rawêjîsm | ڕاوێژیسم

‍ «خوا مرۆڤە و مرۆڤ تێکدەر!»

(١)
گەمژایەتیە. دەستەکانتان بێنە خوارەوە، نە زەوی قیبلەی ھەیە و، نە ئاسمان خاوەنێکی!.

(٢)
برسێتی نە چارەنووسە و نە تاقیکردنەوەیەکی ئیلاھی. برسێتی پلانە، پڕۆژەیەک بە ناوی؛ " ھی خۆم دەخۆم، ھی تۆش دەخۆم"ە!.

(٣)
ئەرێ زەوی مڵکی باوکی کاممان بوو؟!

(٤)
نیچە ڕاستی دەوت کە: "ئومێد تەنیا ماوەی ڕەنج و ئازار درێژ دەکا!".
لەم زەڵکاوەی ئێستامان، ئومێد بە یەکسانی و ڕزگاری، عاقڵانەیە یا گەمژانە؟!

(٥)
چۆنە یان خۆمان لەناوببەین یان ئەوان؟! ئەمە چ یاریێکە بەردەوام دۆڕاو ئێمەین و براوە ئەوان!.

(٦)
ئەگەر خێر چاکەیە و شەڕ خراپە، ئەی بۆ بەردەوام شەڕ خێرە و چاکە خراپە!؟

(٧)
باشە "شەڕ" ڕوالەتێکی سروشتیە یا بەرھەمێکی مرۆیی؟!

(٨)
ـ ژیانی بەبێ شەڕ؟
ـ ئەی بژێوی کرێکاری کارگاکانی چەک‌سازی؟!

(٩)
یاساکان؛ تەنیا و تەنیا پردێک بۆ لکاندنی درۆ بە پاساوەکانن!
یاساکان بۆ ئێمە نەنووسراون!.

(١٠)
مرۆڤ لە گشت ئەو بوونەوەرانە کە لەسەر ئەم گەردوونە ژیاون دڕەندەترە، ئەمە تەنھا ھۆکاری زیندوومانەوەیەتی. جا ئەم بوونەوەوەرە دڕندەیە باسی سۆز و خۆشەویستی و بەزەیی و میھرەبانی و بەخشەندەیش دەکا، ھیچ جێگای باوەڕ نییە، ھیچ!.
ــــــــــــــــــ
ن: #ئەمیر_سیراجەدین
#مینیماڵ #ڕاوێژیسم
🎨نیگارکێش: #Salvador_Dali

✅@Rawezhism
https://t.me/joinchat/AAAAADvfdFVQoncrY0XPxA

(٧)
چوار چاویلکەی یەکەم لەچاو دەکەم، لە ئاسماندا ئاگر، خاک و ئاو و هەوا دەبینم؛ بە دوو چاویلکەی تر، فۆڕمگەلی دەرەهەست، شابزوێن دەبینم؛ هەر یەک لە چاویلکەکانى تریش کۆمەڵگا، مەدلوولات، مێژوو، باوکم و تەرمى خودایەکم دێننە بەرچاو. دەچمە بەر ئاوێنەکە: من چیم و چیم لەبەر دەڕوات؟

(٨)
"بالوعەی مەرکانەکە دەکەمەوە، هێڵێکی ئاویی سارد لە دالەکان خۆیان دەڕژێننە گڵاسەکەمەوە؛ زمان، ئامادە بۆ خواردنەوە، خۆیم بۆ نومایش دەکات. دەیخۆمەوە، زمان دەڕژێتە ناومەوە، ناتوانم دەریبدەمەوە! زمان دەمخنکێنێت! داگیرمدەکات!": تەنها یەکێکی تربوو لە کابووسەکانى ژاک لاکان، کاتێک بۆ ژیژەکی دەگێڕایەوە.

(٩)
بۆدریارد و دوڵووز لەسەر گردێکى قەراغ شار دانیشتوون، زیاتر لە سێ سەعاتە خەریکی خۆمەستکردنن. بۆدریارد دەڵێت: "ئەم شارە کۆپیەکى قۆڕی کۆپیەکى ترە، کەواتە بێمانایە". دوڵووز دەڵێت: "نا. ئەم شارە کۆپیەکى قۆڕی کۆپیەکى ترە، کەواتە هونەرە".

