قناة خطباء المنبر الحسيني للقصائد

#الأربعينية_ المقدسة
#اطوار_مختلفة
#لسان حال السيدة زينب ع عند قبر العباس ع



عذبني الدّرب والسوط .. وعدوك أشْرّ عليّه
إلَك رديت يبوفاضل  .. من الشامات محنيّه

تركتوني ما بين ارجاس  .. شفت الما يمر عالبال
واحد يضرب ابمتني  ..  والثاني يشد الِ حبال
غريبه والدرب وحشه .. المثلي  ما تصدها ارجال
تصدقها الشمر حادي !! رافقني وشمت بيّه


حال الشام لوعني  ..  وإجيت أشكي إلك همي
أحلفك بالضلع عباس .. محتاجه تجي يمي
اكتافي امورمه وقلبي .. تفطر هم عل ابن امي
هاي عيوني بس تنهض .. وإلك فدوه أمد دَيّه

#بعد اشصار مولاتي يا زبنب ؟؟

خواتَك عالهزل طِلعن .. و وسط السُوق مرونه
مسبيات بِدينه احبال .. عقب عِينك يهضمونه
وبعد المجلس المشؤم .. بخرابه القوم خلونه
وهاذاني إجيت اليوم .. ولا واحد فزع ليّه


🖊خادمة أبي الفضل

#طور_زينب_إجت_لحسينها
#لسان حال السيدة زينب ع



يا دافني الرأس عند الجثة إحتفظوا
بالله لا تنثروا تُرباً على قمرِ

لا تدفنوا الرأس إلا عند مرقدهِ
فإنّه روضةُ الفردوسِ والزّهر

#وكأني بمولاتنا زينب تخاطب راس الحسين قبل دفنه عند الجسد


يا راس اخويه المنذبح
شِفتك عجيبه عالرمح
بعيِنَك تباري للحرم
وانا اعاين للجرح

أذكُر عيونك سايله
ساعت ضربني حرمله
وبسوطه ورملي المتن
وهاذاني عِدت لكربله


راح اروي خويه بس امر
تدري الجرالي بالقصر
شِفتك وسط طشت الدعي
والظالم يصدني بنظر

شيبك عفير ومختضب
وبخيزرانه ينضرب
وتعاينه خويه الحرم
واشفافك ادمومك تصب

#بعد شو حالة الراس الشريف واللعين ينكثه بالخيزرانه

إعذِرني اوصفلك تره
اسنانك اويلي مكسره
والشيبه متروسه بدمه
وعطر الوديعه ابمنحره


🖊️خادمة أبي الفضل

#محرم_١٤٤٦
#يوم_العاشر
#طور_الخضيب
#لسان_حال_السيدة_زينب_ع



١_ ذبحوا اخويه ابكربله  ..  يا ريت مت اوياه
عيوني بعد عينه إنعمت  ..  ما اقدر لفرقاه
طبع الأخت بعد الاخو  ..  تحيا على ذكراه
وانا العقيلة المِن قبل  ..  ما فارقت ظلاه

آيخويه    آيخوبه      آيخويه    آه

٢_ طايح عفير على الثرى  ..  وضلوعه ملويه
ومن قلبه منزوع السهم ..  واوصاله مَفريه
يَمّه إجيت اتوسِلِت .. ومديت إله ديّه
يردنا حَرم جدنا النبي  ..  ولا امشي مسبيه


٣_ وبلحظة راسه عالرمح ..  والشيبه مخضوبه
وعيونه تنظرني بعطف ..  والجبهه مصيوبه
وامغيّر بلُونه العطش  ..  وشفافه مضروبه
والكاسر بقلبي أرد ..  للخيمة منهوبه


🖊خادمة أبي الفضل

#الخروج


🆕 #محرم_1446هـ
#وداع_قبر_الزهراء_عليها السلام
#لسان_حال_السيدة_زينب_ع

يافاطمـة عوفــي القبــر
ادعي لـي يمــه بالصبــر
بلكـت  دليــلي ينجبــــر
شوفي   حبيبچ  منظره

