قناة خطباء المنبر الحسيني للقصائد

#شهادة_الإمام_الحسن_العسكري ع
#اطوار_مختلفه
#تصوير حضور السيدة الزهراء ع عند ولدها العسكري ع



تِنوح الزَّهره وجَتلَه        تبكي لحاله تدعيله
إبني العَسكري سَمّوه      ودَمعي ما نِشَفْ سِيله
إِجيتَه لازَمة ضلوعي      وَواسي المَهدي هاللِّيله
فِجَعني دَهري بولادي   وكِلْمَنْ صابوْ ادليله


كِلّ ليلة دَمِعتي تِطوف   على خَدّي واصِيحِ الآه
لَرِض سامِرّا اتعَنّيت      وإِجيت السَّاع الحَسَن اَنْعاه
مِمَدَّدْ عالفِرِشْ بيلوج    ولهيبِ السَّم سرى بِحْشاه
يِديرِ العين على المَهدي  ووِنينه للقَلِب كواه

*#آآآه ، متى الفرج يا ابن الحسن ، متى تأخذ بثار أبيك العسكري ، وبثأر أجدادك المقتولين،
أين المعدُّ لقطعِ دابر الظلمة ، أين المُنتظرُ لإقامة الأمتِ والعِوج ، أين المُرتجى لازالةِ الجور والعدوان* 💔 :


يالمَهدي إلَك ثاراتْ ما تِخلَص ولا تِنعَد
اوّلها كِسر ضِلعي  وبَعد يُمّه ضِلوع الجَدّ( واحسينااه)
على حَرّ الثِّره ذِبْحُوه طَريحِ وما إِجاله حَدّ
وعَمّتَك ما اظِنّ تِنسى لَجِلها دَمِعتَك بالخَد


🖊️خادمة أبي الفضل

لعن الله ظالميك يا فاطمة
#اطوار_مختلفه
#هجوم_ الدار
#لسان حال الأمام الحسين ع عندما نظر إلى مصيبة أمه الزهراء ع وقد ترائت له مصيبة كربلاء: 



لفى عاشور بضلوعي  .. من هَجموا أيا زهره
ومِن شعلوا عليك النّار  .. خيامي اتوجَرت جمره
طفوفي مرّت اقبالي  .. كل صوره تِشب حسره
فدوه لكل ضلع بيكِ  ..  ودليلي عليكِ شو يصبره

#ليش سيدي اباعبدالله!!!

صوت أضلاعِك اسمعها  .. وهِي تتكسر بعصره
لن يدي على صدري  .. وحس بيّه انا الكسره
ودِماكِ السالت اعلى القاع .. لإبنك تصبغ ابنحره
وحزني بطيحتك يُمّه  .. ابد ما يوم بعد يبرى


#وبعد مولاي يا اباعبدالله ما الذي تراه وتسمعه اذا جنّ الليل ؟؟؟

#طور_مختلف

بسواد الليل أفز واسمَع  ..  ونينك والألم معصور
وتِصد عيني على زينب  ..  تقبّل خدك المسطور
اسمالله عليك يا يُمّه  ..  وتمسح ع الصدر مكسور
وبحُرقتها همست لي .. مثلها حالَك بعاشور

#لحن جاوبني يا علي


يخويه ويش تقول
يل وارث البتول
بصدرك تجي الخيول
وتطحن إلك ضلوع


وقبل الطعن تشوف
اخو اتوذره السيوف
ومنه النظر خُسُوف
من هسه هِل دموع

#بعد إش قالت زينب روحي فداها

وهمست إله بأمر
بعد ذبح النحر
امشي انا  إبأسر
وقلبي إلَك يِلوع

✍خادمة ابي الفضل

آآه  ..  آآه 
تقله خويه خويه

صرنا يتامى ابلايه جدنه
منهو الذي يمسح دمعنه
وياهو الذي يضَمِد جرحنه
كسروا ياخو زينب گلبنه

امي حچت لي خوية امرين
عن سَم الحسن بيد الملاعين
وعن طف وسيوف ونار صوبين
وحچت لي عن عظُم يومك يالحسين


يگلها خويه يزينب يومي مَيهم
امصاب الضلع والمحسن اعظم
بكسر صدر امي احس گلبي تحطّم
احسبي اليوم مات احسين بالهم

✍الشاعرة زينب الخفاجي

#الأربعينية_ المقدسة
#اطوار_مختلفة
#لسان حال السيدة زينب ع عند قبر العباس ع



عذبني الدّرب والسوط .. وعدوك أشْرّ عليّه
إلَك رديت يبوفاضل  .. من الشامات محنيّه

تركتوني ما بين ارجاس  .. شفت الما يمر عالبال
واحد يضرب ابمتني  ..  والثاني يشد الِ حبال
غريبه والدرب وحشه .. المثلي  ما تصدها ارجال
تصدقها الشمر حادي !! رافقني وشمت بيّه


