🎵🎼گُلوَنی💥Laki🎶🎶

#قسمت_بیست‌وهشتم(پایانی)

گوت: روله! دِه روزی که تو رتی
خیر و برکت دِه حونمو رت ، ناونم چه گناهی وه درگاه خدا کردم که اولاد چِنینه دَه وم...
رتم مین آشپزخونه که چایی سیش بیارم ، شیرین وه گاموله اوما بغلش
کدخدا گوت: نوم نیر خدا! ینه دختر کیه؟
گوتم:‌ کنیزته کدخدا
گوت: دختر خوته؟ مَر تو بچه دار مویی؟
گوتم: عَه! اَلوَت دِه بالایی خدا!
سرش وَن وه هار هیچی نگوت
بَنه خدا دِه بردیا خجالتی کَشی
بردیا که متوجه بی وِریسا رت وه در
کدخدا گوت: روله دوس ناری دونسویی بعد تو سعید چی کرد؟
گوتم: سیم مهم نی! خدا خیری وش بِیه
گوت: ولی دوس دارم سیت بوئم!
بعدشم گوت که زینه سعید آدم گَن و بی آوِریـه بی ، هیچوَخت کوچکترین احترامی سی من و دا سعید قائل نیی
سعید مریض بی افسردگی گرت ، بَچشو هم عقب مَنه دِه آو دِروما
وَختی سعید وه رفتار زینه مشکوک بی ، یه روز زیتر دِه سر کار اوما و متوجه بی که پیایی ها دِه حونش ، وا پیا درگیر بی ، پیا هم وا چو زَه دِه مین سر سعید
شانس آورد که هِه او روز مه رتم وه در حونش ، هرچی در زَم کسی درن واز نکرد
دِه بالا دیوار رتم و وَرَز یِنه که بمیره ، بردمش بیمارسو ، سعید دِه هر دو چَش کور بی ، زینه هم وا پیا جِست رت
ایسه من و زینَم شو و روزمو بیه وه پرستاری و تیمار سعید و کُرش...
🐞
وا اِشنفتن ایـ حرفیا خیلی گِریوسم
دوروسه که سعید خیلی وه مه ظلم کرد ولی ایسه که خوم خوشبخت بیمه دوس ناشتم بدبختی سعیدن بئینم...
موقه که وه کدخدا گوتم که حلالشو کردمه مین سرم ماچ کرد و سی همیشه خدافظی گِرت و رَت
🐞
بعد چَن سال یه روز لیلا وا بَچونش اوما حونمو
چِنو خوشحال بیم که متوجه جومه سیه که دِه ورش بی نئیم
بعدا گوت که میرَش که دِه ارتش بی دِه جنگ نیرویا متحدین و متفقین مُرده
گوت: چَن روز جا بِه ومو تا چَن روز هَنی روئیم حونه برارم
وش گوتم: ایـ حرفیا چینه
من و بَچو ، همه زندگیمونه مدیون تونیم عزیزدلم ، اَر منت بَنی وه سرمو ، بَمونی تِه خومو و سایه سرمو بایی خوشحال موئیم...
🐞
لیلا و بَچونش و خسرو رتن طبقه بالا و سی همیشه مَنن تِه خومو
نازگل و ساتیار هم بچه دار بین و تا آخر عمر خوشبخت وا یَک زندگی کردن
بردیا و انوشیروان هم بیِن وه معروف ترین تاجریا وِلاتمو و امتیاز واردات خیلی چیانه دِه دولت گِرتن...
🐞
خدا رحمت کنه رفتگانتونه!
مرحوم دام همیشه میگوت:‌ روله عاقوئتت وه خیر با
ایسه بعد ایـ همه سال وه حرفش رَسسم...
سعید وا هوسبازی و بی بند و باری هم عاقوئت خوشِن "آخرشرّ" کرد ، هم آورِی و نوم نیک کدخدا فقیرن وه باد دَه!
🐞
امید خدا هممو دِه ایـ بیبی درس بیریم و عاقوئتمو وه خیر با

🐞
#پایان

خدا دیار سرتو✋


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_بیست‌وهفتم

شیرین بی وه چش و چراغ حونمو⭐🌙
وا اومائن شیرین خیر و برکت وارد زندگیمو بی
کم کم حونه دوطبقه خَرّیِم ، خومو رتیم طبقه هاری ، بَچو هم رتن طبقه بالایی
بردیا ایقه غیرت داشت که هرچی میخَری ، سندشونه میزَه وه نوم من و بَچو😔
یه روز وش گوتم: عزیزم خوت و برارت هم دیـ چیا بَـر داریت ، دشو هم بَزه وه نوم خوتو ، گوت: نه! سرمایه ایـ چیا هین شمانه مه راضی نیسم!
وش گوتم: عزیزم ولی ایـ نونِن تو نیایی مین سفره ایما!
حداقل وه فکر برارت با که چار روز هَنی دِه سَروازی میا باید کار و باری رَه بونه و زَه بها!
گوت: باش
🐞
بالاخره روزی که برارش دِه خدمت اوما ، بردیا گوت: تیام! برارم و نازگل دِه گَپ بینه دوروس نی مین ایـ حونه چَششو مین چَش یَک با ، نظرت چینه نازگل شی بَکه وه برارم؟
گوتم: ناونم! باید وا خوش حرف بزنم
یه روز که بَچو رتن سرکار وه نازگل گوتم: نظرت درباره ساتیار چینه؟
گوت: چطور؟
گوتم: دوسش داری؟
هیچی نگوت ولی دِه سِیلش دونسم که راضیه
بعدشم رتم وه انوشیروان گوتم: برارم! نظرت تو درباره ساتیار چینه؟
گوت: سیچی؟ کاری کرده؟
گوتم: ناراحت نویی ولی بردیا دِه نازگل کیخایی کرده سی ساتیار
گوت: ولا ایـ چَن سال که هایم وه تِه یَک هیچی دِش نئیمه کُر خوئیه...
🐞
خلاصه مهمونیه گرتیم ، هُمسایانه مِکیس کردیم ، نازگل و ساتیار وا یَک ازدواج کردن
خیلی شو خویی بی ، خیلی خوشحال بیم که امونت دا و بوئمه فرسنام وه حونه بخت...
شو بعد شوم که مهمونا رتن ، بردیا دَسه کِلیلی دِه جیو دراورد دَه وه نازگل!
نازگل گوت: چی وِش بکم؟
بردیا گوت: کِلیل حونه هُمسامو آغای احمدیـه که سه ماه پیش بار کرد رت!
گوتیم: خا!
گوت: هِه اوسه اِسّمشه سی نازگل!!
وای که چَنی هممو خوشحال بیِم
او شو دو رکعت نماز شکر وَنم که خداوند بردیانه نَصیوِم کرده...
🐞
بعد چَن سال یه روز که بردیا اوما حونه
گوت: تیام! وه نظرت امروز کی اوما مین دِکو؟
گوتم: ناونم! کی؟
گوت: کدخدا علی مروت!
گوتم: ایچنه دِه کجا پیدا کرده؟
گوت: اومائه دِکون سر خیابو ، وَختی دِکودار فَهمسه دِه وِلات خومو اومائه ، وش گوته اتفاقا بردیا هم هُم وِلاتیته!
موقه اوما مین دِکو و پِــه دَه وم ، فَهمسم که کدخدائه!
مِکیسش کردم صو بیا حونمو!
گوتم:‌ سیچی مِکیسش کردی؟
گوت: خوت گوتی کدخدا تَنیا کسی بیه که دوسِت داشته!
گوتم: عَه ولا! عِیو ناره کار خویی کردی عزیزم
🐞
صو ایواره کدخدا اوما حونمو
موقه که دیمش اَسر مین چَشیام جَم بی
فقیر چَنی پیر و اِشکسه بی
گوتم: سلام کدخدا! پا مین چَشیامو نیاییه
گوت: روله! کدخدا ها کجا!
علی مُروت ریـ سیاه عالمه!
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_بیست‌وششم

