قناة خطباء المنبر الحسيني للقصائد

#طور_زينب_إجت_لحسينها
#لسان حال السيدة زينب ع



يا دافني الرأس عند الجثة إحتفظوا
بالله لا تنثروا تُرباً على قمرِ

لا تدفنوا الرأس إلا عند مرقدهِ
فإنّه روضةُ الفردوسِ والزّهر

#وكأني بمولاتنا زينب تخاطب راس الحسين قبل دفنه عند الجسد


يا راس اخويه المنذبح
شِفتك عجيبه عالرمح
بعيِنَك تباري للحرم
وانا اعاين للجرح

أذكُر عيونك سايله
ساعت ضربني حرمله
وبسوطه ورملي المتن
وهاذاني عِدت لكربله


راح اروي خويه بس امر
تدري الجرالي بالقصر
شِفتك وسط طشت الدعي
والظالم يصدني بنظر

شيبك عفير ومختضب
وبخيزرانه ينضرب
وتعاينه خويه الحرم
واشفافك ادمومك تصب

#بعد شو حالة الراس الشريف واللعين ينكثه بالخيزرانه

إعذِرني اوصفلك تره
اسنانك اويلي مكسره
والشيبه متروسه بدمه
وعطر الوديعه ابمنحره


🖊️خادمة أبي الفضل

#شهادة_الإمام_الحسن_المجتبى ع ع#طور_يا_ليلة_الحادي_عشر
#حزن السيدة زينب ع على اخيها الحسن عليهما السلام




همومي الشِفِتها بالعمر  .. منها تِشيب الأيام
طود الصّبر مني انهدم .. واتبددّت الاحلام


جبدك تسمم والوجه .. متغيرات الوانه
نايم على فراش الأجل .. والعيله تبكي اويانه
عقبك يخويه لو رحت .. اقضي العمر حزنانه
خويه الحسن فقدك ألم  ..  يِسعر لهيب الالآم


حسبالي تبقالي وتظل  .. خيمة علينه وافياي
كنّك أبونه بحنوتك ..  وامي من تكون اوياي
فقدك وسط قلبي جرح  ..  انت الجرح وانت ادواي
مشتاقة من هسه إلك .. يا بدر سعدي التام

#وكأني بالحوراء ع تصف لأخيها الحسن حال الحسين :


انظر اخونه بيا وضع  ..  باكي وتهل ادموعه
ظهره حِناه ابكل حزن  ..  يبكي ولِزمها ضلوعه
ينادي على الزّهره تجي  ..  تِشعل لِبنها شموعه
عينيني يا يَمّه يصيح  ..  جرح الأخو ما يلتام


🖊خادمة أبي الفضل

#طور_الخضيب
#السيدة_رقية ع
#لما نظرت السيدة رقية الى رأس أبيها الحسين ع:


تِمسح دمومه اتقَبّله / تِقراله تّعزيّه
من عاشر محرم وانه /  منتظره لك جيه
انظرني وافتح  هالجفن / بنتك انه ارقيه
قلبي  ابغيابَك انكسر / محرومه حِنيّه


#وكأني صارت تمسح بكلتا يديها الناعمتين وتشتكي له وتنادي أبه يا حسين  ضربونا .. شتمونا .. سبونا من بلد إلى بلد :

تعبانه من درب السّبي / ومورمه اجدامي
خِذني يا غالي اتعذبِت /ما رايده ايامي
جاوينه جسمك ما أرى / بس النّحر دامي
خَلّني على الراس ارتمي  / وتتحقق احلامي


🖊خادمة أبي الفضل

#شهادة_الامام_زين_العابدين ع
#أطوار_مختلفة
#وكأني بالإمام زين العابدين تمنى حضور أبائه واجداده ، تمنى حضور الزهراء ع ليبث لها همومه واحزانه:



انا السّجاد يا يُمّه .. تعالي الساعه حُضْريني
انا من عاشِر محرّم  .. انازِعْ خِلْصَتْ اسنيني