حال الشام لوعني  ..  وإجيت أشكي إلك همي
أحلفك بالضلع عباس .. محتاجه تجي يمي
اكتافي امورمه وقلبي .. تفطر هم عل ابن امي
هاي عيوني بس تنهض .. وإلك فدوه أمد دَيّه

#بعد اشصار مولاتي يا زبنب ؟؟

خواتَك عالهزل طِلعن .. و وسط السُوق مرونه
مسبيات بِدينه احبال .. عقب عِينك يهضمونه
وبعد المجلس المشؤم .. بخرابه القوم خلونه
وهاذاني إجيت اليوم .. ولا واحد فزع ليّه


🖊خادمة أبي الفضل

#اطوار_مختلفة
#يوم_الحادي_عشر



راح امشي بلا حيلي   ولا قوه ولا الخوه
تضل طايح يبو الأكبر   الشمر ما تدري شالسوى !!

دفعني بالرمح وانا .. عمري تجاوز الخمسين
من صغري وهمومي اهواي .. ودمعتي حفرت الخدين
ما خلوني يمّ جسمك .. ضربوني على المتنين
لون بيدي أفيلك .. وظلّل جِثتك يا حسين

شلون أروي بعد مقّدر .. ما ظل بالعمر سلوه

إسمع شامت يقلي .. أخُوتك وين يبت زهره
واحد منقطع راسه .. وريح الهاب دخل نحره
وكافل عالنهر طايح .. قطعنا ايمينه واليسرى
وعريس الطف خضابه الدم .. ولاكبر انذبح عمره

شلون اروي بعد مقدر .. عدونا بحالنه اشسوّه

جابوا النوق نادوني .. ودليلي فتّته المنظر
ودلالي الكان تِمنيته .. يرد بيّه لزمن حِيدر
أميرة وما لَمْحْ واحد .. طولي .شلون ما أقدر
أطلع عالهزل يا حسين .. وحبل برقبتي أثر

شلون أروي بعد مقدر .. يجرني الشّامت ابقوّه


🖊خادمة أبي الفضل

#محرم_١٤٤٤
#ليلة_الحادي_عشر
#وحشة السيدة زينب ع ليلة الحادي عشر
#اطوار_مختلفه



نِدَهْتَك يا ابو زينب  ..  تعال وعاين المَنظر
تِحاكيني الزلم واخجل ..  وين اهْلِك يا بت حيدر


بظلام الليل آنه وحدي ..  ودوّر كم طفل وانعى
الكفالة عالنهر ظَلِّت ..  و وِلينه وصُحْبِته صَرعى
محتارة من الشِفته .. ضلوع أمي لَوْن ضُلعه
وخيول اعْداه على صدره .. بحوافِرهم ضّلع كَسَّر


شيّبني الركض واسياط .. ونِدَهتك تحضر العيله
رقيه تِرجف من الخوف .. وجِدَمها احترگت الليله
الرباب من الألم شاحت .. لإبنها اتكَفّنه بشيله
وانه الما شَافَوا خيالي .. بْكُفوفي اثنين انه اتْسَتّر

بِخيامي شفت نارين  ..  وامي تراوت اقبالي
وعشت الهجمة بعيوني .. من هجموا عليّ تالي
اسْمِعِتها من إلَك صاحت ..  ما رحموني يالوالي
مصاب الزّهره صابَنّي  .. رِدِت تِحضر يبو شُبر


🖊خادمة ابي الفضل

#محرم_١٤٤٥
#اطوار_مختلفة
#حضور_السيدة_الزهراء_ع عند ولدها الإمام الحسين ع



إجاني الصوت يا زهره  ذبيح إبنك برض الطفوف
خبر ذبْحَك شَعَب قلبي وإجيتك هروله وبَ طُوف

💔راحت الزهراء ع وتدوّر إبنها وكأني تنادي :

وينه إبني  ..  وينه إبني  ..   وينه إبني    آآه


لِفيتك صابغة هدومي أركض دوّرك يا حسين
إحتاريت أجيلك كيف دليني اعلى حالك وين
امشي اتعثر بحزني ما أقدر أشوفك زين
بس أنظر سعير النار وعجاج الخيل ييمّه الحين


ما انسىَ وداعك ذاك  وانا اموسدهَ الأكفان
تِحاكيني قبل " ما موت"  تِقلي والقلب لهفان

*#هذا لما إنتهى أمير المؤمنين من تغسيلها وتكفينها وقبل أن يعقد الكفن ، نادى على اولاده لوداعها، اسرع الحسين إرتمى على قدميّ أمه يناديها "  كلميني قبل أن ينصدع قلبي فأموت :*

