قناة خطباء المنبر الحسيني للقصائد

#محرم_١٤٤٤
#ليلة_الحادي_عشر
#وحشة السيدة زينب ع ليلة الحادي عشر
#اطوار_مختلفه



نِدَهْتَك يا ابو زينب  ..  تعال وعاين المَنظر
تِحاكيني الزلم واخجل ..  وين اهْلِك يا بت حيدر


بظلام الليل آنه وحدي ..  ودوّر كم طفل وانعى
الكفالة عالنهر ظَلِّت ..  و وِلينه وصُحْبِته صَرعى
محتارة من الشِفته .. ضلوع أمي لَوْن ضُلعه
وخيول اعْداه على صدره .. بحوافِرهم ضّلع كَسَّر


شيّبني الركض واسياط .. ونِدَهتك تحضر العيله
رقيه تِرجف من الخوف .. وجِدَمها احترگت الليله
الرباب من الألم شاحت .. لإبنها اتكَفّنه بشيله
وانه الما شَافَوا خيالي .. بْكُفوفي اثنين انه اتْسَتّر

بِخيامي شفت نارين  ..  وامي تراوت اقبالي
وعشت الهجمة بعيوني .. من هجموا عليّ تالي
اسْمِعِتها من إلَك صاحت ..  ما رحموني يالوالي
مصاب الزّهره صابَنّي  .. رِدِت تِحضر يبو شُبر


🖊خادمة ابي الفضل

#جديد
#نواعي #ليلة_الحادي_عشر ( الوحشة )
.#ليلة_الوحشة
#الحادي_عشر
.
أبوذية :

أفتـر عالجثث وأعثر وحيــلي
تِهدّم عالأخو وما ظل وحيـلي
ردت بس خيمه هالليله وحل لي
تِلـــم أيتــامــي واتظلــل عليــه




طور : جاوبني يا علي

يا خويه يا غريب
أودعك بالنحيــب
وداعــاً يا سليب
يا خويه يا حُسين

وأمشي بدرب صعب
وتِظل اعله الترب
يسبوني للغُــرب
يا خويه يا حُسين

ايركبوني عالهزل
ايربطوني بالحبـل
ويِتشتت الشمل
يا خويه يا حُسين

بعدكم يَخــوتي
ابخرايب گعدتي
اشعُظم مُصيبتي
يا خويه يا حُسين

ظليت ابلا أهــل
وما ظل بعد أمـل
راح الإلي كِفَــل
يا خويه يا حُسين
__
#فاطمة_كريم
٢٠٢٤ م

#قصائد_في_خدمة_الخطباء
#محرم_١٤٤٦
#مصائب_الهاشميات
#ليلة_الحادي_عشر

صورة شعرية: بين مولاتي زينب عليها السلام وسيد الشهداء صلوات الله وسلامه عليه ليلة الحادي عشر من المحرّم وهي في خيمتها مع النساء والأطفال....

[قصيدة عمودية]

سكونٌ عمَّ وانقطعَ الكَلامُ
وفوقَ الأرضِ ما زالَ الإمامُ

وهذي زينبٌ في ما تبقّى
من الخيم اعتلى منها السّلامُ

سلامٌ أرسَلَتهُ ببعضِ دمعٍ
وسرًّا إن بكت ليست تُلامُ

ففي باب الخيامِ ترى رجالًا
وأمسُ ببابها وقفَ الكرامُ

حُسينٌ في الفلاةِ على تُرابٍ
ينامُ فكيفَ تغفو أو تنامُ!

علت منها سلامٌ يا حبيبي
على جسدٍ تؤلّمهُ السِّهامُ

ألا دعني إليكَ أبثُّ شكوى
وأبدي بعضَ ما ارتكبَ اللّئامُ

مَضَوا بالرّأسِ عنّي واشتياقي
إلى عينيكَ يجرحُهُ الظَّلامُ

فليتكَ تؤنسُ القلبَ الّذي لم
يجد أنسًا فأنتَ لهُ المرامُ

وليتكَ تنظر الأيتامَ حولي
وتشهدُ كيفَ تظلمُ أو تُهانُ


#عظم_الله_أجوركم ◾️


فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#مصائب_الهاشميات
#ليلة_الحادي_عشر

صورة شعرية: كأني بمولاتي زينب عليها السلام تخاطب سيد الشهداء صلوات الله وسلامه عليه...

