MohiRa

Мен сенда кўрган аёзни ҳеч бир баҳорга алмашмайман!

@shomuz   -  Yo‘limiz  bir!

Sarhisob òrnida

O’tgan 2024-yilni tahlil qilishga yil so’ngida ko’p vaqtim bo’ldi. Butun yilni stressda yashagan bo’lsam, kutganimga zid so’ngi biroz xotirjamlik bilan kechdi. Bunda o’tgan yilda turib bergan, 2025 ga tirik yetib kelgan O’zimdan chin dildan minnatdorman! Xatolari tajriba berdi, yutuqlari o’ziga ishonch berdi - xullas, shunchaki kun kechirmadim.
2024-yil uchun tuzilgan reja 90 foizga bajarildi, amalga oshdi. “Bo’lmaganlari” menga bog’liq bòlmadi. Xudoning menga berganiga shukur, bermaganlarida bir xayr kòrdim.
O’tgan yilda ko’plab nashrlarda yozganlarim bosildi, e’lon qilindi, tv ko’rsatuv, eshittirish, podkastlarda mehmon bo’ldim, “Zulfiya” nomidagi Davlat mukofotini oldim, yozuvchilar uyushmasiga a’zo bo’ldim, Izlam to’plamida “Qirq birinchi kun” kitobim chiqdi, attestatsiyadan o’tib 2-toifali pedagog bo’ldim, Milliyda magistraturada o’qishni boshladim, deyarli hamma viloyatlarda va bitta chet davlatida sayohatda bo’ldim, juda ko’p yaxshi do’stlar orttirdim, odamlarni tanidim, ular meni tanishdi, o’rgandim, o’rgattim - o’z-o’zimdan qoniqish topdim. (Qisqa muddatga bo’lsada)
Bu yil og’ir o’tdi.
O’zimdan o’tganini o’zim bildim. Lekin faqat natijaga qarab yurdim, ichimga qochib berkinmadim, hech kim va hech nimadan qo’rqmadim. Boshimga sinov kelganida men yaqinlarim deb hisoblaganlarim asil yuzini ko’rsatdi va shu bahona atrofimdagilarni bir elakdan o’tkazib saralab oldim. Bu juda muhim kerakli jarayon men sizlarga aytsam. Men kuchliroq bo’ldim, jamiyatda nimanidir òzgartira olishimga ishonch uyĝondi, hayotimda oilam va men qurajak oila eng muhim asos ekanligiga amin bo’ldim, o’zligimni saqlab qolish uchun kurashda yutib chiqdim. Yo’qotganlarim ko’p bo’ldi, o’xshamagan, umidlarim o’zini oqlamagan ishlar o’tdi. Qadrsizlikning achchiq ta’mini totdim. Lekin, hozirgi kuchni his etishim uchun yana shu og’riqlarni yashash kerak bo’lsa, ikkilanmay yashab o’tardim. Asosiysi achinmayapman hech biriga. Men to’g’ri yashadim.

Ozarbayjonda 25-26-dekabr kunlari “Turk dunyosining yosh ijodkorlarining Lankaron anjumani” bo’lib o’tdi. Biz tarjimonsiz, qiyinchiliksiz, o’z tilimizda so’zlashib, fikr almashdik.

Men yana bir bor turkiy xalqlarning ildizi, madaniyati, tili, orzu-yu armonlari mushtarakligiga guvoh bo’ldim.

Quyidagi videoda chuvash va o’zbek tillarining bir-biriga qanchalik yaqinligini ko’rishingiz mumkin.

Videoda: Chuvashistonlik shoira Nataliya Gerasimova va men.

