قناة خطباء المنبر الحسيني للقصائد

🔰 #محرم_1446هـ
#العليلة

ها ياعِزوتي شو راحل اليــوم
تتركني عليله  وقلبي  مهموم
يابويه ابجفاكم لَهْجــر النــوم
بس دموعي تظل ماليه العين

┈┉┅━❀◕ـ❀ـ◕❀━┅┉┈

يَمَن  شِلتـوا يا أهــل المحنّــة
لرجعتكم  بعـد  لَقطـع  الظنّـة
وجرح  قلبي شلون  اضمدنـه
سافرتوا وبعـد ما أمّــن البيـن

┈┉┅━❀◕ـ❀ـ◕❀━┅┉┈

#طور_الفراق

لاهي ليله.. واصطبر وانطر رجوعـك
لاهي ليله.. واحتمل مااضم ضلوعك
لاهي ليله.. و بس نهـار بلا طلوعــك

┈┉┅━━ ❀◕ـ❀ـ◕❀ ━━┅┉┈

آ يَخوفـي.. تصيـر  الف ليــله عليّـــه
آ يَخوفـي.. وماتــــردّ يابويــــه لَيّـــه
آ يَخوفـي.. وتنذبــــــح بالغاضريــــة

┈┉┅━━ ❀◕ـ❀ـ◕❀ ━━┅┉┈

📝 #الشاعرة_زينب_الخفاجي
🌿 #اللهم_صل_على_محمد_وآله

@elkhafaji110

#محرم_1446
#الخروج_من_المدينة
لسان حال فاطمة العليلة ع
#العليلة

خرجتَ لكربلا فوقَ الضّلوعِ
فمن أبتاهُ يمسحُها دموعي؟

خذوا روحي خذوا عمري خذوني
لنارِ الشّوقِ لا تترك شموعي

إذا غابت حناياكُم فمن لي
يسكِّنُ روعَ مشتاقٍ جزوعِ!

أنا اللّيلُ احتواني بالمآسي
بلا شمسٍ قواريرُ السّطوعِ

إليكَ تطوفُ أفلاكي اشتياقا
إلى عينيكَ هل لي من رجوعِ؟

فأنتَ أبي حبيبي فيكَ داري
وحضنكَ مأمني مثلَ الدّروعِ

عليلةُ فقدكَ الآنَ انسبوني
فقبلُ قويّةٌ بينَ الرّبوعِ

نۨــڠــمۘ جمّول

#جديد
#نواعي #العليلة عليها السلام 💔
.
.
مجـــاريـــــد :

ويـــلاه يـا گلب العليــله
حين الضعن أنوى رحيله
ظلت المدمع بس تسيله
واتنادي بعدكم مالي حيله

ظلت دمعهـا بـس تصبـه
واعيونها اعله الوالي تربه
واتگول بعدك عمري غربه
وويّــاك حمّـلت الأحبــه

يا بوي خِلْتك بيش أسِدها
والمثلك أبو يا بوي عدها
ماظن فرگته تنسد بعدها
واجروحي بعدك من يشدها

ايهون المرض واتهون الآلام
انچان يمك أگضــي الأيــام
وابعيني اشوفك مو بالأحلام
حتى لو خذونــي تالي للشـام

فرگــاك يا بويـــه شـديـده
وأدري شوفتك تصبح بعيده
خلني وهالتعب بويه أريِـــده
وأمشي بضعن سكنه وحميده

بـس لا تخلـوني ابهالـدار
اوحيده يبويه ودمعي مدرار
وكل يوم اتنطـر على النار
انتظر منكـم تلفي أخبـار


طور : جاوبني يا علي

يا بويه لا تروح
وتتركني للجروح
منّي تُروح الروح
يا بويه يا حُسين

دمعي يظل جمر
وابابك أنتظـــر
مَگْدر على الهجر
يا بويه يا حُسين

خذني يَكل هلي
غيــرك فــلا إلي
ارحمني يالولــي
يا بويه يا حُسين

أتحمـل الألـم
وي حرگة الخيم
بس فرگتك سهم
يا بويه يا حُسين

بس فرگتك عذاب
يا بويه واغتــراب
خذني مع الأحباب
يا بويه يا حُسين

تــدري بعليلتــك
اتعيش اعله شوفتك
وتذبحــها فرگتــك
يا بويه يا حُسين


طور : يا ليل طول ساعاتك

يا ليل .. راحوا أحبابي
يا ليل .. وأنطر غيـابي
وحدي يا ليــل الأه
بين الهــــم والويلاه

يا ليل .. محــد بُگالي
يا ليل .. ظل بيتي خالي
وعيني ظلت عالباب
أتنطـــر الغيّــاب

يا ليل .. وأدري الراحولي
يا ليل .. هيهات إيجولي
أدري الرايــح مَيّعــود
ويبگه گلبـــي ممــرود


طور : الفراق ( مالي غيرك )

آيا بويه .. أبگه كل ليله بحنيني
آيا بويه .. وبس خبر أنطر يجيني
آيا بويه .. اعليك ما يِبطل ونيني

آيا بويه .. امتانيه تبگه العليله
آيا بويه .. اعليكم المدمع تسيله
آيا بويه .. تحسب الليله اعله ليله

