قناة خطباء المنبر الحسيني للقصائد

#الاربعين


*وعادَت مولاتنا زينب في الأربعين إلى كربلاء.. جاءَت الى أخيها الحسِين..
هوَت مُذ رأت القبر الطاهر..*

*طور سامحيني* (للحجيرات)


خُويَه يَحسِين.. خُويَه يَحسِين..
جيتِ الَك وَلْهَانَه مِشْتَاگَه أضُمَّك

خُويَه يَحسِين.. خُويَه يَحسِين..
مِن حَنِينِ اتْرابَك يمرّ عطر امّك

خُويَه يَحسِين.. خُويَه يَحسِين..
رَاحَ اضُم راسَك فِي نَحرَك أَشِمَّك

خُويَه يَحسِين.. خُويَه يَحسِين..
غُربِتي عَنَّك أَلِيمَه خَلْنِي يمك


*أبا عبدلله هذا ثوب رقية.. أعتذر منك خويه..*

بِاعتِذاري.. بِاعتِذاري..
أرْدَ اخِبرَك ويلي راحَت مِنّي رُقَيَّه

بِاعتِذاري.. باعتِذاري..
هَذا ثُوبِ الطِّفلَه يَا خُويَه شْبِدَيَّه

بِاعتِذاري.. باعتِذاري..
ثُوب مَحروگ بَاقي يومِ الرَّزيَّه

بِاعتِذاري.. بِاعتذاري..
ظَلَّتِ اتْنَاشِدني عَنَّك بِالغَاضِريَّه

                          ¤•¤•¤•¤

*الجفيري*


بِتراب اخُوها صَعُب
نَظرة مَدامِع تِصُب
تْگِلَّه يَرَيْحانِ الگَلُب
فْرَاگَكْ يِشِبّ نَارِ البَلا


شْلونِ اگْدَرِت أَبتِعِد
وِانْتَه الهَوَه والوَرِد
يَاريتَكِ لْدَارَك تِرِد
يَمْضَوِّي عَتْمَة كَربَلَه


كِل لِيلَه اگُولِ اشْلونَك
آنَه انْذِبِح مِن دُونَك
چِنْت امْشِي نورِ عْيُونَك
وِينَه لْ يِگِلِّي يَا هَلا



مَخلوقِ الكونْ لِعيُونَك
ليشِ العِدَى ايذِبحونَك
عَن عِيلِتَك بَعدونَك
يَاريتَه لِحدي بْهَالفَلا


*طور الحسناوي "ما لي غيرك"*


انحنت على قبر العباس..

خويَه عَبَّاس.. گوم وِاتْلَگَّى الحَزِينَه
خويَه عَبَّاس.. آنَه وخَوَاتَك جِينَه
خويَه عَبَّاس.. يَل جِبِتنَه منِ المَدِينه


  گُوم رِدنَا.. ورَجِّع الرَّايَه وچفُوفَك
  گُوم رِدنَا.. والله فِجعَتنَه طفُوفَك
  گُوم رِدنَا.. حسرِتي شلون اشُوفَك

                         ¤•¤•¤•¤

*طور انتي امي "المعاتيق"*

إمامنا زين العابدين عليه السلام يوم الأربعين رأى جابر بن عبدلله الأنصاري وحدّثه عما جرى في الطفوف..

بْهَالبُقعَه يَا جَابِر شِفِت، جثّة إمَامَك والنَّحر
مَذبوح مَحَّد غَسَّلَه، وابْصَدرَه  چَم ضِلعِ انكِسَر
وِهْنَانَه عَبدَلله انْدِفَن، دَم رَگبِتَه يِروي الخَبَر
وعَمِّي عَبَّاس النَّفِل، مَفضوخ رَاسَه بالعَمَدْ



يَا  گَلبِي ذُوبِ منِ الأَلَم، عَلَى لْمَات ابْلا رِوَى
وِهْنا شَبَه جَدِّي النَّبي، گِطعَوَا اوْصَالَه وهِوَه
وِهْنَانَه عِرّيس انْذِبَح، رَاسَه انرفَع هِيبَه وضِوَه
دَاسَت حَوافِرهَا الخُيول، هْناك سِحگُوهِ الجَسَدْ

#أمنن #علينا #برضاه
#يا_صاحب_الزمان

قصيدة لطم في ذكرى شهادة المولى موسَى ابنِ جعفر الكَاظِم عليه السلام

طور: "بايعناكَ يا إمَامي أنتَ والينا"
       

تَبْكِيكَ العَيْنُ حُزْناً مَولاَيَ الكَاظِمْ
مَسْمُوماً تَمضِي عَنَّا فِي سِجْنِ الظَّالِمْ
¤•¤•¤•¤

