Islom ALI ijodi

#xarid

Shu kitobga qiziqib yurgandim. Bugun oʻz oyogʻi bilan uchrab qoldi menga. Shartta ovoldim.

Muallifning sheʼrlaridan juda kam xabardorman. Endi oʻqib koʻraman va tasssurotlarni sizlar bilan boʻlishaman.

P.S: muqovasi zoʻr-a?

@usmonosphere

https://t.center/IslomAli_shoir

#diqqat

Katta shoir Nurmuhammad Abduzoir “Dilsirot” nomli sheʼrlar kitobining soʻnggi nusxasini auksionga qoʻyibdi!

Qiziq, oxiri uloqni kim olib ketarkin? Auksionda qatnashish yoki kuzatish uchun:

@Nurmuhammad_Abduzoir

Байрам муносабати билан истеъдодли ёзувчи Байрам Али аканинг хонадонида меҳмонда бўлдик.

Илтижо

Ҳилол туни билан чалқанча сузди.
Кулол хом лойини сувлади қайта.
Зилол тушларимнинг ярмида, қизғин,
Билол тонг саҳарлаб исмингни айтар.

Мудрашдан бошқа бир чора бер Худо!

Наҳр шамол билан ўйнашар ошиқ.
Фақир ўз қисматин йўйган шарафга.
Тахир ёмғир каби кўзимнинг ёши.
Ахир, бу кўнгилни ишқсиз тарафга

Судрашдан бошқа бир чора бер Худо!

Тўзиб бораётир дардларим, эски.
Ўсиб бораётир бир алам тинмай.
Сўзим бораётир тобора кескир.
Кўзим бораётир ер чизиб, жимман.

Титрашдан бошқа бир чора бер Худо!

Ўлимнинг сояси кўзга дориди.
Қўлимни заҳматнинг қадоғи босган.
Қўнимни билмаган қушдай ҳоридим.
Тўнимни қисматнинг ямоғи босган.

Бутлашдан бошқа бир чора бер Худо!

Гоҳи мен ғолиблик кўрдим таъзимда.
Ёки мен билмадим ўзимнинг ҳаддим.
Ёғий бош кўтариб турган базмда
Соқий май тўлдириб менга узатди.

Қутлашдан бошқа бир чора бер Худо!

Ислом Али

https://t.center/IslomAli_shoir

Сизга

Шам ёнди.
Кўнглимдай ёришди ҳужрам.
Туйнукдай тешилди зулматнинг кўкси.
Мен сизни ёғдули туманлар ичра
Қидирдим, сасингиз чиқмади — йўқсиз.
Бунчалар зулматга мойилсиз? Сизга
Мен оппоқ тонгларни қоралаб кутдим.
Қаранг, нур, қоронғу дунёни қўзғаб
Менинг ҳам ингичка соямни ютди.
Оҳ, кўҳна ўтмишни ўтказганман ғаш.
Қоп-қора кунлардан вужудим зада.
Ахир юрагимга яқин бу оташ.
Мен шамга қоришиб кетдим лаҳзада.
Кўнглимга кўланка бўлолмайди ғов.
Сизнинг йўлингизни ёритгум аё.
Илло, энди менинг бу бошим олов.
Илло, менинг бошим сиз учун маёқ.
Сиз ҳамон жимдирсиз.
Зулумот — совуқ.
Йўқ, асло чекинманг, узлатга ғариб.
Сиз учун кўксимга тўлдириб ҳовур,
Ёниб бораяпман ичингиз сари.

Ислом Али

https://t.center/IslomAli_shoir

Шодмонқул Салом ижодидан...

* * *

Бунчалар ғаш зариф дил
Таъбир излаб юрибман.
Оҳорсиз ва ғарибдир
Таъмир излаб юрибман.
Бир ёнимда нон талаш,
Бир ёнимда шон талаш.
Менинг лабим қонталаш
Сабр излаб юрибман.

Ортимга боқсам улус
Қалқиб турар, қаранг, — дор.
Наҳотки дор тикканга
Олқиш урдим жарангдор.
Бўғзимда қотиб сўзим,
Ер чизиб икки кўзим
Суратин солдим мана
Дунёнинг ҳур ва рангдор.

Ёмоқ босган тўнимнинг
Қасмоғига шеър сано.
Ғул тутган қўлга наҳот
Гул тутган деб берса ном.
Босиб келар ҳавотир.
Ҳали чиқмай саводи
Бир болам бунча хомуш,
Бири бунча серсалом.

Оғам куйиб қўш тортар
Иним йиғлаб тугар мушт.
Волидам қизил жанггоҳ
Тўлмаганча туғармиш.
Ўтрукмиди бу алқов?
Тушларим алғов-далғов:
Қучоқласам пиримни
Қўлимга қон юқармиш.

Не кўргулик, бир замон
Чопонини чап кийди.
Икки миллат ойдини
Бир-бирига сапчийди.
Сўнг айланиб чархи дун
Ғийбат бўлар нархи дун.
Шоирлар ҳам бир-бирин
Сотгани чин гап, дейди.

Билолмайман, тентираб
Надир излаб юрибман.
Балки ўзимга қиймат
Қадр излаб юрибман.
Қаердадир ютиб қон
Мурғаклар топшириб жон
Паноҳ топар ўлимдан.
Ҳеч не келмай қўлимдан
Ҳақдан фақат биргина
Амр излаб юрибман.

Мана ўзим учун шарҳ
Керак бўлса гар мисол.
Ўйларим беҳаёдир
Қорни очиқ ғар мисол.
Мен ўзимдан қочганча
Ахтарарман ўзимни.
Топсам юзим уётлиғ
Топмасам ҳам шармисор.

Билмайман бу йўлларда
Надир излаб юрибман.
Очилмаган гуллардан
Абр излаб юрибман.
Ҳайқириғим шеъримдир
Жимлигим ҳам ёзганим.
Айтолмаган сўзимга
Қабр излаб юрибман.

Ислом Али

https://t.center/IslomAli_shoir

Masalan, Mohsenni tez-tez eshitib turish kerak. So‘zini tushunmasang ham undagi ohang va qorishib keladigan dard osmonning qaysidir qavatlariga uloqtirib yuboradi!

@Elyor_Haydar