ما انسىَ وداعَك ذاك  وانا اموسدهَ الأكفان
تِحاكيني قبل " ما موت"  تِقلي والقلب لهفان
حِضنتك بَرّد ادلِيلك لأن ادري تظل عطشان
واخذ من ألم الضلوع صدرك للطحن ميدان


وصَلتك والصبر من وين أحاكي نحرك المنحور
وبصدرك كسور اهواي مو واحد ضلع مكسور
صرت أجمعها أوصالك وبعد منك صُبع مبتور
وفرشت اعبايتي امخيّم أخليها ستر و خدور


🖊خادمة أبي الفضل

#محرم_١٤٤٦
#اطوار_مختلفة
#لمن_حدى_الحادي
#السيدة_ زينب_ع تتحدث عن حالة بنات الإمام الحسين ع



يخويه إتبدّلت الإحوال   ما بين الأمس واليوم
والأصعب واشد محنه    بناتَك خايفه من القوم

بين النار وعجّ الخيل   بناتك ركضن ابهِمّه
شافن من بُعد منظر        جِسْمَك غارق بدمه
وواحد شايل الراسك      برمح خلاّه بلا ذمه
صاحن يا عدو الله          هاذا بالعرش مرسوم

واليجرح بعد ياخوي     ركضت للنهر طفله
تنادي عمها بو فاضل     وبعينه تصد نبلّه
يعمي طايح الوالي        تقله المدمع تهلّه
ومتني من الضرب مايل  عجيبه ما تفز وتقوم

✍خادمة ابي الفضل

#بعد شيجرح قلبك مولاتي يازينب؟؟
اكثر ما يُدمي قلب الغيور أن زينب فخر المخدرات ، عزيزة الهاشمين ، سيدة الإباء والستر والعفاف مشت دون حُماتها من كربلاء الى الكوفه ، ولكن بأي حال ؟؟

باليدينِ  ..  ساتراتٌ  ..  ساترات
و الحبال  .. حارقاتٌ ..  حارقات

#طور لمن حدى الحادي

لمّن حده بضعني....اللي ذِبح إبني
نفسه اللي يشتمني...ويضرب متن سكنة

والذابح ابن امي....يتشمّت بهَضمي
سَب والدي وأمي....وانه اخفي الونة

رافع رمح بي راس....نبض القلب عباس
من انظره الحُراس....ضربوه على جفنه

واحنه بحزن ماشين....شاهدنا راس حسين
شاهدته عين بعين....راسه يراقبنه

دمعي عمى عيني....عكب الولي احسيني
ابن امي يجفيني...يامصعب المحنة

✍الشاعرة زينب الخفاجي

#محرم_١٤٤٤
#ليلة_الحادي_عشر
#وحشة السيدة زينب ع ليلة الحادي عشر
#اطوار_مختلفه



نِدَهْتَك يا ابو زينب .. تعال وعاين المَنظر
تِحاكيني الزلم واخجل .. وين اهْلِك يا بت حيدر


بظلام الليل آنه وحدي .. ودوّر كم طفل وانعى
الكفالة عالنهر ظَلِّت .. و وِلينه وصُحْبِته صَرعى
محتارة من الشِفته .. ضلوع أمي لَوْن ضُلعه
وخيول اعْداه على صدره .. بحوافِرهم ضّلع كَسَّر


شيّبني الركض واسياط .. ونِدَهتك تحضر العيله
رقيه تِرجف من الخوف .. وجِدَمها احترگت الليله
الرباب من الألم شاحت .. لإبنها اتكَفّنه بشيله
وانه الما شَافَوا خيالي .. بْكُفوفي اثنين انه اتْسَتّر

بِخيامي شفت نارين .. وامي تراوت اقبالي
وعشت الهجمة بعيوني .. من هجموا عليّ تالي
اسْمِعِتها من إلَك صاحت .. ما رحموني يالوالي
مصاب الزّهره صابَنّي .. رِدِت تِحضر يبو شُبر


🖊خادمة ابي الفضل

#وفاة_السيدة_ زبنب ع
#اطوار_مختلفة
# السيدة زينب ع تتمنى حضور العباس ع عند احتضارها



اموتن كيف يبوفاضل ولا تحضر الي دفان
منهو اليحفر القبري وعليّ يهمل التربان

التفقد بُوها ما همها اذا عدها يظل ارجال
شلون ابموتتي هاليوم ما جاني ولا خيّال
اموتن خايفه بغربه وأشد من السبي واحبال
حق العِشره تحضرني وتْضمني بوسط الاحضان