١/حل يخويه الليل وانته عْلى التّرايب
وْبيّه ما ظل حيل من كثْر المصايب
گلبي من لِهموم مثْلِ عْيوني ذايِب
وكُلها حولي ايتام تبچي من النّوايب

٢/مرّه اسكّت طفله تسألني الأبو وين؟!
ومرّه من لايتام انشّف دمعةِ العين
مرّه بالأحباب اعزّيها النّساوين
ومرّه باب الخيمه من خوفي أراقب

٣/سكنه گالَتلي يَعمّه بْصوت تعبان
بويه ماي انطوه لو لسّاه عطشان!
چفّنو لو بعده عاري بْلايه أچفان؟!
مْنِ سْمَعِتْها تْحَيَّرِت وِشْلون اجاوب!!

٤/والكِسَرني أكثر وأذّالي لاحساس
سَرِّحَوْا للكوفه ظُهْرِ العاشر الرّاس!!
نظره بسّ بْوَجهك تْرِدّلي لانفاس
حتّى من نظره ترى حِرمَتني لاجناب

#عظم_الله_أجوركم ◾️

فاطمة علي رزق
اسألكم الدعاء

#محرم_١٤٤٤
#ليلة_الحادي_عشر
#وحشة السيدة زينب ع ليلة الحادي عشر
#اطوار_مختلفه



نِدَهْتَك يا ابو زينب .. تعال وعاين المَنظر
تِحاكيني الزلم واخجل .. وين اهْلِك يا بت حيدر


بظلام الليل آنه وحدي .. ودوّر كم طفل وانعى
الكفالة عالنهر ظَلِّت .. و وِلينه وصُحْبِته صَرعى
محتارة من الشِفته .. ضلوع أمي لَوْن ضُلعه
وخيول اعْداه على صدره .. بحوافِرهم ضّلع كَسَّر


شيّبني الركض واسياط .. ونِدَهتك تحضر العيله
رقيه تِرجف من الخوف .. وجِدَمها احترگت الليله
الرباب من الألم شاحت .. لإبنها اتكَفّنه بشيله
وانه الما شَافَوا خيالي .. بْكُفوفي اثنين انه اتْسَتّر

بِخيامي شفت نارين .. وامي تراوت اقبالي
وعشت الهجمة بعيوني .. من هجموا عليّ تالي
اسْمِعِتها من إلَك صاحت .. ما رحموني يالوالي
مصاب الزّهره صابَنّي .. رِدِت تِحضر يبو شُبر


🖊خادمة ابي الفضل

#طور_جديد
#ليلة الحادي عشر




فرينا من نار الخيّم
لا كافل إلنه بس حرم
ما عِدنه والي
ما كان اعلى بالي
حارسنا بعيونه السهم


وحشة علينه كربله
ويصدنا شمر وحرمله
وينك يا حيدر
إدخيلك إحضر
مذبوحه زلم العايله


سكنه ورقية والرباب
قِعدن يا ويلي عالتَراب
ما رادن الماي
يرجع الوفاي
ويفصل الرايه حجاب



مهمومه راحت للنهر
تشكي وتعاتب بالقمر
ما عنده بس عين
وشافتله كفين
يعني من هسى الأسر


🖊خادمة أبي الفضل

#ليلة_الحادي_عشر
#طور_الفراق


*شكوى زينب لابيها امير المؤمنين ع ليلة الحادي عشر*

طور الفراق او الزينبي الحسناوي ♪



آيحيدر ~ لو تشوف الي جرالي
آيحيدر~ بكربله طاحت رجالي
آيحيدر~ وزينب انا بلا يا والي

يا ولينا ~ عالنهر وعد الأخوّه
يا ولينا ~ وانا امشي عنا گوّه
يا ولينا~ والشمر سوطه تلوّى

بويه تدري~ وانت حلال المشاكل
بويه تدري~ لا ولي احنا ولا كافل
بويه تدري~ وجابو للسبي المحامل

آيبويه~ حرگوا خيمنا علينا
آيبويه ~ وعالترب طايح ولينه
آيبويه ~ واحنا من بعده انسبينا
خادمة آل محمد✍