ــــــــــ ❖ ❖ ❖ ـــــــــــ

يمــــه اجينــا مْوَدّعيــن
هاذي أنه وهذا الحسين
ريحانِتچ يصبـح رهيــن
وانــه أصيــــر اميَسّــرة

ــــــــــ ❖ ❖ ❖ ـــــــــــ

يبكي السبط يم تربتــچ
عبراتــه  لا شَــك  بكتچ
آخـــر زيــارة لحضرتــچ
و باجر يـروح المجــزرة

ــــــــــ ❖ ❖ ❖ ـــــــــــ

جَن  استمــع  ونّــة مرة
ياحــرة  مــن  هالمكبرة
وتكلـي بوســي رقبتـــه
قبـلن  يحـــزّو  منحــره

ــــــــــ ❖ ❖ ❖ ـــــــــــ

✍️ #الشاعرة_زينب_الخفاجي
🤲 #اللهم_صل_على_محمد_وآله

🔶 #الوصول_الى_كربلاء
🔸 #لسان_حال_السيدة_زينب_ع
🔸 #وجواب_من_اخوانها_ع.
🔶 #طور_الزريجي ( ابن قسام)

شسم  هاي  الارض  ياساكنيها
اشم  ريحة  دمـع  فاطم عليها
ودمــع ام البنيـن الحــرة بيهــا
قلبي  مـن  وصلت  لها  تكَطّـع

┈┉┅━❖❖ـ❀ـ❖❖━┅┉┈

كالــوا هــاي ارض الغاضريــــة
عليمــــن خايفــــة يالهاشميــة
وانتي  امحوّطة  بأهل الحميّة
عباس  البطل  واحسين اخيّـه

┈┉┅━❖❖ـ❀ـ❖❖━┅┉┈

كالت  ياخوِتي  خوفي  عليكم
احس راح الخيول اتهد عليكم
ولا واحد يراعي  جدنـا  بيكـم
اخاف بهالأرض  تلفي  المنيــة

┈┉┅━❖❖ـ❀ـ❖❖━┅┉┈

📝 #الشاعرة_زينب_الخفاجي
🌿 #اللهم_صل_على_محمد_وآله

@elkhafaji110

#محرم_١٤٤٦
#طور_ألبس_سوادي
#لسان_حال_السيدة_زينب_ع ليلة الحادي
للعباس عليه السلام



تركض ابحيره  ..  صوب الشريعه
مذهوله تنظر  .. كفوف القطيعه
خويه يا عباس   .. تنظرني ال جناب
إنهض دخِيلَك ..  بحق الوديعه


خوَفّني سلاب  .. يركض ورايه
شامت يقلي .. طاحت الرايه
يالواعدتني   .. أدري بحميتك
شو عني غافي  ..  بطف الرزايا


يا أبو الِاحساس  ..  قوم إليّ عناي
حُرمه ونحيله ..  وتتراجف اعضاي
رِدنا المدينه  ..  مو مالت اجمال
ولا ادخل السوق .. وتتشمت اعداي


🖊خادمة أبي الفضل

#أطوار_مختلفة
#لسان _حال_السيدة_زينب ع بعد شهادة أبيها أمير المؤمنين ع



الأبو خيمه على ابنيّته  ..  يروح الحيل اذا بيروح
بكلبي تسكن الأحزان  ..  ويظل جرح اليتم مفتوح
أقضّي بالحزن يومي  ..  ودمعي عالوجن مسفوح
يالمأخذ مهجتي اوياك  ..  سهرانه بعد ما هيد


#صارت زينب تتذكر ايام طفولتها وصباها في دار أمها وأبيها :

اشحلاته من كنت يِمنه  ..  واُمنه تناظر بعينك
بسوالفها تِدفّينه  ..  وبعدها نسمع اونينك
راحت امنه بس انتَ ..  إلنه واهب اسنينك
لن سيف الأجل صابك .. وجرحك بالنزف بيزيد