من و بردیا و نازگل حونه کِرا کردیم
خسرو و انوشیروان هم مین اتاق بالا دِکو زندگی میکردن
اَلوَت مه نِشتم حونه آبادی که یادگار مرحوم بوئم بی بفروشنش
زندگی خویی داشتیم
نازگُلن فرسنائیم مدرسه ، شاگرد ممتاز مدرسه بی
انوشیروان و بردیا هم زیر پر و بال خُسرونـه گرتن و کار بارشو حساوی خو بی
ولی ناشتن بچه باعث بی که دلِ خوشی دِه زندگی ناشتوئم
خود به خدا بردیا هیچوَخت هیچی نمیگوت ولی مَر موئه پیایـه بچه دوس ناشتوئه؟
هه سی ینه همیشه سر نماز اَسَه دعا میکردم که بعد ایـ همه سختی که کشیمه ، لطف خداوند شامل حالم با و بچه دار بام..
🐞
یه روز حالم خیلی گَن بی ، بدم دِه بو غذا میوما ، اعصاب هیرد بی!!
بردیا گوت: وِریـ تا بُورمت دُگدُر
گوتم: نه! هیچم نی! حالم خوئه!
ولی وا اصرار بردیا و نازگل رتم دگدر
دگدر گوت:‌ ‌خانم شما بارداری!
باورم نِوی ، ناونسم بگریوِم یا بَخنم!
گوتم: ولی خانم دگدر! مه بچه دار نموئم ها!
گوت: ایـ حرفیا چینه! هیچ مشکلی ناری ، آزموئشتات هم چی خاصی نشو نِمین
گوتم: میرَه قبلیم هِه سی یِنه طلاقم دئه
گوت: احتمالا مشکل دِه خوش بیه!
موقعی که وِرگشتم حونه ، شوم خویی سی بَچو دوروس کردم
اومان حونه گوتن:‌ جَریون چینه؟
گوتم: خَوَر خویی سیتو دارم! دگدر گوت بارداری
موقعی که فَهمسن ، همشو افتان وه گِریوه! وای که چه روزی بی هیچوَخت او روز دِه ویرم نمیره!
شو بعد شوم وه بردیا گوتم: عزیزم! دوس داری بچه کُری با یا دختری!
گوت: امیدخدا که اول سالم با! بعدشم دوس دارم دختری با!
گوتم: چِنی گوتی که اَر دختری بی ناراحت نوئم؟ آخه مین جامعه ایلیاتی او دوره و زمونه هیچکه دخترن جز اولاد حساو نمیکرد!
بردیا گوت:‌ نه! دوس دارم دختری با چی خوت! دوس دارم دختری با که نوم مرحوم دامن بَنیم ریش...
خیلی خوشحال بیم ، خومم دوس داشتم دختری با
تَنیا کسی که وا اِشنفتن باردار بیِنم اوما حونمو کِچی بَردیا بی ، بَنه خدا خیلی سیمو خوشحال بی ، گوت: رَتمه وه آبادیتو وِه همه گوتمه که بَرسه وه گوش هوز کدخدا علی مُروت!
خلاصه مین او نُه ماه من و بردیا گَشتیم و بیمارسونی که او موقه سی اولین بار دِه یکی دِه شهریا نِزیک خومو واز بی پیدا کردیم سی روز زایمان
بالاخره روز زایمان رَسس و دختر عزیزم اوما وه دیـ
وه احترام مرحوم دا بَردیا نومش نیائیم "شیرین"
🐞
یادم میا بردیا ایقه پیل دَه وه پرستار که تا سر صو مَن بالا سرم و کمکم بَچنـه عوض کرد
همه بازاریانه هم سی شوم مِکیس کرد حونمو
بازیاریا دِه قاف میگوتن: بچه دختریـه ایقه خوشحالی! ، اَر کُری بی چی میکردی؟
دِه او روز وه دِما شیرین بی وه چَش و چراغ حونمو
🐞
#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_بیست‌وپنجم

گوتم: توکل وه خدا ، باید وا برارم هم سَلا و مشورت بکم
ایـ حونه دو قسمته یه قسمتش سی ایما ، یه قسمتش هم سی بَچو ، اَلوَت نازگل هم تِه ایما زندگی میکه!
🐞
ایواره که بَچو دِه سر کار اومان ، نازگُل وَرَز مه گوت: بَچو! تیام ها شی بکه!
یه دَفه همه وا بلاجینی و تعجب ورگشتن سِیلم کردن
گوتم: بَچو! راسشه بِهائیت امروز یَکی اوما کیخائیم!
اَلوَت ایـ چی بقیه نی! نه زَن مُردا نه ریش اِسپیه! زیتر هم کیخایی کِنم بیه!
خسرو گوت: تیام! اَر تو شی بکی ایما چی بکیم؟
گوتم: عزیزم! اَر شما راضی بائیت هِه ایچه زندگی میکیم
خسرو راضی بی ولی انوشیروان هیچی نگوت!
بعد شوم که همه هوفتین ، رتم سراغ انوشیروان
گوتم: برار! تو دلت نی؟
گوت: شی بکی که دوارته طلاقت بِین؟
گوتم: نه!
یه بار بختم وه خاو بی و طلاق گرتم! قرار نی همیشه چِنی با!
درضمن بَردیا همه چیا زندگیمه دونه و همه شرایطم هم قبول کرده!
گوت: دوسِت داره؟ آدم خوئیه؟
گوتم: عَه!
قضیه برار کوچکه بردیانه هم وش گوتم که قراره ایسه وه دما وا ایما زندگی بکه!
🐞
بعد چَن روز ، کِچی بردیا اوما گوت: بردیا همه شرایطت قبول کرده
گوتم: مه هم حرفی نارم
قرار عقدمونه سی دو هفته هَنی نیائیم
ولی چون نه مه نه بردیا هیچکوممو کَس و کاری ناشتیم قرار نیائیم که فقط عاقدی بیاریم حونه که صیغه محرمیتی سیمو بونه!
نه جهازی داشتیم نه خرید داوَت! هیچی هیچی!
بالاخره روز عقد رَسس ، فقط چارتا دِه هومسایامونه آوردیم سی شاهد!
بالاخره بعد هزار خَم و چَم ، من و بَردیا وه یَک رَسسیم...
🐞
زندگیـه سختی داشتیم ولی خوش بیِم
انوشیروان و خسرو هم دِه وا بَردیا و برارش جور بین و چی بِرار یَکترینه دوس داشتن
بَردیا و برارش چوپونی مَردمن میکردن انوشیروان و خسرو هم کشاورزی میکردن
🐞
تا یه روز بَچو تصمیم گِرتن ، زمین ارثیه مرحوم بوئم و زمین مهریه خوم که کدخدا علی مُروت دَش وم ، بفروشنشو و دِه شهر دِکو بَزنن!
یِننه که گوتن ، افتام وه یاد سعید و دِکوداری دِه شهر ، بورّسم دِه رِکو!
گوتم: لازم نکرده!
بَچو خیلی ناراحت بین...
شو بعد شوم بَردیا گوت: تیام! سیچی مخالفت کردی؟بَچو خیلی ناراحت بین
گوتم: دوس نارم دوارته بدبخت بام!
گوت: عزیزم! تو مِنه وا او اَلوات مقایسه میکی؟ تازه انوشیروان هم ها وام!
امیدخدا کار و بارمو هم که بیره ، حونه دِه شهر کِرا میکیم و شمانه هم میارم تِه خومو!
🐞
یِنونه که گوت کمی دلم آروم بی
بردیا و انوشیروان زَمینانه فروختن و دِکونی دِه شهر کِرا کردن!
دِه اوچه که بردیا خیلی آدم مُنصفی بی ، خیلی زیـ کار و بارشو هم گِرت و حونه دِه شهر کِرا کردن و ایما هم رتیم اوچه
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_بیست‌وچهارم

بعدش هم گوت: دونم که طلاق گرتیه ، بچه دار هم نمویی ، ولی مه هیچ مشکلی وا ایـ چیا نارم ، هِه چی زیتری بَلکَم بیشتر دوست دارم❤
موقه که نومنه وَنم اَسر دِه چشیام سرازیر بی
عشق پاک بَردیا کجا و عشق آوَکی مه کجا!
مه حتی حاضر نئیم سی عشقم یه بار بِسِم مین ریـ بوئم!
آخرش هم گوت که منتظر جواوت هیسم!
خیلی خوشحال بیم ، یَـه بهترین خَوَر زندگیم بی
تصمیم گرتم که سر صو روئم وه بَردیا بوئم کِچیشه بفرسنه سی کیخایی!
دِه هیچکسی هم نِوی که دِه جام تصمیم بیره!
سر صو رتم سر چشمه
بَردیا اوما...
رتم وا نِهاش
گوت: یعنی قبول کردی؟
گوتم: عَه! دِه خدامه ! کِچیت بفرس بیا!
گوت: باشد! ایواره میفرسمش
گوتم: قدمش سر چَشیام
خیلی حرف واش داشتم ، دوس داشتم بیشتر واش حرف بزنم ولی هر لحظه ممکن کسی بیا ، خدافظی کردم و ورگشتم...
دوارته غم و غصه اوما سراغم
خیلی سخته که دختری بویی ، یَکی بیا کیخاییت ولی گَپی مین حونه ناشتویی!
🐞
دِه سر صو شِرو کردم وه تَمیس کاری و آوجارو و گَردیله گیری
هرچی نازگل گوت: جریان چینه؟ وش گوتم: میمو داریم!
ناونسم چطور قَضینه سی بَچو بوئم!
ولی بهترین راه یِنه بی که بِیلم کچی بَردیا بیا و دِه زون خوش بَشنوئن
دِه یه طرف هم استرس داشتم
او زَمو که کِچیش اوما کیخائیم ، دختر خانی بیم و ننم چِنو گَن واش برخورد کرد ، ایسه خو زن طلاق گرته و بی کس و کاری هیسم! نکنه کینه اوسِنـه وه دل گرته با!
باید خومن سی هرنوع برخوردی آماده میکردم!
ایواره کِچی اوما
مِکیسش کردم اوما وامی
خَنه شیرینی ریـ لویاش بی
هِه ایـ خنه باعث بی که استرسم کمتر با
گوت: سِکو روله!
تو هم چی دختر خومی
شاید هرکه جا مه بی وا او برخورد ننت هیچ وخت دوارته نمیوما کیخاییت ولی مه ایقه عقل دارم که دونسوئم نباید گناه ننته وه پا تو بنویسم!
خدا رحمت بکه بوئه و ننته!‌
ایسه هم وه ایـ کُر گوتمه: تو هَنی داغی ، ناونی ها چی میکی بیشتر فکریاته بکو! موئه:‌ فکریامه کردمه!
خیلی دوست داره ، شو و روزش تونی!
ولی یِننه هم وت بوئم که بَردیا دِه دار دنیا به جز برار کوچکش هیچی ناره ، نه پیل! نه مال و منال! نه کَس و کار! هیچی!
گوتم: هیچ عِیو ناره! ایقه که پیایه و غیرت داره کافیه سیم!
ولی یه شرط دارم! مه نمیتونم خوئر و براریامن تَنیا بِیلم ، وش بو بیا ایچه تِه خومو زندگی بَکیم!
گوت: روله! یَنه دِه وه خوش بو! مه که نمیتونم دِه طرف بَردیا قول بِیم! ولی بردیا هم هِه چی خوت نمیتونه برارشه تَنیا بِیله!
ایسه چی بکم؟ اَر جواوت مثبته تا روئیم سراغ بقیه رسم و رسومات؟
گوتم: توکل وه خدا...
🐞
#ادامه_داره...

‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_بیست‌وسوم

گوت: بَردیانه دیمه
خومِن گرتم که مثلا سیم مهم نی
هَرچَن واقعا هم دِه روزی که شی کردم اصلا وش فکر نکردم
گوتم: کجا دیئیش؟ اشتباه نمیکی؟ بردیا خیلی وَخته که دِه آبادی رته
گوت: اتفاقا مه هم اوّل که دیمش گوتم شاید خوش نوئه ولی چَن تا پیا وش گوتن بردیا کی اوماییه؟ اوسه مطمئن بیم خوشه
گوتم: خوش تَنیا بی؟
خَنس و گوت: عَه! دختری واش نِوی!
گوتم: لیوه! منظورم ینه نِوی
🐞
لیلا وا عجله خدافظی کرد و رت آبادان
موقه که رت خیلی وا خوم فکر کردم
خدا بوئم چی وت بکه لیلا!! یَه چی بی گوتی!!
دِه روزی که لیلا رت تموم فکر و ذهنم بی وه بردیا
خدایا سیچی او موقه ایقه نادو بیم که هیچ تلاشی سی رَسسن وه بردیا نکردم
ایسه هم که یه بار شی کردمه و بچه دار نموئم ، تو مویی بردیا اصلا وم فکر میکه؟
🐞
هرموقه میرتم سر چشمه سریع میومام وه دِما ، دوس ناشتم وا دیئنش خجالتی بکشم
ولی بالاخره روز موعود اوما
یه روز که مریض بیم و نازگُلن فرسنام سر چشمه ، خیلی سریع ورگشت!
گوتم: هَه!! چشمه حُشک بیه؟
گوت:‌ نه! یه نفر پشت دیوار کار وات داره؟
گوتم: کیه؟ زَنیه؟ پیایه؟‌ مَلاکتیه؟ نومش چینه؟
گوت: پیایه! نومش بردیائه!
یه دفه مین دلم بورّس!
هم دوس داشتم روئم بئینمش هم زَلم میرَت که کسی وا بردیا بئینم و رسوا بام!
گوتم: رو وش بو خوئرم ایچه نی!
رت و اوما گوت: بردیا رته!
هِی روزگار
شاید چون مه دیر رتمه ول کرده رته
خدایا نکنه سی همیشه رت!
دوارته عذاب وژدان گرتم
گوتم: سر صو حتما باید خوم روئم سی آو و بئینمش
کافیه! یه بار سی ایـ افکار احمقانه زندگیم خراو بیه! دِه چاو و راو مردم سیم مهم نی
🐞
سر صو وریسام مَشکن ورداشتم و رتم سر چشمه ، هرچی مَنم خَوَری دِش نِوی
ناامیدانه وِرگشتم!
اوسه که رسسم نِزیک حونه ، یه نفر دِه پشت هِنام کرد
رنگم زرد بی
جو دِه دَس و پام بورّس
وِرگشتم! بردیا بی
قیافش خیلی عوض بی
نتونسیم وا یَک حرف بزنیم
فقط سِیلش کردم و گِریوسم
تا متوجه بیم یَکی دِه دیر ها میا
بَردیا سریع گوت: نمیتونم ریـ وه ریـ وات حرف بزنم ، نومه سیت نوشتمه
نومَنه گرتم و جِستم ریـ وه حونه
دِه خوشحالی میهاسم پرواز بکم
رتم حونه
اوفیش...
دِه چی زیتر نیازی نی تا شو بِسم که نومنه بونم!
فوری وازش کردم
نوشته بی:
سلام!
حالت خوئه؟ مه که اصلا حالم خو نی خیلی ساله که رنگ خوشی وه چَش نئیمه
خوت دونی که چَنی دوست داشتم
روزی که سعید اوما کیخاییت ، هاسم وا تفنگ بیام و کیخائیشونه بَشیونم دِه یَک
ولی دِه تو مطمئن نِویم ، تو هیچ تلاشی سی رسسن وه مه نکردی
ینونه گوت و گوت که بعد تو دلم وه هیچ دختری نرته ، تا چَن روز پیش که فَهمسم طلاقت دَنه
🐞
#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_بیست‌ودوم

روزیا وه سختی میگذشتن...
مه خومِن وا کاریا حونه مشغول میکردم که گذشته دِه یادم روئه
مردم آبادی هم طلاق مِنه فراموش کردن و همه چی وه روال عادی ورگشت
کم کم پا کیخایی کِنو هم وه حونمو واز بی
ولی بیشترشو یا "زن مُرده" بین و چون دونِسن مه بچه دار نموئم ، فک میکردن میتونم دا خویی سی بَچونشو بام
یا ریش اِسپی هومدا مرحوم پاپام بین ، ناونم وا چه ریِـه میومان کیخایی!
ولی مه اصلا وه شی فک نمیکردم ، دوس داشتم بِسم بالا سر خوئر و براریام تا گَپ بان...
🐞
یه روز اول صو وا صدا تَق تَق در حونه دِه خاو وِریسام
اولش نمیهاسم درن واز بکم بعدش که خیلی اصرار کرد رتم درن واز کردم
لیلا بی!
گوتم: لیلا! سِقه سرت بام ، چَنی خوشحالم که اوماییه
مِکیسش کردم اوما وامی
ولی نازگل دوس ناشت بئینش ، وش گوتم: عزیزم! لیلا تَخصیری ناشته ، خیلی دِه حق ایما خویی کرده ، راضیش کردم اوما وه تِش
لیلا گوت: قضیه طلاقت که فهمسمه خیلی سیت ناراحت بیمه ، خدا خوش جواوشون بِیه انشالله
بعدشم گوت که زندگی خویی دِه آبادان داره و میرَش خیلی دوسش داره
اَلوَت میرَش حق داره ، لیلا خیلی زن مهربون و خوئیه
مین او چَن ساعت ، لیلا خیلی دلشوره داشت که اَر خسرو ایچه بئینش چه واکنشی نِشو دیـه!
ایواره که بَچو دِه سر کار اومان ، اوّلش خسرو شوکّه بی
بعدش رت بغل داش و افتا وه گِریوه و گِلی کرد که سیچی هیشتیمه و رتیه!
ایقه گِریوِسن که هممونه وَنن وه گریوه!
لیلا گوت: روله! تو خو دونی مه مجبور بیم! مه هیچوَخت سی دل خوم شی نکردمه...
او روز که لیلا اوما یکی دِه بهترین روزیایی بی که بعد چَن سال وه چَش دیم
بعد شوم لیلا وه خسرو گوت: مه باید روئم حونه پاپات ، تو هم بیا که ایـ چَن روز که مه هام ایچه تِه یَک باییم
ولی خسرو قبول نکرد، گوت: دالکه دِه روزی که رتیه نه پاپام نه حالویام ، یکی دِشو سر وه دیارمو نیاورد بئینه زنّه ایم یا مُردیمه!
دلم سی لیلا میسوخت که خسرو واش نرت ، ولی خسرو هم حق داشت...
🐞
افسوس...
آخم سی او روزگارو
چَنی روزیا خویی داشتیم
کاش بوئم و ننه قمرتاج زنّه بین
دلم سی غُرّ زدنیا ننه قمرتاج تنگ بیه...
🐞
اوسِنو خو بی که مال دِه مالگَیا بی
دام کِیوِنو و بوئم کدخدا بی...
🐞
روزی که قرار بی لیلا ورگرده وه آبادان اوما حونمو سی خدافظی
گوت: تیام! مِزگونه بِه!
گوتم: مِزگونه سیچی؟
گوت:خَوَر خویی سیت دارم!
اَر گوتی امروز کینه دیمه؟؟؟
گوتم:ناونم! کی؟
🐞
#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_بیست‌و‌یکم

