#راز_و_نیازشهید عشق یتدی شاهده فیض شهادتدن
شهادت شربتی حاصل اولوب انوار قربتدن
ایچیردیب ساقی مطلق حسینه ساغرِ وحدت
یتوب دیدارِ دلداره همان صهبایِ وحدتدن
آچوب گوز گوردی بزمِ وصلیدور ساغر لبالب دور
چاتوبدور عاشقه معشوق مینایِ حقیقتدن
دوشوب مدهوش گرچه ساغرِ وصلِ نگاریله
گینه باشه چکور خلوتگهینده قانلی شربتدن
الفبایِ وجودی تیریله مخدوش اولوب یکسر
کتابِ عشقیدورگویا اولوب صدپاره کثرتدن
گوروب دارُالمحبتده فقط بیر دلدی بیر دلبر
آلا کامینجه کامِ دل گرکدور واحدیتدن
دیدی یارب بوخلوتده منم یاسن بوکثوتده؟
عجب باده منه بذل ایتموسن دریایِ حیرتدن
بوکیمدور؟غرقه یِ خونِ ولایی دور ویا ناجی؟
تاپوب معنای حریّت معانی عینِ صورتدن
سراپا نوریدور اللهُ نوره مَظهر ومُظهر
تاپوب فیضِ حضوری انبیا انوارِطلعتدن
نه تنها انبیا زمره ملایک کسب فیض ایتسون
چکوب صف بلکه تاپسون آبِ آتش زایِ غیرتدن
تمامِ قدسیان حلقه ویروب جمخانه ده یارب...
دوشوب آباء علوی حیرته اول بزمِ خلوتدن
علی المرتضی_ساقیِ کوثر افتخاریله
دیور طوبی ، قالوب حیران ملائک بوجلالتدن
«ویَبقی وجه ربّک» جلوه گردور حسنِ ساقی دن
چاتا دریایه دریا ایستوری فیضِ قرابتدن
نه یالقوزدور نه عطشاندور نه درقیدِ عوالم دور
اسیر اولماز مقیّد مطلقه بند ِاسارتدن
فقط اوضاعِ وصله زینب کبری اولوب ناظر
نه چون ساقی دی زینب می سرایِ آلِ عصمتدن
گوروب حالِ وَلَه ده زینب کبرانی شاهنشه
کماکان آز قالور اولسون اَلَه نورِالاهتدن
اشارتدن خانیم ترک ایلدی خلوتگهِ یاری
یتراهلِ اشارت لر بشاراته اشارتدن
خانم زهراده نصرت ایلیوبدور ناصرِعشقه
آلوب روحِ دگر زینب مزیدی نَصرِ نصرتدن
تاپوب فیضِ سقایت حنجر سلطان خنجردن
دوشوبدور حیرته اهل بلا ، بیله سقایتدن
«
زکی»تقدیرِحقده واردی تقدیراتِ سلطانی
که تقدیراتی سیراب ایلیوب حاکم مشیتدن
یقین مولا اوزی دوتدی الون شعرون لطیف اولدی
خدایه شاکر اول دائم همین لطف وکرامتدن
#حامد_محمدی_تبریزی_متخلص_به_زکی97/5/20
https://telegram.me/ganjine5