Humoyun Fattoh

🙋🏻‍♂️ Salom, do‘stlar!

IQTIDOR adabiy harakati yangi yilda qaynoq his-tuyg‘ular ulashmoqchi — Farg‘onada ilk bor SHE’RIY KONSERT namoyish etmoqchimiz!

Ushbu loyihani Farg‘ona adabiy muhitini yanada rivojlantirish maqsadida tashkil etyapmiz. Niyat xolis.

😇 Adabiyotni sevasizmi? She’riyatga qiziqasizmi? Unda sizda zamonning eng yaxshi va betakror shoirlari ijodidan jonli tarzda, har oyda bir marotaba kosmos kayfiyat bilan bahra olish imkoniyati bor!

✋ Konsertga kirish pullik. Bu haqida batafsil afishalar e’lon qilamiz. Bundan tushgan mablag‘ to‘liq loyihaning harajatlariga sarf etiladi.

😎 Taklif etilgan shoirlarning barcha harajatlari qoplanadi va unga gonorar ham ajatiladi. Zo‘r-ku, to‘g‘rimi?

⚡️ Buni hozirdanoq aytishdan maqsad nima? Biz qo‘llab-quvvatlovni, she’rsevarlar kuchini his etmoqchimiz. Xayrli qilsin.

❓Xo‘sh, siz konsertning ilk sonida kimni ko‘rmoqchisiz? Kimning yozganlari etingizni jimirlatib yuborgan? Bu haqida albatta yozing.

✅ Ushbu postni o‘qigan har bir kuzatuvchidan munosabat kutamiz. Befarq bo‘lmang!

🤝 Aytgancha, loyiha bo‘yicha (asosan, joy, media, pr masalasi) biz bilan hamkorlik qilmoqchi bo‘lgan tashkilotlar, yordamlashmoqchi boʻlgan jonkuyar kishilar uchun doim ochiqmiz.

✊ Bizni kuzatishda davom eting. Eng zo‘r yangiliklar hali oldinda.

@iqtidor_adabiyharakati

🔥 DIQQAT, KONKURS

🥸 Assalomu alaykum, qadrli adabiyotsevar doʻstlar, she’riyatning ashaddiy muxlislari!

🧨 “Iqtidor” adabiy-badiiy harakati oʻzining ilk konkursiga start beradi!

🤝 Shartlar quyidagicha:

1. Telegramda @humoyunfattoh kanaliga obuna boʻlasiz;
2. Quyida nomi zikr etilgan shoirlardan birining ijodi asosida videoshe’r tayyorlaysiz va #iqtidor xeshtegi ostida oʻz sahifangizda ulashasiz;

Asqar Mahkam
Abduvali Qutbiddin
Faxriyor
Aziz Said

3. Videoshe’rni nafaqat oʻz sahifangizda ulashishingiz, balki @humofath ga ham yuborishingiz kerak boʻladi.

🕰 Muddat: 30.11.2024 gacha

🙋🏻‍♂️ Konkurs gʻoliblarini esa https://t.center/iqtidor_harakati telegram sahifasida ovoz yigʻish natijalariga koʻra aniqlaymiz!

🥇 Konkursda 1-oʻrinni qoʻlga kiritgan ishtirokchiga yangi nashr etilgan Izlam toʻplamidagi barcha kitoblar taqdim etiladi.
👀 2 va 3-oʻrin gʻoliblarini ham sirli sovgʻalar kutmoqda!

✋ Oʻz omadingizni sinab koʻring, Soʻzdan uzoqlashmang!

@humoyunfattoh

***
Xuddi
Pushkin sevgani kabi
biz ham jo‘shqin sevamiz kuzni.

Yaproqlar
jon berar, biz esa shodon,
xush yoqar sarg‘ayib ketgan ko‘chalar.

Eng baxtiyor juftlik
singari suratga tushamiz
havoda xazonlar to‘zg‘igan bog‘da.

Hech kim qarshi emas
istaganimizcha yayrasak, kulsak...
faqat bu haqida bilmasin bahor!

@humoyunfattoh

Mohsen Namju (forscha: محسن نامجو) eronlik qoʻshiqchi, shoir, bastakor va musiqachi. Uning musiqiy uslubiga blyuz, rok, shuningdek, Eron xalq musiqasi taʼsir koʻrsatgan.

