Samira Latipova - Growth

10,000 соат қоидаси..

Биз такси соҳасида иш бошлаганимизда, Индияда Зафар ака билан келган ғоядан амалий татбиққача бўлган жараён куп вақт талаб қилди. 100 та машина сотиб олиш ва уларни тўлиқ автоматлашган ERP тизимида ишлайдиган компанияга айлантириш учун бир йилдан кўпроқ вақт керак бўлган эди. Ўша вақтларда GM дан машина харид қилишнинг ўзи йиллаб кутишни талаб қиларди.

Технология бизнесидан такси бизнесига ўтиш, айниқса, такси парклари эгалари ва ҳайдовчилар билан ишлаш жараёни жуда қизиқ ва мураккаб эди. Менинг IT соҳасидаги одам сифатида такси бизнесини ичига кириб ўрганишимга асосий сабаб — бозордаги талабнинг катталиги ва соҳанинг ноэффективлиги бўлди.

2013 йил февраль ойида 100 та машина рейсга чиққанида биз кўплаб янги муаммоларга дуч келдик. Масалан:
- Машиналарнинг эҳтиёт қисмларини ўғирликдан ҳимоя қилиш.
- 200+ ҳайдовчини ёллаш ва иш жараёнини йўлга қўйиш.
- Ҳар куни машиналарни икки марта сменага чиқариш.
- Корпоратив сотув бўлимларини ташкил этиш.
- Ҳайдовчиларнинг норозиликларини ҳал қилиш ва улар билан музокаралар ўтказиш.

CityTaxi компаниясига асос солганимизда, бозордаги асосий муаммолардан бири — час-пикларда машиналарнинг етишмаслиги ва такси мижозга 45-55 дақиқада етиб бориши одатий ҳолат экани эди. MyTaxi ни ишга туширганимизда, машиналар 20-25 дақиқа ичида мижозга етиб бора бошлади. Бу мижозларни ҳайратда қолдирди: машиналар тез етиб боришарди ва мижозларни қўнғироқсиз топа бошлашди. Хозир мижозлар сабри 5-10 минут ва бу нормал холат.
7 йил (15.000 соат) актив такси сохасида булдим.

Ҳар қандай бозорда мижозларни ҳайратлантирган хизмат ёки маҳсулот вақт ўтиши билан нормага айланади, талаблар эса доимо ошиб бораверади. Биз учун энг қизиқ йўналиш — бозор (маркетплейс) самарадорлигини алгоритмлар орқали ошириш эди.

Ҳар доим муҳим метрикаларни кузатиш учун дэшбордлардан фойдаланардик. Шу тажрибани Express24 ни ишга туширар эканмиз, биринчи кунданоқ қўллаганмиз.

Ресторанлар ва мижозлар зичлиги маркетплейс самарадорлигини ошириб, етказиб бериш вақтини қисқартиришини кузатдик. Алгоритмлар орқали қуйидаги жараёнларни назорат қилардик:
- Курьернинг ресторанга бориш вақти.
- Ресторанда кутиш.
- Мижозга етказиб бериш
ва яна 100 га якин бошка метрикалар

Бу вақтни секундларга қисқартириш орқали курьерларга кўпроқ буюртмаларни бажариш имконини берганмиз. Овкат етказиш сохасидан 2017 йил бошидан хисобласам 8 йил ишлабмиз (16500 соат)

Хозирги йўналиш: Юк ташиш логистикаси

Ҳозир биз логистика соҳасидаги маркетплейс муаммоларини ечиш устида ишлаяпмиз. Юк ташувчилар турли брокерлар ва юк доскаларидан (loadboards) юклар олади, лекин қарор қабул қилишда кўплаб параметрларни ҳисобга олишга тўғри келади.

Бу жараённи кўпчилик тажриба ёки интуиция деб аташи мумкин. Хозир бизнинг қизиқишимиз шу масалани фақат алгоритмлар орқали эмас, балки сунъий интеллект (AI) ёрдамида ҳал қилиб, биз билан ишлайдиган компанияларни бозорда самарадорроқ қилишга қаратилган.

Бу соҳадаги ечимларни тўлиқ ривожлантириш учун, аниқ, ҳали 10,000 соатдан ортиқ вақт сарфлашимизга тўғри келади.

