قناة خطباء المنبر الحسيني للقصائد

#نخوة للعباس عليه السلام
#طور_الجفيري



▪︎....سيدي أيها الحبيب ، العطوف ، الوفي، تخوننا الكلمات ويُخجلنا السؤال ، وليس عندنا إلا الدموع والآهات ..

يا كاشف الكرب عن وجه الحسين إكشف الكرب عنا بحق وجه أخيك الحسين ..
يا وجيهاً عند الله إشفع لنا عند الله ..
يبوفاضل❤️


ترويلي أمي من الزَغَر
عن فارس اليشبه قمَر
طوله مثل طول النهَر
وباب الحوائج والسند

شنو إسمه ؟؟؟

إسمه البطل راعي الحرم ( يبوفاضل)
وابطوله ساتر للخيم
وابإيده  شايل  للعلم
والرايه مرفوعه ابد

يكشف هموم معسَره
يخلي الأمور ميِسره
معروفه افضاله ترى
ومبسوطه كفه بالمدد

#شنو صفاته بعد ، شنو مهامه ؟؟

حارس خيام العايله
قالتلي أمي .ابكربله
ويمسح دموع السايله
بعطفه يهونّها الشِّدد


دِق بابه ينطيك العطوف
قاضي الحوائج ما يعوف
لكل سائل انطاها الكفوف
من عاشر لحتى الأبد


🖊خادمة أبي الفضل

#طور_الجفيري/وغيره
#لسان حال الامام الحسن ع للإمام الحسين ع



▪︎..قال الحسين ع لأخيه الحسن ع :

أبكي لم يصنع بك فقال له الحسن عليه السلام: إن الذي يؤتى إلي سم يدس إلى فاقتل به، ولكن لا يوم كيومك يا أبا عبد الله، يزدلف إليك ثلاثون ألف رجل يدعون أنهم من أمة جدنا محمد صلى الله عليه وآله وينتحلون دين الاسلام، فيجتمعون على قتلك وسفك دمك، وانتهاك حرمتك، وسبي ذراريك ونسائك، وانتهاب ثقلك، فعندها تحل ببني أمية اللعنة، تمطر السماء رمادا ودما، ويبكي عليك كل شئ حتى الوحوش في الفلوات، والحيتان في البحار 💔


كافي بواكي يالشهيد
باكر تنام اعلى الصعيد
مقطوعه اوداج الوريد
ومنه دمومه سايله

كافي اشوفه هالدّمع
يومك اشد واصعب وضع
ادري يكسرولَك ضلع
وراسك يدّورونه بفله

انت المصابك فاجعه
تنظر جسوم مقطعه
وثاني عضيد بمشرعه
وتبقى وحيد ابهالمله

هالشيبه باكر عالرّمح
تنظرها زينب تنجرح
اتمنى ابقى وانذبح
يَمّك يخويه بكربله

#بعد مولاي يا أبا محمد ، ما الذي يجري

جسمي يظل ابلا سحق
وجسمك يرضونه بصدق !!!
حتى خيامك تحترق
كلش امية فاعله


🖊خادمة أبي الفضل

#احوال_الخرابة_في_الشام
#طور_الجفيري
#نعي


▪︎....في تلك الليلة في خَربة الشام .. زينب متعبة مهمومه .. ارهقها درب السبي والجوع والعطش .. ارهقتها عيون الشامتين .. وكأني بعدما نامت الأطفال والنساء توجهت ناحية كربلاء تخاطب اخاها الحسين :


تقله شلون حالك يبعد الحال
من بعدك ترى بينه الوقت مال
صُفينه بخرابه افراشها رمال

يريت  الغاضريّه حلم والقاك
عساني بيوم عاشر متت وياك
حرام العيش يابن امي بليّاك

اهل الشام عدهم عيد وافراح
وانا بحزني عليكم واصفق الراح
سبايا ويضربونه بكعب الارماح

طور الجفيري :

ليل وخرابه وبس ونين
زينب تنادي ابكل حنين
ليلتنه هاذي اعلى التراب
محتاجة عطفك يا حسين