غَارَت شَمْسُ الكَمَالِ في جَوْرِ السِّجنِ
فَابْكِ بِالدَّمْعِ الهَمُول أَنْهُرَ الجَفْنِ
ذَابَ فِي السُّمِّ حَشَاه مَالَ كَالغُصْنِ
وَحْدَهُ ثَاوٍ غَرِيب مَولاَيَ الكَاظِمْ

¤•¤•¤•¤

بَابُ أَبوابِ الجِنَان بِالسَّوطِ يُضرَبْ!!
يَشكُو آلَامَ القُيُود لِلّهِ يَرْهَبْ
قَد أَمْضَى العُمرَ سَجِين قَلبُهُ مُتعَبْ
يَسمَعُ شَتْمَ الزَّهْرَاء فِي سِجنِ الظَّالِمْ

¤•¤•¤•¤

فِي جِنْحِ اللَّيْلِ يَتْلُو آيَاتِ الشُّكْرِ
سَاجِداً والأَغْلاَلُ فِي ذاكَ النَّحرِ
طَالَ الهَجْرُ والأَحْبَاب عَنهُ لاَ تَدرِي
أَيْنَ مِصبَاحُ الهُدَى ذو الوَجْهِ البَاسِمْ

¤•¤•¤•¤

يَا ابْنَ الأَنْجُمِ الزُّهْرِ أَحيَيْتَ القُلوبْ
مِنكَ قَد عَرَفْنَا الله يَا سِرَّ أَيُّوبْ
فِي حُبِّكَ اهْتَدَيْنَا يَا نورَ الدُّروبْ
بَابُ الحَاجَاتِ والجُود مِنْ آلِ هَاشِمْ

¤•¤•¤•¤

أَفْدِيهِ مُلقَىً غَرِيب فِي جِسْرِ بَغدَادْ
هَلْ شَاهَدتُم مَيِّتَاً مُثقَلَ الأَصْفَادْ
مَن يُعَزّي المُصطَفَى فِي يومِ الحِدَادْ
مَن يُواسِي المُرتَضَى والأُمَّ فَاطِمْ

¤•¤•¤•¤

حَرَّ قَلبِي لِلرِّضَا حِينَ وَارَاهُ
رَوَّى القَبْرَ أَدْمُعاً شَوْقاً أَتَاهُ
وَسَّدَ القَلْبَ العَطوف وَاهاً نَعَاهُ
فالرُّوحُ بعدَ الكَاظِم في حُزْنٍ دَائِمْ

¤•¤•¤•¤

كَمْ أََدْهَى رُزءُ الطُّفوف جَمرَ السِّنِينِ
كَمْ أَدْمَى الصَّدرَ الشَّرِيف كَسْرُ الجَبينِ
غَوثَاهُ نَحرُ الشَّهِيد دونَ تَكْفينِ
فِي غَمْرِ السِّجنِ تُتلَى نُدبَةُ "القاسِمْ"


#أمنن #علينا #برضاه
#يا_صاحب_الزمان

https://t.center/khadimatAL3etraAltahira

"وداع المولى أبي عبدلله(ع) لِقَبر جدّه رسول الله(ص) في المدينه"

¤طور مذابيح¤


يا جَدِّي ابْمَدمَعي الجَارِي
راحَ امشِي عايِفِ اديَارِي


مَاخِذِ اعْيَالِي بهَذا مَسَارِي
گاصِد كَربَلَه وهايِ اصغَارِي
مِنَّك أَنْحرمْ واظْلم نهاري
مِنِ اوْداعَك تِدرِي انْكِسَارِي


ضُمنِي أَيَا جَدّي ابتُربِتَك
خَلْنِي أتْوارَى ابْحُفرِتَك
مِشتاگَ احِبها شوفِتَك
وِشكِثُر صَعبَه عَلَيْ فَرْگِتَك


بأمانَ الله يا سَيدِ الأَنَامْ
چِنَّا ابْوجودَك فَلا نِنْضَامْ
وِاتْگِلهُمِ احسينِ ابنِ الكِرَامْ
وتالي عَلِينَه صَوِّبُوا اسْهَامْ


#أمنن #علينا #برضاه
#يا_صاحب_الزمان

•¤ *هلال محرّم* •¤

طور "يا ليلة الحادي عشر"
وطور "انتي امي انتي بويه"


*هْلالِ المآتم من طِلَع،* سالَت مَحَاجِر عينَه
*ايغطّي المَشاعِر والگلُب،* ولْكَربَله ايْوَدّينَه


