قناة خطباء المنبر الحسيني للقصائد

#الليالي_الفاطمية
#ابو_ذيات
#كاني بأبناء السيدة فاطمة عليهم السلام عند قبر جدهم رسول الله صلی الله عليه وآله  يشكون فقدهم لامهم  ..



نخبرك جينه ياجدنه  بلمنه
بلوه الوكت من بعدك بلمنه
دنيانه اصبحت ظلمه بلمنه
الچانت ضاويتهه امنه الزچيّة

... ...
... ...

اجيناك بمدامعنه ولمنه
لا انت بقيت النه ولمنه
ياحضن المدفّينه ولمنه
بحنانه فاگدينه بهلمسيه

...  ...
  ... ...

جبنه همومنه ياجد  وجينه
تره احنه بنار فگد امنه وجينه
لون ابوجه ابونه نصد وجينه
دمعنه ودمعته يصبّن سويه

... ...
  ... ...

حنين وحزن ياجد حار بينه
بحزنه يحير ابونه حار بينه ؟
لون يطلع بدينه حاربينه
لچن اصبرنه من اجل الوصيّة


لاحول ولاقوة الا بالله العلي العظيم

ام محمد الحجاج


https://t.center/ommohamadalaebaadey

#ابو_ذيات


ليلة وحشة الزهراء عليها السلام
لسان حال الحسن والحسين وزينب سلام الله عليهم

وين اللي حضنهه بعطف  لَمنه
اعله دهر الخان بيهه اشكثر لِمنه
اشيصبره الگلب من يشتاگ لُمنه
وغفت مابين طبگات الوطيّه


يازهراء

ام محمد الحجاج

#ابو_ذيات
#لسان حال السيدة زينب ع عند دخلوها الكوفة


▪︎....مولاتي زينب عليها السلام لما وصلت الكوفة هي والسبايا  يذكر الخطباء بان ادخلوهم الی سوق الكوفة ليتفرج الناس عليهم وهم مقيّدين بالحبال 
وكاني بها نادت ..

بويه ياعلي طايح .. حملنه
بعد ماظل يبو زينب .. حملنه
الشمر فوگ الهزل غصبن .. حملنه
اصبحت بالسوگ يفترون بيه 

.....
.....


ياعلي ياعلي يابويه

اسيره والحبل ملفوف .. بيداي
بعيده كربله واگطعت ..  بيداي
بس انه وعليل حسين ..  بيداي
نخيت تگوم ياحامي الحميّة

.....
.....


الجفن خلّص يبو زينب .. وشيله
ثجيل الحمل ما اكدر .. وشيله
يبويه اريد عصابه .. وشيله
يحيدر مولحن ذن العليّه

.....
.....

علي يابويه


تعال وشوف  بويه  .. مايرالي
يحيف الدمع من دم  .. مايرالي
يبويه الچان ظلن   .. مايرالي
سباني وهل مشه حداي بيّه



أم محمد الحجاج 

#ابو ذيات
# لسان حال السيدة زينب عند شط العلقمي



عباس 💔

شلون الفاقده مِثلك .. شملها ؟؟ (شو إلها)
ما يوم الفرح لإختك .. شمَلها
عسنها امقطعه ايميني .. وشملها
وعلى الشاطي إلي تلفي المنيّه


🖊خادمة أبي الفضل

#ابو ذيات
# لسان حال السيدة زينب عند شط العلقمي



عباس 💔

شلون الفاقده مِثلك .. شملها ؟؟ (شو إلها)
ما يوم الفرح لإختك .. شمَلها
عسنها امقطعه ايميني .. وشملها
وعلى الشاطي إلي تلفي المنيّه


🖊خادمة أبي الفضل

#ابو_ذيات
#وفاة خاتم الأنبياء والمرسلين صلى الله عليه واله
لسان حال مولاتي فاطمة الزهراء عليها السلام الشاعر يصف الصورة



خَذوا نعشك يضي عيني .. وراهم
صحت چم صوت يابويه .. وراهم
گضيت الليل هم يتبع .. ورا هم
يبويه او لا بگه كل حيل بيّه

.. .. ..
.. .. ..


بدرك ياشريچ العگل .. ونحل
عودي ذبل من ابچاي .. ونحل
تفرّگ حيف شملي وياك .. ونحل
ارحلت عني وبگيت اصفج بديّه

.. .. ..
.. .. ..


