#قصائد_ القاسم_ع_ع1440
مؤسسة مــﮠــبـريــۅن للالــﺡــــــان
#الــﮠـاشــر_اﺡـــمد_الزوارــــــــــــ◐◐◐◐◐◐◐◐◐ــــــــــــــــ
محرررررم 1440 هـ
القاسم .
ع.
گلبي اليهواك . شافك محلاك . يالقاسم يالقاسم
أتخيل بيك . شي وامحليك . يالقاسم يالقاسم
وابخديك .. شامه اشعر بيها
حلوه اعليك .. وانته امحليها
يالقاسم يالقاسم
گلبي الهواك ايگلي . ابخدك الهي امخلي
شامه او تطفي ابنورك . لمن يجن الليل
ماخذ جمال العالم . لا حوه لاحتى آدم
وصلوا جمالك ذره . لو يلفي مية جيل
إمنين امسويك . الله اشحط بيك . حاچيني حاچيني
لا مو من طين . سواك امنين . حاچيني حاچيني
اشگد تدعيه .. امك ادريها
حلوه اعليك .. وانته امحليها
يالقاسم يالقاسم
يوسف جماله اگبالك . انقيسه اويه خيط ابشالك
نعرف حرام اعلينه . انقيس احنه يوسف بيك
مايوصل الحلاتك . ماعنده من شاماتك
لو مره يوسف شافك . يكتب قصيده اعليك
يوسف يحتار . يكتب اشعار . لو شافك لو شافك
يكتب ديوان . لحله الشبان . لو شافك لو شافك
والديوان .. قصتك يرويها
حلوه اعليك .. وانته امحليها
يالقاسم يالقاسم
_
الماي انته من اتشربه . ايبين اظن بالرگبه
إمن الرقه ربك خالق . جاسم رگبتك هاي
حتى الهوى لبريتك . يتنقه من حنيتك
من وجهك او نوريته . الروحك تسوي افياي
وجهك طاووس . والريح اتبوس . بعيونك بعيونك
الطير الما نام . ايغازل جسام . بعيونك بعيونك
احله اطيور .. انته اتحاچيها
حلوه اعليك .. وانته امحليها
يالقاسم يالقاسم
وادمنه شيگلولك . من ينظرون الطولك
شو يحله شاب انشوفك . ماتشبه الأنسان
ماتشبهك هالوادم . تشبه فقط ياجاسم
هالؤلؤ اللي انشوفه . لو تشبه المرجان
هذا الياقوت . ايشبهك بسكوت . هنياله هنياله
الشافك مبخوت . ماظن ايموت . هنياله هنياله
هاي الناس .. نورك سابيها
حلوه اعليك .. وانته امحليها
يالقاسم يالقاسم
_
هالكحله حلوه ابعينك . والحنه هم بيدينك
يبن الحسن محلاها . يكثر جمالك راح
ثوب العرس لتلبسه . ايخبل عليك انحسه
تطلع گمر محلاتك . والينظرك يرتاح
ايحليك اهواي . عرسك يهواي . يحلالك يحلالك
هذه الشوباش . ابعرسك لو طاش . يحلالك يحلالك
وابأيديك .. الحنه انخليها
حلوه اعليك .. وانته امحليها
يالقاسم يالقاسم
__
طف كربله يشهدلك . بالحومه محد مثلك
لمن برزت اعليهم . هد الجمال اوياك
ما رادوا ايبرزولك . خجلوا ترى ايصدولك
حيل استحوا
عُذالك . اينظرون الى عيناك
واللي ايبرزون . بس ايصفنون . بوصافك بوصافك
لا ميرجعون .حيل ايذوبون . بوصافك بوصافك
حتى اعداك .. ابحيره امخليها
حلوه اعليك .. وانته امحليها
يالقاسم يالقاسم
حيدر الحلفي
تابعونا على قناتنا بالتلگرام على الرابط
👇قناة الشاعر حيدر الحلفي
✿ مؤسسة منبريون للالحان رقم 1
@ahmed_alziwar1✿مؤسسة منبريون لنشر القصائد 2
@ahmed_alziwar2✿مؤسسة منبريون للمقامات3
@ahmed_alziwar3 ✿مؤسسة منبريون للنعي4
@ahmed_alziwar5اكبر كروب لتلحين القصائد
https://telegram.me/joinchat/AAAAAD9pmsoMub22NRYqtA