#قصائد_شهادة_الامام_الجوادمؤسسة مــﮠــبـريــۅن للالــﺡــــــان
#الــﮠـاشــر_اﺡـــمد_الزوار🖤الســلام علـــيك يــا بــاب المـــراد
🖤ــــــــــــ◐◐◐◐◐◐◐◐◐ـــــــــــــــــــــــــ
#ميمر ما ننساك === يابو الهادي === ما ننساك
واجب نواسي الزهره === يومك نجدّد ذكــــــره
يابو الهادي ما ننساك
ــــــــــــــــــــــــــــــــــــــــــ
أنصارك إحنه إو شيعتك يامعصوم
ما ننسه يومك ياولينه المسموم
إنتَ الشباب المن ربيعك محروم
بمصابك إنعــزّي نبينه المهموم
حبــّيناك === يابو الغيره === حبــّيناك
طاغي الرماك إبغدره === يومك نجدّد ذكــــــره
يابو الهادي ما ننساك
ـــ
مفتوح ما ينسد أبد ديوانك
جود إو كرم يابو علي عنوانك
عمرك ﮔضيته غارﮒ إبأحزانك
من جور أرباب الغدر عدوانك
سمــّيناك === باب الرحمه === سمــّيناك
معروف جـودك أمره === يومك نجدّد ذكــــــره
يابو الهادي ما ننساك
ـــــ
يا ملجأ المحتار ياوالينه
يمـّك يزول الهم يبن هادينه
أنوارك الدرب العدل تهدينه
جودك ينبعة حيدره يروينه
وين إعداك === لـَعـْنـَه إعليهم === وين إعداك
ظل كـُل معادي إبجمره === يومـــــك نجدّد ذكــــــره
يابو الهادي ما ننساك
ــــــ
ياسيـّدي إحنه إبوطنــّه إو أغراب
حكمونه عـُشـّاﮒ الكراسي الأذناب
ما نعرف اﻟﻳﺤﭼــي صدﮒ لو ﭼـــذاب
ما عدهم إنصاف إو عدل بس إرهاب
وإحنه إوياك === ندعي إعليهم === وإحنه إوياك
نـُنـْطـُر فرجنه إو فجره === يومــــك نجدّد ذكــــــره
يابو الهادي ما ننساك
ـــ
ياراية العز والمجد يامنصور
وينك يبو الثار الأبي حل الجور
هذا يزيد إو زمرته يمنه إيدور
لكن وﮔف سيل الحشد سيف إو سور
وإنخيناك === ترفع سيفك === وإنخيناك
زيف المـُرادي إتنحـره === يومــــك نجدّد ذكــــــره
يابو الهادي ما ننساك
ــــــــــــــــــــــــــــــــــــــــــــــــــ ـــــــ
مع تحيات شاعر اهل البيت / جابر النجفي
.
✿ مؤسسة منبريون للالحان رقم 1
@ahmed_alziwar1✿مؤسسة منبريون لنشر القصائد 2
@ahmed_alziwar2✿مؤسسة منبريون للمقامات3
@ahmed_alziwar3 ✿مؤسسة منبريون للنعي4
@ahmed_alziwar5اكبر كروب لتلحين القصائد
https://telegram.me/joinchat/AAAAAD9pmsoMub22NRYqtA