#مرحوم_استاد_خوندل (مرحوم استاد حاج حیدر شبگرد)
#قتلگاه#راز_و_نیازبخش ۱
شاه دین گفت مرا ذوقِ شهادت به سر است
هر دم انوارِ خدا در نظرم جلوه گر است
شمر را گرچه تمنّا ز جهان سیم
و زر است
هر کسی را نتوان گفت که صاحب نظر است
عشق بازی دگر
و نفس پرستی دگر است
قان اولدی غنچه تک اورگیم غمدن ای خدا
ای کاش صبح اولیدی بیله تیره گون مسا
آفاقی دولدورِیدی خدا نوری نوریله
یعنی گلیدی زادهء والشّمس والضّحا
رفتار ایدیدی عدلیله دنیاده شاهِ دین
جور
و جفا تاپیدی بو عالَمده انتها
قلبینده مشتعل شررِ حسّ انتقام
باعث او انتقامنه ناحق آخان دِما
هانسی دماء که بویادی کربلا چولین
آتدان دوشنده توپراقا سلطانِ کربلا
باشدان ایاقه پیکری یاره آخوردی قان
فکری وصالِ یاریدی نه عالَمِ فنا
خشک ایلمیشدی سوزِ عطش حلقِ پاکینی
باشی یارا، وجودی یارا، سینه سی یارا
قصد ایلدی او حالیله بیر کشفِ
راز ایده
محبوبیلن حبیب آرا عرضِ
نیاز اولا
رکنِ نماز بیرده نمازه ایدوب قیام
قیلدی نجه نماز او فرزندِ لافتا
آخر نفسده نُه فلکه سالدی ولوله
تأیید اولماسا یری واردی قلم آزا
گوردی که دستمازینه سو یوخدی، ایلدی -
حلقِ مبارکین هدفِ ناوکِ بلا
اوخ دگدی، گر دیسم نجه اوخ لال اولا دیلیم
آچدی باشین فغانیله جنّتده مصطفا
زهرا آچوبدی روضهء رضواندا باشینی
گوزدن توکردی سیل کیمی اشکِ پر بها
آلدی وضو او قانیله محوِ جمالِ یار
بزمِ نگاره تحفه گوتوردی او با وفا
آری نمازِ عشقه وضو قان اولا گرک
بیگانه آنلاماز، اونا عالِمدی آشنا
بیر قدر یغدی توپراقنی قانلی مصرعین
بیر سجده گاه ایتدی او سلطانِ نینوا
تُف روزگاره ساجده باخ سجده گاهه باخ
زیبنده دور بو گردشِ دوران خراب اولا
قصدِ عبادتیله دمِ واپسین ده
قویدی او قانلی عارضینی قانلی توپراقا
بیر سجده ایتدی زادهء زهرا او حالیله
یکسر قالوب او سجدیه حیرتده ماسوا
راز و نیازه باشلادی عرض ایلدی خدا
من ایلدیم اَلَستده کی عهدیمه وفا
هر قدر اوخ قلج وورا شام اهلی دلخوشام
میدانِ عشقیده دیمرم من بلایه لا
بو من بو قتلگاه بو صد پاره پیکریم
بو اللرینده نیزه
و شمشیر ادعیا
بو اکبریمدی گُل کیمی اعضاسی دوغرانوب
جسمِ لطیفینون آخوری قانی چشمه سا
بو قارداشیم دی قولّارین اعدا ایدوب قلم
سو مشگی اوخلانوب بویانوب قانیله لوا
بو لشگریمدی راهِ وفاده ویروبله جان
گویا ایدوبله کرب
و بلا دشتینی منا
بیر بیر شهیدِ عشقلری ویردی یاره سان
بیرده یوزینی خیمه لره دوتدی پادشا
آندوردی اوز حبیبنه گویا بو نوعیله
ای کردگارِ عالَم
و ای خالقِ علاء
بو زینبمدی دوره سینی اهلِ شام
آلوب
بیکس قالوب او نائبهء خیرة النّساء
بو قیزلاریمدی رنگلری خوفیدن قاچوب
از بس ایدوبله هلهله بو فرقهء جفا
بو آلِ مصطفادی سیزیلدالّا نی کیمی
عرشه خیامیدن اوجالور وامحمّدا
خلوتسرای عشقیده مشغول رازیدی
اولموشدی محوِ وصلِ خداوندِ کبریا
سعد اوغلی نچّه کیمسه نی مأمور ایلدی
ایتسون او تشنه شاهی ذبیحاً مِن القَفا
بیر بیر گلوب قایتدیله خوفه دوشوبدوله
مأمور اولوب بو امره ولی شمرِ بی حیا
اقدام ایدنده قتلینه سلطانِ بیکسین
گلدی فغان
و شیونه سلطانِ نُه سما
بیر انقلاب
و غلغله
و هایهوی اولوب
دشتِ بلایه گلدیله ارواحِ انبیاء
جدّی آتاسی قارداشی گوز یاشلی گلدیله
قورسونلا قتلگهده اونا مجلسِ عزا
بیرده دلینده وا ولدا اول چوخور یره
گلدی آناسی فاطمه زلفین یولا یولا
بیرده باجیسی زینب کبری خیامیدن
گلدی باشندا اللّری اشگی آخا آخا
قارداشینی نه حالتیله گوردی بولمورم
بو قدر وار که قاتلینه ایتدی التجا
ظالم اماندی رحم ایله قوی باغلیوم گوزون
ال چک یارالیدی بو قدر ایلمه جفا
بو تشنه کامی داغِ علی اکبر ئولدورر
ناحق باتما قانینه ای اَشقی الاَشقیا
عبّاس ئولنده سندی بِلی گیتدی طاقتی
مشگلدی صاق قالا ابوالفضیلدن صورا
پیغمبرین عزیزیدی زهرایه نورِ عین
گورمه بو قدر ظلمی بو بی یاوره روا
گنجینهء علومِ خداوندی ای شقی
سندیرما، قوی یره ایاقون ایله بیر حیا
شمرین ز بسکه گوزلرینی دوتموشیدی قان
قانیاش توکن علی قیزینا ایتموب اعتنا
زینب گوروب او سنگدله ایتموری اثر
ال آتدی دوتدی خنجرینی دلده وا اخا
عذر ایستورم بو عرضیمه یا صاحب الزّمان
ای گوزلری بو محنته آغلار قالان آقا
اوضاعِ قتل
و قتلگهی ایتمرم بیان
جدّیندن ایلرم او سوزی یازماقا حیا
زینب نلر دئدی نه ایشیتدی دینمرم
امّا بوقدر وار او یره یتدی ماجرا
قانی قاریشدی بیر بیرینه باجی قارداشبن
اوج ایتدی عرشه دخترِ زهرادن آه
و وا
ادامه دارد
🔽🔽🔽@ganjine5