У абароне вузей, у атацы шырэй

Сяднёў у рэшце рэшт узначаліў берасцейскае "Дынама"

Так выглядаюць усе сезоны ў Д1 Беларусі новага трэнера самай выніковай каманды мінулага сезона☝🏻

Сяднёў досыць часта і выдатна працаваў з аўтсайдарамі і камандамі пад сярэдзіну табліцы. Таксама экс-трэнер "Ардабасы" 3 разы выводзіў клуб з Першай у Найвышэйшую лігу. І толькі аднойчы Аляксандр узначальваў топ-клуб Беларусі, але быў легендарна звольнены з "Дынама" праз дыктара стадыёна.

Сяднёў канчаткова замацаваўся ў статусе сур’ёзнага коўча менавіта ў Казахстане, таму берасцейскае "Дынама" стане першым паўнавартасным праектам у ЧБ, дзе слова Сяднёва важыць даволі шмат, а сам клуб мае абмітныя задачы і, хутчэй за ўсё, будзе змагацца за высокія пазіцыі.

👍 У любым выпадку падпісанне Сяднёва – ужо галоўнае дасягненне берасцейцаў у міжсезонне. (Пры цяперашніх ліматах гэта было надзвычай нерэалістычна і часта). Цяпер у "вышцы" ён уваходзіць у тройку наймацейшых трэнераў.

Вакуліч – дзіўны варыянт на замену Раі

👍 Нядаўна менскае "Дынама" аб’явіла пра першае папаўненне каманды ў 2025-м. Да "бела-блакітных" далучыўся Аляксей Вакуліч – замена Раі на левы фланг, але наколькі якасная?

Абаронца ўжо гуляў за "Дынама" ў сезонах 2022 і 2023, але ў апошні свой сталічны год прайграў канкурэнцыю Арынья, які потым сышоў у "Хімкі".

👍 Вакуліч таксама падаўся ў Расію, але за тульскі "Арсенал" згуляў усяго 5 матчаў за кола, пасля чаго вярнуўся ў ЧБ.

👍 Падпісаўшыся з берасцейскім "Дынама", Вакуліч прайграў канкурэнцыю Ляху. Аляксей выходзіў толькі ў 11-і з 15-і матчаў другога кола, пры тым, што ад траўм не пакутаваў. Сярэдні таймінг на полі – 57 хвілін.

Але цяпер Лях адправіўся на паніжэнне (прынамсі, улічваючы мінулы сезон) у БАТЭ, а Вакуліч – да чэмпіёнаў. Хутчэй за ўсё, новы абаронца "бела-блакітных" не будзе першым выбарам Скрыпчанкі.

Марозаў сышоў у арэнду ў "Пасуш дэ Ферэйра" да канца сезона

👍 Пасля двух стартаў запар за "Ароку" беларус праехаў гадзінку машынай і на правах арэнды перайшоў у клуб партугальскага Д2.

👍 Новы клуб Марозава выляцеў з найвышэйшай лігі Партугаліі ў сезоне 2022/23, а ў бягучым розыгрышы Д2 займае 14-е месца.

Але табліца надзвычай шчыльная – паміж "Пасуш дэ Ферэйра" і трэцім месцам, якое дае права згуляць у стыках за "вышку", – усяго 13 балаў, прычым новы клуб беларуса мае матч у запасе.

Адзіны рэальны канкурэнт беларуса на пазіцыі цэнтральнага нападніка – 34-гадовы Руі Фонтэ, які выходзіў у 14-і з 16-і матчаў чэмпіянату, але забіў толькі двойчы. Нягледзячы на нізкі паказчык галоў, ён знаходзіцца на другім месцы ў спісе бамбадзіраў каманды. "Пасуш" забівае няшмат – 20 мячоў за 16 тураў.

Выглядае, Марозава бралі пад аснову, таму Улада чакае больш нізкі ўзровень супраціву і больш гульнявога часу – ідэальныя ўмовы, каб перапыніць сухую серыю.

🎉 Яшчэ і з Мельнічэнкам Марозаў зможа сустрэцца, але толькі ў красавіку.

Хусанава хоча не толькі Пэп, але і "Рэал"

👍 👍 Журналіст Санці Аўра паведаміў, што, апроч "Ман Сіці", экс-гульцом "Энергетыка-БДУ" цікавіцца і "каралеўскі клуб". Больш за тое, падобна, "Рэал" ужо правёў перамовы з агентам узбецкага футбаліста.

Акрамя двух вышэйзгаданых клубаў, за гульцом "Ларна" па інфармаціі розных крыніц сочаць у "ПСЖ", "Барусіі" Д, "Ньюкасле" і "Баеры".

