R.A.D

#رسائل_إليها 22(parody
نهايه فصل مظلم تنتهي معه معالم الكبرياء وبعضا من أعراض النرجسيه المُرة(بقت مرة يخوانا)، وبدايه لانفجار كون آخر من ذات الكويكب وكأن الشمس أشرقت من داخل قلبينا من جديد-فترة ترميم-.
_وكأن أحدهم قد وُلد في ثوب تمنى أن يولد فيه.
_الوضع يشابه العودة لأحضان الوطن الوسيع حيث المنشأ والمنبت وأحيانا المصب، صدق القائل" ما الحب إلا لمن ترك أثرا طيبا مع حسن الخاطر".(م ضروري يكون زول قالها المهم انا هسي قلتها(:
على المرء أحيانا الالتفات إلى الوراء فربما نسى ليو حاجه سمحه وهو م جايب خبر.
ليس ضعفا ولا قله حيله بل حبا ووفاءا أن تعود إلى ديارك لحضن نشأتك، ولتسقي حديقتك التي تركت.

اخد ليك لفه في القناة وقول رأيك وعبر عنو بي لايك او كومنت 💫

الانبهار والتأثير:
قبل كدا لمن اتكلمت عن موضوع كواليس وزكرت فيو انو الجمهور مرات م ح يتفاعل مع محتواك عشان تعرف أنو الاداء بتاعك كان كويس او النكته القلتها كانت بتضحك، لانو ممكن يعجبو المحتوى لكن م ح يظهر الحاجه دي قدامك.
داير اقول ليك تأثير الانبهار عن الموضوع:
تخيل يا عزيز انو عشان إنك تكون بتتأثر وبتنبهر بي نوع معين من الأحداث بمجرد ما شخص ما انبهر او تأثر وتفاعل مع الحدث وفي ذات الصياغ خلينا نقول إنو في اي مجتمع ح تلقى ٣ فئات، الأولى م عندها أي صيت وهي النوع البتتأثر ونديها نسبه 100% ودي النوع البتكون خلينا نقول ماشه مع القطيع.
الفئه التانيه الوسط والنوع د بختار إنو يتفاعل ويتأثر على حسب الطبقه العُليا عشان م يحس نفسو أقل من الطبقه الفوق ليو وفي نفس الوقت هو عارف نفسو أقل .
أخر فئه ودي الطبقه الحاكمه الممكن نقول هي البتصنع التأثير أو الحدث.
يعني مثلا عندك إذا في خطيب داير يلقي خطبه عن موضوع معين، أول حاجه حتبدأ تشوف هو لابس شنو، طريقه كلامو، وتبدأ تقيسو على معايير انو ح تلقى حاجه جديدة ممكن تستفزك وتكون خارج سياق الخطباء السابقين عشان تحس بي الانبهار وتتقبل الفكرة وتتأثر بيها.
صنفت الخطيب خلاص؟
اديك الصدمه!
لو مافي حاجه استفزتك(الاستفزاز هنا بمعنى الhas more  stimulation ) ح تنكر الفكرة وم ح تتقبلها من الأساس،  لكن اتخيل شنو لو واحد من الفئات الفوق ليك عبر عن رأي إيجابي ولو بسيط ح تبدأ تصارع في نفسك وتقول اي والله هو يعني زول كويس وبتاع(الفكرة في التناقض الح تكون وصلت ليو ).
يعني يا عزيز قبيل انت لمن قلت نكته قدام الجمهور لو كان في واحد من أصحاب الصيت وصفق ليك كان باقي القطيع قطع يديو من الصفقه.
الحاجه دي تأثيرها مُهلك جدا، وفي نفس الوقت بخلينا نعتمد على شخصيات معينه في اي مكان حيكونو نفس النسخه البايخه في تجربه وح يكون عندهم نفس المحتوى، ولو اختلف التأثير .
#مرتضى_صالح