بانتظارك .. وأدري لا طارش يجيني
بانتظارك .. حتى لو تِخْلَص سنيني
بانتظارك .. راح أظل يا ماي عيني

وأدري تبگه .. بويه نايم عالوطيه
أدري تبگه .. ابلا دفـن بالغاضريـه
أدري تبگه .. وريت يا روح الزچيه
أدري تبگه .. اوياك تاخذني المنيه
_
تمت ببركات مولاتي العليلة عليها السلام
#فاطمة_كريم
٢٠٢٤ م

فَارِگُونِي وْخَلَّوِ بْگَلْبِي جَرِحْ
وِالْمِسَه يِنْثُرْ عِلَى جَرْحِي مِلِحْ
وْلُو نِمِتْ يِلْچِمْنِي مِشْرَاگِ الصُّبِحْ
هَاذَه حَالِي مِنْ مِشَوْ عَنِّي الْأَهَلْ
-----------------------
وَحْدِي وِالدَّارِ شْكِثُرْ مُوحِشْ غِدَه
مَاكُو صُوتِ الَّا وِنِينِي وِالصَّدَه
شِلَّه بَايَّامَه الْيِعِيشَنْ وَحَّدَه
يِنْتِظِرْ كِلْ سَاعَه يِلْفِيهِ الْأَجَلْ
-----------------------
شُو نِسُونِي لُو جِفُونِي عِيلِتِي
مَا دِرَوْ هَالْغُرْبَه تِلْچِمْ عِلِّتِي
وِينَه عَمِّي وِينَ ابُويَه وْإِخْوِتِي
ذِبْلَتِ سْنِينِي وَلَا طَارِشْ وِصَلْ
-----------------------
لُو خَذُونِي وْيَاهُمِ بْدَرْبِ السَّفَرْ
مَا چِنِتْ ظَلِّيتَ انَاطِرْ بِالْقَهَرْ
چِنِتْ رَاحَ اغْفَه عَلَى مْتُونِ الْگُمَرْ
يَا وِسَافَه وْغَرَّبِ بْعِينِي الْأَمَلْ
-----------------------
خَايِفَه يِلْفِينِي مِرْسَالِ الْحِزِنْ
يُوصَلِ لْبَابِي وْعَلَى احْبَابِي يِوِنْ
بْهَالْمُصِيبَه بَالله يِغْمَضْ يَا جِفِنْ
شْلُونْ بِيَّه لُو أَبُو الْيِمَّه انْچِتَلْ
-----------------------
مَرَّتَ ايَّامِ وْوِصَلْ أَفْجَعْ خَبَرْ
بْكَرْبَلَه حْسِينِ انْگِطَعْ مِنَّه النَّحَرْ
وِانْسِبَتْ نِسْوَانَه رَبَّاتِ الْفَخَرْ
عَالْمَهَازِلْ ظَعْنَ ابُو الْغِيرَه حِمَلْ
-----------------------
#العليلة
#محرم_١٤٤٦هج


حسن خنافر العاملي

#جديد
#العليلة عليها السلام 💔
#گوریز
.
.
وكانت فاطمة العليلة عليها السلام قد هيأت الدار لاستقبال أبيها ، لأنهم أخبروها بأن أباها قد رجع من العراق ، ففرشت الدار بعد أن كنستها ، وكذلك هيأت مهد أخيها عبدالله الرضيع ، وبينما هي كذلك ، وإذا بالباب تُطرق ، فإذا بعمّتها زينب ...

مجاريد :

اتگلها يعمّه ويــن الأحبـاب
بفراگكــم ذاب الگلـب ذاب
وحتى الجِفــن بغيابكم شـاب
ولا طارش المنكم دگ على الباب

يا عمّه بيكم شنهــو الصار
ولا لفت منكم ويلي أخبار
يا عمّه ليش ابمتنـچ آثار
ودم ابعباتچ ليش واغبار  !

حيلچ منهدم وامغيّره اللون
ومنچ ذايِبه يا عمّه لعيــون
هذا الحال يعني ابگلبچ اشلون
طولچ منحني وامشيبه لجفون
___
#فاطمة_كريم
٢٠٢٤ م

#جديد
#العليلة عليها السلام 💔
#گوریز
.
.
وقبل أن يخرج الحسين عليه السلام من المدينة ، ودّع بني هاشم ، ومحمد بن الحنفية ، وأم سلمه ، وبعض عمّاته ، وأهل بيته الذين وقفوا للوداع ، وعزيزته فاطمة والمعروف أنها كانت عليلة ، فزحفت نحو مركب أبيها ، وهي تقول له : (( خذني معك يا أبه )) !