عليل وزادت العلّة  ..  من شِفْتِ الشهيد حسين
ظامي ما شِرَب مايه .. ومنّه منقِطِع الوتين
صدره مرضرض .وقلبه .. طالع بالسهم ثِلثين
شَروِيلِك بعد يُماه  .. يريت اهناك إنعمت عيني


شلون أنسى الجرى والصار  .. وانا بالمرض حاير
لهيب النّار حْرَق الخيام .. وباذيال العِبي صاير
وشِفت الخيل تِجي وتروح .. وبصدر الولي حافر
وبسوطه الشِّمر طَقها .. لعمِّتي بس يأذيني


ومَرار الما نِسِيته بيوم .. سَبوني وعَمِّتي للشام
وعلى بوّابِة الساعات .. نظرات الشّماته اسهام
والجارِحني في روحي .. حريم حسين وسط ظُلاّم
وعلى زينب تصد العيون .. ويزيد يصيح تحاكيني


🖊️خادمة أبي الفضل

#طور_الجفيري
#يوم_العاشر
#بعض_وصايا_ الإمام_ الحسين عليه السلام لإخته السيدة زينب ع يوم العاشر



▪︎... ناداها اوخية زينب عودي إلى الخيام واحفظي ليه العيال والأطفال :


عودي يا زينب للخيّم
باري بناتي والحَرَم
بحق الكفيل على النّهر
وفييّ عليهم بالعلم

هوني عليَّه كل أمُرْ
روحي قبل حزّ النّحر
كل عمرك بآه وشجن
كافيك زينب كل قهر

روحي لخيامي التلتِهب
تِدري ابناتي ترتِعب
لو جاهم الظالم ترى
ويدفعهم لوجه التُرب

زينب  ... 💔

ساعة وتشوفيني رَمِي
وتصبح بناتي ابلا حَمِي
ويهجم عليهم ناصبي
ويسلب متاع امخيمي


#وكأني بالجواب من مولاتنا زينب :

انا بعيني يبو اليمّه اباريهم
وباحضاني اذا الناصب إجه اعلِيهم
عساه الينذبح نحري وتِرد ليهم
يا خيمة اللي تِفيهم وتظل سالم

ما اقدر اشوفك نايم ومطروح
وبجسمك تسعمية والف وجروح
وعلى صدرك حوافرهم تجي وتروح
وانا بعيني اشوفن لا عظم سالم


#طور_إسمع عتابي

خليني شِمّك  ..  خويه وضُمّك
من قبل ذَبحك  .. يا مدلل أُمك

لو بيدي أمري  .. انطيك انه عمري
وسهم المثلث .. بضلوعي يسري

صعبة عليّه  .. تنظر عينيه
تسحن ضلوعك .. الأعوجيه


🖊خادمة أبي الفضل

#محرم_١٤٤٦
#الليلة_الثانية
#طور_الجفيري
#وداع_قبر_السيدة_الزهراء ع



إدعيلي يمه ابسفرتي
ربي يِهوّن غُربتي
يصبرها زينب من تِشوف
حَزّ اللعين برقبتي

رايح طريقي لا رجوع
وقلبي ابوادِعك بس يلوع
مو بيدي مطرود وشريد
مثلِك يهشمولي الضلوع

لو أقدر لتُربِك أزيح
ويَمك أنامن واستريح
ما فارق لحضنِك ابد
حضريني يُمّه بسريع

#وكأني بصوتٍ من داخل الروضه المباركه

راح أحضر وبيدي الشمع
عفية اعلى قلبَك والضُلع
وقربانك الأعظم بعد
طفل الصغير المنصرع


