Venera Nurmamatova

#tavallud

Bonujon–juda kam tug'iladigan qizlardan
Bonujon–mehr, go'zallik
Bonujon–iste'dod, boshdan oyoq iste'dod.
Tug'ilgan kuningiz muborak, go'zalim!

***

Men aslida fasllardan forigʻ edim,
Bahor boʻlib yashab berding kuzlarimni.
Sen tomonga uchayotgan bulutlarga
Ataylabdan ilib qoʻydim hislarimni.

Qay bir hiski, orazlari yoniq-yoniq,
Kulishi oq, boqishlari soʻlim-soʻlim.
Taqdirimga bitilganim, shirin yoziq,
Qalbim fathi, qadamingga taslim boʻldim.

Bir taslimki, ishqdan boʻlak jazoyim yoʻq.
Toʻlib ketgan toʻrtta tomon farahlarga.
Hukm qilib, qatldan soʻng xunginamni,
Olib ketgin dengizi bor taraflarga.

Soʻng dengizga "Baxtlimiz" deb yozgin oʻyib,
Nuqta qoʻyma, baxtlar davom etaversin.
Sohillarga erkalanib uyum-uyum
Boqiylikka ketaversin, ketaversin...


Qalbim fathi, qadamingga taslim boʻldim!

✍Bonujon

@venera_inoyatovna

2024-yil sarhisobi

Yanvar. Til bilish darajamni oshirish maqsadida Toshkentdagi nufuzli o'quv markazlardan birida qo'shimcha tahsil ola boshladim. Universitetdagi yakuniy imtihonlarimni yaxshi bahoga yopdim. Ota-onam bilan ko'proq vaqt o'tkazdim.

Fevral. Universitet tadbirlarida faol bo'ldim. Ammo asosiy fokusimni adabiyotga va til o'rganishga qaratdim. She'riy kechalarda nutq so'zladim va ko'p- ko'p she'rlar o'qidim.


Mart. Hali sinab ko'rmagan men uchun yangi bo'lgan ovqatlar pishirib ko'rdim. Ko'proq vaqtimni yolg'iz sayr qilishga sarfladim. Tashqi ko'rinishimga , kiyinishim va soch turmaklarimga ko'proq e'tiborli bo'lishni boshladim.

Aprel. Vikipediada maqola yozishni o'rgandim. Ilk ensiklopedik tarjima maqolamni yaratdim. Tavakkaliga ijodkorlar seminariga onlayn ariza topshirdim va muvaffaqiyatli tarzda hududiy bosqichga yo'llanma oldim.

May. Yakuniy imtihonlarimni keyinga surib uyga qaytdim. Yosh ijodkorlarning an'anaviy Zomin seminari hududiy bosqichida qatnashdim va Respublika bosqichiga yo'llanma oldim. O'zimga bir qancha yaxshi ustozlar va do'stlar orttirdim. Sog'ligimda yaxshigina muommo bo'lib uydagilar ham o'zim ham ozroq siqildik. Davolandim.

Iyun. Ko'p-ko'p dam olish tavsiya qilingani uchun vaqtimni teatrlarda, yaqin dugonamning to'yida va ko'proq uxlashga sarfladim. She'r o'qib yirishni to'xtatmadim.

Iyul. Aynan shu oy men uchun 2024-yilning eng foydali oyi bo'ldi. 3 kun Jizzahda, Zominda seminarda bo'lib yangi bilimlar va sovg'alar bilan qaytdim. Yozuvchi va Shoir Aziz Said (@vaqt_manzili) bilan ustoz shogird bo'lib qoldik.
She'rlarim Respublika matbuotlarida e'lon qilindi.

Avgust. Bu oyda shijoatga to'lib yozdim, faqatgina yozdim. Chiroyli she'rlar tug'ildi. Shu bir oyda qishloqda bo'ldim. Ko'p-ko'p mehmon kutdik. Oyimning maktabida o'qidim:)

Sentabr. She'rlarim "Sharq yulduzi" ni ko'rdi.
Men uchun yangi bo'lgan Fransuz tilini noldan o'rganishni boshladim. Psixalagik o'zgarishlar bo'ldi. Qo'rquv va vahima bilan yashadim shu oy boshida. Buni ham davoladik.

