ЭЛЁР

Бугун самарқандлик дўстим Санжарнинг туғилган куни! У шоир. Жўмард йигит. Сўзи ҳам, ўзи ҳам янада баланд, юраги бутун бўлсин!

​​​​Соя ҳақида ёзиқ
(Соялиларга)

Жонга ором берди ёлғизлик,
Зўрлаб сўриб олингач теграм.
Ёлғизоёқ йўлакда танҳо
Кездим,
Ботдим қорамтир терга.
Ўз эркидан масрур ва сархуш,
Соя келар қадамим ўлчаб.
Кулфат етди, қоқилдим,
бир қуш,
Чир айланди қузғунга ўхшаб.
Сир кавшамай қўйди шум ғорлар,
Шамол дея жон берди япроқ.
Жасад ечиб олинган дордан
Қулаб тушди заминга сиртмоқ.
Сукунатни бузди қарғалар,
Чақмоқ силаб ўтди танимни.
Эслолмадим соясизлардан,
Қай томон йўл сўраганимни.
Сўнг кузатдим баргнинг қулашин,
Қадам учун топгунча бардош.
Теваракка ёғду улашиб
Миллион йилга кексайди қуёш.
Ер чайқалди, ҳамда қаридан,
Лава чиқди, борлиқ қайт қилгач,
Ҳамма бармоқ ниқтади менга
Соя билан юрганим билгач.
Сўнг харсангга боғлашди мени,
Сувга отди,
Тамом,
Ниҳоя.
Ташқарида кўзёшин ичиб
Соя қолди фақат бир соя.

2
Сўнг курашдим вужудим ёниб,
Қалқиб чиқди, заминга сўхтам.
Майсалар қон симирди қониб,
Товонимга санчилган ўқдан.
сўнг чўзилдим, қиличим шайлаб,
тўзим сўраб давомли жангга.
Алғов-далғов ўтмишим билан
Бошим қўйдим дилхун харсангга.
Тарс ёрилиб кетди, тош қурғур,
Тарс ёрилган кўзгу сингари.
Аралашиб кетди тўрт унсур-
Олов,
Тупроқ,
Ҳаво,
Сув,
бари.
Ва тиклашни бошладим қайта
Олов билан сув қўшдим бироз.
Ҳамма нарса етди харсангга
Фақат ҳаво етмади холос.

3
Тун қичқирди, олис уфқидан,
Бир-бир босиб келди оёқда.
Ва асаблар тортилди қилдай,
Ғижжак чалди битта туёқда.
Сўнгра чиқди нафс ботқоғида
Ахлат титиб ётган қоринлар.
Чиқиб келди қафас -чироқдан,
Сулаймондан қўрққувчи жинлар.
Сабр қошин қоқди, ниҳоят
ўлимнинг ҳам келди ҳаваси.
Дорулбақо топмади чора,
Шарт йиртилди сабр тўрваси.
Бас, пичоққа ўтмади танам,
Суйкалма, эй пачоқ бўлган нафс!
Нарироқ ўт, сен-да буюк ғам,
Ўтган каби илоҳий нафас.
Мен сояман, ўзимнинг соям,
Борар манзил- тилсимли фано.
Соясизлар сайёрасида
Соя бўлиб яшамоқ азоб!

Санжар Тошбеков

@Elyor_Haydar

Bolaligimda juda tez ulg‘ayishni va juda ko‘p narsani o‘zgartirishni xohlardim. Endichi? Umrimni oxirigacha o‘sha bola qalbni saqlab qolishga tirishyapman.

@Elyor_Haydar

#ruboiy

Biz kelib ketguvchi to‘garak jahon,
Na boshi maʼlumu na so‘nggi ayon.
Hech kimsa rostini aytib berolmas,
Biz qaydan keldigu keturmiz qayon.

Umar Xayyom

@Elyor_Haydar

#ruboiy

O‘z erkingda emas, axir, erta kun.
Ertangni o‘ylab ko‘p bo‘lma jigarxun.
Bu damni bekorga ketkazma aslo,
Bilib qo‘y, dunyoga bo‘lmaysan ustun.

