قناة خطباء المنبر الحسيني للقصائد

لعن الله ظالميك يا فاطمة
#اطوار_مختلفه
#هجوم_ الدار
#لسان حال الأمام الحسين ع عندما نظر إلى مصيبة أمه الزهراء ع وقد ترائت له مصيبة كربلاء: 



لفى عاشور بضلوعي  .. من هَجموا أيا زهره
ومِن شعلوا عليك النّار  .. خيامي اتوجَرت جمره
طفوفي مرّت اقبالي  .. كل صوره تِشب حسره
فدوه لكل ضلع بيكِ  ..  ودليلي عليكِ شو يصبره

#ليش سيدي اباعبدالله!!!

صوت أضلاعِك اسمعها  .. وهِي تتكسر بعصره
لن يدي على صدري  .. وحس بيّه انا الكسره
ودِماكِ السالت اعلى القاع .. لإبنك تصبغ ابنحره
وحزني بطيحتك يُمّه  .. ابد ما يوم بعد يبرى


#وبعد مولاي يا اباعبدالله ما الذي تراه وتسمعه اذا جنّ الليل ؟؟؟

#طور_مختلف

بسواد الليل أفز واسمَع  ..  ونينك والألم معصور
وتِصد عيني على زينب  ..  تقبّل خدك المسطور
اسمالله عليك يا يُمّه  ..  وتمسح ع الصدر مكسور
وبحُرقتها همست لي .. مثلها حالَك بعاشور

#لحن جاوبني يا علي


يخويه ويش تقول
يل وارث البتول
بصدرك تجي الخيول
وتطحن إلك ضلوع


وقبل الطعن تشوف
اخو اتوذره السيوف
ومنه النظر خُسُوف
من هسه هِل دموع

#بعد إش قالت زينب روحي فداها

وهمست إله بأمر
بعد ذبح النحر
امشي انا  إبأسر
وقلبي إلَك يِلوع

✍خادمة ابي الفضل

آآه  ..  آآه 
تقله خويه خويه

صرنا يتامى ابلايه جدنه
منهو الذي يمسح دمعنه
وياهو الذي يضَمِد جرحنه
كسروا ياخو زينب گلبنه

امي حچت لي خوية امرين
عن سَم الحسن بيد الملاعين
وعن طف وسيوف ونار صوبين
وحچت لي عن عظُم يومك يالحسين


يگلها خويه يزينب يومي مَيهم
امصاب الضلع والمحسن اعظم
بكسر صدر امي احس گلبي تحطّم
احسبي اليوم مات احسين بالهم

✍الشاعرة زينب الخفاجي

#الأربعينية_ المقدسة
#اطوار_مختلفة
#لسان حال السيدة زينب ع عند قبر العباس ع



عذبني الدّرب والسوط .. وعدوك أشْرّ عليّه
إلَك رديت يبوفاضل  .. من الشامات محنيّه

تركتوني ما بين ارجاس  .. شفت الما يمر عالبال
واحد يضرب ابمتني  ..  والثاني يشد الِ حبال
غريبه والدرب وحشه .. المثلي  ما تصدها ارجال
تصدقها الشمر حادي !! رافقني وشمت بيّه


حال الشام لوعني  ..  وإجيت أشكي إلك همي
أحلفك بالضلع عباس .. محتاجه تجي يمي
اكتافي امورمه وقلبي .. تفطر هم عل ابن امي
هاي عيوني بس تنهض .. وإلك فدوه أمد دَيّه

#بعد اشصار مولاتي يا زبنب ؟؟

خواتَك عالهزل طِلعن .. و وسط السُوق مرونه
مسبيات بِدينه احبال .. عقب عِينك يهضمونه
وبعد المجلس المشؤم .. بخرابه القوم خلونه
وهاذاني إجيت اليوم .. ولا واحد فزع ليّه