🖊خادمة ابي الفضل

#محرم_١٤٤٦
#الليلة_الثانية
#طور_الجفيري
#وداع_قبر_السيدة_الزهراء ع



إدعيلي يمه ابسفرتي
ربي يِهوّن غُربتي
يصبرها زينب من تِشوف
حَزّ اللعين برقبتي

رايح طريقي لا رجوع
وقلبي ابوادِعك بس يلوع
مو بيدي مطرود وشريد
مثلِك يهشمولي الضلوع

لو أقدر لتُربِك أزيح
ويَمك أنامن واستريح
ما فارق لحضنِك ابد
حضريني يُمّه بسريع

#وكأني بصوتٍ من داخل الروضه المباركه

راح أحضر وبيدي الشمع
عفية اعلى قلبَك والضُلع
وقربانك الأعظم بعد
طفل الصغير المنصرع


🖊خادمة ابي الفضل

#محرم_١٤٤٦
#أطوار_مختلفه
#يوم_الحادي_عشر
#وكأني بحوار بين السهم المثلث وخيول الاعداء




#طور انه اللي شفت نارين

ما بين السهم والخيل كل واحد يسولف حال
يروى الصار على الحسين طايح نايم ابلرمال

#يسولف السهم المثلث...

انا اللي صِبت قلبه وطلع ثلثين من ظهره
شفت حسين تلقى الدم قبل يوصل على الغبره

💔ليش ؟؟؟

خضب بالدمه الشيبه ونادي للنبي العدنان
بهذا الحال تشوفوني يجدي والقلب قربان

#أخذ يلطخ شيبته بدمه وهو يقول :
هكذا القى جدي رسول الله وانا مخضوب بدمي

سمعت بسالف الإيام  حديدة لانت لداود
حسين اعظم صدق وازكى عساني ما كنت موجود

#إشجاوبه الخيل 💔

#طور تمنيته يدوم الليل

قلبه واحد اتصوب ما مثل الحوافر حيل
لفت تطحن ضلوع حسين  وامه تصيح يُمه بويل

يتقلب على الرمال جسمه مبضع ومرمي
عشر خيول فلا رحموه وقميصه اتمزق ومدمي

آيمولاي     آيمولاي    آيمولاي


#طور الجفيري

لِيت الخيول اتعقرت
ولا حرمه ويلي اتعثرت
من شافت حسين الولي
وزينب تنادي اتحسرت

طايح اخويه ولاطمه
حضريني يمه فاطمه
ضلوعه اخيّه مكسره
ومدمعها سايل كن دمه

هاذا قميصه بيه خبر
سهم وحوافر .دم نَحر
وجسمه طريح ابلا كفن
وبعده خذونا للإسر


🖊️خادمة أبي الفضل

#يوم_العاشر
#طور_يا_ناقتي( للسيد علي حجازي)
#نداء السيدة زينب ع لأمها الزهراء ع عند مصرع الإمام الحسين ع



وافاطماااه      عوفي اللّحد يُمّه بسريع
وافاطماااه      نحر الأخو يِنزِف قطيع
وافاطماااه      وابثوبه دم امن الرّضيع


يا زهرتي      بصدرهَ الشّمر صار وقَعَد
يا زهرتي      يِذبح أخويه ها استَعَد
يا زهرتي     وابذبحه يتفاخر بَعَد


خويه إنذِبح     وَيّاكِ جِيبي مبخره
خويه انذِبح     خاطر تِبَخّري منحره
خويه انذِبح     واعظامه يلي امكسّره

#نعم مولاتي يا زينب حضرت أمك الزهراء بروحها يوم العاشر
ولكن من الذي حضر معك ليلة الحادي عشر
وانت وحيدة .. غريبه .. مهمومه ..لا محامي ولا كفيل، وقد بعث اللعين عمر بن سعد من يحرسكن..
#وكأني هنا نادت على أبيها علي

يا والدي  
وينك تجيني كربله
وارجالي كلها امرمله
وحارسنا صاير حرمله


🖊خادمة أبي الفضل

#ليلة_الجمعة
#طور_لفي_عاشور
#مهداة الى روح الشهيد السعيد إسماعيل الزين


▪︎عن جعفر بن محمد بن قولويه في المزار، عن أبيه، عن سعد، عن أحمد بن محمد وأحمد بن إدريس، عن العمركي، عن صندل، عن داوود بن يزيد، عن أبي عبدالله قال:

من زار قبر الحسين في كل جمعة، غفر الله له البتة، ولم يخرج من الدنيا وفي نفسه حسرة منها، وكان مسكنه مع الحسين بن علي .