وكأني بجواب والدها :

فائزي :

ردي يبنتي لمنزلچ لا تِفجعــيني
وبالصبر إدعي يالحنينه واندبيني

ردت او دمعتها على الوجنه جريه
واتوجهت تنــخـه كفيـل الهاشميه
طاحت وناحت يمه والحاله شجيه
اتگله يعمي ارجوك بس لا تخليــني

عباس عمي بالشدد يالدوم مندوب
اتوسطلي يا عمي رجيتك آيا مهيوب
گِله العليله تحتمل كل هاي الإدروب
التذبحني تدري الفرگه واتزوّد ونيني

يا عمي مَيْهمني الدرب شوفتكم ادواي
إلكم يعمي خادمه اخذوني رجواي
وحدي اظل اشلون آيا ماي عيناي
وتدري يِزوّد علتي إلكم حنيني

ايگلها يعمي طلبتچ عالراس والعين
لكن جرى المكتوب بينه وفرَّگ البيــن
اجرچ على الله ابذبحتي وابذبحة حسين
ردي يريحانة الــوالــي واعذرينــي


وكأني بها توجهت إلى عمتها زينب عليها السلام فأجابتها :

امن الشام أخاف اعليچ وامن الغاضريه
وسط الخرابه لو نظرتي اختچ رقيه

بالشام أخاف اعليچ آيا گرة العين
لو شفتي بعيونچ يبنتي راس الحسين
ووياه شفتي راس عبدالله تموتين
اچبیر الرمح عالراس يا ويلي عليه

بالشام أخاف اعليچ والله بعد عاشر
بدرب اليسر لو عاينيتي أفضع مناظر
وعالطشت لو شفتي رقيه ميته باچر
اتروحين أخاف أوياها يا عمه امن اديه
____
#فاطمة_كريم
٢٠٢٤ م

#جديد
#العليلة عليها السلام 💔
#گوریز


عن الإمام الرضا (عليه السلام) : هذه البومة كانت على عهد جدي رسول الله (صلى الله عليه وآله) تأوي المنازل والقصور والدور، وكانت إذا أكل الناس الطعام تطير وتقع أمامهم فيرمى إليها بالطعام وتسقى وترجع إلى مكانها، فلما قتل الحسين (عليه السلام) خرجت من العمران إلى الخراب والجبال والبراري، وقالت : بئس الأمة أنتم، قتلتم ابن بنت نبيكم ولا آمنكم على نفسي .
كامل الزيارات ص ٢٠٠


وأيضاً جاء غراب فوقع في دمه ، ثم تمرّغ وطار ، فوقع بالمدينة على جدار فاطمة بنت الحسين عليه السلام ، وهي تبكي على فراق أبيها واخوتها وعمّاتها وأعمامها ، فرفعت رأسها فرأت الغراب ملطّخاً بالدم ، فبكت بكاءً شديداً ، وأنشأت تقول :

نعبَ الغراب فقلت : من تنعاه .. قال الإمام ، : فقلت: من؟ قال : الموفق للصواب
إن الحسين بكربلا بين الأسنة والضراب .. فابكِ الحسين بعبرةٍ ترضي الإله مع الثواب
قلت: الحسين ؟ فقال لي: حقا لقد سكن التراب .. ثم استقل به الجناح فلم يطق رد الجواب


قال محمد بن علي عليه السلام : ( فَنَعَتْهُ لأهل المدينة) ، فقالوا : قد جاءتنا بسحر بني عبد المطلب ، فما كان بأسرع من أن جاءهم الخبر بقتل الحسين بن علي عليهما السلام .
اللهوف في قتلى الطفوف ص ١١٥
العوالم ص ٤٩٠


فـــائـــزي :

يا ريت لا طــال العمر ياريت يَغْــراب
امخضب أشوفنك يويلي ابدم الأحباب

يا ريت لا طال العمر وأنظر بالإعيون
ابدم والدي يَغْراب والله امخضب اشلون
يعني الإمكدر حان واهلي ما يعودون
واشلون ايعود الكطعوا جسمه اعله لتراب

هيهــات إليّــه يرجـع امـــدلل الزهـــره
يَغْــراب وانته امخضب امن ادموم نحره
وكلبي يحس ابخيــل جنها اتدوس صدره
وانظر ابعيني نــار جنها تحـــرك أطنــاب


مجـــاريد :

حَـسّ الدليـل وذابـت الـروح
وگلبي يگلـي الوالي مذبـوح
واعله الترايب جسمه مطروح

بگلبي أحس مگطوع نحــره
والخيل تسحگ فوك صدره
من عمري يا ريت اعله عمره

أبوذية :

يسكنه ..
النزل وحشه وبعد ياهو يسكنه
وبعد منهو لجرح كلبي يسكنه
يريـت ابنـوح نتگابــل يسكنه
وكُون اعله الأبـو ننصب عزيه
__
#فاطمة_كريم
٢٠٢٤ م

#العليلة

1445 نعي العليلة
💧💧💧💧💧💧

إحملوني معكم فوق المحامِل
إحملوني إن سهمَ الهَجرِ قاتِل !

راحَ أهلي وحشةُ الليلِ طويلة
راحَ أهلي وأنا البنتُ العليلة !

متُّ شوقاً عشتُ في هَمّ ٍ وغربة
متُّ شوقاً بانتظارٍ للأحبة

لن يعودوا حدّثتني اليومَ نفسي
لن يعودوا قتلَ الآمالَ يأسي !