إجاني العيد وإشتاقيت .. بين احضانك تضمّني
شلونِك يبويه تِنْشِدني .. وراسي اتقبّله اتشمني
رِحت مني رِحت عني .. بعد يا حضن اللي يلمني
بشهر الصوم تودّعنا  ..  وتِيتّمنا قبل هالعيد


🖊خادمة أبي الفضل _ ام جواد

#الليالي_الفاطمية
#أطوار_مختلفة
#لسان حال السيدة زينب ع عند وداع أمها الزهراء ع ليلة الشهادة



خليكِ بعد ليله يا يُمّه لا تِودعِيني
مِتعودة على حضنِك ولاحضانِك تضميني
ودمعي تِمسحي بيدِك وبهيده الضلع مهشوم
أسكت روحي ما أقدر  ووداعِك حيل يأذيني


بحسن وحسين توصيني ودمعي يحفر بخدي
واعيش بغربه لو رِحتي وانا وحزني أظل وحدي
ويوم العاشر الموعود منو يساعدني في همي
منْ اركض الى الحسين وقِله بعدك إشعندي!!!


*#تجاوبها الزهراء بكل حنان وحزن على حالها :*

تونّ الزّهره وتقِلها            زودتي عليّ حِزني
وعد مَعوفِك بالطفوف     أجيكِ والضلع محني
وعاين قاعد المعلون        يذبح منحره ويفري
وحوافر طابعه بصدره     وما يِسلم عظم إبني



واشوف اخيامِك موجره    ومَصَابِك يشبه امصابي
ويتامى حسين تتراجف     مثل حالِك عند بابي
ومسمار الضّلع بيصير سوط على المتن يلوي
وتطيحي من الألم مثلي     واصوابك اهو اصوابي


🖊️خادمة أبي الفضل

#الليالي_الفاطمية
#طور_الفراق /مستهل طيحت إيديك
#لسان حال السيدة زينب ع ويتامى الزهراء ليلة الوحشة



صار الغروب   .. خالي يا ربي نَزِلنه
صار الغروب   .. ماتت الكانت تِلمّنه
صار الغروب   .. اشكُبر هالليلة حِزننه

يُمّه الحسين   .. إشعندك يا زينب، إشحاله؟

يُمّه لِحسين  ..  ينحب ولازم ضُلوعه
يُمّه لِحسين   .. ما سِكَنْ لحظات روعه
يُمّه لِحسين   .. تِحرق بخدّه دموعه

#وكأني بالحسين ع يحاكي أخته زينب:

راحت أمنه .. بيا ذنب منها انحرمنه
راحت أمنه   .. من البكي وَرّم جِفنه
راحت أمنه   .. علينا ترجع لو نِسَتنه


🖊خادمة أبي الفضل

#الرجوع_إلى_المدينة
#أطوار_مختلفة
#لسان حال السيدة زينب ع في دار الحسين ع


رَدِينه لمنازلنا وقلبنا من المصايب ذاب
دخلنا الدار حزنانه وحْشَه بلا أهل لا احباب
أيام الهنا راحت وحبايبنا تحت التراب
صورهُم مرّت ابالي وذِيك ايامنا الحلوه
     

وين حسين ابن أمي داره خاليه وقفرى
إجينه من السفر هاليوم ونجرّ حسرهْ بأثر حسره
أروح لحِجرِته إدخلها وبثيابه أشمّ عُطره
وصيح بصوت يِفتّ الروح وين الكان إلي سلوه


صعب انسى الحَنين حسين واعيوني جَفاها النّوم
كل ما غَمِض الجفنين وداعه اتذَكرَهْ المظلوم
باحضانه شكُثر ضمني  ودمعي عالوجن مسجوم
شلون اصبر علی فراقَه وبعده الدنيا ماتسوه


