شعر دره‌شهر

#دوبیتی_لکی

دو‌ چیمت چوی شَراشو خوینیاوارن
دو برمت چوی کولاژدوم ژهر دارن

اشاره وه دو بِرم و کِل چَمئیلت
دمار عِه روژِگارم ایره مارن

#واحد_یاری

@shaeraneDareshahr

تو چوی خالئ وه سر نارک رنگینی
یَکَه عاشق کوشِ نوم سر زمینی

مه چوی مجنون مدوم زاروپریشم
تو نازاری ؛ تو طومداری ؛ شیرینی

#واحد_یاری



@shaeraneDareshahr

تو عشقت چوی سراوی بی درو بی
مه طالم بیت گن عه چلسرو بی

میم ار مل سرمرا هر آخه مارم:
تف ار عه روژه عه عشقه شرو بی

#واحد_یاری


@shaeraneDareshahr

مه ویئرِ زمسون تو تاوِ آگر
مه ریچرمی گلوله تو سِرَه‌پر
زمی تا آسمو فرخِ منو تو
تو قئوه نووِ ار باو مه کراس شر

تو چوی دت پاتشاهی مه دله‌شر
تو شیرِ ویشه عشقی مه زله‌زر
تونی میوه گُل ار توک مِه پژلمیا
تو سروِ برزِ چوکیا مه یله‌مر

مه وی نوم آوم و تو دارِ آسو
مه خارِ قئ گلم تو نار خوش بو
مه ویشه حوشکم و تو باخِ پر خیر
تو لوئت چوی اناره مه دَمم چو

مه تاریکی نُزیلم ،تو هویره تاو
مه سی چوی پشت خزو تو چوی ویره‌تاو
مه کوینه دارُ تو خونچه وهاری
مگر دوسی منو تو وی جوره ماو؟؟

#غزل‌لکی
#باصدای‌شاعر:
#واحد_یاری

@shaeraneDareshahr

مه ویئرِ زمسون تو تاوِ آگر
مه ریچرمی گلوله تو سِرَه‌پر
زمی تا آسمو فرخِ منو تو
تو قئوه نووِ ار باو مه کراس شر

تو چوی دت پاتشاهی مه دله‌شر
تو شیرِ ویشه عشقی مه زله‌زر
تونی میوه گُل ار توک مِه پژلمیا
تو سروِ برزِ چوکیا مه یله‌مر

مه وی نوم آوم و تو دارِ آسو
مه خارِ قئ گلم تو نار خوش بو
مه ویشه حوشکم و تو باخِ پر خیر
تو لوئت چوی اناره مه دَمم چو

مه تاریکی نُزیلم ،تو هویره تاو
مه سی چوی پشت خزو تو چوی ویره‌تاو
مه کوینه دارُ تو خونچه وهاری
مگر دوسی منو تو وی جوره ماو؟؟

#غزل‌لکی
#باصدای‌شاعر:
#واحد_یاری

@shaeraneDareshahr

ویرَئل کُل تاویان وَه روی راخَه وَه
سوزی چَمَن زار هات وَه باخَه وَه

زِمسون چِی و زِخال روی سی مَن
مِه بِچمَه لا دوس وَه ایلاخَه وَه

#واحد_یاری


@shaeraneDareshahr

‍ مه حالم حالِ هروارم نیه ده
شفق ار پی شوئل تارم نیه ده

اِ وختی ریشه داسی عشق اِ گیونم
پَلِ سوزی وه قئ دارم نیه ده

#واحد_یاری


@shaeraneDareshahr

‍ #غزل_لکی
دکلمه : #دت_لک
شاعر: #واحد_یاری


@shaeraneDareshahr

تو چوی خالئ وه سر نارک رنگینی
یَکَه عاشق کوشِ نوم سر زمینی

مه چوی مجنون مدوم زاروپریشم
تو نازاری ؛ تو طومداری ؛ شیرینی

#واحد_یاری

@shaeraneDareshahr

#مثنوی_لکی_با_صدای_شاعر:
#واحد_یاری

@shaeraneDareshahr

تَوَر عشقت بریتی سَر پَلِم؛ چئ
سی و دو سال عه آویاری زلم؛ چئ

خوین‌آواری چمت چوی گرگِ هاری
یه خوینی آ رشونیه در کَلِم؛چئ
#واحد_یاری

@shaeraneDareshahr

شعر لکی
مثنوی(سیلِ تو)

سیل تو چوی تیرِ کمو آرِشه
قاتل صد تیپ و دوصد ارتِشه

سیلِ تو چوی آگرِ نوم ویشه‌یه
داریِ درده چوی هزار پیشه‌یه

سیل تو چوی تشبریق و گِرم و هورّ
آگره مه گیونه موعه دلقه جُورّ

سیل تو چوی زَوَرده برناوه دور
باوه مهه وه قاتله گیونه کور

سیل تو چوی سیل وهاره هنی
قاتلِ ریویار و سواره هنی

سیل تو چوی هیتلر خوین خور کره
مال ایر رمن گیون‌گر و یه لا بره

سیل تو چوی پلئنگه، آهو کوشه
چالی ارا یوسفه، یاقو کوشه

سیل تو چوی مارِ زیَئم داریکه
چخوکیشِ شَرخِره بازاریکه

کوشتن و خوین رشونن، ار میلته
هرچی که هس، میلِ مه ار سیلته

ار بگری گیون و خلاصم بهی
حوشکه حری دم وه پلاسم بهی

هنی دس ئِه سیلِ تو اور نمیرم
فقط وه گوشه چیئمِ تو مفیرم

تاوِسونه سرد و سره حالِ دل
کلکه خراوه بیه‌سه مالِ دل

گرمه، ولی گرمی دَسِ تونمه مه
سیلی مه اژ چیئمِ مسِ تونمه مه

سیلی که چوی شیره سرم گرم که
سخونِ روچ بسته لَشم نرم که

نه سیلی که سرد و خمارم بهه
شکت بوعم ویر ار بنارم بهه

سیلی که بن بن جیرمَه آو بهه
دلشوره عه نوم دِلِ مه راو بهه

#واحد_یاری

@shaeraneDareshahr

اسیرِ عشقِ سر ایواره بیمه
هوکاره بِرگُ و لِچکَه لاره بیمه

عه وختی بیمه ریوارِ رَوَدگَت
قراول بونِ بی آساره بیمه

#واحد_یاری

@shaeraneDareshahr

اگر بِیلی بنیشمه وَر نسارت
وژم وه پا پتی مومَه زاوارت

مِهَم وَه خرّ چَمت کُل دودِمونم
تمومِ چمکلونم وه نتارت

#واحد_یاری

@shaeraneDareshahr

تو بو وه کوئ مه پشتم بیم وه سا تو
بِچِر تا بای وه گوشم دنگ هنا تو

بتاون ای دله چوی بَردِسونه
بخن تا بِرشِنم خوینم وه پا تو

#دوبیتی_لکی_باصدای_شاعر
#واحد_یاری

@shaeraneDareshahr

سرم چوی مشکه هه‌ها داوه مارئ
دلم چوی کویره آگر تاوه مارئ

لشم چوی طلف نایو نوم هلورکی
مدوم وَق ار کزه دنگ لاوه مارئ

#باصدای_شاعر
#واحد_یاری

@shaeraneDareshahr

#دوبیتی_لکی

دو‌ چیمت چوی شَراشو خوینیاوارن
دو برمت چوی کولاژدوم ژهر دارن

اشاره وه دو بِرم و کِل چَمئیلت
دمار عِه روژِگارم ایره مارن

#واحد_یاری

@shaeraneDareshahr