مْحرَّم غِدى يْسولِف نَعي، وابياتَه عَطشانَه
صَرخَة يتَامى عْلَه النَّحَر، مَرمِيّه باحْضَانَه
وِحْسين راسَه عْلَه الرُّمح، يْعايِن نَبِل رِضعَانَه
تِشْهَگ تِوِن أمِّ الخدر، تِلطُم تِنوحِ اسْكينه

*هْلالِ المآتم من طِلَع،* سالَت مَحَاجِر عينَه
*ايغطّي المَشاعِر والگلُب،* ولْكَربَله ايْوَدّينَه


يِروي رَزايا مِن يهِل، رْمادِ الخِيَم بِهلاله
زينب وَحيده امْحَيّره، وسوطِ العَدُو يِتوالى
عافَت أخوها ب نَينَوى، وسَهمِ الرّدَى ابدَلاّله
تِمشِي وتِعايِن عالگُمَر، حَرّ السَّهَم في عِينه

*هْلالِ المآتم من طِلَع،* سالَت مَحَاجِر عينَه
*ايغطّي المَشاعِر والگلُب،* ولْكَربَله ايْوَدّينَه


وأمّ الطّفِل تِحدِي المَهَد، آه يَبْني ومصابه
تْگِلّه يَيُمّه ما تِرِد، وبيديها ثوبِ اغْيابَه
وْلُامِّ الشّبابْ ذابِ الصَّخَر، تْوِنِّ وتِشمّ اخْضابه
والأدهى من ذاكَه وأَشَدّ، جِسمَه ترَى امْگَطْعِينَه

*هْلالِ المآتم من طِلَع،* سالَت مَحَاجِر عينَه
*ايغطّي المَشاعِر والگلُب،* ولْكَربَله ايْوَدّينَه



#أمنن #علينا #برضاه
#يا_صاحب_الزمان

¤• حال خدّام الإمام الحسين عليه السلام في بداية شهر محرّم¤•

طور *"شچابچ لصوب النهر"*

ما نِنْسَاك يا مَظلوم يا مَولاي ما نِنْسَاك

يَ نورَ الله تَعالى عْلَه البَرِيّه
ما نِعوفَك عالوعَد يا بو رُقَيّه
واگِفِ ابّبابَك دُموعِي جِرِيّه
خادِمِ اقْبَلْنِي يَ بِن حامي الحَمِيّه

ما نِنْسَاك يا مَظلوم يا مَولاي ما نِنْسَاك


شْمَا يِمُرّ بينَه الزّمَن ما نعوفَك
بالشَّدَايِد والمِحَن نِلزَم طُفوفك
عالعهَد يا ابنِ النَّبِي احْنا سُيوفَك
ناذِرِ سْنِينِي الك بالغاضريّه

ما نِنْسَاك يا مَظلوم يا مَولاي ما نِنْسَاك


بْهالمجالِسْ نِكْبَرِ ونِحيِي الشعاير
بِالمَدامِع كَربَلَه اتْهِزِّ الضَّمَايِر
مات ظامِي يَزَهرَه ابْلايَه نَاصِر
ويضرب ابْراسَه يَزيدِ ابْنِ الدّعِيّه

ما نِنْسَاك يا مَظلوم يا مَولاي ما نِنْسَاك


#أمنن #علينا #برضاه
#يا_صاحب_الزمان

✨*تواشيح فاطميّه*✨

مَدار قُطْبِ الفلَك صار مولِدها
ملاذ ونورَ الله والعِصمه مهَدها
علَه معرِفتها دار الزمن مگصدها
ما اكتِملت نبوّه لولا الزچيّه

🍃🍃🍃🍃


رضاها من رضا الباري تعالى
حبها ايفيدِ علَه الصّراط واهواله
ولرِضَت عنّه فاطم شكثُر هنياله
باچر ايفوز ابجنّه هديّه

🍃🍃🍃🍃

كل شدّة اتزول والزهره اتحِلها
لا تشردِ وتحتار وامسِك حبِلها
ما خاب لْ گِصَدها والْ..وِصلها
دنيا وآخره عيشه هنيّه

🍃🍃🍃🍃

لْيِحب فاطمه هاليوم فرحه
ابطيبِ الولاده انهنّي طه ابفرحه
من نذكُر فاطمه ابمحفل انفرحه
ونهتف سلام الله عله الزچيّه

🍃🍃🍃🍃

دوَه لكل علّه زهرة نبينه
تاج الكرامه من ترضى علينه
اذا تريد الشفيعه تحضر تِجينه
إرفع صلاتك عالنبي وحامي الحميّه