(١٠)
پۆڵ سیزانی چکۆلە گوڵدانەکەى لەدەست بەربووەوە. پیکاسۆ لەڕووى بەزەییەوە هات و بە چەسپ، پارچەکانى بۆ لکاند بە دیوارێکەوە؛ سەرەتا کیوبیزم نەبوو.

(١١)
دڵنیام دواى بڵاوبوونەوەى ئەم بابەتە، بۆدریارد لە ڕقی دوڵووز نامەم بۆ دەنێرێت و دەنووسێت: "باش نییە موحاکات بە ئەدەب ئەژمار بکرێت".
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستی سێیەم)

‏Me bişopînin: @rawezhism

«عەشق، ژنێکی کوژراوە!»

منی دەوێ و من دەمھەوێ،
نایانھەوێ و نامدەنێ.
دەیانھەوێ و دەمدەنێ.
من نامھەوێ و دەمکوژن!...
ــــــــــــــــــ
#ئەمیر_سیراجەدین #مینیماڵ
@Rawezhism | #ڕاوێژیسم

(٦)
ڕەخنە لە ئەقڵی سۆشیاڵ ڕیالیستیی:
ڤیبەر: "بەڕێز دورکهایم دیلی قەفەسێکی ئاسنینە، کەواتە کۆمەڵناسییەکەى بە کوێریی لەدایکبوو."
مارکس: "بەڕێز دورکهایم نازانێت چ هەڵەیەک دەکات، بەڵام دەیکات".
مارکۆزە: "بەداخەوە، بەڕێز دورکهایم ئیرۆسی نییە".
گرامشی: " هەڵبەت هەموو کۆمەڵگاکان تووشی نەخۆشینی کەمەڵایەتیی دەبن، بەڵام باری تەندرووستی کۆمەڵگا کامەیە و لەکوێدا تووشی لادان، گۆڕان دێت؟ لەم پرسیارەوە دەردەکەوێت کە تیۆریی بەڕێز دورکهایم تا چەندێک سوخرەکێشی هێجێمۆنی(کۆنترۆڵ)ی کلتووریە."
ژیژەک (لە کاتێکدا کە بە هەردوو دەستی، دەمى دۆستۆیڤێسکیی گرتووە): "ئەگەر حەقیقەتە کۆمەڵایەتیەکان بوونیان هەبێت، ئەوا هەموو شتێک ڕێگەپێدراوە".
ژیژەک لە ڕەخنەیەکى نوێتردا: "تۆ ڕقت لە کۆمەڵناسی نییە، تۆ ڕقت لە دورکهایمە".
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستی سێیەم)

‏Me bişopînin: @rawezhism

(٥)
دوو سەدەیە ئاگامەندیی ڕەها بەسەر دورکهایمدا بۆڵەبۆڵێتى: " کاتیگۆریەکانت لە کانت سەندەوە، هیچمان نەگوت. بەڵام دین لە کۆتاییدا کۆمەڵگایە کاتێک خۆی دەپەرستێت؟! هەر بە جدیی؟ بۆچی کۆمەڵگا؟ ناوتبنامایە خودا، یان شابزوێن، هیچ نەبێت چاکەى ڕەها. گاڵتە بە سپیۆزاش دەکەن!"
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستی سێیەم)

‏Me bişopînin: @rawezhism

(٤)
ڕێک پاش جەنگی جیهانیی، دورکهایم لە ماڵەکەى دێتە دەرەوە. دراوسێکەى سڵاوى لێ‌دەکات و دەربارەى ئەو دەڕنەفیزە زەبەلاحە پرسیار دەکات کە بەڕێز دورکهایم لەشانى ناوە؛ ئەو نازانێت کە حەقیقەتە کۆمەڵایەتیەکان دەبێت وەک شت لەلایەن توێژەرەوە مامەڵە‌بکرێن و پیشەى دورکهایمیش، تەنها تونگکردنەوەى برغووەکانە.
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستی سێیەم)