🖊خادمة أبي الفضل

#طور_زينب_إجت_لحسينها
#لسان حال السيدة زينب ع



يا دافني الرأس عند الجثة إحتفظوا
بالله لا تنثروا تُرباً على قمرِ

لا تدفنوا الرأس إلا عند مرقدهِ
فإنّه روضةُ الفردوسِ والزّهر

#وكأني بمولاتنا زينب تخاطب راس الحسين قبل دفنه عند الجسد


يا راس اخويه المنذبح
شِفتك عجيبه عالرمح
بعيِنَك تباري للحرم
وانا اعاين للجرح

أذكُر عيونك سايله
ساعت ضربني حرمله
وبسوطه ورملي المتن
وهاذاني عِدت لكربله


راح اروي خويه بس امر
تدري الجرالي بالقصر
شِفتك وسط طشت الدعي
والظالم يصدني بنظر

شيبك عفير ومختضب
وبخيزرانه ينضرب
وتعاينه خويه الحرم
واشفافك ادمومك تصب

#بعد شو حالة الراس الشريف واللعين ينكثه بالخيزرانه

إعذِرني اوصفلك تره
اسنانك اويلي مكسره
والشيبه متروسه بدمه
وعطر الوديعه ابمنحره


🖊️خادمة أبي الفضل

📍تم تعديل القصيدة
#طور_الخضيب
#السيدة زينب ع تخبر أم البنين عن شهادة الحسين عليه السلام :


▪︎....أم البنين تسأل ، تستعلم من زينب ما الذي جرى على الحسين ع في طف كربلاء أخبريني بنيّة ماذا حصل
شو تجاوبها زينب والونّة بأثر ونّه ...؟؟؟



قلبِك ما يتحمّل وصف / من طاح عن اجواده
وجِسمه على الغبره وقع / ورمل الثره اوساده
صبري يا يُمّه لو قِلِت /ثلثين مِن إفأده
سهم المواضي طَلّعه / وباقي الثلث لاهب

#بعد شحكي يا ام البنين 💔

مُوتي ابعيوني عاينت / بس الشّمر جاله
قاعد على صدره شفت / ومغيّر ابحاله
وراسه لخويه يِقطّعه / وبرمحه هم شاله
واعياله مرعوبه وتونّ / وونّ البنت واجب

#وانت بنيّة زينب ما الذى جرى عليك ،بعد العز والخِباء و الدلال  ..؟؟

راح أحكي ليك مصيبتي/ واحكي الجرى عليّه
تِدريني من بيت الوحي/ يمشوني مسبيّه
مو كافي بسياطه الشّمر /يضرب يِسب بيّه
وعين الشماته موجّره /ودليلي هم شاجب


🖊خادمة أبي الفضل

#طور_الجفيري/وغيره
#لسان حال الامام الحسن ع للإمام الحسين ع



▪︎..قال الحسين ع لأخيه الحسن ع :

أبكي لم يصنع بك فقال له الحسن عليه السلام: إن الذي يؤتى إلي سم يدس إلى فاقتل به، ولكن لا يوم كيومك يا أبا عبد الله، يزدلف إليك ثلاثون ألف رجل يدعون أنهم من أمة جدنا محمد صلى الله عليه وآله وينتحلون دين الاسلام، فيجتمعون على قتلك وسفك دمك، وانتهاك حرمتك، وسبي ذراريك ونسائك، وانتهاب ثقلك، فعندها تحل ببني أمية اللعنة، تمطر السماء رمادا ودما، ويبكي عليك كل شئ حتى الوحوش في الفلوات، والحيتان في البحار 💔


كافي بواكي يالشهيد
باكر تنام اعلى الصعيد
مقطوعه اوداج الوريد
ومنه دمومه سايله

كافي اشوفه هالدّمع
يومك اشد واصعب وضع
ادري يكسرولَك ضلع
وراسك يدّورونه بفله

انت المصابك فاجعه
تنظر جسوم مقطعه
وثاني عضيد بمشرعه
وتبقى وحيد ابهالمله

هالشيبه باكر عالرّمح
تنظرها زينب تنجرح
اتمنى ابقى وانذبح
يَمّك يخويه بكربله

#بعد مولاي يا أبا محمد ، ما الذي يجري

جسمي يظل ابلا سحق
وجسمك يرضونه بصدق !!!
حتى خيامك تحترق
كلش امية فاعله


🖊خادمة أبي الفضل

#احوال_الخرابة_في_الشام
#طور_الجفيري
#نعي


▪︎....في تلك الليلة في خَربة الشام .. زينب متعبة مهمومه .. ارهقها درب السبي والجوع والعطش .. ارهقتها عيون الشامتين .. وكأني بعدما نامت الأطفال والنساء توجهت ناحية كربلاء تخاطب اخاها الحسين :