Namju 1976-yil 4-martda Eron shimoliy-sharqidagi Razaviy Xurosonning Torbat-e Jom shahrida tug‘ilgan. Mashhadda oʻsgan. Oʻn ikki yoshidan klassik fors musiqasini oʻrgana boshlagan. Yoshlik chogʻlarida Gʻarb musiqasini tinglashga tutinib, Jim Morrison, Erik Klapton va Kris de Burg kabi musiqachilarga qiziqib qoladi.

Shu yerda uning muhtasham konsertiga havola qoldiryapman.

@humoyunfattoh

***
Ozodaga

Qo‘shtepa,
ko‘chalar olmali, qushli,
Erta kirib kelar, kuz – sohibjamol.
Har doimgidan ham esmoqda kuchli,
Demak, sochlaringni sog‘ingan shamol!

Kuylagim kelyapti, tevarak jimdir…

So‘zingni hijjalab etaman tafsir,
O‘zgarib ketadi butunlay tarhim,
Men – shoirman, suyun batafsil,
Men – shoirman, baxtingga qarshi.

Cheti uchib ketgan ko‘nglimni sindir…

Tasbehli qo‘llarda uzatilar may,
Bir qultum ichmayman, va’dami, va’da.
Masjiddan chiqaman ibodat qilmay,
Kechir, qo‘llaringni qaytardim, qadah!

Yig‘lagan men emas, rubobdir, simdir...

Chekinma, men cho‘kdim chekingan sari,
Necha yil men sorig‘ o‘tdim bahordan.
Ishongin, qoshingga bir kecha g‘arib,
Ishongin, qoshingga ulug‘ shahardan

Shaytonga gul otib, qaytadi kimdir...

2024

https://t.center/humoyunfattoh

***
Qachondir suv kelar behizorlarga,
Burungi o‘g‘ridek devordan oshib,
Men senga atrgul, chechak tutarman
Bir bahya tikanlar ketar qonashib.
Bu tong kecha kabi sokin va jim-jit,
Qiqirlab kulasan, tolmaydi labing.
So‘ng uyga qaytasan, shoshib, entikib,
Ibodatga qaytgan kampirlar kabi...
Ko‘nglimni so‘ramay ketasan, ko‘nglim –
Hali qushlar uchib, yetmagan qirg‘oq.
Ilonlar chirmashgan koshonalarga
Mendan sovchi bo‘lib borar qaldirg‘och!
Men senga yetishga ulguray, armon,
O‘tib ketmasaydi umrimning yarmi,
Axir, men yashashga nomus qilarman
Laylak tashlab ketgan baxtlarni!

2024

https://t.center/humoyunfattoh

Assalomu alaykum, azizlar.

“Sharq yulduzi” jurnalida she’rlarimiz chop etilibdi, xursand boʻldik. Jurnal xodimlariga oʻz minnatdorchiligimni bildiraman.

Toʻliq oʻqish uchun

https://t.center/humoyunfattoh

“Izohsiz lugʻat” dostonidan
Shahboz Fayzullayev oʻqigan

https://t.center/humoyunfattoh

“TАLАBАLIK DАFTАRI” dan

1. Oʼqishga joʼnayman, yaproqlar
Qochadi men bosgan qadamdan.
(Yashiraman ishqni, chekishni
Yashirganim kabi dadamdan.)

Chinorlar holimni soʼrgani
Qayriladi mengzab jununga.
Men seni ertaroq koʼrgani
Kech qolaman dorilfununga...

2. Sevasan betakror, hayfsiz,
Sevilmoq qulatmas, u – aso.
Koʼzlaringga boqdim aybsiz,
Koʼzlaringga koʼrindim raso.

Tingladim,
soʼzladi botining:
“Ich-ichingdan daf boʼlsin gʼubor –
Goʼzal sheʼrlar yozgin botinib,
Hech kim oʼqimagan
maktublar yubor.”

https://t.center/humoyunfattoh

Anchadan beri oʻzbek estradasidan bunaqa konsert koʻrmagandim. Shu kungacha J.Otajonovning “Ona tuproq” nomli konsertini “number one” deb bilardim. Rahmat, Sevara Nazarxon!

