JAFAR KHOLMUMINOV

#Ҷаъфар #Муҳаммад #Тирмизӣ

Ҳофизи хушадои олтинсоӣ Тоҳирҷон Зокиров як ғазаламро замзама карданд. Садошон танинандоз бод!
------------------------
ШАБАКАИ МО:
@Jafar_Muhammad_Termizi

#Ҷаъфар #Муҳаммад #Тирмизӣ

Аз базми тараб бодагусорон ҳама рафтанд,
Мо бо кӣ нишинем, ки ёрон ҳама рафтанд...

Зиёрати қабри шоири зиндаёд, бародари ҳамдилам Абдуллоҳи Раҳмон.

Сариосиё, 30 майи соли 2024 t.center/Jafar_Muhammad_Termizi

#Ҷаъфар #Муҳаммад #Тирмизӣ

Ба сардабири  маҷаллаи байналмилалии электронии шеър - "Дӯстии халқҳо" додари азизам Убайдуллоҳи Сангин, ки маро ҳам ба узвияти ин маҷмӯа муносиб донистаанд, сипосгузорӣ изҳор менамоям.

08.05.2024.
@Jafar_Muhammad_Termizi

#ҶАЪФАР #МУҲАММАД #ТИРМИЗӢ

Бо арзи салому адабу эҳтиром, иди саъиди Фитрро барои ҳамаи дӯстонам муборак бод, мегӯям ва бо истифода аз ин фурсат, хабар медиҳам, ки дар ин рӯзҳо дувоздаҳумин китоби шеърам бо номи "Ақли бунафш" дар Тошканд (интишороти "AKZ SOFIA", 294 сафҳа, 500 адад) омодаи чоп шуд.

Ш А Б А К А:
@Jafar_Muhammad_Termizi

#Ҷаъфар #Муҳамиад #Тирмизӣ

Даҳ ё бист китоб чоп кардану чанд орден ё унвони давлатӣ гирифтан ҳанӯз далели шоир будани шахс нест. Баъзе зоҳирбинон ҳамин унвону орденҳоро меъёр медонанд ва муаллифи назмгунаҳоро бо тавсифҳои ғайри воқеъӣ ситойиш мекунанд. Шоири воқеъӣ ҳамон аст, ки шеъраш дар ҳаёти маънавии ҷомеъа, дар олами ботинӣ ва дунёи зеҳнии мардум, кӯтоҳи сухан, дар қалби одамон зиндагӣ кунад. Агар ғайри ин бошад, нозим аст, на шоир.

Ш А Б А К А:
@Jafar_Muhammad_Termizi

#ҶАЪФАР #МУҲАММАД #ТИРМИЗ

Дуруд бар Шумо, Шукруллоҳи Сироҷ! Хониши бисёр хубе буд. Садоятон хаста мабод!

ШАБАКАИ МО:
@Jafar_Muhammad_Termizi
К О М М Е Н Т.
@Jafar_Muhammad_Bot

#ҶАЪФАР #МУҲАММАД #ТИРМИЗӢ

Баъд аз ҳазор сол зи сад дом растаам,
Ин домрастагӣ чи кунам? Паршикастаам!

Ш А Б А К А::
@Jafar_Muhammad_Termizi
------------------------
КОММЕНТАРИИ
@Jafar_Muhammad_Bot

БОЙСУННОМА

Эҳдо ба Шарофи Ҷалил

Ман сафар кардам ба таърих,
Сорбонам – “Шоҳнома”,
Корвонам – “Тоҷикон”.
Ҳамдамам аз Носири Хисрав “Сафарнома”.

Бо “Сафарнома” сафар кардам, бидидам:
Родмарде аз билоди Бойсун
Дар кадомин ҷангалистон дошт бо хирсон набард.

Ман сафар кардам ба дарёҳо ба сони Синдбод
Аҳмад Абдуллоҳро дидам, ки аз дарёи Илм
Устухонҳои ниёи худ – Адиби Тирмизиро
Ҷамъ меоварду дар Омӯи ашки худ ҳамегардид ғарқ.

“Ман сафар кардам ба мулки шоирӣ”,
Як Масеҳои мусалмонро бидидам,
Форсигӯе зи пайвандони Салмонро бидидам.
Аз барои ошиқон “Раъно ва Зебо” дошт ӯ,
Дар сухан эъҷозҳо ҳамчун Масеҳо дошт ӯ.