انوشیروان گوت: سعید ها کجا؟
دلم نیوما قضیَنه سیش بوئم
گوتم: سعید رته وه شهر
من و نازگل خومو تَنیا بیئیم گوتیم بیایم سری بزنیم وتو
گوت: کار خویی کردی خوئر! خیلی دلم سیتو تنگ بیه
شو جایانه وَنم و هوفتیِم ، اَلوَت چه خاوی؟ حتی یه دییقه هم چشیام ریـ یک نرتن
سر صو وریسام سی بچو اناشتایی دوروس کردم
دِه او روز وه دِما ، من و نازگل روزی چَن بار وا مشکه دِه سر چشمه آو میاوردیم
روزیا اول حضورمو سی مردم آبادی عادی بی
ولی کم کم چاو و راو زَنون آبادی شِرو بی
هروَخت میرتم سر چشمه سعی میکردم سرم بونم وه هار ، مَشکن پر بکم و سریع ورگردم که کسی سوال جواوم نکه ، واقعا ناونسم که چی باید وشو بوئم!
طبق معمول هیچ خَوَری هم دِه سعید و خونوادش نِوی تا یه ماه
بعد یه ماه قاصدی اوما گوت: کدخدا علی مُروت گوته ایواره قراره وا حاج آقا بیایم سی طلاقت!
واقعا ناونسم باید چی بکم!
فقط قضیَنه وه انوشیروان و خسرو گوتم که آمادگیش داشتوئن...
🐞
ایواره ، کدخدا و سعید و حاج آقا و دو نفر هَنی اومان حونمو
مه که تا آخر خطبه طلاق فقط گِریوسم...
کدخدا سند دو هکتار زَمی مین پاکتی دَه وم
وش گوتم: ایما نیازی وه دلسوزی و پیل شما ناریم
کدخدا گوت: دخترم! مه خوم حونم دِرّمسه! دودمونم رته وه باد!
بیشتر دِه ینه شرمندم نکو!
خوت دونی که مه چنی دوست داشتم ، ولی چی بکم حتما حق کَسینه پاسا کردمه که اولادم چنی درومائه
ایـ زَمی هم مهریه خوته!
حلالت چی شیر دات
هروَخت هم مشکلی داشتی مدیونی اَر وم نویی
سی اولین بار بی که اَسریا کدخدانه دیم
خدافظی کرد و رت...
🐞
مه مَنم و بورّی بچه یتیم و یه حونه چول!
نه بوئه! نه دالکه! نه کس و کاری
نه مونسی! نه دلسوزی! نه دَس براری...
خدایا! خداوندا!
مَر خوت نگوتیه: ان مع العسر یسرا!
بعد از هر سختی آسانی است
سختی دِه یه بیشتر؟
تا ایسه فک میکردم خیلی سختی کشیمه ناونسم سختیا تازه شِرو بینه
مردم آبادی جوری سِیلم میکردن که حتی دِه نمیتونسم سی آو هم روئم سر چشمه
هیچکس ناونس که سعید چه غلطی کرده
همه مِنِسن مه مقصرم!
حیف که کدخدا علی مروت وه روح دا و بوئم قسمم دَه که وه کسی نوئم سعید چی کرده!
مه هم وه حرمت نون و نمکی که دِه حونه کدخدا هَردمه ، هیچی نگوتم که کسی نفهمه نَوه کدخدا "زول" و حرومیه!
🐞
هناسه سرد کوم ایل ها دِه سینت اُور؟
چِنو دَم سرد و سرگردو میزنی آسمونه دور؟
نه میتیچی نه میباری! خَوَر دِه ماریا شونِ ضحاک کوم زَمی داری؟
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_بیستم

صو ایواره کدخدا علی مروت دِه شهر اوما
دِه دیر که سِیلش کردم دونِسم که بی فکری نی!
خیلی حالش گَن بی! آز دِه دَس و پاش نِوی
مستقیم رت مین تو گِلی و هوفتی
هرچی مَنم اَنگلاتش که وِریسه بینم چی کرده ، نَوریسا!
تا صو ظهر هم هوفتی
موقه که دِه خاو وِریسا زینَشه هِنا کرد
گوت: قدمخیرررررر!
بیا سِکو چه خوت و کُرّت حونمه دِرّمنیِت!
تا صداش فَهمسم زرتلاق بیم
قدمخیر رت وامی ‌، مه هم رتم پُشت در هیسیام بینم چی وش موئه
کدخدا گوت: گیس تاشسه!
کُرّت آوِری و حیثیت شَص ساله علی مُروتن دئه وه باد!
علی مُروتن رسوا و بَد نوم کرده!
رته افتائه وا زن بیوه!
بچه هم دِش داره
براریا زینه وش گوتنه باید زینه اوّلیته طلاق بِیی
مِنه ریش اِسپی! رتمه اوچه ، زینه شِلیته آوِری و حیثیتم در دِکو برده!
گشتل اَلوات! زینه خوش چی پنجه اَفتاو ، افتائه وه دُم ایـ زینه بی خونواده و حرومی!
🐞
یِنون گوت و وا تَسمه جا گِرِت وه قدمخیر ، همه لار و بدنش سیه و کیو کرد
گوت: همش تَخصیر تونه چطور فِلو کرده!
چَنی وت گوتم تیام یَتیم و بدبختن اذیت نکو!
نِشتی یه روز خَش وه چَش بئینه
رفاقت شَص ساله من و کدخدا سِه مَخونن خراو کردی
هرروز کُرّت داو دِیی که زَنی هَنی بِها!
ایسه بیا تحویل بیر
مَر نَوه نمیهاسی؟
کُرت نَوه آورده سیت!
🐞
حرفیا کدخدانه که شنفتم ، هِه مِنِسی یه مَشکاو آو یخ ریختنه دِه کَپوم
درن واز کردم رتم وامی
گوتم: کدخدا! تا ایسه هرچی ظلم دِه حقم کردیته تحمل کردمه و هیچی نگوتمه
وا همه چی ساختمه
کُلفَتیتون کردمه ، زیر پا خوتو و گُو و گَلَتونه جارو کردمه و دَم نَزمه!
ولی ایـ حونه دِه جا مه نی
واگذارتو کردمه وه امیرالمامنین که تقاصم دِه کُرت بیره!
🐞
نه کدخدا نه زینَش
هیچکومشو نگوت کجا ها رویی؟ بِس تا دوروسش بکیم!
حتی کدخدا که روز اوّل گوت سعید هیچ غلطی نمیکه ، اصلا محل وم ننیا و هیچ عکس العملی نشو نده
🐞
رتم چیام جَم کردم ، دَس خوئرم گرتم و رتم حونه بوئم!
حونه دِه یَک شیوِسه بی و یه متر خاک سر قالیا جَم بی
من و نازگل حوننه مرتب کردیم و شوم دوروس کردیم
ایواره انوشیروان و خسرو (کُر لیلا)اومان حونه
خسرو وه انوشیروان گوت: عجب بو غذایی دِه حونه میا! فک بکم دام وِرگشته
🐞
کُر فقیر ناوِنس کسی که رته دِه نمیا!
رتم وا نِهاشو
گوت: تیام تونی؟
گوتم: عَه ، دَس و پاتون بَشوریت بیائیت شوم بوریت
وه خسرو گوتم: مَر تو وا دات نرتی؟
سرش وَن وه هار
بعدا انوشیروان گوت: دوروسه خسرو سن و سالی ناره! ولی غیرت داره!
وا داش نرت! وه داش گوت: حاضرم بِسم تِه برارم کارگری بکم ولی وا تو نیام!
🐞
فقیر خسرو!
تو دِه چَنی بدبختی...
🐞
#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_نوزدهم

نازگل خیلی وه لیلا وابسته بی و سیش سخت بی که دِه لیلا جدا با ولی چاره ای ناشت
شکر خدا مین حونه کدخدا همه نازگُلن قبول کردن ، حتی دا سعید هم هیچوَخت کار وا کارش ناشت
ناوِنم! شاید دلشو سی یَتیم میسوخت شایدم کدخدا وشو گوتی!
یه روز سعید بعد یه هفته دِه شهر اوما مستقیم رت تِه دا و بوئش
یه دَفه بی وه قی و مرافه ، دَنگشو رت بالا
کدخدا وه سعید گوت: رو هر غلطی که دوس داشتی بکو!
سعید دِه حونه کرد وه در رت وه شهر!
حتی وا خوش نگوت: بِیل روئم سری بزنم وه زینم بینم مشکلی چییِه ناره!؟
🐞
دِه او روز وه دِما وه حرفیا دا و بوئش مشکوک بیم
مطمئن بیم که قی سعید و کدخدا وه زندگی و آینده مه مربوطه
بعد چَن روز دوارته سعید ورگشت وه دِما ، دِه مین پنجره سِیلش کردم ، مستقیم اوما سی مین اتاق خومو
فوری اتاقن مرتب کردم!
اوما وامی! دِه نِهاش وِریسام
گوتم: سلام
جَواوم نده!
گوت: اومامه وات حرف بزنم
خوت دونی که اصلا هم اهل مقدمه چینی نیسم
زندگی منو و تو هِه دِه اول هم اشتباه بی و هیچوَخت عاقوئت خویی ناره ، چون مه بچه دوس دارم و تو اجاقت کوره!
خیلی وَخته که دام چَن دختر دِه آبادی خومو سیم نِشو کرده ولی مه دختری دِه شهر دیمه ، خیلی هم دوسش دارم!
ولی یه مشکلی وجود داره
دختر شرطی سیم نیائه
گوته باید زینه اوّلیته طلاق بِیی تا شی بکم وت
او روز هم هه سر ایـ قضیه وا بوئم بیم وه قی
بوئم گوت: مَر سر لَش مه رد بای که تیامن طلاق بِیی ، اَر طلاقش بیی دِه حق ناری پات بنی مین ایـ حونه ، دِه ارث و میراث هم محرومت میکم
ولی مه اصلا سیم مهم نی ، حاضرم سی ایـ دختر هر کاری بکم!
ایسه هم بیا و خوت طلاق بیر
چِنی هم سی مه بیتره هم سی خوت
تا کی ها دِه مین ایـ حونه چی کُلفت زندگی بکی؟
طلاق بیر رو بِس بالا سر برار و خوئرت ، اصلا رو سی خوت شی بکو وه کسی که دوست داشتوئه
🐞
اوّلش اصلا حرفیاش سیم مهم نِوین
وه قول قدیمیا
مه خو آو بُردمه ، چَمی هارتر!
ولی موقه که رت
نِشسم وه زَمی و زار زار گِریوسم
خدایا مَر تیام چه گناهی وه درگاهت کرده که باید ایقه بدبختی بکشه!
اَر بوئم زِنّه بی ، کِی ایـ اَلوات بی غیرت جرئت داشت چِنی وا ناموس کدخدا سِه مخو حرف بزنه
شما خو ناوِنیت مین وِلات ایما طلاق یعنی چی؟
ایچه دخترو حاضرن خودسوزی بکن ولی اسم طلاقن ریشو نیارن ، ایچه فقط زَنی که رسوایی و بی آبرویی وه بار بیاره طلاقش دین
خدایا! آدم چَنی باید بی غیرت با!
رتم قضینه وه کدخدا گوتم
گوت: اصلا خوته ناراحت نکو
مَر مه مُرده بام که سعید چِنی غلطی بکه
ایواره قراره روئم وه شهر بینم ایـ دختر کیه که سعید وه خاطرش دور همه کس و کارشه خط کشیه!
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_هجدهم

