NARGIZA ODINAYEVA IJODI

https://707.su/9NST tekinga

Ayol sha'ni
(Ba'zi "inqilobchi"larga)

O‘zi bir shtat ish – o‘zbek bo‘lmoqlik,
O‘zbek ayoli bu – ikki bor yashash.
Bu nomni ko‘tarmoq uchun qancha kuch,
Qanchalar ulug‘lik, matonat, kurash...

Shodmonqul Salom she'ri.
Begali Eshonqulov o‘qidi.

Rasmiy sahifalarimiz👇

Telegram | Facebook | YouTube |X

Ушбу "Бир асар шарҳи" кўрсатувида, ёзувчи Мурод Муҳаммад Дўстнинг "Лолазор" асари ҳақида суҳбат олиб борилган. https://t.center/tvsurxon

Do’stlarim, men hozir sizlarga biz uzoq kutgan bir yangilik haqida ma’lum qilmoqchiman.

Olovqalb shoira, kuchli shaxsiyat va she’riyat egasi Gulchehra Nurullayevaning 3 tomli kitoblar to’plami nashrdan chiqmoqda.

Shoira shaxsiyati, ijodi bilan yaxshi tanish insonlar bu yangilik ahamiyati naqadar katta ekanligini yaxshi anglaydi. Gulchra Nurullayeva nomi katta avlod, xoslar uchun yaxshi tanish. Yoshlar, hatto o’rta avlodning ko’pchiligi ham uning ijodidan anchayin bexabar. Chorak asrlik ta’qiq, qora ro’yxat bizni shunday buyuk shoira ijodidan bebahra o’stirdi. Zamondosh bo’lib bo’ldig-u bexabar, yashadik. Ijodkorni muxlislar, davralar, minbarlardan mahrum qilish, unuttirish jismoniy o’limdan ham og’ir jazo nazarimda. Shunday murakkab davrda ham shoira o’z haqiqatlariga, meni, g’oyalariga sodiq qoldi. Bu ayol timsolida men jasoratni, prinsiplarga sodiqlikni ko’rganman.

Qora ro’yxatlar bitdi, munosabat o’zgardi, shoira yana davralarga chorlab boshlandi. Lekin, ko’p o’tmay biz bu ijodkorni yo’qotdik, ayrildik.

Bugun nashrdan chiqayotgan to’plam “Yurak bilan suhbat”, “Martabasi baland quyoshning”, “Haqqa haqiqatga” nomli 3 kitobdan iborat. Kitoblar qattiq muqovada, tasvir bo’rttirib bosilgan, 1- va 3-tom 384 betdan, 2-tomi 416 bet.

To’plam “Akademnashr” nashriyotida chop etilgan. Yuqori darajadagi professionallik bilan yondashgan jamoa ishiga baho berishingiz ham mumkin. Mazkur to’plam o’zbek noshirlik-matbaa ishining yorqin namunalaridan biriga aylanishiga ishonaman.

Kitoblar to’plam holida sotiladi, narxi 222 000 so’m. To’plam soni cheklangan, shu bois oldindan buyurtmani boshladik. Ushbu qimmatli kitoblarni olishni istaganlar @I_A_95 kaminaga bog’lanishi mumkin.

Xabaringiz bor avval ham bir nechta kitoblar sotuvini tashkil qildim. Bu safargisi yanada katta, jiddiy shaxsiyat bilan bog’liq. Shu bois anchayin hayajondaman. (Mem, prikollar qilishgayam qo’rqaman, xullas))

Yana bir to’plam, yangi kitoblar barcha kitobxonlarga muborak bo’lsin!

* * *
“Си бимол” нотада айланади ер,
“Си бимол” нотада йиғлайди шамол.
“Си бимол” нотада кўнглим нима дер:
Шундай ҳол турибман – авжи бемалол.

“Си бимол”, юз аср авжим қуюнда,
Юз аср сукутни куйлашим мумкин.
Одамлар юрибди буюк сургунда, –
Учиб кетолмайди қушлардай эркин.

Руҳни елкан қилган юрагим – кема,
Жонимни У ёққа қўйиб юбордим.
Aйланиб юрибди бунда бир нима:
Соғинчдай навқирон, йиғидай қадим.

Семириб, семирмай туну кунни еб,
Кимдир ўкиради, кимдир сайрайди.
Жисмлар шаклида турибдими, деб
Ботаётган қуёш тўхтаб қарайди.

Кимнинг кўзларида ранглар чалкашди,
Кимнинг ҳаловати сиғмади сирга.
“Си бимол”ни сақла, ўлимнинг гашти,
Ўхшаб бораяпти дунё қабрга.