تقله شلون حالك يبعد الحال
من بعدك ترى بينه الوقت مال
صُفينه بخرابه افراشها رمال

يريت  الغاضريّه حلم والقاك
عساني بيوم عاشر متت وياك
حرام العيش يابن امي بليّاك

اهل الشام عدهم عيد وافراح
وانا بحزني عليكم واصفق الراح
سبايا ويضربونه بكعب الارماح

طور الجفيري :

ليل وخرابه وبس ونين
زينب تنادي ابكل حنين
ليلتنه هاذي اعلى التراب
محتاجة عطفك يا حسين

خويه عجيبه هالجره
نِسوانك إحنه مخدّره
غَصبَن علينه هالعدى
خَلّانه بالمجلس تره

#بعد الى من وجهت خطابها روحي فداها ..  لمن تبث شكواها ؛

صوب الوديعه البل بقيع
نادت تعاليلي بسريع
نقره النّواعي للحبيب
للرّاسه عالرّمح الرَّفيع

بعد المعزّة والدلال
يْدَخلونه مجلس للرجال
شحكي ييمّه اشقد صعب
وبزنودي مطبوعه الحِبال

عيوني ما نامت بالدّرب ( تعبانه يا ام الحسين ذبح ، وسبي ، وشماته، واويلاااه)

عيوني ما نامت بالدّرب
محتاجه اغفى من التعب
حِرسي ييمّه العايله
ولولي لرقيّه التنتحب


🖊خادمة ابي الفضل

#أطوار_مختلفة
#ليلة_الدفن
#تصوير شاعري لسان حال الإمام السجاد ع عند دفن العباس ع



يعمي ادري انا بحالَك .. رايد تعلم الأخبار
بعد ما طاحت الكفين  .. على زينب شنو اللي صار


الكِنت كافلها يا عمي .. وكنت إلها العمد
والسور
طلعت والزّلم تنظر .. وشافوها تنوح اتدور
وحيدة وفاقدة الخوان .. ونار الشّبت ابلخدور
بَكّاها الشّمر وتصيح .. سوطه اعالمتن شو حار

#بعد ما الذي جرى !!!!

صوب العلقمِ إتعنت .. بليل الحادي يا عباس
تِقبّل اكفوفك اتنادي .. مو عاده يبو الإحساس
تِخليها وسط عدوان .. وعليها تأشر الأرجاس
مشوها بيسر واِحبال .. ودمِعها عالوجن مدرار


🖊️خادمة أبي الفضل

#طور_الفراق
#ليلة_الوداع



شلون ليله   .. زينب تودع أهلها
شلون ليله   .. ريت لا يطلع فجرها
شلون ليله   .. خايفه الفرقه تِهدها

#خايفه من عصر عاشوراء روحي فداها

باكر انظر   .. تعمى ياريت النواظر
باكر انظر  .. فاجعة بأرضِك يغاضر  (الغاضريه)
باكر انظر    ..أصبع ونحر وحوافر


اعلى الشريعه  .. أمشي للكافل أشوفه
اعلى الشريعه   .. وعيني بِتشاهد كسوفه (قمر ابوفاضل💔)
اعلى الشريعه   ..  مقطعه الغالي كفوفه


#بعد مولاتي يا زينب ماذا يجري عليك ..؟

بهالبوادي  .. وحدي ابقى يا مصابي
بهالبوادي  .. أركض ونار بثيابي
بهالبوادي  .. ينادي بإسمي هالظبابي


🖊خادمة أبي الفضل

#أطوار_مختلفة
#السيدة حميدة بنت مسلم



▪︎...وكأني بحوار دار بين رقية وحميدة تسلّيها ، تصبّرها ، بعدما قال الحسين ع لحميدة إبنة مسلم : إن مات أبوك فانا أبوك وبناتي أخواتك :



يتيمه إنتي يبت مسلم .. بس عندك أبو ثاني
لكن عاشر محرم .. لا عم لا أبو آني


حميدة نَشّفي دمعك .. ترى علينا اليتم مكتوب
اذا مسلم برض كوفه .. سِمعتي وبالحبل مسحوب
انا قبالي الأبو ابعاشر .. بدمومه النّحر مخضوب
ولا واحد يواسيني .. ولا يمسح لي أجفاني