‏Me bişopînin: @rawezhism

(٣)
لە گەردوونێکی‌تری ناهەمتادا، هیگڵ وەک شاعیرێکی تاساوی پاش جەنگی‌جیهانیی دووەم لەدایک‌بوو. نمونەیەک لە نووسینەکانی:
"ئەسەفا بۆ ئاگامەندیی ڕەها،
کە تووشی ئەنفلۆنزا بووە و
لەگەڵ هەر پژمەیەکیدا لایەکی مرۆڤایەتیی دەمرێت."
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستی سێیەم)

‏Me bişopînin: @rawezhism

بەپێی ئەم هەستەی ژێرپێم بێ،
گڵۆپەکان سوور دەبن،
مرۆڤەکان یەکتر تەواو دەکەن و
دڵی جوگرافیاکان دەشکێنن!
ــــــــــــــــــ
#ھێمن_قوربانی #مینیماڵ
🎨: #دیاکۆ_دادگەر

@Rawezhism | #ڕاوێژیسم

(٢)

هیوم لەگەڵ سیان لەو کچانەدا کە لە دیسکۆکە بەهۆی فەزیلەتەکانی ئەقڵیەتی گشتەکیەوە ڕازیی کردن، دەچێتەوە ماڵەوە. فەرموویان لێ دەکات تا دابنیشن. تێر سەیریان دەکات. دەچیتە تەوالێت و چاو دادەخات، لێرەوە ئیتر کاری ئەبستمی هیومیی دەستپێدەکات: جەستەی یەکیان لە کەمەریەوە بەرەوسەر، جەستەی ئەوی تریان لە کەمەریەوە بەرەو خوار، دەخاتە ژێر دەموچاوی سێیەمیان؛ ئەفسانەییترین دەسپەڕ بەسەر ماشووقە ئوستووریەکەیدا دەکات.
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستی سێیەم)

‏Me bişopînin: @rawezhism

(١)
چیتر تیشکەکانی گڵوپی چەندڕەنگەی دیسکۆکە ناچن بە چاوە زەقەکانی کانتدا، چونکە بە توڕەییەوە هەڵساوە تا بڕوات. هیوم هێشتا دانیشتووە، بەکچێک دەڵێت: "هەناسەم، گەنە‌مووی دەوری لێوت هێندەی‌تر سیحراویت دەکات." بە یەکێکی‌تر دەڵێت: "واز لە هەر شتێک بێنە، ئەوەی هار و دێوانەم دەکات قژە بزڕکاو و ڕوو لە ڕووتانەوەکەتە." خەریکە بە کیژێکی‌تریش دەڵێت ناسکۆڵ لووتە چڵماویەکەت شەبزووزم تا سێیەم تەبەقەی ئاسمان هەڵدەسێنێت، بەڵام بیری دەکەوێتەوە کە تەنانەت لە ئەخلاقی یوتێلیتاریانیستی و ئەقڵیەتی‌گشتەکییشدا ئینسان قسەی وا قۆڕ ناکات. کانت ئێستا لە دیسکۆکە دەرچووە؛ بە تووڕەییەوە، لەژێر لێوانەوە دەڵێت: "سەیری دەرەنجام دەکات و ئیتر دەتوانێت بەو کچانەش بڵێت جوان کە بە جوانیان نازانێت. منیش لەوەتەی هەم بۆم نەبووە بە کچێک بڵێم جوان، یان درۆی ئەوە بکەم کە خۆشم‌دەوێت؛ ئەمری‌ڕەها و کاتیگۆریک ئیمپیریتیڤ بە ...م."
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستی سێیەم)