#ليلة_الحادي_عشر
جِيتَكِ بْهَمٍّي...يَالْطِحِتْ مَدْمِي
آنَه زِينَبْ وِالْمَدَامِعْ بِالْقَهَرْ تِجْرِي
أَشْتِكِي حَالِي...وْغُرْبَةِ عْيَالِي
بَسْ أَشِمْ رِيحَةْ مِنِيَّه بْكَرْبَلَه تِسْرِي
إِسَمَعِ وْنِينِي...يَا بَعَدْ عِينِي
بْهَدْوَةِ اللِّيلِ اعْتِنِيتَكْ مِنْحِنِي ظَهْرِي
حِرْگَوِ خْيَامِي...سِلْبَوَ ايْتَامِي
وِالشِّمِرْ يَبْنُ امٍّي بَعْدَكْ هَمْ سِلَبْ خِدْرِي
--
مَاكُو بَانْفَاسِي هَوَه...بَسْ دُخَانِ بْنَيْنَوَى...
ذِبْحَوِ گْبَالِي الضِّوَه...وَسْفَه عِدْوَانِي
أَبْچِي لِمْصَابِ النَّحَرْ...وِالْمُثَلَّثْ وِالْحَجَرْ...
صَدْرَكِ شْلُونِ انْكِسَرْ...يَغْلَى وِلْيَانِي
-----------------------
نَشَّفِتْ رُوحِي...هَا يَمَذْبُوحِي
نَايِمِ بْيَا حَالَه وِيلِي خُويَه عَالْغَبْرَه
مْگَطَّعِ مْوَذَّرْ...مْخَضَّبِ مْطَبَّرْ
يَا أَبُو الْيِمَّه دِعَايِنْ زِينَبِ الْكُبْرَى
لُو تِصِدْ مَتْنِي...وِالضَّرُبْ هَدّْنِي
مِنْ عِفِتْنِي يَا حَبِيبِي ضَاعَتِ الْحُرَّه
تِرْضَه يِسْبُونِي...وْتِعْمَنِ عْيُونِي
مُو سَهِلْ بِينِ الْأَجَانِبْ وَالله هَالْمَسْرَى
--
مَا بُگَه عِنْدِي وَلِي...وَآنَه زِينَبْ بِتْ عَلِي...
يَا هَضِيمَه أَنْوِلِي...يَا أَبُو الْغِيرَه
بَاچِرِ يْجِيبُو الْهِزِلْ...وِالسَّلَاسِلْ وِالْحَبِلْ...
أَحْمِلِ لْمَا يِنْحِمِلْ...حِيرِتِي حِيرَه
-----------------------
بَاچِرَ اطْلَعْ لِلْيِسُرْ
بْنَاگِتِي يِحْدِي زَجُرْ
انْطِينِي يَا خُويَه صَبُرْ...مِنْ صَبْرَكِ وْثَبَاتَكْ

وَآنَه چِنْتِ مْدَلَلَّه
شْلُونَ اعُوفَنْ كَرْبَلَه
شْلُونَ ارَافُگْ حَرْمَلَه...يَا سَلْوِتِي بْمَمَاتَكْ

بْعِينَكِ تْشُوفِ الْحَرَمْ...مِنْ تِجْرِي عَبْرَتْهَه
مْنِ الشِّمَاتَه يَا وِسَفْ...تِتْعَالَه وَنَّتْهَه
مِنْ تِحَاوِطْهَه الزِّلِمْ...وِتْشَتِّمِ اخْوَتْهَه
بِيشَ اصَبُّرْهَه تَرَه...بْيَا حَالَه حَالَتْهَه
-----------------------
إِخِذْ عُمْرِي لَا تِتْرِكْنِي بِمْصَابِي
وَاخَافِ السَّبِي مَا يِرْحَمِ حْجَابِي
أَوَدْعَكْ عَجِيبَه وِالظَّعَنْ رَايِحْ
عَلَى الْفَرْگَه أَعْتِبْ وِاسْمَعِ عْتَابِي

كَرْبَلَه دِهَتْنِي...وِيلِي عَذِّبْتْنِي
تَالِي وَدَّعِتْنِي...عَالْوِطِيَّه
فَاجِعَه أَلِيمَه...وَحْدِي يَا هَضِيمَه
عِنْدِي چَمْ يِتِيمَه...يَا أَخَيَّه
-----------------------

#محرم_١٤٤٥هج
حسن خنافر العاملي

#ليلة_الحادي_عشر
#نعي
#طور الجفيري
#أحوال_السيدة_زينب_ ع ليلة الحادي عشر


# آه يا زينب .. لما جنّ ليل الحادي عشر توجهت زينب ناحية المشرعه تشتكي للعباس ما جرى عليها بعد ذلك العزّ الشامخ  ، ولكن لست أدري على كم عزيزٍ مرت وبما تعثرت ، ابأولادها ، ام ببعض الأطفال التى سُحقت تحت حوافر الخيول ، ام بكفوف العباس💔
تقله :