Нима демокчиман, ихтиерий сохада сал тузукрок иш килмокчи булсангиз узокрок горизонтда план килинг ва Малколм Гладуэлл айтганидаек у сохада 10,000 соат вакт ишлатинг.

@paiziev24

Kasb tanlash haqida qiziq hazil video ekan😅

@latipovasamira

Sifatli ta'lim bepul bo’lishi mumkinmi?

Ha. Fundamental bilimlarni quyidagi saytlarda olishingiz mumkin:

Nufuzli Universitetlar:

• Harvard universiteti
• MIT OpenCourseWare
• Stanford universiteti
• Kaliforniya universiteti, Berkeley
• Oksford universiteti
• Cambridge universiteti

Platformalar:

• edX
• Coursera
• Khan Academy
• OpenLearn
• FutureLearn
• Udemy
• LinkedIn Learning

1. Ingliz tilini bilmasangiz, mana plan

2. Agar sizni darajangiz yuqoriroq bo’lsa va kerakli kurs topa olmasangiz (yuqorida ko’proq basic kurslar), shundagina pullik kursga to’lov qiling.

@latipovasamira

Pul - overrated

Esingizda bo‘lsa, kanalda turmush o‘rtog‘im bilan oddiygina hayot kechirishimiz haqida yozgandim. (Masalan, u jamoat transportida yuradi, men esa Sparkda).

Shundan keyin ko‘pchilik komment va shaxsiy xabarlarda menga tasalli berishga tushdi. To‘g‘risi, bu menga sal g‘alati tuyuldi)))

Chunki MENGA BUNDAY O‘RTAHOL YASHASH TARZI MUTLAQO OK! 😅

Va bu men uchun “komfort zonasida qolib ketish” emas. Men o‘z ustimda doim ishlayman, yangi narsalarni tinimsiz o‘rganaman va sevimli ishim orqali pul topaman.

Ammo katta pul ortidan quvish — bu men uchun emasligini tushunib yetganman. Men uchun muhim bo‘lmagan narsalarga vaqt va kuch sarflashni to‘xtatganman.

Baxt haqidagi tushuncham o‘zgargan. Masalan, sayohatlar, yaqinlarim va do‘stlarim bilan samimiy uchrashuvlar, qizimning quvonchli kulgisi va kichik, lekin qulay uy — men uchun haqiqiy baxt shular.

Men bu post bilan “pul muhim emas” demoqchi emasman. Albatta, pul qulaylik va erkinlik beradi. Lekin, afsuski, pul hamma muammoni hal qilmaydi. Shuning uchun uni overrated deb hisoblayman.

Katta pul ortidan quvish ba’zan bizni butunlay bepul va chinakam qadrli bo‘lgan hayotiy quvonchlardan mahrum qilishi mumkin. Shunday xulosaga keldim.

@latipovasamira

🔥 Yilning ilk master-klassiga tayyormisiz?

🔍 Mahsulot ishlab chiqarishda mijozlarni chuqurroq tushunish va ularning muammolarini aniqroq hal qilish uchun mijozlar bilan kommunikatsiya qilib turish kerak, lekin qanday?

💡 Bu savolga javob topish uchun sizni CustDev (Customer Development) bo'yicha maxsus master-klassga taklif qilamiz. Ushbu master-klassda Samira Latipovadan CustDev haqida batafsil ma'lumot olasiz.

📅 Qachon: 11-yanvar, shanba, soat 14:00 da
🙋‍♂️ Kim uchun: Barcha uchun ochiq
📍 Qayerda: «Najot Ta'lim», Chilonzor filialida
💎 Taqdim etiladi: 4 XP

👉 Ro'yxatdan o'tish

O'quvchilar uchun:
🔗 Ilova orqali ro'yxatdan o'tish

😉 Oldin pulga sotilgan darsni siz, shu master-klassda bepulga o'rganishingiz mumkin. Master-klass yozib olinmaydi. Shuning uchun o'tkazib yubormang.

Chala produkt (MVP) zapuski haqida [MONIFI keysi]

Xabaringiz bo’lmasa: sal kam 2 hafta oldin @monifi_bot (mualliflar va OAVlar uchun kontentni monetizatsiya qilish uchun mahsulot) birinchi versiyasini – MVP’ni ishga tushirdik.