Noyabr. Yangi kasb o'rganishni boshladim. SMM kursini yakunlab sertifikat oldim. Juda band bo'ldim, qo'shimcha kurs, universitet keyin she'riy tadbirlar va kechalarni ham umuman o'tkazib yubormadim.

Dekabr. Yangi ochilgan proektda senarist bo'lib ish boshladim. Ko'proq badiiy kitoblar o'qidim. Hayotdan xursand yashashni o'rgandim. Sog'ligimga yaxshiroq e'tiborli bo'lishni boshladim.

2024-yil ko'pgina unutilmas lahzalarni berdi. Bu yil men bilan bo'lgan hammaga rahmat!

@venera_inoyatovna

Vaholanki, tug'ilgan kuningdan boshlab, o'nlab yillar mobaynida sen millionlab, milliardlab harakatlarni amalga oshirasan: kurashasan, ishlaysan, o'qiysan, yiqilasan, turasan, quvonasan, iztirob chekasan, o'ylaysan, semirasan, ozasan, xuddiki Varshava elektrostansiyasicha quvvatingni sarflaysan. Nima uchun? Jahannamga ravona bo'lish uchunmi? Ha, oshna, xuddi shu taxlit yashaysan va bularning barini qaysi maqsadda amalga oshirayotganingni bilmaysan. Bu savolga javob olishing mumkin bo'lgan yagona bir mahkama bor, u–onging. Unga murojaat etasan. U bo'lsa, qo'lini ikki yonga cho'zib, qaydam, degan zaifgina ishora beradi. Qani bunda ma'no, qani mantiq?

Tadeush Dolenga–Mostovich.
Tabib(ayni damda shu asar mutolaasidaman!)



@venera_inoyatovna

Ertaga 17:00 da Yozuvchilar uyushmasi muzeyida Kumush Abdusalomova va Orif Komil.

Borsangiz ertaga uchrashamiz!

@venera_inoyatovna

#olis_yaqin_ovozlar

★ ★ ★

Yomg'irdan qochmadim, ho'l bo'ldi tanim,
Bor-budimni berdim sog'inchga, ishqqa.
Ko'ngling–ming yil orzu qilgan vatanim,
Ulgurding ko'nglimni vatan qilishga.

Oppoq orzularni tutdim qo'lingga,
Kuldim, yanog'imdan sizildi tomchi.
Ko'zimni to'rt qilib boqdim yo'lingga,
Adolat qilmadi hayot–aldamchi.

Seni izlayman deb yugurdim, yeldim,
Zimmamga yuklandi shunday buyuk ish.
Yomg'irdan qochmadim, ajab, ko'nglimdan,
Unib chiqaverdi senga bo'lgan ISHQ!

Venera

yoshlikjurnali.uz
@yoshlikjurnali

Hamma yaxshi yomon fikrlaringizga ochiqman.
O'zingiz haqingizda yoki men haqimda nimalar o'ylasangiz yozing.
Taklif va savollaringizni ham!
Shu post tagida javob olasiz.

https://t.center/questianonbot?start=6626416014h

Покажи ссылку друзьям и подписчикам и получай от них анонимные вопросы!

Mo'jazgina qahvaxonada
"Coppucino" ichar yolg'izlik...

@venera_inoyatovna

Sening xatlaringni o'qimaydi u...

Shoirni tanidingizmi?

Nechog'lik muhabbat bilan kula bilsang, shu qadar shukronalik bilan ham g'am torta bilgin.

Virjiniya Vulf

@venera_inoyatovna

#sharx
Virjiniya Vulf " Shaxsiy xona". 1929

Shekspirning singlisi bo'lgan. Unda ham xuddi akasinikiday adabiyot va san'atga oshno qalb bor edi.
Lekin afsuski, o'sha davrda ijodkorlik iste'dodi bilan tug'ilgan ayollar "baxtsiz" ayollar edi.
Har bir insonni o'zining ongi boshqaradi, ammo o'sha davrda qizlarni ota-onasining ongi boshqargan.
Virjiniya Vulf o'zining "Shaxsiy xona" essey-qissasida tarixda nega ayollardan mashhur ijodkorlar chiqmaganini, umuman nega ayollarning imkiniyati qarama-qarshi jins vakillariga nisbatan kam ekanligini o'rganadi. Ayollarga nega mablag' va erkinlik kerakligini isbotlaydi. Ularni erkin fikrini bildirishga undaydi.
Bundan deyarli bir asr oldin yozilgan bu kitobdagi muommolar afsuski hozir ham mavjud. Umuman olganda asar menga yoqdi. O'zini ijod yo'liga bag'ishlash istagidagi har bir ayolga(aslida ayollardan ham ko'proq erkaklarga) tavsiya qilinadi!