تمرير أجندة
دي مقدمه لي موضوع بتكلم عن تمرير أجندة وتحويلها لي أسلوب حياة، ولا كمان بقينا ننروملايز الموضوع على أساس انو نوع أساليب الحياة، أنا م ح ازكر نوع من الأجندات واي زول يشوف ياتو أسلوب وقع فيو .
الموضوع ليو فترة عامل لي كورة شراب، كيف! كيف منصه مثلا زي نيتفليكس تحول نوع معين خلينا نقول من الأساليب المخله شديد لي أسلوب حياة وتخلي الواحد يقارن حياتو ويحس بي الفرق ويقعد يأنب في نفسو ويجلد في زاتو كل يوم عشان هو م عايش بي نفس الأسلوب، وحاسس انو مقيد ولا كمان السبب في انو م قادر يعمل اي شي هو إنو بعيد كل البعد عن الاعتراف بي هويه معينه او لبس معين او ممارسه مخططات معينه .
بتزكر زمان لمن يكون في debate عن توبيك معين بلاقي نفسي واقف في الجانب المعارض دائما بغض النظر عن نوع الموضوع شنو بكون طوالي في حاله معارضه م عشان خالف تزكر لا، أكيد عشان في سوء فهم وفي نفس الوقت بكون عندي حُجه ودليل قاطع أني على حق لحدي ما أفهم الحاصل وأكيد لو كنت غلطان ح أرجع وكدا، بس دا كلو عشان أنا كنت بأخد اي توبيك بي وضع الحياد عشان م تتنفذ مقاصد الأطراف ويحصل انحياز، ووقتها بجرد نفسي من اي فِكر واساسا أنا عايم في منطقه اللا انتماء فالحاجه دي ساعدتني كتير.
* نرجع لي موضوع تمرير الأجندة:
إستقطاب الفرد من عاطفتو، وجرو من الطرف اللين البخليو يفرد وينصاع بمجرد م شعر بي إنو في منطقتو، الحاجه دي م خطرت في بالي خالص، أتخيل إنك فجاءة من دون مقدمات بتلقى روحك في وسط زي الرمال المتحركه كل ما حاولت تتحرك الموضوع بزيد وح تغرق أكتر.
#مرتضى_صالح