🖊خادمة أبي الفضل

#طور_زينب_إجت_لحسينها
#لسان حال السيدة زينب ع



يا دافني الرأس عند الجثة إحتفظوا
بالله لا تنثروا تُرباً على قمرِ

لا تدفنوا الرأس إلا عند مرقدهِ
فإنّه روضةُ الفردوسِ والزّهر

#وكأني بمولاتنا زينب تخاطب راس الحسين قبل دفنه عند الجسد


يا راس اخويه المنذبح
شِفتك عجيبه عالرمح
بعيِنَك تباري للحرم
وانا اعاين للجرح

أذكُر عيونك سايله
ساعت ضربني حرمله
وبسوطه ورملي المتن
وهاذاني عِدت لكربله


راح اروي خويه بس امر
تدري الجرالي بالقصر
شِفتك وسط طشت الدعي
والظالم يصدني بنظر

شيبك عفير ومختضب
وبخيزرانه ينضرب
وتعاينه خويه الحرم
واشفافك ادمومك تصب

#بعد شو حالة الراس الشريف واللعين ينكثه بالخيزرانه

إعذِرني اوصفلك تره
اسنانك اويلي مكسره
والشيبه متروسه بدمه
وعطر الوديعه ابمنحره


🖊️خادمة أبي الفضل

#الأربعينية
#اطوار_مختلفة
#لسان حال السيدة زينب ع عند قبر العباس ع



عذبني الدّرب والسوط .. وعدوك أشْرّ عليّه
إلَك رديت يبوفاضل  .. من الشامات محنيّه

تركتوني ما بين ارجاس  .. شفت الما يمر عالبال
واحد يضرب ابمتني  ..  والثاني يشد الِ حبال
غريبه والدرب وحشه .. المثلي  ما تصدها ارجال
تصدقها الشمر حادي !! رافقني وشمت بيّه


حال الشام لوعني  ..  وإجيت أشكي إلك همي
أحلفك بالضلع عباس .. محتاجه تجي يمي
اكتافي امورمه وقلبي .. تفطر هم عل ابن امي
هاي عيوني بس تنهض .. وإلك فدوه أمد دَيّه

#بعد اشصار مولاتي يا زبنب ؟؟

خواتَك عالهزل طِلعن .. و وسط السُوق مرونه
مسبيات بِدينه احبال .. عقب عِينك يهضمونه
وبعد المجلس المشؤم .. بخرابه القوم خلونه
وهاذاني إجيت اليوم .. ولا واحد فزع ليّه


🖊خادمة أبي الفضل

#طور_زينب_إجت_لحسينها
#الوصول_الى_كربلاء
#لسان حال السيدة زينب ع



حَط الظّعن برض البله
وقلبي برزايا  إمتلى
شنهو اليصير ابهالفله
مِنه تِفح ريحة جَلَل

صاحت له زينب يالولي
مو هذي ارضك بوعلي
بيها  الشّدايد  تِنجلي
بس همي يبقالي ويظل

بيها نجوم مطرّحه   
مطروحه ويلي مذبّحه
وراية خِدِرنه  سابحه  
ومن عِدنه مقطوع الأمل

بعيني اشوفه للمصاب
نومه اُخوتي اعالتّراب
وحنّة شباب و بس خضاب
واعجنها من فيض المُقل

ابقى واسير ابلا زلم
وشامت يهزّن بالعلم
منهو الكِفلها هالحَرَم ؟؟؟
شنهو أجاوب يالبطل


#واذا بها نظرت الى كافلها وكافل خدرها :

بداعة  ابونه حيدرة
وامُنه العزيزة الطّاهرة
ترضى أظل امّرمرة
وامشي سبيّه يالنفل

#آآآه يا عباس ارادا ان يهدئ من روعها وصار يتعذر منها ،،يقله :

