Mahin's World

Shu kunlarda ziyolilarni tashvishga solayotgan masala yuzasidan. O'tgan yili ancha semiz bo'lgan smeta bu yil birdaniga ozib ketgani ko'pchilikni xafsalasini pir qildi. Loyiha atrofida ham turli yaxshi bo'lmagan fikrlar kezib yuribdi,  Bu masalada loyigaga u yoki bu jihatdan aloqador turli odamlardan  eshitganlarimni umumlashtirib, tahlil qilganimda g'alati manzada hosil bo'ldi.

Ha, aybdorni topish, qo'lni bigiz qilib, uni ko'rsatib yuborish juda oson. Loyihaga va loyihada asli nima bo'layotgani haqidagi surishtiruvlarim ham turli tomonlarning turli kishilarni aybdor qilib ko'rsatishi, hamma aybni bir kishiga yuklab qo'yishi bilan yakunlandi. Loyigaga aloqador bittasi "loyiha rahbari chatoq" degan bo'lsa, boshqa biri "loyiha rahbari sutdan ham oppoq farishta, parda ortidagi shaxs(lar) uning halolligi va prinspliligi sabab chiqishtirmayapti" deyapti. Kimga ishonamiz endi?

Xalqimizda bir bo'lmag'ur gap bor. "Ikkita qo'chqorning kallasi bir qozonda qaynamaydi". Mana shu maqolni o'zimizning qusurlarimizga bahona, iflosliklarimizga taskin sifatida ishlatamiz. Xasadimiz, ko'ra olmasligimiz natijasida o'zimizdek/dan aqlli, intellektli boshqa insonni pastga urish uchun vosita bo'ladi bu maqol. Aslida millatni, mamlakatni yuksaltirish uchun bir necha kallalar bir qozonda qaynay olishi kerak.

90-yillarning boshida juda ko'p shoir-yozuvchilar davlat xizmatiga olingan. (Ha, o'sha paytda mustaqillikka erishilishida bu insonlar yetarli jonbozlik ko'rsatgan va bunga haqli edilar). Keyin nima bo'ldi? Bu ziyolilar millatni, mamlakatni yuksaltirish o'rniga bir-birining tagiga suv quyishga o'tib ketishdi. Hammasi o'zicha aqlli edi, hech biri boshqa birovini tan olmas edi, barchasi uchun o'zidan boshqalar "tupoy" edi. So'ng sal teparoqdagilar ig'vo-tuxmat qilib, boshqalarini amaldan tushirishga kirishdi, "zapret"ga tiqdirdi, ovozini o'chirdi. Natijada 10-15 yilda bitta-yarimda ildizi baquvvatlashganidan tashqari hech qaysi ziyoli davlat amalida qolmagandi. So'nggi bir necha yil umrini "zapret"da o'tkazgan bir buyuk o'zbek shoiri amalda ekanligida boshqa bir o'ziga raqib deb bilgani qabuliga ichib kelganida (u odam ichib yurishini hamma bilgan, oddiy qabul qilgan, xalq shoirining ichishi oddiy erkalik deb tushunilgan), melisa chaqirib, 15 sutkaga tiqtirgani haqida sahih manbalardan ma'lumotlar mavjud.

Yuqorida aytilgan loyiha rahbarlari, loyiha atrofida ishlab yurganlarni ham sirtdan bilaman. Ularda ham shu "birlashmaslik", faqat o'zini hamma narsaga qodir aqlli deb bilish, o'zidan boshqalarni "tupoy"ga chiqarish odati borligi haqida eshitganman (ha, bu mish-mish, tepasida turmaganman, tutib olmaganman). Bu xususiyat borib-borib hech kimni mensimaslikka, burun ko'tarilishiga, kibrga, xasadga, fisq-fasod va ig'voga, oxirida esa ma'naviy tanazzulga yetaklaydi.

Tarix bizga dars bo'lishi lozim. Mustaqillikning ilk yillarida ziyolilar birlashib, xalq manfaati uchun harakat qilganlarida, hozir anchagina yaxshiroq jamiyatda yashagan bo'lardik. Iltimos, hurmatli ziyolilar, sal burningnizni tushiring, sizdek/dan aqllilar ham bor orangizda. Loyihada kelib chiqqan konflikt ham, chiqib ketgan gap-so'zlar ham siz tashqi omil deb hisoblasangiz-da, ayni o'z harakteringiz ortidan kelib chiqqan murosasizlik hosilasidir. Oynaga qarab, tan oling, kibringizni sindiring. Sizdan boshqalar ham aqlli, sizdan boshqalarda ham sizdagi qobiliyat va ko'nikmalar mavjud.

Necha yil deganda, nihoyat rahbariyat yana ziyolilarga sal teparoq chiqishga imkon berdi. Bu imkonni kibringiz va boshqalarni mensimasligingiz bilan ko'tingizga tiqmang. Boshqa kallalar bilan bir qozonda qaynasangiz biror joyingiz kamayib qolmaydi, balki bu kallalar birlashib, yanada yaxshiroq natijalar beradi.

