قناة خطباء المنبر الحسيني للقصائد

#أطوار_مختلفة
#ليلة_الدفن
#تصوير شاعري لسان حال الإمام السجاد ع عند دفن العباس ع



يعمي ادري انا بحالَك .. رايد تعلم الأخبار
بعد ما طاحت الكفين  .. على زينب شنو اللي صار


الكِنت كافلها يا عمي .. وكنت إلها العمد
والسور
طلعت والزّلم تنظر .. وشافوها تنوح اتدور
وحيدة وفاقدة الخوان .. ونار الشّبت ابلخدور
بَكّاها الشّمر وتصيح .. سوطه اعالمتن شو حار

#بعد ما الذي جرى !!!!

صوب العلقمِ إتعنت .. بليل الحادي يا عباس
تِقبّل اكفوفك اتنادي .. مو عاده يبو الإحساس
تِخليها وسط عدوان .. وعليها تأشر الأرجاس
مشوها بيسر واِحبال .. ودمِعها عالوجن مدرار


🖊️خادمة أبي الفضل

#محرم_١٤٤٤
#ليلة_الحادي_عشر
#وحشة السيدة زينب ع ليلة الحادي عشر
#اطوار_مختلفه



نِدَهْتَك يا ابو زينب  ..  تعال وعاين المَنظر
تِحاكيني الزلم واخجل ..  وين اهْلِك يا بت حيدر


بظلام الليل آنه وحدي ..  ودوّر كم طفل وانعى
الكفالة عالنهر ظَلِّت ..  و وِلينه وصُحْبِته صَرعى
محتارة من الشِفته .. ضلوع أمي لَوْن ضُلعه
وخيول اعْداه على صدره .. بحوافِرهم ضّلع كَسَّر


شيّبني الركض واسياط .. ونِدَهتك تحضر العيله
رقيه تِرجف من الخوف .. وجِدَمها احترگت الليله
الرباب من الألم شاحت .. لإبنها اتكَفّنه بشيله
وانه الما شَافَوا خيالي .. بْكُفوفي اثنين انه اتْسَتّر

بِخيامي شفت نارين  ..  وامي تراوت اقبالي
وعشت الهجمة بعيوني .. من هجموا عليّ تالي
اسْمِعِتها من إلَك صاحت ..  ما رحموني يالوالي
مصاب الزّهره صابَنّي  .. رِدِت تِحضر يبو شُبر


🖊خادمة ابي الفضل

#جديد
#نواعي #ليلة_الحادي_عشر ( الوحشة )
.#ليلة_الوحشة
#الحادي_عشر
.
أبوذية :

أفتـر عالجثث وأعثر وحيــلي
تِهدّم عالأخو وما ظل وحيـلي
ردت بس خيمه هالليله وحل لي
تِلـــم أيتــامــي واتظلــل عليــه




طور : جاوبني يا علي

يا خويه يا غريب
أودعك بالنحيــب
وداعــاً يا سليب
يا خويه يا حُسين

وأمشي بدرب صعب
وتِظل اعله الترب
يسبوني للغُــرب
يا خويه يا حُسين

ايركبوني عالهزل
ايربطوني بالحبـل
ويِتشتت الشمل
يا خويه يا حُسين

بعدكم يَخــوتي
ابخرايب گعدتي
اشعُظم مُصيبتي
يا خويه يا حُسين

ظليت ابلا أهــل
وما ظل بعد أمـل
راح الإلي كِفَــل
يا خويه يا حُسين
__
#فاطمة_كريم
٢٠٢٤ م

#قصائد_في_خدمة_الخطباء
#محرم_١٤٤٦
#مصائب_الهاشميات
#ليلة_الحادي_عشر

صورة شعرية: بين مولاتي زينب عليها السلام وسيد الشهداء صلوات الله وسلامه عليه ليلة الحادي عشر من المحرّم وهي في خيمتها مع النساء والأطفال....

[قصيدة عمودية]

سكونٌ عمَّ وانقطعَ الكَلامُ
وفوقَ الأرضِ ما زالَ الإمامُ

وهذي زينبٌ في ما تبقّى
من الخيم اعتلى منها السّلامُ

سلامٌ أرسَلَتهُ ببعضِ دمعٍ
وسرًّا إن بكت ليست تُلامُ

ففي باب الخيامِ ترى رجالًا
وأمسُ ببابها وقفَ الكرامُ

حُسينٌ في الفلاةِ على تُرابٍ
ينامُ فكيفَ تغفو أو تنامُ!