عتابي اعلى الزمن مو عليك
محنية إجيتك واشتكي ليك
انا بدمعي وي آهاتي اعتنيك

قوم ورد سوط الشّمر عنّي
يل بيك ما خاب بساع ظني
انا ما حَسَبت يوم تروح مني

سياط الأعادي السودت متناي
عادت لسكنه وزَيّدت بلواي
قوم انهض يراعي الجود والراي

#طور الجفيري :

ركضَت إلى شطّ النّهر
تنادي يبن فارس مضر
ضربوني خويه اعلى الظّهر
و واحد نهرني ابلا خجَل

تِقبلها احكي شو الجره
ذَبوني خويه اعلى الثّره
ونار بخيمنه موجّره
وإحنه حَريمك بوالفضل

بهمّي لِفيتك يالشّهم
وبدربي شافتني الزِلم
نادوا يزينب بالإسم
يريته وياك   الأجل

يركض ورايه الأجنبي
واتعثر بطول العبي
باكر يزينب تنسبي
يقلي اللئيم ابلا أصل

عباس 💔

شلون الفاقده مِثلك .. شملها ؟؟ (شو إلها)
ما يوم الفرح لإختك .. شمَلها
عسنها امقطعه ايميني .. وشملها
وعلى الشاطي إلي تلفي المنيّه


🖊خادمة أبي الفضل

#ليلة_الحادي_عشر
#نعي

الليله وحشه وعلتراب ازلامها
تبات وين وبس رماد خيامها
راح چف عباس ذاك اللامها
حايره الليله صفت بالعليله
.....
وحشه والطف صار ظلمه بلا گمر
والضمايه اتنوح وبعيد النهر
بزينب اشسويت جاوب يادهر
وين راح الّي يعدل الشيله
.....
اطفال وين اتنام محتاره غدت
الگاع بالطف چنها جمره واسعرت
مچوّيه الرجلين من گد مامشت
بلكي اخو منهم تضل تشكيله
.......
لامّه الاطفال زينب بالضلام
شما تصد الكربله سيوف وسهام
شلون تاخذهم لعد جسم الامام
وتنعى يم جسمه ودمعها اتسيله
.......
الشاعر محمد حسن ضيغم

#تراث نعي
#ليلة_الحادي_عشر



وينه العلينه اليوم ينغر
انخاه نخوه اولا يتعذر
يصل النجف والفجر ماطر
وينده يداحي باب خيبر
هذا كتاب من زينب يحيدر
ويخبره أبهجمة العسكر
ويد الحرم بالخيم كَبّر
واطفالنا طشار بالبر
ويكله شبعد من هاي شـكثر
ضعن الحرم للشام كوطر
يا حاظر الشدات تكدر
عد زينب بها الساع تحظر

على ام الحزن من چلچل الليل
طلعت تعثر بالمجاتيل
تدور على خوها السحكته الخيل
صاحت ودم أدموعها أتسيل
يحسين والله إتهدم الحيل
وعنك يخويه باچر إنشيل
يا هو اليركب هالمداليل
وِيعدل المحامل لمن تميل
علاني الهظم عكب البهاليل

الشاعر المرحوم الحاج مُعين السباك

(186)

#اللهم_عجل_لوليك_الفرج

#ليلة_الحادي_عشر

*يتيمة عند جسد المولى الغريب*

أشمّن عطر ابويه هنا.. واجيت حساب اشوفنّه
أحس دَفْوَة حنانه بيك.. لچنّك ماتشبهنّه
جسد مو جسد ما أدري.. گمت بيدي ألمّنّه
بدت تتوضح الآلام.. اظنّك بويه المچنّه
وذر جسمك يغالي هواي.. لچن ما أيّسِت منّه
ضلع فوگ الضلع حطّيت.. ايتنفّس ردت اسمعنّه
چفّك ماخذه الجمّال.. حسافه ردت اقبلنّه
الزغيره الما تبوس چفوف.. الأُبُو براسه تلثمنّه
حِرِت لا راس لاچفين.. لا اگدر اضمنّه


وجرني
لهيب الفرگه يابويه وجرني
تمنيته سمع صوتي وجرني
اجاني حرملة اگبالك وجرني
يصيح اليوم ما أرحم سبيّه