Me bişopînin: @rawezhism

(٦)
هیگڵ بەردەوام لەسەر تەختەڕەشەکە سێ‌گۆشە دەکێشێت. ئەدۆرنۆ، بە تەختەسڕێکەوە، دوو لای سێ‌گۆشەکانی هیگڵ دەسڕێتەوە؛ تاکو ڕاستەهێڵێک بهێڵێتەوە، کە دوو خاڵی بەیەک گەیاندووە، نەک سێ.
(٧)
پاش ئەوەی هیگڵ لە پەیمانگای فرانکفۆرت دەرچوو، ئەم تێزەی داڕشت: ''لە ڕاستییدا ژن و مێرد هەرگییز منداڵیان نابێت؛ ململانێی دوو بوون، بوونی سێیەم چێ‌ناکات".
(٨)
کە گەیشتمە لای ئێدوارد سەعید، تەوقەم لەگەڵدا نەکرد؛ چونکە پڵنگێکی عەرەبیی دەستی ڕاستی خواردبوو، کاتێک لە ڕووی شۆخییەوە ئەم چووبوو دەست بە سەروگوێلاکیدا بهێنێت. تەلەڤزیۆنەکە دیکۆمێنتاریەکی لەسەر دەوارنشینەکانی بیابانی عەرەبی نیشان دەدا. بەرامبەری دانیشتم و کۆفیەکم داوا کرد.
من: ''شا لەو پیسخۆرانە، میزی حوشتر دەخۆنەوە!''
ئەو: ''ڕاستییەکەی ئەوان پیسخۆر نین، بەڵکو ئەنسرۆپۆلۆژیای خۆرئاوا، ئێستاش میدیایان، وەک پیسخۆر ئەوانی نیشان داوە و دەدات''.
من دڵنیابووم کە ئەو ئێستاش پڵنگە عەرەبیەکە بە ئاژەڵێکی ڕووەکیی و بێوەی دادەنێت و لای وایە کە کێشەکە لە ڕوانینی ئاژەڵناسانی خۆرئاوادایە. باسەکەم گۆڕی.
(٩)
بەیانی زووە. داسزاین لەسەر کار خەویدێت، لەژێر لێوانەوە دەڵێت: "خۆزگە من بوونێک دەبووم ڕوو لە خەوتن".
(١٠)
دەڵێن ڕقی دێرێدا لە دیوار، دوو هێندەى ڕقی فۆکۆبوو لە مێژوو؛ دەنگۆیەک هەیە کە دوو هەفتە بەر لەوەى بێسەروشوێن ببێت، لەو دەمەدا کە بە ڕووتى خۆی هەڵداوەتە زەریای هێمنەوە، بینراوە. ڕاستییەکەى منیش دڵنیا نیم لەم قسەیە، تۆش دەتوانیت لەمپەڕەکان لابدەیت و تەنها وەک مومکینێک وەریبگریت.
(١١)
شەقامەکە چیتر خامۆش نییە، چپەچپی ڕێبواران لە چواردەوری سێ تەرمەکەوە بێ‌دەنگیى شەوی هەلاهەلاکردووە. ماوەى چەند سەعاتێک چاوم لێ‌غافڵ کردن، کە هاتمەوە نیتشە خوداى کوشتبوو، هایدیگەر لاشەى مێتافیزیکی لەکۆڵنابوو و دوور دەیبرد، جۆگەلە سوورەکانى مانا کە لەو زمانە کەڵەگەتەی بەردەم دێرێداوە سەرچاوەیان گرتبوو، دەمێکبوو مەییبوون؛ پێڵاوەکانى بارتیش نوقمى خوێنى نووسەر ببوون.
(١٢)
پاش جەنگە دلێرانەکانى، کە نیتشە مرد، ئەمە میراتەکەى بوو بۆ منداڵەکانى: چەند هێکتارێک مەرەزەی مێتافیزیک بۆ هایدیگەر و دێرێدا، کە هەر زوو سووتاندیان؛ چەندین دۆنم ئەنسرۆپۆلۆژیا بۆ فۆکۆ و باتاى، کە لەم ئەبیستمەیانەى ئەخیردا هەموویان کران بە کێڵگەى مەعریفە؛ تانکەرێک دەروونشیکاریی پاش-بونیادگەرانەش بۆ لاکان. هەڵبەت میراتەکە لەژێر چاودێریی هابەرماسدا دابەشکرا.
(١٣)
هابەرماس: با جۆگەلەکە کەمێک وشکیشی کردبێت، بەڵام کەمێک ڕاڕەوەکەى دەگۆڕین و پڕاوى دەکەینەوە.
فۆکۆ و دێرێدا: نا! نەخێر! ئەم جۆگەلەیە بەسەرچووە و لێرەدا دەیبڕین، دانەیەکى‌تر چێ دەکەین.
هابەرماس: ئەمە نابێت! هەر وەک هۆرکهایمەر و ئەدۆرنۆ وەرزی پێشوو داوایانکرد، هێشتا هیواى تێدا ماوە، چاکى دەکەینەوە، هێشتا خودا یارە.
فۆکۆ و دێرێدا: خودا مرد!
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستى دووەم)
🔸دوابەشی مەنیفێستی ٢