Mahsulotni juda tez chiqarishga harakat qildik. 2 haftadan ham kam shekili. Unda faqat bitta funksional bor edi: kanaldagi obunachilarni monitoring qilish. Bo’ldi. Chiroyli interfeys, qulay to’lovlar hali yo’q.

Albatta, foydalanuvchilar juda ko‘p bug-lat topishdi. Asosan, to‘lovlar bilan bog‘liq muammolar va user flow’dagi noqulayliklar.

Startapdagi sherigim bilan birgalikda baglarni tuzatdik va mahsulotning ikkinchi iteratsiyasi ustida ishladik. Shu vaqt ichida to‘lov qilgan foydalanuvchilar (ham mualliflar, ham obunachilar) bilan gaplashib, ularning fikrini tingladik.

Bugun esa donat funksiyasini ishlab chiqib tugatdik. 1 soat oldin o‘zim test qilib ko‘rdim va endi sizlar bilan bo‘lishyapman. Iltimos, siz ham test qilib ko’ring.

Shuningdek, har qanday taklif va mulohazalaringizni shu yerda qoldirishingiz mumkin. Oldindan minnatdorman!

@latipovasamira

Yaxshi xabar bor

Bugun men hurmat qiladigan mashhur o‘quv markazning vakili bilan gaplashdim.

Nasib bo’lsa ularning auditoriyasida Customer Development bo‘yicha bepul dars o‘taman. Ilgari bu materialni faqat B2B mijozlarimga pullik taklif qilganman.

Agar sizga qiziq bo‘lsa, kelasi shanba kuniga boshqa reja tuzmay turing. Batafsil ma’lumotni kanalda e’lon qilaman!

@latipovasamira

Maqsad qo’yish haqida

Oldin negadir 1 yil ichida erishishim mumkin bo‘lgan maqsadlarni ortiqcha baholab, 3 yil ichida erisha oladigan maqsadlarimni esa kam baholab kelganman.

Masalan, bir yillik rejada uy sotib olishni bemalol maqsad qilib qo’yganman. Ammo kasbni o‘zgartirish yoki ubu startup qilish umuman xayolimga kelmagan, chunki buni real maqsad ekanligiga o’zimni ishontira olmaganman.

1 yilda hammasini tubdan o’zgartirish qiyindek tuyulgan, 3 yilga maqsad qo’yishni esa o’ylamaganman.

Bilaman, ko’pchilik yil oxirida o‘zini bir yil oldingi versiyasi bilan taqqoslaydi, lekin aslida 3 yilda ro‘y beradigan o‘zgarishlar hayratlanarliroq va sezilarliroq bo’ladi.

Aytmoqchimanki, oldingizga ambitsioz katta maqsadlar qo’yishdan qo’rqmang. Ular 1 yilga emas, balki 3-5 yilga bo’lishi mumkin. Muhimi, o’sha katta maqsad sizni bugungi harakatlaringizda ilhom berishi.

@latipovasamira

Dekabr oyining top 10ta posti:

1. Time management aslida nima uchun kerak

2. Yil yakunlarini sarhisob qilish haqida

3. Product manager va Project manager farqi

4. Hayotingizni yaxshi tarafga o’zgartiradigan bitta so’z

5. 6ta nomaqbul fikrim

6. “30-gacha ulgirish kerak”

7. G’alati odamlar haqida post

8. Junior Product Manager-lar uchun kanalimdagi foydali 10-ta post

9. Kasb tanlashdagi 5ta afsona (1-qism)

10. Kasb tanlashdagi 5ta afsona (2-qism)

@latipovasamira

Kasb tanlashdagi afsonalar (2-qism)

1. Kasbingizni aniq tanlash uchun tanaffus qilib yaxshilab o‘ylash kerak
Aslida esa, kasbingizni topish uchun turli narsalarni sinab ko‘rish, hamjamiyatlarga qo‘shilish va ko‘proq izlanish kerak. Uzoq vaqt tanaffus qilib o‘ylash ko‘pincha vaqtni bekor sarflashga olib keladi.

2. To‘g‘ri kasb tanlansa, boshidan yaxshi natija bo’ladi
Bu xato fikr. Boshlanishida har doim qiyinchilik bo‘ladi. Hamma narsaning birinchi urinishdayoq o‘xshamasligi tabiiy hol. Muhimi — sabr qilish va kasbni yaxshiroq o‘rganish uchun vaqt ajratishdir.

