⬛️◾️▪️⚫️﷽
⚫️▪️◾️⬛️.
•●•● *نواعي مختلفة بألحان منوعة للإمام السجاد عليه السلام* ●•●•
.
🏴 تجهيزات مصائب صفر وسائر المناسبات المقبلة من
#القصائد_والنواعي_والأطوار_في_الرابط 👇🏻👇🏻 فتابعونا على برنامج التلجرام
https://t.me/joinchat/AAAAAD8_rhRMz0RN2ZsQJg .
▼△▼△▼△▼△▼△▼△▼
.
لسان حال الإمام زين العابدين عليه السلام ، بعدما كان يسأله الناس عن كثرة بكائه و حزنه ....؛
.
طور(يمه قد عمر الورد)
.
يا ناس * آنه شاهدت ظلم و مصايب
يا ناس * چم جثه خضيبه عالترايب
يا ناس * و ابسكته ينوحون الغرايب
يا ناس * واليوم القيامه قلبي ذايب
.
.
بيدي * قيد آل كفر جارح إديّه
بيدي * حافر چم قبر لأهل الحميه
بيدي * دافن عيلتي ابدمعه جريه
بيدي * بالشام ادفنت اختي رقيه
.
.
◆◇◆◈◆◇◆
.
طور ؛ وزن النصاري يقرأ كالعكراوي وغيره الكثير
.
يحق لي لو بچيت و دمعتي دم
أنه ابعيني شفت بويه تخذم
و اجه عقبه العدو اعلينه تهجم
.
.
أنه شفت المصايب وحده وحده
اجه زجر و تجاوز والله حده
ضرب راس الحسين و داس خده
.
.
◆◇◆◈◆◇◆
.
طور ؛ (لحن الفراق)
.
لا تلومون
عالنياحي وعالدموعي
لا تلومون
بالأسر أحنو ضلوعي
لا تلومون
لنّي مقطوعه جذوعي
.
.
عمري خلّص
وآنه ما انسى المصايب
عمري خلّص
ابقلب محزون و ذايب
عمري خلّص
و الدمع يروي النوايب
.
.
◆◇◆◈◆◇◆
.
كأني بالإمام السجاد عليه السلام ،ينقل لولده الباقر عليه السلام ، تأثره و حزنه من اعتراض الناس على بكائه ...
.
طور ؛ وزن بحر الطويل ، يقرأ بلحن لفى عاشور أو التغريد الحزين أو غيره.
.
.
يلوموني إذا ابچي و أنوح الي جره بالطف
يقولولي عجب دمعك يهل انهار و ما ينشف
أقول الهم يحق لي الموت إذا طير الحزن رفرف
لئن زينب سبيه و الشمر بالسوط ورّمها
.
.
إذا أجزع و إذا أهلع قليل إعله مصاب احسين
جمعت أوصاله بيديني و بست اشلائه والچفين
عظامه امّرّده يا ناس ، حتى عظمة الاوتين
تمرد قلبي مثله و الألم منهو الي يفهمها
.
.
◆◇◆◈◆◇◆
.
لسان حال الإمام السجاد عليه السلام
في لحظاته الأخيره مع ولده الإمام الباقر عليه السلام
.
طور ؛ نعي شعبي... يقرأ بالاحان النواعي العراقيه والعاشوري
.
.
يبني يباقر سمموني
كاس المنيه جرعوني
نادي الأهل خيودعوني
.
.
حان الوداع و رايح اليوم
حتى اذا قتلوني مسموم
بس ما نسيت المات مظلوم
.
.
صوبوني ابسهم المنيه
رايح بعد ما عندي جيه
راح التقي ابأختي رقيه
.
.
خلصت حياتي يا حبيبي
و العله من لجله نحيبي
والموت بس وحده طبيبي
چبدي تقطع ، لوني اصفر
عالقبله واسمع صوت منحر
حين الي عالغبره تكسّر
.
.
◆◇◆◈◆◇◆
.
و بعد شهادة الإمام ، كأني بولده الباقر عليه السلام...؛
.
طور ؛ (يمه انا زينب)
.
.
يا بويه يا بويه ، يا بويه يالسجاد
.
يا بويه يالمظلوم ، وسفه متت مسموم
فقدك كسر قلبي ، بعدك أظل مهموم
البس ثياب السود ، بيتي علي مهدوم
و استحرم الفرحه ، موتك يذوّبني
.
يا بويه يا بويه ، يا بويه يالسجاد
.
من اغسلت جسمك ، شفت الجروح اتسيل
باقي أثر لسياط ، عالطولك الانحيل
جرح الحبل والقيد ، تجري دمومه سيل
منظر جراحاتك ، و اللهِ يجرحني
.
يا بويه يا بويه ، يا بويه يالسجاد
.
.
===========
📝 #الشاعرة_الملاية_زينب_المؤيد 📚 #ديوان_خزائن_الرثاءتمت بحمد الله تعالى
*نسألكم الدعاء لتعجيل الظهور*
ــــــــــــــــــــــــــــــــــــــــــــ
#انشروا_وشاركونا_في_الثواب.