ҲАР ОНИМ ВАТАН!!!

ОТАЖОН
Отажоним - жон боғим отам,
Жоним ичи қон боғим отам,
Меҳрин менга мевадай тутган
Эдингиз хончорбоғим отам.
Китобларга ёндош эдингиз,
Қаламга чин сирдош эдингиз,
Ҳар ҳолимда ҳолдош эдингиз,
Юракда ўчмас доғим отам.
Иноқ эдим орзулар билан,
Ота деган мавзулар билан,
Қолдим етим қайғулар билан,
Увлаб ётар ҳар ёғим отам.
Ториқаман кенг бўлолмасам,
Баъзан ёқа-енг бўлолмасам,
Юрагимга эргашолмасам –
Имлаб турар байроғим отам.
Қарши бориб ройишингизга,
Қарамасдим койишингизга,
Бугун зорман товушингизга,
Бағримдаги чўнг тоғим отам.
Умримга сўз эккан деҳқоним,
Шеър ёзсам илк тинглар шеърхоним,
Баъзан бўлиб ғойиб меҳмоним,
Келинг шеър ёзган чоғим отам.
Отажоним - жон боғим отам,
Эдингиз хончорбоғим отам...
Muhabbat Toʻxtasheva

Hind ohanglari

ТУҒИЛГАН КУН
Бир-бирига бермайин озор,
Қўл ушлашиб ёғаётир қор,
Теваракда бир майин виқор,
Чунки бугун мен туғилган кун.
Севдим қишни, аччиқ аёзни,
Бўрон чалган изғирин созни,
Нафасимда иситдим розни,
Чунки бугун мен туғилган кун.
Қорхат ўйнаб чопишади вақт,
Оёғимга ёпишади вақт,
Умрим билан топишади вақт,
Чунки бугун мен туғилган кун.
Қор кайфида айланади бош,
Кўзларимга сизиб келар ёш,
Қўлларимга қўнди эллик ёш,
Чунки бугун мен туғилган кун.

ҚИШ
Изғириқ ҳавода кўнгилни кийиб,
Мен-ла узун-узун сирлашади қиш.
Ялдо тунларида уйқуга тўйиб,
Қаршимда ўтириб шеърлашади қиш.
Ҳали кузак кетиб улгурмасидан,
Либос келтиради хаёлдай парқу.
Илғайман мен унинг шивирлашидан:
“Тул аёлни кимдир ўйлаш керак-ку”.
Сирпаниб кетади кўнглимда гина,
Сайрда тўсиндан қўлимдан тутса.
Қанийди унинг-ла юриб жимгина,
Кўргуликларимни тамом унутсам...
Танҳо одимладим қанча йилларни,
Алам жомларини сипқориб ичдим.
Ёлғизликнинг дол-дол кўйлакларини
Неча марта кийиб, неча бор ечдим.
Лўққиллаб оғрийди суягимгача,
Қонимда оқади бекаслик дарди.
Лаболаб тўлдириб юрагимгача
Бир кун ўз-ўзимнинг қошимга бордим...
...Бостирилган йиллар тандасин очиб,
Яшалмаган ҳислар жандасин очиб,
Тоб ташлаган қалбим билан юзлашдим,
Ёзмаган шеърларим билан сўзлашдим...
Манглайидан ўпдим дутоларимни,
Ҳўнг-ҳўнг йиғлаб ётган хатоларимни.
Ғариб кўнглим билан бир ёна бўлдим,
Меҳрим-ла ўзимга гирёна бўлдим.
Тушиб юрагимнинг қаъри- қаърига,
Илк бор изн бердим бари-барига:
Севишга, куйлашга, англашга бердим,
Ҳаётимни ранго-ранглашга бердим.
Бахтимга бугундан қуръа ташладим,
Жуфтлик томон дадил йўлни бошладим...
...Изғириқ ҳавода шодликни кийиб,
Биз-ла узун-узун сирлашади қиш.
Ялдо тунларида гурунгдан ортиб
Қоғозга эгилиб шеърлашади қиш.
Энди у пурхаёл, мендан хотиржам,
Қарайди, кўзимда нур чақинлари.
Ҳаётим жилога тўлиқ бўлса ҳам
Ўрнини совутиб кетолмас нари.
Жимжима суҳбатлар қўрида учов,
Яшаймиз сайрда, ижодда, аҳдда.
Юракда аланга, сочларда қиров,
Куйлаймиз замҳарир ҳаволар ҳақда.
Изғириқ ҳавода севгини кийиб
Биз-ла майин-майин куйлашади қиш...
Муҳаббат ТЎХТАШЕВА

Iltimos, mana shu kanalga òtib oling, men endi òsha kanalda bòlaman. Ikkita kanalni bitta qilmoqchimiz. Men bilan birgaligingizdan xursandman. Hammangizni yaxshi kòraman.