واذا جِيتو وحضرتوني  بس بهيده نزلوني
متني من الضرب نحلان صِبروا مِن تشوفوني
زينب ميتة بعاشور ساعت بإسمي نادوني (واويلاه)
ومن صاح الشمر ويقول جِيبن للسبي النسوان

عجل خويه بالجيّه   مشتاقة وحق عيناك
وتجيب كفوفك إدفنها والرايه تجيب وياك
تغطيني عن النّظار عليّ غالي يخويه لواك
شفته عالنهر مرمي وبعده هجمت العدوان

#مستهل يبوفاض طيحت إيدك مو وقتها

انا جيتك     لا تخافي يالوديعة
انا جيتك     لكن كفوفي قطيعه
انا جيتك    ظلت ابقاع الشريعه
انا جيتك

كيف ادفنِك    قومي لرض الغاضريه
كيف ادفنِك    يساعد حسين الشفيه
كيف ادفنِك    مني مقطوعة إيديه
كيف ادفنِك

🖊خادمة أبي الفضل

https://youtu.be/TUPB7Yaewy8



#ليلة_الوحشة
#اطوار_مختلفة
#ليلة الوحشة على السيدة زينب ع



▪︎.... يُروى كانت مولاتنا زينب اذا خرجت لزيارة قبر امها الزهراء ع أمير المؤمنين بجنبها الحسن والحسين، وكان أمير المؤمنين يأمر ولده الحسن أن يخفض ضوء القنديل كي لا يُرى خيال زينب
واويلاه يا زينب ..، إشحالها بليلة الحادي عشر؟؟؟
وقد امست غريبه .. وحيدة ..



زينب ليلة الوحشه    
             تبكي وتلطم اعلى الراس
صدق إحنه في هالليله   
            حارسنا مهو عباس !!!


سالوفة حزن أروي         يوم الكَلفّه حيدر
جوا العين تِّخليها          اذا يوم الدّهر كَشّر
كافيها الحزن من يوم    ضلع أمها ترا اتكسر
تِظل والعَبره سكابه       وباكر تختنق انفاس
                  
صوب المشرعه شاحت       بنظرها تعاتب وتبكي
اعلى قد ما نادت الكافل     بدَمِعها تسولف وتشكي
يخويه عداك ما ترحم        بشماته تِجْرح وتحكي
واذا أعثر تتبّسم             

#منو اليتبّسم على حالها من بعد عزها، و خدرها وخِباءها 💔

واذا أعثّر تتبَّسم          أشباه الزّلم أرجاس


تدريني الخِدر جِلباب      امن أمي وارثه لخدري
واخيامي خيام الله        ومعروفه انه بقدري
يضربوني على المتنين    وأوقع من ألم واجري (اركض)
إنهض يا كفيل إختك      شافتني العدى و الناس

#زينب قبل ليله كانت في سرادق العظمه والقداسة والكبرياء ، كانت بين اخوتها وحُماتها
ولكنها كانت خائفه مرعوبه من صباح العاشر وما سيجري عليها غداة غدٍ ، العباس سمع أن زينب خائفة وتستعلم عن القوم وأصحاب الحسين ع نياتهم ،مما يُروى خرج العباس وقد رَمى عمامته شاهراً سيفه
وناداها : أوتخافين وانا موجود !!!؟

#طور زينب إجت لحسينها :

تِرجف عقيلة حيدره
خويه يكافل هل تره
عُقبك أروح  ميسره !!؟
ترضالي خويه هالجرح

دق اعلى صدره بو الهِمم
وهزّ بشَماله هالعلم
خادم  جنابك والحرم
خوفك يا زينب كن ذبح

💔افداك يا زينب

#عذريني يختي ابهالوضع
يا وضع يبوفاضل !!؟

عُذريني يختي ابهالوضع
لو شِفتي كَفي منقِطع
وسهم بعيوني هم وِقَع
وابريها ذِمتي من الصبح


إنطبق ظهري بعد فقده / وحِناه
وصبّغت بمأتمه هدومي /  وحناه
دموع العين ترخصله /  وحن آآه
على فقده كفيل الهاشمية


🖊خادمة أبي الفضل

🔶 #الليالي_الفاطمية #ليلة_الوحشة
🔸 #الليلة_الأولى لشهادة السيدة فاطمة (ع)
🔸 #اطوار_مختلفة

