قناة خطباء المنبر الحسيني للقصائد

🏴🏴🏴🏴

*العاشر من شهر رمضان..يوم حزين على قلب النبي صلى الله عليه وآله..وعلى قلب فاطمة الزهراء سلام الله عليها* 💔

*انه يوم الحزن..يوم الفراق..*
*يوم بداية رحلة أحزان فاطمة ويُتمها* 💔💔

*إنه يوم رحيل أم المؤمنين.. أول نساء العالم اسلامًا..يوم وفاة السيدة خديجة بنت خويلد سلام الله عليها التي أنفقت مالها وبذلت روحها وضحت براحتها فداء لرسول الله (ص) والاسلام ..*


*أعظم الله لك الاجر يا رسول الله* ✋🏻
*أعظم الله لك الاجر يا فاطمة الزهراء* ✋🏻
*أعظم الله لك الاجر يا مولاي يا صاحب الزمان* ✋🏻

🏴🏴 أعظم الله اجوركم جميعًا


#١٠_رمضان
#رحيل_أم_المؤمنين
#وفاة_السيدة_خديجة_الكبرى

#وفاة_السيدة_زينب ع
#نداء السيدة زينب ع لأخيها العباس ع



آ  يخويه    لحظه ما غمضت جفوني
آ  يخويه    راح اموت وما تجوني
آ  يخويه     بغربه وحدي تتركوني


خويه وينك   غمض عيوني المسيّه
خويه وينك  احضر وإسبل إيديه
خويه وينك  احضر وامنا  الزكية  

#يجاوبها ابوفاضل 💔

انا جيتك     لا تخافي يالوديعة
انا جيتك     لكن كفوفي قطيعه
انا جيتك    ظلت ابقاع الشريعه
انا جيتك

كيف ادفنِك    قومي لرض الغاضريه
كيف ادفنِك    يساعد حسين الشفيه
كيف ادفنِك    مني مقطوعة إيديه
كيف ادفنِك

🖊خادمة أبي الفضل

#وفاة_السيدة_ زبنب ع
#اطوار_مختلفة
# السيدة زينب ع تتمنى حضور العباس ع عند احتضارها



اموتن كيف يبوفاضل ولا تحضر الي دفان
منهو اليحفر القبري وعليّ يهمل التربان

التفقد بُوها ما همها اذا عدها يظل ارجال
شلون ابموتتي هاليوم ما جاني ولا خيّال
اموتن خايفه بغربه وأشد من السبي واحبال
حق العِشره تحضرني وتْضمني بوسط الاحضان

واذا جِيتو وحضرتوني  بس بهيده نزلوني
متني من الضرب نحلان صِبروا مِن تشوفوني
زينب ميتة بعاشور ساعت بإسمي نادوني (واويلاه)
ومن صاح الشمر ويقول جِيبن للسبي النسوان

عجل خويه بالجيّه   مشتاقة وحق عيناك
وتجيب كفوفك إدفنها والرايه تجيب وياك
تغطيني عن النّظار عليّ غالي يخويه لواك
شفته عالنهر مرمي وبعده هجمت العدوان

#مستهل يبوفاض طيحت إيدك مو وقتها

انا جيتك     لا تخافي يالوديعة
انا جيتك     لكن كفوفي قطيعه
انا جيتك    ظلت ابقاع الشريعه
انا جيتك

كيف ادفنِك    قومي لرض الغاضريه
كيف ادفنِك    يساعد حسين الشفيه
كيف ادفنِك    مني مقطوعة إيديه
كيف ادفنِك

🖊خادمة أبي الفضل

#وفاة_السيدة_زينب ع
#طور_الجفيري
#وكأني بالسيدة زينب ع تتمنى حضور الإمام الحسين ع عند إحتضارها .