Ассалому алайкум. Янги йилингиз муборак булсин

"ОСКАР" МУКОФОТИГА САЗОВОР БЎЛГАН УШБУ ЭНГ ҚИСҚА ФИЛЬНИ ҚАЙТА-ҚАЙТА КЎРГИНГ КЕЛАДИ.

Каналга уланиш ⬇️
https://t.center/MuhammadaliAhmadUz

ОППОҚ ҚЎШИҚЛАР
(туркум)
ХХХ
Тўкилмоқда оппоқ ҳаяжон,
Хиром қилар оқликлар сайли.
Бу қўшиққа иқтидо бўлиб
Эргашади кўнгиллар майли.
Эниб тушар, эриб тушар қор,
Кумушланар қишнинг этаги.
Орзуларнинг таваллудини
Олқишлайди қишнинг эртаги.
Орзу шуки, тўкилса бағринг,
Ҳасратларни қор қилиб ёғса.
Энг муҳими, борлиқ Сен учун
Оппоқ қўшиқ куйлаб юборса...
ХХХ
Бир-бирига бермайин озор,
Қўл ушлашиб ёғаётир қор,
Теваракда бир майин виқор,
Чунки бугун мен туғилган кун.
Севдим қишни, аччиқ аёзни,
Бўрон чалган изғирин созни,
Нафасимда иситдим розни,
Чунки бугун мен туғилган кун.
Қорхат ўйнаб чопишади вақт,
Оёғимга ёпишади вақт,
Умрим билан топишади вақт,
Чунки бугун мен туғилган кун.
Қор кайфида айланади бош,
Кўзларимга сизиб келар ёш,
Қўлларимга қўнди эллик ёш,
Чунки бугун мен туғилган кун.
ХХХ
Чорламанглар иссиқ уйга, юрагимга қор ёғсин,
Қайнаётир бағрим э, воҳ, бўлдим-ку мен зор, ёғсин,
Шивирлашиб қорпарчалар бўлишиб гулдор ёғсин,
Оқ дунёни бугун қийғоч кўзларимга тўлдирай,
Кўкдан шодлик элаётган оқликлардан ўргилай.
Айланайин кенгликлардан кўзларимга сиғмаган,
Бу не сирки, ўтлиғ-ўтлиғ сўзларимга сиғмаган,
Ким бор яна битта жони ўзларига сиғмаган,
Олам бугун сафолию оқ ҳисларга бурканди,
Менинг кўнглим тўкилмоқни оқликлардан ўрганди.
Оқлик бўлса ортда қолган дардларимни эсларман,
Ошиб ўтган тўзонлар-у гардларимни эсларман,
Ўз-ўзимга берган олис шартларимни эсларман:
“Бу саҳнда мен камолот ихтиёр қилмоқчиман”,
Сўзларимни тажаллида устувор қилмоқчиман. Оқтовимнинг энгаклари – эртаклари қор бугун,
Шу қўшиққа жўр бўлмасам юрагимга ор бугун,
Куйлаб яшаш тақдиримга битган бўлса бор бугун,
Теваракни ҳаяжонли севгим билан йўғирай,
Чексиз шодлик бағишлаган оқликлардан ўргилай.
Муҳаббат ТЎХТАШЕВА
*Ушбу мисра Бедилдан олинди.

Assalomu alaykum. "Har onim vatan" ijodiy kanalimiz nomidan Siz azizlarimni Yangi yil bayrami bilan tabriklayman. Orzular quchoĝida kirib kelgan yangi yil hammamizga xayrli va yaxshi yil bólsin!

TUG‘ILGAN KUN
( o‘zimga )

Bir-biriga bermayin ozor,
Qo‘l ushlashib yog‘ayotir qor,
Tevarakda bir mayin viqor,
Chunki bugun men tug‘ilgan kun.

Samolarga uzanadi yo‘l,
Tole - boshim silagan bir qo‘l,
Hayot, mening yuragimga to‘l,
Chunki bugun men tug‘ilgan kun.

Sevdim qishni, achchiq ayozni,
Bo‘ron chalgan izg‘irin sozni,
Nafasimda isitdim rozni -
Chunki bugun men tug‘ilgan kun.

Qorxat o‘ynab chopishadi vaqt,
Oyog‘imga yopishadi vaqt,
Umrim bilan topishadi vaqt,
Chunki bugun men tug‘ilgan kun.

Qor kayfida aylanadi bosh,
Ko‘zlarimga sizib kelar yosh,
Qo‘llarimga qo‘ndi ellik yosh,
Chunki bugun men tug‘ilgan kun.
MUHABBAT MANGU

Sevgi doimiy izlanishdir. Boshqa odamda yashiringan shaxsiyatni topishga harakat qiling. Odamlarni yuzaki qabul qilmang. Har bir inson sirdir va agar siz unga chuqurroq kirsangiz, uning cheksiz ekanligini ko'rasiz.

Osho
@Sevgishunoslik