09.12.2024
@venera_inoyatovna

#nazm

***
Yaprog'i to'kilmay qoldi baxtimning,
Umid qurimadi, qilmadim tashvish.
Yaxshiyam ko'nglimni sovuq urmadi
Qandayin xayrli kelaqolding, Qiish!

Photo is from last winter!

✍Vinera

@venera_inoyatovna

#ijodimdan

Nega yomg'ir yog'di?

Men butun dunyoning dardini yig'dim,
Bulutga obchiqdim zo'rg'a ko'tarib.
Tepadan oy kelib qo'limdan tortdi,
Daraxtlar turdi oyoq itarib...

G'amimiz bir edi, ko'nglimiz o'xshash,
Yaxshiyam bir joydan chiqdi fikrimiz.
Pastda sayr qildi xayolparastlar,
Yig'lashib o'tirdik kuzak ikkimiz!

✍Vinera

@venera_inoyatovna

#foydali_post

Qachon oxirgi marta jimgina ko'zyoshlaringiz oqishiga ruxsat berdingiz? Yoki ko'zyoshni ojizlik belgisi deb sanaydiganlardanmisiz?

Aqliy va jismoniy salomatlik uchun yig'lash foydali xususiyatga ega.

•Minnesota shtatida o'tkazilgan tadqiqotlarga ko'ra yig'lash stress bilan bog'liq bo'lgan kimyoviy moddalarni tanadan olib tahshlashga yordam beradi.
Yig'lagandan so'ng odam o'zini yaxshi his qiladi.

•Freyd nazariyasiga ko'ra, his- tuyg'ularni ifodalash foydalidir.
Agar biz his-tuyg'ularimizni o'zimizda to'planishiga yo'l qo'ysak bu bizga jismoniy yoki psixologik ta'sir qiladi.

• Ko'z yoshlari quruq ko'zlaringizni namlashga yordam beradi. Shunday qilib, ko'zlaringiz yaxshiroq ishlaydi.

•Yig'lash yurak, tomir, oshqozon, suyak yoki mushak muammolariga olib kelishi mumkin bo'lgan garmonlarni tanadan olib tashlashni ta'minlaydi. Shu sababdan yig'lash bunday kasallarga yaxshi.

• Yig'lash ko'z yoshining antibakterial xususiyatlari tufayli ko'zda infeksiyaning shakllanishiga to'sqinlik qiladi.

• Yig'lash bilan endofrinlar chiqariladi va ma'lumki endofrin baxt gormonlaridan biridir.

Shu paytgacha yig'lashni zararli deb o'ylar edim
Sizni ko'zyoshingizga sababchi bo'lganlarga rahmat ayting!

Qachon yig'lagansiz oxirgi marta va nima sababdan?

@venera_inoyatovna

#ijodimdan
#eskiroq

***

Yoki meni sochib yubor,
Hech narsaga yaramayin.
Qo'llaringda ezib tashla,
Ko'zyoshimga qaramayin.

Na shaklim bor, na o'lchovim,
Ne desang shu– ko'nmoqchiman.
Erkimni bir chetga surib
Senga tobe bo'lmoqchiman

Qonuningga qaram bo'ldim,
Hayajondan qaltirab.
Umid bilan boqayapman
Ko'zlaringga javdirab.

Yo g'am yasa, yo baxt yasa
Kutmoqdaman, mushtoqman.
Senga meni Xudo berdi,
Men bir hovuch tuproqman.

✍Vinera

@venera_inoyatovna

#ijro

Balki Otalar hozir ham qizlarini juda arzon baholayotgani uchun ,
Senga juda qimmatga tushgim keladi.
Kechir meni...Sevgilim!

✍Kumush Abdusalomova
🎤Vinera

@venera_inoyatovna