حسيني أريده بموتتي
يغمض عيوني مُنيتي
مشتاقه شمّه بالصدر
واحكي الجرالي بسفرتي

خليني أشبع ضمته
وداوي الجروح ابجبهته
ما همي حالي والمتن
كله يهون بشوفته

راح اروي عن درب السبي
ما يمنا إلا ناصبي
وبديّه ملفوف الحيل
ويضربني حيل الأجنبي

يخوفي يحضرني وذبيح
ونحره اشوفه بدم يسيح
راح انعي والطم بالعويل
حتى اموت واستريح

#نعي فايزي

صعبة اشوفك يالأخو منقطع نحرك
وبعد الذبح حيل الخيول داست ابصدرك
مثل أمي ضلعك منكسر حيرني أمرك
راسك على راس الرمح وعينك عليّه


🖊خادمة ابي الفضل

#وفاة_السيدة_أم_البنين ع
#أطوار_مختلفة
# تصوير حضور الإمام الحسين ع والسيدة الزهراء عند إحتضار أم البنين ع



مَرّ طيفه على عيوني .. قبل موتي " حبيبي حسين"
وإجَت وياه "حزينه" تنوح  .. تنادي يا فْقِد البنين

#منو هاي الحزينه ...؟

شِفتها وإحترت بأمري  ..  منهي اتكوني يالحره !!!
ابونّتها تِفت الروح  .. وبديّها شايله الصّره
فَتْحَتها وشِفت كفين  ..  دِريت الطّاهره الزهره
كفوف إبني جابتها ..  يغمض لي جفون العين


تصيح بصوت يم عباس .. تِعوضلي فقد الاولاد
تِجازي قطّعة إزنوده  ..  وما تدري بحزن الفأد
لوّن من الوِلد عشره  .. ويرد سالم أبو السجاد
بس جاني الخبر مذبوح .. ع الرمضه وبلا تكفين


#واذا بأم البنين خجلت من الزهراء ع  ومواساتها لها ، نظرت للحسين تسأله تستعلم الحال عن وفاء العباس ، يجاوبها الحسين :


شِفت موتي ييُمّه هناك ..  من راح القمر عنّاي
صاح بصوت يهز القاع  ..  انا العباس انا الوفاي
لهذا اليوم رادتني  ..  أمي التِعبت اعلى رباي
اريد اوفي سهرها بليل  .. وافديلَك كفوفي اثنين


🖊خادمة أبي الفضل

آنَه لْگَبُلْ مُوتِي مِتِتْ
لَمَّنْ بِالِمْصَابِ سْمَعِتْ
فُوگِ الثَّرى طِحْتِ وْصِحِتْ
هَدَّتْنِي لُوعَةْ كَرْبَلَه
-----------------------
گْبَالِي نِعَه النِّاعِي بِشِرْ
گَلِّي انْذِبَحْ بِيدِ الشِّمِرْ
حْسِينِ وْخَذَوْ أُمِّ الْخِدِرْ
مَسْبِيَّه مَا بِينِ الْمَلَه
-----------------------
زِينَبْ عَلَى ظْهُورِ الْهِجِنْ
مَفْجُوعَه مَحْنِيَّه وْتِوِنْ
وِمْنِ الضَّرُبْ مَا ظَلْ مَتِنْ
وِيلِي لْمُصَابِ الْعَايِلَه
-----------------------
بِتْ حِيدَرِ وْبِتْ فَاطِمَه
شْلُونِ بْخَرَابَه نَايِمَه
عْلِيهَه الدَّمِعْ يِجْري دِمَه
وَسْفَه الْعَقِيلَه بِالْفَلَه
-----------------------
أَمِّ الْبِنِينِ الْأَرْبَعَه
عِنْدِي گُمَرْ عَالْمَشْرَعَه
طَاحِ وْچُفُوفَه مْگَطَّعَه
وْعِينَه طُفَاهَه حَرْمَلَه
-----------------------
بْهَاذَه الْأَلَمْ گَلْبِي انْفُطَرْ
مِنِّ الْبَچِي رَاحِ الْبَصَرْ
وْهَسَّه الْأَجَلْ لَيَّه حِضَرْ
حَگِّي لَوَنْ گِتْلَه هَلَه
-----------------------