علت منها سلامٌ يا حبيبي
على جسدٍ تؤلّمهُ السِّهامُ

ألا دعني إليكَ أبثُّ شكوى
وأبدي بعضَ ما ارتكبَ اللّئامُ

مَضَوا بالرّأسِ عنّي واشتياقي
إلى عينيكَ يجرحُهُ الظَّلامُ

فليتكَ تؤنسُ القلبَ الّذي لم
يجد أنسًا فأنتَ لهُ المرامُ

وليتكَ تنظر الأيتامَ حولي
وتشهدُ كيفَ تظلمُ أو تُهانُ


#عظم_الله_أجوركم ◾️


فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#مصائب_الهاشميات
#ليلة_الحادي_عشر

صورة شعرية: كأني بمولاتي زينب عليها السلام تخاطب سيد الشهداء صلوات الله وسلامه عليه...

١/حل يخويه الليل وانته عْلى التّرايب
وْبيّه ما ظل حيل من كثْر المصايب
گلبي من لِهموم مثْلِ عْيوني ذايِب
وكُلها حولي ايتام تبچي من النّوايب

٢/مرّه اسكّت طفله تسألني الأبو وين؟!
ومرّه من لايتام انشّف دمعةِ العين
مرّه بالأحباب اعزّيها النّساوين
ومرّه باب الخيمه من خوفي أراقب

٣/سكنه گالَتلي يَعمّه بْصوت تعبان
بويه ماي انطوه لو لسّاه عطشان!
چفّنو لو بعده عاري بْلايه أچفان؟!
مْنِ سْمَعِتْها تْحَيَّرِت وِشْلون اجاوب!!

٤/والكِسَرني أكثر وأذّالي لاحساس
سَرِّحَوْا للكوفه ظُهْرِ العاشر الرّاس!!
نظره بسّ بْوَجهك تْرِدّلي لانفاس
حتّى من نظره ترى حِرمَتني لاجناب

#عظم_الله_أجوركم ◾️

فاطمة علي رزق
اسألكم الدعاء

🔶 #محرم_1446هـ
🔸 في ذلك الليل المظلم عندما فقدت زينب طفلة من بنات الحسين فجاءت الى جسد الحسين عليه السلام سمعت حنين وانين قالت زينب (ع) فاطمة هذه؟ قالت: بلى يا عمة، قالت: بنية ما الذي جاء بك إلى هنا؟ ردت الطفلة بلسان الحال:

تكلها انـه لكيته مرمــي الحسيــن
لكن بس جسـد مكطــوع الوتيــن
دَعَلِّي النوح عمه و عَلِّي الونين

ــــــــــــ ✿༺✿༻✿ ــــــــــــ

عمّــــه خــل نِلِــم اعضــاه بهـداي
و نكطّر فوك نحره كطرة من ماي
بلكت ترد روحـه ويرجـع ويــاي

ــــــــــــ ✿༺✿༻✿ ــــــــــــ

يـــــا أم الخــــدر لا تحضنينــــه
خافـــن جــرح قلبــــه تلجمينــــه
خلّينـــه نــــــدوّر عــــن يمينــــه

ــــــــــــ ✿༺✿༻✿ ــــــــــــ

راح افتَــــر وادوّر خنصــره ويــن
وانتي ابقي يعمه يَـم الحسيــن
وشدي ابمعصبج جرح القلب زين

ـــــــــــــ ✿༺✿༻✿ ـــــــــــــ

🔶 #لسان_حال_زينب_ترد

عمه كومي.. ردي للخيمة بسلامــه
عمه كومي.. جلجل الليل بظلامــه
عمه كومي.. والدج طحنوا عظامه

ــــــــــــــ ✿༺✿༻✿ ــــــــــــــ

عمي كومي.. والــدچ مكـدر الّمــه
عمه كومي.. خلنه بالمنحر نشِمّـه
عمه كومي.. و للعليل انـرد يعمـه