🍃🍃🍃🍃

منِ الجنّه فاحتِ اعطور ورِدها
غِياث ومگصَدِ لكِل من ورَدها
نحتاج بهالدهر نفحة ورِدها
هيّه السبيل وأُمنه هيّه

🍃🍃🍃🍃

فاطمه أمّ الجِنان وْ مَن سِواها
مشيتها مشيَة رسول الله خطاها
ما مِشت سفينة نوح لولاها
فاز لوِصَل زهرة نبيّه

🍃🍃🍃🍃

كل همّ ايزولْ من تِذكُر إسمها
بلسم لكل جرح لفظة إسمها
لو عندك ابنيّه فاطم إسمها
كرّمها ابعطاءك هاي المسيّه

🍃🍃🍃🍃

حبها النجاة فلا انعوف السفينه
دنيا وبحر هايج نحتاج امّ السكينه
ابمولدها كل احنه مدّينه ايدينه
ابدعاء الفرج ندعي المسيّه


#أمنن #علينا #برضاه
#يا_صاحب_الزمان

*طور يقاروره*

يَ مظلومه•• تِعوفينه
يحِن قلبج•• وتِضُمّينه
يتامى صرنه يمه
حنانچ وينه يمه


آخر وداع لفاطمه، گبل الكفَن گبلِ الدفِن
يِمسَح دموعه حيدره، اينادي الحسين ويا لْحَسن
گوموا يبويه وَدِّعوا، أمّ الحنان امِّ الحسَن
بهيدا يبويه عله الضِّلع، بهيدا على صواب المتن
مَ نِنساها•• تِوِن ماتت
مِنِ العصره•• شكِثُر شافت
يتامى صرنه يمه
حنانچ وينه يمه


ظلمه المدينه وموحِشه، من غُمضَتِ الزّهره الجِفن
هاي الزچيّه امّدده، طاحِ الحسَن يبچي ويوِن
وايحِب ايديها وينتِحب، ايودّعها بِدموعه الجرن
ويمسح أبو اليمه الألم، صوته وونينه ما سكن
يحاچيها•• يَ زهرتنه
تِعوفينه•• يَ لوعتنه
يتامى صرنه يمه
حنانچ وينه يمه


أمّ النبوّه العالمه، ماتت نحيله وذابله
وچبدِ الحسَن مِنّه انفُطر، نار ابدليله شاعله
وحسين ايْحاچي الوالِده، يگِلها ييمه شايله
إخذيني يُمّه بهالكفن، ابجاه العيون الهامله
أريد اغفى•• ابلِحد قبرچ
واظل أنعى•• كَسِر ضلعچ
يتامى صرنه يمه
حنانچ وينه يمه


حَمره العيونِ امورّمه، خدّ الجنانِ ويِنلطم
گلها عزيزچ فاطمه، حاچيني دهري ما رحم
حلّفتچ ابجدنه النبي، تاذيني أحوالِ اليتم
مدّت ايديها الحانيه، ضمّتهمِ بضِلع انهشم
حيدر يگول ابدمعته، حنّتِ وأنّت من ألم

سمع هاتف•• يناديله
السمه ناحت•• في هالليله
يتامى صرنه يمه
حنانچ وينه يمه


#أمنن #علينا #برضاه
#يا_صاحب_الزمان

#الأربعين
#نعي


مشتاقه الك يحسين
مشتاقه الى الكافل

وحقك تمنيت الموت
عقب عينه ابو فاضل

*

كلمني اخويه حسين
كلمني ينور العين

كلم زينب اترجاك
قلبي ذاب من فرقاك


عندما رجعت زينب مع الركب الى كربلاء

كأني بالحسين الشهيد يقلها • • •

ليش وجهك مخطوف يا أخيه
يختي أشاهد ضلوعك محنيه
شنهو الخبر خبريني يالأبيه
فرقة وداعك تركت جم أثر بيه
أخبرك يختي آنه مشتاق لرقيه
ما شفتها وياك جن بيها أذيه


شتجاوبه زينب...
تقله... خويه...

شحجيلك هضم وسبي وآلام
ماتت رقيه وشقد شافت احزان
تعبت وازرق متنها بضرب الازلام
يويلي وحيدة اندفنت بالشام

#أمنن #علينا #برضاه
#يا_صاحب_الزمان

للمولى زين العابدين عليه السلام

طور "آه واويلاه يا أمّ البنين" و طور "شچابچ لصوب النهر" وغيره..