#وفاة_أم_البنين_عليها_السلام
حسن خنافر العاملي

📍تم تعديل القصيدة
#وفاة_أم_البنين ع
#طور_الخضيب
#السيدة زينب ع تخبر أم البنين عن شهادة الحسين عليه السلام :


▪︎....أم البنين تسأل ، تستعلم من زينب ما الذي جرى على الحسين ع في طف كربلاء أخبريني بنيّة ماذا حصل
شو تجاوبها زينب والونّة بأثر ونّه ...؟؟؟



قلبِك ما يتحمّل وصف / من طاح عن اجواده
وجِسمه على الغبره وقع / ورمل الثره اوساده
صبري يا حُره لو قِلِت /ثلثين مِن إفأده
سهم المواضي طَلّعه / وباقي الثلث لاهب

#بعد شحكي يا ام البنين 💔

مُوتي ابعيوني عاينت / بس الشّمر جاله
قاعد على صدره عرَفت / ومغيّر ابحاله
ورأسه لخويه يِقطّعه / وبرمحه هم شاله
واعياله مرعوبه وتونّ / وونّ البنت واجب

#وانت بنيّة زينب ما الذى جرى عليك ،بعد العز والخِباء و الدلال  ..؟؟

راح أحكي ليك مصيبتي/ واحكي الجرى عليّه
تِدريني من بيت الوحي/ يمشوني مسبيّه
مو كافي بسياطه الشّمر /يضرب يِسب بيّه
وعين الشماته موجّره /ودليلي هم شاجب


🖊خادمة أبي الفضل

#وفاة_السيدة_أم_ البنين ع
#طور_أومت_بديها
#وكأني بالسيدة أم البنين ع تخاطب طيف العباس ع عند الإحتضار



قالولي يُمّه شالجرى بعاشر ابعاشور
جِيت الفرات وما رَوّيت قلبك المفطور
اكفوفك قطيعه من الزند ودمومَك تفور
وا باقي زندينك شِلت الرايه والجود

قالولي عن مُهْرَك طحت وبليا إدِين
وحضرتلَك الزّهره وتقول انا ام الحسين
بحضني تِلَقيِتَك رِدت لجل أم البنين
جازي تعبّها والسهر وقطعة الازنود

قالولي من جَالَك أخوك وضًمّك بالأحضان
شاف السهم بالعين وانت بوضع تعبان
منه اخجلت أدري بعد ياقمر عدنان
ماكو مثيلك بالوفه يالوفّيت العهود

#بعد بما أخبروك يا ام البنبن :

قالولي للحرة ابعَثِت يا يُمّه سلام
وقتله يخويه لا تِجي اتظل بلخيام
لكنها من صار الذّبح وهجمّت الظّلام
ركضَتْ الى شط النّهر مدمعها بلخدود


🖊خادمة أبي الفضل

#وفاة_السيدة_أم_البنين ع
#طور _الفراق
#لحظات إحتضار السيدة أم البنين ع




وينه غايب      عيوني تربي هالمسيّه
وينه غايب      راح اموت ابهالعشيّه
وينه غايب      حلمي لحظة يمر عليّه


يمّه إحضر      بيدك اتغَمّض عيوني
يمّه إحضر      شابت الدّمعه بجفوني
يمّه إحضر      جاني موتي تِدفنوني

#آآه يا ام البنين وين المدينة وين كربلاء ؟؟؟

يا عجيبة     ما حضر عِدها قمرها
يا عجيبة     ما أحد منهم حِضرها
يا عجيبة     ما أظن واصل خبرها


#وكأني بالحسين وصل إليه خبر ام البنين وراح ناحية العباس ،يقله :