چادرم زَم توک سرم ، وا کیکاووس رتم حونَمو
نازگل خوئر کوچکم ، مین حیاط تَک و تَنیا و بی کس هِه میگریوس
تا چَشش هَرد وِم بورّس دِه سیکه
گوت: تیام! پُلیس انوشیروانن بُرد
رتم گرتمش بغل گوتم: سِقت بام نَگریو! دردت وه جونم ، مه هام ایچه
🐞
حونه چول و سوت و کور بی
گوتم: لیلا و بَچو هان کجا؟
گوت: براریاش اومان بردنش
دَس نازگُلن گرتم رتم حونه بوئه لیلا
اوّلش برارش گوت: لیلا ایچه نی!
بعدش لیلا که دَنگم فَهمس اوما دم در گوت: تیام! بیا وامی
رتم وامی! دَس وَن دِه مِلّم و گِریوس
گوت: وه خدا دِه روزی که بوئت مُرده و سِتین حونمو رُمّسه ، مه وا همه سختیا و بدبختیا ساختمه ، انوشیروان فقیر کارگری کرده ، گوپی نو آورده سی بَچو وا یَک هَردیمشه ، ولی چی بکم که هزار چاو و راو وَننه وه دُمم! تا ایسه هم هزار کیخایی کو اومائه سیم
براریام گوتنه دِه نباید بِسی اوچه ، ایسه هم آلو کردنه وم که زن بیوه سی ایما مایه ننگه ، هرچی زیتر میا شی بکی وه یکی دِه کیخایی کِنونت!
سِیلی دِش کردم آه سردی کشیم
گوتم: عِیو ناره عزیز دلم
تو جوونی و قشنگ ، مه هیچوَخت راضی نیسم وه پا بَچون بوئم بَسوزی ، امیدخدا خوشبخت بایی ، مین فکر انوشیروان و نازگل هم نویی ، جیجه هم زیر سَله نَمنه ، خدا خوش حواسش وشو هی ، دَس و پاش ماچ کردم و سی همه زحمتیا و مهربونیاش دِش تشکر کردم و اومام
رتم حونه بعد چَن روز قَضینه وه کدخدا علی مُروت گوتم
کدخدا خیلی ناراحت بی
گوت: ایسه که چِنینه ، دِه صلاح نی خوئر کوچکت مین او حونه تَنیا بِسه رو بیارش تِه خومو
بعد چَن ماه خَنه اوما ریـ لویام
رتم سراغ نازگل ، انوشیروان هم آزاد بی
وه انوشیروان گوتم: برار نازارم
خوت دونی که نازگل خوش تک و تَنیا ها دِه مین ایـ حونه ، تو هم هایی سر کار ، اومامه نازگُلن بورم تِه خوم!
انوشیروان خیلی ناراحت بی ، ولی چاره ای ناشت قبول کرد...
وا نازگل رتیم سر قُور دا و بوئم ، اوچه لیلانه دییِم ، اول نمیهاسم روئم طرفش ، خومن زَم وه کیچه علی چپ
دوس ناشتم بئینمش و یاد خاطرات گذشته بِفتم
لیلا دِه دِما گوت: تیام!
وِرگشتم دیمش
بعد چِله بوئم ، بِرمیاش ورداشتی و اصلاح کردی
اوما جلو ، یواش مین گوشم گوت: تیام حلالم کو
افسر ارتشی اومائه کیخائیم
اول نمیهاسم قبول بکم ولی ایسه که گوت: زینَش مُرده حونش هم ها دِه آبادان قبول کردم
سی مه که زینه خان بیمه خیلی سخته که ور چَش ایـ مردم بام ، دوس دارم روئم جا دیری که رنگ و ریـ هیچ آشنائینه وه چَش نئینم...
گوتم: خدا دیار سر خوت و بَچونت ، تو بهترین زن بوئه هیسی که دِه عمرم دیمه
🐞
دَس نازگُلن گرتم و رتیم حونه کدخدا
🐞
#ادامه_داره...




‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_هفدهم

دِه انوشیروان خدافظی گِرتم و وا کدخدا ورگشتم
مین رَه کدخدا گوت:
سِکو دخترم! من و بوئت پنجاه ساله هوم کُر و رفیقیم ، تو اَمونتی هیسی وه دَسم ، سیچی وم نگوتیه که اذیتت کردنه؟ سیچی هیشتی تِه بوئت آوِریم روئه؟
سرم وَنم وه هار هیچی نگوتم
موقه که رسسیم حونه ، اوّل چَکی زَه بیخ گوش سعید بعدشم وا گُرز کوفت مین شون زینش ، وشو گوت: هَنی مه نمردمه که کسی مین ایـ حونه ادعا گَپی بکه!
اوسه وه بعد تا مدت زیادی سعید دِه تاو بوئش کار وا کارم ناشت
🐞
شیش ماه بعد
🐞
ایسه چارماهه که سعید و بوئش دِه شهر دِکونی اِسّنه
همه عشایر منطقه بینه وه مُشتریشو
کار و بارشو حِساوی گِرته
سعید هفته سه روز ها دِه شهر ، بیشتر شویا هم وه حونه نمیا
ایما روز وه روز دِه یَک دیرتر موئیم
متاسفانه هه چِنو که پیش بینی کردم ، انوشیروان دِه یه طرف سن و سالش کم بی دِه یه طرف هم بس که دِه ناز و نعمت گَپ بی ، نتونِس جانشین خویی سی بوئم با!
مردم آبادی قبول نکردن که بچه چوکِره بوئه وه خانشو
یکی دِه برارزایا بوئم بی وه خان آبادی و هرچی زَمی داشتیم گِلَشو کرد و کَشیشو بالا
ایسه انوشیروان فقیر ، میا روزانه کارگری بَکه تا غَرجی حونه بوئمن دراره...
🐞
کم کم همه قوم و خیشیا سعید افتانه وه پِرّمنی دختری سیش!
اَلوَت مه هم دِه اصلا مهم نی سیم
دِه تیام زیتری نیسم!
نه بوئم کدخدائه! نه مال و منالی داریم که کسی وِم احترام بَنیه
یه دختر بی کس و کار و بدبخت!
قدیمی گوته شانس یتیم یا باده یا بارو
دختر هم که بایی ، دِه میا سرت بَنی بمیری
اوایل سعید میگوت دوس نارم زنی هَنی بِهام!
همه فکر میکردن چون خیلی منه دوس داری چِنی موئه!
ناونسن دوس ناره سر وه تَنم با!
ولی بعدا کم کم رفتارش مشکوک بی
گَرَک بی که یه هفته کامل میمَن دِه شهر!
کم کم وَختی وِش میگوتن زَنی بها! لوخَن میزه و میگوت باش!
🐞
یه روز که دِه خاو وریسام چاو ننه قمرتاجن هم آوردن سیم
شاید فکر بکیت که خیلی خوشحال بیم که ننم مرده
ولی نه!
دوروسه ننم خیلی اذیتم کرد
باعث مرگ دام بی
ولی ایسه که بوئم مُرده ، دلم وه یِنه خوش بی که ننه قمرتاج هـا بالا سر یتیمون بوئم
ولی افسوس
ننه هم رت..
🐞
کاش همه مُصیبتیام هِه ینو بین
یه روز که دِه حونه حوسیرَم بیم ، گوتن کِچیزات اومائه دَم در کار وات داره!
رتم دم در
کیکاووس بی! کِچیزام!
گوتم: هَه کیکاووس؟ خیره؟
گوت: وَلا چی بوئم! ریـ سیاهم!
ژاندارمری ریخت دِه حونتو انوشیروانن برد
گوتم: سیچی؟
گوت: کریم کُر آغاجو وه لیلا چَش داشته
انوشیروان هم فَهمسه، وا بیل زِئه مین سرش ، قی بیه وه قی ، مردم آبادی قِرّ دِه یَک آوردنه
🐞
#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_شانزدهم

