🌺 تایپ کننده و ویرایش کننده از : جناب آقای کربلایی رسول سعیدی
🌺#حضرت_زهرا_س#خطبه#کوچ_از_قتلگاه#هادی_تبریزی (مرحوم غلامرضا اسماعیل پوران)
تابذرِ ستم مزرعهء حقّه اکیلدی
بیر پردهء بدعت رخِ دنیایه چکیلدی
چاهِ غمِ حق یوسفِ طاهایه قازیلدی
منشورِ ستم ملّتِ اسلامه یازیلدی
ظلمیه اولوب بندِ رسن شیرِ خداوند
حسرتله اولوب سلسلهء محنته پابند
ناگاه گلوب
حضرتِ پیغمبره دلبند
سسلندی جماعت یدِ ظلمیله ملولم
پیغمبرِ اکرم قیزی زهرای بتولم
بیشرملر ایتدوز نیه قرآنه خیانت
گلدوز ایله دوز فاسق و بیدینلره بیعت
قویدوز ویرالار گردنوزه یوغِ جهالت
بیز قویماروخ عالمده وفا گلشنی سولسون
قرآنی سووَن باطله مستعمره اولسون
من مستِ مِی بادهء میخانهء عشقم
پر سوخته حق شمعینه پروانهء عشقم
افسونگرِ حقّم اوزوم افسانهء عشقم
دین گلشنینون بلبلِ دیوانه سیم من
پیغمبرِ اکرم قیزی ریحانه سیم من
قرآنیدی ماتمکدهء قومِ ظلالت
قرآنیدی آتشکدهء عشق و محبّت
قرآنیدی دانشکدهء عزّت و شوکت
آگاه اولون ای دِرهمه دنیانی ساتانلار
بیدار اولون ای بسترِ غفلتده یاتانلار
گردون الی پروانهء عشقی سیخا بولمز
بو چرخِ زمان محور و دورین چیخا بولمز
دنیا گَله دیوارِ حقّی یخا بولمز
امّا سیزه اعمالِ نفوذ ایلدی دونان
تا ظلمیله غارت اولونا مکتبِ قرآن
بو جامعه نی چولقالیب جامهء ذلّت
ایجاد اولونوب ملّتِ اسلامیده نفرت
چوخلار باخوری بیزلره با چشمِ حقارت
علّت اودی بیر نهصته زینب ایدر اقدام
تا اینکه بو نهضتده حسینه اولا همگام
زینب اودی که قتلگهِ عشقه گلنده
گردابِ غمِ عشقیده گردابه دوشنده
نطقه گَلی قارداش بدنین یرده گورنده
سویلر قارادار عرشی اودور آهِ عمیقیم
آخر یارالی سن دگیسن پیرِ طریقیم؟
غوّاصِ یمِ عشقم و اولّام سنه ملحق
اقیانوسِ ثاراللّهه سالدیم اودی زورق
غرق ایلدی گوردوم سنی امواجِ معلّق
غم ایتدی گلوگیر منیم صبریمی آزالدی
سست اولدی دیزیم رنگِ رُخیم سولدی سارالدی
بیر غم منه امّا اولوب آرامشِ دریا
ساحلده سنی دفن ایلیم ایمدی من آیا
دریانین ایدوم یا که قوانینینی اجرا
امّا سنی بو حالیله قویماقه مُجازم
چون دفن ایلیم پیکریوی یوخدی اجازم
آهیم اوخی واردور یری افلاکیده دلسون
بیر بادِ ملایم گینه بو سمته اسیلسون
تا ساحله بو پیکرِ صد پاره چکیلسون
سجّاد گلوب دفن ایلسه پیکرِ پاکون
الده منه تحفه گتوره تربت و خاکون
گوندی بو باشون، چیخدی جفائیله جدایه
بنزر یارالی اکبریوین باشیده آیه
بو جمعیده اولدوزدی چیخوب غملی سمایه
جذر و مد ایدور چوخ سنه علّت اودی تأثیر
جایز دگی بولّم منه چوخ مدّتِ تأخیر
غم ایلمه (هادی) که سنون چوخدی گناهون
شرمنده سنی حقدن ایدوب روی سیاهون
شاد اول سنی تأیید ایدر الطافِ الاهون
گر زینبِ کبرا ایده محشرده عنایت
سندن ایده آللّهه قیامتده شفاعت.
التماس دعای فرج
@ganjine5