***
Шамол тебратади августни,
Кўйлагини ечар саратон.
Рангпар бўлиб қолди ер усти,
Этагини тўлдир, куз, уйғон.

Тўлғоқ тутган шомни оралаб
Шошилади қушлар инига.
Кимдир шунда шамсни авайлаб
Солиб қўяр кўк хуржунига.

Минг йилларки дунё пойлоқчи,
Қувиб борар юлдуз юлдузни.
Қачонлардир етти қароқчи
Ўғирлаган пари бир қизни.

Этак тутар янги бугунлар,
“Алиф”, “бе” дан бошлар илмни.
Уйғонмаган ҳали бу тунлар
Танимайди менинг кўнглимни.

На баҳору, кузга киради,
Ҳатлаб кўрдим – умр бир қадам.
Юрагимни тошлаб юради,
Кунларига сиғмаган одам.

Августдаги тонгни ёқалаб,
Йўлга чиқдим пою-пиёда.
Бораяпман кузни орқалаб
Қаршимдаги сўнгсиз дунёга.

©Наргиза ОДИНАЕВА

Manzilimiz: 👉 @Nargiza_Odinayeva_ijodi

Ойни тоғорадаги сувда томоша қилган шайх, шукрига бош тикилган ва жон ваъда қилинган дийдор – Шамс ва Румий қиссаси

📌Сенга илм дея тақдим қилинаётгани аслида арқондир. Зулмат қудуғидан қутулмоқ истасанг, арқонни маҳкам тут. Акс ҳолда ўша арқон билан бошқа бир қудуққа тушгайсан. Илмдан мурод ушбу саволларга жавоб қидирмоқдир, унутма: “Мен кимман ўзи? Бу оламга нега келдим? Қаён кетмоғим керак? Илдизим қаердаю юзимни қай томон бурмоғим керак?”

Oʻz: http://oyina.uz/uz/article/1895

Ўз: http://oyina.uz/kiril/article/1896

Расмий саҳифаларимиз👇

Web-site | Telegram | Facebook | YouTube

СЎНГГИ ҚЎНҒИРОҚ

Умида Муқимовага

Aйлантириб борар йилларни
Ҳали бизлар билмаган тилсим.
Aдаштириб қўйма дилларни,
Парталарга ёзилган исм.

Улғайдикми, наҳотки, энди
Ҳеч кечикиб келмаймиз дарсга.
Мактаб боғи -- қий-чувлар тинди,
Овозимиз сиғмайди арзга.

Сўроқ гапман ё ундов гапман,
Томиримда, кўнглимда титроқ.
Соғинчларга чўкиб кетяпман,
Чалинади сўнгги қўнғироқ...

Танаффуски жарангни пойлаб,
Сен ҳам бу кун кўзларингда ёш.
Икки қизнинг сочини бойлаб,
Завқ туюшни билган синфдош.

Юрагимнинг райҳонларисиз,
Ойюз қизлар, фаришта қизлар.
Лабларимда турибди унсиз,
Кўзингиздан томган юлдузлар.

Кўпаяди йиллар тугуни
Елкамизга ортиб қўйишга.
Фурсат топиш қийин бир куни
"Сиз яхшисиз, устоз!" -- дейишга.

Йиғлаяпман, жоним бир қултум,
Дил осилди киприкларимга.
Устоз, олинг, сизга гул тутдим,
Бу оламда ўхшайсиз кимга?

Шундай катта кенгликни ташлаб,
Aйтинг, дўстлар, қайга борамиз?
Оёғимиз, қўлимиз ушлаб,
Кетма, дейди синфхонамиз.

...Кечикамиз шошиб келгани,
Бошимиздан ёмғирлар оқмай.
Бўй беради "одоб" дегани,
Киролмаймиз эшикни қоқмай.

Бурчакларда юзин яшириб,
Хайрлашмоқда болалигимиз.
Чорлолмаймиз ширинлик бериб,
Олисларга термулиб, жиммиз.

Оғрийверар бир тола сочим
Ўрикларнинг шохида қолган.
Aсраблар қўй, мактабдаги чим,
Кўзмунчоғим сенда йўқолган.

Ёмғирларда соғинчнинг иси
Aйлантирар қуёш, ойларни.
Ўйнатиб юр, мактаб ҳовлиси,
Биз қолдирган болакайларни!

Сўроқ гапман... йўқ, ундов гапман!
Томиримда, кўнглимда титроқ.
Соғинчларга чўкиб кетяпман,
Чалинади сўнгги қўнғироқ.

© Наргиза ОДИНАЕВА

@Nargiza_Odinayeva_ijodi

* * *
Бир дийдорга интиқман, Худо,
Ибтидомдан интиҳом қадар.
Ташқаримда алдайман, - дунё -
Чап қўлимда ёзилган дафтар.

