🌺 تایپ کننده و ویرایش کننده از : جناب آقای کربلایی مجتبی نقوی
🌺#اربعین_حسینی#صالح (جناب آقای صالح علی نژاد، ساکنِ تهران)
بخش ۱
ای ما مَلَکین رهبرِ وارسته سی قارداش
آزاده لرین دهریده سردسته سی قارداش
بیر دایره ی عشقیدی شش گوشه مزارون
زهرا قیزی جان تک آلوب آغوشه مزارون
بو قبریده آزاده لر اوتادی یاتوبدی
جانبازلرین سَرورِ آزادی یاتوبدی
دانشکده ی حکمتین استادی یاتوبدی
ای مَصطبه ی عشقی ایدن قانیله تحکیم
استادِ ازل سندن آلار ایمدیده تعلیم
بو قبره ایدن غبطه ثریّا و سَمَکدی
شش پر دوشنوب زینتِ پروینِ فَلکدی
همتاسی بو قبرین هانسی بی مثلدی تکدی
شش گوشه مزارون یر اوزونده اَزَلیدور
احسن بئله طرّاحه کی اوز اوغلون علیدور
تصویری بو قبرون ایله بو سینه ده واردی
بیر عکسیدی گویا که بیر آئینه ده واردی
اوچ گوهر شاهنده بو گنجینده واردی
بو خاکیده مدفون اولان اوچ گوهره قربان
عمروم سنه، هم اکبره، هم اصغره قربان
بو قبریدی یا مطلعِ خورشید ازلدی؟
یا پایگهِ بارقه ی قَصرِ حَمَلدی؟
روحیم اولا بو قبریوه قربان نه گوزلدی
هر گوشه سی بیر گوشه ی عالمدی حسینیم
مدفن دگی بیر روحِ مجسّمدی حسینیم
بو قبریدی یا کنگره ی عرشِ علادی؟
یا فرشیده بیر جلوه گهِ صُنعِ خدادی
بو قبریدی یا مدرسه ی عشق و وفادی
بو مکتبِ عشقین هنر آموزیدی زینب
عشق و عملین فاتح و پیروزیدی زینب
طوبیٰ سنه آچدون بشره بابِ فتوحی
سرمستِ الست ایتدی سنی عشق صبوحی
ای ساحلِ امیده چکن کشتی نوحی
گردابِ خطردن قوتاران فُلکِ نجاتی
سنسن بشرین مایه ی تجدیدِ حیاتی
ای لم یزلی قدرتِ بی چونیدن آیت
بو قدرتیویله ایلدون دینوه خدمت
سرحدّ شرفده سن آچان پرچمِ نصرت
قائمدی یل اسدوقجا اَسَر صاق صولا دائم
بیر گون علمون الده گلر حجّتِ قائم(عج)
طوفان، کمرِ سروی اَگر لیک داش اگمز
باش سروِ تنومند اولا هر سروه باش اگمز
فرزندِ علی زاده ی سفیانه باش اگمز
باش فکرینی باشدان آتار ای صاحبِ تکریم
ممکن دگی نامرده اَبر مرد اولا تسلیم
تا سنده قیام ایتماقا آماده لیق اولدی
دورانِ اسارت گیدوب آزاده لیق اولدی
باشیم اوجالوب علّتی افتاده لیق اولدی
هر کیم اولا افتاده دوتالّار اونی اعزاز
شخصِ متواضع اولی دنیاده سرافراز
مردانِ رهِ حقدی بو مأواده یاتانلار
ابطالِ عربدی دلِ غبراده یاتانلار
کاخِ ستمی یخدی بو صحراده یاتانلار
غفلت یوخوسوندان بشری ایتماقا بیدار
حیثیّتِ قرآندان اوتور ایتدیله پیکار
ترسیم ایده گر نقشه ی آمالیمی نقّاش
باخدوقجا او تصویره چکر آهِ شرر پاش
گور سالماز ایاقدان منی بو واقعه قارداش
سلب ایلدی آرامیمی ایذایه گلنلر
یاندیردی منی شامه تماشایه گلنلر
آئینه دیلله اولا خاکستره محتاج
واضحدی عَرَض اولسا اولار جوهره محتاج
زهرا قیزی حاشا اولا بیر معجره محتاج
سن باشویله باشلادون آیاتِ حجابی
من ناقه ده محکم ایلدیم یوزده نقابی
آئینِ رهِ همّتی حاشا که ایتیردیم
آغاز اولونان نهضتیوی باشه یتیردیم
بیر نَمل صفت تحفه سلیمانه گتیردیم
بیر تحفه دی آرایش اندام و تنوندی
بو حضرتِ زهرا توخویان پیرهنوندی
افسوس که رنجیم شجری ویرمدی حاصل
دل مزرعه سینده او نهال اولمادی کامل
بیر دختِ سه ساله که اولا ماه شمایل
شامون فلکینده باتوب آرامیمی آلدی
گیتدی ولی اوندان منه بیر خاطره قالدی
آوای نواسی یتیشور ایمدیده سَمعه
تکلیقدا اوزون اولمادی ممکن قاتا جَمعه
باخدیم اَرییَن پیکرِ تب دارِ او شمعه
پروانه صفت باشینه یاندیقجا دولاندیم
او آغلادی یاندی اریدی، من اونا یاندیم
بولمزدیله اول آهو باخشلی هارالیدی
دشتِ ادبین سویملی نازلی مارالیدی
اوچ سنّیده گُل جسمی آنام تک یارالیدی
ای کاش گویول فاقدِ درد و داغ اولیدی
قرخوندا او زهرای سه ساله ساغ اولیدی
بیر قیز که گُلِ سرسبدِ باغِ حجازدی
شرحِ غمی تحریر اولا طومار اولا آزدی
اکبر آدینی آغلادی توپراقلارا یازدی
اوز جانین او نقش اوسته فدا ایلدی قارداش
قارداش باجیلیق حقّین ادا ایلدی قارداش
شامه کیمی قارداش او بالا آغلادی بیر باش
مین شور باشندا کفِ غَبرایه قویوب باش
گلدون دلِ شب چکدون او باشسیز قیزا بیر باش
گوردی یارالی باشیوی ناگه او دلارام
اوپدی ایله کی لعلِ لبوندن اولوب آرام
آغوشیمه آلدیم گلِ رخسارین ایدم بوس
گوردوم حرکت ایتموری ایتدی منی مأیوس
حسرت الیمی بیر بیره ووردیم دئدیم افسوس
مین حسرتیله ئولدی بالام گیتدی الیمدن
گیتدی ولی آرام و قرار آلدی دلیمدن
ادامه دارد
🔽🔽🔽https://telegram.me/ganjine5