يا بوفاضل     أمك تنادي الحنينه
يا بوفاضل     وينه إبني مغرّبينه
يا بوفاضل     انهض نروح المدينه


جِيتَك حزين ومنفجع هاك كفوف إديّه
نروح المدينه بالعجل نِحضرها الوفيه
حق الربايه والوفه بساعات المنيّه
قَضّت عمرها شايله احزان الرزية


🖊 خادمة أبي الفضل

#وفاة_السيدة_أم_البنين ع
#طور_مستهل_ساعة_اوداع الزكية
# أمنية أم البنين ع عند ال إحتضار



حلم عندي ومُنِيتي    ..  يجي المذبوح
حانت اللّيلة مَنِيتي    .. ابونّه وي نوح

طوله والمنحر اشوف
وانظر لضرب السّيوف


١_عمري قَضيته بمناحه ... وانظر ايعود .. وانظر ايعود
بفرقِته ما عندي راحه ... ودربي مسدود  .. ودربي مسدود

دمعي من عيني ذَروف
وانظر لضرب السّيوف


٢_خِلصت ايامي برزيّه  ...  ذبحوا حسين  .. ذبحوا حسين
واعلى صدره الأعوجيّه  ... اشعملِة البين  .. اشعملِة البين

صاير بصدره خسوف
وانظر لضرب السيوف
   

٣_موتي من يوم الإجاني ...  النّاعي ينعى  .. النّاعي ينعى
بصِيحته اِتهدم كياني  ...   ولادي صرعي .. ولادي صرعى

بعيني شِفته هالطفوف
وانظر لضرب السيوف


٤_والدة آنه ابوفاتي    ... رِدِت إبني .. رِدِت إبني
يمسح بكفّه عَبرتي  ...  آيحزني  ..  آيحزني

أدري معذور الظّروف
وانظر لضرب السّيوف


٥_طَيرة مذبوحه بفقِدهم .. راحو اعزاز  .. راحو  اعزار
جعفر وعون وقمرهم  .. يجوني جنّاز  .. يجوني جنّاز

اوياهم حسيني العطوف
وانظر لضرب السيوف



🖊خادمة أبي الفضل

#وفاة_أم_السيدة_أم البنين ع
#طور_وحدة_من_اليتامى
#وكأني بأم البنين ع رأت إلامام الحسين ع في الحلم




غربة هالليله يا يُمّه  ..  وشِفتَك بحلمي يغالي
واِسْمحتلي كُون ضُمّك  ..  وتِسمع الصار وجرالي
من رِحت عني وفِقَدتك  ..  ضاعت احلام الليالي
يا عزيز الزهره إرجع  .. طوّل غيابك واتاني


هاذا يا دم اعلى يدك   ..  قلي لا تخفي عليّه
وريحة العباس اشمّها  ..  مِن لِزمت كفوف إديّه
يعني إبني وفىَ دِينه  ..  ولجلك اتوسد وطيه
بالله قلي . والعقيلة  ..  بعده كم غصة التعاني


بالحلم صارت مناحه  ..  ويروي الحسين الفجيعه
امن النّهر صوته إجاني .. وحرّت يا صوب الشريعه
وصلته ودموم اعلى عينه .. ومنه كفينه قطيعه
رِدت أشيله للمخيم .. قلي خليني ابمكاني


🖊خادمة أبي الفضل

#وفاة_السيدة_أم_البنين ع
#أطوار_مختلفة
# تصوير حضور الإمام الحسين ع والسيدة الزهراء عند إحتضار أم البنين ع



مَرّ طيفه على عيوني .. قبل موتي " حبيبي حسين"
وإجَت وياه "حزينه" تنوح  .. تنادي يا فْقِد البنين

#منو هاي الحزينه ...؟

شِفتها وإحترت بأمري  ..  منهي اتكوني يالحره !!!
ابونّتها تِفت الروح  .. وبديّها شايله الصّره
فَتْحَتها وشِفت كفين  ..  دِريت الطّاهره الزهره
كفوف إبني جابتها ..  يغمض لي جفون العين