تمت سَحَر عيد الأضحى
الأقل/ علي المرهون

http://T.me/alialmarhoon14

#ليلة_الحادي_عشر
#غربة_زينب
#بالله_استعدوا_يا_شياهين

*ليلة الوحشة وغربة زينب ع*
لحن بالله استعدوا يا شياهين للشيخ علي الجفيري~

يا ليلة الوحشة من دون الحسين
شسويتي بهالگلب مفطور نصين
نص عالمشرعه بطيحة الكفين
ونص بالحومة لـ مگطوع الوتين
〰〰〰〰〰〰
وحشة هالليلة وما نگدر ننام
ومن يطلع فجرها نروح للشام
نگعد عالترايب ما عدنا خيام
وتنوح الحرم وويايها الايتام
〰〰〰〰〰〰
وينه حيدر بهالشدة يجينا
يشوف الأميرة شلون انسبينا
يحمينا بعباته ويظلّل علينا
يشيل جنازة للمذبوح والينا

خادمة آل محمد ✍🏻
https://youtu.be/q3es1FD_G_Y

#فهرس
#محرم
#محرم_١٤٤٥
#محرم_١٤٤٦


#الهلال #هلال_محرم #الليلة_الأولى

#الليلة_الثانية #الخروج_من_المدينة #محرم_الخروج
#وداع_قبر_الرسول
#وداع_قبر_الزهراء
#الخروج_من_مكة #حج_الامام
#الوصول_إلى_كربلاء
#الوصول_الى_كربلاء #النزول_في_كربلا
#محرم_الاصحاب
#الاصحاب #ليلة_الاصحاب #ليلة_الأصحاب

#مسلم #ليلة_مسلم
#الاكبر #ليلة_علي_الأكبر #ليلة_الاكبر
#القاسم #ليلة_القاسم
#العليلة
#ام_البنين


#العباس
#ليلة_العباس
#الليلة_السابعة
#الرضيع #ليلة_الرضيع
#ليلة_العاشر #ليلة_الوداع
#العاشر #يوم_العاشر
#ليلة_الحادي_عشر
#السبي
#دفن_الاجساد
#السبايا
#الكوفة
#الامام_السجاد
#الدخول_الى_الشام
#السيدة_رقية
#الامام_الحسن
#الامام_الرضا
#الاربعين
#الرجوع_الى_المدينة
#الرسول_الاكرم
#العسكري
#الحسن_العسكري
#الليالي_الفاطمية
#السيدة_الزهراء

(قابل للتعديل طوال فترة النشر للحفاظ على ذات الهاشتاغ)

#ليلة_الحادي_عشر

زِينَبْ إِجَاچِي اللِّيلْ..........بِينِ الزِّلِمْ وِالْخِيلْ
عِنْدِچْ سِوَالِفْ لُو دَمِعْ...مِنِّچْ تِكَسَّرْ چَمْ ضِلِعْ
زِينَبْ إِجَاچِي اللِّيلْ...
-----------------------
عِنْدِي سِوِالِفْ دَامِيَه يْفِتِّ الصَّخَرْ هَمْهَه
عِنْدِي دُمُوعِ بْكَرْبَلَه هَمَّالَه شِيْضُمْهَه
زِينَبْ بُگَتْ لَا مِنْ أَرِضْ لَا مِنْ سِمَه تْلِمْهَه
مِنْ طَاحَ اخُوهَه عْلَه الثَّرَى مِنْ حِرْگَوِ خْيَمْهَه
عِنْدِي حَرَمْ وَاطْفَالْ.......هَدَّتْ عَلِيهَه رْجَالْ
يَلِّي تِنَاشِدْنِي اسْتِمِعْ...مِنِّچْ تِكَسَّرْ چَمْ ضِلِعْ
زِينَبْ إِجَاچِي اللِّيلْ...
-----------------------
أَرْكُضْ وَاطِيحَنْ عَالتُّرُبْ مُو بِالْجِثَثْ أَعْثَرْ
لَاچِنْ تَرَه حِيلِي انْهِدَمْ مِنْ حَزَّوِ الْمَنْحَرْ
ظَهْرِي انْحِنَه كِلْشِي اخْتِلَفْ مِنْ غَابَ ابُو الْأَكْبَرْ
رَاحِ السِّتِرْ طَاحِ الْخِدِرْ عَالْعَلْگُمِي تْوَذَّرْ
گُمْتَ الْطُمِ عْلَه الرَّاسْ.....وَانْخَه الْگُمَرْ عَبَّاسْ
وَادْرِي بْكَفِيلِي مِنْصِرِعْ...مِنِّچْ تِكَسَّرْ چَمْ ضِلِعْ
زِينَبْ إِجَاچِي اللِّيلْ...
-----------------------
شَحْچِي عْلَه حَالِي مِنْ صِرِتْ بِينِ الْعِدَه وَحْدِي
حُرْمَه وْغَرِيبَه بْلَا أَهَلْ وِشْچَمْ شِمِرْ عِنْدِي
چَعْبِ الرُّمُحْ سُوطِ الْمَتِنْ فَتْ عَظْمِيِي وْجِلْدِي
بَعْدِ السَّلِبْ وَسْفَه الْحَبِلْ شَدْ مِعْصَمِي وْزِنْدِي
مِحْتَارَه وِيلِي بْهَايْ...شْلُونَ امْشِي وَيَّه عْدَايْ
حَچْيِ الشِّمَاتَه يِنْسِمِعْ.....مِنِّچْ تِكَسَّرْ چَمْ ضِلِعْ
زِينَبْ إِجَاچِي اللِّيلْ...
-----------------------
تَحْتِ الْحَوَافِرْ چَمْ طِفِلْ مَاتِ وْخِلَصْ عُمْرَه
مُو كَافِي نِيرَانِ الْعَطَشْ تَالِي انْسِحَگْ صَدْرَه
بِالْهِيمَه أَيْتَامِي تِوِنْ تِتْصَارَخِ بْعَبْرَه
دَلِّينَه دَرْبِ الْمَشْرَعَه لِلْكَافِلِ نْخِبْرَه
أَطْفَالِي كِلْهَه تْنُوحْ.........مَا تِدْرِي وِينِ تْرُوحْ
وَآنَه شْبِدَيَّه بْهَالْوَضِعْ...مِنِّچْ تِكَسَّرْ چَمْ ضِلِعْ
زِينَبْ إِجَاچِي اللِّيلْ...
-----------------------
عَالنًّاگَه بِتْ سَيْدِ الْمَلَه مِنْهُو لْيِصَعِّدْهَه
وِينَه اللِّذِي دَگِ الصَّدُرْ شُو مَا حِضَرْ عِدْهَه
آمَالِي خِيمَه وِالْقَدَرْ هَالْخِيمَه فَرْهَدْهَه
وِجْرُوحِي بِدْرُوبِ السَّبِي شِنْهُو لْيِضَمِّدْهَه
مَا تِنْتِهِي الْآلَامْ.........كُوفَه وْخَرَابَه وْشَامْ
بِيهِنْ دِلِيلِي يِنْفِجِعْ...مِنِّچْ تِكَسَّرْ چَمْ ضِلِعْ
زِينَبْ إِجَاچِي اللِّيلْ...
-----------------------
#محرم_١٤٤٤هج
حسن خنافر العاملي