بليالي الجمعة نتمنى نسافر كربلاء  النوح
بضريح حسين نتعفر  نزوره والقلب مجروح
نطوف بحضرته ونسعى ونونّ لطيحته مذبوح
من حِضرت إله أمّه وشافت منحره منحور



#وكأني بالموالي بعد يستمهل ملاك الموت لزيارة قبر الحسين ع


ولون جاني ملاك الموت وقَاللي بعد ساعه
أقله امهلني الزيارة وأبكي الكسروا اضلاعه
أزوره زيارة الِ وداع وحزني يطلق اشراعه
على الراسه بلا وساده وكبده من الظمأ مفطور


واترجاه إلي يحضر وسط قبري يشرفني
واذا هالو عليّ التراب بحنانه ريت يِطمّني
حنون ويكرم الزاره وللجنّة يوصلني
حق العين إله زمزم وحزنه بالقلب محفور


🖊خادمة أبي الفضل

#شهادة_أمير_المؤمنين
#نعي / طور الفراق
#وكأني بجلوس السيدة زينب ع عند قبر أبيها أمير المؤمنين



صاحت يل تدفنون ابونه
بهيده نتودع اوياه تخلونه
يصعب فراقه عليّ وتِدرونه
حَنين وعشرته حلوة تعرفونه

خذوني وياكم اتمدد بكتره
واشم تابوته للغالي واخبره
والله فقد الابو للبنت حسره
يكسر قلبها ويلتهب بجمره

من دمع عيني لاسقي اترَابه
وأقيم النّوح كل ساع يااا يابه
مو عادت الوالد يطوّل غيابه
الخذاه الموت واعيوني اعلى بابه

شحلات الليالي اوياك يالغالي
يالكنت اهلي وعزوتي ومالي
اريد الليله رسم وجهك اقبالي
بالحلم  مُرني يهيد دلالي



آيبويه     قبرك الليلة مزاري
آيبويه      عنده اشكي كل مراري
آيبويه      ما اريده هسه داري

يا رجانه    بقلبي تسعرلي حسرتي
يا رجانه    عالوجن اهمل عبرتي
يا رجانه    قبرك يهيج جمرتي


وينه عيدي      نايم الغالي بترَابه
وينه عيدي      والدي طوّل غيابه
وينه عيدي       ميت وآنه بثوابه


🖊خادمة ابي الفضل

#شهادة_الإمام_الكاظم ع
#طور_الجفيري
#لحن ما قلك الضلع إنكسر( للسيد حجازي حجازي)
#وكأني بالإمام الكاظم ع يحدث أمه السيدة فاطمة ع بين مصابه ومصائب كربلاء



توجعني يُمّه السِّلسِله
تذكرني آه بكربله
يوم اللي مَشوا العايله
وعمتي بحبال امألمه


بجيدي السلاسل والأثر
بس راسي سالم والنّحر
مو واحد الداس الصدر
وخله الضلوع  امهشمه


والأصعب عليّه واشد
قبل الينزلوني ابلحد
لفولي باكفان الجسد
ولا عاري جسمي .فاطمه


الشيعة يا زهره امجمّعه
تبكي السجين اتشيّعه
بس جدي وحده ابمصرعه
والشيعه ونّها للسمه


لبنتي وِصل ليها الخَبَر
وظلت توّن امن القهَر
ما واحد الصدها ونظَر
يضرب متنها ايورمه