Umar Xayyom

@Elyor_Haydar

Masalan, biz 100+ bo‘lishimiz mumkin edi).

Bugun Erkin Bozorovning tug‘ilgan kuni. Aka zamonaviy o‘zbek adabiyotining faol targ‘ibotchisi. Birgina instagram tarmog‘ida 1 milliondan ortiq auditoriyaga ega. Agar yana o‘nta Erkin akaga o‘xshagan betama, haqiqiy adabiyot targ‘ibotchisi bo‘lsa nimalardir boshqacha bo‘lardi.

Hozir yozuvchi yoki shoirning asarlarini maʼlum bir doiradan uzoqroqdagi o‘qirmanlarga yetib borishi uchun kitobi bosilib chiqishi-da kamlik qiladi. Kitobxonlikdan yiroqlashgan bugungi o‘zbek muhitiga boshqa shakl-shamoilda, dastlab hazm bo‘lishi osonroq usulda yetib borishi qulay. Bu yo‘lda esa yetkazuvchilarning o‘rni beqiyos.

Aytgancha, Erkin Bozorov ham shoir, ham aktyor. Uning ijtimoiy, tabiatni asrashga qaratilgan, ilm-maʼrifatni targ‘ib qiluvchi videolari ham bor.

Mana bu sahifadan ko‘rishingiz mumkin!
https://www.instagram.com/erkinbozorovv?igsh=MXd4cndoOXhoaWxqOQ==

@Elyor_Haydar

Issiq yozni sog‘inganlar uchun issiq xotiralar!

@Elyor_Haydar

Turkiylarda kibru havo bisyoru, aqlu zako kam, degandilar-ku. Aqli kalta, imillagan. Barcha narsasi yuzaki, taxminiy, sayoz bo‘ladi, degandilar-ku. Bemani gaplar ekan! Aql-idrokli xalq erkan, farosatli erkan.
To‘g‘ri, ular, eng avvalo, jangari xalq. Chinni tor-mor qildilar. Itil ortiga yetib bordilar. Ovruponi yakson qildilar. Janubda Hindiston birlan to‘qnashdilar. Hozirga qadar ularni hech kim yenga olmayapti. Chidamli xalq! Aniq bilimlarni o‘zlashtirsa, uzoqqa borur...

Yovdat Ilyosov, "Ilon avrovchi"dan.

@Elyor_Haydar

Qishloqda teatr yo‘q. Internet sifati yomon. Odamlar boradigan galereya, soatlab o‘tiradigan kutubxonalar yoki shunchaki yo‘l chetida nafas rostlab xordiq chiqaradigan o‘rindiqlar ham yo‘q. Uyqu oldi hamma yotib olib ko‘radigan televizor kanallarining mahsuloti deyarli bir xil. Istemolchilarda tanlov imkoni kam.

Odamlar birlamchi ehtiyojlar bilan andarmon. Undan naryog‘iga o‘tish uchun vaqt kam. Vaqt bo‘lsa, energiya qolmaydi. Yoshlarning katta qismi maqsadsiz, borida ham u mayda! Kam daromadli aholiga ozgina inflatsiya oshishi-da ta'sir qiladi va moddiy orzularini Rossiya bilan birga quradi. Transport, yo‘l undan-da badtar. Viloyat markazidagi jamoat transportlari ham havas qilgulik emas. Yaxshiyamki chiroq o‘chmaydigan bo‘lgan. Bu yerda zamonaviy texnikalar yoki sharoitlardan muammolar ancha oldin yetib keladi. Undan tashqari psixologik to‘siqlar, odamlar ongida o‘rnashib olgan steriotiplar qaysi ishga qo‘l urmasin qarshisidan ulkan maxluqdek chiqib keladi.

Qishloqdagilar shunday yashayapti. Qaysiki yigit yoki qiz ulkan maqsadlar bilan harakat qilyaptimi, yuqoridagi muammolarni yorib, maydalab o‘tishi shart. Yo‘qsa, ularning ichida o‘zi maydalanib ketadi. Hech bo‘lmasa kurashib ko‘rish kerak. Qaysidir nuqtaga borib yengilgan taqdirda ham bu turmushdan ozgina bo‘lsa-da uzoqlasha olgan bo‘ladi.