وش گوتم: اَلوات! بوئه مه لَسم و کَر و کورش هم دِه تو بیتَرَه
تو پیایه نیسی ، اَر پیایه بی هیچوَخت دَس ریـ زنی بلند نمیکردی ، تو دِه پیاگری فقط سولِش داری!
چَشتو روز گَن نِوینه دوارته وَنم ور چک و توکپا ، چِنو زَم که همه لار و بدنم کیو بی ، حتی جو دِم نِوی که بَگریوِم
سی اولین بار دِه زندگیم بی که کَسینه نفرین کردم ، گوتم: دَمته وه دَس امیرالمامنین که تقاصم دت بیره
او شو دِه درد ، تا صو خاوم نگرت ولی حتی یه نفر دِه مین حونه سر وه دیارم نیاورد بئینه مُردمه یا زِنّام!
سر صو داش وا سینی اِناشتا و چایی اوما مین اتاقم ، هیچی نگوت ، فقط گوت: اناشتات بـور که امروز خیلی کار داریم و رت!
هزاران فکر زَه وه سرم که منظورش چی بی! یعنی چی امروز خیلی کار داریم؟
بعد چَن دییقه سعید اوما وامی ، سی اولین بار سلام کرد ، گوت: سیچی آماده نئییه؟
سِیلی دِش کردم ، جَواوش ندم
گوت: مَر دام وت نگوت؟
رت جومه سیه دِه کُمد دراورد کرد دِه وَر...
زونیام سُس بین
جو دِه دَس و پام بورّس
فَهمسم که سیچی ای قوم ظالم یه دفه مهربون بین...
وش گوتم: بوئم مُرده؟
گوت: عَه
گوتم: ایسه راضی بی؟ سیچی نَرتی تِه بوئم؟ ایقه نامرد و بی ارزشی که حاضر نئی سری بزنی وه بوئه مریضم! بوئم هاس تکلیف مِنه وا تو مشخص بکه!!
هیچی نگوت!
وِریسام چادرم گِرِه زَم دِه گردنم و وا خونواده سعید رتیم حونه بوئم
موقه رَسسیم در حونمو ، چَشم که هَرد وه لیلا و بَچو بیهوش بیم
موقه که اومام وه هوش کُل فامیلونمو جمع بینی دِه حونمو ، پیایا بوئمن مین حیاط خومو شُشتن و بردنش وه قورِسو
وه هزار زور و زحمت خومن رَسَنم وشو ، وَرَز یَه که خاکش بکن رتم بالا سرش گوتم: بوئه یَه رسمش نِوی! خیلی زیـ مُردی! ایسه که وت احتیاج داشتم سیچی هِشتیم و رَتی؟
وه زور دِه بوئم جدام کردن و خاکش کردن
🐞
آخ بوئه شیرینم!
خَرمنم دِه خَرمجا هـا میزنش باد
کسی نی گِردش بَکه ، هِـه داد بی داد...
🐞
تا یه هفته مَنم دِه حونه بوئم تِه بَچو تا تیکه داغ دلشو سوئک با
دا سعید هم مَن دِه حونمو تِه ننه قمرتاج
مین او یه هفته اخلاق و رفتارش وا مه چِنو خو بی که هیچکس باور نمیکرد ایـ خونواده چِنو رفتار گَنی وا مه داشتوئن!
ناونم!
شاید میهاس بعدا اَر هاسن طلاقم بِین کسی باور نکه که مشکل دِه خوشونه و همه تَخصیریا بِفتن گردن خوم
🐞
بعد یه هفته دِه لیلا و بَچو خدافظی کردم
وه انوشیروان گوتم: برارم! دونم که سن و سالت خیلی کمه ولی ایسه وه دِما پیا ایـ حونه تونی! خیلیا وه مال و منال بوئم چَش دارن ، تو جانشین بوئمی ، ویردار لیلا و بَچو با ، هر مشکلی هم داشتی وه کدخدا علی مُروت بو...
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_پانزدهم

کدخدانه مِکیس کردم اوما وامی
ریم نِوی که قضیه دیشوئینه سیش تعریف بکم
گوت: بوئت چطوره؟ گوتم: وَلا هیچ خو نی! اتفاقا هاسم بیام واتو صحبت بکم
شمانه خدا ، بوئمن راضی بکیت که بوریمش وه شهر تِه دُگدر
گوت: ریـ چَشیام ، ریـ سیاهم! خوم میاسی زیتر بیام سراغش ، ناوِنسم ایقه حالش گَنه!
🐞
رتم قَلیونی سیش چاق کردم و وا چایی نیام وَرش
هاسم بیام وه در گوت: تیام بِس کاری وات دارم
روله! هرچی خدانه شفا آوردم و وا بوئت صحبت کردم قبول نکرد ، موئه دوس دارم دِه حونه خوم تِه بَچونم بمیرم!
اَلوَت دِه بالایی خدا هیچش نی ، روز وه روز بهتر موئه
ایسه هم وِریـ آماده با تا بورمت حونه خومو
🐞
بوئم گوت: روله مَر نگوتی دِه سعید اجازه گرتیه ، عَه سیچی علی مُروت اومائه سراغت؟؟
سعید خوش ها کجا که بوئشه فرسنائه؟
تا اومام حرف بزنم ، کدخدا علی مروت پیش دَسی کرد گوت: سعید کاری داشت چَن روزه رته وه شهر ، وَرَز ینه که روئه وه مه گوت اَر رتی حونه سه مخو ، تیامن بیار ، ایسه هم اَر دوس داری تیام بِسه وه تِت ، عِیو ناره! بالاخره دختر هم سی روز تنگ وه درد دا و بوئش مـوره!
بوئم که دیار بی حرفیا علی مُروتن باور نکرده گوت: روله رو چیات جَم کو ، چاس که هَردیت وا کدخدا رو حونه خوتو ، بعدشم وه کدخدا گوت: خیلی ویردار دخترم با! ایـ دختر کُل کس و کارمه ، سعید هم که ورگشت وش بو بیا ایچه کار واجبی واش دارم...
کدخدا علی مروت گوت: خدا شاهد و گواهه تیام دِه همه بچونم سیم عزیزتره ، خدا مابین جز احترام هم هیچی دِش نئیمه ، اَر مشکلی اوچه داشته و مه ناونسمه ریـ سیاهم
بعدشم گوت: روله رو آماده با تا ورگردیم
دِه اتاق اومام وه در ، وه لیلا گوتم: تو وه بوئم گوتیه؟
گوت: نه! مه وش نگوتمه ، درضمن دوروسه بوئت خانیـه و هیچوَخت محبتش مستقیم وت ابراز نکرده ولی دِه چَشیات فَهمسه که حتما مشکلی داری
🐞
دِه بوئم و لیلا و بَچو خدافطی گرتم و وه لیلا گوتم اَر پیغومی سیم داشتی سفارش کو فقط وه خوم برسوننش
وا کدخدا ورگشتم
🐞
مستقیم رتم تِه دا سعید ، سلام کردم ، چون کدخدا وام بی ، داش سلام گرمی وم کرد و احوال بوئمن پورسی
رتم مین اتاق ، سعید مین اتاق بی
سلامش کردم ، وا سر جواو دَه و کرد وه در و سریع ورگشت گوت:
کارت وه جایی رَسسه که چُول بُردیه سی "بوئه لَسم و چُلاقت" که سعید چِنینه و چِنونه؟
سیچی وش نگوتی که بچه دار نمویی؟
بوئت گوته سعید بیا خدمتم؟
مَر بوئت کیه!؟
بوئت وِنا که وا چارتا بچه رت زَنی هَنی هاس!
🐞
وَختی که وه بوئم گوت : "لَسم و چُلاق" تَش دِه سرم رت
چنان چَکی زَم بیخ گوشش که تا آخر عمر یادش نروئه...
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_چهاردهم

لیلا خیلی زن خویی بی
محرم اسرارم
سنگ صبورم
کسی که بیشتر دِه هرکسی دِه هولم بی...
وش گوتم: لیلاجان سیچی بخت مه سوخته؟
دِه روزی که چشیام واز کردم، قی و مرافه ننه و دام بی ، بعدشم که داغ دام و خوئرم دیم ، ایسه هم باید سی حال و روز خوم بگریوم...
اوایل سعیدینو خیلی دوسم داشتن ولی ایسه که دینه بچه دار نموئم روزگارم شیوَننه
لیلا جان زَلَم میره!
اَر بلایی سر بوئم بیا چی بکم؟ ، دِه باید سَرم بَنیم بمیرم...
لیلا گِرِتم بغل دَسی آورد مین میام
گوت: عزیزم اصلا مین فکرش نویی ،مَر تو بی کس و کاری؟ امیدخدا بوئت که کمی حالش بیتر با ، آو میکه دِه لیزشو ، دَسی که ریـ ناموس کدخدا سِه مَخو بلند با باید بَشکیه!
ایسه هم رو دَس و ریته بَشو تا ننه قمرتاج قضیَنه نفهمسه!
🐞
ایواره زیـ کار ، شوم هَردم و مَنم اَنگلات سعید که بیا بُورم!
ولی خَوَری دِش نِوی!
ننه قمرتاج هم چار چَپ و راس میگوت: ناوِنم چی کردیه که حاضر نیسن بیان سراغت!
فِک کردیه اوچه هم حونه بوئته که هرکاری دوس داشتی بکی؟
ایسه حداقل اَر بچه داشتی ، هِه سی دل بچه میومان سراغت!
دِه حرفیاش ناراحت نئیم چون اصلا حرفیاش سیم مهم نئین ، دِه وه نیش و کِنایاش هوکاره بیم!
خلاصه سرتون وه درد نیارم
او شو سعید نیوما سراغم...
نیوما سراغم و مه تِه ننه قمرتاج و لیلا هیرد بیم!
صدای اِشکسن سِخونیامِن میفهمسم...
شو تا صو که خاوم نگرت ، سر صو سی بوئم اناشتا دوروس کردم
هَروَخت که چَشم میهرد وه بوئم داغ دلم تازه میبی...
بوئم گوت: روله مِنِسم دیشو رتیه!؟
الکی گوتم نه زندگیم نرتم! دوس داشتم بیشتر بِسم وه تِت ، دِه سعید اجازه گرتم که بمونم
معلوم بی که حرفیامن باور نکرد ، هیچی نگوت!
کاشکه هِه چی او روزگارو میگوت: غلط کردیه که نرتیه! مَر تو حونه و زندگی ناری که مَنیه ایچه؟ اصلا کاش چَکی هم بَزئـه بیخ گوشم...
آخ و صد آخ که هیچی نگوت...
سِیل مین چشیاش که کردم ، بعد ایـ همه سال تازه فهمسم که چَنی دوسش دارم..
بوئـــــه یعنی "چو پُشت شو!
کسی که هِرنگ دل دختره ، وجودش باعث قوت قلب دختره...
🐞
چَن لقمه نون و خائه و کره نیام دِه دَمش
زیاد نَهرد! ناونم! شاید سیر بی ، شایدم خجالتی میکشی دِه دَس مه غذا بـوره
وش گوتم: بوئه! خیلی دوست دارم❤
قول بِه که زیتری خو بای ، هممو وت احتیاج داریم
دَسم فشار دَه و هوفتی
🐞
دِه اتاق که کردم وه در احساس کردم همه ها موئن: سیچی نرتیه حونه میرَت؟
آخه اوسه رسم نِوی که دختر بعد شی ، زیاد دِه حونه بوئش بِسه
رتم مین طویله نشسم
کدخدا علی مُروت دِه در اوما وامی گوت: یالله!
رتم استقبالش گوتم: خوش اومایی کدخدا
🐞
#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_سیزدهم

