#احوالات_راس_مطهر_امام_حسین_عاو باش که نوک جداده اوخوردی ایه نور
روادی منزل اولا کوفه ده کول استی تنور
کسنده باشینی ویرمیشدی شمر چوخ زحمت
یاتوب کول استه یارالی باشیله چوخ
راحت
یاتیدی کاش همیشه کول استه ای فریاد
که وورموییدی آقاج لبلرینه ابن زیاد
سالالا چون هر عزاده لباس اغلالار
نه اینکه صاحب عزا قولارینی باغلالار
بو ظلم بسدی بلون کوفیان عزاسینده
یارالی باشینی قویدولار اوز عزاسینده
کسیک باشینا ایله حرمت ایتدی ابن زیاد
که چیخدی نه فلکه اه و ناله و فریاد
دیمه که شاه شهیدانه دوتمادیلار عزا
اناسی قتلگه ایچره عزا ایدوب برپا
بلالی باشی اولوب هر بلایه اماده
ولیک راحت اولوب بیرچه دیر ترساده
چو دیریدن چخادوب سالدیلار اونی دشته
قویولدی بزم شراب ایچره بیر قزل طشته
یزید کبریله چوخ ووردی خیزرانیله
او خیزران بویانوبدور
حسین قانیله
نه خیزران که توکوب قان او لعل لبلردن
اوجالدی ناله و فریاد ارمنیلردن
مجوس و گبر و نصارا اولوب هامی محزون
دیدیله سویله یزیده ندور گناهی بونون
او قدری ووردی او ظالم او نازنین باشی
که اولدی قانیله ممزوج طشته گوز یاشی
(ذلیل) ال گوتور اود دوتدی دفتر و خامه
حسین مصیبتی با لله یتوشمز اتمامه
#مرحوم_ذلیلمنبع گنجینه گدشتگان
https://telegram.me/ganjine5