سامحيني  .. لو صعدتي  .. عالهزيله بلا يمنتي
سامحيني .. لو نظرتي .. عالشّريعه ودم طبرتي
سامحيني .. وعذري ظرفي .. من تِجمد بعيني عبرتي
سامحيني  .. يالحبيبة  .. لا تّزيدي زينب حسرتي


🖊خادمة أبي الفضل

#ابو_ذيات
#لسان حال السيدة زينب ع عند دخلوها الكوفة


▪︎....مولاتي زينب عليها السلام لما وصلت الكوفة هي والسبايا  يذكر الخطباء بان ادخلوهم الی سوق الكوفة ليتفرج الناس عليهم وهم مقيّدين بالحبال 
وكاني بها نادت ..

بويه ياعلي طايح .. حملنه
بعد ماظل يبو زينب .. حملنه
الشمر فوگ الهزل غصبن .. حملنه
اصبحت بالسوگ يفترون بيه 

.....
.....


ياعلي ياعلي يابويه

اسيره والحبل ملفوف .. بيداي
بعيده كربله واگطعت ..  بيداي
بس انه وعليل حسين ..  بيداي
نخيت تگوم ياحامي الحميّة

.....
.....


الجفن خلّص يبو زينب .. وشيله
ثجيل الحمل ما اكدر .. وشيله
يبويه اريد عصابه .. وشيله
يحيدر مولحن ذن العليّه

.....
.....

علي يابويه


تعال وشوف  بويه  .. مايرالي
يحيف الدمع من دم  .. مايرالي
يبويه الچان ظلن   .. مايرالي
سباني وهل مشه حداي بيّه



أم محمد الحجاج 

#أطوار_مختلفة
#لسان _حال_السيدة_زينب ع بعد شهادة أبيها أمير المؤمنين ع



الأبو خيمه على ابنيّته  ..  يروح الحيل اذا بيروح
بكلبي تسكن الأحزان  ..  ويظل جرح اليتم مفتوح
أقضّي بالحزن يومي  ..  ودمعي عالوجن مسفوح
يالمأخذ مهجتي اوياك  ..  سهرانه بعد ما هيد


#صارت زينب تتذكر ايام طفولتها وصباها في دار أمها وأبيها :

اشحلاته من كنت يِمنه  ..  واُمنه تناظر بعينك
بسوالفها تِدفّينه  ..  وبعدها نسمع اونينك
راحت امنه بس انتَ ..  إلنه واهب اسنينك
لن سيف الأجل صابك .. وجرحك بالنزف بيزيد


إجاني العيد وإشتاقيت .. بين احضانك تضمّني
شلونِك يبويه تِنْشِدني .. وراسي اتقبّله اتشمني
رِحت مني رِحت عني .. بعد يا حضن اللي يلمني
بشهر الصوم تودّعنا  ..  وتِيتّمنا قبل هالعيد


🖊خادمة أبي الفضل _ ام جواد

#شهادة أمير المؤمنين ع
#ليلة_الشهادة
#لحن_جاوبني_يا_علي (الملا محمد بو جبارة )
#لسان حال السيدة زينب ع



ليل اليتم قُرَب
دمعي اعلَخدي صب
وضعك علي صعب  .. يا بويه يا علي


يا بويه و الصبر
ما ينفع ابهجر
ساع وتطب قبر  ..  يا بويه يا علي


اوداعَك رُوحي يفت
شيداويني صِحت
معقوله آه متت  ..  يا بويه يا علي

ما تمّمِتْ صيام
يا والد الأيتام
هالليله لا تنام  ..   يا بويه يا علي


إفتح "علي" العيون
يالكافل الحنون
بخلافَكْ ايضيعون  ..  يا بويه يا علي


اوداعك إلي جَرح
تقبلني وانذبح
ريته ما طرّ  صبح  ..  يا بويه  يا علي



🖊خادمة أبي الفضل

#شهادة_أمير_المؤمنين عليه السلام
#نعي_طور_ياابن_عالتربان/ وغيره
#لسان حال السيدة زينب ع