اول ليــــــــلة يــــا يُـــمّــــه
          حضنــك   مـــا  يــدفينـــي

بقبـــــرك نــــايمــــه وانــــه
          وحيــده  شــلون  تِخلينــي

عشت ويــاكِ خمس اعــوام
          مـــــــو كافــــي تتركينــــي

وبالخمسين بارض الطفوف
          بــالله  عليـــكِ حِضـريـنــي

┈┉┅━❀ـ❀〰❀ـ❀━┅┉┈

لـــــــو بــيــــدي اخلــيــــك
          ولا تنـامي  وسط  القبــــور

وحشــــة  الليــله  عالعيــله
          دِفنّه  كــل فــرح  و ســرور

مــــو بس  ضلعـك  اتكسّــر
          قلبــي  بفرقتــك  مكســـور

عجيبــه  بعمــري  و اتلــوّع
          وقــــدامي بــعــد عــاشــور

✍ الشاعرة خادمة أبي الفضل (ع)

ــــــــــــــــ●●○●●ــــــــــــــــ

بعــد عــاشــور قــدامــي
            يلفينـي  ابمـــرار  البيــن

أشــاهد  موتــة  الوليـان
            و أشــاهد عالنهـر كفّيــن

و الأصعب  عَلـيّ يْصيــر
            من  انظر حبيبي حسين

من فـوك التــراب الحــار
            عينــــه تنــظــر لعينــــي

┈┉┅━❀ـ❀〰❀ـ❀━┅┉┈

ينظر لي ويصيح بصوت
            خافِت  كله  هم واوجاع

يا زينب  لفانـي  المــوت
            وهـم طاح الكِفَل عالكاع

قبـل الذبحـــة يــاخَيتـي
            خل اوصيج كال ابســاع

داري اطفــالي و الرضّــع
            و احفظيهـا صواوينــــي

✍ الشاعرة زينب الخفاجي

ــــــــــــــــ●●○●●ــــــــــــــــ

#اللهم_صل_على_محمد_وآل_محمد_وعجل_فرجهم

#إلى_أرواح_الشهداء_الأبرار قده
#اطوار_مختلفة
#للذين كانوا معنا في الفاطمية الماضية وكانت المجالس عابقة زاخرة في حضورهم .



يم حسين مولاتي شباب على الوعد ننعاه
كان بمجلسك ينعى ويواسي المِنقطع نحراه
وابوسْطْ الحسينية يلطم والحزن يغشاه
نِحسه اتألم ومنصاب و مسمار الضّلع اذاه


#وبعد شهيدنا من كان يسمع ما جرى عند باب فاطمة :


من يذكر ألم ضلعِك وكم مرة إندفع هالباب
من يذكر لهيب النار وجنينك هالوِقَع بعتاب
مِنه ينهدم حيله ويصرخ صوت يا داحي الباب
حقنا عالبتوله الروح تروح ونندفن بتراب

#مولاتي يا فاطمة ، كما أخذتي بأيديهم ، خُذي بيدينه:

بحنانك زهره ضميهم بعباتك كفني الاجساد
وإعذريهم اذا رِحتي تِلمي أوصالهم بالواد
مثل ما رَكضت الحرة تِدور وين أبو السّجاد
نغسِلهم بدموع العين وعليهم ينكسر الفاد


#لحن إسمع عتابي


وبالفاطميّه
بذيك المسيّه
الكانوا ويانه
صاروا ابوطيّه


النِسمع لْطِمهم
للزهره أمهم
وكسرت ضلعها
باعوا عمرهم


وإحنه الإجينه
ننعى الحزينه
ونبكي لفقدهم
ابدور المدينه


🖊خادمة أبي الفضل

#اطوار مختلفه
#تصوير حضور السيدة الزهراء ع عند ولدها العسكري


تِنوح الزَّهره وجَتلَه    ونارِ احْزانها اثقِيله
إبني العَسكري سَمّوه      ودَمعي ما نِشَفْ سِيله
إِجيتَه لازَمة ضلوعي      وَواسي المَهدي هاللِّيله
فِجَعني دَهري بولادي   وكِلْمَنْ صابوْ ادليله


كِلّ ليلة دَمِعتي تِطوف   على خَدّي واصِيحِ الآه
لَرِض سامِرّا اتعَنّيت      وإِجيت السَّاع الحَسَن اَنْعاه
مِمَدَّدْ عالفِرِشْ بيلوج ولهيبِ السَّم سرى بِحْشاه
يِديرِ العين على المَهدي ووِنينه للقَلِب كواه

*#أين المعدُّ لقطعِ دابر الظلمة ، أين المُنتظرُ لإقامة الأمتِ والعِوج ، أين المُرتجى لازالةِ الجور والعدوان* 💔 :


يالمَهدي إلَك ثاراتْ ما تِخلَص ولا تِنعَد
اوّلها كِسُر ضِلعي  وبَعد يُمّه ضِلوع الجَدّ( واحسينااه)
على حَرّ الثِّره ذِبْحُوه طَريحِ وما إِجاله حَدّ
وعَمّتَك ما اظِنّ تِنسى لَجِلها دَمِعتَك بالخَد


🖊️خادمة أبي الفضل

#الرجوع إلى المدينة
#اطوار متنوعه
#لقاء الإمام زين العابدين ع بعمه محمد إبن الحنفية



نظر الإمام زين العابدين ع إلى عمه قائلاً:

عمّاه لو تنظر إلى أخيك الحسين يستغيث فلا يُغاث, ويستجير فلا يُجار, قُتل وهو عطشان

وأخذ السجّاد يقصّ على عمّه ما جرى عليهم من مصائب..