Ман сафар кардам ба мулки дину ойин,
Чеҳраи нуронии Мавло Муҳиббуллоҳи Нуруллоҳро дидам дар он ҷо,
Як ҳабиби қудсии Аллоҳро дидам дар он ҷо.
Аз забонаш бори аввал ояҳои сабзи Қуръонро шунидам,
Шарҳи шеъри Бедилу маънои “Ирфон”-ро шунидам.

Ман сафар кардам ба барфистон,
То фарози қуллаҳои сар ба пешонии гардун.
Дар кадомин тахтасанги қуллае дидам, ки хаттотӣ шуда:
“Барф ҳам мегузарад”.
Саттор Турсун.
Ман сафар кардам ба мулки чашмаҳо,
Моҳиёни чашмаи Сайроб гуфтандам, ки бобоёни мо бо мо ҳамегуфтанд:
Мо шино бинмудаем андар дили дарёи шоирҳо,
Обҳо нӯшидаем аз чашмаи чашмони онон.
З-ин сабаб моро намедоранд,
З-ин ҷиҳат моро зиёратгоҳ медонанд.

Ман сафар кардам ба мулки решаҳову шохаҳо.
То Чанори пир рафтам.
Пирмарде дидаму гуфтам, ки шояд ӯ ҳамон бобои Муллоҷони мост,
К-ӯ ба пеши ин дархти кӯҳна аз таърихи миллат имтиҳон медод
Ҳамчу шогирде ба устод.

Ман сафар кардам ба Роҳи Абрешим,
Тоҷире дидам, ки дар сандуқи фӯлодин Китоби Осмониро
В-ояҳояшро таҳи сандуқи дил маҳфуз медошт,
Дар тарозуи хирад бар мекашид,
Ҳар чӣ к-аз амволи дунё дошт.
Дар нигоҳаш офтобе медурахшиду зимистонро баҳорон менамуд.
Шукри Яздон, Шукри иймон, шукри ёрон менамуд.
Қудсиён бар ҳайратам афзуда гуфтанд:
– Ӯст, номаш – Абдусаттори Ҳасан.

Ман сафар кардам ба мулки савту оҳанг,
Савти дарёҳо навозиш дод гӯшамро.
“Ҳасрати дарё”-и Хайруллоҳи Насриддин навозиш дод рӯҳамро.

Ман сафар кардам ба мулки ному нанг,
Модаре дидам, ки мегуфт алла тифлашро
Бо суруди “Тоҷикам”.
Худ намедонист, к-он аз ҳамдиёраш Иззатулло Кенҷа аст.

Ман сафар кардам ба мулки рӯшноӣ,
Равшанӣ дидам, ки аз равзан ба сони шир мерехт,
Равшане дидам, ки бар дилҳои мардум шеър мерехт.
Равшанӣ дидам, ки андар бешаи анбӯҳ раҳ меҷуст,
Равшане аз киштзори зеҳни мардум
Ҳосили “мардумгияҳ” меҷуст...

Ман сафар кардам ба мулке, к-аз азал номи шарифаш
Мозиву имрӯзу фардоро ба ҳам пайванд буд.
Номаи Масрури Абдуллоҳро хондам, ки мегуфт:
Бойсун – ин Бойсин на,
Бойсун Басванд буд,
Бойсун – Басканд буд!

#ҶАЪФАР #МУҲАММАД #ТИРМИЗӢ

Тирмиз, соли 1994
@Jafar_Muhammad_Termizi
------------------------
К О М М Е Н Т.
@Jafar_Muhammad_Bot

#ҶАЪФАР #МУҲАММАД #ТИРМИЗӢ

Як ғазаламро дар нашрияи электроникии "Конуни адабии мавҷ" (Афғонистон) нашр кардаанд.

06.09.2023.
@Jafar_Muhammad_Termizi
------------------------
К О М М Е Н Т.
@Jafar_Muhammad_bot

#Ҷаъфар #Муҳаммад #Тирмизӣ

Аз гурӯҳи "Истеъдодҳои дурахшон" сертификат тақдим карданд. Аз муассисони ин гурӯҳи адабӣ сипосгузорам.

Ш А Б А К А:
@Jafar_Muhammad_Termizi
------------------------
Комментарии гузоред!
@Jafar_Muhammad_Bot

#Ҷаъфар #Холмӯъминов

ҶАМШЕД ВА КИТОБҲОИ МАН: ПАЖӮҲИШГОҲИ ЗАБОН ВА АДАБИЁТИ БА НОМИ РӮДАКИИ АКАДЕМИЯИ МИЛЛИИ ИЛМҲОИ ТОҶИКИСТОН. БО УСТОД АСКАР ҲАКИМ ВА ҲАМСААБАҚАМ МУБАШШИРИ АКБАРЗОД ВА ДИГАРОН. Моҳи майи соли 2023.

