قناة خطباء المنبر الحسيني للقصائد

#طور_مستهل_لطمية_روحي
#دنيا_ما_بيها_بس_هم_وغدر
#لسان حال السيدة رملة ع ، السيدة الرباب ع،  أم الشهيد



يُمّه  .. وحدي عِفتني يالولد
يُمّه  .. مفجوعه يا طير السعد
يُمّه  ..  ما يرهم لطولك لحد .. يُمّه

ليلي  .. من عُقبك عيوني جمر
ليلي  .. يُمّه أقَضيه بسهر
ليلي  .. حزني يا يُمّه للقبر .. ليلي

يبني   ..  روحي بغيابك بس حزن
يبني   ..  ليليّه أشتاقك واحنّ
يبني   ..  يكسرني بُعْدَك وانسحن .. يبني


🖊 ام جواد

#طور_الجفيري
#شهادة_القاسم_إبن_ الحسن ع
#لسان_حال_السيدة_رملة ع
#ليلة_القاسم



وينك يا يُمّه اتأخْرِت
والزفّه لجلَك حَضرِّت
عني غِبت ليش ورِحت
وشمسك يا يمه غَرّبت


تياب العرس عندي وعطر
اشسوي بعد قطع النحر
يا ريته يومي من قبل
موتك يا روحي والنظر

لعيوني تدري انتهَ ضِوه
قلبي اعلى قلبك بس هوى
يعني زفافك للقبر
يا ريته موتتنا سوه

رَبيتك بليل البرد
وبأحضاني ضميتك وعِدّ
وبلهفه منتظره العرس
تاليها تتوسد لحد


🖊خادمة ابي الفضل

#محرم١٤٤١
#القاسم ع
#لسان حال السيدة رملة عند قبر ولدها القاسم عليهما السلام

(نعي مجاريد)


سهـم الـــولد بحشـاي صوّب
و جمر الـمدامع عالوجن صب
عفـته اعلــه حـرّ الـثره ٱمترّب
مطــروح و ٱبدمّـــه ٱمخضّـب
و اليـوم ٱجيتـه ابگلـب يلهب
أنـــدب يجـــــاسم يالــمنتّب
يمـــدَلَل ٱمّــك عنـدي مطلَب
يبني انشتم عودك و الٱصعب
يمّ عمِّتَك راس انولــي انذب
و حيدر ييمّه ٱنشـتم و ٱنسب


ملاغلام ابومحمد البوغبيش