‏Me Bişopînin: @Rawezhism

(۳)
بۆ ئێوارەکەى، سپینۆزایان دەستگیر کرد؛ ڕاستە خودا هەموو شوێنێکە و ئێمەش لەناویداین، بەڵام ناکرێت پیاو لە مەیخانەیەک بخواتەوە و لە مەیخانەیەکى‌تر پارە بدات.
(٤)
من هەمیشە دوعا دەکەم سپینۆزا نەگاتە توڕەییەک کە بڵێ "خوام نەما!". ئاخر ئەوسا ئێمە لەکوێدا هەبین؟
(٥)
دوایین مەنزڵ کە دووربینەکە پیشانى هیگڵیدا، باخچەى ڕەنگینی خانوویەکبوو، خێزانێکى پۆشتە تێیدا دانیشت‌بوون شیرچایان دەخواردەوە. مارکس هات و بە دووربینەکە چەند کرێکارێکى دی، هیلاک لەپاش کار، کۆکاکۆلا تینوێتی نەدەشکاندن. ئەدۆرنۆ هات و کۆمەڵێک گەمژەی بینی، شاشەیەک فرمانی پێدەکردن پێبکەنن، ئەوانیش پێدەکەنین.
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستى دووەم)
🔸درێژەی ھەیە...
‏Me Bişopînin: @Rawezhism

(۲)
هەینییەکیان باپیرم بە گریانەوە لە گۆڕەکەى دەرپەڕیە دەرەوە، لەگەڵ کەسەردا زاری ئەم وشانەى دەدرکاند: "قوربان‌تان بم مردم بۆ قاژێک توور، سەوزە و میوەى بەهەشت هەمووی ئایدیاڵن".
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستى دووەم)
سەرچاوە: ڕۆژنامەی "ھیچ"

Me Bişopînin: @Rawezhism

(۱)
سەحابە نوێیەکانى ئەفڵاتوون، ئەریستۆیان سووتاند. لەبەر ئەم دۆزینەوەیەی: "هۆکارى یەکەم جەوهەرێکى ڕەوانە کە تەنها ئەندامەکەى خۆی دەمژێت، ئیتر لە ئۆرگازمێکى تەواو چاک و تەواو جوانى ئەزەلییدایە".
ــــــــــــــــــ
#زاموا_محەممەد #ڕاوێژیسم
«کەمێک سەیرتر لە خەیاڵ»
#مینیماڵ (مەنیفێستى دووەم)
سەرچاوە: ڕۆژنامەی "ھیچ"

Me Bişopînin: @Rawezhism

ئەوندە ماندووم كە ئیتر
نەچێژ من ڕادەگرێت
نە تێكشكانی سووچێكی قەدەغەكراو
نە پێڵاوی پاڵەپەستۆی جیهان.
ــــــــــــــــــ
#بێھناز_جەوانشیر #مینیماڵ
🎨وێنە: #دیاکۆ_دادگەر

@Rawezhism | #ڕاوێژیسم

کورتیلە چیرۆکی:
- لیوانێک ئاوی سارد

بۆخۆی لە هیچ‌بوونی خۆی دڵنیا بوو؛ بەڵام کێشەکە ئەوە بوو خەڵکەکە لە هیچ‌بوونی خۆیان بێ‌ئاگابوون. بۆیە هیچ‌بوونی خۆی پێ‌هیچ نەبوو.
ــــــــــــــــــ
#ناسرفەتحی #ڕاوێژیسم
#چیرۆک #مینیماڵ

@Rawezhism @rawezhism

زیندانییەک و پاسەوانێک هەمیشە دوو خەونی جیاواز دەبینن:

– یەکەم خەون بە ئازادبوونەوە دەبینێ…
– دووەمیش خەونێکی ترسناک دەبینێ!