@Jafar_Muhammad_Termizi
------------------------
Комментарии
@Jafar_Muhammad_Bot

#Ҷаъфар #Муҳаммад

ҶАМШЕД ВА КИТОБҲОИ МАН: ДАР ИТТИФОҚИ НАВИСАНДАГОНИ ТОҶИКИСТОН. Дар маҳзари устод РУСТАМИ ВАҲҲОБ ва дигарон. Моҳи майи соли 2023.

@Jafar_Muhammad_Termizi
------------------------
Комментарии
@Jafar_Muhammad_Bot

#Ҷаъфар #Муҳаммад #Тирмизӣ

ҶАМШЕД ВА КИТОБҲОИ МАН: ДАР КИТОБХОНАИ МИЛЛИИ ТОҶИКИСТОН. Моҳҳои май-июни соли 2023.

ҶАМШЕДИ ЧАҒОНӢ

ҶОМАДОНИ САФАРИ УСТОДАМ

(Дар идомаи шеъри “Ҷамадони сафар”- и устод Ҷаъфар Муҳаммади Тирмизӣ)

На, на, Устоди азиз!
Ту накун бар худ ҷавр!
Ва нагӯ ин тавр:
ки "Дер шуд,
Соати ман занг назад,
Макри ғанаб
Чашми варо бурда ба хоб.
Ҷомадони сафарам кӯҳнаву холиву хароб".

Ту нахӯр дигар ғам!
Ту накун чашми дилатро пурнам!
ва нагӯ ҳам:
ки "Ҷомадони сафарам мебояд,
Пур зи ғазал,
Пур-пури роз,
Наву зебову азим,
Наву зебову азим.
Ҷомадони сафарам мебояд,
Пур зи наво,
Пур зи ниёз
Ба Худованди карим,
Ба Худованди карим..."

Бубин, Устоди азиз!
Ҷомадони сафари ту шуда пур.
Дохилаш пур зи ғазал,
Ҳикмату ашъору масал.
Дохилаш пур зи китоб,
пур зи пурсиш,
Пур зи ҷавоб,
пур зи даъват ва хитоб!

Бубин, Устоди азиз!
Ҷомадони сафари ту шуда пур
аз ишқу умед,
аз салому паёмҳои навид.
пур зи ниёз,
маҳраму роз,
марҳаму соз...

Бубин, Устоди азиз!
Ҷомадони ту нест кунун тираву тор,
Ҳаст пур-пури гул ҳамчу баҳор.
Пур-пури нақшу нигор,
Пур-пури розу ниёз,
Пур зи маъноҳои накшудаву боз,
ки дар ин рӯз,
Ошиқони дилсӯз,
Ҷомадони ғазалу шеъри таратро,
ширу шакаратро,
Аз гулистони дилат
Аз даст ба даст,
Аз қалб ба қалб,
Аз шаҳр ба шаҳр,
Аз баҳр ба баҳр,
Мекашонанд ба дӯш,
Мекашонанд ба ҷон,
Гирди ҷаҳон,
То ба фардо!
То ба фардо!

