#زبانحال_حضرت_رقیه_س_به_رأس_مطهر_حضرت_اباعبدالله_الحسین_ع بخش_2_پایانی
از بس رقیّه ائتدی شکایت لر آغلادی
آل عبا فغانه گلوب یکسر آغلادی
نسگل لرین دیینده
رقیه باباسینه
ملک نجفده شوره گلوب حیدر آغلادی
بلبل گلنده نالیه،گُل اَگلشور خموش
بلبل خموش اولدی ولی گل لر آغلادی
آخرده دوشدی نطقدن اول عندلیب غم
ائتدی نوا حسین،سر بی پیکر آغلادی
دوشدی رقیّه بیر طرفه،بیر یانا حسین
زهرا باش آچدی قبریده پیغمبر آغلادی
پرواز ائدوبدی طایر روح آشیانه دن
پیشواز ائدوب او روحی ملائک لر آغلادی
دگدی او دمده آل علی جمله بیربیره
اولدی خرابه ایچره عیان محشر آغلادی
عرشه خرابه دن اوجالوب وامحمدا
شام اهلی ازدحام ائلیوب گؤزلر آغلادی
دسمال اولمادی گؤزینی باغلاماخلیقا
زینب باشیندان آچدی قرا معجر آغلادی
اوخشاردی چون
رقیه نی لیلا فغانیله
دشت بلاده نعش علی اکبر آغلادی
کلثوم آچدی باشینی،زلفین یولوب عروس
اطرافدن دوروب باخان عورت لر آغلادی
فریاد و آه و شیونیله دولدی شهر شام
یتدی خبر یزیده او بد اختر آغلادی
بیر خیردا قیز وفات ائلیوبدور خرابه ده
حکمون ندور امیر؟ که کافرلر آغلادی
غسّاله گوندروب وئریله غسل دفن اولا
گلدی باخوب خرابیه اول مضطر آغلادی
گوردی که بیر یتیمی آلوبلار آرالیقا
افشان اولوب سولان یوزینه تللر آغلادی
بیر خشت پاره باشینون آتدا قویوبدیلار
اوستونده شال تک آچیلوب زفلر آغلادی
راحت ائدلّه جان وئره نون خوابگاهینی
اما بو طفله توپراق اولوب بستر آغلادی
تحصیل ائدوب اجازه وئره غسل ائده کفن
زوّارینی ئولینجه بو نسگللر آغلادی
ائتجک کنار پیرهنین ویردی باشینه
دوردی کناریده او وفاپرور آغلادی
دوتدی یوزینی زینبه عرض ایلدی خانم
بالله اورک داش اولسا بو محنتلر آغلادی
بو نازنین قیزی الیلن ئولدوروبدیلر
کول تک یانوبدی گل بدنی یکسر آغلادی
مقتول اولان جنازیه من غسل وئرمرم
تاب ایلمز منیم اورگیم تترر آغلادی
بولمم نه حاله قالدی او دم زین العابدین
توکدی عذاره دانهٔ اشک تر آغلادی
دوردی گلن گئدن هامی مسدود اولوب عبور
لعن ائتدیلر یزیده هامی اظهر آغلادی
ئولدی رقیّه سالدی ولی شامه انقلاب
کشف اولدی ماجرا هامویا یکسر آغلادی
گؤردی یزید ساخلیا بولمز خرابه ده
آل پیمبری او جفاگستر،آغلادی
وئرّوخ قسم الهی سنی بو رقیّیه
آغلاتما سن بو غمده هر اول گؤزلر آغلادی
((ذاکر)) یازاندا بو غمی قان آغلیوب گوگُل
الده قلم نوایه گلوب دفتر آغلادی
#ذاکر_مراغه_ایhttps://telegram.me/ganjine5