خويه عجيبه هالجره
نِسوانك إحنه مخدّره
غَصبَن علينه هالعدى
خَلّانه بالمجلس تره

#بعد الى من وجهت خطابها روحي فداها ..  لمن تبث شكواها ؛

صوب الوديعه البل بقيع
نادت تعاليلي بسريع
نقره النّواعي للحبيب
للرّاسه عالرّمح الرَّفيع

بعد المعزّة والدلال
يْدَخلونه مجلس للرجال
شحكي ييمّه اشقد صعب
وبزنودي مطبوعه الحِبال

عيوني ما نامت بالدّرب ( تعبانه يا ام الحسين ذبح ، وسبي ، وشماته، واويلاااه)

عيوني ما نامت بالدّرب
محتاجه اغفى من التعب
حِرسي ييمّه العايله
ولولي لرقيّه التنتحب


🖊خادمة ابي الفضل

#شهادة_السيدة_رقية ع
#طور_الجفيري /وغيره



▪︎....افاقت طفلة الحسين ع من نومها وصارت تنادي اريد والدي الحسين ، الأن كان معي ،
واذا بمولاتنا زينب أرادت ان تهدأ من روع رقية ع ، بما تخاطبها ؟؟


ساعة وتشوفِين الحبيب
وشيبه تنظرينه خضيب
منّه الجسم كله سليب
ووسط الطّشت نوره يشع

ساعه وتضمّي بوعلي
ادري بحنينِك للولي
و شيبه ودمومه اتغَسِلي
صِبري يعمّه عالوضع

خلي البواكي لو حضر
وإشكي همومك والقهر
سوط اعلى متنك والظهر
وونّك تِطلعي وينسمع

خَفضي يا بنتي نَظرِتك
خوفي يشاهد سطرِتك
مثل امه فاطم جَدِتك
خدها انلطم وي الضّلع


🖊خادمة أبي الفضل

#الامام_زين_العابدين
#طور_الجفيري
#تصوير لحظات شهادة الإمام زين العابدين ع وما نسى مصائب كربلاء



زِينِ الْعبادِ بْموتته
يذكر أبوه وذبْحِته
وحده ما يَمّه عِزوته
كلها ضحايا مرمله

ما ينسى دايم هالجرح
من طاح ابو اليمّه ذبح
بعيونه كل ليل وصبح
ومنه دموعه سايله

قضى حياته بس ونين
ينحب على قطع الوَتين
وعمّه الطّريح ابلا يدين
الكافِلها ويلي العايله

#ناده أبو حمزة الثمالي سيدي اما آن لحزنك أن ينقضي ...اوليس القتل لكم عادة وكرامتكم من الله الشهادة ، شو يجاوبه الإمام ...!!!

يحاكي أبو حمزه ترى
موعادة مِن عِدنه مَره  (إمراة)
تِطلع هزيله ميسره
وهم اليتامى شايله

ولِ إبنه يوصي ابكل زمن
إبكي الغريب ابلا وطن
للطايح وصدره إنطحن
الله شعملتي كربله


🖊خادمة ابي الفضل

#طور_يم_الولد
#طور_الجفيري
#تصوير جواب الإمام السجاد ع للمنهال 


▪︎....إلتقى الامام زين العابدين بالمنهال بن عمر فبادر إليه قائلا : كيف امسيت يا بن رسول اللّه؟

ـ أمسينا كمثل بني إسرائيل في آل فرعون يذبحون ابناءهم ويستحيون نساءهم ، أمست العرب تفتخر على العجم بأن محمدا منها وأمست قريش تفتخر على سائر العرب بأن محمدا منها وأمسينا معشر أهل بيته مقتولين مشردين فانا لله وإن إليه راجعون على ما أمسينا يا منهال "


إسمع يا منهال العَجَب
صرنا أسارى و ننضَرَب
وجدنا الفَخَر خير العَرَب
وأمنا البتولة مخدّره

شحكي عن العاشِر مُصاب
وحسيني طايح ع التُراب
ومنهم شباب ودم خِضاب
ونار الخيام موَجّره