•• *آه واويلاه يا زينِ العِباد* ••

بكربله يعيشِ الحزِن يِروي لجرَى
ويلي بِعيونه يتامى امحَيّره
فارگ احباب وعشيره عله الثّرى
يبچي باحزانه يبِث لونِ السّواد

*آه واويلاه يا زينِ العِباد*

خلّصِ اسنينِ العمُر نوحِ ووِنين
يبچي محزوزِ النّحَر آهِ وحنين
لوعاتِ وقهَر على مرّ السِّنين
ينعى بِدموعَه آياتِ الحِداد

*آه واويلاه يا زينِ العِباد*


ما همّه السّلاسل لا ثِقلِ القُيود
بس ينشِد عن اوصالِ وْزنود
هم يرِد بيهِ الزمن وِيعود
وتلتمِ العيله وتعود الاعياد

*آه واويلاه يا زينِ العِباد*


يِنزفَ آهاتِ ومواجِع عالگُمر
يندب احسينِ ابونينه يصُب قهَر
يلطم ابراسه اذا گالوا انطُبَر
ينحبِ يصبّ المدامع للمعاد

*آه واويلاه يا زينِ العِباد*


لوعِته ابصدره ليعوفِ الحبيب
چم نحَر دامي دِفَن بيدَه تَريب
يا سلامَ الله على لعُمره نَحيب
فطّر ابدمعه ونَحيبه العِباد

*آه واويلاه يا زينِ العِباد*



#أمنن #علينا #برضاه
#يا_صاحب_الزمان

#طور
#الفراق

*لسان حال مولانه الباقر عند احتضار والده مولانه زين العابدين عليه السلام ...*


بويه بويه قلبك جروح ونوايب
بويه بويه محزون وفاقد حبايب
بويه بويه الدهر راوانه العجايب


باحتضارك كربلا شفتها بعينك
باحتضارك ما خمد بويه ونينك
باحتضارك تجري الدمع خدّينك


بوداعة الله يل رحت شايل هموم
بوداعة الله قلبك نيران ودموم
بوداعة الله تاليها بويه مسموم


آه يبويه آثار اقيود بإيدينك
آه يبويه مسموم وزرقه متونك
آه يبويه تذكر حسين بونينك


شقد هضيمه عفت الديار بيا فجيعه
شقد هضيمه ضاقت علينه الوسيعه
شقد هضيمه خليت اقلوبنه وجيعه


#أمنن #علينا #برضاه
#يا_صاحب_الزمان

#لطمية
#طور يمجهز حسين

*مولانا زين العابدين عليه السلام*


يا باب النجاة شفت شكم مأساة
زفرات وآهات وتسيل العبرات

°°°°°°°°°°

يا علي السجاد عمرك صار هموم
لو تشرب الماي تبجي عله المظلوم
تنحب ليل نهار محزون ومالوم
مذبوح بعاشور وتسيل العبرات

°°°°°°°°°°

كم طفل عطشان يصرخِ وشفته
كم جسم مطروح عالثرى عفته
كم صدر مرضوض بعينك عاينته
وكم زند مبتور يطلب الثارات

°°°°°°°°°°

عليل ومأسور يتقيّد بحبال
قلبه من عاشور مجرّح بِ لنبال
لو حضر ايوب شاهد الاهوال
يا صبر ليحمل وتسيل العبرات

°°°°°°°°°°

مسموم وغريب يا زين العباد
جرحك ما يبرى ما شلت السواد
تلهج بالعزاء لِيومِ المعاد
بقيع الآهات يطلب الثارات

°°°°°°°°°°

وحتى بالممات ما تغيب الآهات
مرسومه الاحزان تشهق العبرات
يمتى يالغايب تطلب الثارات
ويّاك وننحب نهتف للثارات

°°°°°°°°°°

#أمنن #علينا #برضاه
#يا_صاحب_الزمان

*دفن الأجساد الطاهرة*


يا عمّه وينك يا علي غايب!؟
قلها صعبه اسولفلك واجاوب
بيدي يعمّه خلّيته بين الترايب
بيدي دِفنته والقلب ذايب


لهالوكت يا علي أبوك ابلا دفن!؟
يا عمه عالغبره ظلّ ابلا كفن
ابحصيره اجمعِت اوصاله وأون
وادفنت شبلِ الحسن ناحب


ثلاث ايام يا عمه ظل عاري
وسّدته شمّيته ابدمع جاري
شلون حال ليدفن أبوه ايواري
ومنحر رضيعه يجري دم لاهب

¤•¤•¤•¤

يا عمّه رشّيت الكبر ماي!؟
واخويه القمر واريته قلّي بهداي
وعلي الأكبر شلته مهجة احشاي!
حاجيني ذوّبت جبدي بهاي



مذابيح ثلث ايام في حرّ لِرمال
مذابيح كلها ابلا نعش ينشال
مذابيح عطاشى امقطّعه اوصال
نوحي يا عمه ابدمع همّال