#طور تمنيته يدوم الليل

شفت اهلي على الغبره وتبدّد كل شمل يا عم
علينه هجمت العسكر ما ظل دار ولا امخيم
ذبايح طاحت الشبان وشفت الشامت اتبسم
وابويه عالرمح راسه لون شفته خضيب بدم

لوتدري بعد شالصار خذونا للسبي بحبال
وعزيزتكم بنت حيدر سبيّه بولية الأنذال
يدخلوها الى الديوان وما كانت ابد عالبال
تنادي وتهمل المدمع جا وين الأخو الكفال


#طور الجفيري

إسمع يا عمي بالجره
حزوا ابويه  ابمنحره
وراسه برمحهم أنظره
وعماتي صاحت معوله

فوق الصدر داست خيول
تطحن ضلوع ابن البتول
حُرمه ما راعو للرسول
وظهري حِنيته ابكربله

لو تسأل إشحال الشباب
كلهم ذبايح عالتراب
والشيبه متروسه بخضاب
دموم الحبايب سايله

واصعب مصيبه اعلى القلب
عمتي العقيلة تنضرب
ومسبيه مشدودة وسحب
وحاديها صاير حرمله

🖊خادمة ابي الفضل

بعد يقله :
جيتك يعمي يمحمد ..  وشمل عزي تبدد
عفت والدي ابكربلا امدد ..  ويعمي ابرمح راسه تصعّد
وآنه ويّه عمّاتي مگيد وحيد  .. واخذونه من مشهد لمشهد
(منقول)

#طور الفراق

شحكي عمي    بويه عالرملة رميّه
شحكي عمي    عاري مطروح ابوطيه
شحكي عمي     وراسه صار ابسمهريه

آيعمي    جيتك ودمعي تقطر
آيعمي    لعمتي ما انسى منظر
آيعمي    عالرمل كل ساعه تِعثر


🖊خادمة أبي الفضل

#الأربعينية
#اطوار_مختلفة
#لسان حال السيدة زينب ع عند قبر العباس ع



عذبني الدّرب والسوط .. وعدوك أشْرّ عليّه
إلَك رديت يبوفاضل  .. من الشامات محنيّه

تركتوني ما بين ارجاس  .. شفت الما يمر عالبال
واحد يضرب ابمتني  ..  والثاني يشد الِ حبال
غريبه والدرب وحشه .. المثلي  ما تصدها ارجال
تصدقها الشمر حادي !! رافقني وشمت بيّه


حال الشام لوعني  ..  وإجيت أشكي إلك همي
أحلفك بالضلع عباس .. محتاجه تجي يمي
اكتافي امورمه وقلبي .. تفطر هم عل ابن امي
هاي عيوني بس تنهض .. وإلك فدوه أمد دَيّه

#بعد اشصار مولاتي يا زبنب ؟؟

خواتَك عالهزل طِلعن .. و وسط السُوق مرونه
مسبيات بِدينه احبال .. عقب عِينك يهضمونه
وبعد المجلس المشؤم .. بخرابه القوم خلونه
وهاذاني إجيت اليوم .. ولا واحد فزع ليّه


🖊خادمة أبي الفضل

#اطوار_مختلفة
#يوم_الحادي_عشر


قبل ما أرتحل عنّك وعوفك عالثّرى مطروح
قِمت اسعى ودمعتي تفيض على خدّي وقلب مجروح


يا ربّي تهوّن مصابي أُخُوتي اعْلى الثّره عالقاع
هذا مصوّب بعينه  وهذا مرضرض الأضلاع
وانا اتلوّى مِنْ الِسياط وابكي اعْلَى خِبايه الضاع
مصايبكم تهد روحي واصعبها الولي مذبوح


معقوله النّحر محزوز مكان القبّله الهادي
ومنّه مقطّعة اوصاله كَنّ الِمْقطَّع أفّادي
بوسط صدره شِفت حافر يده  تبت العادي
واحس راسه يصد ليّه الهوه بشيبه يرف ويلوح