الما&سونية
خضر حمد في كتابو عن الما*سونيه، أتناول مقالات اتكتبت في صحف ومجلات في التمانينات، عرف فيها عن ماهي الما*سونيه، وتاريخ نشأتها وزكر نوع من الإحسان البتبرزو م عارف كان قصدو شنو، وفصل فيها حاجات كتيرة ليها علاقه بي دور الي&هود الص&هاينه ومحاولاتهم في نشر علوم الما*سون، وأتكلم برضو عن أنواع المحافل حول العالم، و استقطاب الأفراد البارزين ورؤساء الأموال على أساس هم الطبقه المستهدفة او المعنيه بطلب الانضمام.
اللفت نظري في الكتاب دا حاجتين:
أول شي:
الطريقه التسويقيه للما&سون و كيف بختارو الفرد من اي مجتمع، مع انو الكلام م كان موضح بي طريقه مفهومه بس بتقدر تفهم الحاجه دي من خلال الغموض المكشوف في حياة الفرد*.
اي صح إنهم بختارو شخصيات بارزة شديد في المجتمع، بس الحاجه الم قدرت أفهمها إنهم بعملو شنو للفرد عن يقنعوه ينضم لانو على حسب ما اتضمن الكتاب انو الما*سونيه عبارة عن جمعيه أنت عشان تقدر تخشها لازم تقدم طلب ويقعد ٦شهور ولو اترفضت تاني م ح تقدر تقدم طوالي إلا تنتظر فترة من الزمان.
البارت التاني من الملاحظه الأولى إنهم زكرو في إحدى محافلهم إنو لو في مسلم او نصراني داير يقدم طلب لي الإنضمام لازم يحلف بي دينو انو م ح يسرب اي معلومه او خبر ويحتفظ بي أسرار الجمعية، طيب برو خليك معاي في دي عشان الجاي بضحك شديد، في نفس الوقت عندهم معتقدات هم ماشيين بيها انو هم م مؤمنين بي الإله، والإنسان عندو الحريه في إختيار الهو دايرو يعني بسعو لي طمس هويه الأديان على أساس يكونو دين جديد الإنسان يعمل الدايرو (طبعا م الدايرو as personal ) يعني زي م هم  دايرين، نرجع لي الضحك طيب يا إنسان انت كيف ح تقنعني إنو انا أحلف بي ديني انو م أطلع معلومه وبعدين لمن ابقى ما*سوني ح تخليني اقتنع انو انا م عندي دين ومافي إله وانو د كلو وهم، نيقا وتفريدج؟؟.
الملاحظه التانيه :
انو الما*سونيه والغموض حاجتين كل وحده في إتجاه براو وم عندهم علاقه خالص، كيف؟
اقول ليك:
إذا قلنا إنهم مجموعه غامضه ومافي زول عارف عنهم حاجه كان على الأقل ح تكون قصاد مجموعه معينه من الناس ومافي زول عارف انو فلان ما*سوني وبتاع، حتقول لي دا الحاصل وانو مافي زول عارف عنهم حاجه غير بسيط وحابي اقول ليك يعزيز، انو انت وقعت في وحده من طرق التسويق الحرفيا كانت ناجحه شديد، وهي حركه طرف الخيط، حرفيا الناس ديل قعد يخلونا نفتش عنهم ونتابع الهم بعملو فيو من دون م نحس، وفي نفس الوقت بدوك إحساس إنو انت ما مؤهل تكون منهم عشان تحاول تجتهد أكتر وتسعى إنك تقرب تبقى مؤهل، لكن مؤهل لشنو وانت أساسا م عندك الرغبه تنضم صح؟
اي م عندك الرغبه تنضم ليهم، لكن أنت في تفاصيل حياتك انت جزء من مخطط او مكيدة ليهم.
#مرتضى_صالح