3. Trenddagi kasbni tanlash kerak
Bu modaga o‘xshaydi: bugun dolzarb bo‘lgan kasb ertaga o‘z ahamiyatini yo‘qotishi mumkin. Shuning uchun eng yaxshi yo‘l — o‘zingizga mos bo‘lgan, sizga zavq bag‘ishlaydigan ishni (personal style)ni topishdir.

4. To‘g‘ri kasb tanlansa, doim motivatsiya bo‘ladi
Motivatsiya tanlagan kasbingizdan emas, ko‘plab omillardan kelib chiqadi. Ba’zida hatto sevimli kasbingiz ham sizni charchatishi yoki hafsalangizni pir qilishi mumkin. Bu oddiy holat.

5. Agar ishni sevsangiz, 24/7 ishlashingiz mumkin
Biz ijtimoiy mavjudotmiz va ish bilan birga boshqa narsalarga ham vaqt ajratishni xohlaymiz. Bu noto‘g‘ri kasb tanlaganingizni anglatmaydi — bu to‘liq hayot kechirish (наполненная жизнь) istagi xolos.

@latipovasamira

Kasb tanlashdagi 5 ta afsona

1. Bir umrga bitta kasb tanlash kerak
9-sinfda bizni bitta kasb tanlashga majburlashgani esimda. O‘shanda men “Marketing” yo‘nalishini tanlagandim. U paytda bu tanlov butun hayotimga ta’sir qiladi, deb o‘ylagandim. Ammo aslida, so‘nggi 5 yil ichida 150 dan ortiq yangi kasblar paydo bo‘ldi, ularning borligini o‘sha vaqtda tasavvur ham qilmagandim. Masalan, men bolaligimda Product Manager degan kasb borligini ham bilmasdim.

2. Korporativ qullik afsonasi
Ko‘pchilik o‘z biznesini qilish baxtliroq bo‘lishga olib keladi, deb o‘ylaydi. Ammo aslida, eng ko‘p charchash va stress (burnout) aynan tadbirkorlikda uchraydi. Qayerda ishlashingizdan qat’i nazar, ish tanlash va sharoitlarni belgilashda tanlovni faqat siz qilasiz, ish beruvchi emas.

3. Avval kasb tanlash, keyin ish boshlash kerak
Aslida esa, birinchi navbatda kasbni sinab ko‘rish kerak. Ushbu sohaga qiziqqan odamlar jamiyatiga qo‘shilib, tajriba to‘plash va dastlabki qadamlarni tashlash lozim. Shundan keyingina ushbu kasbni tanlash yoki boshqa yo‘nalishga o‘tishga qaror qilsangiz bo‘ladi.

4. Qiziqish pul olib kelmaydi
Aslida esa, uzoq muddat davomida faqat o‘zingizga yoqadigan ishni qilishingiz mumkin. Har qanday ishning 80 foizi odatiy va takrorlanadigan vazifalardan (rutinadan) iborat bo‘lib, ular sizga zavq bag‘ishlashi kerak. Biror sohada uzoq vaqt ishlasangiz, o‘z sohangizda professional bo‘lasiz. Professional darajadagi mutaxassislar esa yaxshi daromad topadi.

5. Faqat IT va dasturlashda katta pul bor
IT sohasidagi eng katta daromadni muvaffaqiyatli asoschilar, investorlar va ularning yaqinlari topishadi. Dasturchilar orasida esa, faqatgina muammolarni zavq bilan hal qiladigan va kod yozishni sevganlar yaxshi maosh olishadi. O‘rtamiyona dasturchilarga esa ko‘p pul to‘lanmaydi.