ابونه حسين من شالك .. ضماكِ إلى صدره
وشفت بعيونه الرّحمه .. حنون ادري ابو العتره
وانه بخَربه يخلّوني .. على تُرب الارض حَره
ويفجوني بطشت راسه .. خضيب واحمر وقاني

#بعد رقية تسولف المنظر لحميدة :


أحِضنه ومدمعي يِغسله .. وشوف الشّيب يظل أحمر
واسولفله عن احوالي .. ومتوني ترتل المنظر
منو الخلّاني من صغري .. أوقع مِن افِر واعثر
تعالي انوح يبت مسلم .. اليتم مِن هِسه سلاني


🖊️خادمة أبي الفضل
🖊️ ام جواد

#الخروج_من_المدينة
#طور_الفراق / طيحة إيدك مو وقتها
#تصوير_جواب_رسول_ الله ص للحسين ع بعدما ودع قبر الشريف



راح اجيلَك      ساعه الذَبحة يا غالي
راح اجيلَك     ودمعي بالوجنه  يلالي
راح اجيلَك     وانظر الشيبة ابأعالي
راح اجيلَك ..

#بعد ماذا يخبره رسول الله :

آيجدي       أحضِن اضلوعَك وشمُها
آيجدي       أجمع أوصالك ولمّها
آيجدي       دوّر عيالك وضمّها
آيجدي ..

بعد من يحضر مع رسول الله !!! من المفجوعة المثكولة 💔؟؟

انا وأمك     نحضر وننصب عزيّه
انا وأمك     نمسح الشّيبة البهيّه
انا وأمك     نحضن انواسي رقيه
انا وأمك ..


جاري الذّبح والموت صُبح  يبني عادة
الكم  يجدي من قبل مكتوبه الشهادة
راسك على راس الرّمح وشبانك السادة
وبقلبي حسرة عالجسد يبقى بلا اكفانه


🖊خادمة أبي الفضل

#محرم_١٤٤٥
#الهلال
#طور_يا_ليلة_الحادي_عشر
#الليلة_الأولى



يا لِيلةِ الأوّل أَلَم .. ضَجَّت إِليها السِّدرَه
بِيها السِّمه لِبسَتْ حِزِن .. لِلقَطِّعُولَه نَحْرَه
وِٱنْصِبْغَتِ اطفُوفِ السِّبِطْ .. أَحمَر نَزِفله صدره
وصُوتِ المَراثي مِنْ طِلِع .. تنعي مَعاه الزّهْره


محَرّم جَرِح ما يِلتِئِم .. يِتجَدَّدِ علَى العادَه
منّ نِذكِر الغالي انْطِرح .. رَملِ الثّرى لَه وساده
وِمِنّ نِسمَعِ النّاعي يقره .. ضربوا حريم السّاده ( يا زينب)
والشّمِر مِنْ طَاحِ الگُمَر  .. ظَلْ عالحَرَم يِتمَادَه


#الله اكبر أومثلُ زينب تُضرب 💔 !!!**

مهدينه مِتحزِم حزن .. ودمعه نهر ظل يجري
لجل الحريم  بكربله .. ولصاحت آه ل خدري

#بعد على ماذا يبكي ...؟
يبكي كفوف اعلى النّهر  .. وصوت " إنكسرله ظهري"
وصرخه التذوَب مُهجته  .. لا كافل الظل لِينه


ينحب على اطفال السّبط ..  واحد يلوذ ابآخر
من خوفهم من الشّمر .. يكسرون والله الخاطر
نار ودمه وحر وجمر  ..  اسياط وشكم حافر
وارقاب ملفوفه ابحبل  .. الله يعين اسكينه


✍خادمة أبي الفضل
✍الشاعرة زينب الخفاجي

#محرم_١٤٤٦
#اطوار_مختلفة
#لمن_حدى_الحادي
#السيدة_ زينب_ع تتحدث عن حالة بنات الإمام الحسين ع



يخويه إتبدّلت الإحوال   ما بين الأمس واليوم
والأصعب واشد محنه    بناتَك خايفه من القوم