# بعد وين تروح زينب كأني توجهت الى كافل خدرها :

انادى عالكِفل خدري وتشبح عالنّهر عيناي
بلا عيونه ولا كفّين حرموني من الوفّاي
بحبلهم قيّدوا إيدي وصرت فرجه تشوف اعداي
مانه بذِمِّتَك عباس وهاذا الزيّد الجروح


🖊خادمة أبي الفضل

#محرم_١٤٤٥
#طور_خل_إيدك_بإيدي
#حضريني_يالزهره
#اطوار_مختلفه
#العاشر




رَدّلي المُهُر خالي        وْسَرْجَه عَلِيهِ ايْلُوح
مِنْ شِفته امْخَضّب    اعليمن إجاني النّوح
وين الوَلي قِلّي         خُويه وِشْريك الرّوح
قُمِتْ أركُض وسِكْنَه  خوفي الأخو مذبوح


شِفْت السّبط مَرمي     وِجْروحَه هَم كَثره
نِبْل وحَجَر وِاسْهام      وِمْثَلَّث ابْصَدره
ومثلك ترى ضلعه      حضريني يالزهره
فوق الرِّمح راسه       وجِسمه على الغَبره


ذِبْحَوا عزيزي حسين    والشّيبه مَخضُوبه
حتى الصُّبع مَقطوع     وأَوْصاله مَسْلوبه
ما بيّه حال النّوح         عِنيني مَتْعُوبه
وْسَاتِر يا ريت اوْيَاك    خْيَامي مَنْهوبه

#حضرت الزهراء بروحها ولسان حالها :

جِيتِك لاطمة يُمّه وسوا ننعي على المذبوح
ولمّ بشِيلِتي اوْصَاله وْجِسْمَه المنْتِرِس بِجْروح
وْاَغطّيلَه جَرِح نَحره  وْعَلى نَحْرَه أقيم النُّوح
لفيته ونَاسيَه امْصابي امْصَابه ال بَسْ يِفِتّ الرّوح

#طور_الفراق

هاذا إبني     جِايه انْظُرلَه الْجَراله
هاذا إبني     طَايح بْطَفَّه وْرِمَاله
هاذا إبني     خربوا جِسْمه و جماله


مِنْ وِصَلْتَه     سَالَت ادْموعي وْنِدَبْته
مِنْ وِصَلْته    عَدِّدِ اجْروحَه وحِضَنْته
مِنْ وِصَلْتَه     بِيّه أشْعُر حَزّ رُقُبْتَه💔


هنانه شفته  إبني طايح ذابحينه
هنانه شفته  بلا هِدم و مسلبِينه
هنانه شفته  دامي راسه و رافعينه

🖊خادمة أبي الفضل

# شو صاحتله :

في وينه راسك
منهو اللي داسك
وخمد إنفاسك
يا وليدي حسين

جِيت انه عندك
ابكي اعلى فقدك
في وينه كبدك
منزوعه ثلثين
(منقول)

#اطوار مختلفة
#حضور السيدة الزهراء ع عند ولدها الإمام الحسين ع



إجاني الصوت يا زهره  ذبيح إبنك برض الطفوف
خبر ذبْحَك شَعَب قلبي وإجيتك هروله وبَ طُوف

💔راحت الزهراء ع وتدوّر إبنها وكأني تنادي :

وينه إبني  ..  وينه إبني  ..   وينه إبني    آآه


لِفيتك صابغة هدومي أركض دوّرك يا حسين
إحتاريت أجيلك كيف دليني اعلى حالك وين
امشي اتعثر بحزني ما أقدر أشوفك زين
بس أنظر سعير النار وعجاج الخيل ييمّه الحين


ما انسىَ وداعك ذاك  وانا اموسدهَ الأكفان
تِحاكيني قبل " ما موت"  تِقلي والقلب لهفان

*#هذا لما إنتهى أمير المؤمنين من تغسيلها وتكفينها وقبل أن يعقد الكفن ، نادى على اولاده لوداعها، اسرع الحسين إرتمى على قدميّ أمه يناديها "  كلميني قبل أن ينصدع قلبي فأموت :*

ما انسىَ وداعَك ذاك  وانا اموسدهَ الأكفان
تِحاكيني قبل " ما موت"  تِقلي والقلب لهفان
حِضنتك بَرّد ادلِيلك لأن ادري تظل عطشان
واخذ من ألم الضلوع صدرك للطحن ميدان


وصَلتك والصبر من وين أحاكي نحرك المنحور
وبصدرك كسور اهواي مو واحد ضلع مكسور
صرت أجمعها أوصالك وبعد منك صُبع مبتور
وفرشت اعبايتي امخيّم أخليها ستر و خدور