بموت الأبو يناس تموت البنيّه
ابدونه تظل بنوح تريد المنيّه
امن المقبرة يا ريت يرجع إليه
ابوي لحنانه كان . يفيِّ عليّه


يا ظَلمة الأيام وخِيبة  أمالي
بفرقة حبيب الروح الهدملي حالي
كلساع أحنّ واشتاق لوجهه يلالي
متعوده كون وياه حلوة الليالي


وحشة النزِل خالي . خالي مكانه
قلبي الهجر كاويه بعازة حنانه
شمحلا علينه يرد ويرجع زمانه
هالجامع الإيتام وناشر أمانه

#طور_الجفيري

نايم ابونه ابتُربته
و الليله وِحشة ديِرته
ما ظني أحمل فرقته
عليّ إنكتب حزن الدهر

اظلم مكانه للأبو
وبيته خِلي ما بيِ دفو
راح الأمان البي كفو
يا ربي إنطيني الصبر

أنده يبويه وما تِرد
معقوله مدفون الورد
يالنايم بتُرب ولحد
دمعي بغيابك كالنهر

#تقله

ابخيالي عايش ابكل ساع وحزني معاشر الدمعات
تِمنيتك عدل وتعود يرد الراح بعد هيهات

دارك اظلم وخالي وروحي عليك محزونه
أعيش شلون انا بفقدك وونيني حيل يسمعونه

يجيني الليل واتذكر سوالفنه وتحاكيني
عيني اتبحر ابوجهك يا بنيّتي و تناديني
   

🖊خادمة أبي الفضل

#رحيل_السيدة_زينب ع
#أطوار_مختلفة
#لسان حال السيدة زينب ع



▪︎....ليش زينب ام الحزن إسمها...؟


يل تِسأل عليمن ليش     صار أم الحزن إسمي
تعال مصيبتي إسمع       اشكُثر من الحزن سهمي
 
شفت أمي بصغر سني      تلاوذ والضّلع مكسور
شِفت خدها انلطم.والنار   تشب بالباب وحطب مجمور
عِشِتْ وياهه مِحنتها         لّحد ما نامت ابلقبور
وابويه الكان إليّ خيمة     تَركني ابوحدتي وهمي

# مولاتي يا زينب من بقى لكِ بعد أمك الزهراء وأبيك علي .. ما حالك بعد وداع  الحسن ...

ودّعت الحسن مسموم  ..  وعليّه اتجددّت الأحزان
واعزي حسين بأخوه الراح  ..  ويصبّرني بقلب لهفان
من اهلي بِقينا  اِثنين .. وباكر صافح التربان 
يقلي واسمع التفصيل  ..  واحس المنصرع جسمي


 وإجاني العاشر بهمه  ..  وشفت حسين ينازع روح
من ردلي عن الشاطيِ  ..  وصوته من الألم مبحوح
يا زينب حان المّوادَع  .. بعد ساعة النّحر مذبوح
وابهذا إنختم عمري  ..  و من همه نسيت إسمي


آآآه يم الأحزان  💔


🖊خادمة أبي الفضل

#أبو ذيات
#لسان حال السيدة زينب ع




يخوتي ابكربله اتطشر  .. شمِلنه
وإحنه الهظم من باكر .. شمَلنه
بعد حسين بالدنيه .. شملنه
بعد يا أمل بالطف ظل اليّه


مرار العيش من بعدك  .. ولا طاب
وجرح متني يخي لسه .. ولا طاب
كلها اتهون يبن امي  .. ولا طب
بالديوان انا وبنتك رقيّه


🖊خادمة أبي الفضل

#أبو ذيات
#لسان حال السيدة زينب ع ومرورها على اجساد الشهداء



نظرات الشّماته حيل .. مُرات
وعليّ إتأشر العدوان .. مرات
وساع اعلهزل يَمّك .. مريت
تمنِيت برمح راسي علسمهريه


🖊خادمة أبي الفضل