تصيح بصوت يم عباس .. تِعوضلي فقد الاولاد
تِجازي قطّعة إزنوده  ..  وما تدري بحزن الفأد
لوّن من الوِلد عشره  .. ويرد سالم أبو السجاد
بس جاني الخبر مذبوح .. ع الرمضه وبلا تكفين


#واذا بأم البنين خجلت من الزهراء ع  ومواساتها لها ، نظرت للحسين تسأله تستعلم الحال عن وفاء العباس ، يجاوبها الحسين :


شِفت موتي ييُمّه هناك ..  من راح القمر عنّاي
صاح بصوت يهز القاع  ..  انا العباس انا الوفاي
لهذا اليوم رادتني  ..  أمي التِعبت اعلى رباي
اريد اوفي سهرها بليل  .. وافديلَك كفوفي اثنين


🖊خادمة أبي الفضل

🔰 #وفاة #السيدة_زينب_ع
🔰 #طور_الفراق
🔰 #رجب_1444هـ

انا زينب.. هالعمـر  كضّيتـه  حسـرة
انا زينب.. بالقلب جمـرة اعله جمرة
انا زينب.. والجروح  ابروحي  كَثره

ــــــــــــــــــ ❖ ❖ ❖ ـــــــــــــــــــ

هايه ليله.. بِيهــا   ساعـات  المنيــة
هايه ليله.. بيهــا  الاقي الله ونبيــه
هايه ليله.. بيهـا اشوف امي الزجية


🔰 #نصاري

الوحدْهــا اتمــددت عالكــاع لنهــا
تديـر  العيــن محــد حضــر يمهــا
اخوهــــا المجتبى ماسمــع ونهـــا
ولا المذبــــوح بـرض الغاضريــــة

ـــــــــــــــــ ❖ ❖ ❖ ــــــــــــــــــ

دمعهــا ابعينهــا وتتــوسـد الكــاع
تصيح ابونه وين اخواني  السباع
يحضرون احتضاري ريت هالساع
ويوســدوا جثتي  تحت  الوطيـة

ـــــــــــــــــ ❖ ❖ ❖ ــــــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

https://t.center/elkhafaji110

#وفاة_السيدة_أم_البنين ع
#طور_اولادي_عافوني
# حال السيدة أم البنين ع



ما ظل إلي والي       والونّة تِحلالي
محتارة باحوالي      ريت الأجل جاني


لإبن النّبي الهادي        مُشتاقه و ولادي
إتفطّر ترى اِفادي        و مصابه سلاني 


لطوله الحلو أشتاق     ذوّب دِليلي افراق
موتي ترى مصداق      يا ريته دفاني


من راحت الأحباب     قلبي عليهم ذاب
جرحي ابَد ما طاب    وبشوقي خلاني


دمعه ورا دمعه         قلبي مِثل شمعه
ذايب على الصرعى   بهمهم أظلّ آني


خِلّصت انه أيامي       آ يضيعة اِحلامي
بعد الوِلي الدّامي       موصوفه بأحزاني


🖊خادمة أبي الفضل


https://youtu.be/7gbkZVSP-uw

#وفاة_السيدة_أم_البنين ع
#طور_الفايزي / أومت بديها
#تصوير حوار بين السيدة أم البنين ع وبشر بن حذلم



قلي يا ناعي وشقِلِت عن خير الانساب
عن مُهجتي عندك خبر وكل الاصحاب !!!
قلبي كِسرته من صحت راحو الأحباب
آه شكبرها امصيبتي بخامس الآل

#الجواب من بشر بن حذلم:

مقدر اسولف عالجرى بالغاضريّه
خايف تموتي من الخبر يا أم الشفيّه
ادري مُناكِ يِظلْ عدِل إبن الزكيّه
ويفنى الوجود ويِنعدم و يبقى الهلال