#ليلة_الحادي_عشر

لسان حال السيده زينب تخبر امير المؤمنين بما جرى عليه بعد مقتل كافلها واخوتها في كربلاء
🏴🏴🏴🏴🏴🏴🏴🏴
قومن قبرك يبويه وشوفني
بنتك آني شلون بويه تعوفني

تدري بويه رح يركبوني الهزِل
ودمعي يابويه على خدّي يهِل
شلون مثلي هالمصايب تحتمل
وقت ما أبچي العِدا يضربوني

باچـر بالكـوفـة أروح امـيـسـره
وراس أخويه حسين عيني تنظره
وانت تسمع بالَّذي اعليّه جــرى
ويـشـتـمـوك الأعداء ويشتموني

مدري آني وين اولّي وين اروح
وقلبي بويــه ممتلي كلّه جروح
وآني ويّا النسوه بس نبچي وننوح
وجـيـش أُميّـه همهم يــذلوني

باچر يدخلوني مجلس بن زياد
وهذا تدري بيه من اردى العباد
وآني مفجوعة ومفتتوتة الفؤاد
وخـارجـيّـه باچـر يـسـمّـوني

ترضى بويه يخلّوا حبل ابرقبتي
ويسحبوني وسفه آني وعيلتي
وريــت جتني قبل هذا موتتي
ولاعلى ابن الدّعي يدخلوني

قــال يابنتي دِكافِي من الونيـن
صعبة أنظركم يبنتي امرّبطين
وكافلِچ بالمشرعة مرمي طعين
وانـتـو ابهـالـحـال اتفـجـعوني

انتي يازيـنـب يَبنتي ام الصّبـر
اتحمّلي من يضربچ سوط الشّمر
وهم بعد اتحمّلي لطمة زجـر
وبفجايـعـكـم تــرى تؤذوني
🏴🏴🏴🏴🏴🏴🏴🏴
عبد الهادي احمد الجنبي
١٢ محرم ١٤٤٤