PS: Agar ushbu postda 100ta 👍 bo’lsa, ikkinchi qismini ham yozaman

@latipovasamira

Junior Product Manager uchun kanalimdagi foydali 10ta post:

1. Product manager uchun 12ta bepul kurslar

2. Linkedin-da profilni to’ldirish bo’yicha checklist

3. Product manager dasturlashni bilishi kerakmi? Dasturlash asoslari haqida Harvard-ning bepul kursi

4. Product manager uchun asosiy ko’nikmalar (mindmap)

5. Prioritet qo’yish uchun kerak bo’ladigan asosiy frameworklar

6. Growth manager-ning asosiy ko’nikmalari

7. YCombinator asoschisi Paul Graham-ning 5ta blog-posti

8. Mahsulot yaratish jarayonida foydalanuvchilarni tinglash kerakmi?

9. PMlar uchun kurs va kitoblar ro’yxati

10. Mijozlarni segmentga bo’lish instrumenti (abcdx segmentatsiya)

@latipovasamira

G’alati odamlar haqida

Ba’zida shunday odamlarga duch kelaman: ular aqlli gaplar gapiradi, taniqli odamlar va kompaniyalarni tilga olishadi. Go‘yoki katta-kattakonlarni “krugida” yurishadi va ular bilan do’stlashishadi.

Ammo ishga kelganda, yo tekin yordam so’rashadi (keys uchun, albatta), yo boshqa kerakli odamlar bilan tanishtirishimni so‘rashadi. Eng qizig‘i – shunaqa odamlar aynan nima ish qilishlarini hech tushunolmayman. Bugun bir narsa, ertaga esa boshqa narsa.

Oxir-oqibat bitta xulosaga keldim: shunaqa «мутный» odamlar bilan aloqa qilish - o’zimni vaqtimni qadrlamaslik. Meni «справочник» sifatida ishlatadigan tanishlarim bilan deyarli aloqa qilmay qo’ydim.

Xulosa bitta - atrofingizdagi odamlarni yaxshilab filter qiling. Bu, albatta, o’zini oqlaydi!

@latipovasamira

“Tribute allaqachon ixtiro qilingan bo‘lsa, nimaga yangidan produkt yasadingiz?”

Kecha shu savolni mendan bir nechta odam so‘radi. Negadir bizda ko‘pchilik startup asoschilari innovatsiyani faqat yangilik yaratishda deb bilishadi.

Aslida esa, aksariyat muvaffaqiyatli startaplar mutlaqo yangilik emas, balki boshqa analoglarning kichik muammolarini o’zgacha hal qilishgan.

Monifi-ni yararishdan oldin bitta muammoga shaxsan duch keldim. Premium akkauntga ega yoki $/€ da to‘lov qiluvchi mijozlar ulushi juda past edi. (Tribute-da donatlar soni juda kam edi).

Balki shu sabab, donat yoki obuna orqali daromad olishni o‘rniga ko‘pchilik mualliflar faqat reklamaga tayanib qolgan.

Xullas, kecha MVP’ni tezda ishga tushirdik va uchta xatolikni tuzatdik. Yana uchta kontent muallifini platformaga jalb qildik.

Bu hali katta natija emas, ammo bu tajriba bir narsani aniq ko‘rsatadi: g‘oyani tezda sinab ko‘rish va keyingi bosqichga o‘tish kerak. Yursa - ok. Yurmasa - bu ham ok.

Muhimi — iloji boricha tezroq amaliyotga o‘tib g’oyani tekshirish. #FailFast

Mahsulotni ishga tushirish jarayoni haqida batafsil ma’lumotni yopiq kanalimda bo‘lishaman.

@latipovasamira

Esingizda bo’lsa, yopiq obunali kanal uchun texnik yechim izlayotgandim. Bir nechta variantlarni topdim, lekin aynan menga kerakli va arzon yechimni topa olmadim.

Shuning uchun hamkorim bilan birgalikda Monifi botini yaratishga qaror qildik.

MONIFI orqali mualliflar to‘lovlarni qabul qilishlari va obunalarni kuzatishlari, obunachilar esa o‘zlari xohlagan kanalga oson obuna bo‘lishlari mumkin bo‘ladi. (Xuddi Tribute, faqat bizning bozor uchun.)

Hozircha MVP versiyasini test qilmoqdaman, keyinroq uni boshqa mualliflarga ham taklif qilmoqchiman. (Testdan o’tsa agar)

Yopiq kanal asosiy kanaldan 3ta element bilan farq qiladi:

1. Izohlarda men bilan muloqot qilish imkoniyati
2. Bepul ma’ruzalar bilan audiomuloqotlar
3. Junior mutaxassislar uchun foydali cheklist va qo‘llanmalar

Xullas, obuna bo‘lishni xohlaganlar uchun havola shu yerda! Narxi bitta yaxshi kofeni puli, ja qimmat qilmadim.