عاد بِشرٌ لاحَ طَيفُ القافلة
عاد بِشرٌ مع نساءِ العائلة

جاءَ يَنعى موتَ أهلي أجمعين ْ
جاءَ ينعى صارِخاً مات َ الحسين ْ

يا لحزني قد قضى الأهلُ جميعا
يا لحزني قتلوا الطفلَ الرضيعا

حان موتي فوق نعشي الآنَ صلّي
حان موتي زينبٌ قد مات أهلي !!!

محمد طالب العاملي

🙏" يا أيها العزيز مسنا وأهلنا الضر وجئنا ببضاعةٍ مزجاة فأوفِ لنا الكيلَ وتصدق علينا إن الله يجزي المتصدقين "

#العليلة
1445 مجلس العليلة
💧💧💧💧💧💧

يا نجومَ الليلِ للبنتِ اسأليها
كيف حالُ البنتِ في فَقدِ أبيها

في وداعِ الرَكبِ كم أجرَت دموعاً
وقفت ترفعُ للأهلِ يديها !

كم تمنّت عودةَ الأهلِ سريعاً
كي تهزّ َ المهدَ للطفلِ أخيها

سقطت للأرضِ مغشياً عليها
عندما بِشرٌ نعى الأهلَ إليها

حضنتها زينب ُ الحوراءُشوقاً
أيقظتها بدموعِ مُقلتيها

أين أهلي ؟تسألُ الطفلةُ حزناً
رحمةً يا زينبٌ لا تُخبريها !

عن رضيعٍ مات مذبوحاً بسهمٍ
وبعباسٍ فلا لا تُفجعيها !

وحديثُ الصدرِ مطحوناً بِخيلٍ
في الضلوعِ زفرةً فلتحبسيها

عند سهمٍ ذي شِعابٍ ف قِفي
شَهَقت فاطمةٌ فلترحميها

لحديثِ الشمرِ في ذبحِ حسينٍ
ماتت الطفلةُ .قومي وادفنيها !!!!

محمد طالب العاملي

🙏🏻" يا أيها العزيز مسنا وأهلنا الضر وجئنا ببضاعةٍ مزجاة فأوفِ لنا الكيلَ وتصدق علينا إن الله يجزي المتصدقين "

#العليلة

طور *(المجاريد)* أطوار العراقية والعاشوري والنويني والجنوبي والهادئ والنايلي والگرناوي (العكراوي) والعلواني والأهوازي والموال و....غيره.

يوميه أتاني ابعتبة الباب
يمكن تجيني أخبار الأحباب
و أهلي الأودهم عني غيّاب


أهلي هواهم ليه جنه
بتهم و أدور عالمحنه
وسفه الزمن فرگ شملنه


من البچي ذبلت عيوني
طول سفرهم ما اجوني
ما ظن هلي تالي نسوني


ياهو الدرب أهلي يدله
عندي رساله الهم يوصله
حزن الفراگ اشلون أحمله


ياهو اليروح الغاضريه
ياخذ دليلي الهم هديه
و ايسلم اعله إختي رقيه


مشتاگه أشوف الدللوني
محتاجه الهم يحضروني
ما عودوني يتركوني
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ

#العليلة

*لسان حال فاطمة العليلة ع حين خروج ركب الامام الحسين ع من المدينة* 😭

لحن البحر الطويل و التغريد الحزين ولحن الملا عبدالحي قنبر يا جبريل نترجاك ♪


يظعن الماشي الله وياك امي الزهره ترعاكم
ليت اسمي بركب الحسين تسجلونه وياكم
بعدكم سلوتي الدمعة وگلبي وروحي تهواكم
بأمان الله يالماشين عهد للموت ما ٱنساكم
〰️〰️〰️〰️〰️
شحال الفاقدة الاحباب وصورهم فارگت عيني
وحشه الدار بليّاهم ومنهو الّي يسليني
راحوا كلهم لاحظة وهجرهم حيل مأذّيني
احاچي الليل والنجمات والنسمّات تناغيني
〰️〰️〰️〰️〰️

لحن الفراق

آيبويه… فرگتك تصعب عليّه
آيبويه… گلبي ذايب كل مسيّه
آيبويه… دمعتي بع،ك جريّه

آيروحي… صبري عا فارق الحبايب
آيروحي… والگلب بٱشواقه ذايب
آيروحي… ليلي راواني العجايب

عني راحوا… وفْقَدت كل الحنان
عني راحوا… وياهم اخذوا كل امان
عني راحوا… ما ٱدرذ ولّوا ليا مكان



خادمة آل محمد✍🏻

#العليلة
قصيدة العليلة فاطمة (عليها السلام)

أَمَضَّ القلبَ داءٌ أيُّ داءِ ؟!
وغيرَكَ لستُ أعرفُ من دواءِ

بِبُعْدِكَ صارتِ الدنيا ظلاماً
فلا أدري صباحي من مسائي

أُسائِلُ عنكَ أعتاباً تراني
بضعفٍ وانتحابٍ وانحناءِ

فهل يا والدي ستقرُّ عيني
وتملؤها قريباً بالضياءِ ؟

أجيبُ "نعَمْ" سترجع دونَ شكٍّ
فيرجع لي الصدى بجوابِ "لاءِ"

