#مجموعه_کانالهای_مدح_و_مرثیه #حضرت_زهرا_سکلام مرحوم
#خاکی_کرمانی_قفقازیسرایندهء اشعار مشهور _بوگون_کرب_و_بلا ویران اولوبدی
ام الائمه فاطمه خاتون کاینات
شیرخدایه سویلدی کای مایه ی حیات
چون مرکز بلایه گرفتارم آغلارام
قالوا بلاده نقطه ی پرگارم آغلارام
هرصبح و شام منشی ماتمسرا کیمی
سررشته دار دفتر و طومارم آغلارام
خون جگرمدادیم اولوب کپریگیم قلم
ماتم نگار احمد مختارم آغلارام
بیت الحزنده یوخدی یوخوم آه و ناله دن
شب تا سحرفغانیله بیدارم آغلارام
اهل مدینیه نه گلوب داده گلدیلر
من بیکس و پناهیله بی یارم آغلارام
افغان منیمدی، آه منیم، گوزیاشی منیم
جانان یولوندا جانیمه بیزارم آغلارام
ازبس آتام وصیتینه ایتدیلرعمل
شرمنده مهاجر و انصارم آغلارام
یاندوردی بیرقاپونی که آچموشدی جبرئیل
بو ظلمیدن مدینه ده من خوارم آغلارام
هم یانماقیم هم آغلاماقیم واردی بلمورم
پروانه یا که شمع شب تارم آغلارام
باغلاندی تا که ظلمه یدالله ذوالجلال
آماج تیرطعنه ی اشرارم آغلارام
گلزارنینواده هزاران نوائیله
من خاکسار
#خاکی خونبارم آغلارام
#خاکی#مجموعه_کانالهای_مدح_و_مرثیه