ــــــــــــــ ✿༺✿༻✿ ــــــــــــــ

✍ #الشاعرة_زينب_الخفاجي
🤲 #اللهم_صل_على_محمد_وآله

#ليلة_الوحشة

#طور_زينب_إجت_لحسينها
#طور_الجفيري
#ليلة_الوداع



باكر اريدك تصبُري
لو شفتي نحري ينفري
راح اشكي لأمي منحري
وكيف الشماته بمنظري

باكر يكسرون الظَهر
ليّه تنظري بكل قهر
محني بمَشيتي اعلى النّهر
بطيحة  سنادي والقمر

باكر اودع هالشباب
نومه طريحه اعلتراب
الاكبر وجاسم بلا نِصاب
دمهم يصير إلهم خِضاب

باكر يقتلون الحلم  
وطفلي يذبحونه بسهم
وابقى وحيد ابلا زلم
وخيامي بيها بس حرم

باكر  سكينه تنضرب
واطفالي كلها  تِنسلب
حتى رقيه يالعجب
يسلّبوا حِليها  بالدّرب


🖊خادمة أبي الفضل

#محرم_١٤٤٥
#أطوار_مختلفة
#ليلة_العاشر



يا عِين التِنام ابليل  ..  وهاذي أخر الساعات
أبو السجاد وي زينب  ..  وسوا داروا على الخيمات
بأرض الطف فلا نسمع  ..  غير اموَادع و ونّات
بس هالليله يَمّها حسين .. وأمان العايلة العباس

يخبرها عصر عاشور .. تشوفي امضرجه الشبان
أضاحي عالثرى كلهم  .. ونجوم موذرة ورضعان
وعريس الطّف بِ نّزفه  .. ما بين النبل واِسنان
وعلى شاطي الطفوف يطيح  .. عضيدي منهشم بالراس

#وانت ابو علي ، أوتنعي إلي نفسك !!!

بصبر أمي انا أوصيك  .. لو جِيتي الى المصرع
وسِمعتي ونّه الزهره  ..  يعني منحري اتقطع
الذّبح موعود من صغري  .. وتشوفي الذّابح اتربع
وليّه ما عظم سالم  ..  تِحضنيني بهدا واحساس


ويهجم عالخيم ظالم  .. وتِحيري بجملة الأطفال
وراهم يركض الملعون  ..  بسياط الكفر واحبال
يضرب عالمتن طفلة  ..  ويدفع واحدة ابلرمال
ويشتم والدي وامي .. وتنظري لجثّتي تنداس


🖊خادمة أبي الفضل

#طور_الفراق
#ليلة_الوداع



شلون ليله   .. زينب تودع أهلها
شلون ليله   .. ريت لا يطلع فجرها
شلون ليله   .. خايفه الفرقه تِهدها

#خايفه من عصر عاشوراء روحي فداها

باكر انظر   .. تعمى ياريت النواظر
باكر انظر  .. فاجعة بأرضِك يغاضر  (الغاضريه)
باكر انظر    ..أصبع ونحر وحوافر


اعلى الشريعه  .. أمشي للكافل أشوفه
اعلى الشريعه   .. وعيني بِتشاهد كسوفه (قمر ابوفاضل💔)
اعلى الشريعه   ..  مقطعه الغالي كفوفه


#بعد مولاتي يا زينب ماذا يجري عليك ..؟

بهالبوادي  .. وحدي ابقى يا مصابي
بهالبوادي  .. أركض ونار بثيابي
بهالبوادي  .. ينادي بإسمي هالظبابي


🖊خادمة أبي الفضل

#ليلة_العباس

#في_خدمة_الخطباء
#ليلة_العباس

[ رباعية ]

١ / امررْ على جسَدِ الكفيلِ وقلْ لَهُ
ما طابَ عيشٌ بعدَهُ أو قبلَهُ
فُجعتْ عيونُ النّهرِ تبكي قتلَهُ
والماءَ إذ من قدِرهِ يتسرّبُ

٢ / يا عينَ فاطمَ وهي تنظرُ عينَها
دونَ الكفوفِ وقد أزادتْ حزنَها
وتميلُ للعبّاسِ تُسندُ متنَها
وعلى الخدودِ لفرطِ رزءِهِ تندبُ

٣ / لمّا هوى والحالُ يصعبُ وصفُهُ
بدمِ الجراحِ وقد تخضّبَ كفُّهُ
حالٌ وكادَ حسينُ يلقى حتفَهُ
وعليهِ يشهقُ والتّنفّسُ يصعُبُ

