#قصائد_شهادة_الامام_الجوادمؤسسة مــﮠــبـريــۅن للالــﺡــــــان
#الــﮠـاشــر_اﺡـــمد_الزوار🖤الســلام علـــيك يــا بــاب المـــراد
🖤ــــــــــــ◐◐◐◐◐◐◐◐◐ـــــــــــــــــــــــــ
#رئيسيةمِن سَماءِ الكاظميَّةِ الجريحةِ تُسْمَعُ نُدْبَةُ صاحبِ الأمرِ المُنتظرْ (ع) برحيلِ جدِّهِ مُحمَّدٍ الجواد (ع).
صَاحِبَ الأمْرِ بَكَتْ بَابُ المُرَادِ
ثُـمَّ نَـادَتْ يَـالِـثَـارَاتِ الـجَـوَادِ
فَمَتى يَعلُو لِواكْ لِـتَرَانا و نَرَاكْ
ــــــــــــــــــــــــــــــــــــــــــــــــــــــــــــــــــ
يابوصَالِح مُر عَلينه و اِرحَم اجروح الفؤاد
امنيتِي يامولاي مرّه نلتقِي ابّاب المُراد
إلعراق اِنكِسَر ضلعه و اِنمِلَت جور البلاد
كافي تنطِيهُم الفُرصَه گوم سَوّيهُم رَمَاد
هالنَّواصب عَيّشونَه العمُر بِثياب السَّوَاد
بَچّوا الزَّهره الزِّچيّه الليله لِمصَاب الجواد
فَجَعوا اليَومَ رُبوعَ الكَاظميّةْ
بِرَحِيلِ ابنِ الرِّضا خَيرِ البَريّةْ
جرحُ بَغدَادَ بَكَاكْ لِـتَرَانا و نَرَاكْ
ــــــــــــــــــــــــــــــــــــــــــــــــــــــــــــــــــ
إلجَوَاد ابعِز شَبابه چبده بالسَم ينجسِم
وَيْ علي الهادي تِصوّب شَهر ذِي القِعدَه ابْـيتِم
بَني العَبَّاس احمِلَوا مِن دين ربَّك بس إسِم
هُمَّه مَأثومين والله ايضاعفلهُم هَـالإثِـمْ
هاي أم الفَضِل غدرت تاسع ابحور العلِم
بَعَد ما أغرَاها عَمها الـمَالَه ذِمَّه المُعتصِم
دَولَةٌ قَدْ شَيّدوهَا بِالدِّمَاءِ
فَـعَلَيهِمْ كُلُّ لَعنَاتِ السَّمَاءِ
مَا جَنَوا بِالحقدِ ذَاكْ ؟! لِـتَرَانا و نَرَاكْ
ــــــــــــــــــــــــــــــــــــــــــــــــــــــــــــــــــ
يابوصَالِح إنته تدرِي و كِل حَچِينَه تستمِع
ذَاك يوم و هذا يوم الناصبه ابْـنَفس الطبِع
لو يصِح بِيديهُم ايكسرُون كِل ليله ضلِع
هنِد تِفرَح مِن تشوف ابْـعين فاطمكُم دمِع
جَذر هالشجره السقيفه و بَنِي العبّاس الفَرِع
انريد هالشجره ابْـفقارك مِن عرِگها تنشلِع
قُمْ و أهْلِكْ كُلَّ طَاغوتٍ مُغَفَّلْ
و اصلِبِ الجِبتَانِ فَالكرّارُ أوّلْ
أظْهِرِ الحَقَّ هُناكْ لِـتَرَانا و نَرَاكْ
ــــــــــــــــــــــــــــــــــــــــــــــــــــــــــــــــــ
ماكو غيرك نشتكيله يَالعشِت هَمنه سِوَه
إلنجف تلطُم يَمهدِي على امصيبة نَينَوَه
إلبقيع الكاظميّه ابْـنَار سامره اِنچِوَه
ماكو چاره الهالنَّواصب والله بَسْ سيفك دوه
أنته وينك مو جِزعنَه و ضَاگت انفاس الهَوَه
أ بِرَضوَى أمْ سِوَاها سيّدي أمْ ذِي طوه
سَاعَةُ الصِّفرِ مَتَى قُلْ لِيْ تَحِينُ
فِيكَ نَصرُ اللهِ و الفَتحُ المُبِينُ
سَيّدي روحِي فِدَاكْ لِـتَرَانا و نَرَاكْ
ــــــــــــــــــــــــــــــــــــــــــــــــــــــــــــــــــ
إرجَع ابْـرَاية مُحمّد كافي گلبك تِجرَحه
نگصِد ارض الكاظميّه بالبچِي و النايحه
والجواد انزور گبره و يمّه نقره الفاتحه
بِسمَه نبدِي ثوره بِيها گول كِل طاغي انمِحَه
انصَفّي بغداد و نفُرهَا مثِل مَـنْفُر الرَحَه
خاف اَمِس كربله صارت انعِيدهَا امن البارحه
هَذِهِ طَفٌّ بِهَا أمرٌ مُغَايِرْ
فَـحُسينٌ فَائِزٌ و الشِّمرُ خَاسِرْ
دَمُنَا يحمِي دِمَاكْ لِـتَرَانا و نَرَاكْ
ــــــــــــــــــــــــــــــــــــــــــــــــــــــــــــــــــ
رجعَوا اولاد السَقيفه و الخَليفه المُفتَري
ناس تِكره علي و تِكره كِل موالي جعفري
ما يهِمنه إحنه خرّيجين جَامعة الغري
اربَاة عبّاس ابوفاضل ما نبيع و نشتري
و الشِّعار الّي نرفعه لا سقيفه و سامري
رغم أنف النَّاصبيّه الحكُم يبقه حيدري
و الأميرُ المُرتَضى نِعمَ الأميرُ
و فُلانٌ و فُلانٌ لا يَصيرُ
ذَا نِدَانا و نِداكْ لِـتَرَانا و نَرَاكْ
ــــــــــــــــــــــــــــــــــــــــــــــــــــــــــــــــــ
٢٥ / ٨ / ٢٠١٥ الثّلاثاء
كرَّار حيدر الخفاجي
✿ مؤسسة منبريون للالحان رقم 1
@ahmed_alziwar1✿مؤسسة منبريون لنشر القصائد 2
@ahmed_alziwar2✿مؤسسة منبريون للمقامات3
@ahmed_alziwar3 ✿مؤسسة منبريون للنعي4
@ahmed_alziwar5اكبر كروب لتلحين القصائد
https://telegram.me/joinchat/AAAAAD9pmsoMub22NRYqtA