بين النار وعجّ الخيل   بناتك ركضن ابهِمّه
شافن من بُعد منظر        جِسْمَك غارق بدمه
وواحد شايل الراسك      برمح خلاّه بلا ذمه
صاحن يا عدو الله          هاذا بالعرش مرسوم

واليجرح بعد ياخوي     ركضت للنهر طفله
تنادي عمها بو فاضل     وبعينه تصد نبلّه
يعمي طايح الوالي        تقله المدمع تهلّه
ومتني من الضرب مايل  عجيبه ما تفز وتقوم

✍خادمة ابي الفضل

#بعد شيجرح قلبك مولاتي يازينب؟؟
اكثر ما يُدمي قلب الغيور أن زينب فخر المخدرات ، عزيزة الهاشمين ، سيدة الإباء والستر والعفاف مشت دون حُماتها من كربلاء الى الكوفه ، ولكن بأي حال ؟؟

باليدينِ  ..  ساتراتٌ  ..  ساترات
و الحبال  .. حارقاتٌ ..  حارقات

#طور لمن حدى الحادي

لمّن حده بضعني....اللي ذِبح إبني
نفسه اللي يشتمني...ويضرب متن سكنة

والذابح ابن امي....يتشمّت بهَضمي
سَب والدي وأمي....وانه اخفي الونة

رافع رمح بي راس....نبض القلب عباس
من انظره الحُراس....ضربوه على جفنه

واحنه بحزن ماشين....شاهدنا راس حسين
شاهدته عين بعين....راسه يراقبنه

دمعي عمى عيني....عكب الولي احسيني
ابن امي يجفيني...يامصعب المحنة

✍الشاعرة زينب الخفاجي

#شهادة_الإمام_الصادق ع
#نعي
#لسان حال السيدة الزهراء ع



تنوح ام الحسن للصادق ابهاليوم
اعليك العافيه يبني ودمعها اغيوم
مثل المجتبى عمّه الكبد مسموم
إجيت لمجلسه وجده تواسونه

#تقله الوالده الحنون ...

بقبري واصل اونينك إجيت انعاك
واونّ يَمّه ينور العين ريت افداك
عِشت لوعة حرق بابي وخيم جداك
من هجموا على اعياله يأذونه

#بعد تروي الزهراء ع ، إشحال ولده الكاظم !!

إجه الكاظم حزين وقبّله وشمّه
واهل بيته يودعونه و لفوا يَمّه
ما شافوا على الغبره انسفك دمه
ولا راسه برمح عالي ينظرونه

مات وغمض عيونه مَبين احباب
وعليه التمت العيله ابدمع سكاب
ما عاين طفل عنده بذبح منصاب
ولا ضلوعه بحوافر خيل يسحقونه

بناته تنتحب صاحت تِهل دمعه
وعِد بابه بعد دفنه تِخل شمعه
بس حسين ولا واحد إجه ينعى
بناته من الضرب فرّن يندبونه


🖊خادمة أبي الفضل

#شهادة_الإمام_موسى_الكاظم ع
#أطوار_مختلفة
#مقارنه بين المعصومة والسيدة رقية ع
وكأني بالإمام الكاظم ع وقد بعث برسالة إلى إبنته فاطمة المعصومه مع الريح



صاح الكاظم بهمه سلامي لبنتي وعيالي
مسجون وحبل واقيود وصورهم دايمه ابالي
عليّه ضاقت الأنفاس وحرموني الهوه تالي
اعلقد ما ليّه مُشتاقه أشتاقيت أنا ليها

وصّيها الصبر يا ريح حنينة بنيتي معصومه
عليّه تنشد اليمتى ابويه تِخلص اهمومه
ما تدري أبوها يروح ومنه هم قُرّب يومه
تجي الوادم تِعزيها ولا شامت يعت بيها

طور الجفيري

بموتي يبويه بس قَهْر
ولجلي دموعِك كالمطر
لكنّي سالم امن النّحر
ولا واحد اعلِيك جِسَر ( تجرأ)

#بنيّة انت تفقدينني وتبكين عليّ وتنحبين ،لكن اسفي على مدلالات الحسين اسفي على رقية :