🖊خادمة أبي الفضل

#شهادة_الإمام_الكاظم ع
#طور_خلّ_إيدك_بإيدي /حضريني يالزهره
#وكأني_حضور_الزهراء_ع_عند_الكاظم ع



جِيت السّجن أنعي  ..  ما خَيّب اظنونك
دَليني بس صوتك  ..  امقيد يخلونَك
أمك إجيت انه  ..  عيوني يشوفونك
بحضني اوسدنّك .. وغَمّضلَك اعيونك


بونيني والحسره   ..  والدّمعه هماله
أنظُر وصد وجْهَك  ..  متغَيّره احواله
واشفافك امْذَبّله  ..  وجِسْمّك بِ أغلاله
ما فاضت اجروحه  ..  ما اتوزع اوصاله


الشّيعة حزنانه   ..  وتتنطر ارجوعَك
مجتمعه ملهوفه  ..  تِترقب اطْلُوعُك
يا يُمّه يالكاظم  ..  طَفُوْلَك شمُوعَك
بس الجسد سالم  ..  مَا مكسرة اضلوعك


شمسويه دَلوني  ..   بولادي فجعوني
واحد برض الطَفوف  ..  وين اليعينوني
و واحد برِض طيبه  ..  وبكبده أذُوني
وللكاظم الليله  ..  بهمومه واسوني


🖊خادمة أبي الفضل

#رحيل_السيدة_زينب ع
#طور_الجفيري



▪︎... اين المنادون مع زينب "يااا حسين "  لا شك حضرها الحسين الحنون الرؤوف ،هم يحضرون عند كل موالي لحظات الإحتضار كيف اذا كانت زينب روحي فداها من تحملت ما لم يتحمله أحد حتى صارت للأحزان كعبتها وللرزايا قبلتها .. يحضرها يمسح دموعها ، يُبرّد فؤادها .. ولسان حالها :


اهلا ب خويه بوعلي
شرّفني هِسى بمنزلي
هوّ ليغمضلي الجفن
وهمّي بوجودَه ينجلي

قرِبلي اتحسس ضلع
مشتاقة خويه ونِجتمِع
يا ريته ضلعي المنكسر
ولا شوفك انه بهالوضع

خَلني أشمّك بالصدر
وراسك أركبه عالنّحر
بلكت جروحي تنلجم
وإرجع اراويلك خبر

ذبحوني من يوم السّبي
ينظرني داني واجنبي
وبسوطه يضرب عالمتن
ما شفنه خويه ولا أبّي

#وكأني بزينب اختنقت بعبرتها .. ليش يا موالي ...؟وين راح قلبك ،ما هي المصيبة التي تخاف ترويها وتفجع قلب الحسين :

إعذرني خويه لو قلت
لمجلس أُمية اُدخِلت
وراسك يخلونه بطِشت
ساعتها موتي هم شفت



🖊خادمة أبي الفضل

#وفاة_السيدة_زينب ع
#طور_الجفيري
#وكأني بالسيدة زينب ع تتمنى حضور الإمام الحسين ع عند إحتضارها .



حسيني أريده بموتتي
يغمض عيوني مُنيتي
مشتاقه شمّه بالصدر
واحكي الجرالي بسفرتي

خليني أشبع ضمته
وداوي الجروح ابجبهته
ما همي حالي والمتن
كله يهون بشوفته

راح اروي عن درب السبي
ما يمنا إلا ناصبي
وبديّه ملفوف الحيل
ويضربني حيل الأجنبي

يخوفي يحضرني وذبيح
ونحره اشوفه بدم يسيح
راح انعي والطم بالعويل
حتى اموت واستريح

#نعي فايزي

صعبة اشوفك يالأخو منقطع نحرك
وبعد الذبح حيل الخيول داست ابصدرك
مثل أمي ضلعك منكسر حيرني أمرك
راسك على راس الرمح وعينك عليّه


