Sanjar

​​Ал-видо кунимдир, туғилган куним.

Рауф Парфи

​​Kitob chiqdi. Endi o'qiladimi, o'qilmaydimi, adabiy jamoatchilik baho beradimi yo'qmi bilmadim. Ammo mening eng sodiq muxlislarim o'zgarmaydi. Ular kamchilik qidirib o'qimaydi chunki.

25-dekabr soat 15:00da yozuvchilar uyushmasida taqdimot. Kelaverasizlar

​​Тилоубек оиласи билан таништирди. Бу оила асли Хитойда яшовчи кўчманчи қозоқлардан. Ўтов, қўриқларини, тўқиган гиламларини кўрсатди. Ёввойи эчкиларни, отга тамға босганларини, шаршараларни, кенгликларни томоша қилдим. Кейин 10 кунларда қайтиб кетаман деди. Сабабини сўрасам у ёқда чолим, молим, қўйим қолди, меҳмондорчиликка келиб тураман деди. Қолсангизчи? Бу ерда иссиқ сув, газ, свет бор дедим. Лекин ҳаво йўқ, тор, димиқ, камҳаракат, дангаса қилиб қўяди. Қарасанг одамлар роса семириб кетган бу ерда. Томирларинг терингни ичига тортилиб кетади. Касал бўласан. Кўчсак қишлоққа кўчамиз. Бир катак товуқ, 4 та сигир жетади.
Маззада. На сиёсат, на гина кудурат, на бир дашном, таъна йўқ. Сувсизлик, глобал исиш, ким-кимни пичоқлади, ким-кимни қучоқлади умуман билишмайди. Мард, дангал, кенг кишилар.
...Радиода қўшиқ эшитиб мойчироқ ёқиб яшаш қандай завқлигини қайдан билардинг. Шаҳарда зич жойда яшаб майдакаш бўлиб қоласан. Шоир экансан нима ҳақида ёзасан, тушунтирчи. Таржимон тушунтирди. Э жўқ жарамайди, қўй буни....
Маззайе бу одамлар.
Айтганча Тилоубек қизчали бўлган, бугун чилласи чиқади. Шу қизча ҳам момолари каби кенг, дарёдил қиз бўлиб ўссин. Бургутни қўлига қўндириб, от чопсин.

​​Алматыдаман. Арслоннинг туркум шеърларини "Жаҳон адабиёти" журналида эълон қилдирдик. У журнални кўргач роса қувонди. Енгил тамаддидан кейин музейга олиб борди. У ердаги экспонатларни кўриб чиқаман деб чарчаб қолдим. Йўлда кечаси билан ухламай келганман ахир. Бу шаҳар менга ёқди. Санъатсеварлар кўп экан. Қолганини ёзишга мадор қолмади, кейинроқ батафсил ёзарман.

​​....

Энди бу ерга бошқа одам билан келасан деди.
Кулдим.
Энди менга бошқа одам бўлиб келасан деди.
Кулдим.
Эсдаликлар жонингни чўғдек куйдиради дедим.
Кулди.
Ёнингда бўлмасам ҳам юрагингни тўлдириб тураман дедим.
Кулди.
Менинг кўз олдимдан ўлим ўтиб бораётир
Билдинг.
Сенинг кўзингдан умр оқиб бораётир
Билдим…

СУКУНАТ

“Хато берилган саволга тўғри жавоб бериб бўлмайди”

Мен ҳозир сукунатдан ҳам жимман.
Узоқ юриб келдим бу жимликка.
Узоқ шовқиндан кейин келдим бу сукунатга.
Япроқлари қолмаган куздаги дарахтдек жимман.
Қишда очилган куртакдек жимман.
Она қучоғидаги гўдакнинг уйқусидай,
Оғир дарддан кўз юмган одамнинг қабридай,
Ёздаги денгиз сувидек тинчман.
Бошини мангу қор босган тоғлардек,
Қишлоқдаги уйнинг чироғи ўчиб қолгандек,
Узоқ сафардан чарчаб қайтган одамдек
Девордаги тўхтаб қолган соатдек
У девордаги бобо-бувининг суратидек.
Бобом ўлгандаги момомнинг унсизлигидек
Тор хонадаги онамнинг эски сандиғидек,
Ватаннинг унутилган қурбонларидек
Яна
Ёнган уйнинг скелетидек тинчман…

.....

