Ilm duri

#Kun_hadisi

Sa’d ibn Abu Vaqqos (roziyallohu anhu) rivoyat qiladi.
“Yo Allohning rasuli, qanday odamlar qiyinchiliklarga ko‘p duchor bo‘ladi?” dedik. U zot: “Payg‘ambarlar, so‘ngra ularga yaqinlar, so‘ngra ularga yaqinlar. Kishi diniga qarab musibatlanadi. Agar dinida mustahkam bo‘lsa, musibati og‘ir bo‘ladi. Agar dinida bo‘sh bo‘lsa, Alloh uni diniga yarasha musibatlaydi”, dedilar.

🎯 @ilm_duri

Imomi A’zam nasihatlari va o’gitlari

Imomimiz deydilar:
– Ey Yoqub! Sen birinchi navbatda ilm ol, undan keyin halol yo‘l bilan molu davlat orttir. Ana undan keyingina uylan. Agar ilm olish davringda mol topishga qo‘shish qilsang, ilm hosil qilishdan mahrum bo‘lib qolasan.
Odamlarga bepisand bo‘lma. O‘zingni ham, boshqalarni ham hurmat qil.
Ilmdan yuz o‘girma, shogirdlaringga ahamiyat qil. Ularning ilm olishga qiziqishlarini kuchaytirish uchun birini ota, boshqasini o‘g‘il qilib ol.
Ko‘p kulma. Zero, bu qalbni o‘ldiradi. Doimo ohista yur. Yumushlarda shoshma-shosharlik qila ko‘rma. Ortingdan chaqirganga javob berma. Chunki mollarnigina orqasidan chaqiradilar. So‘zlagan vaqtingda qichqirib gapirma va ovozingni baland qilma, og‘ir-bosiq bo‘l. Shunday qilsang, sening sobit­qadamliging hammaga ayon bo‘ladi.

«A’lom al-Axyor» kitobidan

🎯 @ilm_duri

Haqning yana bir xususiyati shuki, u birovlarning ko'magiga muhtoj emas, har dam o'z oyog'ida turaveradi. Botil esa tirgaksiz bir kun ham yashay olmaydi.
Haqiqatni bezash, tanitish, targ'ib qilish, e'lon etish shart emas, uning turishi o'zi quvvat, go'zallik va dovrug'dir. Uni tirik qalb, uyg'oq vijdon darhol taniydi. Yolg'on bulutlari uni ko'zlardan to'sishga har chand urinmasin, haqning quyoshi porlagan zamon botil yo'q bo'lib, yana hamma haq tomon talpinaveradi.

Hozirda dunyoning bir chekkasida kechayotgan hodisalarning butun insoniyat e'tiborini o'ziga tortishi ham aynan haqiqat bo'lganidandir. Bugun dunyo yolg'onga to'lib-toshganidan insonlar haqiqatga shunchalar tashna bo'lib ketibdiki, birov ozgina to'g'ri so'z aytsa, behos hamma unga intilmoqda. Mana shuning o'zi ham bu olamni yaratgan Zot borligini va Uning irodasi barcha xohishlardandan g'olib eknini ko'rsatadi. Baxt esa dunyoda haqni topish va haq tarafida bo'lishdir.

Ulamolar aytadilarki, kim yolg'onni g'olib bo'ladi deb ishonsa, u Alloh taolo haqida yomon gumon qilgan bo'ladi. Bu esa iymonga xatardir. Zotan Alloh O'zi yaratgan bu ko'hna dunyoda hamisha haqni g'olib qilishni bitib qo'ygan va bu Uning biru borligini anglatuvchi belgilardan biri hisoblanadi. Zotan, haq Haqdan darakdir.

Hasanxon Yahyoxon Abdulmajid

🎯 @ilm_duri

#Kun_hadisi

Imom Buxoriy rivoyat qilgan hadisda Payg‘ambarimiz(s.a.v) shunday deganlar: “Kimki tilanchilik qilishdan saqlanish, oilasini boqish va qo‘ni-qo‘shnilariga muruvvat qilish maqsadida halol yo‘l orqali rizq topish bilan mashg‘ul bo‘lsa, qiyomat kunida u Alloh taolaga yuzi to‘lin oydek yorug‘ bo‘lgan xolida yo‘liqadi”.

🎯 @ilm_duri

#Maqola

MA'UNAT SO'NGGI NUQTADA BO'LADI

Alloh taoloning dunyodagi qonuninyatlaridan biri shuki, dunyoni sababiyat ustiga qurgani uchun bandalarning avvalo ushbu sabablarni ishga solishlarini talab qiladi. Biroq, sabablardan tashqari ishlar ham bo'lib, bular Allohning ma'unati, ya'ni yordami va karomatidir.