أبي أصبحتُ هذا اليومَ أبكي
ولا أقوى على منعِ البكاءِ

لماذا الكونُ يكسوهُ احمرارٌ ؟
كأنَّ الشمسَ تسبحُ في دماءِ

ترى ذبحوكَ أمْ ذبحوا الأماني ؟
وهل قطعوا وريدكَ أمْ رجائي ؟

أبي ، في الريحِ أسمعُ صوتَ كسرٍ
فهل رضُّوا ضلوعَكَ في العراءِ ؟

ضلوعُكَ كنَّ للدنيا سماءً
اذا رُضتْ بها انطبقتْ سمائي

لماذا الأفق يخنُقُهُ دخانٌ
فهلْ بالنّارِ محترقٌ خبائي ؟

أبي ، مهدُ الرضيعِ يسيلُ نزفاً
فهل فطمتهُ أقواسُ الشَّقاءِ ؟

على قلبي سياطُ البعدِ تُلوى
كما تلوى السياطُ على النساءِ

وهل صارتْ رُقيَّةُ في السبايا ؟
فحُجْرتُها غدتْ بيتَ العزاءِ

لقدْ راحتْ وبالموتِ استراحتْ
وبتُّ أموتُ دوماً في بقائي...

علي عسيلي العاملي
#قصيدة_العليلة
#محرم_١٤٤٥هج
#اللهم_عجل_لوليك_الفرج

#العليلة
ابوذيات عن العليله

عليله وجسمي ناحل حيل بي داي
همـس بذني ابوي حـسين بيـداي
يگلي ذكـرى اريد انطـيچ بيـداي
سحب من ثوبه خيط وحط بديه
.
يبويه الهظم مايسكن وسكنه
ويابيت البعد عندي وسكنه
رقيه وياك هم راحت وسكنه
وانه الظليت بس اصفگ بديه
.
ترك فرگاك بضلوعي ورم له
وانت الطف الك ينطر ورمله
اجه جسام مر بيا ورمله
تگلي شدي حيلج عالبليه
.
عليهَ النوح متفصل وراهم
عليله وكل حزن بيا ورا هم
راحو هلي وعيوني. وراهم
تهل دمع ودمه وي كل مسيه
.
تشب نيران فوگ الداي بالماي
سَرت كل البلام وغرگ بالماي
بعد وجهي ولاينشاف بالماي
اشوفك طايح وعمتي سبيه
.
وحگ جدي اليعرفونه نبي الهم
يبويه صرنه بفراگك نبي الهم
يريته ينبت بگلبي نبلهم
ولا يوصل خبر موتك اليه
.
حسن الموالي الفاطمي
.

#العليلة
#حضريني_يالزهره


صاحت يحادي النوگ… يالـ بالظعن مايل
اوگف على هونك… عني الأبو شايل
ريّض لي شويه… احچي ابو فاضل
بلكن يركّبني… وي ظعن العقيله
---------------------------
مشيتو ونسيتوني… مٱگدر عافرگاكم
صعبه تخلوني… اخذوني وياكم
وحدي تعوفوني… والجنة ملگاكم
عني تروحوا شلون.. من دون العليله


خادمة آل محمد✍🏻

#العليلة
#محرم

⬛️◾️القصيدة-5-◾️⬛️

لم أنسَ يومَ خَلَت كلُ البيوتات ِ
من أهلِها وسرىٰ ظعنُ المُصيبات ِ
وكُنتُ آملُ دوماً أن أرافِقَهُم
فالركب ُ فيهِ بنو عمي وعماتي
أما الحسينُ فلم يأذنْ بصُحبَتِهِم
يخشىٰ عنآئيَ من بُعدِ المسافاة ِ
حتىٰ إذا رَحلوا عن طَيبة ٍ وإذا
قلبي يُحدّثُني عن فادح ٍ آت ِ
غابُوا وبعدَهُمُ قد نابني كَدر ٌ
والدارُ موحِشَة ٌ تسلو بآهاتي
إني أُصَبًـِرُ نفسي حينَ أندُبُهُم
ولحنُ نَوحي لهُم مثلَ الحمامات ِ
إن جنّني الليل ُأنعاهُم بلا مَلل ٍ
ووَحدَتي حفرَت في الخد ِ دمعاتي
أو يأتِني الصبحُ ذكراهُم تُلَوِِّعُني
وهكذا اتضَحَت ياقوم ُ مأساتي
هيا اسألوا الدارَ عني بعدَ مقتَلِهِم
تروي لكُم كلَّ حزنٍ في حكاياتي

#سمير_الصالحي
#النجف_الأشرف
#ليلة_الجمعة_15__7_2021م
#4_ذي_الحجة_الحرام_1442هـ


🏴 وأما نعيُها ولسان حالها ..

شسولف والمن احچي واشچي لهموم
وأنه مثل اليموت بحزنه كل يوم
وحيده خلافهم مفجوعه ياناس
لا طارش يجيني وما مش علوم
يچويني البعد ومساهره الليل
وعيوني أبد ما شافت النوم
واذا هومت عيني بليل لحظات
چن طيف الحبايب فوگي يحوم
صورهم ما تغيب بنص العيون
وسافه ودورهم بس بيهن رسوم
وبيت الچان يزهي بذيچ الوجوه
عگب ممشه هلي ظل خالي مهجوم
وبس الفاگدين بحالي يدرون
بروحي مكدره وگليبي ملچوم
أبوي الواعداني يودي مرسال
نفذ صبري ونطرته وحيلي مهدوم
تعبت وأيسيت وخلّـص بچاي
واسأل ليش عود الغالي ميدوم !