#يروي للمنهال ما جرى يوم الحادي عشر 💔

وأصعبها من صار الصّبح
وزادن جروحي هالجرح
بيّه الشّماته كن ذبح
وَدموعي ويلي محَيّره

خَلوّ بزنودي سلسله
وبالجامعة زادوا البله
منهو اليباري العايله
بدرب البعيدة مكَدّره

سار الظعن رايد بعيد
ومرونا من يَم الشهيد
نادتله عًمِّتي يا العميد
تِرضاها أمشي ميَسّره


🖊️خادمة أبي الفضل

#يوم_العاشر
#طور_الجفيري
#وصية السيدة فاطمة ع لإبنتها السيدة زينب ع يوم العاشر عند وداع الإمام الحسين ع



لحظه حبيبي بوعلي
حاكيني خويه صِد إلي
قبل الذبح قبل التروح
وصية بدليلي تعتلي


يا وصيه أوخية يا زينب ؟؟؟

وَصتني أمي من الصُغر
شِمّك وضمّك للصدر
قبل الشمر بحضر إلك
ويقطعلك ابسيف النحر


قالتلي يُمه ابكربله
وداع الحبايب والبله
عني تودعيلي الحُسين
تِحبي عيونه الذابله


من تُنظريه فوك الثرى
والجثة منّه معفّرة
من تلهجي ابإسمي ترا
أحضر واشمّه بمنحره


لمّن يكسرون الضلوع
أندب حبيبي بالدموع
ويحضر أبويه المصطفى
وقلبه من احزانه صدوع


انشاهد يزينب ركضتج
والظالم يسب اخوتج
وانتي غريبة ابلا اهل
والطاغي يحرق خيمتج


✍خادمة_أبي_الفضل
✍ زينب_الخفاجي

#طور_زينب_إجت_لحسينها
#طور_الجفيري
#ليلة_الوداع



باكر اريدك تصبُري
لو شفتي نحري ينفري
راح اشكي لأمي منحري
وكيف الشماته بمنظري

باكر يكسرون الظَهر
ليّه تنظري بكل قهر
محني بمَشيتي اعلى النّهر
بطيحة  سنادي والقمر

باكر اودع هالشباب
نومه طريحه اعلتراب
الاكبر وجاسم بلا نِصاب
دمهم يصير إلهم خِضاب

باكر يقتلون الحلم  
وطفلي يذبحونه بسهم
وابقى وحيد ابلا زلم
وخيامي بيها بس حرم

باكر  سكينه تنضرب
واطفالي كلها  تِنسلب
حتى رقيه يالعجب
يسلّبوا حِليها  بالدّرب


🖊خادمة أبي الفضل

#طور_الجفيري
#إلى_ارواح_الشهداء_الأبرار



وين الشباب الصالحه
عيني اعلى فقده مالحه
ويانه كانوا  البارحه
وكلمن جماله معتفر

كل واحد لروحه بَذَل
الشاف الشهادة كالعسل
يفدي لإمامه ابلا وجَل
ودمومه تجري كالنهر

كلها شباب موذره
برض الجهاد معفره
ناموا على حرّ الثرى
وظلت صورهم بالنظر

هاذا العريس المنذِبِح ( منهم جديد عهدا بالزواج)
وهاذا بعيُونه منجِرِح
وذاكه يشع مثل الصبِح
مثل البدر مثل القمر
مثل البدر مثل القمر


🖊️خادمة أبي الفضل

#في_الخدمة_المقدسة
#مسلم #الشهداء
#طور_الجفيري

(ربط بين شهادة مسلم بن عقيل
عليه السلام وشهدائنا الكرام )

يرمونه من أعلى القصر
ويقطّعوا منه النحر
يا عظّم الله الأجر
مسلم شهيدك يا حسين

لفّوا على اقْدَامَه الحبال
وسحبونَه أشباه الرجال
جسمَه تريب عْلَى الرمال
واسى بعد جسم الحسين

ما همَّه موت ولا ذبح
ما همَّه آلام وجرح
وجسمَه التريب لمنطرح
كلَّ همَّه مولاه الحسين