Кафтларимдан нафас оламан,
Сўз қадалиб қолган кўзимга.
То сенгача сўнгсиз ёғаман
Ўзим ёмғир бўлиб ўзимга.

Кўрганимга дохил қошида
Кулги, йиғи -- бори йўқ қарзим.
Ҳар тирикнинг еган ошида
Баҳор билан куздаги базм.

Йиғлаб олсин, тошга қулоқ бер,
Сайраётган қушлар камайди.
Юрагимда айланади ер,
Қуёш эса қимирламайди.

То сенгача соғинч бўламан,
То сенгача вужудим қайиқ.
То сенгача сўнгсиз ўламан,
То сенгача тўсиқ халойиқ.

Ташқарида, бардан мосуво
Ҳар на, одам бўлиб юрибман.
Кутдир, кутдир, кутдир, эй Худо,
Уфқларга қараб турибман...

© Наргиза ОДИНАЕВА

​#Qutlov

Nargiza Odinayeva 1988-yili 28-fevralda Surxondaryo viloyatida tug‘ilgan.
“Kelajak ovozi” tanlovi viloyat bosqichi g‘olibi.
“Iste’dod maktabi” III respublika yosh ijodkorlar seminari ishtirokchisi. “Yo‘ldagi maktublar”, “To‘rt tomon” nomli she’riy to‘plamlari chop etilgan.


E’tiqod

Tuproq bo‘lib yashashni o‘rgan,
Qo‘shilib ol to‘rt fasl bilan.
Oq tonglardan Xizr tush ko‘rgan
“Vatan” degan bir tuyg‘u tilan.

Shu daraxtlar tafting oladi,
Yuragi bor har to‘rt tomonning.
Gar qoqilsang, suyab qoladi
Yelkalari zangor osmonning.

Shu zaminda tog‘lar viqorli,
Shu zaminda shamol mayindir.
Shu zaminda shomlar iforli,
Shukrlaring umr sayindir.

Qo‘l tashlagan quyosh yelkamga,
Ko‘zlarimdan mehr unadi.
“Vatan” desam, dil shu kalomdan
Mehr-muhabbatga qonadi.

Ey vatandosh, inib gullarga,
Egachingga o‘xshab qo‘yaman.
O‘g‘il-qizing yurgan yo‘llarga
Bor jonimni to‘shab qo‘yaman.

Oy tunlarni yoritar atay,
Yo‘l boshiga so‘zsizdek borma.
Qulog‘iga ismingni aytmay,
Kunlaringni qo‘yib yuborma.

Aylanadi ko‘hna charxpalak,
Bu umrning yomg‘irlari bor.
Boshqasining sajdasi bo‘lak,
O‘zing tomon o‘zingni yubor.

Hovuchimga olaman joylab,
Bir qarichmas dunyoning eni.
Had bilmagan kengliklar bo‘ylab
Har tong Vatan uyg‘otar meni.

Batafsilhttps://yoshlikjurnali.uz/nazm/oltin-beshigini-axtaradi-oy/
@yoshlikjurnali

Bir yaxshi anʼana boshladik

Doʻstlar bilan tez-tez yigʻilib turamiz. Qaynoq kofe ustida jamiyat hayotiga oid oxirgi yangiliklar haqida fikrlashamiz. Birgalikda kichik loyihalar, tashabbuslar ham qilganmiz. Yaqinda doʻstimiz bir taklif aytdi. Faqat suhbat, kofexoʻrlik uchun yigʻilmasdan dunyoqarashimizni rivojlantiradigan ishlar qilaylik. Har safar uchrashuvga biror badiiy, ilmiy kitob, film, hujjatli kino yo spektakl koʻrib/oʻqib kelishni shart qilib qoʻyamiz. Vazifani bajara olmaganlar kelmasin, gapni oʻsha asar, film, spektakl muhokamasidan boshlaymiz, dedi.

Bu fikr hammamizga maʼqul boʻldi. “Anna Frank kundaligi”dan boshladik. Kitobni oʻqishga hamma vaqt toparmikin, endi 1-2 hafta koʻrisha olmasak kerak deb oʻylagandim, ochigʻi. Quvonarlisi bu safar adashibman. Telegramdagi oʻzaro guruhimizga kitobning elektron versiyasi tashlandi, kimdir sotib oldi, xullas hamma oʻqishga kirishdi, muhokama qachon deb soʻray boshladi. Shanbada koʻrishdik, bu safar suhbatning asosiy mavzusi urush dahshatlarini oʻzida aks ettirgan ushbu asar muhokamasiga bagʻishlandi, asardagi eng esda qolarli boʻlgan nuqtalar haqida gaplashdik.

