترد وياي بلچي
واليه بلكن تگوم

چن صوت الحسن صاح
يحسين العمر راح
بعد ما ينفع انياح
ولا ضن تنفع هموم

ادفنتني وباچر شلون
بالطف ما الك عون
يخويه موش مدفون
وتغسيلك بالدموم