ياخي الواحد طول عديل

_ألم تكفيك الأيام صامته تتلين حُزنا وعلى جبينك  حُفنه مرسومه على عينيك تشهد بأنك تائهة؟
بعد سلامٍ إستكثرتَه عليَّ كعادتك مؤخراً، و سؤالٍ عن حالي الذي لا يَهُمُّك،
أما بعد،
ترى الحزن على عيني ولا تعيشه معي، كفراشة فقدت إحدى جناحيها أنا، و خَسرت جُّل حياتها معه!
ألا يكفيني؟
_أيما سلام أُبادر به فيسبقني الرِمشُ سِراعا، فأكاد من البريق أصعقُ.
ما الحزن في عينيك إلا نبرة مشتاق، ضل الطريق باحثا عن الشجن .
_ أوَّد لو أن لي طاقةً كي أكابِر، كي أزعمَّ أن الندى الذي يبلل رمشيَّ كل ليلة ليس حنيناً إليك، أو أنكِر أن ذكرياتنا تضمني إلى أحضانها الباردةِ كل ليلة، و تغرس خناجِرها في ظهري.
دعكَّ من عينيَّ و أشجاني، أسِرُّ إليك أنني أبحثُ عن طيف شوقٍ إليَّ بين أسطُرِك و داخل أحرفك، لكنني لا أجده!
_بوح عزيزتي، طيفك لم يهجرني يوما فهو أنيس وحدتي، ظلي حين يشتد علي الوطيس، عينيك وأشجانك هي طربي، وفرهدة لروحي.
كبريائي مجرد وهم أحاول اختلاقه لمحاربه سراب ما تؤول إليه الأمور إن لم تكن كما أريد.
_مضت أيامي بعد بُعدِك رتيبةً كئيبة خاليةً مني و منك، أكذِبُ حقيقةً تلوِّح لي في أفُقنا، و أصدق كذبةَ لا يراها غيري، ضربت بكرامتي عرض الحائط مراتٍ لا تعدُ ولا تُحصى، ثم كنتُ كل تارةٍ  ألُمُّ شتاتي قبل فواتِ الأوان و أهرب مجدداً إلى اللاشيء إلى جثتي الخاوية.
_الأيام في بُعدك خاويه تماما، لاشي يساوي أن تمتلئ رُتبتي¹ مع بُصمك²، فكان كلما يغلبني النُعاس أشد نفسي أن أنوم خوفا من يختفي طيفك من أمامي.
فوات الأوان لا يعني نهايه الطريق، فالشوق ليس له  صلاحيه
¹المسافه بين السبابه والوسطى
²المسافه بين الخنصر والبنصر.
_الصلاحية لتقبلنا لفكرة المخاطرةِ بمشاعِرنا يا رَفيق الشجن و عزيز ذكرياتي،
و قد إنتهت صلاحيتها عندي، و إنتهت قصتنا، يكاد يهفو قلبي في إثرِّك، و يكادُّ يهرُبُ فؤادي رفضاً لفكرةٍ مَعيَّتِك!
هنا نهاية وإستمرارية و بداية:
نهايتُك معي،
و إستمرارُكَ داخلي،
و بدايةِ لونٍ جديدٍ عليَّ من ألوان الحنينِ و الفِراق!
_عزيزتي بوح، قد غلبني الشوق وزاد الموج في حدته، ولم ترسى مشاعري بشاطئ، لم يكن بيننا عهدا بالبقاء، لكنني كنت أحاول جاهدا أن أُبقيك بين حدقات عيني، لم أصب بالعمى ولم ولن يبقى الكون باهتا بعد مفترقنا، لكن اعلمي ما نسجناه من خيوط لن يعود جنجلا³، بل ستكون طريقا نسلكه لوكننا احياءا وليس للرجوع خلسه.
النهاية سنه من سنن الحياة.
#مرتضى_صالح
الجنجل: زهرة القطن
#حوراء_محمد
#نص_مشترك

I had been behaving all ma live honestly, beeen real making whole steps with all the truth even it's come on me, never complain about how it's get back to me.
Ppl used to reading ma face acting when they never seen any marks or sadness, i suppose to be on of the first line in,
Disney, yaa i know i do victim sule but it's never heal or make damin feel, i used too playing superpower man who's never get tired but he's never success even in the sky trying to burn the fu^king black hole.
The fucking hilarious when u r trying to move the line even when u change ur face they're dumbing u so fu^king bad.

I feel like am in racing to get heart attack, even i haven't that power to handle any more, it's like when u unlock ur door then everybody in, how dare ur thick tone yall, breath in breath out dosen't work, I must hold ma lungs out on ma hand.
Never ever let any one to know how ur comfortzo .

يا عزيز/ة أجري وراء طموحك، حاول تلحق نفسك، كفايه ملذات لحدي هنا لانو م عندها نهاية، حاول اقيف مع نفسك شويتين، مرة أعرف الحاصل معاك شنو وأنت واقف وين وفي شنو أنت مفترض تعملو عشان تلحق نفسك، لانو النجاح يستأهل ولأني قاطع وعد مع نفسي م يتكرر الحصل في المرة الفاتت، والمرة التانية أنك ما تقارن نفسك بي فلان/ة عشان دي نفسك أنت وأنت المسؤول منها ودا مستقبلك أنت ما تضغط علي نفسك كتير بقدر إنك م تهمل، حاول إنحاز لنفسك وعيش اللحظة لكن بعد ما تنجز عشان تكون مستمتع بيها.
في ظل دا كلو أنت خليك واثق من نفسك قبل تبدأ اي حاجه، وما تقطع صلتك بي ربنا و أتوكل.
#مرتضى_صالح

Jumping from boat to boat, i didn't ever think about falling into, cuz i was dreamer.