جدي الغريب ابكربله
عنده بنات امدلله
هامت تصيح ومعوله
ضربوها شتموا العايله

فقدي اعلى قلبك آه صعب
وبعدي تظلي بالندب
ذكري رقيه التنضرب
بساعة دمعها هم تصب

#بعد مولانا الكاظم عنده وصية لبنته المعصومه :

آيبويه     ذِكري بِمصابِك رقيه
آيبويه    شكثر صاحت خطيه
آيبويه    بنتك الليله سبيّه

بالخرابه    الله بس يدري بيها
بالخرابه    تنطر الوالد يجيها
بالخرابه    زينب اتصبر عليها


🖊خادمة أبي الفضل

https://youtu.be/RsYn1i6972g


#رحيل_السيدة_زينب
#طور_إسمع_عتابي


ما يحضروني
أهلي عافوني
بلكت نِسُوني
بموتي غريبه ..

فاضت دمعتي
امْنذكر سفرتي
ووحدي بغربتي
وانه الحبيبه ..

يومي محرّم
وبعيوني مأتم
لخويه التخذم 
وطاح بتريبه ..

بهالديره آني
هاالشيباني
بمجلس أعاني
ونادي النجيبه ..

#اشرايدة من أمك مولاتي يا زينب ..؟

تنظر سنونه
وجهه و عيونه
من يضربونه
الشّيبه خضيبه ..

#بعد من تنادي مولاتي يا زينب..؟؟

وين الكِفلني
بهمه و طَلَعني
وحدي تِركني
ابونة لهيبه ..


🖊خادمة أبي الفضل

📍تم تعديل القصيدة
#وفاة_أم_البنين ع
#طور_الخضيب
#السيدة زينب ع تخبر أم البنين عن شهادة الحسين عليه السلام :


▪︎....أم البنين تسأل ، تستعلم من زينب ما الذي جرى على الحسين ع في طف كربلاء أخبريني بنيّة ماذا حصل
شو تجاوبها زينب والونّة بأثر ونّه ...؟؟؟



قلبِك ما يتحمّل وصف / من طاح عن اجواده
وجِسمه على الغبره وقع / ورمل الثره اوساده
صبري يا حُره لو قِلِت /ثلثين مِن إفأده
سهم المواضي طَلّعه / وباقي الثلث لاهب

#بعد شحكي يا ام البنين 💔

مُوتي ابعيوني عاينت / بس الشّمر جاله
قاعد على صدره عرَفت / ومغيّر ابحاله
ورأسه لخويه يِقطّعه / وبرمحه هم شاله
واعياله مرعوبه وتونّ / وونّ البنت واجب

#وانت بنيّة زينب ما الذى جرى عليك ،بعد العز والخِباء و الدلال  ..؟؟

راح أحكي ليك مصيبتي/ واحكي الجرى عليّه
تِدريني من بيت الوحي/ يمشوني مسبيّه
مو كافي بسياطه الشّمر /يضرب يِسب بيّه
وعين الشماته موجّره /ودليلي هم شاجب


🖊خادمة أبي الفضل

#وفاة_السيدة_أم_ البنين ع
#طور_أومت_بديها
#وكأني بالسيدة أم البنين ع تخاطب طيف العباس ع عند الإحتضار



قالولي يُمّه شالجرى بعاشر ابعاشور
جِيت الفرات وما رَوّيت قلبك المفطور
اكفوفك قطيعه من الزند ودمومَك تفور
وا باقي زندينك شِلت الرايه والجود

قالولي عن مُهْرَك طحت وبليا إدِين
وحضرتلَك الزّهره وتقول انا ام الحسين
بحضني تِلَقيِتَك رِدت لجل أم البنين
جازي تعبّها والسهر وقطعة الازنود

قالولي من جَالَك أخوك وضًمّك بالأحضان
شاف السهم بالعين وانت بوضع تعبان
منه اخجلت أدري بعد ياقمر عدنان
ماكو مثيلك بالوفه يالوفّيت العهود

#بعد بما أخبروك يا ام البنبن :

قالولي للحرة ابعَثِت يا يُمّه سلام
وقتله يخويه لا تِجي اتظل بلخيام
لكنها من صار الذّبح وهجمّت الظّلام
ركضَتْ الى شط النّهر مدمعها بلخدود


🖊خادمة أبي الفضل

#ليالي_ام_البنين
#طور_أومت_بديها
#وكأني بام البنين تخاطب طيف العباس ع عند الإحتضار