@Jafar_Muhammad_Termizi
------------------------
Комментарии
@Jafar_Muhammad_Bot

#Ҷаъфар #Муҳаммад #Тирмизӣ

ҶАМШЕД ВА КИТОБҲОИ МАН

Мисли ин ки се сафари охирини шогирди бисёр хубам ҶАМШЕД ҶУМЪАҚУЛОВ (ҶАМШЕД ПАНҶИЗОД, ҶАМШЕДИ ЧАҒОНӢ) ба ДУШАНБЕ - пойтахти Тоҷикистони азиз бо китобҳои ман муртабит будааст. Дар асл Ҷамшед ду соли охир дунболи дифоъи поённомаи дуктурии худ дар Шӯрои илмии Пажӯҳишгоҳи забон ва адабиёти ба номи Рӯдакии Академияи миллии илмҳои Тоҷикистон рафтуо дошт. Чанд моҳ пеш занг заду гуфт, ки "устод, сафари Тоҷикистон дорам, амру фармойише надоред?". Гуфтам, ки "ман тақрибан 26 сол мешавад Душанбе нарафтаам. Ин зебошаҳри ҷавониҳоям, шаҳри устодони азизу дӯстони меҳрубони давраи ҷавониямро бисёр пазмон шудаам. Чанд сол боз озими сафар мешавам, қисмат меҳрубонӣ намекунад. Шумо, ки рафтед, ба устодону дӯстони ман салому паёми маро ҳам бирасонед". Гуфт, ки "Ба чашм. Китобҳоятон мебуд, беҳтар буд, мерасондам". Бисёр хушҳол шудам. Зуд дунболи гирдоварии китобҳои ирсолӣ шудам ва пайи ҳам се бор се даста китобҳоямро фиристодам. Гуфтам, ки "чӣ тур тақсим мекунед, ихтиёр доред, вале аз таълифоти худам чандтоӣ ба Китобхонаи миллии Тоҷикистон, ки замоне панҷ сол беҳтарин гӯшаи мутолиъоти ман буд, ҳатман тақдим намоед". Ҷамшед китобҳои ирсолиро, ки нисфаш китобҳои муаллифони дигар (ки ман ё бештар доштам, ё мутолиъа карда будам) буданд, ба се даста тақсим кард: 1) Барои кафедраи "Филологияи тоҷик ва забонҳои Шарқ"-и Донишгоҳи давлатии Тирмиз (ки банда низ солҳои 1993-1998 муаллими ҳамин кафедра будам ва имрӯз он ҷо чанд нафар аз дӯстон ва шогирдонам кор мекунанд); 2) Барои худаш; 3) Барои Тоҷикистон. Акс гирифту ба ман нишон дод. Гуфтам: "олӣ!". Инак, аз он рӯзҳо се моҳ бештар гузашт. Дар ин миён Ҷамшед се бор ба Душанбе рафту омад. Муҳокимаи рисолаи илмияшро аз Семинари илмӣ гузаронд, ба ҳимоя тавсия шуд. Вале зимни он сафарҳо ҳамеша кӯлабори китобҳои ман ба дӯш аз муассисае ба муассисае мерафт, то бо онҳо паёми меҳру муҳаббати маро ба устодононаму дӯстонам бирасонад ва аз онҷо аксҳое ҳам мегирифту аз тариқи телгром ба ман ирсол мекард. Баъд аз сафари дуввум шеъре ҳам дар ин мавзӯъ навишт, ки мамлу аз меҳру муҳаббат ва садоқати як шогирд ба устод буд. ...Ва дилам бисёр пур шуд. Ба ҶАМШЕДИ ЧАҒОНӢ дуъо кардам, ки: "ИЛОҲО, ТУ ҲАМ ДОКТОРИ ИЛМ БИШАВИВУ УСТОДИ ЗАБАРДАСТ! ИЛОҲО, РӮЗЕ БИРАСАДУ КИТОБҲОИ ТУРО ҲАМ ШОГИРДОНАТ АЗ ШАҲРЕ БА ШАҲРЕ БИБАРАНД!"
...ВА ИЛОҲО, ҲАМАРО ШОГИРДОНЕ ЧУН ҶАМШЕДИ ПАНҶИЗОД НАСИБ КУНАД."

@Jafar_Muhammad_Termizi
------------------------
Комментарии
@Jafar_Muhammad_Bot

#ҶАЪФАР #ХОЛМӮЪМИНОВ

Имрӯз шогирдам Лутфулло Аҳадов рисолаи илмии худро дар мавзӯъи "Андешаҳои иҷтимоъӣ-ахлоқии Мавлоно Абдураҳмони Ҷомӣ" бо раҳбарии ман дар Шӯрои илмии дарёфти дараҷаи доктории илмҳои фалсафа дар ҳузури Донишгоҳи миллии Ӯзбекистон, ки ман ҳам аъзои он ҳастам, бо муваффақият дифоъ кард ва соҳиби дараҷаи илмии доктори фалсафа PhD гардид.

Комментарии
@Jafar_Muhammad_Bot
----------------------
Ш А Б А К А:
@Jafar_Muhammad_Termizi