کە هەمیشە وەک ‌کابووس دوبارەدەبێتەوە، لە خەونیدا خۆی زیندانی کراوەو سزادراوە، چونکە «یەکەم» دەرگای زیندانی شکاندووەو هەڵهاتووە! واتە کەسی «یەکەم» لە زینداندایە، بەڵام لە خەونیدا ئازادە.

هەرچی کەسی «دووەم» ئازادە،
بەڵام لە خەونیدا زیندانییە!.

🔸ئەم چیرۆکە هاوکێشەی پەیوەندیی نێوان گەل و دەسەڵاتی ستەمکار پوختدەکاتەوە، گەلان هەمیشە خەون بە شۆڕش و ئازادبوونەوە دەبینن، دەسەڵاتدارانیش هەمیشە کابوسی شۆڕش ڕاویان دەنێ زیندانییان دەکا..
ــــــــــــــــــ
#شـێرزاد_حەسەن #ڕاوێژیسم
#کورتە_چیرۆک #مینیماڵ

@rawezhism @rawezhism

«نامەی ژمارە۳۶۰»

"خۆشەویستم!
ئەوە دەڕوات بۆ ساڵێکە کە لەم دورگەی دوور لە وڵاتە هەموو شەو و ڕۆژە پڕ لە دەرد و ڕەنجەکانم بە ڕوانین و ماقمان لە ڕوخساری جوان و پەیکەری یۆنانیت، کە بە سەر دار و دیواری ئەم ژوورە تاکەکەسییە بە دەستی لەرزۆک و پشتی چەماوم هەڵم کەندووە تێدەپەڕێنم و ئیتر هیچ‌شتێک لەوە زیاتر ناتوانێت ساڕێژکەری برینەکانم بێت.

خۆشەویستم! دەقە ‌بە‌ دەقە و چرکە بە چرکە، تاسەی دووری لە تۆ و نیشتمانەکەم هەناسەم سوار دەکا و مناڵی نەفام و زمان نەگرتووی نێو دڵم زۆرتر لە جاران گرووی دیدارت دەگرێ.

بەڵام خۆشەویستم... هەموو ئەمانە تا کاتێک بوو کە ئەمڕۆ مخابن و سەد هەزار جار مخابن کە بردمیان بۆ ژووری کابرای ئەشکەنجەکەرەکە و لە نێو لەپتابەکەی تۆ -کە زۆر لەلام سەیر بوو کە لەوێ چی دەکرد- ڕۆیشتە سەر پەیجی شەخسی فەیسبووکەکەت و چەن وێنەیەکی تۆ و ئەو جنۆکەیەی لە باوشی یەکتریندا -کە دەتوت لە مێژە یەکترینتان نەدیوە- نیشان دام و پاش دارکارییەکی زۆر بەڕەڵڵای نێو قەفەسەکەی خۆمیان کردمەوە.

خۆشەویستم! تۆ هەر گوڵە جوانەکەی ڕۆژانی هەژاری و بێکەسیمی. ئەگەر چی لە ئێستادا کە ئەم وشانە لە نێو گێژەڵووکەی مێشکم بە سەر پێنووسە وشک هەڵاتووەکەم دەخلیسکێن و بەرەو دەشتی لاپەڕەکان سەروخوار دەبنەوە؛ چوار دەوری قەفەسەکەم بووە بە زەریایەکی‌سوور و هەڵماوی، زەریایەک کە منی دەربەدەر و تینووی، بە سەر شەپۆلەکانی خۆی درێژاودرێژ پاڵ خستووە و بەردەوام دەست بە پێڵووەکانی چاوم دەهێنێت کە خەو بە ماچی یەکەم ژوانمان ببینم..."