٤ / صرخَ الكفيلُ حُسينَهُ : أدرِكْ أخاكْ
طبروا جبيني والدّماءُ على ثراكْ
فأجابَهُ : ماتَ المعسكرُ في بَلاك
والظّهرُ يُكسَرُ حينَ تنظرُ زينبُ

٥ / اِرجَعْ إلينا لا نريدُ القربَةَ
وامسِكْ يدي كخروجِنا من مكّةَ
فالسّوطُ لن يُبقي عَليَّ المُهجةَ !
خدري وثوبُ أخي وخيمي تُسلبُ


حسين مازح

#ليلة_العاشر


من وزن التجليبه ( المربع)
ـــــــــــــــــــــــ
بالصحرا كَعد وعيونه لخيامه
ويشوف العيله ضل تنوح جدّامه
ــــــــــــــــ
راد يروح يمهه والفكر مذهول
ولو سألوه عن باجر شيريد ايكَول
يشوف الحزن صار وياه طول بطول
وكَوّه اعله ارض من ينكَل اجدامه
ــــــــــــــــــــــ
يريد ايودّع العيله لان باجر
يروح ويدري زينب تفكَد الناظر
تصيح بصوت لمّن تنظر الحافر
يدوس ابصدره حيل ايكسّر اعضامه
باجر لا خيم لا اخو يضل يمهه
باجر بالجمر تتلاهب اخيمهه
جفوف الكمر باجر ينسفك دمهه
عمود اعداه تنظر يفضخ الهامه
ــــــــــــــــــ
يودع اعياله رايد بس ألم عنده
شما ينظر السكنه دمعته ابخدّه
يرف باجر اتمر زينب بشدّه
والهذا الوضع تتزايد آلآمه
ــــــــــــــــــــ
صعبه ييشوف زينب تركض بحسره
وبطف كربله عثره بأثر عثره
صح مكّطوع نحره لجن شيصبره
بحين السوط يضرب متن ليتامه
ـــــــــــــــــــــــــ
الشاعر محمد حسن ضيغم

#في_الخدمة_المقدسة
#محرم_١٤٤٦
#ليلة_العاشر

(وزن الطويل )

عزاكِ الليله يامهدي.. أبدْ والله مَمِثْله عْزاءْ
هذي ليلةِ التّوديع.. تواسي أُمّكِ الزهراءْ

١)بَعدْ ليله غريب حسين..ظامي من العطش چبده
الأعادي حُوله مجتمعين..ويحْملْ رايته وحده
شبابِ لعيله والأصحاب.. راحوا وما أحد عِنده
مسلّمْ أمره للرحمان..شگد ما كانت الأرزاءْ

٢)بَعدْ ليله نشوفْ كفوف.. تْصافحْ تُربةِ الصحرا
مگطوعه من الزندين.. وين اليُمنى واليُسرى
ولمّنْ ينْضربْ راسه.. أويلي يطيح عَ لْغبره
ونهرِ لعلگُمي يشهد.. بوفاضل صورةِ الإيفاءْ

٣)بَعدْ ليله سهم مسموم..يصيب حسين في گلبه
رُغم لجراح والأوجاع.. يناجي بالدّعا ربه
ذبيح علثرى مطروح.. والحاقد يجي يْسلبه
وراسه عالرمح عالي.. جسمه مگطّع الأعضاءْ

٤) بَعدْ ليله وترى زينب.. تْسافر عنّه مسبيّه
تحمي لعيله والأيتام.. وتنفّذلا لوصيه
يضربوها ويشتموها..بُغربه تِبگى محنيّه
رُغم كِل هذي الآلام.. تصبر زينب الحوراء

#منال_بجيجي

#ليلة_الاكبر
#في_الخدمة_المقدسة
#محرم_١٤٤٦
#ليلة_الأكبر

لسان حال ليلى بعد شهادة ولدها علي الأكبر

(نعي شعبي)

بوداعةَ الله ياشبيه المصطفى
بحرِّ الطفوف ياگُمر نورك اْنطفا

١) ياوليدي تراني منْ عگبك ذابله
چنتْ نبضي وچنتْ ضيّ العايله
بگلبي هموم الدنيا شايله
وجفن عيني ساهر بعدك ماغِفا