أنا والكون
أ.زمان شديد كنت مؤمن بي فكرة انو نحن عبارة عن اغلاط لي الأجيال القبلنا وهم برضو اغلاط لي القبليهم وهكذا، واغلاط م قصدي خطيئة او شي من القبيل دا، المقصود إنو نحن بنكرر نفس السيناريو وعلى خطى الأجداد نسير.
الحاجه دي كانت بُناءا على المجمتع الصغير الكان في محيطي، بس الحكايه م وقفت لحدي هنا لانو أنا أكتر زول ما كنت ماشي في الخط دا، كنت شايف نفسي متمرد لكن بطريقه invisible.
ب. لحدي ما المحيط اتوسع وانكشفت الرؤيه لقيت إنو نحن عبارة عن ضحايا مؤامرات بتخطيط من جهة معينه، أول مؤامرة وقعنا فيها انو صدقنا وجود المؤامرات من الأساس.
نرجع لي النقطه أ. ونقول انو المجتمعات الصغيرة بتكون على قدر ما بتقدر تشكل مجتمع متوارث بشكل نمطي، بتلقى الأطفال معظم حياتهم وسط جدودهم عشان ينهلو منهم، بي طريقه او بي اخرى بتلقى معظم تفكير الناس في المحيط دا متقارب بطريقه مخيفه، بكون الموضوع مخيف عشان ما فيو طموح عالي، في ظل دا كلو بتلقى في صله شديدة وتعصب شديد قصاد الموروث او العادة المعينه، وتقديس مبالغ قصاد المؤتلف من جميع الأطراف، ودي طريقه زابطه شديد في الحمايه من الزوال.
بي النسبه لي موضوع المؤامرات، في تغذيه روح وعقل الضحيه بتم نزع فيل الطمأنينة أول حاجه، يعني نحن أول ما طلعنا من محيطنا القريب واندمجنا في محيط الكون، كسرنا حلقه الأمان الكنا بنشعر بيو في محيطنا الصغير، والحاجه دي بعد كم إمتحان كدا خلتنا مترددين في إتخاذ اي خطوة لي قدام أو حتى الرجوع لي المحيط القديم ودا كمان وهم مصطنع وأكيد جزء من الكان مخطط ليو.
النتيجه:
إنسان بائس، ما قادر يتحكم في قراراتو وبنحاز وبنجر وفقا لي أي حاجه بتمس مشاعرو، كأنو قدرو يهكرو فكر الإنسان عشان يخلوه عندو قدرة معينه من الإنتاج أو التحمل.
لكن إذا نظرنا لي الموضوع بي طريقه منطقيه حنلقى إنو فعلا الحاجه دي ممكنه، ممكن يكون ونحن أطفال ادونا لاقاحات يقدرو يتحكمو بي مدى قدرة الإنسان على مجرد التفكير بس.
وفي رأي تاني ممكن تكون مجرد أوهام وما ليها اي درجه من الصحة، والبحصل دا كل وحي من الخيال.

أنا والكون
تقمص الشخصيات يجعل منك شخصية هشه، ففي كل مرة تحاول أن تضع نفسك مكان المرسل إليه وأن تسابق الشعور لتجد نفسك في ذات القالب، إياك أن تشكو من ضياع ذاتك وفقدان من أنت.
لا تُقتصر الحكاية في ما تحمله الرسالة او ما يكنه الشعور وإن كان يصف ما تشعر به، بل يحول بين ما هو أنت وما تريد أن تكون، الغريب في ذات الأمر أن باطنك يتجاهل في بعض الأحيان، فتظل في صراع إلى أن تجد لذه التقليد.
حاول مرة أن تكون شُباكا يَطل على جرف ثابت، حلو المنظر يحمل معنى للحريه.
او أن تكون شجرة تحمل قصص مُغْرمَين وجدا حلاً للحياة.
الرابط بين شباك الحرية وشجرة الحياة هذة أن لكل منهما معنى يمكنك أن تشعر به إذا حاولت أن تتجسده .
السر في تقمص بعض الرسائل هي الشعور بأن الدور او السيناريو يمثل كيان روحك الضعيفة الهشة، تبدأ بسرد الكلمات على نحو أنك غير مبال إلى أن تبدأ بالبطء شيئا فشيئا، حتى تصبح فريسة للتقمص.
كم مرة قرأت نصا لا يمدك بِصله لكن شيئا ما يخبرك بأن الحروف تناسب تفاصيلك وكأنها كُتبت لتناسب ما تبدو عليه .
#مرتضى_صالح