🌑 أبوذية

أنشدج عن هلي الراحوا يداراي
وعن الچان أبوي ليه يداراي
منهو بخبر رجعتهم يداراي
طويله الغيبه شو صارت عليه

🌑 أبوذية

زماني الدار بيه مثل راحه
وگضيت العمر وآنه بغير راحه
ردت امشي واظن ماتصح راحه
وياهم وأظل متنطره الجيه

#سمير_الصالحي
#النجف_الأشرف

#فهرس
#محرم
#محرم_١٤٤٥
#محرم_١٤٤٦


#الهلال #هلال_محرم #الليلة_الأولى

#الليلة_الثانية #الخروج_من_المدينة #محرم_الخروج
#وداع_قبر_الرسول
#وداع_قبر_الزهراء
#الخروج_من_مكة #حج_الامام
#الوصول_إلى_كربلاء
#الوصول_الى_كربلاء #النزول_في_كربلا
#محرم_الاصحاب
#الاصحاب #ليلة_الاصحاب #ليلة_الأصحاب

#مسلم #ليلة_مسلم
#الاكبر #ليلة_علي_الأكبر #ليلة_الاكبر
#القاسم #ليلة_القاسم
#العليلة
#ام_البنين


#العباس
#ليلة_العباس
#الليلة_السابعة
#الرضيع #ليلة_الرضيع
#ليلة_العاشر #ليلة_الوداع
#العاشر #يوم_العاشر
#ليلة_الحادي_عشر
#السبي
#دفن_الاجساد
#السبايا
#الكوفة
#الامام_السجاد
#الدخول_الى_الشام
#السيدة_رقية
#الامام_الحسن
#الامام_الرضا
#الاربعين
#الرجوع_الى_المدينة
#الرسول_الاكرم
#العسكري
#الحسن_العسكري
#الليالي_الفاطمية
#السيدة_الزهراء

(قابل للتعديل طوال فترة النشر للحفاظ على ذات الهاشتاغ)

#محرم
#الخروج_من_المدينة
#العليلة

يا كَرْبَله راحَوْا هَلي بِينِ الأَلَمْ عافوني
يا كَرْبَله عِنْدِچْ خَبَرْ عن عِيلِتي وِظْعوني

ذابِ الْگلُبْ مِثْلِ الشَّمِعْ نارِ الْحِزِنْ لَهّابه
مِشْتاگه اشوفَنْ والِدي وَاصْرَخْ هَله يا يابه
مِشْتاگه اشِمَّنْ رُگْبِته وَاشْتَمْ عَبيرِ ثْيابه
مِتْعَوِّده مِنِّ الزُّغُرْ عالبُوسه فُوگِ عْيوني

إسْمي العَليله فاطِمه يا كَرْبَله حاچيني
وِينِ الْأَهَلْ شِنْهو الْجَرى يا كَرْبَله رُحْميني
عَمِّي أبو فاضِلْ عَدِلْ خَبْريني عَنِّ حْسِيني
عَنْ زِينبِ وْباقي هَلي بالِچْ تِخَيْبي ظْنوني

يا فاطِمه صُبّي الدَّمِعْ خَلْها الْمَحاجِرْ حَمْره
يَمِّ النَّهَرْ طاحِ الگُمَرْ راعي الْعَلَمْ عالْغَبْره
وِحْسِينِچِ بْرِجْله شِمِرْ داسه وْگِعَدْله بْصَدْره
فُوگِ التُّرُبْ يِنْزِفْ دِمَه ظامي عَلِيهِ وْنِيني

جاسِمْ هِوَه الَاكْبَرْ وِگَعْ عَبْدَ الله هَمْ ذِبْحونه
صابَه الْمُثَلَّثْ وِالطِّفِلْ غافي ظِمايه عْيونه
كِلِّشْ چِبيره نَبْلِته بَسْ رُگْبِته زْغَيْرونه
سِكْنه وْرُقَيٍه بالسِّبَه لُوْ عَنْهُمِ تْنِشْديني

أُمِّ الخِدِرْ مُهْجَةْ عَلي فُوگِ الهِزِلْ چِتْفوهه
حِرْگوْا خِباهَه يا وِسَفْ جِيشِ العِده لِحْگوهه
ضِرْبوهه بِسْياطِ الهَضُمْ فُوگِ الثَّرى طَيْحوهه
صارَتْ تِوِنْ بِينِ الزِّلِمْ يِرْضه الْگُمَرْ يِسْبوني

