MUMTOZ SO'Z BAHSI (МАТНШУНОС ОЛИМ VАҲОБ РАҲМОН АКАДЕМИЯСИ)

ОҚЛИК
Чорламанглар иссиқ уйга, юрагимга қор ёғсин,
Қайнаётир бағрим э, воҳ, бўлдим-ку мен зор, ёғсин,
Шивирлашиб қорпарчалар бўлиб бир гулдор ёғсин,
Оқ дунёни бугун қийғоч кўзларимга тўлдирай,
Кўкдан шодлик элаётган оқликлардан ўргилай.
Айланайин кенгликлардан кўзларимга сиғмаган,
Бу не сирки, ўтлиғ-ўтлиғ сўзларимга сиғмаган,
Ким бор яна битта жони ўзларига сиғмаган,
Олам бугун сафолию оқ ҳисларга бурканди,
Менинг кўнглим тўкилмоқни оқликлардан ўрганди.
Оқлик бўлса ортда қолган дардларимни эсларман,
Ошиб ўтган тўзонлар-у гардларимни эсларман,
Ўз-ўзимга берган олис шартларимни эсларман:
“Бу саҳнда мен камолот ихтиёр қилмоқчиман”*,
Сўз дайрида юрагимни устувор қилмоқчиман. Оқтовимнинг энгаклари – эртаклари қор бугун,
Шу қўшиққа жўр бўлмасам юрагимга ор бугун,
Куйлаб яшаш тақдиримга битган бўлса бор бугун,
Теваракни ҳаяжону севгим билан йўғирай,
Чексиз шодлик бағишлаган оқликлардан ўргилай.
Муҳаббат ТЎХТАШЕВА
(*Ушбу мисра Бедилдан олинди)

БОБУРШУНОС АДИБ ВА ОЛИМЛАР ҲИНДИСТОН САФАРИДА

Бундай олим Ўзбекистонда иккита бўлса, бири шу, битта бўлса, ўша биттагина ҳам шу киши.