ينعى الشباب الطالعه ويزفر الحسرات
ولادِك ضحايا اتذّبحوا ما يرجع المات
وحامي الظعينه بوالفضل طاح ابمسنّات
و واليك محزوز النّحر طايح بلِرمال

قاللها مذبوح الحِسين والكبد عطشان
ونحره تفايض بالدّمه واطفال رضعان
براس الرمح راسه وتعاين إله النسوان
وسوط الأعادي عالنسِه وبديها الِحبال

#شصاحت أم البنين ...؟

صاحت يا يُمّه شهالمُصاب بقُرَة العين
ابيمناها تِصفق ولِيسار وتصيح يَحسين
وين اليودّيني الطّفوف والطم الخدين
وين اليواسيني وينوح بدمع همّال


🖊خادمة أبي الفضل

#وفاة_أم_السيدة_أم البنين ع
#طور_وحدة_من_اليتامى
#وكأني بأم البنين ع رأت إلامام الحسين ع في الحلم




غربة هالليله يا يُمّه  ..  وشِفتَك بحلمي يغالي
واِسْمحتلي كُون ضُمّك  ..  وتِسمع الصار وجرالي
من رِحت عني وفِقَدتك  ..  ضاعت احلام الليالي
يا عزيز الزهره إرجع  .. طوّل غيابك واتاني


هاذا يا دم اعلى يدك   ..  قلي لا تخفي عليّه
وريحة العباس اشمّها  ..  من لزمت كفوف إديّه
يعني إبني وفىَ دِينه  ..  ولجلك اتوسد وطيه
بالله قلي . والعقيلة  ..  بعده كم غصة التعاني


بالحلم صارت مناحه  ..  ويروي الحسين الفجيعه
امن النّهر صوته إجاني .. وحرّت يا صوب الشريعه
وصلته ودموم اعلى عينه .. ومنه كفينه قطيعه
رِدت أشيله للمخيم .. قلي خليني ابمكاني


🖊خادمة أبي الفضل

#وفاة_السيدة_أم_البنين ع
#أطوار_مختلفة
# تصوير حضور الإمام الحسين ع والسيدة الزهراء عند إحتضار أم البنين ع



مَرّ طيفه على عيوني .. قبل موتي " حبيبي حسين"
وإجَت "وياه حزينه" تنوح  .. تنادي يا فقد البنين

#منو هاي الحزينه ...؟

شِفتها وإحترت بأمري  ..  منهي اتكون هالحره !!!
ابونّتها تِفت الروح .. وبديّها شايله الصّره
فَتْحَتها وشِفت كفين .. دِريت الطاهره الزهره
كفوف إبني جابتها .. يغمض لي جفون العين


تصيح بصوت يم عباس .. تِعوضلي فقد الاولاد
تِجازي قطّعة إزنوده  ..  وما تدري بحزن الفأد
لوّن من الوِلد عشره  .. ويرد سالم أبو السجاد
بس جاني الخبر مذبوح .. ع الرمضه وبلا تكفين


#واذا بأم البنين خجلت من الزهراء ع  ومواساتها لها ، نظرت للحسين تسأله تستعلم الحال عن وفاء العباس ، يجاوبها الحسين :


شِفت موتي ييُمّه هناك .. من راح القمر عنّاي
صاح بصوت يهز القاع  .. انا العباس انا الوفاي
لهذا اليوم رادتني .. أمي التِعبت اعلى رباي
اريد اوفي سهرها بليل .. وافديلَك كفوفي اثنين


🖊خادمة أبي الفضل

#وفاة السيدة ام البنين ع
#يا ام البنين
(خلولي بس ذكراهم)