“Умидсиз шайтон” (Шарқ мақоли)
Сен - менинг сўнгги умидимсан…
Мени шайтонга айлантирма.

....

Бугун сен ёлғиз емассан,
Дераса токчасига қўйилган шам,
Сен ўқиган, сени ўқиган китоблар.
Қўнғир қути ичидаги эски суратлар.
Эски суратлар ичидаги сен яна
Деразадан кирган қўшнинг тайёрлаган ош иси.

Омон чиқсак бу тундан:
Бари яхши бўлади, бари яхши бўлади.

УНУТИШ

Бу сафар ичинг умидсизликка тўлиб,
сўзларга узоқ термулиб қарадинг.
Излаганларингни топдинг ҳам,
нимани излаётганингни унутдинг сўнгра.

КЎРИШИШ

Бир куни кечқурун гулларнинг сўлганини кўрасан,
Жонингни бир бўлаги музлаганин кўрасан.

Сен севган дарахтнинг япроғи қолмаганин,
Сен севган ой нури ҳеч қачон бўлмаганин,

Сен кутган қушларнинг учиб кетганин,
Соғинчингни ўз ичинга тушиб кетганин,

Айтилмас сўзларни бегона айтганин,
Тупроқдан келганнинг тупроққа қайтганин,

Энг кичик ҳаёлнинг энг оғир салмоғин,
Ўтганнинг қўллари жонингдан олмоғин,

Сен билган Ватаннинг обод эмас эканин,
Сен кутган умрнинг абад эмас эканин,

“Етаман” деб тушганинг йўл эмас эканин,
“Етдим” деб кўрганинг ул эмас эканин,

“Хасрат” деб қучганинг сор эмас эканин,
“Хасрат” деб қочганинг тўр эмас эканин.

Кўрасан...

Кейин бир куни уйғониб ёлғизликни кўрасан,
Ёлғизлик билан хайрлашиб, ёлғизликка келасан.

Хуш кўрдик!

Муаллиф: Рўза Осмонқизи
Ўзбекчалаштирди: Санжар Тошбеков

​​​​ИЛТИЖО

Шу тунни узунроқ қилиб қўй, Тангрим,
Келган ёмғир учун,
Кетган ёр учун.
Гуноҳимни ювсин зам-зам томчилар,
Покланиб олайин чиққунича кун.

Денгиз талоқ қилган балиқдай гўё,
Ташнаман, ташналик жонимдан ўтди.
Унимни ўчирган мудҳиш бир садо,
Ажалга эргашиб ёнимдан ўтди.

Кўксимга бошпана қуриб олди шеър,
Қабул қилмадингми ноламни шу чун?
Изн бер, ёки бир синмас қанот бер,
Гардун тепасида сўз демоқ учун!

Токай жим турасан еттинчи осмон!
Ўзимга қайтиб бер сукунатимни,
Ўзимга қайтиб бер рутубатимни,
Ёки маёқ кўрсат ошёнинг томон!

Илғаб ололмайди бу ерда зинҳор,
(қоринга қамалиб олган одамлар)
Ғашимга тегади ҳуув фалак қолиб,
Боши киндигига ёпишган шамлар.

Йўқса бошимизда ёнғоқ чақади,
Майда орзуларни хўрловчи шаҳар.
Қолган барча тунлар бекор бўлади,
Туннинг пардасига ботганда ханжар.

Шу тунни узунроқ қилиб қўй, Тангрим...

Санжар Тошбеков

Йиғламайдиган одам ҳақида.

У гуноҳкор каби яшади,
Паналади ҳар кимни кўрса.
Оғзини ҳам бичиб ташлади,
"Бўлаверсин",- деди не бўлса.