قالولي يُمّه شالجرى بعاشر ابعاشور
جِيت الفرات وما رَوّيت قلبك المفطور
اكفوفك قطيعه من الزند ودمومَك تفور
وا باقي زندينك شِلت الرايه والجود

قالولي عن مُهْرَك طحت وبليا إدِين
وحضرتلَك الزّهره وتقول انا ام الحسين
بحضني تِلَقيِتَك رِدت لجل أم البنين
جازي تعبّها والسهر وقطعة الازنود

قالولي من جَالَك أخوك وضًمّك بالأحضان
شاف السهم بالعين وانت بوضع تعبان
منه اخجلت أدري بعد ياقمر عدنان
ماكو مثيلك بالوفه يالوفّيت العهود

#بعد بما أخبروك يا ام البنبن :

قالولي للحرة ابعَثِت يا يُمّه سلام
وقتله يخويه لا تِجي اتظل بلخيام
لكنها من صار الذّبح وهجمّت الظّلام
ركضَتْ الى شط النّهر مدمعها بلخدود


🖊خادمة أبي الفضل

#محرم_١٤٤٥
#نعي / #طور_يقلها_سولفيلي_وسالت
#وصية السيدة أم البنين ع لولدها العباس ع

#ام_البنين
#العباس


يبوفاضل خبر عندي ويذوّب الروح
زينب من بعد عزها سبيّه تروح
تعاين عالثّرى مرمي الولي ومذبوح
وشيبه اعلى الرّمح دامي وعليه تنوح


زينب بالدّرب ساتر تكون إلها
خل إيدك على الرايه تِظلّلها
واذا مرّها الهوه ذِبحه يكافلها
بعجل يُمّه ستر لإختك تِعدّلها


تكون وياها لو وصلت أرض الطفوف
وتِسلّيها اذا صار  الوجه مخطوف  (ليش يا ام البنين)
تدري بهالارض عباس ذبح واسيوف
وموتك عالنّهر تنظر وسهم وكفوف


واذا صار الوقت عاشر وحق ارباي
وركضَت بالعطش تِلهب طفالىَ اهواي
من تِنزل الى الشاطي تعوف الماي
تدري بسكنه تنتظرك يلبّ احشاي


#بعد وصية تقطع القلوب
#طور أمك إجيت أنه/ #حضريني_يالزهره


لو جَالك الغالي          وخل راسَك بحِجره
خل السّهم في العين  يصوبونه في صدره
وراسك ترى تْرِّده       يا يمّه ع الغبره
بساعت يذبحونه       ما واحد ايحضره
واتجيله خيّاله           يرضّو إله صدره

إعذرني ما حِضرك   خاطر  أفي الزّهره


🖊خادمة أبي الفضل

#طور_ راح _الدلال [ للشيخ علي البيابي]
#الإمام زين العابدين ع يروي لعمته زينب ماذا يرى ساعة المصرع



▪︎...نادها عمّه زينب إرفعي طرف الخيمة ، نظر واذا به : عمه زينب إستعدي للسبي 💔
عمّه زينب هذا رأس والدي الحسين على رمح طويل


قومي  يعمّه .. اتحضري
لرحلة عذابك .. وانظري
نحره أبويه .. منفري
وراسه على .. رمحٍ طويل

جسمه طريح  ..  اعلى الرّمال
وخيل الأعادي  .. اويه الرّجال
جَتنه تِسلبنا .. الرِحال
عذريني أرجوك .. دخيل

ذبوا يا عمّه .. عمامته
وسلبوا ابويه .. جُبته
وقطعوله شوفي ..صُبعته
ومنّه دمومه .. هم تسيل

#بعد مولاي يا زين العابدين ما الذي تراه :

مصبوغة .. شِيباته بدِمه
ودم قلبه .. طافح للسِمه
وحُرمه تنادي .. مألَمه
تلطم  على .. صدرٍ عليل

أمه عَرَفتها .. من الضّلع
والوجنة حمره  .. من الدّمع
بيديها كافور .. وشمع
محنية تمشي .. وبس تميل


أظنك عرفت من المقصودة 💔

🖊خادمة أبي الفضل


https://youtu.be/AKPNyYOSEP4