Sababiyat qonunida mo'minu kofir barobar, ammo ma'unat va karomat mo'minga xosdir. Biroq, bu imtiyoz muyassar bo'lishi uchun mo'min avvalo o'z imkoniyatidagi barcha sabablarni bor kuchi bilan ishga solishi kerak. Bunda dunyoda mavjud sabablarning hammasini topish shart emas, muhimi o'z qudratidagi barcha sababni ishlatishidir. Ana shunda mo'min ilohiy ma'unatga haqli bo'ladi va yetishadi. Buni ayrim misollar bilan tushuntirish mumkin.

Masalan, hammamizga kerak bo'lgan vaqtdagi baraka. Kishi vaqtni tejash uchun kerakli harakatni qilmay turib vaqtiga baraka so'rasa, uning duosi ijobat topmaydi. Ammo vaqtni tejashga zarur bo'lgan choralarni ko'rgan mo'min kishining vaqtiga shunday baraka beriladiki, u bir barobar tejagan bo'lsa, Alloh taolo uning ishiga besh-o'n barobar natija ato etadi va hatto karomatga, ya'ni favqulotda muvaffaqiyatga noil etadi.

Bunga tarixdan misollar ham ko'p. Muso alahissalom qavmi bilan oldida dengiz, ortida dushman turgan bir paytda “Alloh men bilandir”, dedilar. Shunda dengizdan yo'l ochilib, Fir'avn va uning to'dasidan najot topishdi. Iyso alahissalomni yahudiylar barcha tarafdan qurshab olib, bostirib kirishganda Alloh taolo u kishini osmonga ko'tardi.

Muhammad alayhissalomning uylarini Makkaning yonlanma qotillari to'liq o'rab oldi. U zot barcha ehtiyot choralarini ko'rib, hatto dushmanlarni chalg'itish uchun yosh yigit Aliy roziyallohu anhuni o'rinlariga yotqazdilar. Biroq, uydan chiqsalar, qo'lga tushadigan vaziyat, tashqarida dushmanlar poylab o'tiribdi. Shunda ishni Allohga topshirib, eshikdan yurib chiqib keldilar. Uyni qurshab olgan bir to'da odamdan birortasi u zotni ko'rmadi. Chorasizlarning chorasozi bo'lgan Zot dushmanlarning ko'zlariga parda tortgan edi.

Ahzob urushida musulmonlar o'zlariga nisabatan o'n barobar kuchli va o'n barobar ko'p dushmanga qarshi himoyada turishdi. Bir oy davom etgan bu urushda kerakli barcha choralar ko'rildi. Kutilmaganda Banu Qurayza yahudiylari ahdni buzib, hujumga shaylandi. Odamlar halokat yoqasiga keldi, yuraklar bo'g'izlarga tiqildi. Oldi tarafdan kelgan dushmanlarga chora topishgan edi, orqadan kelayotgan hujumdan esa himoyalanish imkoni yo'q edi. Shunda Rasululloh sollallohu alayhi vasallam Alloh taologa yolvorib duo qildilar. Shu kecha qattiq shamol turib, dushmanni ag'dar-to'ntar qilib tashladi va ular shumshaygancha ortga qaytishdi.

Mazur holatlarning barchasida musulmonlar avvalo barcha choralarni ko'rishgan va qolganiga Allohdan madad so'rashgan. Imkoniyatlari tugab, ish so'ngi nuqtaga yetganda, ularni Alloh taoloning O'zi qo'ridi. Ishning bu darajagacha yetishi esa mo'minu kofir uchun bir imtihon bo'ldi.Ushbu qonuniyat shaxsiy turmushga ham, ijtimoiy hayotga ham barobar tegishlidir.

Binobarin, bugun biz avvalo shaxsiy hayotimizni tuzatishimiz, shu bilan birga, jamiyatni isloh qilishga ham imkon qadar harakatda bo'lishimiz, qudratimiz yetganicha yaxshilik taratishimiz kerak. Har kim o'z vazifasida, o'z ta'siri doirasida qo'lidan kelganini qilib, ixlos bilan yaxshilikka intilgandagina qolgan imkoniyatlar ochiladi va qilingan mehnatga Alloh taolo ko'plab muvaffaqiyatlar ato etadi, kutilmagan natijalarni beradi. Mana shuni baraka deydi. Ammo hech qanday chora ko'rmay, yaxshilikka intilmay, kamiga aksincha ishlar qilib, g'aflatga botib, keyin duo qilish yoki yaxshi natija kutish o'ta katta xato, o'zini aldashdan boshqa narsa emas.

Imom Ahmad o‘z «Musnad»ida Ammor ibn Yosirdan rivoyat qiladi: «Rasululloh (sollallohu alayhi vasallam): «Yetti narsa fitratdandir: og‘izni g‘arg‘ara qilib chayish, burunni chayish, mo‘ylabni qisqartirish, misvok tutish, tirnoqlarni olish, qo‘ltiqlar tagini, kindik ostini pok tutish va xatna qilish», dedilar.

🎯 @ilm_duri