عدنا شباب بهالقرى
تفدي الحسين ومنحرَه
ويبقى جسمها عْلى الثرى
ويقطّعوا منها اليدين

ما بدّلت نهج الولي
تفدي بِدَمها بِنْ علي
ويبقى لواءَه يعتلي
أنْ يا لثارات الحسين

ترخِص على حبَّه الدِّما
تواسي الحبيبة فاطمة
وتشهد عليهم هالسما
ما قصروا صحب الحسين

#زينب_فياض

#في_الخدمة_المقدسة
#ليلة_العباس
#طور_الجفيري

تصوير ثبات السيدة زينب عليها السلام
بعد استشهاد العباس عليه السلام، وحفظ
اللواء والدماء، وصولًا لأمّةِ الشهداء ...

خويه يا عباس القمر
يالنايم بجنب النهر
تدري لواءَك ما انكسر
آنه لحملته باليدين

أرفع لواءَك بالسما
واحفظ يا عباس الدِّما
آنه عزيزة فاطمة
أم الحسن وام الحسين

سلّمتَه للجيش الأبي
هالفاطميِّ الزينبي
هاللي حفظ دينِ النبي
يمضي على نهج الحسين

لا ما هوى منّك علم
شفتَه على قُبْةِ الحرم
رفعَت لواءَك هالأمم
يالغالي بين المشرقين

زينب فياض

#طور_الجفيري
#يوم_العاشر
#بعض_وصايا_ الإمام_ الحسين عليه السلام لإخته السيدة زينب ع يوم العاشر



▪︎... ناداها اوخية زينب عودي إلى الخيام واحفظي ليه العيال والأطفال :


عودي يا زينب للخيّم
باري بناتي والحَرَم
بحق الكفيل على النّهر
وفييّ عليهم بالعلم

هوني عليَّه كل أمُرْ
روحي قبل حزّ النّحر
كل عمرك بآه وشجن
كافيك زينب كل قهر

روحي لخيامي التلتِهب
تِدري ابناتي ترتِعب
لو جاهم الظالم ترى
ويدفعهم لوجه التُرب

زينب  ... 💔

ساعة وتشوفيني رَمِي
وتصبح بناتي ابلا حَمِي
ويهجم عليهم ناصبي
ويسلب متاع امخيمي


#وكأني بالجواب من مولاتنا زينب :

انا بعيني يبو اليمّه اباريهم
وباحضاني اذا الناصب إجه اعلِيهم
عساه الينذبح نحري وتِرد ليهم
يا خيمة اللي تِفيهم وتظل سالم

ما اقدر اشوفك نايم ومطروح
وبجسمك تسعمية والف وجروح
وعلى صدرك حوافرهم تجي وتروح
وانا بعيني اشوفن لا عظم سالم


#طور_إسمع عتابي

خليني شِمّك  ..  خويه وضُمّك
من قبل ذَبحك  .. يا مدلل أُمك

لو بيدي أمري  .. انطيك انه عمري
وسهم المثلث .. بضلوعي يسري

صعبة عليّه  .. تنظر عينيه
تسحن ضلوعك .. الأعوجيه


🖊خادمة أبي الفضل

#طور_الجفيري
#شهادة_القاسم_إبن_ الحسن ع
#لسان_حال_السيدة_رملة ع
#ليلة_القاسم



وينك يا يُمّه اتأخْرِت
والزفّه لجلَك حَضرِّت
عني غِبت ليش ورِحت
وشمسك يا يمه غَرّبت


تياب العرس عندي وعطر
اشسوي بعد قطع النحر
يا ريته يومي من قبل
موتك يا روحي والنظر

لعيوني تدري انتهَ ضِوه
قلبي اعلى قلبك بس هوى
يعني زفافك للقبر
يا ريته موتتنا سوه

رَبيتك بليل البرد
وبأحضاني ضميتك وعِدّ
وبلهفه منتظره العرس
تاليها تتوسد لحد


🖊خادمة ابي الفضل

🔹 #محرم_1446هـ
🔹 #طور_الجفيري
🔹️ #العباس_ع
#لسان_حال_الحسين_ع

هــــا يــاحبيبــي يالگـمــر
شو  مرمي  خويه  عالنهر
تتــرك  اخـوك ابــلا ظهــر
ويـن  العلم يابـو  الفضـل