¤•¤•¤•¤

زينِ لِعباد يهيل ابمدمعه اتراب
وشكم قمر عن عينه بدره غاب
يحفر كبر يدفن قمر منصاب


يوسّد شهيد ويحمل نحر وِدموم
يجمع اوصاله ويتعثّر بِلِهموم
ينحب يِدَوّر خنصرِ المظلوم


كفّه عله الكبر دمعه مسجوب
كبر احسينِ ابِن علي مكتوب
كبر الشهيد لمات ظامي مخضوب


#أمنن #علينا #برضاه
#يا_صاحب_الزمان

#محرم

••• *#الطفل #الرضيع*•••


#فراق

بويه بويه
بويه موتك ذوّبني
بويه بويه
فطّر دليلي وألمني
بويه بويه
لفراقك يهل جفني


بويه بويه
بويه ليّه بس نظره
بويه بويه
قلب ابوك شيصبره
بويه بويه
فقدك يا هو ليجبره

••• عندما عاد الحسين ع الى المخيم ومعه طفله الرضيع كان قد وضعه تحت عباءته حتى لا تراه سكينه..
كأني بسكينه حين رأت أباها مقبلا هرولت نحوه... تقله أبه اين عبدلله.. أبه لعلك سقيت أخي الرضيع ماء وجئتنا بالبقيه...
حينها أخرج طفله الرضيع وقال لها بنيه هاك أخاك مذبوحا •••

صرخت واندهشت سكينه حين رأت ذلك...

تقله...

بويه خبرني شنهو اللي جرى
يا بويه ليش قطعوا منحره
يبويه شذنبه عبدلله يا ترى
مات مفطور قلبه من الظما


تسأل أباه ألم يسقوه شربة ماء...

يويلي ما روّوه قبل المنيه
انه دعيت ربي يروى المسيه
والله كسر قلبي بدمعته الجريه
ما كان على البال فيض الدمه


#أمنن #علينا #برضاه
#يا_صاحب_الزمان

#محرم

••• *بين القاسم وعلي الأكبر*•••


•••أطوار تغريد الحزين••• *لفى عاشور* *تمنيته يدوم الليل* *أنا العباس يا زهره* *يا جبريل نترجاك* *بحر طويل* وغيره


جابه حسين للخيمه
جاسم غارق بدمه

شاله بصدره وبلهفه
يويلي محتضن عمه

يحب عمه يشيله ولن
جنه اتمنى هالضمّه

يعين الله أبو اليمه
يفيض جروح يهل عبره

••••••

علي الأكبر وي جاسم
بالخيمه الجرح أكبر

قعد يمهم يحن وينوح
يا ويلي حاله ايفّطر

ابو اليمه يشوف ابنه
مقطعه اوصاله ومطبّر

ينادي يا حبيب الروح
ويجر ونّه يجرّ حسره

••••••

عمي جاسم شبيدي
يريته السيف بوريدي

يعمي خابت ظنوني
رحت عمي من ايدي

شباب تفوح مثل ورود
مطروحين يوليدي

بدر يسطع بدر يزهي
يوسفه تنام عالغبره

••••••

تعنّت رمله للخيمه
تقله يمه شيألمك

يويلي نايمه الشبان
تتهنى يبعد امك

شلون تغيب عن عيني
ييمه مخضب بدمك

حرقته قلبي أذّيته
أحلفك يبني بس نظره

••••••

#أمنن #علينا #برضاه
#يا_صاحب_الزمان

#محرم

*توديع رمله والعائلة للقاسم*

#طور ••• *ملا عبدالحي أومت بديها*•••
°°شجابج لصوب النهر°°، وغيره


قامت العيلة تودع جاسم اتضمّه
وأمه حزينه تنادي يا يمه وتشمه
وعمته زينب تنحب تقله يا عمه
وين رايح يا ورد عمري سنيني


تعوف امك يبني تتركها وحيده
نعشي اتحمله انته اللي اريده
باجر أطيح بهالساعه الشديده
حين لأفقد ضنايا وسلوة عيوني


جواب القاسم...

يقلها يا والده ما تغيبي عن بالي
صبري يا يمه والشهاده تحلالي
عمي وحيد وما ابقى بعد تالي
بوداعة الله يالحبايب ذكروني


وصية القاسم عليه السلام...

عطشان يا يمه رايح ولهفان
عندي وصيه لو شفتي شبان
محروم آنه و باكر بلا أكفان
من تشربوا الماي آنه ذكروني


تجيبه أمه رمله ...