٢) تعالي يازينب شوفي لْغالي
مگطّع اْوصاله ومدّد گبالي
والله حياتي عگبه ماتهنالي
ترى گلبي ما تعود على الجفا

٣) أنا اْمك الحزينه وينك تهدني
مصابك بْعاشر والله يهدني
تتهنّى بشهادتك ياعلي يابني
چنت للزهرا وحسين من أهل لْوفا

#منال_بجيجي

#محرّم_١٤٤٦
#العبّاس(ع)
#يا_قِربةَ_السّقّاء

يا قِربَةَ السّقّاءِ أينَ السّاقي!؟
مأواهُ في قلبي وفي الأحداقِ

يُمناهُ كفُّ العَرشِ تروي ظامِئًا
يُسراهُ سَيفٌ باتِرُ الأعناقِ

بطَلٌ تحدّرَ مِن عليِّ المُرتضى
يُردي شُرورَ البَغيِ والفُسّاقِ

لَيثُ العَرينِ إذا لِمَيدانٍ أتى
رَجَفَ العِدى، والرُّعبُ مِلءُ مآقِ

عبَسَت وُجوهُ القومِ في ساحِ الوغى
والخَوفُ فيهِم ساكِنُ الأعماقِ

ِِوالبَدرُ مِن آلِ الهواشِمِ ضاحِكٌ
لشَهادَةٍ فَيضٌ منَ الأشواقِ

عبّاسُ عَينٌ للبتولِ وحيدرٍ
يسعى الكفيلُ لِجَنّةٍ وتَلاقِ

تأتيهِ أمٌّ للبَنينَ تضُمُّهُ
بعدَ المماتِ.. فكانَ حَرَّ عِناقِ

#أعظمَ_اللّٰه_أجورَكم🏴

زينب الموسوي
#بنت_الزهراء

#ليلة_العباس

#في_الخدمة_المقدسة
#ليلة_العباس
#وزن_الطويل

(مناجاة الإمام المهدي عجل الله تعالى
فرجه الشريف للتعجيل بأخذ الثأر )

متى تظهر يا وعد الله.. وترفع راية الثارات
تنادي أنْ يا ثارَ الله .. وتصدح بالملا الصيحات

تاخذ ثار أبو فاضل، وثار زنودَه والكفين
ودمَّه لْعَثرى سايل، والسَّهم لْهَوى بالعين
ثار الحيرةْ والآلام، من شافه الغريب حسين
ينادي خوية يا عباس، وقلبه يسمع الأنّات

يمهدي يمتى ترفعها، راية عمّك العباس
وتشهر سيفَه هَم درعَه، يوارث جدّك النبراس
تصيح عْلَى الملا صيحة، وتْلبّيك كل الناس
فداكَ المهجة يا مهدي، ترخص لجلك النبضات

يبو صالح بعد ترفع، لجل زينب لواء الثار
غريبة تنسبي للشام، عزيزة أحمد المختار
يضربوها ويزجروها، ويشتموا الزهرا والكرار
يِسِيلوا دمعة الحورا، يا ثار الحسرة والدمعات

بعد يا الغايب الحاضر، عزيزات بمسير الشام
وعليل مقيّد ومحني، أسير بموكب الآلام
وصغار تنادي يا زينب، وهيّه تصبّر الأيتام
يا مهدي علّي رَايِ الثار، لجل هالغربة والآهات

هذا جيشك تْجهّز، عديدَه أعظم الشهداء
منهم قدّم المنحر، وجسمَه مقطّع الأعضاء
منهم واسى بو فاضل، وواسى سيد الأُمرَاء
ومنهم ما رجع جسمَه، مفقود بْثَرى الفلوات

#زينب_فياض

#قصائد_في_خدمة_الخطباء
#محرم_١٤٤٦
#شهادة_علي_الأكبر (عليه السلام)
#ليلة_الاكبر


صورة شعرية: كأني بهم لما وضعوا جسد الأكبر في ذلك الفسطاط أقبل إليه أخوه الامام علي زين العابدين عليه السلام، جلس عند جسد اخيه المقطع ولسانُ حاله ...

١/ونّاتي تعتلي .. منهو اللّي ظل الي
هذا أنا علي .. يا خويه يا علي

٢/منهو اللي صوّبك .. منهو اللي خضّبك
بْچَم طعنه عذّبَك .. يا خويه يا علي!