Qisqasi oʻzimiz oʻylagan bu anʼana bizga juda yoqib qoldi. Keyingi uchrashuvimiz shu kunlarda va oʻqish uchun Jorj Oruellning “Molxona” asarini tanladik. Kitobni bugun topdim, katta ehtimol bilan ertagacha oʻqib chiqsam kerak. Kelasi safargilariga nafaqat oʻzbek va jahon adabiyoti badiiy asarlari, balki siyosiy, ilmiy kitoblar, hujjatli filmlardan ham tanlamoqchimiz.

Bu tashabbusni faqat doʻstlar davrasida qolishini istamasdim. Telegram kanalimda har safar tanlangan asar/film/spektakllar, ular haqidagi fikrlarni eʼlon qilib bormoqchiman. Yoshlar, uka-singil, tengdoshlarni qiziqtirish uchun turli quez-testlar, tanlovlar oʻtkaziladi. Gʻoliblar aniqlanib, imkoniyat darajasida taqdirlanadi (kitoblar yoki kichikroq pul mukofotlari). Safimizga qoʻshiladiganlar va bu tashabbusni kengroq yoyishga yordam beradiganlardan minnatdor boʻlaman.

@pozitsiya

#Кўп_яшанг_Устоз
#Устоз_Хуршид_ДАВРОН
#71_ёшда

КАМПИР ҲАҚИДА ШЕЪР

Тонгда жўнар бозорга
Дили тўла аламга,
Дили тўла озорга
Ҳеч кими йўқ бу кампир.

Уч-тўрт ҳовуч қурт еган
Олмасини уяди
Ва кечгача саратон
Офтобида куяди.

Ҳеч ким унга қарамас,
Қарамас олмасига,
Одамларга боқар у
Боққандек боласига.

Баъзилар тўқнашаркан
Ногоҳ кампир кўзига,
Чидолмасдан, қайрилиб
Кета бошлар изига.

Ҳеч кимни яқинлатмас
Кўзидаги дард-алам,
Мўлтираб айтса ҳам-ки:
“Олмамдан олинг, болам…”

Шомда уйига қайтар
Кўтариб олмасини,
Кўзидаги аламни,
Дилдаги ноласини.

Аммо субҳи азонда
Дили тўла озорга,
Ҳеч кими йўқ бу кампир
Яна жўнар бозорга…

Хуршид Даврон
1988

@Nargiza_Odinayeva_ijodi

* * *
Тўртта эшик берган дунё шамолга,
Мангу ҳаланчак у, ҳаловат учун.
Мангу сўроқлар бор, мангу саволга,
Мени қаёқларга ҳайдайди бугун.

Эртакчи тағин ҳам этолмади ман,
Қоработир яна ўйинни бузди.
Шамол бораётган йўлдай бесўзман,
Қоним юрагимга нималар чизди?

Гарчи танимайди қуёш ҳеч кимни,
Пешонам ёрилса, кўзимда чорам.
Ахир, озордаман, ая кўнглимни,
Кафтларимга ботиб йиғлаган ярам.

Бир четида куз бор эди баҳорнинг,
Бир четида қиш бор эди саратон.
Пойида турибман энг катта дорнинг –
Ўзимни ўзимдан қутқар, эй Осмон!

© Наргиза ОДИНАЕВА

Manzilimiz: 👉@Nargiza_Odinayeva_ijodi

#UsmonAzimXalqShoiri

BITIKTOSHLAR ORZUSI

Qog‘ozlarga yozdim... Qog‘ozlar yondi.
Bu sirni o‘yladim — topdim, nihoyat:
Men Usmon emasman, Alpteginman — men,
Enasoy bag‘rida to‘lg‘ongan g‘oya.

Qog‘oz yaramaydi mening kunimga,
Qog‘ozga ko‘chmaydi yonayotgan yurak.
Shalviragan qog‘oz kerakmas menga,
Dardimni bitgani menga tosh kerak.

Shamollar quritdi ko‘zimdan yoshni,
Yillarning qatidan oxir otdi tong.
Asrlar shafaqday chulg‘adi boshni,
Miyamga o‘q kabi sanchildi-ku ong.

Menga bir tosh kerak — osmon kabi keng,
G‘azab kabi og‘ir, g‘amday benavo...
Menga bir tosh topib berolmading, sen —
Toshlari tuproqqa aylangan dunyo.

USMON AZIM

ОНAМ

Бир даста гул терди тонгда саралаб,
Йўл солди сўнг соғинч, азоб оралаб.
Гулзорда қолганди жони тўкилиб,
Бир қирга тирмашди толиб, эгилиб.

Ортидан судралиб келарди умри,
Пойига ёмғирдай ёғарди кўнгли...
-- Ҳаёт, кўзларингни этиб тур пана...
Ўғлининг қабрига гул қўяр она.

©Наргиза ОДИНАЕВА