دي سلسله إسمها أنا والكون عبارة عن خارجيات ومقتطفات من حياتي وتصوري لي بعض الأشياء حول المحيط الحولي*

أنا و الكون
القمر يبدو شاحبا وكأن أحدهم قد سلب لونه هذة الليلة، أو قد تكون سحابة ساخرة مرت من هنا، كل شي يبدو مكفهر في هذا اليوم حتى طعم البطاطس لم يعد زاهيا ومقرمشا، هناك ضمنيات تتوسط هذا الباهت، أيمكن أن يكون هناك من يبعث رساله بطلب للمساعدة، ام من يريد لفت الإنتباه لكوني لا اعيره نظراتي.
حل الظلام سريعا فهذة ست أشهر حلت كإنطفاء النور، مجددا المزيد من الماء المالح وملامح دك الأرض التي تتهادا كل يوم، الغربان في كل مكان تحاول جاهدة تحذيرنا من شي قادم لكن لا أحد يعير للأمر إهتماما، الجبال تتحرك لكن لا أحد يصدق، البحر والنهر بؤرتان للصراع.
حينما يحل الظلام لا يتبدد سوى مخيلتي تبدأ برسم عالم اخر يحوي رسائل وكأن الكون يخاطبني.
لم يصمت الكون منذ أن صرخت أول صرخاتي،
العلامات في كل مكان، لكن الإتجاهات تحتاج إلى دليل، تحتاج إلى فك شفرات هذة الرسائل، إياك أم تتوه في متاهت الإحتمالات.
الخطوط والأرقام في كل مكان ما إحتمال أن يكون الكون مبنيا على رقم معين يمكنه حل كل الشفرات.
#مرتضى_صالح

في حاجه ما كنت منتبه ليها خالص في حياتي وكنت بكابر فيها شديد وكنت بسأل نفسي الناس دي بتستصغر الأمور بي الطريقه دي ليه ولا دا كاركتر جديد من أدوار الضحية، لحدي ما حصل معاي موقف خلاني استرجع نفسي اعصر ليمونه واقيف انو جدجد انا كنت مكبر الموضوع وما كنت فاهمو كويس.
بعيدا عن مستويات فهم الناس ومدى الإدراك، مافي زول قادر يعرف انت بتفكر كيف ولا بتفكر في شنو، ولا حاسس بشنو بالزبط، لانو الناس بتحكم بي الانت بتقولو والبتعملو، يعني مافي زول حيقول يخ احتمال نيتو تكون كويسه او كدي ادخل في نواياه عشان اعرف قاصد شنو، عشان كدا الناس بتحكم بي الظاهر، أنا الحاجه دي م كنت مستوعبها خالص يعني ما كنت متخيل انو ممكن تحكم على إنسان من مجرد ما اتكلم او قال في نفس الوقت والأهم من دا كلو درجه استيعاب او فهم موقف معين خصوصي لو كان ظاهر على مدى البصر او حاجه واضحه شديد انت عملتها من دون ما توضح، صدقني مافي زول حيقول ليك ايوه انا فهمتك والمضحك المبكي في الأمر طلع من الاوتكيت او الأدب انو انت مفترض توضح وجهة نظرك او رؤيتك للموضوع عشان م بعدين تلوم الناس على حاجه أساسا عندهم العذر إنهم ما يفهموها حتى لو هي واضحه زي عين الشمس.
_it's not how u look it's the way of how u act.
.