Унга кўпроқ азоб бериш чун,
Йиғилганлар ишга киришди.
Ўнг кўзига таёқ тиқдилар,
Чап кўзига ботирди нишни.

Аммо бундан фойда чиқмади,
Ҳукм қилди: "бизлардан эмас"
Юрагига ханжар суқмади,
Заҳар бериб қилмадилар "маст".

"Олов ёқинг" буюрди, сўнгра
Устун қоқиб аланга ёқди.
Оломоннинг тепаси узра,
У ҳаммага баланддан боқди.

Йиғламади, ингранмади ҳам,
Тани куйиб дўнди тутунга.
Олиб бориб дафн этдилар,
Сўнгра ҳайкал қўйдилар унга.

Санжар Тошбеков

​​ОВОЗ

Энди ҳеч нарса йўқ шовқиндан бўлак,
Кетгани макон ҳам, бошимни олиб.
Товушлар изимдан эргашиб келар,
Қадам ташлайдиган соя мисоли.
Тунда тушларимга қовуша бошлар,
Очилмаган гуллар кўраётган туш.
Аммо шовқин ундан суғуриб олар,
Висол унга қайта келмасин деб дуч.
Чекаман.
Самога чангдек сочилган,
Мунажжим айтгандек сафланган юлдуз -
Кўксимда гуриллаб ёндирар гулҳан,
Томчилаб эрийди кўзимдаги муз.
Шумшайиб боқади оёқ остидан,
Танага никоҳлаб қўйилган соям.
Бардошим ҳам метин.
Унинг дастидан,
Агар қимир этсам тўкилади занг.
Ортиқ ҳеч нарса йўқ овоздан бўлак,
Суякка ёпишиб сўргани илик.
Қуёш ботгандан сўнг соялар ўлар,
Нетайки, овозлар абадий тирик.
Ҳар оқшом шовқинсиз жойга кетгани,
(қандайдир илоҳий абадиятга)
ёшлиги қурт бўлган капалак каби
эврилмоқ истайман тик турган ҳолда.
Йўқса бу сурмонанд қичқириқларда,
Билинмас қай қарғиш, қай бири дуо.
Ҳар нарса гапира бошлар саҳардан,
Ё мени, ё уни этмасанг жудо.

Санжар Тошбеков

“Шарқ юлдузи” да чиқибмиз (тўппонча бармоқ билан).

Ниҳоя

🎬 Санжар ТОШБЕКОВ
«Қақнус»  дастуридан.

Duel kashfiyotlari

Duel 2024 tanishtirgan isteʼdodlardan biri – Sanjar Toshbekov. Albatta, bunday topildiqlarga boy oʻtdi duel. Sizni ham Ular bilan tanishtirib boramiz!

(👍)lar va izohlar bilan qoʻllab-quvvatlang,
Bu bizni ilhomlantiradi!

https://youtu.be/vWSTMtyyCyg

QOR

Nodir JONUZOQ she'ri.
Ijroda kamina

​​"ИТ"