الشاعر حسن خنافر العاملي

⬛️◾️▪️⚫️﷽⚫️▪️◾️⬛️
.
#محرم
#العليلة
.
•●•● *(خوفي امقطِّع)* ●•●•
.
.
☜ محور الأبيات ؛ لسان حال فاطمة العليلة مع أم البنين عليهما السلام .
.
.
☜الطور ؛ حزين ، بلحن و بوزن *(قلي يالميمون-للمرحوم ملا حمزه الصغير وقرأها بعده غيره من الرواديد)* و تقرأ بالحان أخرى
.
.
▼△▼△▼△▼△▼△▼△▼
.
.
وين أبويه احسين ،... ليش ما يرجع
و الله يم لبنين ،... خوفي امقطِّع
.
.
◆◇◆◈◆◇◆
.
من رحل بويه * قلبي يغلي نار * مدري أخباره
لا يغدرونه * هالعده الكفار * يطفو ٱنواره
لا يظل عطشان * وحده لو محتار * عينه تتجاره
.
يصفج الايدين * يمشي للمصرع * خوفي امقطِّع
.
◆◇◆◈◆◇◆
.
يمه يم لبنين * حيرتي حيره * ناري اباحساس
انتظر عالباب * وين العشيره * ما رجع عباس
خوفي عالاعيون * عمنه بو الغيره * يرمونه الارجاس
.
أذكر الچفين * و أجري المدمع * خوفي امقطِّع
.
◆◇◆◈◆◇◆
.
ما وصل مكتوب * عالهجر مقدر * حالتي صعبه
أحسب الأيام * بالدمع أسهر * واعيوني تِربه
وينه عبد الله * ما إجه الأكبر * عيني عالعتبه
.
ما رجع قاسم * چنه امبضع * خوفي امقطِّع
.
◆◇◆◈◆◇◆
.
يُم قمر هاشم * خوفي عالزينب * لا يِسلبوها
للسبي و الشام * تمشي ولا تنسب * لا يِقيدوها
چني أسمعها * بالغرب تنحب * لا يِضربوها
.
نادته يحسين * ما بعد أهجع * خوفي امقطِّع
.
.
.
===========
📝 #الشاعرة_الملاية_زينب_المؤيد ( الکویت )
*((شرعاً لا أجيز حذف الإسم*
*وأحرّم طبع أشعاري في الكتب أو الملزمات (كور).))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
🎤 اللحن 👇🏻👇🏻؛
.
.
https://youtu.be/88sdbpLUsd0
.
.
#انشروا_وشاركونا_في_الثواب
.

#محرم
#العليلة

السيدة فاطمة العليلة عليها السلام

إلى أينَ الرَحيلُ - يا أبي
صَدىٰ قَلبي العَليلُ - يا أبي
خذوني - خذوني - ولا تتركوني
●•••••●•••••●•••••●●•••••●
أبتاهُ هاجَ وَجدي و بِيَ الأرزاءُ تَحدي
و أنبَرَت آهاتِ حُزني. تَمحو في آثارِ سَعدي
أيقَنَ الدَمعُ الهَمولُ أنني ذا اليَومَ وَحدي
سَأُعاني هَجرَ خِلٍّ بِالبَلايا صارَ وَعدي
عَويلٌ و نُواحٌ - يا أبي
فِراقٌ و جِراحٌ - يا أبي
خذوني - خذوني - ولا تتركوني
●•••••●•••••●•••••●●•••••●
كيفَ لا يَنهارُ قَلبي و بِيَ السُقمُ يَزيدُ
كيفَ لا و الروحُ وَلَّت في خُطىٰ دَربٍ بَعيدُ
أبتاهُ هلْ تُراني بَعدَ فَقدٍ لا أبيدُ
من بُكاءٍ و إفتِجاعٍ إنَّ خَطبي ذا شَديدُ
سَلا هَمّي حَنيني - يا أبي
غَدىٰ دَمعي مُعيني - يا أبي
خذوني - خذوني - ولا تتركوني
●•••••●•••••●•••••●●•••••●
أبتاهُ لِمْ رَجائي لَم تُجِبهُ أو تُلبي
حِينما قد لُذتُ أشكي. لَكَ حالي عِندَ نَحبي
أينما بالظَعنِ تَسري خُذني رِفقاً بي و رَبي
لِمْ تَقُلْ لي يا بُنيَّه دَربُكم ذا غَيرُ دَربي
لِما أبقىٰ و تَمضي - يا أبي
أحالٌ هذا يُرضي - يا أبي
خذوني - خذوني - ولا تتركوني
●•••••●•••••●•••••●●•••••●
كيفَ قُل لي كيفَ أحيا بَينَ أطلالِ الحَنينِ
بَينَ دورٍ فيها كانت تُتلىٰ آياتِ المُبين
و أراها اليَومَ صارَت مَأوىٰ بُؤسٍ و أنينِ
كُلُّ رُكنٍ فيها يَنعىٰ. إبن خَيرِ المُرسلينِ
شَجاها وَطنٌ لي - يا أبي
و هَمٌّ زادَ حِملي - يا أبي
خذوني - خذوني - ولا تتركوني
●•••••●•••••●•••••●●•••••●
أبتي إن حُزتَ نَصرا. أعطي عَهداً لا تَذرني
إن ثَقفتُم أرض حِلٍ عُد إليَّ ثمّ خُذني
سَوفَ أبقىٰ في إنتظاري و يَعيشُ الحُلمَ ظَني
و أعُدُّ الدَهرَ شَوقاً لأراكَ نورَ عَيني
إصطباري و إشتياقي - يا أبي
رجاءً للتلاقي - يا أبي
خذوني - خذوني - ولا تتركوني
●•••••●•••••●•••••●●•••••●
إن مَضىٰ ناموسُ سَعدي و اعترىٰ الثُكلُ فُؤادي
أيُّ حُضنٍ سَوفَ يُؤي. لَوعتي حينَ أُنادي
وا حُسيناً وا حُسيناً. أبتاهُ يا عمادي
أيُّ خَوفٍ صارَ كَهفي بعدَ عَطفٍ و وِدادِ
علىٰ من أُغفي رأسي - يا أبي
لأشكو مُرَّ بُؤسي - يا أبي
خذوني - خذوني - لا تتركوني
●•••••●•••••●•••••●●•••••●
الشاعر : أبو شهيد الأحسائي
الأربعاء ١٤٣٥/١٢/٢٠هـ