ئەم ڕستانەم چەن سەعاتێک لەمەو پێش لە پەیجی فەیسبووکی کچێک خوێندەوە کە لە ژێر وێنەی لاپەڕەیەکی خوێناوی بۆ فاڵۆوێرەکانی ئاوای نووسیوو:

ئەم ڕستانە، دوایین ڕستەی نامەی ژمارە «۳٦۰»ی کۆترێکی ئەویندار بوو کە ئەمشەو بە دەستی کابرایەکی نەناسراو بە دەستم گەیشت. کۆترێک کە تەنیا و تەنیا بە تاوانی چاپ و بڵاو کردنەوەی کتێبە شێعرەکەی بوو بە قوربانی درۆ و فێڵی ناحەزان."
ــــــــــــــــــ
کورتیلەچیرۆکی:
«نامەی ژمارە۳۶۰»
#هێمن_ئەمینی #ڕاوێژیسم
#مینیماڵ #چیرۆک

@rawezhism @rawezhism

#مینیماڵ #ڕاوێژیسم
#حوسێن_شێربەگی

مینی‌ماڵ به‌وه ناڵێن که نووسه‌ر بتوانێ ڕووداوێک زۆر زۆر کورت کاته‌وه و له هه‌موو جوانییه‌ک و جوانکارییه‌ک بێ‌به‌شی کات. چیرۆکی مینی‌ماڵ یانی ئه‌و چیرۆکه‌ی که هاتوو لاپه‌ڕه‌یه‌ک یان ده لاپه‌ڕه یان ڕۆمانێکی مینی‌ماڵیش بوو له چه‌ند سه‌د لاپه‌ڕه‌دا، به‌ڵام له نووسین و ده‌کار کردنی وشه و ڕسته و ده‌سته‌واژه‌دا سه‌قیلی کرابێ و که‌مترین ئه‌ژماری وشه و ڕسته ده‌کار کرابێ. ده‌بێ له نووسینی هه‌ر چه‌شنه وه‌سف و شڕۆڤه و ڕاڤه‌یه‌کی سواو و ناسراو و چه‌ند پات دووری بکرێ. ده‌بێ جێگه و ڕێگه‌ی ئه‌وه نه‌مێنێته‌وه که له چیرۆکی مینی‌ماڵ یان له ڕۆمانی مینی‌ماڵ وشه‌یه‌ک ده‌رهاوی و ئاو له ئاو ته‌کان نه‌خوا و نه‌جووڵێ.

له‌م ژانره‌دا ڕێز و حورمه‌تی زبان و وشه و رسته له‌وپه‌ڕی خۆیدایه. له لایه‌کی دیکه‌وه هه‌روه‌ک له‌م ژانره‌دا زبان به گه‌شه و نه‌شه و پوخت و پاراوه، وشه و ڕسته‌ش له به‌رده‌ستی نووسه‌ردا هه‌ویری نه‌رمن. گرینگی ڕیوایه، گرینگی ئه‌و شته‌ی ده‌یگێڕیه‌وه، یان له ڕوانگه‌ی واتادا و یان له ڕوانگه‌ی ڕووداو و داڕشتن و فۆرم و ستایله‌وه، هه‌موو شتێ له ته‌شقی جوانی و گرینگیدا بێ.

....
بۆ خوێندنەوەی درێژەی ئەم بابەتە فایلی پی‌دی‌ئێفی خوارەوە دابگرن.

@Rawezhism @rawezhism

«حازر و غایب»

ـ دزی ئەدەبی؟
ـ حازر

دزی هونەری؟
ـ حازر

ـ دزی بازرگانی؟
ـ حازر

ـ دزی مێژوو؟
ـ حازر

ـ دزی نوێنەرایەتی؟
ـ حازر

ـ دزی ئایینی؟
ـ حازر

ـ دزی ماڵان؟
ـ ئاغا ئیجازە؟ غایب، لە زیندانە!

ــــــــــــــــــ
#ناسر_فەتحی #ڕاوێژیسم
#کورتە_چیرۆک #مینیماڵ

@Rawezhism @rawezhism