ألـمـن اعـيش ابـدنيا ما بـيهـه احباب
خـلـونـي كـلـهـم وانـتـظــر دگـت باب

           كـلشـي أنـعـدم ويـاهـم
          خـلـولـي بـس ذكـراهـم

*--------------------*-------------------*
انتظـر واحـسـب ليالي حصّلت بـس السهر
طالـت الغَيبه عـلـيّـه وصـارت ليـوم ابشهر
جرحت الدمعه جفوني ورسمت بخدي نهر
الـوالـده التـفگـد رباهه حقهه يكتلهه القهر

مـابـيـه اصبـر والگلب ضل متعوب
اه شكبرهـه حسرتي بـكـل اغـروب

ويـن الـزمـن وداهـم

*---------------------*-----------------*

مـلّـت اردان الـعبـايـه لشوكت امسح دمع
رجَوتي ايرجعون أليه وكلمت اليُمه استمع
راح امـوتن يـا الاهي يـمـتـه بيهـم انجمع
هيچي خلاني زماني اشـبـه الحال الشمع

بالغربه ضليت ابجرح واصعب حال
اغــفــه وافـزن والـصـور وي الـبـال

اشلون المشوا انـساهم

*--------------------*-------------------*

الـبُـعـد شـيّـب دليلي وذبـلـت اسنين العمر
ماتت اضنوني ابجفاهم والگلب مثل الجمر
انتـظـر طيف الحبايب بلكت ابـنـومـي يمر
الجـفـن ألّهـم جرحته ونزلت ادموعي حمر

اسـأل وسـولـف للهوى مـن ايـفـوت
امضيّعه شبان اربعه وشفت المـوت

لاخـر حياتي انـعاهـم

*-------------------*--------------*

ازرع آمـال بـصـفـنـتي والـنـظـر يـم الدرب
مظلمه ابعيني المدينه وشيّب الراس الغرب
كلشي بالـدنـيـه كرهته ريـتـه غطاني الترب
الـحزن خـيّـم علـيّـه والـزمـن مـعلـن حرب

تلفي الـمسـيـه والـحـزن بيّه ايزود
ارفـع اديّـه وادعـي رب الـمـعبـود

الدوم ألهج ابطرواهم

*------------------*-----------------*

شـاهـد الليل وظـلامـه عاشرت نـجـم السمه
وحشه بعيوني المدينه وكلهه صارت مظلمه
حـتـه دمعاتي الاهلهه حـمـره وبـلـون الدمه
حيـره حيّرني زماني وخـلـه هـيـچ الخـاتمـه

غايب خبرهم بالمشوا مدري اشصار
بُـعـد الـغـوالـي يـا خـلـگ نـار ابـنـار

ابـروحي ضل رجواهم

*----------------------*----------------*

احسيني عذبني ابغيابه وخله روحي معلعله
احـلــم أيـرد واشـوفــه الاربــعــه فـدوه ألـه
ابساعة العافاني وحدي عمري ما لحظه حله
بـالـوطـن واشـعـر غـريـبـه بالي يَمه ابكربله

خلصت دموعي وما بقت دمعة عين
صعبه اموت وما اصد طول حسين
ابـن الـزچـيه اغلاهم

*---------------------*----------------*

✍خـادم ام البنين ع
الشاعر رعد الجريخي

#وفاة السيد أم البنين ع
#وزن - الحدي



حَسَت  منيتهه  احضَرت
      دموع اعله خدهه تگاطرت
بدفنتهه    ويلي    تحيرت
       لا  عمد   عدهه   ولاتچيه

منوتهه    لولاد     اتحضَر 
       أم   وگطع    بيهه   الدهر
بلچن    يگصرون   السفر 
       ويلَحِگون   اعله    الوفيه

يولاد     حيدر       يازلم 
     انتو   وي  عباس    الشهم
ساعاتي   بيكم   آنه  اهم
       وبكل صباح  وكل  مسيه

بيضتوا وجهي  ويه الولي 
        وهمومي   بيكم   تنجلي 
لفراگكم    دمعي    يهلي 
       واليوم   حضرتني  المنيه 