Operator va montaj ustasi shoir Suhrob Ziyo

Bilasizlar fbni bir yil avvalgi postlarni eslatadigan yoqimli funksiyasi bor.
U menga bir yil avvalgi yozuvchilar uyushmasida bòlib òtgan birinchi kitobim taqdimotini eslatdi. Unga meni tabriklagani ammajonlarim, katatam (dadamning katta akasi), katatamning qizi Nargiza opamlar kelgan edi. Juda xursand bòlgan edim, kutmagandim kelishlarini...
Ming afsuski, shu suratda sizlar kòrib turgan katatam bugun oramizda yòq. Oilamizning boshi edi, birlashtirib, yiĝib, yòl-yòriq kòrsatib, yordam berib turardi, mehribon, halim, yaxshi odam edi. Hammamizni òqishga, oilamizga munosib yashashga ruhlantirib turardi...
Yangi yilga har kim òzicha rejalar tuzib qòyadi, kimdir esa yòq, shunchaki oqimga òzini tashlab qòyadi. Har ikki holatdayam atrofingizdagi odamlarni òlishi mumkinligi, qayta kòrmasligingiz mumkinligi, nimagadir ulgurishingiz kerakligi yodingizda tursin. Yillik rejaga diydorlarni qòshing.
Oxiratingiz obod bòlsin katata, siz yaxshi yashadingiz🤲

Ochiq derazadan tetiklantiradigan sovuq va toza havo kirib turibdi, qushlar shovqini, qayerdandir futbol òynayotgan bolalarning ovozi kelyapti, uyda hech kim yòq, yolĝizsan, tinchlik va qalbingda kuchli oĝriq. Yozish uchun qulay bunday ideal va baxtli soatlar juda-juda kam bòladi.

Anjumanning birinchi kuni Ozarbayjon ommaviy axborot vositalari nigohida.

https://youtu.be/VYc3HbGGwTw?si=xkudbArTxlM06i9D

Shu kunlarda shoir Suhrob Ziyo va yozuvchi MohiRa Ozarboyjonda boʻlib oʻtayotgan Turk dunyosi yosh yozarlarining Lankaron anjumanida ishtirok etishmoqda.

Anjuman doirasida ijodkorlar Ozarbayjon xalq shoiri Sobir Rustamxonliga “Izlam” turkumidan oʻrin olgan mualliflik kitoblarini hadya etishdi.

@akademnashr

HAMDARDLIK
(Ozarbayjon uchoği halokatiga bağishlanadi)

Allohga omonat etilmish har jon,
Dilda omonatning yodi boshlandi,
Qozoq tuproğida yongan uchoqning,
Menim yuragimda dodi boshlandi.

Ozarim ozori —mening ozorim,
Portlagan uchoqday portladi zorim,
Sening-da, mening-da turk erur borim,
Turklikning yana faryodi boshlandi.

Kuylangan kuylarning kuygan qanoti,
Bir kun Turk böladi dunyoning oti,
Ungacha, qardoshim, tik tut saboti,
Endi xayol qurmoq choği boshlandi.

Sizga salom bölsin, ey shahid jonlar,
Örtaga chiqqanda sirlar, ayonlar,
Bizniki böladi barcha osmonlar,
Yolğon saltanatlar bota boshladi.

Birlikda motam-u, bayram-töyimiz,
Yurtimiz, shahrimiz, söqoq, köyimiz,
Tilimiz, sözimiz, xayol, öyimiz:
Orzuning she'rda bunyodi boshlandi.

Suhrob ZIYO.

26.12.2024.
Baku — Lankaron

https://t.center/suhrob_ziyo1

Ertalabdan menga gul sovgʻa qilishdi, shundan beri kayfiyatim koʻtarinki🥰

Bir-biringizni tabassumingizga sababchi boʻling💜

Bugun shoir Shodmonqul Salom tuģilgan kun

Tangrim, meni “yo‘q” de so‘raganlarga,
Manzilimni o‘chir yuraklaridan.
Tush ko‘rganday bo‘lsin bul qari morboz,
Sira ko‘rinmayin istaklarida.

Yo‘q, qo‘l siltamadim, tushundim xolos,
Asli erta chiqdi mening savodim.
Buncha ko‘ngli nozik ko‘ngil bergansan!
Ruhimning taqvosin buzdi hayotim.

Tangrim, karaming keng, qattiq yashirgin,
Odam bo‘yi yetmas joylaring borku.
Qushlarning tushiga meni yashirgin,
Va’dangda tug‘ilmay yashash ham borku!

Yuragim sovqotdi, nazar qil, Egam,
So‘raganimni ber, so‘rmagandan qo‘rq!
Ustimni yopib qo‘y, ochilmas qilib,
Bilasan — ustimni ochgiligi yo‘q!