#ليلة_الحادي_عشر

مُذ هوى الحُسين💔

هَوتِ العُروشُ وذا الوجودُ تكربَلا
مُذ خَرَّ في الطَّفِّ الذّبيحُ مُرَمّلا

يا أيُّها الرُّزءُ الجليلُ بِنَينوى
مِن هولِكَ البيتُ العتيقُ تَزلزَلا

يومَ الفجيعةِ لا تسَلْ عن حالِها
لَهفي على الرّمضا رأتهُ مُجَدّلا

ناحَت لضلعِ السِّبطِ فاطمةٌ..بهِ
كَسرٌ، ومِنه الرّأسُ رُمحًا قد عَلا

يا ليتَ صدري هشّمَتهُ خيولُهم
وحُسينُنا مِن مَكةٍ ما أقبلا

أمّاهُ يا زهراءُ طوفي ها هُنا
ما بينَ أجسادِ الضّحايا في الفلا

واسترجعي طفلًا منَ النّحرِ ارتوى
فاهتزَّ مِحرابُ السماءِ وهلَّلا

وتنزّلَت آياتُ شجوٍ للورى
تتلو الرّزايا والعزاءَ على الملا

"قُتلَ الحسينُ وأهلُ بيتِ المُصطفى"
جبريلُ في أهلِ العُلا قد رتّلا

لِلمُجتبى المسمومِ حجَّت زينبٌ
فالحُسنُ في الشِّبلِ الهمامِ تمثَّلا

قُم يا مُحمّدُ، ذا شبيهُكَ في الوغى
ظامٍ..؛ أيُروى الماءَ قبلَ المُبتلى!!!

عبّاسُ يا ليثَ الهواشمِ، قِف بنا
عندَ الفراتِ.. ؛ هُنا الزّمانُ تبدّلا

فكمائنُ الأرجاسِ أهوَت رايةً
بظلالِها النّورُ احتمى، لن يأفُلا

كفّاكَ للأزمانِ نهرٌ للإِبا
فينا الأمينُ على السِّقاءِ تنزَّلا

*#يومُ_الفجيعة*

*زينب الموسوي*
*#بنت_الزهراء*

#ليلة_الحادي_عشر

خيم يا حسين محروقه ~*~ و انا هود عليَّه الليل
وراسك راح للكوفه ~*~ وجسمك رضضن الخيل

رضيت بليلة العشره ~*~ شدايدها ولا دامت
و چم مرت عليِّه الليال ~*~ مني العين ما نامت
و وين النوم و القعده ~*~ وهاي أيتامكم هامت
شي ماتت من الروعه ~*~ وشي ضلت تحن بالويل
خيم يا حسين محروقه ~*~ و انا هود عليَّه الليل
وراسك راح للكوفه ~*~ وجسمك رضضن الخيل

نص الليل يابن امي ~*~ ولن طفله فقدناها
اثاري فرت بدهشه ~*~ تحوم وماحد اْوياها
و وحدي أطلعت ادورها ~*~ ودور وين ملفاها
وشفتها اْوياك ممتده ~*~ وعلى خدها دمعها يسيل
خيم يا حسين محروقه ~*~ و انا هود عليَّه الليل
وراسك راح للكوفه ~*~ وجسمك رضضن الخيل

جبتها اْوياي للخيمه ~*~ ولن أختك تناديني
يا زينب قومي دوري اْوياي ~*~ اْوراحو وين طفليني
طلعنا أنفتش الوادي ~*~ ولا توجي الدرب عيني
ولن اوجوهم ليَّه ~*~ تلوح تقول نجم اسهيل
خيم يا حسين محروقه ~*~ و انا هود عليَّه الليل
وراسك راح للكوفه ~*~ وجسمك رضضن الخيل

شحچيلك يا نور العين ~*~ دهر الشوم راواني
وهضم ألماجرى ولا صار ~*~ بالمخلود راواني
شفتهم يالولي ميتين ~*~ واحد حاضن الثاني
الكبير إِعله الاخو حاني ~*~ يضمه عن وحوش الليل
خيم يا حسين محروقه ~*~ و انا هود عليَّه الليل
وراسك راح للكوفه ~*~ وجسمك رضضن الخيل

تمنيته يطول الليل ~*~ ولو هالحالة القشره
يوم احدعش يوم الشوم ~*~ ريته لا طلع فجره
انكشف ليَّه الضوه ولاحت ~*~ جنايزكم على الغبره
وجتنا النوق مهزوله ~*~ وحادينا يصيح أنشيل أنشيل
خيم يا حسين محروقه ~*~ و انا هود عليَّه الليل
وراسك راح للكوفه ~*~ وجسمك رضضن الخيل