لحرّم شرب الماي عقبك يعيني
يا عريس لما تهنى بعمره يبني
يا حلم الشباب المنذبح يعيني
لسّه ما اشبعت منك يا عيوني

••••••••

#أمنن #علينا #برضاه
#يا_صاحب_الزمان

"تلبية الإمام الحسين عليه السلام في مكة"
*طور سامحيني*

يا إلهي.. يا إلهي..
عايفِ ادياري وأهَلها للمِنيّه
يا إلهي.. يا إلهي
هذا بيتك وانْحرم منه المسيّه

بالمدامع.. بالمدامع..
أبعث اشواقي وسَلامي للوديعه
أرْدَ اقِلها.. أرد اقلها..
ها ييمّه ضاقتِ الدّنيا الوسيعه

والمناسك يُمّه تِصْبَح بالغاضريه
وباجر ابنحري تِدوسِ خيول اميّه
يا إلهي.. يا إلهي..
هذا قربانِ ارتِفع لله ونبيّه
يا إلهي.. يا إلهي..
هذا بيتك وانحرم منه المسيه


يا إلهي.. يا إلهي..
وَيْ شُعوري ايلبي لجْلك كل وُجودي
يا إلهي.. يا إلهي..
يلبّي قلبي ابذبحِتي وقَطعة وريدي

ابسهمِ لِمثلّث أضحّي وابرُقَيّه
ولن بناتي لاذتِ وتبجي عَليّه

يا إلهي.. يا إلهي..
تلبياتي عله الرّمح بالغاضريه
يا إلهي.. يا إلهي..
وعيني تشبح عاللي مشّوها سبيّه


#أمنن #علينا #برضاه
#يا_صاحب_الزمان

•• *وداع الحسين لقبر الزهراء عليها السلام*••

(طور أومت بديها ملا عبدالحي وغيره)

جيتِچ ييُمّه وادري تسِمعيني
يُمّه بَوَدعِچ لو تِوَدعيني
بعَد ما أرجَع أريدچ تِضُمّيني
للغاضريّه مقصدي ويِذِبحوني


قومي ييُمه نشفي دُموعي
آخر وداع وأيّسي من رجوعي
راح اواسيچ ابكَسرة ضُلوعي
وظامي عله الوطيه ايسلّبوني


ضُمّيني يُمّه لضِلعچ يا حبيبه
مشتاق اشوفچ يل حنانچ طِيبه
عسى ضلعچ ييُمّه خمّد لهيبه
مسافر بعيد ومنّچ يحرموني



غريب ابوطن جدّي أودعچ
وباچر فوگ الرّمُح راسي يِفِجعچ
وجسمي يصير اسهام و يِرَوعچ
وباچر عيالي عالثرى يشوفوني


يُمّه بأمان الله هذا سلامي
راحل واقضّي آخر ايامي
حضريني يُمه من تنحب ايتامي
وباچر اسهامِ ونبِل يرموني

°▪°▪°▪°

°•*طور الجفيري*°•

*جواب الزهراء سلام الله عليها*

صوت الزچيّه امنِ القبُر
يبني يا ريحانِ النّظر
عني تِروحِ بهالخطر
صوّبني چبدك والسهم


يُمّه أسِمعَك يا ورد
خلني أشوفك ها بعَد
يا بلسم اجروحي وسعَد
اتعوفِ الزچيه للهضم


ناوي يا يُمه عالرحيل
وكلّ المصايب تِميل
وآنه ابدُموعي لتِسيل
أنحب عَليك بيا ألم


يُمّه أجيلك كربله
نحرك أشمّه وأحمِله
وغُسلك دُموعي الهامِله
ينهِدم حيلي والعزِم


#أمنن #علينا #برضاه
#يا_صاحب_الزمان

#محرم

#الأصحاب
#طور
*أومت بيديها* *ملا عبد الحي*
وغيره



نزلوا احباب حسين لارض المنيّه
صاحوا رخيصة الروح لابن الزكيه
وسافه تروح نفس وحده ضحيه
وبصوت الفخر لبيك يا أمير


نزل عابس ونادى وين الابطال
خلها بساح الحرب يمي الرجال
نزع درعه بفنون العشق آجال
وصاح جنيت انا بالوجه المنير


برز مسلم وقام فيهم خطيب
صنديد الحرب يويلي خضيب
آخر انفاسه قال اوصيك يا حبيب
ضعيف وقله إحمي هذا الأسير


ودع عياله وهب راح للميدان
راح لحسين قله يا أجمل انسان
ما رادت عيلته يموت بالاحزان
ورجعت تقله جاهد ما له نصير


#أمنن #علينا #برضاه
#يا_صاحب_الزمان

#محرم

#الأصحاب
#نعي.. عاشوري .. عكراوي ..وغيره


لسان حال العقيلة زينب حين سمعت الحسين ينادي هل من ناصر ينصرنا..

