Sirojiddin Rauf ijodi

•••
Бу қандай ишқ, билмадим, ё Раб,
Оташидан кўзимда ёшлар?
Узоқлашсам – қоламан музлаб,
Яқинлашсам – куйдириб ташлар.


Шоирнинг “Муаллақ чексизлик” китобидан

@SirojiddinRauf

#xarid

Shu kitobga qiziqib yurgandim. Bugun oʻz oyogʻi bilan uchrab qoldi menga. Shartta ovoldim.

Muallifning sheʼrlaridan juda kam xabardorman. Endi oʻqib koʻraman va tasssurotlarni sizlar bilan boʻlishaman.

P.S: muqovasi zoʻr-a?

@usmonosphere

https://t.center/IslomAli_shoir

Учяпсан!
Юртнинг осмонига ойдай ярашиб,
Йўқотиб қўяди қушлар ҳушларин.
Ёдингга тушади, юрагинг тўлиб,
Маъюс кузатганинг бир вақт қушларни...

@SirojiddinRauf

​​МАЙМУННИНГ ҲИКОЯСИ
(ҳазил)

Чангалзорда бир замон,
Авжи тириклик фасли.
Бизларга эш, биродар
Бўлган одамзод насли.
Ён қўшни-ю жон қўшни -
Ғорларда яшаганмиз.
Неки топсак, қизғанмай
Ўртада ошаганмиз.
Шохдан-шохга сакрашиб,
Терганмиз банан, кокос.
Сўнг тақсимлаб олганмиз,
Жону жигарларга хос.
Шундай аҳил эдик биз -
Биргаликда қилиб ов.
Йўлолмаган биз томон
Ҳатто қонхўр, йиртқич ёв.
Беминнат пўстин дея,
Мўйимизни асрардик.
Ақлнинг балосидан
Ўйимизни асрардик.
Билмадим не хаёлда
Фикр қилди одамзод -
Қувиб илм ортидан
Бўлди бизга этти ёт!
Асли азал дўстликка
Шундан рахна ташланган.
Устара кашф этилгач,
Бегоналик бошланган.

✍️ Сирожиддин РАУФ

@SirojiddinRauf

•••
Ҳувиллаган юрак, ҳувиллаган уй...
Қумсоат қумларин эламас, ажаб!
Олис хаёлларга банди бўлган ўй
Кечмиш лаҳзаларни турар ҳижжалаб.

Ёмғир, райҳон иси... Ёниш, ўртаниш –
Чуваланар ўтган кунлар тасмаси.
Инжиган севгини англаш, ўрганиш...
Наҳот ортда қолмиш энди ҳаммаси?!.

Ўзим хато қилдим. Қисмат – беомон.
Баҳорга етибдур қай вақт, қай замон
Хас-хазон тўшалган боғлар оша ким?!

Увол ишқимизнинг тумори – ўтмиш,
Гилос дудоқларнинг хумори – ўтмиш,
Менинг эса бугун келар яшагим!..

✍️ Сирожиддин РАУФ

@SirojiddinRauf