يصيح أنشيل متقلي ~*~ يا خويه اشلون هالشيله
ادور للحريم أستور ~*~ لو تركيب هالعيله
ضاع البُصر و التدبير ~*~ خويه وقلة الحيله
واطفالِ ألفقدناها ~*~ دفناها بلا تغسيل
خيم يا حسين محروقه ~*~ و انا هود عليَّه الليل
وراسك راح للكوفه ~*~ وجسمك رضضن الخيل

#ليلة_الحادي_عشر
أمسى المسا والنّار ما خلّت لنا خيام
صيوان ماظل تلتجي بظلّه هالايتام

أگبل عليّ الليل وازدادت الوحشه
ما شوف غير ايتام تتصارخ بْدَهشه
وشيخ العشيره حسين ماحد شال نعشه
مطروح وبْجَنْبه علي الأكبر وجسّام

عبّاس عندي البارحه ايحوط الصّواوين
يامر وينهى واخوته كلهم مسلحين
والخيل مسروجه واهلها مستعدّين
مصغين للصايح ولا منهم جفن نام

وحسين من يسمع بچا بخيمه دخلها
ايسلّي الحرمه وياخذ بصدره طفلها
وباتت خيمنا مطنّبه وتزهر بهلها
وصيوان اخوي حسين حوله ترفرف اعلام

واصبحت وشْبول الهواشم حولي اوگوف
وامسيت مالي اگناع واتْستَّر بلچفوف
ويّا يتامى اگلوبها طارت من الخوف
وين المعزّه اُووين زهوة ذيچ ليّام

أصبحت حولي سْباع وامسيت اصفج الچف
وانظر جنايزهم عرايا بعرصة الطّف
باچر يركبونا الاعادي اجمال عجّف
دربٍ طويل ونبتلي بعدوان ظلاّم

گلها علي السجّاد يا عمّه شجاني
حالچ وانا مگدر اتحرّك من مكاني
صاحت يَنور العين عتبي اعله زماني
اللي علي الكرّار ابوها اشلون تنضام

والاّ المصيبه ضجّة الايتام حولي
الوعد الصّبح چان العدا شدّوا ذلولي
واعظم مصيبه چان گاد الجمل خولي
وساعة الگشره چان راح الظّعن للشّام

#ليلة_الحادي_عشر

_*جديد محرم ١٤٤٤هـ*_

الحادي عشر من محرم
نظمت في ١٤ ذي الحجة ١٤٤٣هـ

وينك يا علي الكرار ما تحضر
دارت عالعقيله ابكربلا العسكر
◇◇◇◇◇
ياعون الحيارى او بالشدد مذخور
قوم ابعجل بنتك حايره ابعاشور
إدركها عليها هجمت أهل الجور
شامت واليريد ايسلّب الخدّر
◇◇◇◇◇
إنته البشجاعه يالأبو منعوت
ياغضبة الباري الماتهاب الموت
من زينب ياحيدر ماوصل هالصوت
هيّه ابعازتك عنها لا تتعذّر
◇◇◇◇◇
ياغوث اللهوف او يا حمى للجار
ماتدري ياحيدر بالجرى والصار
حسينك منذبح والجسد بالأوعار
وزينب تسمع الأضلاع تتكسّر
◇◇◇◇◇
هالمنظر عليها أشد من لسياط
ومن قلب العقيله ايقطّع الأنياط
وابهالحال صارت تضرب الأشواط
بين الخيم والضامي غدت تعثر
◇◇◇◇◇
مفجوعه وغريبه وخيم محروقه
ومن دخانها يابوها مخنوقه
وچم طفله وطفل بالخيل مسحوقه
والفرّت يا حيدر هايمه بالبر
◇◇◇◇◇
والتفقد إخوتها بعد شاليبقى
إلها والعدا لارحمه لا رفقه
غير الشتم ويّا الضرب ما تلقه
والينتخي ابإسمك بالحبل ينجر
◇◇◇◇◇
وبصرخة حزنها نادت العطشان
زينب يا أخو زينب بلا وليان
ماظنيت ظني يخيب يالإخوان
العيله اتكفلي قلها من المنحر
◇◇◇◇◇
وبآخر أمل باللّي العلم شايل
صوب المشرعه نادت يابو فاضل
لاكن ياوسف ماجاوب الكافل
جاوبها السبي يوم احدعش لقشر
◇◇◇◇◇


تمت بحمد الله ومنّه
في ١٩ ذي الحجة ١٤٤٣هـ
نظم خادم السيدة الزهراء عليها السلام
ياسين جواد العبد الرضا

*#جديد_محرم_١٤٤٤هـ*