#غزل_لکی روژِ مِردن ساز و شیـپورِ عزا، ئـرا چَمَه
شیوَن و گِریوَه هِیدای بیدا، ئـرا چَمَه
تا زِنِیبیم تَکوتنیا، کسحاوالپِرسِم نُوِی
إیسه جَم بینَه وَلام، ژَن و پیا، ئـراچَمَه
اَوَه که تا بیـمِ دنیا، حُرمَتی نِیمَهژِنی
اَلو بوشی آخ ئـرا شیرَه بِرا، ئـرا چَمَه
میمِزالیکه نَنیشتِن وَهدلِخوَش دورِیَک
بارِنَــر مِـزارِ مِـه، ساز و نـوا، ئـرا چَمَه
یا کسی ئرا وِژِه جا، آوَه لیزِ دَسیبیم
بعدِمِه فرشیش بِهِه صدگُلَهجا، ئراچَمَه
چوی عزاداری نَگِر وُژ، کَم بِیَر نومِکَپول
إی عـزا مصلحتی، پِــرَژ ریا، ئـرا چَمَه
روژِ تَنگ، پِشتِسرم حالی و هیهاتِم بی
وَختِ مِردِن رژَه چوی تیپوسپا، ئراچَمَه
تا زِنی بیم هَلگَه هَلگِمبی ئرا یِه سرپناه
إیسه باوژی طاقیئژ جنسطلا، ئـراچَمَه
وَختِ ناخوشی نَپِرسیتِیکسی حالِدِلِم
بعـدِ مِه مَـلـهـو و داری و دوا ئـرا چَمَه
مِهکه مِردِم مَنِهدل،حسرتِ یِهروژِ خوَشی
ئرا مِه قَورِی بسازن چوی قِلا، ئـراچَمَه
کاش تا هایمِنِه دنیا، قدرِ یَک بِـزونیمِن
روژِ مِردِن بِـینون ئر نومِ سَرا، ئـرا چَمَه
#محمود_عزیزنژاد@shaeraneDareshahr