Koʻrish uchun havola:
https://youtu.be/_BhvK6YSvmk?si=Ozs-z688Wu31qgic

‍Фарғона шоирларидан

Jamoliddin Badalov

МАЛEНА

Малена!
Энг арзон фоҳиша!
Малена!
Бир бурда нонга зор!
Сигарет дейсанми?
Хоҳишинг,
Хумори босилса бўлгани.

Баданни сотдингми, хиёнат!
Малена!
Энг гўзал фоҳиша!
Бу бадбўй оғизлар номингни
Ҳар ерда балчиққа қоришар!

Ай, писмиқ хонимлар,
хоинлар!
Ўв, пўрим жаноблар!
Босқинда
шуларку душманнинг этигин
ялашиб-юлқашиб,
қўшқўллаб,
Ватанни сотганлар!
Сотқинлар!

Бақувват қўл керак, бақувват!
Бир елка лозимдир ҳайбатли!
Ювуқсиз итларнинг тумшуғи
Покиза ҳилқатни булғамай!
Халоскор бир юрак керакдир
Ҳимоя қилгани, ҳимоя!

Исмингда неча минг
Эҳтирос!
Ҳайқириқ!
Хўрсиниқ!
Неча минг!
Оримдан кечдим мен, ори рост,
Жонимни асрадим, кечиринг!

Малена!
Қонталаш баданинг!
Малена!
Зўрланган ватаним!
Бошимни букканча кетарман,
Муносиб ўғлонлар тиларман,
Ишонгил!
Ишонсанг бўлгани!
Алвидо,
Энг яхши кўрганим!

Humoyun Fattoh

***
Марғилонда
мажнунлар ҳар дам
Қарғайди одамнинг соғини...
Симёғочга тўлган шаҳарда
Яшайман ойдинни соғиниб.

Яшайдирман гўёки танҳо,
Хуш кўрмайди
нотаниш роҳлар.
Энди мева оқизмас анҳор –
Ахир шаҳид бўлган дарахтлар.

Ўзлигидан воз кечган эрлар,
Нозирларга ҳиммат кўрсатиб.
Шеър ўқийди фақат шоирлар,
Ҳақиқатдан юз бурар хатиб...

Юлдузни не айлайди ғорат,
О, сесканиб кетаман туйқус.
Ҳилолни ҳам тўсар иморат,
Уйқучи қиз бермайди уйқу.

Марғилонда
мажнунлар ҳар дам
Қарғайди одамнинг соғини...
Симёғочга тўлган шаҳарда
Яшайман ойдинни соғиниб.

@Jontemir_t

***

"Gaplashadigan odam qolmadi…”
Bobom

Man hali yosh edim,
qaridi safar,
Bitdi pok dillarga
qilgan hijratim,
Safolar ichinda qumsadim safo,
Jafolar keltirdim o‘zga, hazratim!

Hayotdan ma’nolar izladim, rasmi,
Aybimmi o‘zimni etganim gumdon?!
"Yaxshidan bog‘ qolar",
degan gap rostmi,
Bitta bog‘ yo‘q edi
tevaragimda...

https://t.center/humoyunfattoh

***
Dunyoga dil berdim,
ayb o‘tdi mendan,
Sovurdim ruhimdek ishqni uvollab,
Dilim osmon edi, endi osmondan
Yog‘ilar javobsiz
qolgan savollar -

Seni qay taskinlar
jim etar, ona,
Sen qaysi baxtimdan
bo‘lgansan sarxush?
Kuylamoq istardim xurram tarona,
Betakror nutqimni qaytib bersa qush.

Ayt, nega hech kimsa qilolmas mamnun,
Ayt, nega og‘riqli
o‘tar haftalar?
Minglab muxlis bilan
pir emasman men,
Pir bo‘lib ulgurgan bugun hafsalam.

Yashalgan yillardek
sekin keldi mung
Ko‘zimga, sochilgan
ruhimni tashib,
Duch kelgan odamga isyon qildimu,
Men nega bormadim Xudoga qarshi?!

https://t.center/humoyunfattoh

“Oshkor etib qoʻyding xayol…”

https://t.center/humoyunfattoh