#مجموعة خطباء المنبر الحسيني
#قسم الاخوان

https://www.ⓣelegram.me/manbarhoysayne1

#محرم
#العليلة

في مصاب العليله فاطمة بنت الامام الحسين عليها السلام


بدرب الأحباب تاهت العين // ودمعة غياب تنطر احسين
ولا خبر منهم وصل // من رحل ظعن الأهل
و دمعة غياب تنطر احسين
*******************
كل مسافات الفگد - روحي تطوي و تبتعِد - تدَوِّر احسين
و گلبي ما فاده الصبر - صعبه كل لحظه تمر - هالأهل وين
بالهجر سعدي إنذبح - و الألم صوته صدح - بصرخة البين
لاني ميته و إرتحِت - ولاني حَيَّه أصبحت - بين لإثنين
جسمي و الروح بين أمرين // و دمعي مسفوح يجري صوبين
و الصبر بِيَّه إنچتل // من رحل ظعن الأهل
و دمعة غياب تنطر احسين
*******************
تشخص اعيوني الفضا - و الصدر يلهب لظىٰ - شيطفي هالنار
جمره من راحو صِرِت - بحالي و همومي إحترِت - و هاجت افكار
و عِلِّتي زادَت وسف - دوايَه من إيدي إنخطف - بهاي لأسفار
نوب أگوم بلوعتي - و نوب أطيح بحسرتي - حيلي منهار
جسمي لو طاب گلبي معلول // بهٰذا لمصاب يبگىٰ منحول
هالسفر بِيَّه إشعمل // من رحل ظعن الأهل
و دمعة غياب تنطر احسين
*******************
أگعد بوَجه الصبح - و أسأل الشمس بجرح - أهلي چاوين
تجاوب اشلون أعتجِب - بغيم عنّي تحتجِب - تجذب ونين
و ليلي لو حَلْ و استقر - انطي وجهي للگمر - و اطلبه يعين
يناشد انجومه عسىٰ - بيا أرض بويه رسىٰ - و تغفىٰ هالعين
اصحىٰ بنياح و اغفىٰ بصياح // بويه من راح فزَّت اجراح
و كل نجم دمعي سأل // من رحل ظعن الأهل
و دمعة غياب تنطر احسين
*******************
فكري سارح بالكِدَر - و الحزن اصبح وطن - و غُربه لأوطان
الوطن بويه و رحل - و عنده ما لَيَّه محل - و خذها لإخوان
و اتركوني امحيَّره - وبالأمل متصبِّره - لو وعد حان
يلفي مرسال و يجي - و ليهم أگصد ارتجي - و انسىٰ اشجان
ارسم احلام بفكري و آمال // و خوفي لأيام تحمل أهوال
خايفه مدري اشحصل // من رحل ظعن الأهل
و دمعة غياب تنطر احسين
*******************
الماي اسمعه بكل كتر - يجري بأصوات القهر - و سيله ويلات
و من على شفافي يُمر - طعمه حسره بل أَمَرْ - طعمه آهات
عَذبَه مو هاني إلي - خصوص من أطري الولي - چنَّه عبرات
چنَّه بالدم مختضب - و يجري آيات الغضب - شهالعلامات
و صوره ع الماي نار و خِيام // و چنَّه حَمّاي ع النهر نام
چن گمر يَمَّه إنچتل // من رحل ظعن الأهل
و دمعة غياب تنطر احسين
*******************
يا دهر گلبي خفگ - و چن عَلَيْ هضمي طبگ - و رايده اجواب
هل يرد ظعن الولا - و عزوتي بي كامله - و ماكو غِيّاب
لو ترد بس معوله - هالحرم من كربله - تروي لمصاب
و بويه تالي افگده - و اسمع بحاله إشغدىٰ - وَيَّا لأحباب
بِيَّه هالخوف يزرع أوجاع // گِلّي شِتشوف بهٰذا لوداع
شايف بحالي شنزل // من رحل ظعن الأهل
و دمعة غياب تنطر احسين

✍ابو شهيد الأحسائي
الخميس ١٤٣٧/١١/٧هـ

🔘غير مسامح شرعاً إزالة التوقيع عند النقل 🔘


#مجموعة خطباء المنبر الحسيني
#قسم الاخوان

https://www.ⓣelegram.me/manbarhoysayne1