مناسبه النص دي كانت مفترض تكون بي سبب الصمت الحاصل لي من الصدمه بي سبب البلاوي في البتظهر كل يوم في البلد بس النص انحرف عن الطريق ولقيت نفسي قدام الامر بتاع نحن كجيل في الزمن د م لقينا استاندر معين نمشي بيو أو ممكن نقول لقينا بس م قادرين نحدد ياتو واحد حقيقي، وانا بي استنادر م قصدي تعليم معين او دين معين لا قصدي قدوة من الأجيال السابقه تقدر تكون واضحه معانا وفي نفس الوقت تمسك بي يدنا وتقول لينا د صح ود غلط على حسب م هو موضح في الشرع والدين وفي نفس الوقت م يكون تجارة قصاد طائفه معينه او حزب معين على العكس النحن ليقناه صراع م ليو حد من مليون طائفه كلها بتتدعي الإسلام وفي ظل د كلو نحن نطلع جيل هش م متربي كويس وم متعلم كويس .
الغلط الوقعنا فيو نحن بظل يسبحان الله إنو عندنا عقليه تقريبا م موجودة في الأجيال القبلنا وفينا جزء كبير قدر يطلع من المعمعه دي وينجز ويختار الطريق الهو بقدر عليو، وقعنا في شبكه الصراعات مع الأجيال الفاتو ومعظم النقاشات بدور حول انتو جيل هش يخ م منكم فائدة وم عندكم وم عندكم، لو جينا نعاين الموضوع من ناحيه عقل اذا انت كهل بتخاطب واحد عمرو م اتجاوز ال٢٥ سنه عشان تقول ليو م عملت وم سويت وهو السنين الممكن يكون عاش فيها بي سلام وراحه بال ممكن تكون اول ١٠ سنه ليو د لو كانت اسرتو خاليه من مشاكل المينلتي وكانو ناس طبيعين،وبعدها م شاف النور زاتو بي سبب عمائلكم؟

أصعب مرحلة ممكن تمر عليك في حياتك، المرحلة البتكون إتعديت فيها مراحل صعبة شديد وقدرت بفضل الله تتجاوزها بي صبرك وبرغم قله حيلتك وسكوتك، قدرت تتجاوز وتنجح في الاختبار، بس حيبقى الشعور صعب لمن تبقى في مستوى تاني وتشوف الممتحنين اللي بعدك، لا تقدر تقول ليهم الحل شنو، ولا تقدر تساعدهم، ولا تقدر تتحرك أساسا حتفضل ساكت وعائم في السكوت، وأنت بتشوف الموج بضرب بيهم ويحركهم على هواه.
اي محاوله لكسر الصمت بغرض المساعدة أو مشاركة الرأي، تعتبر حالة هجوم، وإلتزام الصمت ح يخليك تعيش الأجواء السابقه من جديد وتبقى حلقه غير مفرقه ح يدورو فيها الأجيال على هذا النسق.
اللوم لا يُلقى على من نفد بجلده، أو كسر الحَلقه وفر هاربا فكلنا نسعى للهروب والسعي وراء الفرار مِن لا حول ولا قوه لنا به، اللوم يسابق الذي يدور في تلك الدائرة حينما يكمل عدد لافاته، فيخرج لدائرة أخرى فاقدا لبوصله أحلامه يبحث عن بُريق أمل يعيد إليه الحياة مرة أخرى، فيبقى على شفا جرفين فقدانه لحياته وقيد اللوم، فيكمل حياته منهارا لا يعرف من أين الطريق، لايلبث قليلا إلى أن يشاهد نفس السيناريو يُعاد على من لا يستيطع أن يلقي إليهم بحبل النجاة، فيفهم ما ظنه هجوما ليس إلا محاولة في سبيل نجاته وتدور الحَلقة مرة أخرى.
فيا عزيزي ما يدور في هذا العالم يبرهن بأن الإنسان"ظلوم كفار"،"ضعيفا"،"جَهولا"،"عَجولا"،"قتورا"،"هلوعا".