Darvoqe, bu gaplar nafaqat loyiha atrofidagilarga, balki o'zini ziyoli deb biladigan (yoki ziyoli deb 10-15 kishi tan oladigan), biroq burnini tagini ko'ra olmay, o'zidan boshqalarni past ko'radiganlatga ham tegishli.

#new_books

Dekabr oyida wishlistimdan sovg’a qilinganlar va o’zim sotib olganlarim bir rasm bilan ifoda etilganda.

Hammaga rahmat, wishlistimdan kitob sovg’a qilishda davom eting

@mahinsworld

#faxr

Kecha Bookuzga aylanib borgandik. Do’kondan shularni yig’dik. Bilmaganlar uchun rasmdagi kitoblar Ahror Sharif ning tarjima kitoblari. Hammasi ham emas, do’konda borlari faqat (rasmdagi essensialism qayta tarjima qilingan, eski nashr emas).

Birgalikda orzu qilgandik - bizning kitoblar uchun kutubxonamizda alohida javonimiz bo’ladi, deb. Javonda menimcha Ahror Sharifni ijodi ko’proq bo’lsa kerak.

@mahinsworld

#nimadir

Dunyo ikkiga bo'linadi: yaxshi kitob va trend uchun kitob o'qiydiganlarga.

@mahinsworld

#nimadir

Hayot o'zinga yoqmaydigan kitoblarga vaqt sarflashing uchun o'ta qisqa

@mahinsworld

Uzoq kutilgan yangi video YouTube’da. Qo’llab-quvvatlang. Ko’ring, ulashing, izoh yozing va a’zo bo’ling

https://youtu.be/2OSpP5bzQ0I?si=mhp2_iYihQwJ1q-5

#book_review

Haruki Murakami – zamonaviy adabiyotning o‘ziga xos, ajralib turuvchi ovozlaridan biri bo‘lib, uning asarlari shaxsan menga o'zgacha nafas beradi. "Murvatli qush" (“The Wind-Up Bird Chronicle”) asari esa boshqa asarlariga qaraganda butkul o'zga dunyo. Bu roman bir vaqtning o‘zida mistik, falsafiy, tarixiy voqealarga boy va chuqur insoniy tajribalar bilan boyitilgan bo‘lib, unda Murakamiga xos g‘aroyiblik va hayotning ko‘rinmas qatlamlari aks etadi.

Ushbu asarda biz turli yig'malarni ko'ramiz : Okadaga xatlar (epistolyar yo'nalish), gazeta-jurnallarda maqolalar (sirli villa, Okadaning qaynakasi haqida), insonlarning kechinmalari, shaxsiy hikoyalari. Asar shunchaki bir qahramonning kundalik hayoti bilan boshlanadi. O'qib boshlaganingizda bari oddiydek ko'rinadi - sizu menga o'xshagan oddiy bir inson spagetti pishirishga urinayotgani, uy yumushlarini qilishh kabi. Biroq, ana shu odatiy hayotiga mistika qadam bosadi: sirli qo'ng'iroqlar, mushugining g'oyib bo'lishi.

Asar o'zida Ikkinchi jahon urushi davri hamda hozirgi Yaponiyani jam qiladi. Bu safar biz Ikkinchi jahon urushini mutlaq boshqa tomondan ko'ra olamiz. Hayvonot bog'i, urush fonida hayvonlarning ayanchli taqdiri, yaponlarning rusning sovuq o'lkalarida mavjud shaxtalarda jon bergani bizni urush foniga olib ketadi.

Asar bosh qahramoni Okada bu dunyoda o'zini ruhan izlayotgan, hayotdan ma'no qidirayotgan inson. Hatto bu uchun u doimiy ishidan ham ketgan. Uning hayoti chetdan qaraganda orzudagi hayotga juda o'xshaydi - ishga bormaydi, kitob o'qiydi, musiqa tinglaydi, o'zini izlaydi, sayr qiladi. Ammo, yuqorida aytganimdek mushugining yo'qolishi osuda hayotiga quyundek kelgusidagi barcha voqealarga debocha bo'ladi.

Asar turli ramzlarga boy bo'lib eng asosiysi qush va quduqdir. Shaxsan o'zimga eng qiziq bo'lgan ramz ham quduq, deb ayta olaman. Quduqni Murakami avlodlar tajribasi, shaxsiy izlanish, ruhiy holatni anglash bilan ramzlaydi. Katta ehtimol bilan bizning Haruki Murakami quduqda bo'lgan bo'lsa ham ajablanmayman. Chunki uning tasvirlari aniq va tiniq quduqda bir necha kunini o'tkazgan insonning hislari va so'zlarini ifodalaydi. Quduq atmosferasi, qorong'ulik, hidi, aynan quduqda keladigan o'y-xayollarni bu darajada mahorat bilan tasvirlashiga sabab ham Murakami aniq quduqda yashab ko'rgan bo'lsa kerak.