🖊خادمة ابي الفضل

#وفاة_السيدة_أم_ البنين ع
#طور_أومت_بديها
#وكأني بالسيدة أم البنين ع تخاطب طيف العباس ع عند الإحتضار



قالولي يُمّه شالجرى بعاشر ابعاشور
جِيت الفرات وما رَوّيت قلبك المفطور
اكفوفك قطيعه من الزند ودمومَك تفور
وا باقي زندينك شِلت الرايه والجود

قالولي عن مُهْرَك طحت وبليا إدِين
وحضرتلَك الزّهره وتقول انا ام الحسين
بحضني تِلَقيِتَك رِدت لجل أم البنين
جازي تعبّها والسهر وقطعة الازنود

قالولي من جَالَك أخوك وضًمّك بالأحضان
شاف السهم بالعين وانت بوضع تعبان
منه اخجلت أدري بعد ياقمر عدنان
ماكو مثيلك بالوفه يالوفّيت العهود

#بعد بما أخبروك يا ام البنبن :

قالولي للحرة ابعَثِت يا يُمّه سلام
وقتله يخويه لا تِجي اتظل بلخيام
لكنها من صار الذّبح وهجمّت الظّلام
ركضَتْ الى شط النّهر مدمعها بلخدود


🖊خادمة أبي الفضل

#وفاة_السيدة_أم_البنين ع
#طور _الفراق
#لحظات إحتضار السيدة أم البنين ع




وينه غايب      عيوني تربي هالمسيّه
وينه غايب      راح اموت ابهالعشيّه
وينه غايب      حلمي لحظة يمر عليّه


يمّه إحضر      بيدك اتغَمّض عيوني
يمّه إحضر      شابت الدّمعه بجفوني
يمّه إحضر      جاني موتي تِدفنوني

#آآه يا ام البنين وين المدينة وين كربلاء ؟؟؟

يا عجيبة     ما حضر عِدها قمرها
يا عجيبة     ما أحد منهم حِضرها
يا عجيبة     ما أظن واصل خبرها


#وكأني بالحسين وصل إليه خبر ام البنين وراح ناحية العباس ،يقله :

يا بوفاضل     أمك تنادي الحنينه
يا بوفاضل     وينه إبني مغرّبينه
يا بوفاضل     انهض نروح المدينه


جِيتَك حزين ومنفجع هاك كفوف إديّه
نروح المدينه بالعجل نِحضرها الوفيه
حق الربايه والوفه بساعات المنيّه
قَضّت عمرها شايله احزان الرزية


🖊 خادمة أبي الفضل

#وفاة_السيدة_أم_البنين ع
#طور_مستهل_ساعة_اوداع الزكية
# أمنية أم البنين ع عند ال إحتضار



حلم عندي ومُنِيتي    ..  يجي المذبوح
حانت اللّيلة مَنِيتي    .. ابونّه وي نوح

طوله والمنحر اشوف
وانظر لضرب السّيوف


١_عمري قَضيته بمناحه ... وانظر ايعود .. وانظر ايعود
بفرقِته ما عندي راحه ... ودربي مسدود  .. ودربي مسدود

دمعي من عيني ذَروف
وانظر لضرب السّيوف


٢_خِلصت ايامي برزيّه  ...  ذبحوا حسين  .. ذبحوا حسين
واعلى صدره الأعوجيّه  ... اشعملِة البين  .. اشعملِة البين

صاير بصدره خسوف
وانظر لضرب السيوف
   

٣_موتي من يوم الإجاني ...  النّاعي ينعى  .. النّاعي ينعى
بصِيحته اِتهدم كياني  ...   ولادي صرعي .. ولادي صرعى

بعيني شِفته هالطفوف
وانظر لضرب السيوف


٤_والدة آنه ابوفاتي    ... رِدِت إبني .. رِدِت إبني
يمسح بكفّه عَبرتي  ...  آيحزني  ..  آيحزني