٣/يالأسبَلِت إيديك .. جاوبني شنهو بيك!
شنهو الجرى عَليك .. يا خويه يا علي!

٤/يمّك گِعَدْتَ انوح .. وْبيدي احسب الجُروح
مرمي بَلايه روح .. يا خويه يا علي


ثوابُها يُهدى الى الشهداء وإلى كل مجاهد رأى رفيقه قد هوى إلى الارض شهيدا أمامه...

#عظم_الله_أجوركم ◾️

فاطمة علي رزق
اسألكم الدعاء

أَصْحَابِ الصِّدِگ‌ْ..........وَارْبَابِ الْعِشِگْ
مُسْلِمْ..حَبِيبِ..وْعَابِسِ..وْجُونِ..وْزُهِيرْ
أَقْطَابِ الْوِفَه...................أَهْلِ الْمَعْرِفَه
شَوْذَبْ...سَعِيدِ...وْنَافِعِ....وْحُرِّ....وْبُرِيرْ
وَآنَه ادِّعِيهَه مْحَبِّتَكْ...وَاجِبْ أَكُونِ بْخِدْمِتَكْ...
يَا حُسِينْ...يَا حُسِينْ...
-----------------------
الْيِحِبْ مِنْ گَلْبَه مُو بَسْ يِحْچِي بِلْسَانَه
تِدَوْرَه شْمَا تِدَوْرَه هْنَانَه وِهْنَانَه
فَقَطْ يَمِّ الْيِحِبَّه تِلْگَه عِنْوَانَه
يِعِيشِ وْيَاهْ كِلْ أَفْرَاحَه وَاحْزَانَه
يِتْنَفَّسْ هَوَاهْ.............وِيْدَوِّرْ رِضَاهْ
مَا عِنْدَه بِالدِّنْيَه شُغُلْ عَنِّ الْحَبِيبْ
وِبْطَفْ كَرْبَلَه...............لِلْحُبْ قَافِلَه
نَامَتْ عَلَى حَرِّ الثَّرَى دُونِ الْغَرِيبْ
هَاذَه دَرِسْ مِنْ صُحْبِتَكْ...وَاجِبْ أَكُونِ بْخِدْمِتَكْ...
يَا حُسِينْ...يَا حُسِينْ...
-----------------------
(سَعِيدِ) اللِّي تِلَگَّه دُونَكِ سْهَامَكْ
مِنْ خِلْصَتْ صَلاتَكْ طَاحْ گِدَّامَكْ
يِگِلَّكْ يَا حَبِيبِي فِدْوَه لَاجْدَامَكْ
أَرُوحَنْ بَسْ تِرِدْ سَالِمْ عَلَى خْيَامَكْ
لَاچِنْ هَلْ وِفِيتْ.......يَحْسِينِ وْرِضِيتْ
لُو تِرْضَه خَلْ تِمْطُرْ عَلَى عْيُونِي سِهَامْ
يِحْلالِي بَعَدْ........................يِزْدَادِ الْعَدَدْ
مَا دَامَكِ انْتَه بْعَافِيَه وْخِيرِ وْسَلامْ
لُو بِيدِي شَايِلْ رَايِتَكْ...وَاجِبْ أَكُونِ بْخِدْمِتَكْ...
يَا حُسِينْ...يَا حُسِينْ...
-----------------------
أَنَا وْيَه النَّاسْ أَگُولِ حْسِينْ مَحْبُوبِي
لَاچِنْ تِخْتِلْفْ عَنْ دَرْبَكِ دْرُوبِي
أَذْنِبْ وِانْتَه لِتْطَّيِّحْهِنِ ذْنُوبِي
وْتِجِيكِ سْهَامْ يَا بُو الْيِمَّه مِنْ صُوبِي
أَرْمِيكِ شْكِثُرْ...وَارْجَعْ أَعْتِذُرْ
چِي إِنْتَه طَيِّبْ خَيِّرِ مْسَامِحْ كَرِيمْ
تْگِلِّي يَا هَلَه...عُذْرِي تِقْبَلَه
مَتْرِدْنِي عَنْ بَابَكْ يَبُو گَلْبِ الرَّحِيمْ
يَالْمَا تِعُوفِ لْعَافِتَكْ...وَاجِبْ أَكُونِ بْخِدْمِتَكْ...
يَا حُسِينْ...يَا حُسِينْ...
-----------------------
(حَبِيبِ) شْگَدْ بِچَالَكْ مِنْ خِلَصْ عُمْرَه
لِأَنْ هَجْرَكْ صَعُبْ يَا مُهْجَةِ الزَّهْرَه
وَانَا أَنْسَاكْ لَا يُومِينْ لَا عَشْرَه
الْهَجُرْ عِنْدِي وِسَافَه شُو سَهِلْ أَمْرَه
چَا يَمْتَه أَصِيرْ........عَبْدَكْ لِلْأَخِيرْ
وَاتْنُومَسِ وْأَتْهَنَّه يَحْسِينِ بْهَوَاكْ
وَادْعِيهَه بْهَيَامْ....مُو بَسْ بِالْكَلَامْ
يَا لَيْتَنِي يَا سَيِّدِي كُنْتُ مَعَاكْ
كُونَ انْلِچِمْ لِمْصِيبِتَكْ...وَاجِبْ أَكُونِ بْخِدْمِتَكْ...
يَا حُسِينْ...يَا حُسِينْ...
-----------------------
يَمَنْ ضَحِّيتْ لَجْلِي وْقَدَّمِتْ طِفْلَكْ
أَنَا خَجْلَانْ مَدْرِي شْقَدَّمِتْ لَجْلَكْ
عَجِيبَه بِالشَّمِسْ عَارِي يِظَلْ مِثْلَكْ
وَانَا بْدِنْيَايْ أَتْفَيَّه تَحَتْ ظِلَّكْ
چَمْ مَرَّه گِلِتْ...........يَا يُومَ الْتِفِتْ
عَايِشْ تَرَانِي مِلْتِهِي وِانْتَه تِصِيحْ
لِخْيَامِي تَعَالْ...........هَالدِّنْيَه زَوَالْ
مَاكُو أَهَمْ مِنْ جَنَّةِ حْسِينِ الذَّبِيحْ
رَايِدْنِي أَدْخِلْ جَنِّتَكْ...وَاجِبْ أَكُونِ بْخِدْمِتَكْ...
يَا حُسِينْ...يَا حُسِينْ...
-----------------------
حسن خنافر العاملي
#الأصحاب
#محرم_١٤٤٦هج
#ليلة_الاصحاب