مفجوعه  خلّصت   العمر
      وخلافكم    ماظل    صبر
سهرانه    ليلي    وانتظر
      عبراتي   ودموعي  جريه

آه    اشكبرهه   امصيبتي
      أنحب   واجر    بحسرتي
منهو    اليشيل   جنازتي
      نمتوا  عسن  نومه  هنيه

لمن    يوسدوني    بلحد 
      چني      أعاين      للولد 
لا  واحد   المنكم     يرد
      والفاتحه    يقراهه   ليه


#سمير_الصالحي
#النجف_الأشرف

#وفاة_السيدة_أم_البنين ع
#طور_ الجفيري /زينب إجت لحسينها
#لقاء السيدة زينب ع وأم البنين ع



زينب تحاكي ام القمر
قِعدي اسولِفلِك خبر
شرايك طِلعنه اعالهزل؟
بعد الجلاله والفخر

زلم  واجانب بالدّرِب
تنظرني حيل وانضِرِب
وعيوني تِشبح للرمح
وحبل بإديه وانسِحب

#يا رمح يا زينب ، أخبريني بنية!!! هل وفى العباس ببيعته، هل وفوا اولادي ببيعتهم للحسين ؟؟

تقلها يزينب بت علي
قوليلي شخباره الولي
قطّعتي قلبي من البكي
بلكت همومك تنجلي

#تجاوبها زينب ع

ابن امي راسه اعالرمح
ونحره يا يُمّه منذبح
جسمه طريح ومختضب
الف وتسعمية جرح

اربع كواكب عالثره
خُوتي ضحايه اموذره
يا ريته وياهم متت
عنهم خذوني ميسره


🖊خادمة أبي الفضل

#ابو_ذيات
#وفاة خاتم الأنبياء والمرسلين صلى الله عليه واله
لسان حال مولاتي فاطمة الزهراء عليها السلام الشاعر يصف الصورة



خَذوا نعشك يضي عيني .. وراهم
صحت چم صوت يابويه .. وراهم
گضيت الليل هم يتبع .. ورا هم
يبويه او لا بگه كل حيل بيّه

.. .. ..
.. .. ..


بدرك ياشريچ العگل .. ونحل
عودي ذبل من ابچاي .. ونحل
تفرّگ حيف شملي وياك .. ونحل
ارحلت عني وبگيت اصفج بديّه

.. .. ..
.. .. ..


عگبك بالحزن والهم .. بدينه
ندامه و آه بس نصفج .. بدينه
ابوي السيَّد الامه .. بدينه
بس عني مشه انگلبوا عليّه



#نعي مجاريد


الليله يابويه المدينه
ظلت عگب عينك حزينه
شخصك يبو ابراهيم وينه
منك بعدنه مرتوينه


ماتجي وتشوف الزچيه
وناتهه الليله شجيه
الدار من وجهك خليه
مابيهه نورك هلمسيه


حيلي گضه بالونه والنوح
وگلبي يبو ابراهيم مجروح
يالچنت وي بتك فرد روح
خليتهه بالدار وتروح


آنه وياك روح بروح چنه
وثنينه ننضح محنه
ظلت بگلبي عليك ونه
ياحيف بويه تشيل عنه


#نعي نصاري :

اشم اتراب گبرك واجذب الآه
على وجهك يغالي الضيعيناه
نورك ياحبيبي اللحد غطّاه
وأنه فوگ الگبر بترابك اشتم


ترابك من اشمه اطيب الجروح
لون ميته ترد بعطرك الروح
ماحصّلت من ابچاي والنوح
على گلبي الحزن بجفاك ملتم


ملتم الحزن بالگلب بجفاك
يريت الموت ياخذ بنتك وياك
شلون اسلى يبويه واگدر انساك
واشم عطرك اشما لعذيبي نسّم

ام محمد الحجاج