عگبك بالحزن والهم .. بدينه
ندامه و آه بس نصفج .. بدينه
ابوي السيَّد الامه .. بدينه
بس عني مشه انگلبوا عليّه



#نعي مجاريد


الليله يابويه المدينه
ظلت عگب عينك حزينه
شخصك يبو ابراهيم وينه
منك بعدنه مرتوينه


ماتجي وتشوف الزچيه
وناتهه الليله شجيه
الدار من وجهك خليه
مابيهه نورك هلمسيه


حيلي گضه بالونه والنوح
وگلبي يبو ابراهيم مجروح
يالچنت وي بتك فرد روح
خليتهه بالدار وتروح


آنه وياك روح بروح چنه
وثنينه ننضح محنه
ظلت بگلبي عليك ونه
ياحيف بويه تشيل عنه


#نعي نصاري :

اشم اتراب گبرك واجذب الآه
على وجهك يغالي الضيعيناه
نورك ياحبيبي اللحد غطّاه
وأنه فوگ الگبر بترابك اشتم


ترابك من اشمه اطيب الجروح
لون ميته ترد بعطرك الروح
ماحصّلت من ابچاي والنوح
على گلبي الحزن بجفاك ملتم


ملتم الحزن بالگلب بجفاك
يريت الموت ياخذ بنتك وياك
شلون اسلى يبويه واگدر انساك
واشم عطرك اشما لعذيبي نسّم

ام محمد الحجاج

#ابو_ذيات
#يوم_الحادي_عشر



طلعت اعلى الهزل عيني / تراكم
وعدّد كم جرح بيكم / ترا كم ؟
همومي ودمعتي وحزني / ترَاكم
وصرت اوميلكم بثنين إيديه


🖊خادمة أبي الفضل

#ابو_ذيات
#إستشهاد مولاتنا فاطمة الزهراء عليها السلام .. .. ..



ويّه امي تموت الروح .. ودهه
فگدهه اصعب امن الموت .. وادهه
يادفان زينب تعال .. ودهه
وره امها تبات عدهه بهلمسيه

.. .. ..
.. .. ..

وينه اللي يودينه .. وره امنه
گبل لاتندفن نوصل .. وارى امنه
من الحزن والحسره .. ورمنه
نريد اعله الگبر ننصب عزيه

.. .. ..
.. .. ..

ابونه شلون بالظلمه .. وراها
خذاها واسف مارحنه .. وراها
اكون احضرت دفنتهه .. واراها
دفنهه شلون حماي الحميه

.. .. ..
.. .. ..

غفيتي بلحد مظلم .. والترابه
وعيني لدربچ اتصد .. واتّرابه
التغطينه بحنانچ .. والترابه
بوسط حضنچ شبع بعدچ اذيه

.. .. ..
.. .. ..

يايمه انهدم حيلي .. امنهدما
مشيتي . وحگي الچ حيلي .. امن اهدمه
( وان ) يگول اسمعه .. وامنه هد ما

حشمهه وال( وان ) صارت منيّه


.. .. ..
.. .. ..


أم محمد الحجاج

#ابو ذيات

الليلة جمعة مولاي ياصاحب الزمان روحي فداك .. .. ..


على الزهره مدامعنه .. نسلهه
يمهدي سيوفنه يمته .. نسلهه
ياجمعة التمر يظهر .. نسلهه
ويدلينه على گبر الزچية


المصيبه هاي مانحمل .. وزرها
غدت ماتنزر جروحي .. وازرها
متى يصبح ضريح الهه .. وزرها (وازورها )
والزم بابهه بثنين اديّه


أم محمد الحجاج

#ابو ذيات
#رحيل الرسول الاعظم صلى الله عليه واله ..


عونه اليگصد الهاشم .. وحيهه ( الحي الذي يسكنون )
يواسي اليوم ميتهه .. وحيهه
من سابع سمه ينعه .. وحيهه
مات الهادي ابو الزهره الزچيه


وامحمداااااه

ام محمد الحجاج

#ابو_ذيات
#لسان حال الامام الحسين ع عند العباس ع:


تمنيت الجرح بيه .. ونبله
وسهم عينك طُفى عيني .. وانا ابلا
اعود شلون للخيمّه .. وانا ابلا
اخويه الظل على الشاطي رميّه

🖊خادمة أبي الفضل