Hankiinu yuusan noqon kaliya inaad Aduunka heer sare ka gaadhaan, balse waa in Hankiinu noqdaa meel ka saraysa halkaas oo ah raali ahaanshaha Allaah iyo Janadiisa.
Waxadna si toos nagala soo xiriiri kartaan
@Abdalle_Yuusuf
Mararka qaarkood xusuusaha qofka waxa ay ku raagtaa noloshaada in ka badan qofka laftiisa. Balse adigu waxaad noqotaa mid qaluubta dadka uga taga xusuuso wanaagsan oo loogu xiiso marka lagu soo xasuusto.
Noqo qof marka ay dadka arkaan ay dhahaaan aduunka weli qeyr kama dhamaan. Ha rajo dhigin maxaa yeelay rajadu waa waxa kaliya ee nafta lagu sasabi karo iyo waxa kaliya ee sabab u noqon karta inaad guuleysatid.
Taariikhda lagama haayo ilaa iyo hadda qof hammigiisu sare yahay oo ka go'an tahay inuu ka dhabeeyo hammigiisa siduu ku gaari lahaa oo dib u dhac uu la kulmayo, waa laga yaabaa in qofkaas uu ka celiso qadarta Allaah balse marnaba ma dhacayso inuu ka hadho asaagiisa, sababtoo ah shey kasta waxa uu ubaahan yahay in laabtaada ay kasoo go'do marka aad ku dhaqaaqi rabtid. Isku soo wada duub fadlan isku day inaad noqoto qof meel hiigsanaya oo aan celinayn caqabadaha nolosha, maanta dadaal beri waad guuleysan Insha'Allah.
Waligaa ha ka quusan riyadaada, waayo ma ogid inta aad u dhowdahay inaad gaarto. Xusuusnow in dulqaadka loogu dulqaato caqabadaha kaa hor yimaadaan intaad ka gaareysid yoolkaaga inay qeyb ka tahay Guusha.