کدخدا علی مروت گوت:
سعید روله! سیچی ایـ دخترن نوئردیه حونه بوئش!
سعید غیظی کرد وم و گوت رو آماده با تا بورمت
رتم آماده بیم ، سوار اسب بردم تِه حونه بوئم پیادم کرد و وِرگشت
لیلا اوما وه پیشوازم گوت:
تیام!؟!
عَه هایی کجا؟ یعنی ایقه بدت دمو میا که حاضر نیسی سری ومو بزنی؟ اصلا ایما هیچ! هِه سی دل بوئت! بوئت حق دِه گردنت داره! سه ماهه دِه اسب افتائه فلج بیه ، ها دِه توجا! چَن دَفه سیت پیغوم فرسنائیم که بیای! بوئت بیقراری میکرد سیت! خوئرت سوریژگه گِرِت تا سر حد مرگ رت ، نیمائی سراغش! مَر تو دلت دِه بَرده؟
سِیلی دِش کردم پُر چشیام بی دِه اَسر ولی هیچی نگوتم
فوری رتم مین اتاق بوئم
چشم که هَرد وش دنیا جلو چشیام تیره و تار بی
بوئه پهلوونم بیئی وه پوس و سِخونی!
سِیلی دم کرد گوت: تیام! روله تونی؟
افتام وه گریوه ، دسیاشن گِرِتم بوس کردم گوتم: عَه بوئه! خومم ، رولَت بمیره! سیقه سرت بام ، عَه چت بیه؟
گوت: روله! سه ماهه چَشم ها وه ایـ در که بیای وامی!
دوروسه مه خیلی دِه حقت گَنی کردمه ولی بوئتم ، وه خدا حقم نیی که سری وم نکشی
هِق هِق کنان گوتم: بوئه وه خدا نِشتنم بیام
اَر بِدونسمه که چِنی بلایی سرت اومائه فرار میکردم میومام
بوئم گوت: روله مَر اذیتت کردنه؟ عَه سیچی نگوتیه؟ سیچی پیغوم نفرسنائیه؟
"کدخدا سِه مَخو" اَر جنازش هم سر زَمی با نِمیله اَلواتی جگرگوشَشه اذیت بکه...
🐞
خلاصه او روز چَن همه بدبختیای ایـ چَن ماهم دِه گردن بوئم گریوِسم...
اومام تِه لیلا گوتم: لیلا سیچی بوئمن نوئردیته وه شهر؟
گوت: اوایل حالش ایقه گَن نِوی ، بعدش که فَهمس تو واش قهر کردیه، کمرش اِشکِس! هرچی هم وش گوتیم بیا بوریمت دُگدُر قبول نکرد
تو خو هِشتیمو و رتی! کاش حداقل انوشیروان کمی گَپ تر بیه که کمک حالمو با!
گوتم: خوم راضیش میکم
اَر هم راضی نیی، وه کدخدا علی مروت موئم بیا بورش شهر
سی عوض کردن بحث گوتم: بَچو هان کجا؟
گوت: بچو هم خیلی بیقراری کردن سیت ، انوشیروان بردشونه سر خَرمجا ، ایسه که بوئت فلج بیه ایما و بَچو باید امورات بوئته بچرخونیم
🐞
ایواره بَچو دِه سر زَمی اومان حونه ، موقه که یکی یکی اومان وه بغلم تازه فهمسم که چَنی دلتنگشو بیمه ، کاشکـه هیچوَخت سرنوشت چِنی رقم نمیهَرد ، کاشکه مِلّم بشکسه و وه سعید شی نکردمه...
آخر شو لیلا گوت: بوئت گوته اوچه اذیتت کردنه ، ایسه مه ایقه غَریو بیمه که میا دِه زون بوئت بفهمم!
گوتم: لیلا! دَس وه دلم نَزه...
🐞
"هرکجا سِیل میکِنم سیا زمینـه
ناوِنم بخت مِنه یا هِه چِنینه..."
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_دوازدهم

سعید هم آدم خوش اخلاقی بی ، هیچوخت نمیهیشت دیری دِه خونوادمه حس بکم
هرچَن روزی یه گل منو سعید میرتیم وه حونه بوئمینو ، اَلوَت فقط سی دل خوئرم و لیلا وگرنه هیچ دلخوشیه دِه او حونه و افرادش ناشتم
دِه تَنیا چییه که اذیت بیم ینه بی که دا و بوئه سعید دوس داشتن بچه سعید کُری با!
تازه داشتم روزیا تَل گذشتنه فراموش میکردم که دوارته همه چی دِه نو شروع بی
فکر یِنه که اَر بچم دختری با چی بکم! بی وه خاوِرپله شویام
ولی مشکل اصلی ایچه بی که چَن ماه دِه ازدواج منو سعید گذشتی ولی مه باردار نئیم!
خدایا نکه چی کِچی زلیخا "بچه مَیار" بام!
ننه قمرتاج هم چی عزرائیل هروَخت چشش میَهرد وم میگوت: روله! باردار نیسی؟ میگوتم نه!
میگوت: حتما مال حوسیرونت دوا کردنه سیت! یِنو مُشتی شِلیته و دِه خدا بی خَوَرن!
گوتم: تا دوش خو دو پات کردی دِه یه کاله که میا شی بکی وه هوز علی مروت ، ایسه مشتی شلیته و دِه خدا بی خَوَرن؟
🐞
کم کم احساس کردم که سعید هم چی زیتر دوسم ناره
تا اوچه رسس که تنیا کسی که دِه مین او حونه احترام سیم قائل بی کدخدا علی مروت بی
هروخت کدخدا دِه حونه میکرد وه در ، هرچی آدم دِه او حونه بین وام دشمنی میکردن
روز اولی که وارد حونشو بیم نِشتن دَس وه سیه و اِسپی بزنم ولی کم کم بیم وه کلفت حونه!
دِه شیردوشی و آوجارو گرته تا جَم کردن تپاله و پِشگلیا بی وه کار هرروزم
سعید سر صو وا بوئش میکرد وه در و تا نصم شو نمیوما
هروَخت هم میوما کاری وام ناشت حتی جواو سلامم هم نمیده ، حتی دِه چی زیتری حاضر نیی بورم وه حونه بوئم هم!
یه روز قضینه سی داش گوتم
گوت: خفه با! کُر شیرینم دِه حونه فراری دئیه! شو و روزش سیه کردیه! مَر ایما تعهد دئیمه که هرروز بوریمت حونه بوئت؟ اَر ایقه بوئه دوسی ، سیچی شی کردیه؟ مِسایی دِه حونه درّومسه بوئت
رتم مین اتاقم و سیر گِریوسم ، آخر شو سعید اوما وا توکپا در اتاقن واز کرد و وَنم ور چک و توکپا
چِنو وا توکپا زَه دِه مین پَلیم که احساس کردم گوردالم کامل کِنِس
وش گوتم: سعیدخان وه خدا مه هیچی وه دات نگوتمه
گیسیام گرت و سرم کوفت دِه مین دیوار...
🐞
سر صو وه هر زحمتی بی دِه خاو وریسام رتم حیاطن آوجارو کردم ، کدخدا علی مروت اوما گوت: روله! مَر کلفتیا ایـ حونه مُردنه که تو آوجارو میکی؟
دِه ترس سعید گوتم: نه خان! خوم دوس دارم
هوار کشی گوت: قدمخیر؟ سعید؟
بار آخر با که ایـ دختر دِه مین ایـ حونه کار میکه!!
بعدشم گوت: دِه بوئت چه خَور؟ بیتره؟
گریوِسم و گوتم ناونم! مَر بلایی سر بوئم اومائه؟
سِیلی دِه سعید کرد گوت: روله! سیچی ایـ دخترن نوئردیه تِه بوئش!!
🐞
#ادامه_داره...



‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_یازدهم

روز وه روز هرچی وه داوَت نزیکتر بیم ، لَرتر و افسرده تر بیم
تا یه روز لیلا اوما مین اتاق گوت‌‌‌‌‌‌:
تیام!! سِکو چی وه خوت کردیه
سیچی ایقه هایی دِه هول او گَشتل!
بَردیا اَر پیایی بی و غیرت داشت میوما وه کیخاییت نه دِه ترس خان گم و گور با...
دونی اَر سعید بفهمه که عشق بردیا ها ده سرت چی میکه؟
بالاخره هرچی با تو الان زینه سعیدی و حتی فکر کردن وه بردیا هم گناه کبیرا!!
تازه سعید هم خیلی کر خوئیه ، کُل دخترون آبادی آرزوشونه که زینه سعید بان
وختی وه حرفیا لیلا فک کردم ، دیم واقعا حرفیاش منطقی بین
او روز تصمیم گرتم عشق بردیانه بَنیم دِه سیک قلبم و زندگی جدیدمه وا سعید بسازم...
دِه او روز وه بعد سعی کردم که خومن خوشحال نشو بیم که کسی وم شک نکه...
🐞
قرار بی که عقد و داوَت وا یَک برگزار بان
ظهر وه صرف چاس فامیلون ایما دِه حونمو مکیس بین و شو هم حناوَنو انجام بی
روزی که نشمینه (آرایشگر زنونه آبادیمو) اوما بَن وَن وه صورتم و میام کوتاه کرد ، دِه واقعا باورم بی که همه چی تموم بیه...
همه زنون فامیل وه دورم مَتل وَنن و کِل زَن ، ولی مه "رو رو" میگریوسم
اَلوَت شانس آوردم که همه فک میکردن گریوِسنم سی درد اصلاح صورته...
"کولایی سیت بَوَنم وا بَلگ پینه
چَشیات دِه نازکی اَفتاو نئینه"
🐞
بالاخره منو سعید وا یک عقد کردیم و سی اولین بار خیلی وا دقت سِیل سعید کردم ، فقیر! کُر خوش قیافه و خوشگلی بی ، ناوِنم سیچی کَچ گرتشی و دیـ همه دختر اومایی سراغ مه
نشمینه خانم شروع کرد وه آرایش صورتم ، اَلوَت چه آرایشی! نهایت آرایش اوسه سورمه چَشی بی
بعدشم لباس عروس اِسپی قشنگی کردن دِه وَرِم
خیلی دوس داشتم دالکم زِنّه با و دِه لباس عروس بِئینم ولی چی بکم که دَس سرنوشت چِنی سیم نوشت...
دالکه هایی کجا که بئینی دخترت گَپ بیه...
🐞
بالاخره دوماوَن اومان وه حونمو و مه وا استرس و چشیا خینی رتم وه حونه کدخدا علی مُروت
برخلاف تصوراتم حونه سعیدینو وا حونه ایما خیلی فرق داشت
بوئه سعید واقعا کدخداپیایی بی و امکان ناشت مِنه بئینه و مین سَرم ماچ نکه
داش هم واقعا شیرزنی بی و نمیهیشت مه دَس وه سی و اِسپی بزنم...
کلا دنیای جدیدی واز بی وه ریم...
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_دهم

شو و روز سر نماز اَسَه دعا میکردم که دا و بوئه سعید ، مِنه نپسندن
بالاخره روز موعود اوما و کدخدا علی مُروت و سعید و فامیلونشو سوار اسب اومان وه حونمو
بوئم و عامویام قَری تفنگ وَنن مین رَشو
موقه که رَسسن رتن زیر دوار نشسن ، ننم گوت: روله وِریـ چایی بور سیشو
چایی خَس و پررنگ و پُخته بردم سیشو و دِه سیک دُوار نشسم
بوئم گوت: روله یِنه چاییه یا آو جَفت؟ زیتری رو عوضشو کو!
عوضشو کردم و ورگشتم ، هرچی حال و احوال و سوال دِم پُرسین وا سر جواوشونه دَم
بعد گِرّی که بوئم و کدخدا علی مروت ، نَقل سند زمینیا و گو و گله صحبت کردن ، دا سعید گوت: وَلا ایما دِه خدامونه که وا کدخدا سِه مَخو پِیوَنی بکیم
یه هفته هَنی میایم سی جَواو
ننه قمرتاج گوت: ایما هم دِه خدامونه ، تیام دختر خوتونه!
خوشو بورّین و دوختن و دِه مه هم هیچ نظری نگرتن!
یه هفته بعد اومان سی جواو ، بوئم جواو مثبت دَه وشو و قرار شیرینی هِرو و دَسبوسن هم واشو نیا و خدافظی گرتن رتن...
🐞
هیچ اراده و اختیاری دِه خوم ناشتم ، اصلا ناوِنسم هام وه سر چه خاکی!
دوس داشتم سی بار آخر روئم سر چشمه و بَردیانه بئینم ولی لیلا نِشت...
تقریبا همه آبادی خَوَردار بین که قراره مه شی بکم وه سعید ، الوَت حتما بَردیا هم فَهمسه بی ولی ناوِنم چه حالی داشت!
شاید دِه آبادیمو رت! شایدم اصلا سیش مهم نِوی و مه الکی زندگینه سی خوم تَل کردم!
🐞
یه شُو بعد شوم سعید و خونوادش اومان ، پیایا زیر دوار و زِنو مین اتاق نشسن
لیلا گوت: تیام بیا مین پنجره سِیل دوما بکو! وه حرفش توجه نکردم و گِز بورّیم وه آسمو...
اَلوَت همه زنون فامیلشو دِه رفتار مه دونسن که راضی نیسم ولی وه ریـ خوشو نمیاوردن...
مهریه و شیربهانه مشخص کردن و قرار داوَتن هم نیان سی یه ماه هَنی...
وَختی وا خوم فِک میکردم که قراره یه ماه هَنی تا آخر عمرم دِه حونه کدخدا علی مُروت زندگی بکم میهاسم لیوه بام!
🐞
مین او یه ماه ، ننه قمرتاج و بوئم چَن گِل سی خرید جهاز رتن وه شهر ولی مه واشو نرتم
بالاخره یه روز سعید و داش اومان سراغم سی خرید داوَت ، هَرچَن دلم نارضا بی ولی واشو رتم
اول کار رتیم وه پاساژ طلافروشی ، مه هیچ قصه نمیکردم ، گوتم: هرچی خوتو دوس داریت وا سلیقه خوتو بَسونیت
اَلوَت اونو هم دِه هر چییه بیترینش سیم اِسّن ، یادم میا هیچ دختری دِه آبادیمو تا او زَمو لباسیا و طلایا مِنه ناشت ، ولی مه دلم فقط بَردیانه میهاس..
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#قسمت_نهم

او روز چَنی بدم دِه خوم اوما و خجالتی کشیم که ننم هرچی دِه دَمش دروما وه لیلا و کِچی بردیا گوت و مه دِشو دفاع نکردم...
ایواره که بوئم دِه شهر اوما چی همیشه دَس نمازی گرت نماز وَن و رت زیر دُوار مین حیاط مِرکِش زَه تا لیلا چایی بیاره سیش
وَختی دیم ننه قمرتاج وا کتری و غوری دِه لا اوما دونسم که نَخشه گَنی سیمو کشیه!
رتم تِه لیلا گوتم: لیلاجان ببخشم وه ابوالفضل! مِنِسی زونم قُلف بیه جلو ننه قمرتاج نتونسم دت دفاع بکم
لیلا گوت: عِیو ناره ، ننه قمرتاج بار اولش نی، همه میشناسنش الان چایی مورم سی خان و واش صحبت میکم
گوتم: بیخیال! ننه قمرتاج چایی برد سیش ، وه گمونم ایسه ها چولویی منو تونه میکه!
گوت: هم عِیو ناره اتفاقا چِنی بیتره!
ولی بِیل ینن وت بوئم که تَنیا کسی که میتونه بوئتن راضی بکه خوتی تیام!
گوتم: ایـ حرفیا چینه! اَر یه کلوم دِه دمم درا که بردیانه دوس دارم بوئم هلاکم میکه...
لیلا گوت: دونم ولی مطمئن با ار مه هم زیاد وه بوئت اصرار بکم ، فک میکه چون مه نامادریتم دوس دارم وا چوپونی ازدواج بکی!
اَلوت خومونیما! لیلا هم راس میگوت...
🐞
ننه قمرتاج که اوما وه در من و لیلا منتظر بیِم که بوئم هِنامو بکه ولی خَوَری نِوی!
شو بعد شوم، لیلا رت مین اتاق خان ولی خیلی زیـ وا چشیا پر دِه اَسر ورگشت...
خیلی ناراحت بیم
لیلا وه خاطر مه دِه بوئم چَکی هَرد...
او شو تا صو گریوسم ، سر ظهر که دِه خاو وریسام ننه قمرتاج گوت تیام خجالت بکش تا لنگ ظهر هایی دِه خاو! وِریـ بینم!
گوتم هَه بِیلم حالم خو نی! وام چاری؟
گوت: سِکو روله! سعید کُر کدخدا علی مُروت قراره امروز دوارته بیا کیخاییت ، وِریـ خوته آماده کو!
گوتم: بیخود کرده! مه سعیدن دوس نارم
گوت: دوس دارم دوس دارم سی مه نکو گیس تاشسه! حتما چوپو دوس داری؟
تا وه بوئت نگوتمه شهیدت بکه بیا آماده با...
🐞
او روز حتی وه فرار و خودکشی هم فک کردم...
رتم قَضینه وه لیلا گوتم
لیلا گوت: وه نظرت مه چی بکم؟ تو اَر واقعا عاشوق بایی ، میا سی عشقت بجنگی! تو فقط ادعای عاشقی داری...
🐞
او روز تَنیا کسی که منتظر سعید و خونوادش بی ، ننه قمرتاج بی
ناوِنم قرار بی دِه ازدواج منو سعید چی گیرش بیا!
نه عشق و علاقه نسبت وه مه داشت که دوس داشتوئه خوشبخت بام ، نه هم نسبت وِم احساس مسئولیت میکرد
وه گمونم فقط و فقط میهاس وام لَنج بکه...
🐞
چِنو غم بارِسه وه دشت جونم
که درد بی کسی سوخته سِخونم...
🐞
#ادامه_داره...


‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