🖊خادمة أبي الفضل

#٨_شوال
#هدم_قبور_الأئمه
#اطوار_مختلفة



قلب المهدي املّوع كل ليله بعد ليله
يبكي عالغريب حسين وبقيع الزهرا يدعيله
قبور اجداده هَدّمُوها مثل امخيم العيله
ترابه وخاليه ظلت لا قبّه ولا حضره


لا شباك ولا مناره  لا زاير يطب ينعى
بس دمعه ومن البعيد نعزي الطّاهره البضعه
بإبنها المجتبى المسموم ونشعل من بُعد شمعه
ولابو الباقر وابو الصادق  الف غصه والف حسره

يمتى انشيّد القبور يمهدينه ونجي زوار
ونستأذن على الصادق الشبت في دياره النار
وسوا نلطم على المظلوم لمثل حسين ابد ما صار
وبعد نمشي لأم عباس وفه منا الى الزهره



آيمهدي _ آيمهدي

ليا جَرح دمعك تسيله  ..  تبكي كم قبة شريفه
كم صحن تبكي العفيفه  ..  ل يمتى احقاد السقيفه


آيمهدي _ آيمهدي

ننتظر منك علامه   ..   ما دريت اشصار بينه

ظلمه دونك هالمدينه  ..   ليمتى جمعتنا حزينه


🖊خادمة ابي الفضل

#اطوار متعددة
# حال السيدة زينب في حياة أبيها أمير المؤمنين ع وبعده



▪︎...تقول الروايات ان مولاتنا زبنب كانت اذا خرجت ليلاً لزيارة قبر أمها الزهراء ع
علي أمامها والحسن والحسين عن شمالها ويمينها ، ومما يُروى كان أمير المؤمنين ع يقول لولده الحسن ع :
بنيّ اخفض ضوء السراج
ليش !!!!
كي لا يُرى خيال زينب💔

#ومثل هاي الليالي زينب تزور قبر أبيها ع ولسان حالها

تجر اذيالها طلعت         وخدها بالدمع سكاب
وصلت للقبر صاحت     صدق بويه تحت التراب

أذكر من قبل وياك        لقبر أمي مِن اطلع
تحاوطني زِلم هاشم     وكل واحد إلي يفزع
عساها اتطول لمتنا       أَدعي وعيني بس تِدمع
طولي ما حد لشافه     ومستوره عن الأجناب

#نعي مجاريد

انه مخدرة حامي الحميه
خَيال محد شاف اليّه
ياخوفي من الغاضريه
يرحون اخوتي من اديّه
واتحيّر بديره اجنبيه
وبعد الدلال اصبح سبيه
وذبّاح اخوتي يحدي بيّه
(ام محمد الحجاج)

#أبوذيه

عليّه اسودت الدنيا  ولا مال
تشيل الحمل من يثگل ولا مال
يظل دمعي لحد موتي ولا مال ( ولا مل)
ونتلاقي سوا بالغاضريّه

#آآ ه يالغاضريّه ،،، الحديث كما حدثتك أم أيمن يا زينب ، قبل شهادة أمير المؤمنين زينب ألقت بنفسها على صدر أبيها وقالت: يا ابه حدثتني أم أيمن بحديث كربلاء، وقد أحببت أن أسمعه منك

فقال عليه السلام: يا بنية ! الحديث كما حدثتك أم أيمن، وكأني بك وبنساء أهلك لسبايا بهذا البلد، خاشعين تخافون أن يتخطفكم الناس، فصبراً صبر..
اهناك زينب خاطبت أبيها علي :


#لحن_حسين_انذبح يا زهره

باكر يبويه اليجري 
بطف الرزايا أجري ( اركض)
يشاهدني شامت ادري 
تخنقني بويه العبره

#نعم مولاتي يا زينب ابكربلا  تشوفِك اشباه الرجال ، ويسمعون صوتك وانت تنادين أخي اباعبدالله ان كنت حياً فأدركنا ...
أخي حسين ليت الجبال تدكدكت على السهل..
اخي حسين ليت الموت أعدمني الحياة..

يالنايم بحرّ تُربه
الف وتسعمِيِة ضربه 
ودمك نزيف ابصَبه
وين التِجينه الزهره
وين التِجينه  الزهره

يا زهرااااااء

ذبحوا يُا يمّه الغالي
وراسه بدمومه يلالي
عالي رُمحهم عالي  ..  ليش يا زينب ، اشتريدين !!
مقّدر ابوسه بنحره
مقّدر ابوسه بنحره

#لحن إسمع عتابي

جِثته بلِرمال
وموذره أوصال
ونار بخيامه
مذعورة العيال

# نعم الزهراء ع حضرت و تجاوب زينب :

كِفي ونينك
يوجع حنينك
لازمه اضلوع
جِيت اعِينك


🖊خادمة أبي الفضل