Спиридон бобони тупроққа қўйдик бугун. Унинг яккаю-ягона набираси ва кўчадан топиб олинган итига қўшилиб ғингшиб, лабимизни тишлаб йиғладик. Йиғламай қўйганимга ҳам йиллар бўлибди. Шаҳарда дийдам қотиб кетди деб юрардим, адашибман. Бўшанг, жайдари қишлоқ боласиман. Бузоқ билан шохлашиб, тошбақани ағдариб, тулки уясини кўмиб, итлар билан курашиб катта бўлган қишлоқ боласи... Ва бу ўзгармайди. Афсунгар шаҳарда иш ва ижара орасида тентийвериб ичкаридан емирилиб кетаётганимни сезмабман. Йўқса милтиқ ўқларига нишон бўлаётган нотаниш итларнинг фожиасига сиқилмасдим. Спиридон бобонинг ҳам ўлимига кўз юмган бўлардим балки. Шундоғам, атрофдагиларга бепарво бўлиб кетаяпман. Тўкилиб кетаётганимни, қандай қилиб чиркин ишлар ва жирканч чеҳраларга тоқат қилаётганимдан билса бўлар. Кун келиб улардан бирига айланарман балки, ёки аллақачон улардан бириман...
Бу оғриқли ўйларни рўбарў қилиб, юзимга кўзгу тутган "Шамс-и-Қамар" театр студиясига ташаккур. Нодар Думбадзенинг "Ит" асари асосида саҳналаштирилган навбатдаги асардан кўпчилик қаторида баҳраманд бўлдим. Воқеалар жуда таниш. Ҳудди, аллақачон билгандекман. Итларнинг ўлими илгари у қадар дахшатли туюлмагандир мен учун. Лекин ҳозир буни кўриш, эслаш азоб.
Қишлоқда ит кўрсам ҳуркиб бегона қилиши аниқ. Мени унутдингми олапар, мени эсламаяпсанми тузик деб бошимни эгиб ўтиб кетавераман. Бугун эса ўз қўлларим билан тупроққа кўмган кўплаб кучукларимни эсладим. Уларни эсламай қўйибман. Мен ўлиб улар қолганида эслаб осмонга қараб увлаб-увлаб қўярди, Спиридоннинг кучуги каби. Ҳуллас мувозанатдан чиқдим. Қалбим андармон. Театр студиясига эса муваффаққиятлар тилайман. Вақт топиб албатта боришларингизни тавсия қиламан. Қотиб бораётган дийдани юмшатиш учун яхши жой.

Barchangizni sheʼriy konsertga chaqiramiz.

Bugun soat 17:00 da.

Alisher Navoiy metro bekatidan chiqib, Navoiy haykali yoniga kelasiz.

@Chorsu4b

Анонс

29-sentyabr soat 17:00da barchangizni kutamiz.

@Chorsu4b

​​Таваллудингиз билан буюк Рауф ПАРФИ.

ТҲАКУРНИНГ ОХИРГИ ШEЪРИ
(7.05.1941)

Айролиқ кунидир, туғилган куним.
Робиндранатҳ Тҳакур.

1.
Соҳир Сарасвати! Надир бу ақлим,
Надир тану, надир дилу, надир жон?
Бу қандай каҳ кашон? Бу қайси иқлим?
Алдандимми туғилиб? Ростми? Ё ёлғон?..
Эй, менинг паришон, эй, шўрлик халқим,
Бағрим, қачон туғиласан, сен, қачон?!

Қорайиб тиркашар ўз музтар кўлкам,
Изиллар сўзимнинг маъюс жарангги.
Визиллар музларга бурканган кўклам,
Очиқ поёнларнинг баёнсиз рангги.

Совуқ қоронғунинг оппоқ садоси,
Бўғзимда бўғилар мусиқам, уним.
Ҳажр саҳаридир, ҳижрон саҳроси,
Алвидо кунимдир, туғилган куним.

2.
Ай сен, она халқим, лойларга ботдим,
Пилла ҳаловатнинг ғилофидан чиқ!
Сўйилган сағримга заҳролуд қотдим,
Камолот сўқмоғи нақадар аччиқ.

Тириклар! Ёндирманг эски маъвони
Сувларга бостирманг. Тириклик битар
Ҳавони қизғонманг, озод ҳавони
Тупроқни булғаманг. О, Шива, етар!

Ерга қўйинг мени. Онамдир тупроқ
Тобиниб ўпайин онамнинг изин.
Онамнинг юзини, ой юзида доғ.

Яшин беринг менга, чатнайин ўзим,
Менга денгиз беринг, дарёлар урфоқ,
Нафас беринг менга, берингиз Сўзим.

3.
Изғирдим саргардон мен сизни излаб,
Товонимнинг тешди срабон, ёмғир.
Ўзимни лаънатлаб, сизимни сизлаб
Ўлмай туриб ўлдим, сиз учун охир.

Ёниб айтдим, чексизликнинг чеки бор,
Чексизликнинг чекларига етармен.
Мендан рози бўлинг, тириклар, дўст-ёр,
Бир чимдим меҳрингиз олиб кетармен.

Рауф ПАРФИ