ـــــــــــ˗ ✿ ✿ ✿ ˗ـــــــــــ

ذولي  الجفوف  ابلا  زنـد
وعيــــونك انمــردن مــرد
حمـــلي  عليمــن يستنــد
وبطيحتــك  زاد  الحمــل

ـــــــــــ˗ ✿ ✿ ✿ ˗ـــــــــــ

صوتك  سمعتــه يالشهــم
كل هالجيـوش  و ماتِهِــم
نادينـي  خويــه  بالإســم
إسمي على شفافك عسل

ـــــــــــ˗ ✿ ✿ ✿ ˗ـــــــــــ

تتـرك  اخــوك بــلا ضــوه
وصدره  يظل  بـلا  هــوه
يعضيـدي يــاراعي اللــوه
ويّــاك   روحــي  ترتحــل

ـــــــــــ˗ ✿ ✿ ✿ ˗ـــــــــــ

📝 #الشاعرة_زينب_الخفاجي
🌿 #اللهم_صل_على_محمد_وآله



تمت المشاركة من تطبيق: خطباء المنبر الحسيني

#يوم_العاشر
#طور_الجفيري



مـن ذا يقدّمُ لي الجوادَ ولامتي
والـصَّحْبُ صرعى والنصيرُ قليلُ


منهو اليِقَدّم لي الجواد
باقي وحيدْ  ابهَالبِلاد
شُبّاني مذبُوحه بِواد
خَلّوني مَكسُور الفُؤاد


مِنهو اليِقَدّم لي المُهُرْ
و يِشِمْني حيل امن الصّدر
ما عندي غير اُمّ الخِدِر
وليّه تقبّلي النّحر

رايح شَهيد ابلا رُجوع
وسِكْنه على فْراقي تِلُوع
سَاعة ويِكِسْرون الضُّلُوع
وتِحضَرْني أمّي بالشموع

*فـأتتهُ زينبُ بالجوادِ تقودُهُ*
*والـدّمـعُ من ذكرِ الفراقِ يسيلُ*

#ماذا تقول ام المصائب ؟؟؟

قَلبي صَدَعْته بو علي
وحِزني اعْلى صوتَك يِعْتِلي
أشتاقك وتشتاق إلي
من هِسّه و مْصَابَك جلي

سَاعه وعايِن ذَبْحِتك
ودَمَّك يِخَضِّبْ شِيبتك
أَحْضر واظلّل جِثِّتك
ابحرّ الظَّهيره طِيحتك


🖊خادمة أبي الفضل

#محرم_١٤٤٦
#طور_الجفيري
#العباس
#ليلة_العباس
#الليلة_السابعة



▪︎....وصل الإمام الحسين ع عنده أخذ رأسه ووضعه في حجره ، وجعل يمسح الدم والتراب عن عينيه ، يُروى أنزل  العباس راسه الى التراب ،فأعادهُ الحسين الى حجره يشُمّه ، ويضُمه ، ويلثمه ، يتزود منه ، واذا بالعباس انزله  الى التراب ، ساله الحسين مما صنيعك هذا ؟؟
قال العباس فبعد ساعة من يرفع رأسك عن التراب !!!




ساعه وتطيح اعلى الثرى   ومنك دموم مطشره
ما واحد الراسك يشيل      إلا برمح راسك ترى

منهو اليضمِدلَك جَرِح     بعد الطٍعن خويه و ذبح
منهو اليضمك للصدر      وشِيبك يغسله اعلى الرمح

شكراً يخويه هم إجِيت   ودمومي تِمسحها وبِكيت
يبن الوديعه الطاهره       مثلك إخوة ما لقيت

✍#خادمة_أبي_الفضل

فدوة عيوني لطلعتك      راسي فداء لجبهتك
لو جسمي وَذْروه العده    ومايِقرَبون لجثّتك

ياريته بس راسي انطُلب   من آل امية وانضرب
وبس يقبلون بمنحري      وشيبي فقط اللي انخضب