ҲАФДАҲУМИН ДАВРАИ ҶАШНВОРАИ БАЙНАЛМИЛАЛИИ ШЕЪРИ ФАҶРИ ЭРОН

Дар ҲАФДАҲУМИН ДАВРАИ ҶАШНВОРАИ БАЙНАЛМИЛАЛИИ ШЕЪРИ ФАҶР, ки бо пуштибонии Вазорати фарҳанг ва иршоди исломии Ҷумҳурии Исломии Эрон ва бо дабирияти муассисаи ХОНАИ КИТОБ ВА АДАБИЁТИ ЭРОН аз даҳаи охири моҳи январ то 4 уми феврали соли равон дар Теҳрон баргузор гардид, беш аз 300 нафар шоири эронӣ ва ҳайъати 10 нафараи шоирони байналмилалӣ аз кишварҳои Тоҷикистон, Афғонистон, Ӯзбекистон, Покистон, Ҳиндустон, Озарбойҷон, Сурия ва Лубнон мушоракат намуданд. Банда низ бо даъвати муассисаи ХОНАИ КИТОБ ВА АДАБИЁТИ ЭРОН дар шумори шоирони байналмилалӣ саъодати ҳузурро дар ин ҷашнвораи бошукӯҳ, ки бузургтарин маҷмаъаи байналмилалии шеър дар Эрон маҳсуб мешавад, пайдо кардам. Ба ин муносибат, чаҳорумин сафари эҷодии банда ба Эрон як ҳафта - аз торихи 29 январ то 5 феврали соли 2023 тӯл кашид.

Ҳайъати шоирони байналмилалӣ аз кишварҳои Тоҷикистон, Ӯзбекистон, Покистон, Ҳиндустон, Озарбойҷон, Сурия ва Лубнон, ки банда ба намояндагӣ аз Ҷумҳурии Ӯзбекистон ҳузур доштам, дар чорчӯби ин ҷашнвора ба устони Ҳурмузгон - шаҳри Бандари Аббос (дар фосилаи 900 км аз Теҳрон) ва ҷазираи Бӯмусо дар қалби Халиҷи Форс (охирин нуқтаи марзи ҷанубии Эрон), ҳамчунин ба шаҳри Қазвин сафар карданд. Зимни ин сафарҳо маҳфилҳои шеър бо забонҳои форсӣ, арабӣ, урду ва озарӣ бо ҳузури баргузоркунандагони ҷашнвора бо раёсати доктор Рамазонӣ - мудири омили муассисаи ХОНАИ КИТОБ ВА АДАБИЁТИ ЭРОН ва фарҳехтагони фарҳангу ихлосмандони шеъру адаб ороста шуд.

#ҶАЪФАР #МУҲАММАД #ТИРМИЗӢ

КОМЕНТАРИЙ ГУЗОРЕД!
@JAFAR_MUHAMMAD_BOT
------------------------------
Ш А Б А К А:
@Jafar_Muhammad_Termizi

Ҷаъфар Муҳаммади Тирмизӣ ЯК СЕБ ИШҚИ НОБ

Як боғ рангу бў пазмон туро. Ва ман...
Як села орзў пазмон туро. Ва ман...

Як сина изтироб, як себ ишқи ноб,
Як гўша ҷустуҷў пазмон туро. Ва ман...

Як коса ташнагӣ, як бед ҳузни хам,
Як соҳил оби ҷў пазмон туро. Ва ман...

Як шаҳр сайру гашт, як кўча саргузашт,
Як достон “бигў” пазмон туро. Ва ман...

Як хона рўшанӣ, як дар умеди сабз,
Як миз гуфтугў пазмон туро. Ва ман...   

Як моҳтоб ҳаҷр, як рўҳиёт фаҷр,
Як Ҷаъфар орзў пазмон туро. Ва ман...

#ҶАЪФАР #МУҲАММАД #ТИРМИЗӢ

К А Н А Л:
@Jafar_Muhammad_Termizi

ИШҚ ОМАДУ...

Ишқ омаду ишқ омад – бо нури дигар омад,
Май омаду май омад – з-ангури дигар омад!

Шаб омаду шаб омад, ошиқ ба тараб омад,
Сад ҳарза ба лаб омад – махмури дигар омад.

Моҳ омаду моҳ омад, он зеби нигоҳ омад,
Бо нолаву оҳ омад – ранҷури дигар омад.

Тор омаду тор омад, оҳанги фигор омад,
Сад дил ба фишор омад – сад шӯри дигар омад.

Рӯз омаду рӯз омад, зулмотфурӯз омад,
Дунёи рамуз омад – ганҷури дигар омад.

Дард омаду дард омад, андӯҳнавард омад,
Сарҳанги набард омад – мағрури дигар омад.

Ҷор омаду ҷор омад: девонаи ёр омад!
То пояи дор омад – Мансури дигар омад!

#ҶАЪФАР #МУҲАМИАД

1991👈👉 T.me/Jafar_Muhammad_Termizi

Шеъри #ҶАЪФАР #МУҲАММАД дар қироати ШУКРУЛЛОҲ СИРОҶ

Ш А Б А К А:
Telegram.me/Jafar_Muhammad_Termizi

#Мусиқа

Шеъри #Ҷаъфар #Муҳаммад ~ дап иҷрои Ҷӯрабек Расулов

"ЭЙ РӮД"

Ш А Б А К А:
@Jafar_Muhammad_Trrmizi