Ammo, murosasizlik xarakter. Bu katta kuch. Shuning uchun do‘stlarimga va o‘zimga kurashish shart deyman.


@Elyor_Haydar

Televizor ko‘rmanglar. Mabodo ko‘rsangiz ham telenovella yoki zamonaviy o‘zbekcha serial ko‘rmang. Ketgan vaqt va asablar hayf. Millionlab odamlar shuuri fikr, tuyg‘ularni yemiradigan axlat bilan to‘ldirilyapti. Esiz!

@Elyor_Haydar

Toshkentda o‘qiyotgan, ishlayotgan va boshqa biror yumush bilan yurganlar mana shu tadbirga boringlar.

Bir qator do‘stlarimizning birinchi kitobi chiqdi. Muqova suratidan bu yilgi nashni yaxshiga o‘xshaydi.

Kamina uuuzoqdaligi uchun borolmaydi. Mening o‘rnimga ham ishtirok etib, kitoblarni olib o‘qinglar.

@Elyor_Haydar

Masalan, yolg‘izlik degan ajdaho yutib yubormasdan avval... eshitishim mumkin.

​​XX asrning ikkinchi yarmida uch ulug‘ muharrir dovruq solmasdan o‘tdi: Mahmud Sa’diy, Murod Xidir, Mahkam Mahmud. Uchovini egizdek eslaydilar. Ammo o‘zlari judayam opoq-chapoq emasdi. Fikr odamlarida shunday bo‘ladi, hecham ajablanarli emas.

"Dovruq solmasdan" deya chappa gap tuzishim boisi, ularning o‘nlab yaxshi ishlarini eslashimiz, chiqargan kitoblarini barmoq bilan sanashimiz mumkin, biroq yuzlab, minglab xizmatlari adabiyotimizga singishib ketgan.

Mahmud Sa’diy (Murod Xidir yoki Mahkam Mahmud) nima qilgan o‘zi, deb so‘ralsa, daf’atan javob topolmay qolamiz. Ular o‘zbekning saviyasini ko‘tarishga jiddiy hissa qo‘shdi. Boshqalardan farqli ravishda Vatanni indamasdan sevdi, dovruq solmasdan Millatga xizmat qildi.

Muharrirlar narvonga o‘xshaydi: qancha odamlarni tomga chiqaradi, lekin o‘zlari doim pastda qoladi. Mahkam Mahmudning tuzukroq rasmini internetdan topolmadim. U haqdagi ma’lumotlar ham siyrak. Tomga chiqvolganmiz, narvonni keraksiz bilamiz. Ilk bosomoqqa oyoq qo'yganlar ham, narvonni shunchaki narvon deb o‘ylaydi, u ham bir paytlar tomni ko‘zlagani, lekin boshqalarga yelka tuta-yelka tuta, oxiri narvonlik qismatini bo‘yinga olganini qadrlamaydi.

Mahkam Mahmudning manzilini payti-zamonida rosa surishtirganman, u yoqda-bu yoqda, uzoq-uzoqda, degannamo javob olardim. Eng alam qilgani, o‘sha uzoq-uzoqda deyarli yonma-yon yashagan ekanmiz, har kuni o‘tadigan yo‘lim ustida ekan uyi...

Tabiat qonuni shunday: hech kimga kerakmaslar ishvalanar ekan, jilvalanar ekan. Ma’no-mazmun esa senga kerak bo‘lsam, topib ol, deya uzoq-uzoqda jimgina yurar ekan.

Dostonlarda asl tulpor ko‘rimsiz bo‘ladi, chin botir nuqsonli keladi – shuytib o‘zini yashiradi. Tanigan taniydi, tan oladi. Tanimagan shaqildoqqa, qaqildoqqa mahliyo bo‘lib o‘taveradi.

Xullas, uch afsonaviy o‘zbek muharririning eng so‘nggisidan ham ayrildik.

P.S: Farrux Jabborov facebook sahifasidan olindi.

@Elyor_Haydar