Rosti Murakamining kitoblaridagi umumiylik musiqa, kitoblar, sokinlik, ruhiy izlanish, qorong'ulik, deya olaman. Hayronman u g'aroyib bir qahramonlarni qayerdan topishi mumkin. Uning qahramonlari bir qarasangiz sizu men, ammo boshqa tomondan qarasangiz esa o'zgacha bir odamlar. Eng qizig'i esa men Murakamini doim qishda o'qir ekanman. Qiziq va atay bo'lmagan tasodif. Gapim yakunida aytmoqchimanki - o'qing. Murakami hech qachon kamlik qilmaydi.

@mahinsworld

Tanlov!

Shartlar juda oddiy:
✅ Birburchak va Mahin’s World kanallariga a'zo bo'lasiz;
✅Va shunchaki pastdagi "QATNASHAMAN" tugmasini bosasiz. G'oliblarni telegramning o'zi random orqali aniqlab beradi.
❗️E’tiborli boʻling, kanallarga a’zo boʻlmasangiz gʻolib boʻla olmaysiz.

🏆Gʻoliblarimiz 6 nafar bo'ladi. Gʻoliblarga rasmdagi kitoblardan biri beriladi.

Natijalar 26-dekabr kuni 20:00 da e'lon qilinadi.

🔜Xabarni kitobxon tanishlaringizga ham yuborib qo'yishni unutmang. Barchaga omad tilayman!

Juda kreativ taklifnoma

@mahinsworld

​​#book_review

Pol Osterning “Nyu-York trilogiyasi” zamonaviy adabiyotda o‘ziga xos o'rni bor, janrlar o‘rtasidagi chegaralarni hamda tushunchalarni qaysidir ma'noda olib tashlagan kitob. Ushbu trilogiya uchta alohida, ammo bir-biriga uzviy bog‘liq qissa — “Shisha shahar”, “Sharpalar” va “Qulflangan xona”dan iborat.

Osterning trilogiyasi klassik detektiv asarlardan farqli tarzda, sirlarni yuzaga chiqarish va ochishdan ko'ra, kitobxonni yanada chuqurroq savollarga g'arq qiladi. Asarning diqqat markazida voqealar rivoji emas, balki qahramonlarning ichki olami va ularning o‘z-o‘zini his qilish, bilishi turadi. Muallif murakkab, ko‘p qavatli syujet tuzilmasi orqali o‘quvchini real va surreal voqealar o‘rtasida sarson qiladi.

Osterning trilogiyasida takrorlanadigan asosiy mavzulardan biri shaxsning o‘zini anglash va identifikatsiya qilish masalasi. Qahramonlar ko‘pincha o‘z ismlarini, rollarini yoki hatto borliqlarini yo‘qotadi. Masalan, “Shisha shaharcha”da yozuvchi va detektiv o‘rtasidagi farq yo‘qolib, asosiy qahramon o‘zini bir nechta shaxsiy qiyofalarda his qiladi.

Muallif hikoya qilishning shakli va mazmuni mohirona tarzda chap qo'lida o'ynatadi. Asardagi metatekstual elementlar — hikoya ichidagi hikoyalar va muallifning bevosita o‘quvchi bilan dialogga kirishi — o'quvchini yanada o'ziga mixlab qo'yadi. Siz o'qir ekansiz, passiv o'quvchidan vaqealar ichiga tushib qolasiz va qahramonlar bilan birgalikda harakatlana boshlaysiz.

Asarni o'qib chiqqanimga bir necha oy bo'lganiga qaramay, hanuz review joylamagandim. Yuqorida kitobning ustunliklarini aytgan bo'lsam, endi kamchiliklariga to'xtalsam. Rosti o'zbek tilida o'qish juda qiyinchilik tug'dirdi. Balki Osterning atmosferasi, stili boshqayu tarjimada dabdabalik qo'shilgani, Pol Osterni avval ham o'z tilida o'qiganim uchun bo'lgandir. Kitobni tamomlaganimda - 2,3 ni kitoblarini rosti tushunish qiyinchilik tug'dirdi. Shu sabab boshqa tilda o'qishga majbur bo'ldim. Boshqa tilda esa xuddi oshnam bilan gaplashdek his qoldirdi va yaxshi tushundim. Asar ichidagi ko'zga ko'ringan xatolar haqida to'xtalishim shart emas, deb o'ylayman. Sababi sinchkovlik bilan o'qisangiz anglaysiz. 2-kitobida ba'zi qahramonlar va boshqa xatoliklar ham mavjud. Rosti kitoblarni kamchiligi haqida yozishni yoqtirmayman, agar tavsiya qilishni istamasam yoki juda xafsalam pir bo'lsa yozmay qo'ya qolaman. Kitob o'qishli va qiziq bo'lgani sababli yozishga qaror qildim.

@mahinsworld