Дарэчы, цікава, што ва ўсіх гэтых клубах, акрамя "Баера", гуляюць у 2 ЦА. А вось Хусанаў ужо 3 гады (з моманту прыходу ў склад "студэнтаў") гуляў выключна ў тройцы. Так было не толькі ў ЧБ, але і ў зборнай, і Лізе 1.

У любым выпадку Абдукадыр прайшоў гіганцкі шлях прагрэсу надзвычай хутка – пасля трансферу з Сямашка ён згуляў за "Ланс" усяго 31 матч, але ўжо прыцягвае топ-клубы.

Мельнічэнка ўсё бліжэй да трансферу ў "Порту". Беларус падпісаўся на Інстаграм клуба

👍 Падпіска на будучы клуб у сацсетцы – маленькая дэталь, але ў футбольнай культуры яна значыць вельмі шмат і часта ўказвае на працяг кар’еры.

Першыя чуткі гучалі нерэалістычна-фантастычнымі, але, падобна, "Дынама" ўжо мае афіцыйную прапанову ад партугальцаў.

Ці будзе Мельнічэнка гуляць або хаця б займацца з першай камандай – вялікае пытанне, але "Порту" ўмее працаваць з моладдзю і прадаваць гульцоў, прычым цяпер будзе імкнуцца рабіць гэта яшчэ часцей праз фінансавыя цяжкасці.

Калі Трафім насамрэч пяройдзе ў "Порту", то адзіны сярод прафісійнага белфутбола будзе прадстаўляць рэальна статусны еўрапейскі клуб, што ўжо з’яўляецца дасягненнем.

На партале Transfermarkt Раі Лопес ужо з’яўляецца гульцом "Шэрыфа"

👍 "Дынама" афіцыйна пакуль не развітвалася з гульцом, хаця аб’явы пра сыход іншых гульцоў ужо зрабіла.

👍 Малдаўскі "Шэрыф" таксама не абвясціў пра пераход бразільца.

Падчас знаходжання ў "Дынама" кошт Раі падняўся на 500 тыс., то бок у 11 разоў.

Апошні раз пераход Лопеса ў "Шэрыф" каментаваў Скрыпчанка перад матчам з "ХІКам". Тады ён сказаў, што "не валодае гэтай сітуацыяй".

На той ж самай прэс-канферэнцыі Скрыпчанка казаў, што інфармацыю пра прыход у клуб Паўлава ён "бачыў у прэсе і не больш за тое". Праз 5 дзён Паўлаў увайшоў у штаб галоўнага трэнера "Дынама".

Шыкаўка можа сысці з "Кароны". Наколькі моцна ён здаў у бягучым сезоне?

👍 Учора з’яўвілася інфармацыя, што Яўгеній Шыкаўка можа пакінуць "Карону", але пасля гэтага іншая крыніца паведаміла, што клуб беларускага нападніка не змог падпісаць жаданага форварда на замену, таму найлепшы бамбардзір з Кельцэ мінулага сезона застанецца ў камандзе.

Кантракт Шыкаўкі можа скончыцца ўжо летам, але ёсць функцыя працягу на год. Статыстыка страйкера ў чэмпіянаце – 0+1 па сітэме гол + пас. Лічбы, вядома, сумныя, але варта памятаць, што ў мінулым сезоне Шыкаўка таксама выдаў далёка не найлепшае першае кола. Тады ён забіў толькі 2 мячы за першыя 17 тураў, а ў другой палове сезона настраляў 8 галоў.

Пры гэтым Шыкаўка нерэалізаваў ужо 5 сур’ёзных момантаў (у якія ўваходзіць адзін незабіты пенальці). Для параўнання, за ўвесь мінулы сезон у Яўгенія было столькі ж.

5 "missed big chances" – не крытычна. У "топаў" па гэтаму паказчыку па 10+ страчаных момантаў, а, напрыклад, Шкурын назбіраў ужо 9 загубленых шанцаў. Але ёсць нюанс. Усе футбалісты вышэй за Яўгенія ў рэйтынгу забіваюць значна больш.

Нягледзячы на нізкую выніковасць, Шыкаўка атрымлівае свой гульнявы час як у лізе, так і ў Кубку, дзе ён аформіў дубль супраць каманды Д3, а сама "Карона" дайшла ўжо да 1/4.

❗️ Беларусу ўжо 32, а працяг кантракта наўпрост залежыць ад вынікаў другога кола, дзе клуб будзе змагацца за прапіску ў Ekstraklasa і, улічваючы канкурэнцыю, можа прэтэндаваць і на Кубак Польшчы.