#ليلة_العباس
زِينِبِ وْجِيتَكْ يَغَالِي بْدَمْعِتِي
أَشْتِكِيلَكْ عَنْ مُصَابِي وْلُوعِتِي
-----------------------
خُويَه مَنْتَه اللِّي جِبِتْنِي لْكَرْبَلَه
وْگِتْلِي عِدْ عِينَاچِ تُبْگِي مْدَلله
شُو عِفِتْنِي وَيَّه شِمْرِ وْحَرْمَلَه
يَا بُو فَاضِلْ صَعْبَه كِلِّشْ طِيحِتِي
-----------------------
مْنِينِ اجَتْنِي يَا گُمَرْ هَالنَّايِبَه
آنِي سِتْرَ الله وْأَصِيرِ مْسَلَّبَه
كَافِلِي بِدْرِ التَّمَامِ شْغَيَّبَه
مِنْ مِشَه طَاحَتْ عَلَيَّه خِيمِتِي
-----------------------
زِينَبِ الْمَحْجُوبَه رِكْضَتْ عَالثَّرَى
تِرْضَه لُو شِفْتِ الزِّلِمْ تِضْرُبْ مَرَه
بْهَاذَه عُمْرِي شْلُونَ ارُوحِ مْيَسَّرَه
وَآنَه مِتْعَوْدَه عَلَى زُودِ اخْوِتِي
-----------------------
مِنْهُو يَا خُويَه يِعَدِّلْ مَحْمِلِي
وْلُو رِدِتْ حَاجَه يِگُولِ تْدَلِّلِي
آنِي زِينَبْ بِتْ مُحَمَّدْ بِتْ عَلِي
مِنْهُو يِلْزَمْ مِنْهُو يِحْدِي بْنَاگِتِي
-----------------------
كَلْفَه أَمْشِي وِالْمَدَامِعْ جَارِيَه
لُو تِشُوفِ بْيَا طَرِيقَه مَاشِيَه
أَنْچِتِفْ بِحْبَالُ امَيَّه الْقَاسِيَه
وِالرُّمُحْ بَاچِرْ يِسَكِّتْ وَنِّتِي
-----------------------
كِلْ دَلَالِي وْهِيبِتِي عَالْمَشْرَعَه
وِالْخِدُرْ أَوْصَالَه كِلْهَه مْگَطَّعَه
عَنِّي شِيْرِدِّ الْعُيُونِ الطَّامِعَه
مْنِ النِّوَاظِرْ رَاحَ امُوتِ بْحَسْرِتِي
-----------------------