PS: User flow-da biron muammo bo’lsa, hozircha menga to’g’ri yozishingiz mumkin @samiralatipova

@latipovasamira

«30 gacha ulgirish kerak!»

24 yoshimda o‘zimni boshqa sohada sinab ko‘rmoqchi bo‘lganimda hayolimda birgina fikr bo’lgan: “Hammasini boshidan boshlashga endi kech!”

Keyin esa o‘zimga savol berdim:

Agar o‘rtacha umr ko‘rish 74 yil bo‘lsa, demak menda hali 50 yil bor. Nahotki shu yarim asrni yoqtirmagan ishda ishlasam?

O’zim uchun javob topa oldim. Va 7 yillik tajribamni ortda qoldirib, noldan yangi professional yo‘lni boshladim.

Ko‘pchilikning miyasida “30 gacha” yoki “40 gacha” degan tushunarsiz deadline-lar bor. Lekin yoshni emas, kelgusi umringiz haqida o‘ylashni boshlasangiz, hayotingizda ko‘p narsa yaxshi tarafga o‘zgaradi, minimcha.

Shunda tushunasiz:

• Dekretda o‘tgan 1-2 yil uncha ko’p emas.
• 5-7 yil bir sohada ishlash juda ham uzoq emas.
• O‘qish va o‘zingizni topishga sarflangan bir necha yil, yoqtirmagan ishingizda 20-30 yil o‘tganidan ancha yaxshiroq.

Menda xulosa bitta: vaqt nisbiy, keraksiz muddatlarga hayotingizni boshqarishga yo’l qo’ymang!

@latipovasamira

YouTube-da men obuna bo’lgan 5ta kanal (kontent rus tilida)

1. Антон Птушкин (ptuxermann) - meni sayohat qilishga va o’rtamiyona yashashga ilhomlantirgan inson. Afsuski, urush sabab u rus tilida yangi kontent olmay qo’ydi, lekin eski videolarini qayta-qayta ko’raman.

2. Krasinsky (ilya_krasinsky) - rus segmentida men bilgan eng kuchli mutaxassislardan biri. Product management-ga mutlaqo boshqacha qaray boshlaganman uni lektsiyalaridan keyin. Kanalda bepul materiallar juda ko’p.

3. Колосок (kolosook) - Harvard bitiruvchisi, katta tajribali top manager va shunchaki dono ayolning shaxsiy YouTube blogi. Management haqida juda ko’p foydali insaytlarni shu kanaldan olganman.

4. Ваня Замесин (zamesin) - psihoterapiya, JTBD, product management va growth haqida juda foydali kontent.

5. вДудь (vdud) - bu kanalni hamma bilsa kerak. Rus segmentidagi eng mashhur interviewer Yuriy Dud-ning kanali.

@latipovasamira

Hayot sohalariga qanday qilib priotitet qo’yaman?

Hayotning barcha sohalarida muvozanat bo‘lishi kerakligini targ‘ib qiluvchi mashhur “Muvozanat g‘ildiragi” (Wheel of Balance) degan atama haqida balki eshitgandirsiz.

Ammo real hayotda bu usul har doim ham ishlayvermaydi. Hayotning qaysidir davrida bir sohaga e’tibor kuchayib, qolganlari bir oz chetga suriladi.

Masalan, hozir mening hayotimda oilam eng yuqori proiritetda. Ammo har doim ham bunday bo‘lmagan. 23-25 yoshimda men uchun moliyaviy mustaqillik muhimroq edi, shunga ishga ko‘proq e’tibor berganman. Undan han oldin esa do‘stlar va networking birinchi o‘rinda bo‘lgan.

Mukammal muvozanatga intilish mantiqsizligini tushindim. Muhimi, 2ta savolga javob berish ekan:

Hozir men uchun NIMA muhim? Yana 5 yildan keyin nimadan afsuslanaman?

Shu savollarga javob bersangiz, ko‘proq aniqlik paydo bo‘ladi.

Masalan, o‘tgan hafta men deyarli kanalni yuritmadim, chunki qizimning salomatligi va mening o‘z sog‘ligim boshqa barcha sohalardan ustunroq edi.

Do‘stlarim bilan uchrashmadim, tadbirlarga bormadim, ish uchrashuvlarini bekor qildim va bu qarorimdan aniq afsuslanmayman.

@latipovasamira