حين سمعته ينادي أصحابه وهم جسوم فوق الثرى..

خرجت من الخيمة تقول أخي قرحت فؤادي..


وين الناصر ينصر ابن الزكيه

راحوا الانصار وماكو جيّه

وعقبهم أمست خليه الغاضريه

بس بقت نسوان وحرم محنيّه

اشوفك حاير يخويه ونور عينيه

يويلي اشعلت قلبي نار سرية

تنادي عالناصر وما يطلع بديه



#أمنن #علينا #برضاه
#يا_صاحب_الزمان

#محرم

#الأصحاب صلوات الله عليهم

*سادة الشهداء*

••• *الحرّ الرياحي*•••

_ توبة الحرّ _

▪نبذه مختصره تفيد المعنى▪

_ أيضا هذا لسان حالنا نحن المذنبون المقصرون.. نحتاج الى عفو وتوبة من إمام الزمان .. وهذه التوبة نطلبها في مجلس أبي عبدلله الحسين ع بلسان الحرّ المنيب الى الله .. هذا التائب الذي وصل الى منزلة ومرتبة عظيمة بهذه التوبة الكسيره .. وصل الى منزلة لم ولن يصلها أحد غير أصحاب الحسين ع ذوو الدرجات والكمالات الرفيعه ..
ففي الروايات قد نصروا امام زمانهم وهم طوع أمره وجاهدوا وتمنوا الموت دونه.. فكانوا هم الصفوة..
وبعد العطش والذبح والنحر وصلوا الى مبتغاهم الحقيقي ..

وصل الحرّ الى منزلة .. أن يسلّم عليه الإمام المعصوم في الزيارة المعروفه: "السلام عليكم يا خير أنصار".. وقول الإمام الحسين ع "اني لا أعلم أصحاباً خيرا من أصحابي".

بذنوبنا ايضا نحن نؤذي إمام زماننا.. لكننا بالتوبة نصل الى غايات ومراتب رفيعه..نحن نستلهم التوبة من اولئك الصفوة..
كيف نستلهم التوبة ؟!

نطلب من الله التوبة من خلال البكاء على الحسين ع واهل بيته واصحابه وهذا ما يرضي قلب الحجة ويواسيه في هذه الأيام الأليمه ... فحسرتنا كبيره لعدم لحوقنا بالركب المقدس.. "يا ليتنا كنا معكم.."

ونسأل الله بحق الحسين واهل بيته واصحابه ان يغفر لنا ونسأله ان يحشرنا معهم في الجنان..

بكاؤنا وندبتنا لهم ، كل ذلك من بركات الحسين الشهيد ع وبركات الشهادة العظيمة بين يديه روحي وأرواح العالمين له الفدا ...

فلنسارع لطلب التوبة.. قلوبنا كسيره كالحرّ الرياحي..


#فايزي

جيتك انه أتوسّلك يبو اليمه اقبلني
دعيت الباري واتوسّله ربي لا تخيّبني
جيتك انه المذنب منو غيرك يعذرني
بالعبره الجريه يا رب ارزقني محبّته


#طور *أومت بديها على الشريعه*


آنه خوّفتِ العايله وذنبي كبير
أنظر إليّ سيدي حالي كسير
تحنّن عليّ بتوبة العبد الأسير
آنه مأسور بهواك مدري شيصير


وين أودي وجهي آنه من نبيّه
آنه شأقول لبضعة الهادي الزكيه
كثره ذنوبي يا مولاي اتحنن عليّه
آنه خجلان واعترف جيتك فقير


جواب أبو الأحرار ع ...

كلمن يتوب لربه يرضي إمامه
كافي يا حرّ عدنا مقبوله الندامه
انته الوفي وربنا منطيك الكرامه
شانك رفيع وباجر بدمك عفير



شهادة *الحرّ الرياحي*

ثم التفت الحسين الى الحر وكان به رمق فقال له ، وهو يمسح الدم عنه :" أنت حر كما سمّتك أمك ، وانت الحر في الدنيا والآخره ". ورثاه علي بن الحسين ع وقيل انها من انشاء الحسين خاصة .

#طور *يمه انا زينب*

يا حرّ الرياحي بوداعةِ المعبود
ويانه هم وفيت وانطيت العهود
جسمك اتقطع اوصَلِت للمقصود
نايم على التربان كلك نبل وسهام

*يا حرّ الرياحي بوداعة المعبود*


#أمنن #علينا #برضاه
#يا_صاحب_الزمان