✍#الشاعرة_زينب_الخفاجي

تبقی وحيد بكربله        اهٍ يبن عقد الوله
خجلان من ام الخدر    من سكنه من العايله

منهو اليودعك لو رحت   منهو اليحضنك لو طحت   
واختك تنظرك علترب     وتنادي خويه انذبحت ؟؟


✍#أم_محمد_الحجاج

#طور الجفيري -زينب إجت لحسينها
#خروج الامام الحسين ع من وسط الحجيج


وسفه مَا تَمّم حِجِته   
واحرامه فكهَ وعَبرته
بيت الله فاگِد خِلِته
وحجي بطفوفي هم بعد

ماشي لْمصيري بهالمِسه
ومتروسه روحي بالأسى
انا وعيالي  والنِسه
ويسري بظعِنه هالعضد

راحِل واشيلن رايتي
بيها رَسِم مِن محنتي
هَوّن يربي برحلتي
ومسرانا بيه نِلگى المدد

هناكه مُرادي بالذّبِح  
واحرامي ثوبي المنطرح
وراسي يطوف اعلرمح
لكَم ديرة وال كم بلد

ما مثلي شافن هالبشر
فادي دمُومي و النّحر
وجملة شبابي والگُمر
وعلينا دين الله استند


🖊خادمة أبي الفضل

#طور الجفيري -زينب إجت لحسينها
#خروج الامام الحسين ع من وسط الحجيج


وسفه مَا تَمّم حِجِته   
واحرامه فكهَ وعَبرته
بيت الله فاگِد خِلِته
وحجي بطفوفي هم بعد

ماشي لْمصيري بهالمِسه
ومتروسه روحي بالأسى
انا وعيالي  والنِسه
ويسري بظعِنه هالعضد

راحِل واشيلن رايتي
بيها رَسِم مِن محنتي
هَوّن يربي برحلتي
ومسرانا بيه نِلگى المدد

هناكه مُرادي بالذّبِح  
واحرامي ثوبي المنطرح
وراسي يطوف اعلرمح
لكَم ديرة وال كم بلد

ما مثلي شافن هالبشر
فادي دمُومي و النّحر
وجملة شبابي والگُمر
وعلينا دين الله استند


🖊خادمة أبي الفضل

#محرم_١٤٤٦
#الوصول_الى_كربلاء
#طور_الجفيري
#حالة_ السيدة_ زبنب ع وقد إستشعرت الخوف والخطر



شصاير دمعتي سايله
ظني وصلنا كربله
موعوده بيها من الصغر
شاهد حبايب بالفله

بيها الحزن بيها الألم
وقلبي على إخواني إنلجم
قالوا ارض كرب وبلا
منها أشم ريحة خيّم

من صغري وادري بالخبَر
ترويلي أمي عن نحَر
و روؤس الحبايب عالرمح
وأجملهم الكافل قمر

#شصار مولاتي يا زينب !!!!

وَقَفْ جَواده بو علي
وقاللي يختي اتمهلي
حتى انصب اخِيامِك عَدِل
بعيني أشوفِك كل هلي

#لا حول ولا قوة إلا بالله 💔


🖊خادمة أبي الفضل

#محرم_١٤٤٦
#الليلة_الثانية
#طور_الجفيري
#وداع_قبر_السيدة_الزهراء ع



إدعيلي يمه ابسفرتي
ربي يِهوّن غُربتي
يصبرها زينب من تِشوف
حَزّ اللعين برقبتي

رايح طريقي لا رجوع
وقلبي ابوادِعك بس يلوع
مو بيدي مطرود وشريد
مثلِك يهشمولي الضلوع

لو أقدر لتُربِك أزيح
ويَمك أنامن واستريح
ما فارق لحضنِك ابد
حضريني يُمّه بسريع

#وكأني بصوتٍ من داخل الروضه المباركه

راح أحضر وبيدي الشمع
عفية اعلى قلبَك والضُلع
وقربانك الأعظم بعد
طفل الصغير المنصرع


🖊خادمة ابي الفضل