أدري معذور الظّروف
وانظر لضرب السّيوف


٥_طَيرة مذبوحه بفقِدهم .. راحو اعزاز  .. راحو  اعزار
جعفر وعون وقمرهم  .. يجوني جنّاز  .. يجوني جنّاز

اوياهم حسيني العطوف
وانظر لضرب السيوف



🖊خادمة أبي الفضل

#وفاة_أم_السيدة_أم البنين ع
#طور_وحدة_من_اليتامى
#وكأني بأم البنين ع رأت إلامام الحسين ع في الحلم




غربة هالليله يا يُمّه  ..  وشِفتَك بحلمي يغالي
واِسْمحتلي كُون ضُمّك  ..  وتِسمع الصار وجرالي
من رِحت عني وفِقَدتك  ..  ضاعت احلام الليالي
يا عزيز الزهره إرجع  .. طوّل غيابك واتاني


هاذا يا دم اعلى يدك   ..  قلي لا تخفي عليّه
وريحة العباس اشمّها  ..  مِن لِزمت كفوف إديّه
يعني إبني وفىَ دِينه  ..  ولجلك اتوسد وطيه
بالله قلي . والعقيلة  ..  بعده كم غصة التعاني


بالحلم صارت مناحه  ..  ويروي الحسين الفجيعه
امن النّهر صوته إجاني .. وحرّت يا صوب الشريعه
وصلته ودموم اعلى عينه .. ومنه كفينه قطيعه
رِدت أشيله للمخيم .. قلي خليني ابمكاني


🖊خادمة أبي الفضل

#ليالي_أم_البنين ع
#يقرأ_بأطوار_مختلفه
#أمنيه أم البنين ع عند الإحتضار برؤية الإمام الحسين ع



قبل ما تِغمض عيوني حلِم عندي اشوف حسين
يِحضرني وتِرف روحي وليّه يسبل الإيدين
يخوفي لو أشوفنّه ومنه مِنقطع الوتين
واعاين بالصدر خسفه مثل أمه ياضي العين       


واصحله يا ابوالأكبر  ينور عيوني ش احوالك
اشوفك معتفر مجروح بسهم مقطوع دلالَك
خبرني شنو اللي صار  من عباس تِدنالك
واشحال الخدر بعده ومنّه تهمل العينين


#وكأني حضر الحسين و يجاوبها،أصعب وداع يا يُمّه.وداع العباس 💔:


شِفت موتي ييُمّه هناك من راح القمر عنّاي
صاح بصوت يهز القاع  انا العباس انا الوفاي
لهذا اليوم رادتني أمي التِعبت اعلى رباي
اريد اوفي سهرها بليل وافديلَك كفوفي اثنين


🖊خادمة أبي الفضل

#ليالي_ام_البنين
#طور_أومت_بديها
#وكأني بام البنين تخاطب طيف العباس ع عند الإحتضار


قالولي يُمّه شالجرى بعاشر ابعاشور
جِيت الفرات وما رَوّيت قلبك المفطور
اكفوفك قطيعه من الزند ودمومَك تفور
وا باقي زندينك شِلت الرايه والجود

قالولي عن مُهْرَك طحت وبليا إدِين
وحضرتلَك الزّهره وتقول انا ام الحسين
بحضني تِلَقيِتَك رِدت لجل أم البنين
جازي تعبّها والسهر وقطعة الازنود

قالولي من جَالَك أخوك وضًمّك بالأحضان
شاف السهم بالعين وانت بوضع تعبان
منه اخجلت أدري بعد ياقمر عدنان
ماكو مثيلك بالوفه يالوفّيت العهود

#بعد بما أخبروك يا ام البنبن :

قالولي للحرة ابعَثِت يا يُمّه سلام
وقتله يخويه لا تِجي اتظل بلخيام
لكنها من صار الذّبح وهجمّت الظّلام
ركضَتْ الى شط النّهر مدمعها بلخدود


🖊خادمة أبي الفضل