#قصائد_ليلة_الوحشة#مـۄسسـﮫ_مــﻥــبـريۄن_للالـﺢــانالــﮠــاشــﺭ اζـــﻣــد الــﺯۄار
🖤عمه زينب .. اشلون يرضه ننسبي
عمه زينب .. واحنه ما عدنه عـبي
🖤▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#تجليبة يا ليلة وحشـــــة وليانـــــي === ظلـّيت إبهمـّي إو أحزانــــي
ما تبرد نيران الروح === دلاّلي النازف مجروح
ظلـّيت إبهمـّي إو أحزاني
ـــــــــــــــــــــــــــــــــــــــــــــــــ
أمس چـانوا إخوتي إوياي أشوفنهم == والليلـــــه ولا واحد بگــــــــه منهم
عافوني وحيده إو حايره چنهم == يريدوني يسيره وأبتعد عنهم
وإشلون أتركهم أحبابــــــــي === وأمشي إو آني إبعز إمصابي
شتعــذّر للوالي إحسين === شتعــذّر صوّبني البين
تتوجـّر لهبـــــــة نيرانــــــي === ظلـّيت إبهمـّي إو أحزانــــي
ــ
يريدوني يسيره وأترك المذبـــــــــوح == يظل يمــّه دليلي إو ما يبطـّل نوح
للكافل تفارگنــــــــــــي إو تروح الروح == يظل بس الجسد ينزف يشيل إجروح
باچر أترك گلبــي إو روحــي === تمشي إو تنزف دم إجروحي
يحدون إبضعني الأرجاس === من بعد الكافــل عبـاس
ثابت ما ينهــــــز إيمانــــــي === ظلـّيت إبهمـّي إو أحزانــــي
ـــــ
تعالي إوياي ياساكنه نودّعهـــــم == يغطــّينه الظـلام إو نعتذر منهم
يعمــّه باچـر إنروح إو نفارگهم == ملائكــة السمه تنزل تفيـّي إلهم
ياسكنه إوياي إو عينينـــــي === خل إنزور الوالي إحسينــــي
وإنزور الساگـي العباس === ما حشمونه إنگلــّه الناس
والجود إبهمــّه إو نادانـــــي === ظلـّيت إبهمـّي إو أحزانــــي
ــ
ياليل إهدعش عاشور خلــّيني == أروح الكافلــــــــي ياليل دلــّيني
أريد إوياه أحچـي إو من يحاچيني == أگلــّه ليش ياعبـــــاس ناسينــــــي
وينك ياخويه إو ضــَيْ عيني === نومك يجرحني إو ياذينــــي
وأطفالك وصـّوني إبهاي === يردونك تسگيهم ماي
ياخويـــــــه إفراگك آذانــــــي === ظلـّيت إبهمـّي إو أحزانــــي
ـــ
ياليل إهدعش گلبي إنفطـــــر نصــّين == نص يم الكفل ضعني إو خذاه البين
نص يم مهجتي إو روحي الحبيب إحسين == وانـــــــي حايره إو أحبس دموع العين
ياليل أرجوك إتساعدنـــــــــي === طــوّل ساعاتك واعدنــــــي
خلــّيني أفتر عالوليـان === مهموم إگليبي إو لهان
صبري الما ينهز عنوانــــــي === ظلـّيت إبهمـّي إو أحزانــــي
ـــــــــــــــــــــــــــــــــ
مع تحيات شاعر اهل البيت / جابر النجفي
✿مؤسسة منبريون للالحان رقم 1
@ahmed_alziwar1✿مؤسسة منبريون لنشر القصائد 2
@ahmed_alziwar2✿مؤسسة منبريون للمقامات3
@ahmed_alziwar3 ✿مؤسسة منبريون للنعي4
@ahmed_alziwar5✿
#اكبر_قناة_لنشر_القصائد_مع_الالحانhttps://telegram.me/joinchat/AAAAAD2cKU7dhy13L1EGYQ