#العباس
#محرم١٤٤٦
حسن خنافر العاملي

#العباس
#ليلة_العباس

#في_الخدمة_المقدسة
#ليلة_العباس
#وزن_الطويل

(تصوير حديث أبي الفضل العباس مع الإمام الحسين عليهما السلام، عندما أتى الإمام إلى مصرع أخيه، مصورًا المصائب التي لن يراها العباس بعد فقده بصره ...)

يا خوي من السّهم مقدر، أبد يا بو الفضل ضمك
يا نور عيوني يا عباس، أخافن جرحك يْألمك

يقلّه يا أبو الأكبر، صحيح اني ماْ أقدر شوف
ترَه هذا السَّهم قَدّم، لَعيني اللي انطفت معروف
بِحِيرة ما أشوفنّك، وحيد وتبقى بين ألوف
تنادي أهلك وصحبك، ولا واحد بقى يمّك

بعد يا خوي هم حسرة، إذا شفتك جسد مطروح
تريب مسلّب وعاري، بجسمك ما أعِدّ جروح
ولا شوف الشّمر ذبحك، ورفع راسك يا بعد الروح
وعلى صدرك تدوس الخيل، تكسّر ضلعك وعظمك

ولا شاهد بعد مشهد، إذا هجموا على الخيام
وإذا حرقوها يا خويه، ورموها باللظى وبسهام
لعندك تفزع الأطفال، وتلوذ بجسمك الأيتام
بجنبك تقعد الحورا، وتحلفك جاوب بأمك

ولا شاهد دمع زينب، تشوفن بالخيامِ النار
ولا شوف الشمر يركض، خَلِفها ويشتم الكرار
بسوطَه يضرب الحورا، حفيدة أحمد المختار
ولا شاهدها يا خوية، تشوفك سابح بدمك

ولا شوفن عقيلتنا، إذا للشّام مشّوها
تودّعنا وتِنادينا، أتاري الحورا يسبوها
ويشتموها ويألموها، وبعد عزها يضربوها
وتظل بْلا ولي وكافل، تِلهج باسمي مع إسمك

#زينب_فياض

#في_الخدمة_المقدسة
#محرم_١٤٤٦
#ليلة_العاشر

(وزن الطويل )

عزاكِ الليله يامهدي.. أبدْ والله مَمِثْله عْزاءْ
هذي ليلةِ التّوديع.. تواسي أُمّكِ الزهراءْ

١)بَعدْ ليله غريب حسين..ظامي من العطش چبده
الأعادي حُوله مجتمعين..ويحْملْ رايته وحده
شبابِ لعيله والأصحاب.. راحوا وما أحد عِنده
مسلّمْ أمره للرحمان..شگد ما كانت الأرزاءْ

٢)بَعدْ ليله نشوفْ كفوف.. تْصافحْ تُربةِ الصحرا
مگطوعه من الزندين.. وين اليُمنى واليُسرى
ولمّنْ ينْضربْ راسه.. أويلي يطيح عَ لْغبره
ونهرِ لعلگُمي يشهد.. بوفاضل صورةِ الإيفاءْ

٣)بَعدْ ليله سهم مسموم..يصيب حسين في گلبه
رُغم لجراح والأوجاع.. يناجي بالدّعا ربه
ذبيح علثرى مطروح.. والحاقد يجي يْسلبه
وراسه عالرمح عالي.. جسمه مگطّع الأعضاءْ

٤) بَعدْ ليله وترى زينب.. تْسافر عنّه مسبيّه
تحمي لعيله والأيتام.. وتنفّذلا لوصيه
يضربوها ويشتموها..بُغربه تِبگى محنيّه
رُغم كِل هذي الآلام.. تصبر زينب الحوراء

#منال_بجيجي